ከባርነት በላይ ነፃነት ለሰው ልጅ ትልቅ የሀላፊነት ሸክም አለው።

አንድ ባሪያ በባርነት ዘመኑ ውሎው ምግቡ የሚሰራው የሚለብሰው በሙሉ የተወሰነለት በመሆኑ የተለየ የሚያስጨንቀው ነገር የለበትም። ይሄን ባሪያ ከባርነት አውጥታቹ ነፃ ብታደርጉት ግን ወዴት መሄድ እንዳለበት ፣ ምን መስራት እንዳለበት ፣ በትርፍ ጊዜው ምን እንደሚያደርግ ፣ ስለሚለብሰው ፣ ስለሚጠጣው ስለ እያንዳንዱ ነገሩ የማሰብና የመጨነቅ ሀላፊነትም አብሮ ይመጣበታል።

ከመፅሐፍ ቅዱስ ዘፍጥረትን ብትመለከቱ ስለዚህ ሐሳብ በጥሩ ሁኔታ ዬብራራል። ልክ አዳምን ፈጣሪ እንደፈጠረው ሙሉ ለሙሉ ለነፃነቱ ተላልፎ እንዲሰጥና ዝም ብሎ የ አልባሌ ውሎ እንዲውል አላደረገውም። ይልቅስ አዳምን የ ገነትን ዛፎች እንዲንከባከብና ፣ ለእንስሳቱ ስም እንዲሰጥ በመሳሰሉ ነገሮች እንዲጠመድ ነበር ያደረገው።

ሰው ያለምንም ሀላፊነት ሙሉ ለሙሉ ዝም ብሎ ነፃ ሆኖ ቢኖር ግራ መጋባትና ጭንቀት ውስጥ ይገባል። ሰውን በድብርት ለመግደል psychological killing ከፈለክ ዝም ብለህ እየቀለብከው ያለምንም ሀላፊነት እና ስራ ልቀቀው ያኔ መን እንደሚያደርግና መስራት እነዳለበት ምን ሀላፊነት መውሰድ እንዳለበት ባለማወቁ በራሱ ፍላጎቶች ተጠልፎ ይወድቃል።

"ስራ ያጣ መነኩሴ ቆቡን ቀዶ ይሰፋል"
"ስራ ከምፈታ ልጄን ላፋታ"

@ourrthought

³⁴ ነገ ለራሱ ይጨነቃልና ለነገ አትጨነቁ፤ ለቀኑ ክፋቱ ይበቃዋል።

ማቴ ፦ 6
@ourrthought

Astral Projection ስለሚባለው ነገር እንቸክችክ ይሆን?

ምናልባት ሞክራችሁት ልምዱ ያላቹህ ሰዎች በ comment ላይ አስቀምጡና ምናልባት ሰፋ አድርጌ እፅፍላቹሀለሁ።
ወይ ደሞ ቀን መድበን በ voice discuss ልናደርግበትም እንችላለን።

ስለ Astral Projection ሐሳቡ የሌላቹህ Behind Her Eyes የሚለውን 6 ክፍል ያለው ፊልም ብታዩት ይበልጥ ስለ ጉዳዩ ለመረዳት ይረዳቹሀል!

‎ ሴትየዋ ልጆቿን ከነዚህ ክፉ መናፍስት ለማዳን ታዲያ ልጆቿንና ባሏን እሷንም ክፉ መንፈስ ሳይቀድማት ለመቅደም ገላቸው ቀድማ ገነት ለመግባት ነው የምታስበው።
‎
‎ ሳይኮሎጂው እንዲህ አይነት ነገሮች ሳይንሳዊ ባለመሆናቸው ለመቀበል ይቸገራል። ይንን ነገርም ሳይኮቲክ እያለ ሰዎቹን ከ እውነታው አለም የተለያዩ (Delusional) የቀን ቅዥት ያሌለን ነገር ማየት (Hallucination) እያለ የዳቦ ስም ይሰጣቸዋል። በርግጥ አሁን አሁን ይህን መንፈሳዊ አለም ማግለሉ እንደማያዋጣው ስላወቀው ሳይኮሎጂው መንፈሳዊነት (spirituality) እያለ ማካተት እየጀመረ ነው።ግን ገና ብዙ ይቀረዋል።
‎
‎አጠቃላይ ልምምዱ ጥንት የነበረ ልምምድ ሲሆን ማንኛውም ሰው እንዲያደርገው የማይመከር ከፍተኛ የሆነ መንፈሳዊ ጥንካሬ ካዳበርን በኋላ መደረግ የሚገባው ነው። በዚህ ዙሪያ የተሰሩ Behind her eys እና Insidious የሚሉትን ፊልም review እሰራላቹህና የተሻለ ለመረዳት ይረዳናል።

‎
‎@ourrthought

የAustriaው psychologist Alfred Adler የምትጣፍጥ "Social Interest" የምትል ሃሳብ አለችው። እሱም እንዲህ ሲል ያብራራታል Social Interest(social feeling) is our attitude of relatedness or oneness to social community of all people። ቀጥሎም social community of all people ሲል literally "Humanity" ማለቱ እንደሆነ ይነግረናል።
እኔም ማውራት የፈለኩት ስለዚህች humanity ወይንም ደግሞ ሰዋዊነት ስለምትለዋ ሃሳብ ነው። ታዲያ ይህ የሰዋዊነት ሃሳብ በጣም ብዙ በሆኑ ሃሳቦች እና ድርጊቶች ምክንያት ከሞላ ጎደል እንደ ዓለም እየጠፋ ያለ ነገር ነው። የሰው ልጅ እራሱን የሰዋዊነት(ሰብዓዊነት) አንድ ክፍል አድርጎ ማየት ካቆመ ትንሽ ሰንበትበት ብሏል። ለዚህም የፈጠርናቸው ideologyዎች፣ ስርዓቶች፣ ተጠያቂዎች ናቸው። እስቲ በትንሹ እንያቸው።...

1. በመጀምሪያ በተለያዩ ጊዜያት መልኳን እየቀየረች የተከሰተችው የ"CLASS" ሃሳብ የሰውን ልጅ ሰዋዊነቱን ትቶ፣ ከሰዋዊነቱ ውጪ ራሱን የሚያይበት መከፋፈልን ሰጥታለች፣ እንደ ምሳሌ ያህል የBourgeoisie class (የባላባት መደብ) እና የProletariat class (የሰራተኛ መደብ) ብለን እራሳችንን ከፍለን በሰውነት ከመታወስ በሆነ መደብ ስር ራሳችንን ከትተን በዚያ መታወስን መርጠናል።
 
2.ከዚያ አለፍ ሲልም "MATTER OF COLOR" ወይን ደግሞ ራስን በቆዳ ቀለም ለይቶ የአንዱ ጎራ ሆኖ መመደብ እንዲሁ ከሰዋዊነት ያወጣን ሃሳብ ነው። ጥቁር መሆን የምድር እርግማን መሆን እስኪመስል ድረስ ጥቁር መሆን ባሪያ(slave)፣ ጥቁር መሆን ገረድ፣ ጥቁር መሆን አመፀኛ፣ ጥቁር መሆን ሌባ መሆን እንደሆነ ተደርጎ ተወስዶ ጥቁሮች ላይ በታሪክ ስንዳስሰው የማይረሳ ጠባሳ ጥሎ አልፏል። በሌላ ጎኑ ደግሞ ነጭ ማለት ጥበበኛ፣ ሁሉን አዋቂ፣ የፈጣሪ የብቻ የእጁ ስራ ምናምን ተደርጎ ሲወሰድ ሰንብቷል ለብዙህ ጊዜ። የቀለም ልዩነቱን ገፋ አድርገን አለፍ ብለን ስናየው፣ በውስጡ ጥቁር ለጥቁር ይደግፍ፣ ነጭ ለነጭ ይደግፍ የሚል ሰውን በቀለም የመለየት ሃሳብን በውስጡ ይይዛል።
 
3. አለፍ ስንል ሰዋዊነታችንን ትተን በ አህጉር መከፋፈልም አለ። ማለትም አፍሪካዊ፣ አውሮፓዊ፣ ኤዢያዊ ምናምን እያልን ወደመከፋፈልም አልፈናል ማለት ነው። ስፋቱ ጠቦ መከፋፈሉ የሚሰፋው ደግሞ አለፍ ብለን በሃገር ደረጃ ወደመከፋፈላችን ስንሄድ ይሆናል። ከዚህም ደግሞ ሲለጥቅ እንደኛ እንደ እማማ ኢትዮጲያ ባሉ ሃገራቶች ውስጥ ደግሞ በዘር መከፋፈል፣ በሃይማኖት መከፋፈል፣ ይቀጥል ይቀጥል እና ደግሞ በሰፈር ወደመከፋፈል ድረስ ይደርሳል።

ሃሳቡ እንዴት መሰላቹ፣ ፈጣሪ ሲፈጥረን የፈጠረው፣ ተዋደዱ ሲል ተዋደዱ ያለው ሙስሊሙን ከሙስሊሙ፣ ጉራጌውን ከጉራጌው፣ እትዮጲያውን ከኢትዮጲያዊ፣ አፍሪካውን ከአፍሪካዊ፣ ነጩን ከነጩ አይደለም። ከዚያ ይልቅ ሰውን ከሰው ነው፣ ይህንን ነው Adler oneness to the social community of all people የሚለው። humanity ማለትም ይሄ ነው። ጓደኛዬ ብለህ የጠራኸውን ሰው ጉዳዩ የሃይማኖት ወይንም ደግሞ የዘር ሲሆን ጀርባህን ከሰጠኸው ከዚህ social community of all people (humanity) ጋር የ oneness ስሜት የለህም ማለት ነው።ይሄም ይመስለኛል ትልቁ ችግር በሁሉም ግንኙነታችን ውስጥ የhumanity sense ከሌለ ግንኙነታችን ለመፍረስ ጊዜ ተጠባባቂ ነው ማለት ነው፣ ማለትም የሚዘልቅ አይሆንም ምክንያቱም ግኑኝነታችን የተመሰረተው ሰውነታችን ላይ ሳይሆን ቡድናዊነታችን ላይ ነዋ፣ ቡድናዊነት ደግሞ የሚዘልቅ አይደለም መቼም ቢሆን የሆነ ሰዓት ላይ ሊቀየር ይችላል።  እንደውም ለዚህ የሚሆን አሪፍ ማሳያ የሚሆነው በዕድሜያችን ያን ያህል ባልራቀው የኢትዮጲያ እና የኤርትራ ግንኙት ነው፣ አንድ ነበርን ፣ ተቀላቅለን፣ ተቀላልደን፣ ተፈቃቅደን ኖረናል፣ ተዋልደናል፣ አልፈናል። ከዚያ ግን ምንድነው የሆነው በኢትዮ-ኤርትራ ጦርነት ወቅት? ባል ከሚስቱ በሚስቱ ትውልደ ኤርትራዊ በመሆን ብቻ ላይገናኙ ተለያይተዋል፣ ከዚህም ባለፈ ሌላም አይነት የተለያዩ ላይገናኙ የመለያየት ታሪኮችን ሰምተናል። ለዚህ ደግሞ ምክንያቱ  አንድነታችን የተገነባው መለያየታችን ላይ ስለሆነ ነው። ባልና ሚስቱን ያለያያቸው የትውልድ ቦታ ልዩነታቸው ነው እንጂ የፍቅር ጉድለት ምናምን አልነበረም የሌላውን እንደዛው።

ይሄ ሃሳብ ከምንም በላይ በአሁኑ ጊዜ በኢትዮጲያ ላይ ይንፀባረቃል።ሁሉም ሰው ከጎረቤቱ ጋር እንደ ድሮው በፍቅር ሳይሆን በአይነ ቁራኛ መተያየት ጀምሯል። መዋደድ፣ መከባበር፣ መቻቻል ምናምን የሚሉ ሃሳቦች በሃገራችን ውስጥ ተዘቅዝቀው ከተሰቀሉ ሰንብተዋል። ማንም ሰው አጠገቡ ያለውን ሰው የሚለካው ባለበት የሃይማኖት ቡድን ወይንም ደግሞ የዘር ጎሳ ምናምን እንጂ  በሰውነቱ አይደለም። even እንደውም ይለይላቹ ሲለን ኢትዮጲያ ውስጥ አይደለም በሰውነት መለካት ይቅርና የኢትዮጲያዊነት ስሜቱ ራሱ እየጠፋ ሁላችንም የሆነ ቡድን አካል ተደርገን ተወስደን ነው ልኬት የሚሰጠን። ከምንም በላይ ግን  idea of humanity መቅደም ነበረበት። ማንም ሰው መዳኘት ያለበት በቆዳ ቀለሙ መሆን የለበትም፣ በሚኖርበት ሃገር ወይንም አህጉር መሆን የለበትም፣ በሚከተለው ሃይማኖት ወይንም ደግሞ በተወለደበት ጎሳ አይደለም መዳኘትም፣ መወደድም፣ መነቀፍም ያለበት ከዚያ ይልቅ በሰውነቱ እንጂ። የሃገሬ ሰው ከማለታችን በፊት ሰውነቱ መቅደም ነው ያለበት፣ ካልሆነማ የሃገር ልጅነትም በፖለቲካ ይነጠቅና ወደ ጠላትነት ይቀየራል። እና ሃሳቤን ሳሳጥረው...
                    

ከጥቁርነት፣ ከአፍሪካዊነት፣ከኢትዮጲያዊነት፣ከጌዴዮንነት፣ከክርስቲያንነት፣ ሰዋዊነት (humanity) ይቀድማልና ትስስራችን ከቡድናዊነት ጋር ሳይሆን ከሰዋዊነት ጋር ይሁን።!

@ourrthought

Narcissistic Personality Disorder NPD

‎ከቅርብ ጊዜ ወዲህ ስሙ እንደ ዳዊት ከሚደጋገሙ የ አዕምሮ ችግሮች ውስጥ Narcissistic Personality Disorder ዋነኛው ነው። ይህ ስም ከየት ነው የመጣው? ከሚለው ጀምሮ እንመልከት።
‎
‎Narcissistic የሚለው ቃል የመጣው ከ ግሪክ አፈታሪክ (Greek myth) ነው። Narcissus የተባለ አንድ መልከመልካም ቆንጆ ወጣት የሆነ ያዩት ሴቶች በፍቅሩ የሚከንፉ እሱ ግን ለነሱ ፍቅር ቁብ የማይሰጠው ነበር። ከብዙ በፍቅር ከወደቁለት ሴቶች መሀል የገደል ማሚቶ (Echo) አንዷ ነበረች። ልቧ በፍቅር ተጎድቶ በሱ ፍቅር  ስሙን እየደጋገመች ድምጿ ብቻ እኪቀር በና ትጠፋለች።
‎ይሄን ያዩ የግሪክ አማልክት Narcissus ለ Echo ያሳየውን ሀዘኔታ የማጣትና ርህራሄ ቢስነት ለመቀጣጫ እንዲሆነው ዘንድ ዉሀ ሊጠጣ ሲሄድ የራሱን ፊት በውሀ ነፀብራቅ አይቶ በፍቅር እንዲወድቅና ፊቱን ብቻ እያየ ከራሱ ፍቅር ወድቆ ምግብና ውሀ ተጠምቶ ይሞታል። በሞተበት ቦታ Narcissus የተባለ አበባ በቀለበት።
‎
‎ይህችን አፈ ታሪክ በመውሰድ Paul Nacke 1889 G.C Narcissism ለማብራራት የተጠቀመው። Narcissus የራሱን ምስል ውሀው ውስጥ አይቶ የራሱ ፊት መሆኑን ሳያውቅ ሌላ ሰው መስሎት በፍቅር የወደቀ መሆኑ ታሪኩ የሚያስረዳን ከራሱ ትክክለኛ ማንነት ጋር ሳይሆን በፍቅር የወደቀው በውጪ ከሚታየው ምስሉ ጋር በመሆኑ Narcissistic Personality Disorder ያለባቸውም ሰዎች ከሰዎች ጋር ባላቸው ግንኙነት በሰዎች ውስጥ የራሳቸውን ስሜትና ፍላጎት ብቻ የሚመለከቱ መሆኑንና ከሰዎች ጋር ባላቸው በግንኙነት ውስጥ የራሳቸውን ነገር ብቻ ማዕከል ያደረጉ መሆኑን ለመግለፅ ነው።
‎
‎Narcissistic Personality Disorder (NPD) ከ Personality Disorder ውስጥ የሚመደብ ዲስኦርደር ነው። NPD ማለት ከእውነታው የማይገናኝ ከፍተኛ ግምት ለራስ መስጠት የማይቋረጥ ከመጠን ያለፈ ትኩረትና እንክብካቤና አድናቆት ከሌላ የሚሹ ለሰዎች ስሜትና ጉዳት ግድ የማይላቸው ነገሮችን ከራሳቸው አንፃር የሚመለከቱ ከማንም በላይ እንደሆኑ የሚሰማቸው ርህራሄ የሌላቸው ናቸው። Narcissistic የሆኑ ሰዎች አለማቸውን የሚገነቡት ከውጪ ባለው አስተያየት ሙገሳ እንክብካቤ እንጂ ከራሳቸው ጋር ባላቸው እውነተኛ ማንነት አይደለም። የፍቅርና የጓደኝነት ግንኙነት መመስረት የሚቸገሩ ናቸው። cold lover ይባላሉ። ሰጥቶ ከመቀበል ይልቅ በመቀበል የሚኖሩ ናቸው። የትኛውም ግንኙነት ሲመሰርቱ ጥቅማቸውን የሚያስቀድሙ ናቸው።
‎
‎በዚህ ችግር ውስጥ ያሉ ሰዎች እራሳቸውን የሚያዩት ለ አለም በጣም አስፈላጊ እንደሆኑ ከሁሉ በላይ ያልተገደበ ችሎታ ፣ጂኒየስ ፣ ቆንጆ ፣ አስተዋይ እና ፍቅር ያላቸው እንደሆኑ አድርገው ነው። ለሚያደርጉት ድርጊት ሙገሳን የሚሹ ካልተሞገሱ ግራ የሚገባቸው እነሱ መደነቅ የሚፈልጉበትን ድርጊት ሌላ ሰው ሲያደርገው የሚያጣጥሉ የሌሎችን ስኬት የሚያፌዙ እና የሚንቁ ናቸው። እራሳቸውን አያይዘው ማንሳትና ማወዳደር የሚፈልጉት ከታላላቅ ሰዎች ጋር ነው። እውቀት ባይኖራቸውም ችሎታቸው ውስን ቢሆንም እነሱ ግን ከ ስመ ጥር ዶ/ር ፣ ጠበቃ ፣ ሳይንቲስት ፣ ፈላስፋ ጋር የራሳቸውን ስራና ስም አያይዘው ማንሳትና መፎካከር የሚሹ ናቸው። መሬት ላይ ግን ምንም እውቀቱም ችሎታውም የሌላቸው ሊሆኑ ይችላሉ።
‎ ስለራሳቸው የሚሰማቸው ምን አይነት ምጡት እንደሆኑ ፣ ማንም የሌለው ተሰጦ ያላቸው ፣ የተለዩ አድርገው ነው።
‎
‎በ Narcissistic personality disorder የተጠቁ ሰዎች ትችትን አጥብቀው የሚፈሩ ሰዎች ሲነቅፏቸው እነዛ ሰዎች ከነሱ ጋር ችግር ስላለበትና ስለሚመቀኝ እንጂ ስህተት ሰርተው እንዳልሆነ የሚያስቡ ናቸው። አድናቆትን አብዝተው የመሻትና ሲደነቁ ጥሩ የሆነ ስሜት የሚሰማቸው (Hypo mood) ላይ የሚገቡ በተቃራኒ ትችትን የመፍራት ሁኔታቸው አቅማቸውን እንዳይጠቀሙ ያግዳቸዋል። ከሰዎች እራሳቸውን ማግለል እና ብቸኝነት የመሆን ስሜት ያሳድርባቸዋል።
‎
‎በዚህ ችግር የተጠቁ ሰዎች ትልቁ ችግር ያላቸውን ባህሪ ማስተዋል አይችሉም። ሰዎች ችግራቸውን ሊነግሯቸው ሲሞክሩ ምን አለብኝና ነው? በማለት ወደ ሰውየው የሚያዞሩ ናቸው። የራሳቸውን ችግር የሰውየው እንደሆነ እንዲሰማው (Gaslight) የሚያደርጉ ሰዎችን ለራሳቸው ጥቅም (Manipulate) በማድረግ የሚታወቁ ናቸው። ግን ችግር እንዳለባቸው ማመን አይፈልጉም። ይልቅ ሰዎች ስለማይረዷቸው እንደሆነ ይሰማቸዋል።
‎
‎Narcissistic Personality Disorder በዋናነት በ 4 ይከፈላል
‎
‎Grandiosity Narcissistic : ስለራሳቸው ያላቸው ምልከታ ከመጠን ያለፈ ነው። አለም ያለሱ የሚጨለምባት የሚመስላቸው የሚመስላቸው። ነቀፌታን የማይቀበሉ ከፍተኛ የሆነ ሙገሳን የሚሹ ናቸው። እኔ እንዲህ አድርጌ እንዲህ ሰርቼ ማንም ያላሳያችሁን አሳይቼ የሚሉ ናቸው። ከፍተኛ የሆነ በራስ መተማመን ያላቸው የሚመስሉ ሰዎችን የሚንቁ ናቸው።
‎
‎Malignant Narcissistic : እኚህ ውስጥ ያሉ ሰዎችን manipulate, gaslight, exploit የሚያደርጉ ለ ፍቅር አጋሮቻቸው ሀዘኔታ የሌላቸው በሰዎች የሚጠቀሙ ናቸው።
‎
‎Covert Narcissistic : በዚህኛው የ Narcissism ችግር ውስጥ ያሉ ሰዎች እነሱ በጣም እምቅ አቅም ኖሮዋቸው አለም ግን እነሱን ሊረዳቸው እንዳልቻለና እነሱ ያላቸውን የንቃት ደረጃ አለም ያልደረሰ በመሆኑና የነሱ አቅም ከሁሉ በላይ እንደሆነና አለምንና ሰዎቿን ለውድቀታቸው የሚወቅሱ ናቸው። ብዙ ግዜ በዚህ ውስጥ ያሉ ሰዎች Low self esteem ያላቸው ሊመስሉ ይችላሉ። ግን ነገሩን ጠልቀው ሲያስተውሏቸው ከሁሉ በላይ የሆነ እውቀት እንዳላቸው በውጣቸው የሚያስቡ ናቸው። የነሱ ችሎታና እውቀት መውጣት ያልቻለው አለም የነሱ የማወቅና የማሰላሰል አቅም ላይ ስላልደረሰ ነው ብለው እራሳቸውን እንደ ተጠቂ የሚቆጥሩት ናቸው። ብዙ ጊዜ የሚረዳቸው ሰው እንደሌለ ስለሚያስቡ በ ድባቴ (Depression) የመጠቃትና በሱስ የመውደቅ እድላቸው ሰፊ ነው። አልፎ አልፎ አንዳንድ ደራሲዎች ሽው ትልባቸዋለች።
‎
‎Communal Narcissistic : ይሄኛው አሁን ላይ ባለው የ social media ዘመን በስፋት የሚታይ ነው። ልክ የሆነች ችግር በተከሰተች ቁጥር ችግሩ በተከሰተበት ቦታ የሆነች ድጋፍ ይዘው በመሄድ የሚሰጡትን ድጋፍ በየ social media ያጥለቀልቁታል። ላደረጓት እያንዳንዷ ዕርዳታ ምስጋና የሚሹ አቤት ቸርነትህ አቤት መልካምነትህ አንተኮ ባትደግፋቸው ማለቃቸው ነበር እንዲባሉ የሚሹ ከ ካሜራ ጀርባ ምንም ድጋፍ ማድረግ የማይፈልጉ ናቸው። ልክ የሆነች ድርቅ ስትከሰት ወይ ጎርፍ ለነሱ ፌሽታ ነው። አንድ ኪሎ ዱቄትና አንድ ዘይት ሰጥተው በዛ ነገር መወደስና መመስገን የሚሹ ናቸው። ድጋፍ የሚያደርጉት ለሰዎቹ አዝነው ሳይሆን ለ መወደስና ለመመስገን በዛም Like እና የበጎ ሰው አዋርድ ለማግኘት አቅደው ነው። ከላይ ከላይ ስፊታዩ ምስኪንና ደግ ነው የሚመስሉት ከጀርባቸው ግን ያለው ምክንያት ውዳሴ እና Like ነው። የ Tik tok አለም ይሄን ቁልጭ አድርጎ የሚያሳይ ነው። የሆነች ኮሽ ያለች ነገር ስትኖር ካሜራቸውን አንጠልጥለው ሲሯሯጡ ማየት የተለመደ ነው።

@ourrthought

‎
‎በአምስተኛነት የሚያዝ አለ (Bening) በቅርቡ የመጣ። ያላቸውን ቁስና ማንኛውንም ነገር የሚያስቆጥሩ የሌሎቹን የሚያናንቁ። እነሱ የሚቀቡት ሽቶ ማንም የሌለው እንደሆነ የሚነዱት መኪና ሱፍ ማንም የሌውወ መሆኑን የሌሎቹ ቁስ ተራና ርካሽ መሆኑን የሚያሳዩ ስለሚበሉት ምግብ ውድነት በየቀኑ በየደቂቃው የሚያዳንቁ የሚያወሩ።

የ Narcissism Personality Disorder ዋና ዋና ምልክቶች ከሚባሉት በዋናነት 9 ምልክቶች ይጠቀሳሉ።

1. Lack of empathy ( ርህራሄ ያለማሳየት) : በዚህ በ Narcisstic የተጠቁ ሰዎች ለሌሎች ሰዎት ሀዘኔታና ርህራሄ የላቸውም። በድለዋችሁም ወይ በነሱ ምክንያት እናንተ ችግር ገብታቹሁም ህይወታቹህ ተመሰቃቅሎ ምንም ርህራሄ አይሰማቸውም። ትዳር ውስጥ ወይ ለልጆቻቸውም ስሜት አልባ የመሆን ችግር ይታይባቸዋል። ብዙ ጊዜን ችግር ከ Psychopath ጋር የሚያገናኙበት መንገድ አለ ልዩነቱ psychopath ከነጭራሹን ርህራሄና ሀዘን የማይሰማቸው ሲሆን ናርሲስቲክ ችግር ያለባቸው ግን ስለድርጊታቸው አልፎ አልፎ ሀዘን ውል ሊልባቸው ይችላል።

2. Entitlement : ከሌሎች የተለዩ እንደሆኑ ማሰብ። እኔ የተሻለ ትኩረትና እንክብካቤ ማግኘት አለብኝ። ልዩ በመሆኔ እኔን ብቻ እንክብካቤ ይገባኛል የሚል አጀባና እንክብካቤ የሚሹ ናቸው።

3.Grandiosity behavior : ስለራሳው ያላቸው ግምት ከነባራዊው ሁኔታ ጋር የማይገጥምና ስለራሳቸው ያላቸው ግምት መሬት ላይ ካለው የማይገናኝ ከልክ በላይ የተጋነነ ነው። ህልማቸው ከሁሉ የበላይ የሆነ ያክል ይሰማቸዋል። ግን በውኑ አለም ያለው የራሳቸው አቅምና እውቀት ከዛ ያነሰ ነው።

4. Superficiality : ሁሉ ነገራቸውን ከሚኖሩበት መኖሪያ ግዝፈት ፣ ከሚበሉት ምግብ ውድነት ፣ ከሚለብሱት ልብስ ፣ ጫማ ፣ መኪና ወዘተረፈ የሚለኩ ከዛ በስተጀርባ ያለውን ማንነታቸውን የማያሳዩ በውጪው ነገር ብቻ ለራሳቸውና ለሰዎች ግምት የሚሰጡ ናቸው።

5. Chronic seeking of admiration : ይሄኛው የማይቋረጥ ውደሳ ሙገሳ መቀበል የሚሹ ናቸው። አንተኮ ትለያየህ ፣ ካንተ ውጪ ሰው ለምኔ ፣ ዛሬ ደሞ ያደረከው ድንቅ ነው እያላቹህ በሚሰሩት እያንዳንዱ ነገር እየተከተላቹሁ ማቆለጳጳስ አለባቹህ። ይሄ በዚህ ባለንበት like, comment and share እየቆጠሩ የሚደሰቱና like በቀነሰ ቁጥር አለማቸው የሚጨልምባቸው አይነተኞች ናቸው።

6. Tendency to rage : ይሄኛው ባህሪ ከነሱ ሀሳብ ጋር ካልተስማማቹህ እና እነሱን እሺ ካላላቹህ ስሜታቸውን ቁጣቸውን መቆጣጠርና መግራት የሚቸግራቸው ናቸው። በትንሹ ነገር እያንባረቁ ሊያሸብሯቹህ ይችላል። ትዕግስት እና መረጋጋት የተሳናቸው ናቸው። እንዲህ አድርጉ ብለው ከዘገያቹህ በቁጣ በጩኸት መድረሻ ያሳጧቹሀል። ብዙ ጊዜ አለቆች የሚታይባቸው ችግር ነው።

7. Arrogance : ይሄኛው ደሞ በቃ ከኔ በላይ አንተ ታውቃለህ? ማነው ከኔ በላይ አዋቂ? የሚሉ ሁሉም ነገር ላይ ከነሱ በላይ አዋቂ ያለ የማይመስላቸው ሰዎች ናቸው። ምንም በማያውቁት ርዕሰ ጉዳይ ላይ ፕሮፌሰሩን እከሌኮ መሀይም ነው ሊሏቹህ ይችላል። በግልፅ እኔ ካንተም ከማንም በላይ ነኝ ይላሉ በድፍረት እውነታው የተገላቢጦሽም ሆኖ።

8. High or low self esteem : ይሄኛው ከልክ ያለፈ በራስ መተማመን ወይ ዝቅ ያለ ይኖራቸዋል።

9. Envy and satisfaction by others suffering : ከፍተኛ የሆነ ቅናት ይሰማቸዋል። ሰው ሲሳካለት ይደብራቸዋል ፍቅረኛቸውም ሊሆን ይችላል። በሌሎች ሰዎች ስቃይና ሀዘን ከነሱ ጋር ጠላት ባትሆኑም በስቃያቹ ሊደሰቱ ይችላሉ ማግኘታቹህ ያንገበግባቸዋል።

ሌሎችም ብዙ አሉ ግን አብዛኛዎቹን ናርሲስቲክ ሰዎች የሚያመሳስላቸው እነዚህ ናቸው። ከነዚህ ውስጥ ቢያንስ አምስቱ ምልክቶችን በራሳቹህ ላይ የምታዩ ከሆነ ይህ ችግር እንዳለባቹህ አምናቹህ counseling መጀመር ነው ያለባቹህ።

ይሄ የ Narcissism Personality Disorder ችግር መነሻው ከየት ነው? ወይ አባባሹ ምንድነው? ካላቹህ በሁለት ከፍሎ ማየት ይቻላል። Nature (በተፈጥሮ) vs Nurture (በመማር) ቤተሰብ የሚቀርፅበት ወይ የሚያሳድግበት መንገድ ማለት ነው። አብዛኛውን ድርሻ የሚወስደው ከተወለድን በኋላ ያለው የ አስተዳደግ ውጤትና ልምምድ ነው።

Nature (በተፈጥሮ) አንዳንድ ልጆች በተፈጥሮ በ Biological dysfunction ከሌሎች ጋር ያላቸው መስተጋብር የላላ ሊሆን ይችላል ያም ባህሪያቸው በቤተሰብ እንክብካቤና ፍቅር ካልተያዘ ችግሩን ሊያባብሰው ይችላል።
የቤተሰብ አስተዳደግ ዘዴ (Attachment styles) ወሳኝ ነው። ከ 4ቱ የ attachment style ልጆች Avoidant attachment እና Neglect Attachment ያለበት ቤት ውስጥ የሚያድጉ ልጆች በልጅነታቸው Sensitive ሲሆኑና emotinal ሲሆኑ ለዛ ስሜታቸው ሲያድጉምላሽ የማያገኙ ከሆነ የ NPD የመጠቃት እድላቸውን የሰፋ ያደርገዋል።

በ Modeling (አርዕያ) : የ ናርሲስቲክ ቤት ውስጥ የሚያድጉ ልጆች ወላጆቻቸውን በመኮረጅ ባህሪያቸውን ይወስዳሉ።
Conditional love : ልጆች የሆነ ስራ ስለሰሩ ብቻ ቤተሰብ ደስ የሚለውን ስላደረጉ የምናመሰግናቸውና የምንወዳቸው ከሆነ ለመወደድ ብለው ወይ ይሁንታ ለማግኘች ያልተገባ ነገር ለማድረግ ይነሳሳሉ። Communal narcissism ብዙ ጊዜ ከዚህ ጋር ትስስር አለው።
Extrinsic focus : ልጆችን በውጫዊው አለም ብቻ ለነሱ ቦታ መስጠት ለምሳሌ ትምህርት አንደኛ ስለወጡ የሆነን ነገር ስላሸነፉ በዛ ነገር ብቻ እነሱን ገድበን የምናወድስና በውጪው አለም ባሳኩት ነገር የምናወድስና የምንወስናቸው ከሆነ ትልቅም ከሆኑ በኋላ በ tik tok like IG Fb like and comment እራሳቸውን የማያያዝ ችግር ላይ ይወድቃሉ።

NPD አብዛኛውን ጊዜ ከ Boarder line disorder, sociopath, Depression, paranoid disorder ጋር የመያያዝ እድሉ ሰፊ ነው።

ይህን ችግር እንደማንኛውም የ ማንነት ችግሮች በ Counseling እንዲሻሻል ለማድረግ ይቻላል። በ Dr. Ramania ገለፃ መሠረት በ አሜሪካ ውስጥ 6 ሰዎች 1 ሰው የ ናርሲስቲክ ህመም ተጠቂ እንደሆነ ይታሰባል። በ DSM መሠረት በ community sample 6.2% እንደሆነ ይታሰባል።

@ourrthought

የኢትዮጵያ ህዝብ የእውቀትን ጥቅም በደንብ ለመገንዘብ ብዙ አጋጣሚዎች ነበሩት ፤ ትልቁና ቁልፉ የ እውቀት መንገድ ጽሕፈት ነው ፤ ፊደል ነው ፤ ለብዙ ምዕተ-ዓመታት የራሳችን ፊደል ነበረን ፤ ለብዙ ምዕተ-ዓመታት የራሳችን በበሬዎች የማረስ ዘዴ ነበረን ፤ ለብዙ ምዕተ-ዓመታት በአጋሜ ፤ በየጁ ፤ በኮንሶ የእርከንና የመስኖ ዘዴዎች ነበሩን ፤ ለምዕተ-ዓመታት ታላላቅ ሐውልቶችንና ሕንፃዎችን የመሥራት ጥበብ ነበረን ፤ ከብዙ ምዕተ-ዓመታት በፊት በሰረገላ እንጠቀም ነበር ፤ ለብዙ ዘመናት መፍተልና መሸመን የታወቀ ነበር ፤ ይህ ሁሉ ዘዴ እንደ እውቀት በጽሑፍ አልተላለፈም ፤ ስለዚህም የኢትዮጵያ ህዝብ አህያ ከመንዳትና በጎጆ ውስጥ ከመኖር ያልወጣበት ምክንያት ምንድን ነው?
‎

በኢትዮጵያ ውስጥ እውቀት ፈላጊ አልነበረውም ፤ አሁንም የለውም።

‎
‎አዳፍኔ ፍርሀትና መክሸፍ
‎ፕሮፌሰር መስፍን ወልደማርያም

@ourrthought