(မေ-၂၉၊ ၂၀၂၅) မလေးရှားနိုင်ငံမှာ ကျင်းပတဲ့ “မန်ယူ-အာဆီယံအော်လ်စတားဘောလုံးပွဲ” ဟာ

ပရီးမီးယားလိဂ် ကမ္ဘာအဆင့် ဘောလုံးအသင်းကို အာဆီယံတိုင်းပြည်အားလုံးက ယှဉ်ပြိုင်ရသလိုမျိုးပါ၊

မန်ယူကို တစ်ဂိုးတည်းနဲ့ အနိုင်ရလိုက်ထာ မြန်မာဘောလုံးလက်ရွေးစင်ကိုယ်စားပြု
မောင်မောင်လွင် ဖြစ်နေခြင်းအတွက် အလွန်အားရမိတယ်

မြန်မာဆိုတာ ရေကြီး ငလျင်လှုပ် သဘာ၀ ကပ်ဘေးသင့်နေတုန်း
နိုင်ငံသား အချင်းချင်း ဿတ်နေကြတဲ့ တိုင်းပြည်အဖြစ် ကမ္ဘာက သိနေကြပါတယ်

နိုင်ငံအချို့ဆိုရင်
မြန်မာကို သွားရောက်လည်ပတ်ရန် မသင့်လျော်တဲ့တိုင်းပြည်အဖြစ် သတ်မှတ်ထားကြတယ်

ဒါပေမယ့် အဲ့ဒီလို ကာလကြီးထဲ မြန်မာတွေရဲ့အရည်အချင်းနဲ့
အခက်အခဲများကို မြန်မာတွေ အကောင်းဆုံး ကြိုးစားရုန်းကန်ဖြေရှင်းနေကြောင်း
မောင်မောင်လွင်က ပြသနိုင်ခဲ့တယ်

မောင်မောင်လွင်ကို နိုင်ငံတော်အဆင့် ဂုဏ်ပြုသင့်ပါတယ်
.
#OungMarine

(မေ-၂၉၊ ၂၀၂၅) “အားကစား မြှင့်တင်ခြင်းသည် နိုင်ငံတော်ကို ကာကွယ်စောင့်ရှောက်နေခြင်း ဖြစ်ပါသည်” တဲ့
၁၉၈၈-ခုနှစ် အာဏာသိမ်း နဝတအစိုးရလက်ထက် ဆောင်ပုဒ်ကြီးဟာ မဆီမဆိုင် လက်ပံသား ဒါးနဲ့ချိုင်သ လား ထင်ရပါတယ်။
.
လွန်ခဲ့တဲ့ နှစ်များက သဲစုငြိမ်းတို့ အလှမယ်ရွေးပွဲဆိုတာ ဒူးပေါ် ပေါင်ပေါ်တွေ ဝါသနာပါတဲ့ ဏှာဗူးစကီး တစ်စု တို့ စတန့်ထွင်ခြင်းသာဖြစ်ပြီး သူတို့လူတစ်စုကိုသာ အကျိုးပြုတဲ့ အလုပ်မျိုးအဖြစ် ကျွန်တော်တို့ မိတ်ဆွေများ အပါအဝင် အတော်များများက မှတ်ချက်ပြုခဲ့ကြတယ်။

သာမန် အရပ်သူ အလှမယ် မိန်းကလေးတစ်ယောက်ကို လူတကာသိ ထင်ပေါ်ကျော်ကြားအောင် တမင် ဖန် တီးပြီး ကုန်ပစ္စည်းကြော်ငြာတွေကအစ ကလေးငယ်တွေ ပညာရေး-ကျန်းမာရေးအဆုံး ကိစ္စတွေမှာ ဂုဏ်ထူး ဆောင် သံတမန်အဖြစ် လှည့်လည်ဟောပြော စည်းရုံးရေး အသုံးချရန် ရည်ရွယ်ခြင်း ဖြစ်ကြောင်း၊ ဒုတိယ ကမ္ဘာစစ်အပြီး ပြာပုံထဲက ရုန်းထစ ဥရောပနိုင်ငံတို့ရဲ့ ဖန်တရာတေ အပ်ကြောင်းထပ်နေတဲ့ နည်းဗျူဟာဖြစ် ကြောင်း နားလည်သူ အလွန်နည်းပါတယ်။ ဒီလိုနည်းနဲ့ တိုင်းပြည်စီးပွားရေး- ပညာရေး-ကျန်းမာရေးကို ဆွဲ တင်နိုင်ကြောင်း သဘောပေါက်သူ အတော် ရှားတယ်။

ကမ္ဘာက မြန်မာကို သိရှိထားကြတာ ရေကြီး ငလျင်လှုပ် သဘာ၀ ကပ်ဘေးဆိုးများ ကျရောက်နေခိုက် နိုင်ငံ သားအချင်းချင်း ဿတ်ပုတ်နေကြတဲ့ တိုင်းပြည်အဖြစ်သာ နားလည်ထားကြတယ်။အချို့နိုင်ငံတွေဆို မြန်မာကို အန္တရာယ် အလွန်များတဲ့ တိုင်းပြည်/ သွားလာလည်ပတ်ရန် မသင့်လျော်တဲ့ တိုင်းပြည်အဖြစ် စာရင်းသွင်း ထားကြပါတယ်။

အဲ့ဒီလို တိုင်းပြည်မျိုးမှာ သဲစုငြိမ်း ပြီးတော့ မြန်မာ့ရိုးရာ သနပ်ခါး ပါးကွက်ကြားကြီးနဲ့ စင်ပေါ်တက်ထိုးတဲ့ ရိုးရာလက်ဝှေ့ကျော် သန့်ဇင်တို့ကို မြင်ရတဲ့အခါ “မြန်မာ ဆိုတာ ဘယ်လိုလူစားတွေပါလိမ့်” လို့ အာရှ တစ်ခွင်မှာ စဉ်းစားစရာ ဖြစ်ရလိမ့်မယ်။

နီပေါနိုင်ငံ ဖိတ်ခေါ်ဖလားပြိုင်ပွဲဟာ ဒေသတွင်း အားကစားပွဲတစ်ခုမျှသာဖြစ်ပေမယ့် မြန်မာအမျိုးသမီး လက် ရွေးစင်အသင်းက ချန်ပီယံ ဆုဖလားကြီးကို အမိမြေအရောက် သယ်ဆောင်လာနိုင်ခဲ့ပါတယ်။ အမျိုးသမီးငယ် လေးတွေ တိုင်းသိပြည်သိဖြစ်ဖို့- လူချစ်လူခင်များဖို့ဆိုတာ မော်ဒယ်ဂဲလ်ဖြစ်မှ ရုပ်ရှင်မင်းသမီး အဆိုတော်ဖြစ်မှ မဟုတ်ကြောင်း သက်သေပြသလို ရှိခဲ့တယ်။

ဝင်းသိဂီထွန်း၊ နော်ထက်ထက်ဝေ၊ မေထက်လူတို့ကို အကြောင်းပြုပြီး မြန်မာ ဆယ်ကျော်သက် ဂျင်းဇီ ကျားမ လူငယ်လေးတွေအတော်များများ ဘောလုံးကွင်းထဲ ရောက်ကုန်ကြပါတယ်။ ကျန်းမာ ကြံခိုင်ရေးကို အထောက် အကူပြုတဲ့ အားကစားဆိုတာ ပညာဆည်းပူးနေရင်းလဲ လေ့ကျင့်နိုင်ကြောင်း နားလည်သွားကြပါတယ်။

၂၈ မေ၊ ၂၀၂၅ ခုနှစ် မလေးရှားနိုင်ငံမှာ ကျင်းပတဲ့ “မန်ယူ-အာဆီယံအော်လ်စတားဘောလုံးပွဲ” ဟာ ပရီးမီး ယားလိဂ် ကမ္ဘာအဆင့် ဘောလုံးအသင်းကို အာဆီယံတိုင်းပြည်အားလုံးက စုပေါင်းပြီး ယှဉ်ပြိုင်ရသလို မျိုးပါ၊ အဲ့ဒီပွဲမှာ မန်ယူကို တစ်ဂိုးတည်းနဲ့ အနိုင်ရလိုက်ထာ အထက်မှာ ပြောခဲ့သလို အလဲလဲအပြိုပြို သပွတ်အူလိုက် နေတဲ့ မြန်မာနိုင်ငံက အမျိုးသားဘောလုံးလက်ရွေးစင်ကိုယ်စားပြု မောင်မောင်လွင် ဖြစ်နေပါတယ်။

ဗယုတ်သုက္ခပေါင်းစုံ ကာလကြီးထဲ မြန်မာတွေရဲ့အရည်အချင်း/ အခက်အခဲပေါင်းစုံကို မြန်မာတို့တတွေ အကောင်းဆုံး ကြိုးစားရုန်းကန်ဖြေရှင်းနေကြောင်း မြန်မာ အားကစားမောင်မယ်များက ပြသနိုင်ခဲ့တယ်

အိုင်ဗရီကို့စ်ဆိုတာ အာဖရိကအနောက်ပိုင်း နိုင်ငံတစ်နိုင်ငံပါ။ ၂၀၂၃-ခုနှစ် လူဦးရေ သန်း ၃၀ ကျော်ရှိပြီး ပြင် သစ်ကိုလိုနီဟောင်း ဖွံ့ဖြိုးမှု နိမ့်ကျနေတဲ့ တိုင်းပြည်တစ်ခုပါ။ ကိုလိုနီစနစ် ဆိုးမွေများနဲ့ ဆင်းရဲတွင်း နစ်နေတဲ့ အဲ့ဒီတိုင်းပြည်လေးမှာ ၂၀၀၂ ခုနှစ် စစ်တပ်ပုန်ကန်မှုနဲ့ ၅-နှစ်နီးပါး ပြည်တွင်းစစ်ဖြစ်ပွားခဲ့ပါတယ်။ လူပေါင်း ၉၀၀ မှ ၄,၀၀၀ ကြားသေဆုံးပြီး လူ ခုနှစ်သိန်းကျော် အိုးအိမ်စွန့်ခွာ ထွက်ပြေးရတဲ့အထိ စစ်မီးတောက် လောင် ခဲ့ပါတယ်။ တိုင်းရင်းသားလူမျိုး ပေါင်းစုံ ဘာသာယဉ်ကျေးမှုအသီးသီးနဲ့ အကြမ်းဖက်မှုများမင်းမူနေတဲ့ အိုင်ဗ ရီကို့စ်မှာ ခေတ္တမျှသာ ငြိမ်းချမ်းပြီး ၂၀၁၁-ခုနှစ်အထိ အကြမ်းဖက်မှုများ ပြန်လည်ဖြစ်ပွားခဲ့ပါတယ်။

၂၀၀၆-ခုနှစ် Didier Drogba ဒီရီယာ ဒရော့ဘာ ဦးဆောင်တဲ့ အိုင်ဗရီကို့စ် အမျိုးသားဘောလုံးအသင်းရဲ့ ကမ္ဘာ့ ဖလားဝင်ရောက်ယှဉ်ပြိုင်ခွင့် အောင်မြင်မှုနဲ့ နောက်ဆက်တွဲ အာဖရိကဖလားပွဲ အနိုင်ရမှုများဟာ တိုင်းပြည် အတွင်း သူပုန်-အစိုးရနဲ့ ကြားနေသူများပါ ဝမ်းသာဂုဏ်ယူစရာကြီး ဖြစ်နေပါတယ်။ အိုင်ဗရီကို့စ်ဟာ ဒေသ တွင်းနဲ့ နိုင်ငံတကာကပါ လေးစားအသိအမှတ်ပြုခံရတဲ့ တိုင်းပြည်ဖြစ်လာပြီး အဲ့ဒီကတဆင့် အမျိုးသားစည်းလုံး ညီညွတ်ရေး၊ ပြည်တွင်းငြိမ်းချမ်းရေးအတွက် သရုပ်ပြသလို ဖြစ်လာရပါတယ်။ အချင်းချင်း အပြန်အလှန်လေး စားမှု၊ စည်းကမ်းလိုက်နာမှု၊ သည်းခံနိုင်မှုနဲ့ အဖွဲ့လိုက်လုပ်ဆောင်နိုင်မှုဟာ အောင်မြင်မှုရဲ့ သော့ချက်ဖြစ် ကြောင်း လူအများ နားလည် လက်ခံစေခဲ့ပါတယ်။ ရွေးကောက်ပွဲ အငြင်းပွားမှု၊ ခွဲထွက်ရေးအကြမ်းဖက်များနဲ့ ပြိုကွဲလုဆဲတိုင်းပြည်မှာ ပြည်တွင်းစစ် ရပ်စဲပြီး တစ်ခုတည်းသော အိုင်ဗရီကို့စ်နိုင်ငံအဖြစ် ဆက်လက်ရပ် တည် နိုင်ခဲ့ပါတယ်။
.
၂၀၁၅-ခုနှစ် အိုင်ဗရီကို့စ် အမျိုးသား ဘောလုံးအသင်းရဲ့ AFCON ပွဲ ပီရူးကို အောင်မြင်ပြီး ချန်ပီယံဖြစ်လာခြင်း ဟာ စစ်ပြီးစ နိုင်ငံတော် ပြန်လည်တည်ဆောက်ရေး၊ နိုင်ငံအတွင်း နေထိုင်သူများ စိတ်ဓါတ်ကြံခိုင်ရေးကို အ လွန် အထောက်အကူဖြစ်စေခဲ့ပါတယ်။
.
#HtayOung #OungMarine

#HtayOung #OungMarine

မေ-၂၉၊ ၂၀၂၅) မနေ့က မန်ယူနဲ့ပွဲမှာ မောင်မောင်လွင် သွင်းဂိုး ရရှိသွားခြင်းနဲ့ ပတ်သက်ပြီး
ကျွန်တော့ရဲ့ TikTok Post မှာ မိတ်ဆွေတစ်ယောက်က
“ ဘောလုံးကို ဖြတ်တင်ပေးတဲ့ အားကစားသမားလည်း ကောင်းလို့၊ မောင်မောင်လွင်လည်း ကောင်းလို့ပါ” တဲ့ မှတ်ချက်ရေးတယ်။ အဲ့ဒါကို ကျွန်တော်က
“ဟုတ်တယ်ဗျာ၊ Asia all stars လက်ရွေးစင် ကျောနံပတ် ၂၁ သြစတြေးလျအားကစားသမားပါ
ဂိုးရှေ့ သူ ကန်တင်ပေးလိုက်တဲ့ ဘောလုံးဟာ မန်ယူနောက်တန်းလူတွေ ခြေထောက်ကြားကဖြတ်ပြီး သေသေသပ်သပ်လေး ရောက်ရှိသွားတယ်” လို့ Reply ရေးမိပါတယ်။
.
ကျွန်တော့ရဲ့ Reply ဟာ သူတို့ရဲ့ Community standard နဲ့ မညီဘူးလို့ TikTik က ဖြုတ်ပစ်တဲ့အပြင်
ကျွန်တော့်ရဲ့ အယူခံကိုလည်း ပယ်ချပစ်ပါတယ်။
တကယ်တော့ ကျွန်တော်ရေးခဲ့တာဟာ ဒီနေ့ TikTok အပါအဝင် လူမှုကွန်ရက်အားလုံးနီးပါးမှာ ဘောလုံးဝါသနာရှင်များ အကြိမ်ကြိမ်ရေးနေ ရေးခဲ့တဲ့ ဝေဖန်ချက်မျိုးပါ
.
လူပုဂ္ဂိုလ်-အဖွဲ့အစည်း-တစ်စုံတစ်ယောက်ကို ပတ်ခတ်ခြင်း မရှိ၊ အခြားသူတစ်ယောက်ယောက်ကို ဖျက်ဆီးသူအဖြစ် ရည်ညွှန်းခြင်း မပါဝင်၊ နိုင်ငံရေး - လူမျိုးရေး ဘာသာရေး ထိပါးခြင်း မဟုတ်ပဲ
အားကစားပွဲတစ်ပွဲရဲ့ အခိုက်အတန့်ဖြစ်စဉ်ကို ထောက်ပြခြင်းသာ ဖြစ်ပါတယ်။
.
အဲ့ဒါကို Community standard နဲ့ မညီဘူးလို့ဆိုရင် TikTok ရဲ့ AI ဟာ မြန်မာစာ မတတ်လို့ ဖြစ်ပါလိမ့်မယ်။
ဒီလိုနည်းနဲ့ လူပေါင်း ဘယ်နှစ်ယောက်လောက်ကို အကောင့်ဖျက်ခဲ့ပြီးပြီလဲ
.
.
#HtayOung #OungMarine

#HtayOung #OungMarine

(မေ-၂၉၊ ၂၀၂၅) ကျွန်တော့်ရဲ့ အောက်ပါ TikTok post ဟာ လွှင့်တင်ထားတာ ၃ နာရီ ကျော်ပါပြီ

မိတ်ဆွေများ မြင်ကြရလား ဗျာ
.
#HtayOung #OungMarine
.
.
https://vt.tiktok.com/ZSkJKATVY/

(မေ-၃၀၊ ၂၀၂၅)

NUG, CRPH ဟာ NLD ရဲ့ မူဝါဒနဲ့ မကိုက်ညီကြောင်း (NLD နဲ့ မပတ်သက်တဲ့သဘော) လွန်ခဲ့တဲ့ရက် မဲဆောက် NLD တွေ့ဆုံပွဲမှာ NLD CEC ဦးဟန်သာမြင့်က ပြောလိုက်တော့ ကျွန်တော်အလွန်အံ့ဩမိတယ်

ဒီလိုဆို အာဏာသိမ်းမှုကို တစ်တိုင်းပြည်လုံး အုံကြွဆန့်ကျင်ကြရန် ထိန်းသိမ်းမခံရမီ ဒေါ်စုက ‌စာရေးသားပေးခဲ့ပါတယ်လို့

အခြား CEC တစ်ဦးဖြစ်သူ ဦးဝင်းထိန်ရဲ့ ကျိန်တွယ်ပြောဆိုမှုဟာ မုသာဝါဒတွေလို့ ဆိုလိုရာရောက်နေလို့ပါ

ရှမ်းမြောက် မြို့အတော်များများကို TNLA, MNDAA က သိမ်းပိုက်ထားပါတယ်
အရှေ့ဘက်နယ်စပ်မှာ ထိုင်းနိုင်ငံနဲ့ UWSA တို့အကြား စစ်သံပေးနေပြီး
ကချင်ပြည်နယ် မြို့အချို့ကို သိမ်းယူထားတဲ့ KIA က ပြည်နယ် ဒုတိယမြို့တော် ဗန်းမော်ကို တိုက်ခိုက်နေပါတယ်

AA က ခွဲထွက်ဖို့ မြို့သိမ်း စခန်းသိမ်း တိုက်ပွဲများ ဖော်ဆောင်နေပြီး
ငပွကြီး အားကိုးနဲ့ အနောက်ဖက် အိမ်နီးချင်း မာမူတို့နဲ့ ဆက်ဆံရေးတင်းမာမှု အမြင့်ဆုံး ရောက်ရှိနေချိန်

ကျွန်တော်တို့ ပြည်တွင်းမှာ စည်းလုံးညီညွတ်မှု ပြိုကွဲနေပါတယ်

ကျွန်တော်တို့ ရင်ဆိုင်ရမှာက သူတို့ပါတီအာဏာရမှ ဓမ္မဖြစ်တယ်၊
သူတို့ကို ထောက်ခံသူ လုပ်သမျှ အကုန်လုံးမှန်တယ်လို့ ခေါင်းမာမာနဲ့ ရပ်တည်နေသူ
ဘာမဆိုလုပ်ရဲသူ ပြည်တွင်းနေ လူ ၁ဝ သန်းခန့်ပါ
.
တော်လှန်ရေး ထောက်ခံ ဘယ်မီဒီယာမှ မဖော်ပြရဲတဲ့ သတင်းကို THN Freelance Journalist ရဲ့YouTube မှ ကူးယူဖော်ပြလိုက်ပါတယ်။
.
.
#HtayOung #OungMarine


https://www.youtube.com/watch?v=0qs8QaLdQ8U

(မေ-၃၀, ၂၀၂၅) အရှက်မရှိ သိက္ခာလဲ မရှိတဲ့ လူပါလား

ဧရာဝတီနဲ့ပတ်သက်လို့ သူ့ဝေါ်ပေါ်
သူ့ရုပ်ကြီးနဲ့ သူကိုယ်တိုင် လချီ
အမှားတွေပြောပြီးတော့

အကောင့်တုလို့ ရောချနေတယ်

ဘယ်သူမဆို မှားတတ်/ မှားနိုင်ပါတယ်၊ မှားသွားလျင်ဝန်ခံခြင်းက လူကြီးလူကောင်းအလုပ်ပါ

ကျွန်တော်လဲ မှားဖူးတယ်၊ ဒါပေမယ့် မှားသွားကြောင်း ဝန်ခံခဲ့တယ်

အတော်များများကို Downloaded ဆွဲထားလို့

နောက်တကြိမ် အခွက်ပြောင်ရင်တော့ ဒဲ့ဖွင့်ချရလိမ့်မယ်

အဲ့ဒီလို တာဝန်ယူ တာဝန်ခံမှုမရှိပဲ အမျိုးသားရေး Speaker နာမည်ခံချင်တာ အလွန် ရွံစရာကောင်းတယ်
.
#HtayOung #OungMarine

(မေ-၃၁၊ ၂၀၂၅) ဆူးကြားက ဗူးခါးဖြစ်လာတဲ့ မြန်မာပြည်
===
အမေရိကန်က ၂၀၂၂-ခုနှစ် NDAA , Burma Act အရ NUG, PDF နဲ့ တိုင်းရင်းသားလက်နက်ကိုင် EAOs တို့ကို ထောက်ပံ့ပေးနေပါတယ်။ လူသေဆုံးစေခြင်း မရှိတဲ့ပစ္စည်းများ၊ သံတမန်ရေးရာ အကူအညီ၊ သတင်းအချက်အလက်နဲ့ ဘဏ္ဍာရေးဆိုင်ရာအကူအညီများ ပေးအပ်ခြင်းဖြစ်တယ်ဆိုပေမယ့် ဒီကိစ္စဟာ စစ်ရေးဖော်ဆောင်မှုကို အလွယ်တကူပြောင်းလဲနိုင်ကြောင်း စစ်ရေး-နိုင်ငံရေးလေ့လာသူများက ဝေဖန်ကြပါတယ်။

အမေရိကန်ရဲ့ အကူအညီနဲ့ NUG, PDFs, EAOs တို့က မြန်မာပြည်အတွင်း မြို့သိမ်းရွာသိမ်း တိုက်ပွဲများ တိုးချဲ့ ဖော်ဆောင်လာတဲ့အခါ မြန်မာစစ်တပ်က ပြင်းထန်စွာ နှိမ်နင်းလိမ့်မယ်ဆိုခြင်းကို အမေရိကန်ကိုယ်တိုင် ကြိုတင် မသိပဲ ဘယ်လိုမှ မဖြစ်နိုင်ပါ၊ လောလောဆယ် SAC အနေနဲ့လည်း တရုတ် ရုရှားဘက်ကို ပိုမိုတိမ်းညွတ်အောင် တွန်းပို့သလိုဖြစ်သွားပါတယ်။

အဲ့ဒီတော့ မြန်မာပြည်တွင်းပဋိပက္ခဟာ စစ်အာရှင်ချုပ်ငြိမ်းရေး၊ ဒီမိုကရေစီရေး၊ လူ့အခွင့်အရေး စည်းဘောင်မှ ကျော်လွန်ပြီး ကမ္ဘာ့အင်အားကြီးနိုင်ငံများရဲ့ ပြိုင်ဆိုင်မှုအဖြစ်ပြောင်းလဲသွားပါတယ်။ ပထဝီနိုင်ငံရေးဟာဗျူဟာမြောက် မြန်မာနိုင်ငံမှာ ဆီးရီးယား လစ်ဗျားလိုဖြစ်ပြီး ရုရှား တရုတ်တို့ ခြေကုတ်မယူနိုင်အောင် အမေရိကန်က ပဋိပက္ခများ အရှိန်မြှင့်တင်ရာ ရောက်ရှိသွားပါတယ်။

လွန်ခဲ့ရက် ဘင်္ဂလားဒေ့ရှ်အစိုးရက မြန်မာနိုင်ငံဆိုင်ရာ သူတို့သံတမန်များကို အမြန်ဆုံး ပြန်လာရန် ခေါ်ယူကြောင်း၊ ဒါကာက ပြန်ခေါ်ခြင်း မဟုတ် မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးနဲ့ စစ်သံမှူးတို့ကို “ Persona Non Grate ” (ကြိုဆိုလက်ခံရန် မထိုက်တန်သောသူ) အဖြစ် နေပြည်တော်က သတ်မှတ်ခြင်းကြောင့်ဖြစ်ကြောင်း သတင်းများ ထွက်ပေါ်ခဲ့ပါတယ်။ ဒီလိုကိစ္စမျိုးမှာ မြန်မာသံအမတ်ကို အလားတူ နှင်ထုတ်ခြင်းဖြင့် တုန့်ပြန်နိုင်ပေမယ့် ဒါကာဘက်မှာ ငြိမ်ချက်သား ကောင်းနေပြီး ပြန်သွားရတဲ့ သံမှူးများနေရာမှာ အစားထိုးခန့်အပ်ကြောင်းလည်း သတင်း မတွေ့ရှိရပါ။
.
ဘင်္ဂလားဒေ့ရှ် ကြားဖြတ်အစိုးရ အမျိုးသားလုံခြုံရေးအကြံပေး ခါလီလူရ် ရာမန်ရဲ့ AA နဲ့ ပတ်သက်ပြီး မြန်မာ့ အရေးပြောဆိုမှုများဟာ ရေမြေတစ်ဆက်တည်းရှိနေပြီး ချစ်ကြည်ရင်းနှီးတဲ့ အိမ်နီးချင်းနိုင်ငံတို့အကြား အတော်ရင့်သီးတယ်လို့ ယူဆစရာ ရှိပါတယ်။ ကုလသမဂ္ဂအဆိုပြူချက်လို့ ပြောဆိုပြီး “ရခိုင်ပြည်နယ် လူသားချင်း စာနာမှုစင်္ကြံ” ဖော်ဆောင်မယ့် ကိစ္စမှာ ကျောထောက်နောက်ခံပြုမယ့် အမေရိကန်ဟာ ရခိုင်သူပုန် AA ကို လက်နက်ခဲယမ်း ထောက်ပံ့ဖွယ်ရှိတာကြောင့် ဘင်္ဂလားဒေ့ရှ်နိုင်ငံအတွင်းမှာလည်း စစ်တပ်၊ အတိုက်အခံ BNP ပါတီအပါအဝင် အခြားနိုင်ငံရေးပါတီ- အဖွဲ့အစည်းများ၊ စစ်တကောင်း-ကော့ခ်ဘဇား-တက္ကနဖ်ဒေသခံများ၊ အဲ့ဒီဘက်ရောက် ဒုက္ခသည်ဘင်္ဂါလီများကလည်း ဆန့်ကျင်နေကြပါတယ်။ ဒါပေမယ့် လွန်ခဲ့ဲ့တဲ့ ရက်သတ္တပတ် North East News ရဲ့ အဆိုအရ အမေရိကန်ရဲ့ အကူအညီတွေဟာ ရခိုင်ပြည်နယ်အတွင်း စတင်ဝင်ရောက် သို့မဟုတ် ဝင်ရောက်ရန် အသင့်ရှိနေတယ်လို့ မှန်းဆရပါတယ်။
.
မြန်မာ့ပြည်တွင်းရေးမှာ ထိပါးစွက်ဖက်ရာ ရောက်ရှိတဲ့အတွက် နှစ်နိုင်ငံသံတမန်ရေး ပျက်ပြားရတာ ဘင်္ဂလားဒေ့ရှ်ကြားဖြတ်အစိုးရခေါင်းဆောင် ယူနွတ်လို နိုဗဲလ်ဆုရှင်တစ်ဦးတည်း မဟုတ်ပါဘူး၊ အရှေ့တီမောနိုင်ငံ လက်ရှိသမ္မတ ဂျိုဆေ ရာမို့စ်ဟော်တာလည်း ရှိပါသေးတယ်။ သူဟာ SAC ကို ဝေဖန်ပြီး NUG ကို ဗြောင်ကျကျ ထောက်ခံခြင်းကြောင့် အရှေ့တီမောသံတမန်များကို နေပြည်တော်က နှင်ထုတ်ခဲ့ကြောင်း ၂၀၂၄-ခုနှစ်မှာ သတင်းများ ထွက်ပေါ်ခဲ့ပါတယ်။

ရာမို့စ်ဟော်တာဟာ SAC အာဏာအပြောင်းအလဲဖြစ်မှ မြန်မာနိုင်ငံအပေါ် ဝေဖန်သူ မဟုတ်ပါဘူး၊ အရှေ့တီမော လွတ်လပ်ရေးးမရမီ ပြည်ပြေးနိုင်ငံရေးသမားဘဝကတည်းက မြန်မာလက်နက်ကိုင်သူပုန်များကို အိန္ဒိယနယ်စပ်မှာ သင်တန်းပေး ပို့ချခဲ့သူဖြစ်ကြောင်း သူကိုယ်တိုင်ဟောပြောတဲ့ မိန့်ခွန်းများမှာ ပါဝင်နေပါတယ်။ ၁၉၇၅-ခုနှစ် အရှေ့တီမောမှာ အင်ဒိုနီးရှားစစ်တပ်က ပြည်နှင်ဒဏ်ပေးခြင်းခံရတဲ့ ရာမို့စ်ဟော်တာဟာ ဘင်္ဂလားဒေ့ရှ် ယူနွတ်လိုပဲ အမေရိကန်တက္ကသိုလ်ထွက်ဖြစ်ပါတယ်။ နယူးယောက်မြို့ကို ရောက်ရှိလာတဲ့ ရာမို့စ်ဟော်တာဟာ အိတ်ထဲမှာ ၂၅-ဒေါ်လာသာ ပါရှိပြီး ဘဝတစ်လျောက်လုံး နိုင်ငံရေးနဲ့ အသက်မွေးသူ ဖြစ်ပါတယ်။

မော်စီတုန်း-ဟိုချီမင်း-ကက်စ်ထရိုတို့လို တော်လှန်ရေးတစ်ရပ်မှာ မြေပြင်ကာယကံမြောက်လက်နက်ကိုင် လှုပ်ရှားခဲ့သူ မဟုတ်ပဲ အဝေးရောက် ပြည်ပြေးနိုင်ငံရေးသမားဘဝမှ တိုင်းပြည်ခေါင်းဆောင်အဖြစ် ရောက်ရှိလာသူဖြစ်ပါတယ်။ ဟန်ဂေရီ-ဂျူးနွယ်ဖွား အမေရိကန် ဘီလီယံနာကြီး ဂျော့ဆိုရော့စ်ရဲ့ OSF၊ အမေရိကန် USAID တို့နဲ့ ဆက်စပ်ခဲ့သူဖြစ်ပါတယ်။ ကုလသမဂ္ဂက ထောက်ခံတဲ့ လှုပ်ရှားမှုများမှာ ပါဝင်ခဲ့ဖူးပြီး ဒီအတွက် လူမှုရေးဆိုင်ရာ ဆုတံဆိပ်များအပြင် ယူနွတ်လိုပဲ နိုဗဲလ်ဆုရှင်တစ်ယောက်ဖြစ်ပါတယ်။ ယူနွတ်ထက် သာတာဆိုလို အာဆီယံအဖွဲ့ဝင် ဖိလစ်ပိုင်နဲ့ ထိုင်းနိုင်ငံတို့က ဂျိုဆေရာမို့စ်ဟော်တာကို Persona Non Grate အဖြစ်ကြေညာ ခံထားရခြင်းပဲ ဖြစ်ပါလိမ့်မယ်။

အမေရိကန်ဟာ ပြိုင်ဘက်ကင်း ကမ္ဘာ့နံပတ်တစ်ဖြစ်ကြောင်း သမ္မတဒေါ်နယ်ထရမ့်ရဲ့ ဒုတိယသက်တမ်းမှာ ပိုမိုထင်ရှားလာပါတယ်။ အမေရိကန်သာ တကယ်လုပ်ရင် (မအောင်မြင်ရင်သာ ရှိရမယ်) ဘယ်နိုင်ငံမှ မခံနိုင်ကြောင်း သိသာပါတယ်။ ဝါရှင်တန်က မြန်မာပြည်ကြီးကို ငြိမ်းချမ်းစေလိုတဲ့ ဆန္ဒအမှန်ရှိခဲ့ရင် ဆန့်ကျင်ရေး လက်နက်ကိုင်တွေ သက်ဆိုးရှည်အောင် ထောက်ပံ့နေမယ့်အစား ငြိမ်းချမ်းရေးဆွေးနွေးဖို့ ကိုယ်တိုင်ဦးဆောင်ရန် ဘာမှ မခဲယဉ်းကြောင်း လူတိုင်း အလွယ်တကူ သိရှိနိုင်ပါတယ်။

အထက်မှာ ဖော်ပြထားတဲ့အတိုင်း ဝါရှင်တန်ကျေးဇူးနဲ့ မြန်မာပဋိပက္ခဟာ အရှိန်မြင့်လာတဲ့အတွက် အမှန်တကယ် ဒုက္ခရောက်နေရသူများမှာ မြန်မာနိုင်ငံအတွင်းနေထိုင်သူ လူ့အဖွဲ့အစည်းဝင်များသာဖြစ်ပါတယ်။
.
#HtayOung #OungMarine
===

(ဇွန်-၁၊ ၂၀၂၅) ပြီးခဲ့တဲ့ စက်တင်ဘာ ရေကြီးရေလျှံမှုမှာ မြန်မာပြည်အလယ်ပိုင်းနဲ့ တောင်ပိုင်းရှမ်းပြည်အနောက်ခြမ်းမှာ မြေပြိုမှုကြောင့် ကျေးရွာ အချို့ပျောက်ကွယ်သွားကြောင်း သိရပါတယ်

PDF တို့ထိန်းချုပ်ထားတဲ့နယ်မြေများမှာ ကာလရှည် သစ်ခိုးထုတ်ခြင်းကြောင့် ရေစီး မထိန်းသိမ်းနိုင်ခြင်း၊ သတ္တုခိုးတူးကြရာမှ ထွက်လာတဲ့ မြေစာပုံများ ရေနူးပြိုကျပြီး ရေစီးနဲ့အတူ မျောပါလာခြင်းကြောင့်လို့ ဆိုပါတယ်၊ ငလျင်ကြီးကြောင့် မပါသေးပဲ သစ်ခိုးထုတ်ခံရခြင်းနဲ့ အဲ့ဒီရေလျံမှုကြောင့် နိုင်ငံတော်မှာ ကျပ်ငွေ ဘီလီယံပေါင်းများစွာ ဆုံးရှုံးခဲ့ပြီး ဖြစ်ပါလိမ့်မယ်။

လွန်ခဲ့ဲ့နှစ် သောင်းကျန်းသူများလက်တွင်း အထက်မြန်မာပြည် သစ်ထုတ်လုပ်ရေးစခန်းများ ကျဆုံးခဲ့ရာ နိုင်ငံပိုင် သစ်ဆွဲဆင် ၁၃၈ ကောင် ရောင်းစားခံခဲ့ရပါတယ်။ အလောင်းတော်ကဿဖက အနယ်နယ်အရပ်ရပ် အများပြည်သူ အလှူငွေများ လုယက်ခံရတဲ့အပြင် နေပြောက်မထိုးဘူးဆိုတဲ့ မဟာမြိုင်သစ်တောကြိုးဝိုင်းကြီးလဲ ပြောင်တေးရှင်း ဖြစ်သွားပါပြီ၊ ပြန်လည်ထူထောင်ဖို့ ရာစုနှစ်မျှ အချိန်ယူရပါလိမ့်မယ်။

လွန်ခဲ့တဲ့ မတ်လ မန္တလေးငလျင်ကြီးကြောင့် ဘာသာရေးဆိုင်ရာနဲ့ ရှေးဟောင်းအဆောက်အအုံများ၊ စေတီပုထိုးများ၊ စာသင်ကျောင်း၊ ဆေးရုံ-ဆေးပေးခန်းများသာမက ပုဂ္ဂလိကပိုင် နေအိမ်အဆောက်အအုံပေါင်းများစွာ ပြိုကျ ပျက်စီးခဲ့ရတယ်။

ပျက်စီးဆုံးရှုံးမှု စုစုပေါင်း ကျပ်ငွေ ၃၈၀၄.၅၄၉ ဘီလီယံ ရှိတယ်လို့ ဆိုပါတယ်။

ငလျင်ကြီးကြောင့် ဧရာဝတီမြစ် ရေစီးရေလာ ပြောင်းလဲသွားနိုင်ကြောင်း သတင်းတွေ တွေ့ရပါတယ်။

ကျွန်တော်တစ်ဦးတည်း သဘောကတော့ မြစ်ဆုံဆည်ကို အမြန်အကောင်အထည် ဖော်စေချင်ပါတယ်။ နှစ်စဉ် ဧရာဝတီမြစ်ရေလျှံတက်ခြင်းကို အထိုက်အလျောက် ကာကွယ်နိုင်မယ့်အပြင် မြစ်ကြောင်း ထိန်းသိမ်းခြင်း၊ တစ်နှစ်ပတ်လုံး ရေကြောင်းသွားလာ ရောင်းဝယ်ဖောက်ကားနိုင်ပါလိမ့်မယ်

မိတ်ဆွေ ပညာရှင်တစ်ဦးက ပြောပါတယ်။
"ငလျင်ဟာ လူ မTတ်ပါ၊ လူတွေ ဆောက်တဲ့ အဆောက်အအုံတွေ ပြိုကျလို့သာ လူသေဆုံးရတာ၊ မြန်မာ့သမိုင်းမှာ ငလျင်လှုပ်ပြီး အဆောက်အအုံ ပိသေတဲ့ ရှင်ဘုရင် တစ်ယောက်မှ မရှိခဲ့ပါ၊ ငလျင်နေ့စဉ် လှုပ်နေတဲ့ ဂျပန်နဲ့ အမေရိကန် ကယ်လီဖိုးနီးယားမှာ သူတို့တွေ ဘာတွေကို ဘယ်လို ဆောက်နေတယ်ဆိုတာ အတုယူဖို့ပါ " တဲ့
.
အလွန် မှတ်သားထိုက်တဲ့ အဆိုစကားပါ
.
ကျွန်တော်တို့နိုင်ငံမှာ အခြားတိုင်းပြည်အချို့နည်းတူ ကူးစက်ကပ်ရောဂါ-စစ်ဘေး-သဘာဝဘေးဒဏ်များ သင့်နေပါတယ်။

လူ့အဖွဲ့အစည်းဝင် ဘာသာလူမျိုး အဆင့်အတန်း အသက်အရွယ်မရွေး စည်းလုံး ညီညွတ်စွာ မိမိတို့ တတ်နိုင်ရာကဏ္ဍမှ အပြုသဘော ပါဝင်ကူညီခြင်းဖြင့်သာ ပြန်လည်ထူထောင်ရေး မြန်ဆန်နိုင်ပါလိမ့်မယ်
.
.
#HtayOung #OungMarine

#HtayOung #OungMarine

(ဇွန်-၂၅၊ ၂ဝ၂၅) ဒီ အာဝုလေးဟာ လမ်းဘေးခွေးလေးပါ၊

အစာကျွေးနေကျ အိမ်ကိုလာရင် သစ်ရွက်၊ ပလပ်စတစ်စ၊ ဗူးခွံတစ်ခုခု အမြဲ ယူလာပေးတယ်

အိမ်ခွေးဆိုတာ ဝံပုလွေလို တောခွေးတွေက ဆင်းသက်လာတာပါ၊ ဒါပေမယ့် သ‌န္ဓေချင်း မတူပါ

သူတို့ရဲ့ စိတ်နေသဘောထားကပဲ သူတို့ကို လူတွေအနား အရောက်ပို့ပေးခဲ့တယ်

ဝံပုလွေတွေကတော့ ဒီနေ့ထိ တောထဲက မထွက်နိုင်သေးပါ

မျိုးရိုးစဉ်ဆက် နှစ်ပေါင်းကြာလာတဲ့အခါ သူတို့ရဲ့ အမွေးအရောင်‌အသွေးကလည်း ပြောင်းလဲလာတယ်

ဘဝဆိုတာ စိတ်ထားနဲ့ ထိုက်တန်သလိုဖြစ်လာကြောင်း အကောင်းဆုံး သက်သေပါ

မူရင်းဗွီဒီယိုပိုင်ရှင်ကို Credit ပေးပါတယ်
.
#HtayOung #OungMarine

(ဇွန်-၂၊ ၂၀၂၅) ဘင်္ဂလားဒေ့ရှ်သည် စစ်အင်အားကြီးနိုင်ငံများ၏ လက်နက်ပြိုင်ဆိုင်မှု ကစားကွင်းဖြစ်လာ၊ AA ဘင်္ဂလားဒေ့ရှ်နှင့် မြန်မာ
===
မိုဟာမက်ယူနွတ်အစိုးရရနဲ့ တူရကီတို့ဟာ (ဘင်္ဂလားဒေ့ရှ်နိုင်ငံ့အရှေ့တောင်ဘက်) စစ်တကောင်းခရိုင်နဲ့ (နိုင်ငံအလယ်ပိုင်း) နာရာယန်ဂမ့်ဂျ်ခရိုင်တို့မှာ ပူးတွဲကာကွယ်ရေး စက်ရုံများ တည်ဆောက်ရန် အသည်းအ သန် ပြင်ဆင်နေပါတယ်၊ ကာကွယ်ရေး စက်မှုလုပ်ငန်းအဖွဲ့လို့ ခေါ်ဆိုတဲ့ အထူးအဖွဲ့တစ်ဖွဲ့က အဲ့ဒီ စီမံကိန်း အပြင် အနာဂတ် စစ်ဘက်ဆိုင်ရာပရောဂျက်များကိုလည်း စီမံကိုင်တွယ်ရန်အစီအစဉ်ရှိကြောင်း သိရှိရတယ်လို့ “နော့သ်အိစ်နယူး” (30 May 2025) က ရေးသားပါတယ်။

ဘင်္ဂလားဒေ့ရှ် ရင်းနှီးမြှုပ်နှံမှု ဖွံ့ဖြိုးရေး အာဏာပိုင်အဖွဲ့ BIDA အကြီးအကဲဖြစ်သူ ချောင်ဒရီ ဟာရန်းရဲ့ မကြာ သေးမီ တူရကီသို့ သွားရောက်ခဲ့ခြင်းက နှစ်နိုင်ငံကာကွယ်ရေးဆိုင်ရာ ပူးပေါင်းဆောင်ရွက်မှုကို အားကောင်း စေခဲ့ပါတယ်။ ခရီးစဉ်အတွင်း BIDA အကြီးအကဲအအနေနဲ့ တူရကီအစိုးရပိုင် အမြောက်နဲ့ လက်နက်ငယ်မျိုးစုံ ထုတ်လုပ်ရာ MKE စက်မှုနယ်မြေကိုလည်း သွားရောက်လည်ပတ်ခဲ့ပါတယ်။ ဘင်္ဂလားဒေ့ရှ်အကြီးအကဲနဲ့ အဖွဲ တို့ကို စစ်လက်နက်စက်ရုံများနဲ့ စမ်းသပ်ဧရိယာများအတွင်းအထိ တူရကီအစိုးရက မကြုံစဖူး ဝင်ရောက် ခွင့် ပေးခဲ့ပါတယ်။ ဘင်္ဂလားဒေ့ရှ်ဟာ ဟောင်ဝစ်ဇာများ၊ ဒုံးပျံစနစ်များနဲ့ (နာမည်ကျော်) “ဘေယက်တာ” ဒရုန်း တို့ လို တူရကီလက်နက်များကို ဝယ်ယူထားပြီးဖြစ်ပါတယ်။ တူရကီမှ အပေါ့စား တင့်ကားများကိုလည်း ဝယ်ယူဖို့ ရှိနေပါတယ်။

အနာဂတ် ပူးတွဲတည်ဆောက်မယ့် စီမံကိန်းတွေဟာ ၂၀၁၀-ခုနှစ် ဘင်္ဂလားဒေ့ရှ်နိုင်ငံ စီးပွားရေးဇုန်များဆိုင်ရာ အက်ဥပဒေအရ ရင်းနှီးမြှုပ်နှံသူများအနေနဲ့ အခွန်လျှော့ချခြင်းနဲ့ အခြားအကျိုးခံစားခွင့်များရရှိပါလိမ့်မယ်။ ဒီအတွက် စစ်တကောင်းနဲ့ နာရာယန်ဂမ့်ဂျ်တို့မှာ လမ်းပန်းဆက်သွယ်ရေး ကောင်းမွန်မှုနဲ့၊ စစ်ဘက်ဆိုင်ရာ အထူးစက်မှုဇုန်များ တည်ဆောက်ရန်အခြေအနေတို့ကို BIDA က ရှေ့ပြေး စမ်းသပ်မှုများ ပြုလုပ်နေပါတယ်။

ဖြစ်နိုင်ခြေရှိတဲ့ စက်ရုံနေရာများကို စစ်ဆေးရန် တူရကီက အဖွဲ့များကို စေလွှတ်မှာဖြစ်ပြီး နှစ်နိုင်ငံ တရားဝင်သ ဘောတူညီချက်တစ်ရပ်ကို လက်မှတ်ရေးထိုးရန်၊ အနာဂတ်ကာကွယ်ရေးပူးပေါင်းဆောင်ရွက်မှုတို့ကို စီမံခန့်ခွဲ ရန်အတွက် အမြဲတမ်းအဖွဲ့တစ်ဖွဲ့ကို ဖွဲ့စည်းရန် စီစဉ်လျက်ရှိတယ်လို့ သတင်းမှာဆက်လက်ဖော်ပြပါတယ်။

လွန်ခဲ့တဲ့နှစ် သြဂုတ်လဆန်းပိုင်း ဘင်္ဂလားဒေ့ရှ်နိုင်ငံမှာ ရှိတ်ဟာစီနာ ပြည်ပထွက်ခွာသွားရပြီး ရက်ပိုင်းအတွင်း မိုဟာမက်ယူနွတ်ဦးဆောင်တဲ့ ကြားဖြတ်အစိုးရတက်လာခဲ့ပါတယ်။ အဲ့ဒီနောက် ဘင်္ဂလားဒေ့ရှ်နိုင်ငံအတွင်း အဝါမီလိပါတီဆန့်ကျင်တဲ့ စုရုံးမှုများ၊ အကြမ်းဖက်မှုများ၊ ဟာစီနာလက်ထက် သမိုင်းဝင်အဆောက်အအုံများ ကို လူစုလူဝေးနဲ့ စီးနင်းဖြိုဖျက်ခြင်းများ ဖြစ်ပေါ်ခဲ့ပါတယ်။ ဘာသာရေးလူနည်းစုတို့နဲ့ ရုန့်ရင်းဆန်ခတ်မှုများ ဖြစ်ပွားခဲ့ရာမှာ အိမ်နီးချင်း အိန္ဒိယနိုင်ငံဆန့်ကျင်ရေး အဓိကရုန်းများလည်း ဖြစ်ပေါ်ခဲ့ပါတယ်။ ဘင်္ဂလားဒေ့ရှ် အပေါ် သြဇာလွှမ်းမိုးပြီး အနိုင်ကျင့်လွန်းတယ်လို့ ဆန့်ကျင်ကြရာမှာ ယူနွတ်အစိုးရကိုယ်တိုင် ပြောဆို-ပြုမူခဲ့ ကြောင်း အထောက်အထားများ တွေ့ရှိရပါတယ်။

တပြိုင်နက်တည်းမှာပဲ ဘင်္ဂလားဒေ့ရှ်ရဲ့ စစ်ရေး-စီးပွားရေး မှီခိုနေရတဲ့နေရတဲ့ အိန္ဒိယနေရာမှာ နယူးဒေလီရဲ့ မဟာဗျူဟာပြိုင်ဘက် တရုတ်နဲ့ ပြောင်းလဲ အစားထိုးခဲ့ပါတယ်။ ရေနက်ဆိပ်ကမ်းများနဲ့ ယခင်ရှိနှင့်ပြီး ဆိပ် ကမ်းများ အဆင့်မြှင့်ရေး မော်တော်ယာဉ်လမ်းနဲ့ မီးရထားလမ်းချိတ်ဆက်မှု ပရောဂျက်များ၊ စွမ်းအင်စီမံကိန်း တို့ကို တရုတ်ရဲ့ အကူအညီနဲ့ တိုးချဲ့နေပါတယ်။ အိန္ဒိယနိုင်ငံရဲ့ အရှေ့မြောက်ဖျား ပြည်နယ်နဲ့ ဆက်သွယ်ရေး အသက်သွေးကြော ဖြစ်တဲ့ “ဆီလီဂူရီ စင်္ကြံ” နဲ့ နီးကပ်စွာတည်ရှိတဲ့ ဘင်္ဂလားဒေ့ရှ်နိုင်ငံ မြောက်ပိုင်းမှာ လေ ယာဉ်ကွင်းများ အဆင့်မြှင့်တင်ခြင်းကို တရုတ်ရဲ့ အကူအညီနဲ့ ဆောင်ရွက်ဖို့ ပြင်ဆင်လာပါတယ်။

ပြီးခဲ့တဲ့ ဧပြီလ အိန္ဒိယနိုင်ငံ မြောက်ပိုင်း ပါဟယ်လ်ဂမ်နယ်မြေ ခရီးသွား ၂၆-ဦး သေဆုံးခဲ့ရတဲ့ တိုက်ခိုက်မှု နောက်ကွယ်မှာ ပါကစ္စတန်ပါဝင်ပတ်သက်တယ်လို့ နယူးဒေလီက စွပ်စွဲခြင်းဖြင့် အိမ်နီးချင်း သမိုင်းဝင် ရန် ဘက်နှစ်နိုင်ငံအကြား စစ်ရေးထိပ်တိုက်တွေ့မှုအထိ ဦးတည်သွားစေခဲ့ပါတယ်။ နယူးဒေလီနဲ့ အစ္စလာမ်မာ ဘတ်တို့ဟာ ပိုင်ဆိုင်မှုအငြင်းပွား ကက်ရှ်မီးယားဒေသ “ထိန်းချုပ်မျဉ်း” LoC အနီး ပြင်းထန်စွာ တိုက်ခိုက်ခဲ့ ကြရာ ပါကစ္စတန်စစ်တပ်က တူရကီထုတ် ဒရုန်းများ၊ AI ထိန်းချုပ်ဒုံးကျည်ထောက်လှမ်းရေးစနစ်များအပြင် တရုတ်လုပ် ဂျက်တိုက်လေယာဉ်များ၊ အသံထက် အဆလွန်မြန် ဒုံးကျည်များကို အသုံးပြုခဲ့ပါတယ်။