(မေ-၁၊ ၂ဝ၂၆) မြန်မာနိုင်ငံဟာ အလုပ်လုပ်နိုင်တဲ့ အသက်အရွယ်အချိုးအစား အများဆုံးနိုင်ငံစာရင်းမှာ ပါပါလိမ့်မယ်

ဒါပေမယ့် လုပ်ခလစာဆီလျှော်တဲ့ ပြည်တွင်း အလုပ်အကိုင်ရှားပါးခြင်းကြောင့်

အရွယ်ကောင်း ကျားမလူငယ်လေးများ ရွှေ့ပြောင်းအလုပ်သမားအဖြစ် ပြည်ပကို ထွက်ခွာနေကြပါတယ်

ဒီအတွက်

(၁) ပြည်တွင်းအလုပ်အကိုင်နေရာများ
အတတ်နိုင်ဆုံးဖော်ဆောင်ပေးပါ
(၂) ငွေကြေးစနစ်တည်ငြိမ်စေရန် ပြည်တွင်းစစ်နဲ့ ရောထွေးနေတဲ့ မူးယစ်ဆေးဝါးကို အမြစ်ပြတ်ချေမှုန်းပါ
(၃) အဂတိလိုက်စားမှုတိုက်ဖျက်ပြီး တရားဥပဒေစိုးမိုးရေး ဦးစားပေးသင့်ပါတယ်

လူ့အဖွဲ့အစည်းကို ပညာအခြေခံဖြင့်တည်ဆောက်ပြီး တရားဥပဒေဖြင့် စည်းနှောင်၍ လွတ်လပ်စွာပြောဆိုရေးသားခွင့်နဲ့ ထိန်းကျောင်းရပါတယ်

#HtayOung #OungMarine

#HtayOung #OungMarine

(မေ-၂၊ ၂ဝ၂၆) ထောင်ကဲနဲ့သင်္ဘောသီးထောင်း အိမ်နီးချင်းကောင်းလား
===
အတိတ်ကာလ မြန်မာနဲ့ ထိုင်းမှာ ရှင်ဘုရင်ရော လယ်သမားပါ ဘုန်းကြီးကျောင်းထွက်တွေပါ၊ ပေါ်တူဂီကြေးစားစစ်သား ငှားတာတော့ နှစ်ဖက်စလုံးပဲ၊ ဒါးကောင်းကောင်းခုတ်တတ် ဝါးရင်းဒုတ်ကောင်းကောင်း ရိုက်တတ်တဲ့ဘက်က စ-စ်-နိုင်လိမ့်မယ်၊

ထိုင်းတွေက သူတို့ပညာရေးကို ပြောင်းလဲလိုက်တဲ့ ၁၇၈၅-၁၇၈၆ ခုနှစ် (မြန်မာ ဘိုးတော်ဘုရားလက်ထက်)
နောက်ပိုင်း မြန်မာဟာ သင်္ဘောသီးထောင်းတွေကို မနိုင်တော့တဲ့အပြင် သူတို့လက်ခုပ်ထဲက ရေဖြစ်နေရတယ်၊ လောနဲ့ ကမ္ဘောဒီးယားလည်း မရှု့မလှခံနေရတာ။လက်တွေ့ပဲ


သတင်းတစ်ပုဒ်ဖတ်ရတယ်၊
သူတို့ဆီမှာတော့ လူငယ်တိုင်း အလုပ်ရကြတဲ့အပြင် အလုပ်သမား ရှားပါးနေသတဲ့

ဒီဘက်မှာ အချင်းချင်းသတ်ကြ၊ စစ်ဘေးရှောင်ကြ၊ အလုပ်အကိုင် ရှားလို့
မြန်မာအရွယ်ကောင်း ကျားမလူငယ်လေးတွေ ရွှေ့ပြောင်းအလုပ်သမားဖြစ်ကြရပဲ

မြန်မာသဘုံအားလုံးနီးပါးဟာ နယ်စပ် ထိုင်းနဲ့ တရုတ်နယ်စပ်မြို့တွေမှာ နေနေကြပါတယ်

နှစ် ၇၀ ကြာ မြန်မာပြည်တွင်းစစ်ကြီးကို မကြည့်ရက်ဘူးဆိုရင် ထောင်ကဲနဲ့ သင်္ဘောသီးထောင်းက သူတို့ဘက်မှာ ခိုလှုံခွင့်ပေးထားတဲ့ မြန်မာသဘုံအားလုံးကို နှင်ထုတ်ပေးပါ

ဒီနေ့နှင်ထုတ် ဒီနေ့ ငြိမ်းချမ်းပါတယ်၊ အဲ့ဒီလို ပြတ်ပြတ်သားသား ပြောရဲ ပြောတတ်ဖို့သူ ခေါင်းဆောင်ဖို့သာ လိုလိမ့်မယ်

ထိုင်းမှာရော ကမ္ဘာမှာပါ "တော်လှန်ရေး" တို့ "သဘုံထရေး"တို့ ခေတ်မရှိတော့ပါ၊ သူတို့ ဆန္ဒကိုအကောင်အထည်ဖော်ဖို့ တိုင်းပြည်နဲ့ အများပြည်သူဆင်းရဲဒုက္ခရောက်အောင် မလုပ်ကြပါ၊ လုပ်လိုသူကိုလည်း မထောက်ခံကြပါ

ကျွန်တော်တို့ဆီမှာ ပညာရေး နိမ့်ပါးနေတယ်ဆိုတာ အမှန်ပါ၊ အတိအကျပြောရရင် ကုန်းဘောင်ခေတ်လယ်ပိုင်းတည်းက ခုထိပါ

လွတ်လပ်ရေးရပြီး သုံးလမပြည့်ခင် ပြည်တွင်းစစိ စဖြစ်ထာ သက်သေပါ

#HtayOung #OungMarine

(မေ-၂၊ ၂ဝ၂၆) အဲ့ဒီမြို့တွေ လက်လွတ်ရအောင်

Operation 1027 မှာ မြောက်ပိုင်း မဟာမိတ် သုံးဖွဲ့ဘက်က

အဿေခံပြီး ကူတိုက်ပေးခဲတာ ဗမာ ပဒတ်တွေပဲ

အခုလဲ ကရင်ပြည်နယ် ဝေါလေမှာ ကော်သူးလေဘက်က အဿေခံ ကူတိုက်ပေးနေတာ ဗမာပဒတ်တွေပါ

Photo: original uploader

#HtayOung #OungMarine
#tiktoknews #myanmartiktok🇲🇲🇲🇲 #fypシ゚

(မေ-၃၊ ၂၀၂၆) ဗြောက်သံတစ် ချက်မပေးပဲ နယ်မြေသိမ်းယူရေး ဂရေးဇုန် မဟာဗျူဟာနှင့် အရှေ့မြောက် နယ်ခြားစည်းရိုး မြန်မာဘက်ကို ကျူးကျော်လာပါသလား
===
တောင်တရုတ်ပင်လယ်မှာ တရုတ်ငါးဖမ်းလှေအတော်များများတို့ဟာ အမှန်တကယ် ငါးဖမ်းခြင်းမဟုတ်ပဲ သူ့ နိုင်ငံအစိုးရက အထောက်အပံ့ပေးတဲ့ “ပင်လယ်ရေကြောင်း ပြည်သူ့စစ်” အစိတ်အပိုင်းတစ်ခုဖြစ်နေကြောင်း၊ မဟာဗျူဟာနဲ့ နိုင်ငံတကာလေ့လာရေးသုတေသနဌာနမှ ဂျော့ပူးလင်းရဲ့ အဆိုအရ အဲ့ဒီလှေသမားတွေဟာ ပင်လယ်ထဲမှာ နေရာယူစိုးမိုးထားပေးဖို့နဲ့ အငြင်းပွားရေပြင်များမှာ တရုတ်နိုင်ငံရဲ့ တည်ရှိမှုကို ထိန်းသိမ်းရန်အ တွက် တစ်နေ့လျှင် ဒေါ်လာထောင်ပေါင်းများစွာ ရရှိနေကြောင်း၊ လေ့လာချက်များအရ အဲ့ဒီလှေသမားတွေဟာ ငါးဖမ်းခြင်းထက် အိပ်လိုက်စားလိုက်လုပ်ခြင်း၊ အေးဆေးအနားယူခြင်း သို့မဟုတ် ဖုန်းပွတ်ခြင်းဖြင့် အချိန်ဖြုန်း လေ့ရှိကြောင်း ပြသနေတယ်လို့ သြစတြေးလျ အခြေစိုက် (23 April 026) က ရေးတယ်။

ပင်လယ်ရေကြောင်း ပြည်သူ့စစ်လှေတွေဟာ PLA တရုတ်ပြည်သူ့လွတ်မြောက်ရေးတပ်-ရေတပ်မတော်။ ကမ်း ခြေစောင့်တပ်တို့နဲ့အတူ “တတိယအင်အားစု” အဖြစ် ဆောင်ရွက်နေတယ်လို့ ဆိုပါတယ်။ အဓိက ရည်မှန်း ချက်မှာ တရုတ်ရဲ့နယ်မြေပိုင်ဆိုင်ကြောင်း တောင်းဆိုမှုများကို ပံ့ပိုးရန်နဲ့ အလားတူ ပင်လယ်ပြင်အစိတ်အပိုင်း များကို အပြိုင်တောင်းဆိုနေတဲ့ ဖိလစ်ပိုင်၊ ဗီယက်နမ်နဲ့ အခြားနိုင်ငံများကို ခြိမ်းခြောက်ရန်ဖြစ်ကြောင်း၊ (အရှေ့ တရုတ်ပင်လယ်နဲ့ တောင်တရုတ်ပင်လယ်တို့ဟာ) ဟော်မုဇ် ရေလက်ကြားနည်းတူ နိုင်ငံတကာ ကုန်သွယ်ရေး လမ်းကြောင်းမှာ အလွန်အရေးကြီးကြောင်း သိရှိရပါတယ်။

ထိုင်ဝမ်ကျွန်းအနီးမှာ “ဘာလီကာတန်” လို ပူးတွဲ စစ်ရေးလေ့ကျင့်မှု များ ပြုလုပ်နေတဲ့ အမေရိကန်နဲ့ မဟာ မိတ်တပ်ဖွဲ့တွေ ရှိနေတဲ့အတွက် ဒီကိစ္စကြောင့် တင်းမာမှုများ မြင့်တက်လာနေတယ်။ ကျွမ်းကျင်သူတွေက တော့ ပေကျင်းဟာ (ပစိဖိတ်သမုဒ္ဒရာ အနောက်ဖျား) စစ်ရေးလေ့ကျင့်မှုများကို စောင့်ကြည့်ရန်နဲ့ ပြိုင်ဘက် နိုင်ငံများကို ဖိအားပေးဖို့အတွက် ပင်လယ်ရေကြောင်း ပြည်သူ့စစ်များကို အသုံး ပြုဖွယ်ရှိကြောင်း ယုံကြည်ကြ ပါတယ်။

၂၀၂၁ ခုနှစ်တုန်းက တစ်နေ့လျှင် ၁၀၀ ခန့်ရှိခဲ့တဲ့ လှေအရေအတွက်ဟာ ၂၀၂၅ ခုနှစ်မှာ ၂၄၀ ကျော်အထိ တိုးမြင့်လာခြင်းက ပေကျင်းရဲ့ ရည်ရွယ်ချက်ကို သိသာစေပါတယ်။ အများစုမှာ တရုတ်ရဲ့ စစ်ဘက်-အရပ်ဘက် ပေါင်းစပ်ရေး မူဝါဒအောက်မှာ အရပ်သားများအနေနဲ့ ပါဝင်ကြပါတယ်။ အချို့လှေငယ်များဟာ ကုန်သွယ်ရေ ကြောင်းသုံး AIS ခေါ် VHF အခြေခံ ခြေရာခံစနစ်များကို ပိတ်ပြီး “တစ္ဆေသင်္ဘောများ” အဖြစ် လှုပ်ရှားနေ ကြပါတယ်။ ( tJh’g လွန်ခဲ့တဲ့ ၁၀-နှစ်လောက်တည်းက အဲ့ဒါအမှန်ဖြစ်ကြောင်း ကျွန်တော့်ကိုယ်တွေ့ကို သီးခြားဖော်ပြပါ့မယ်)

ပင်လယ်ရေကြောင်း ပြည်သူ့စစ်လှေတွေဟာ ထောက်လှမ်းရေးအချက်အလက်စုဆောင်းခြင်း၊ ထောက်ပံ့ပို့ ဆောင်ရေး အကူအညီနဲ့ ပြိုင်ဘက်နိုင်ငံများက ရေကြောင်းအခြေခံအဆောက်အအုံများ တည်ဆောက်လာ ခြင်းတို့ကို ဖျက်ဆီးခြင်းများလည်း ပြုလုပ်ပါတယ်။ ကြိုတင်ဇာတ်တိုက်ထားတဲ့ ပုံစံနဲ့ တရုတ်လှေအုပ်ကြီးတွေ ဟာ ထိုင်ဝမ်အနီး အလားတူနည်းဗျူဟာများကို သရုပ်ပြခဲ့ပြီး လေ့ကျင့်ရေးလုပ်ကြတာလည်း ဖြစ်နိုင်ပါတယ်။

ရေကြောင်းပြည်သူ့စစ်တွေရဲ့ အမျိုးသားအကျိုးစီးပွားကို ကာကွယ်ခြင်းအတွက် တရုတ်ခေါင်းဆောင် ရှီကျင့် ဖျင်က ချီးကျူးပါတယ်။ ပေကျင်းနည်းတူ ဗီယက်နမ်လို အခြားနိုင်ငံတွေက အလားတူလှေအုပ်များကို အသုံး ပြုသော်လည်း တရုတ်လှေတွေက အရေအတွက် ပိုများ-ပိုမိုစနစ်တကျရှိတဲ့အတွက် ဒေသတွင်း လုံခြုံရေး ဆိုင်ရာ စိုးရိမ်မှုများကို မြင့်တက်စေပါတယ်။

(Grey Zone Strategy ဂရေးဇုန် စစ်နည်းဗျူဟာဆိုတာ တိုက်ရိုက်စစ်ခင်းခြင်း မရှိပဲ မိမိရဲ့ စစ်ရေး-နိုင်ငံရေး-စီးပွားးရေးအကျိုးစီးပွားများကို တိုးချဲ့သွားခြင်း ဖြစ်ပါတယ်။

စစ်ပြုတယ်လို့ စွပ်စွဲနိုင်ခြင်း မရှိ-ဿေနတ်သံ တစ်ချက် မထွက်စေပဲ နယ်မြေစိုးမိုးစေခြင်းဖြစ်ပြီး မော်စီတုံး လက်ထက် (တရုတ်-ဆိုဗီယက်ပဋိပက္ခ) မှာ စတင်လူသိများခဲ့တယ်။ စစ်ကြေညာခြင်း မရှိပဲ နယ်စပ်အနီး တိုက်ခိုက်မှုတွေဟာ ၇-လကြာမြင့်ပြီးနောက် အကွာအဝေးတစ်ခုအထိ နှစ်ဖက်တပ်များ ဆုတ်ခွာပေးရန် သ ဘောတူကြပါတယ်။ စစ်တပ်များဆုတ်ခွာသွားတဲ့ ဆိုဗီယက်ဘက်ခြမ်းမှာ ရေခဲပြင်ကြီးသာ တမျှော်တခေါ်ကြီး ကျန်ရစ်ခဲ့ပြီး တရုတ်ဘက်ခြမ်းမှာတော့ အချိန်မရွေးစစ်တိုက်နိုင်တဲ့ ပြည်သူ့စစ်ကျေးရွာငယ်လေးများက နယ် မြေစိုးမိုးမှုနဲ့ သတင်းထောက်လှမ်းမပျက် ရှိနေခဲ့လို့ ကမ္ဘာကျော်ခဲ့ပါတယ်။

အလားတူ တရုတ်နိုင်ငံ အနောက်မြောက်ဖျားဒေသ ဝီဂါမွတ်စလင်အများစုနေထိုင်ရာ ရျင်းကျန်ပြည်နယ်အ တွင်း ဟန်တရုတ်လူမျိုးများကို ပြောင်းရွှေ့နေရာချထားခြင်းမှာ ပေကျင်းရဲ့ လူဦးရေတည်ဆောက်မှုတမင် ရည်ရွယ်ပြောင်းလဲစေခြင်းဖြစ်ကြောင်း စွပ်စွဲမှုများ ဖြစ်ပေါ်နေတယ်။

လွန်ခဲ့တဲ့လများမှ စတင်ပြီး မြန်မာနိုင်ငံ ရှမ်းပြည်မြောက်ပိုင်းရှိ အုပ်ချုပ်မှု ယာယီဆုံးရှုံးထားတဲ့ မြို့များမှာ နိုင်ငံ ခြားသား တရုတ်လူမျိုးများ အခြေချလာခြင်း၊ မြေရှားနဲ့ အခြားသတ္ထုတူးဖော်ခြင်းအဝါအဝင် စီးပွားရေးလုပ်ငန်း များ လုပ်ကိုင်လာကြောင်း သတင်းများတွေ့ရှိရတယ်။ စိတ်မချမ်းသာစရာနဲ့ ကြောက်မက်ဖွယ်အကောင်းဆုံးမှာ UWSA နဲ့ MNDAA တို့ထိန်းချုပ်ထားတဲ့ နယ်မြေများမှာ တစ်ဖက်နိုင်ငံက နယ်ခြားခြံစည်းရိုးကို ယခင်မူလထက်ကျော်လွန်ပြီး မြန်မာဘက်သို့ တိုးချဲ့လာကြောင်း ဓါတ်ပုံ ဗွီဒီယိုများ တွေ့ရှိရခြင်းဖြစ်ပါတယ်။

မြန်မာနဲ့ တရုတ်အကြားမှာ နယ်ခြား အငြင်းပွားမှု မရှိပါ။ ဖဆပလအစိုးရလက်ထက် ယိမ်းနွဲ့ပါး စစ်တံခွန်အ စီအစဉ်အရ တိုင်းတာသတ်မှတ်ခဲ့ပြီး အမှတ်အသားများ စိုက်ထူပြီးဖြစ်ပါတယ်။ ယခု နယ်ခြားစည်းရိုး မသမာမှု သတင်းများမှာ နှစ်နိုငံချစ်ကြည်ရေးကို အလွန်အမင်း ထိခိုက်စေနိုင်တဲ့အတွက် နှစ်နိုင်ငံတိုင်ပင်ပြီး ပြန်လည်စစ် ဆေး အတည်ပြုသင့်ပါတယ်။

#HtayOung #OungMarine

(မေ-၃၊ ၂ဝ၂၆) ရခိုင်ပြည်နယ် ဂွမြို့တွင် တပ်မတော်က နိုင်ငံတော်အလံစိုက်ထူကြောင်း သတင်းထွက်

#HtayOung #OungMarine

(မေ-၃၊ ၂ဝ၂၆) အလွန်အင်အားကောင်းတဲ့ ကောလဟလသတင်းများအတွက်

အများပြည်သူတို့အနေနဲ့ အလွယ်တကူ
မယုံကြည်ဖို့ တိုက်တွန်းယုံနဲ့ မလုံလောက်ပါ၊

နှစ်နိုင်ငံ ကျွမ်းကျင်ပညာရှင်များ အဆင့်မြင့်အရာရှိများ၊ ကြားနေ ဂုဏ်သရေရှိပုဂ္ဂိုလ်များက သတင်းမှားဖြစ်ကြောင်း

Fact check စိစစ်တွေ့ရှိမှု
အတည်ပြုချက်ကို သတင်းထုတ်ပြန်သင့်ပါတယ်

တစ်ကြိမ်တည်းနဲ့ ထိရောက်စွာ ဖြေရှင်းနိုင်ပြီး

ဆောင်ရွက်ရန်လည်း မခဲယဉ်းဘူးလို့ ယုံကြည်ပါတယ်

Photo Curtsy: original uploader

#HtayOung #OungMarine

#HtayOung #OungMarine

(မေ-၄၊ ၂၀၂၆) ထိုင်ဝမ်ခေါင်းဆောင် ပြည်ပခရီးစဉ် တရုတ်ဟန့်တား၊ ပေကျင်းရဲ့ ဝံပုလွေစစ်သည်တော်များ
===
အာဖရိက အက်စ်ဝါတီနီနိုင်ငံကို ရုတ်တရက် အလည်အပတ်ရောက်ရှိလာတဲ့ ထိုင်ဝမ်သမ္မတ လိုင်ချင်တေဟာ ပုန်းလျှိုးကွယ်လျှိုးသွားလာနေရတဲ့ “ကြွက်” တစ်ကောင်လို ဖြစ်နေပြီလို့ တရုတ်ပြည်မကြီးက ပြောင်လှောင် လိုက်ကြောင်း၊ ဒါပေမယ့် ကျွန်းနိုင်ငံခေါင်းဆောင်ကတော့ သူတို့ဟာ ကမ္ဘာကြီးနဲ့ ချိတ်ဆက်ခွင့်ရှိတယ်လို့ ချေ ပပါတယ်။ တရုတ်က ထိုင်ဝမ်ကို ၎င်းရဲ့ နယ်မြေအစိတ်အပိုင်းတစ်ခုအဖြစ် သတ်မှတ်ထားပြီး ကျွန်းနိ်ုင်ငံနဲ့ အ ခြားတိုင်းပြည်များအကြား တရားဝင်ဆက်ဆံရေးကို ကန့်ကွက်နေပါတယ်။ ထိုင်ဝမ်ကတော့ ဒီအချက်ကို ငြင်း ပယ်ပြီး မိမိတို့ဖာသာ လွတ်လပ်တဲ့နိုင်ငံအဖြစ် ရှုမြင်တယ်လို့ ရိုက်တာသတင်းအေဂျင်စီ (3 May 2026) က ရေးတယ်။

သမ္မတ လိုင်ဟာ တတိယမြောက် မာဆွာတီဘုရင်နန်းတက်ခြင်း နှစ် ၄၀ ပြည့် အခန်းအနားကို တက်ရောက်ရန် အက်စ်ဝါတီနီအစိုးရပိုင် လေယာဉ်နဲ့ ရောက်ရှိလာခြင်းဖြစ်ပါတယ်။ ပြီးခဲ့တဲ့လတုန်းက သူ့လေယာဉ်ပျံသန်းခွင့် ကို ရုတ်သိမ်းရန် အိန္ဒိယသမုဒ္ဒရာကျွန်းနိုင်ငံ ၃-ခုကို တရုတ်က ဖိအားပေးခဲ့တယ်လို့ ထိုင်ဝမ်သမ္မတက ပြောပါ တယ်။ မြန်မာနိုင်ငံ မန္တလေးတိုင်းရဲ့ ထက်ဝက်မျှသာကျယ်ဝန်းပြီး လူဦးရေ ၁.၂ သန်းခန့်နေထိုင်တဲ့ အာဖရိက တိုက် အသေးဆုံး ကုန်းတွင်းပိတ် ကျွန်းနိုင်ငံငယ် အက်စ်ဝါတီနီဟာ ထိုင်ဝမ်နဲ့ တရားဝင်သံတမန် အဆက်အ သွယ်ရှိတဲ့ နိုင်ငံ ၁၂-နိုင်ငံအနက် တစ်ခုဖြစ်တယ်။

တရုတ်အရာရှိများရဲ့ စွပ်စွဲချက်ကို လိုင်က ပြင်းထန်တဲ့ စကားလုံးများဖြင့် တုံ့ပြန်လိုက်ပြီး မိမိရဲ့ခရီးသွားလာမှု မှာ ပေကျင်းရဲ့ ခွင့်ပြုချက် မလိုအပ်ကြောင်း မှတ်ချက်ပေးပါတယ်။ ထိုင်ဝမ်သမ္မတရဲ့ ခရီးစဉ်စောစောပိုင်းမှာ အ နှောင့်အယှက်ဖြစ်မှုကြောင့် အမေရိကန်က တရုတ်အပေါ် ဝေဖန်မှုများနဲ့ ဥရောပနိုင်ငံများရဲ့ စိုးရိမ်မှုများကို လည်း ဖြစ်ပေါ်စေခဲ့တယ်။

(ထိုင်ဝမ်သမ္မတရဲ့ ယခုရက်ပိုင်းပြည်ပခရီးစဉ်တွေကို တရုတ်က တိုက်ရိုက်တားဆီးခြင်း မဟုတ်ပဲ “ဖိအားပေး နည်း” တွေကို အသုံးပြုပြီး သွယ်ဝှိုက်ဟန့်တားနေကြောင်း တွေ့ရှိပါတယ်။ ထိုင်ဝမ်နဲ့ တရားဝင်အဆက်အ သွယ်ရှိတဲ့ နိုင်ငံအားလုံးနီးပါးဟာ ဝေးလံခေါင်ဇျား သို့မဟုတ် ကုန်းတွင်းပိတ်တိုင်းပြည်ငယ်များဖြစ်သည့်တိုင် ပေကျင်းက လုံလဝီရိယ မလျှော့ပါဘူး။

- “တရုတ်တစ်နိုင်ငံတည်း မူဝါဒ” အရ ထိုင်ဝမ်နဲ့ အစိုးရအဆင့် ဆက်ဆံမှုကို ကန့်သတ်ရန်၊ အဆင့်လျှော့ ချ စေဖို့ ပေကျင်းက ဖိအားပေးတတ်တယ်။ ထိုင်ဝမ်ခေါင်းဆောင်ကို လက်ခံမယ့်နိုင်ငံတွေ၊ နိုင်ငံတကာ အဖွဲ့အ စည်းတွေ၊ မိတ်ဖက် နိုင်ငံတွေအနေနဲ့ သဘောထား ပြောင်းလဲသွားနိုင်ပါတယ်။
- ထိုင်ဝမ်သမ္မတ လေယာဉ်ပျံသန်းမယ့် လေကြောင်းပိုင်နက်ကို ဖြတ်သန်းခွင့် ပိတ်ပင်ရန် ဖိအားပေးခြင်း ကြောင့် ခရီးစဉ် ဖျက်သိမ်းရတဲ့ အခြေအနေတွေ ဖြစ်လာတတ်ပါတယ်။
-ထိုင်ဝမ်ခေါင်းဆောင်ခရီးစဉ်တွေဟာ အဲ့သလို ဖိအားပေးခံရခြင်းများကြောင့် ရောက်မှပဲ သတင်းထုတ် ပြန်ရမျိုး တွေဖြစ်လာပြီး လုံခြုံရေးအန္တရာယ်စိုးရိမ်မှုများကြောင့် ရုတ်တရက်စီစဉ်ရတာမျိုးတွေ ဖြစ်လာပါတယ်။
-တရုတ်အစိုးရ “ထိုင်ဝမ်ရေးရာဋ္ဌာန” နဲ့ အစိုးရဌာနတွေက ပြင်းထန်တဲ့စကားလုံးတွေသုံးပြီး ထိုင်ဝမ်ခေါင်း ဆောင်ကို နှိမ်ချဖော်ပြခြင်း၊ နိုင်ငံတကာအလယ်မှာ မျက်နှာပျက်အောင် ကြိုးစားတတ်ပါတယ်

တရုတ်မှာ “Wolf Warrior (ဝံပုလွေစစ်သည်တော်)” ဆိုတဲ့ တရားမဝင် အသုံးအနှုန်းရှိပါတယ်။ နိုင်ငံတကာ ရေးရာမှာ တရုတ်ကို ပြင်းထန်စွာကာကွယ်ပြောဆိုတဲ့ သဘောထားတစ်မျိုးကို ခေါ်ဆိုပြီး Wolf Warrior 2 လို နာမည်ကြီးရုပ်ရှင်ကနေ ဆင်းသက်လာတာပါ။ အများအားဖြင့် တရုတ်သံတမန်တွေ၊ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူတွေ၊ တခါတရံ အစိုးရနဲ့ နီးစပ်တဲ့ မီဒီယာတွေနဲ့ သက်ဆိုင်ရာတိုင်းပြည်ရဲ့ ဘာသာစကားကို ကျွမ်းကျင်စွာတတ်မြောက်သူများက လုပ်ဆောင်လေ့ရှိပါတယ်။ လူ့အခွင့်အရေး၊ ကိုဗစ်ဗိုင်းရပ်စ်ရောဂါ၊ ဟောင် ကောင်အရေး၊ တရုတ်နဲ့ပတ်သက်ပြီး နိုင်ငံတကာအငြင်းပွားမှုတွေမှာ ပေကျင်းကို ကာကွယ်ဖို့ ခက်ထန်တဲ့ စကားအသုံးအနှုန်းများနဲ့ ထိုးနှက်တိုက်ခိုက်ခြင်းဖြစ်တယ်။

ဒါ့အပြင် တရုတ်ဟာ ပြည်ပနိုင်ငံများမှ အလားအလာရှိတဲ့ လွှတ်တော်ကိုယ်စားလှယ်တွေ၊ မီဒီယာ၊ သုတေသန ပညာရှင်တွေ၊ NGO ကိုယ်စားလှယ်တွေကို “ချစ်ကြည်ရေးခရီးစဉ်” သို့မဟုတ် အမြင်ချင်းဖလှယ်တဲ့ ခေါင်းစဉ် အောက်မှာ ဖိတ်ခေါ်ပြီး ပေကျင်းရဲ့မူဝါဒကို သိမ်မွေ့စွာတင်ပြတတ်တယ်။ မြို့တော်၊ စက်မှုဇုန်၊ နည်းပညာ စင် တာတွေကို လည်ပတ်ခွင့်ပေးပြီး တိုးတက်မှုတွေ ပြသခြင်း၊ စရိတ်အကုန်အကျခံ-လက်ဆောင်များပေးအပ် လေ့ ရှိတဲ့ အဲ့ဒီအပြုအမူဟာ ယေဘူယျအားဖြင့် အများပြည်သူဆက်ဆံရေးဖြစ်တယ်ဆိုပေမယ့် သြဇာလွှမ်မိုးရေး ဝါဒဇြန့်ခြင်း၊ ပါဝါအပျော့သုံးပြီး “လူမွေးခြင်း” ဖြစ်တယ်လို့ ဝေဖန်ခြင်းခံရတယ်

ဒီလိုအစီအစဉ်တွေဟာ တရုတ်တစ်နိုင်ငံတည်းမဟုတ်ဘဲ အမေရိကန်၊ ဥရောပအပါအဝင် နိုင်ငံအများစုလည်း လုပ်နေကြတဲ့ ပုံမှန် သံတမန်ရေးနည်းလမ်းတစ်ခုပါ။ ဒါပေမယ့် လိုရင်းကိုသာ ကွက်ကွက်လေး ဖော်ပြပြီး ဘယ် လောက်ထိ “ဝါဒဖြန့်” လဲဆိုတာကတော့ အမြင်ကွဲပြားမှု ရှိနေပါတယ်။ တစ်ဖက်မှာလည်း အကျင့်ပျက်ခြစားမှု အမြစ်တွယ်နေတဲ့ တိုင်းပြည်တွေမှာ စပွန်ဆာမျှော်လင့်နေတဲ့ “ငတေမာ” များအတွက်တော့ “တကယ့်ငွေတွင်းကြီး” ဖြစ်နေတတ် တယ်။ သတင်းဘာသာပြန်သူ)

#HtayOung #OungMarine

(မေ-၄၊ ၂ဝ၂၆) ဦးကျော်ဇံသာ ကျေးဇူးပြု၍ ဖြေဆိုပါ

===

၂ဝ၂၁ ဖေဖော်ဝါရီမှာ စစ်တပ်က ဖမ်းဆီးပြီး ထောင်ကျသွားသူထက်

ပြည်ပထွက်ပြေးသွားသူသတင်းသမားက အတော်များလိမ့်မယ်၊

လွတ်မြောက်နယ်မြေခေါ် တော်လှန်ရေး လက်နက်ကိုင်များထိန်းချုပ်ထားတဲ့နယ်မြေမှာ

R2P သတင်း၊ အမေရိကန်စစ်တပ်လာတော့မယ့်သတင်းအပါအဝင်

ကျေးရွာလုံးကျွတ် ဆန့်ကျင်ဆန္ဒပြကြောင်း  လိမ်ဆင် ဗွီဒီယိုတွေ၊

တိုက်ပွဲသတင်းတုတွေ

 တော်လှန်ရေး မကြာမီ ပြီးစီးတော့မယ့်အကြောင်းတွေ၊ False Hope သတင်းတွေကို ရေးခဲ့ကြတာ သူတို့ပါပဲ


ဝါရင့် သတင်းထောက်ကြီး ဦးကျော်ဇံသာဟာ မြန်မာစာ မြန်မာစကား ကောင်းကောင်း ကျွမ်းကျင်ပါတယ်၊

ဦးကျော်‌ဇံသာ အလုပ်လုပ်ခဲ့ဖူးတဲ့
BBC မြန်မာပိုင်းနဲ့ VOA အပါအဝင် ‌

ပြည်ပထောက်ပံ့ခံ မဇ္ဈိမ၊ ဧရာဝတီ၊ DVB စတဲ့ ပြည်ပြေးမီဒီယာတွေဟာ

(၁) ယခုထိ သတင်းအမှန်တွေကို ဖော်ပြနေတဲ့ သတင်းသမားစစ်စစ်တွေလို့ အာမခံပါသလား

(၂) အစတည်းက စေတနာရှိလို့ မဟုတ်ပဲ လုပ်စားချင်လို့ သတင်းသမားအရေခြုံတာ မဖြစ်နိုင်ဘူးလား

ဦးကျော်ဇံသာ ကျေးဇူးပြု၍ ဖြေဆိုပါရန်

#HtayOung #OungMarine

#HtayOung #OungMarine

(မေ-၅၊ ၂၀၂၆) ပြည်တွင်းစစ်၌ တပ်မတော် အသာစီး ရရှိနေဟု ဂျာမန်အစိုးရပိုင် မီဒီယာ သုံးသပ်။ တိုင်းပြည်စီး ပွားရေးထိခိုက်ပျက်စီးပြီး လူသောင်းချီသေဆုံး
===
ငါးနှစ်ကျော်ကြာ ပြည်တွင်းစစ်ဖြစ်ပွားပြီးနောက် မြန်မာစစ်တပ်ဟာ ပြတ်ပြတ်သားသား အနိုင်ရရှိနေတယ်လို့ မဆိုနိုင်ပေမယ့် ယခင်လောက် ဆိုးဆိုးရွားရွား ရှုံးနိမ့်မနေတော့ဘူးလို့ ဂျာမန်အစိုးရပိုင် “ဒွိုက်ဗယ်လာ” (1 May 2026) က ရေးတယ်။ ဒေါ်အောင်ဆန်းစုကြည်အစိုးရကို ဖယ်ရှားကာ ၂၀၂၁ ခုနှစ် အာဏာရယူပြီးနောက် စစ် တပ်အနေနဲ့ ခုခံရေးအုပ်စုများထံ နယ်မြေအမြောက်အမြားကို ဆုံးရှုံးခဲ့ရပါတယ်။ ပဋိပက္ခကြောင့် တိုင်းပြည်စီး ပွားရေးထိခိုက်ပျက်စီးပြီး နိုင်ငံတကာရဲ့ ရှောင်ဖယ်မှုကြောင့် အထီးကျန်မှုကို ရင်ဆိုင်ခဲ့ရတဲ့အပြင် စစ်ရာဇ ဝတ်မှု စွပ်စွဲချက်များလည်း ပါဝင်လာခဲ့တယ်။

ဒါပေမယ့် လွန်ခဲ့တဲ့ ၁၈ လအတွင်း အခြေအနေတွေဟာ ပြောင်းလဲလာခဲ့တယ်။ စစ်တပ်က နယ်မြေအချို့ကို ပြန်လည်သိမ်းပိုက်နိုင်ခဲ့ပြီး ဒရုန်းများ-အသစ်စုဆောင်းထားတဲ့ စစ်သားများကို အသုံးပြုကာ ထိုးစစ်အသစ်များ ကို ဆင်နွှဲခဲ့ပါတယ်။ ဒေါ်အောင်ဆန်းစုကြည်ကို အကျဉ်းထောင်မှ နေအိမ်အကျယ်ချုပ်သို့ ပြောင်းရွှေ့ခြင်းမျိုးလို အကန့်အသတ်ရှိတဲ့ နိုင်ငံရေးလှုပ်ရှားမှုများကိုလည်း ပြုလုပ်ခဲ့တယ်။ အပြုသဘောဆောင်တဲ့ ခြေလှမ်းလို့ ကုလ သမဂ္ဂက ဖော်ပြပေမယ့် ဝေဖန်သူတွေကတော့ လူကြားကောင်းယုံအတွက်သာဖြစ်ပြီး အမှန်တကယ် ပြုပြင် ပြောင်းလဲမှု မဟုတ်သေးဘူးလို့ ဆိုကြပါတယ်။

စစ်တပ်ဟာ ကျယ်ကျယ်ပြန့်ပြန့် ဝေဖန်ခံရပြီး မမျှတတဲ့ ရွေးကောက်ပွဲတစ်ခုကိုလည်း ကျင်းပခဲ့ပါတယ်။ စစ်တပ် မဟာမိတ်ပါတီက အနိုင်ရရှိခဲ့ပြီး တပ်မတော်ခေါင်းဆောင် (ဦး) မင်းအောင်လှိုင်က သမ္မတဖြစ်လာခဲ့တယ်။ အ နောက်နိုင်ငံအများအပြားတို့က ဆန္ဒမဲပေးခြင်းကို ပယ်ချခဲ့ပေမယ့် တရုတ်နှဲ့ ထိုင်းတို့လို ဒေသတွင်းအင်အား ကြီးတိုင်းပြည်အချို့က (မြန်မာ) အစိုးရသစ်နဲ့ ပြန်လည်ဆက်ဆံလာကြခြင်းဖြင့် နိုင်ငံတကာ တရားဝင်အသိ အမှတ်ပြုမှုကို အဆင့်အတန်းတစ်ခုထိ ပေးအပ်နေပါတယ်။

စစ်မြေပြင်မှာတော့ ခုခံရေးအုပ်စုတွေဟာ နယ်မြေအမြောက်အမြားကို ဆက်လက်ထိန်းချုပ် သို့မဟုတ် ယှဉ်ပြိုင် နေဆဲဖြစ်ပါတယ်။ ဒါပေမယ့် မြန်မာစစ်တပ်ဟာ တရုတ်နဲ့ ထိုင်းအနီး အရေးကြီး ကုန်သွယ်ရေးလမ်းကြောင်း များ အပါအဝင် အဓိက ဒေသများကို ပြန်လည်သိမ်းပိုက်နိုင်ခဲ့ပါတယ်။ တရုတ်ကလည်း လက်နက်ကိုင်အဖွဲ့အ ချို့ကို တိုက်ပွဲရပ်တန့်ရန် သို့မဟုတ် နယ်မြေပြန်လည်ပေးအပ်ရန် ဖိအားပေးခဲ့ပြီး သွယ်ဝိုက်တဲ့နည်းလမ်းနဲ့ စစ်တပ်ကို အကူအညီပေးခဲ့တယ်။

တစ်ချိန်တည်းမှာပဲ ဒေသအချို့မှာ ခုခံရေးအုပ်စုတွေဟာ အင်အားချိနဲ့ လာတယ်။ စစ်တပ်က အာဏာရယူစတုန်းက ဖွဲ့စည်းခဲ့တဲ့ ပြည်သူ့ကာကွယ်ရေးတပ်မတော် (PDF) တွေဟာ စွန့်ခွာထွက်ပြေးခြင်းများ၊ တပ်တွင်းညှိနှိုင်းဆောင်ရွက်မှု ပြဿနာများနဲ့ ကြုံတွေ့နေရတယ်။ အချို့သော တိုင်းရင်းသားလက်နက်ကိုင်အဖွဲ့တွေ ကိုယ်တိုင်မှာလည်း စောစောပိုင်းလောက်သာ အောင်မြင်ပြီး နောက်ပိုင်းမှာ ရုန်းကန်နေရတယ်

ဒါပေမယ့် စစ်တပ်ဟာ အမှန်တကယ် အနိုင်ရရှိနေခြင်း မဟုတ်ဘူးလို့ ကျွမ်းကျင်သူတွေက ပြောပါတယ်။ ဆုံးရှုံး ခဲ့ရတဲ့ နယ်မြေအစိတ်အပိုင်း အနည်းငယ်မျှသာကို ပြန်လည်ရရှိသွားခြင်းဖြစ်ပြီး ပြင်းထန်တဲ့ ဆန့်ကျင်တိုက် ခိုက်မှုများကို ရင်ဆိုင်နေရဆဲဖြစ်ကြောင်း၊ ခုခံရေးအင်အားစုတွေဟာ အကွဲကွဲအပြားပြားဖြစ်နေပြီး စစ်တပ်အပေါ် လုံးဝအပြတ်အသတ် အနိုင်ယူနိုင်ရန် မဖြစ်နိုင်သလို ပျောက်ကွယ်သွားရန်လည်း မဖြစ်နိုင်ဘူးလို့ ယုံကြည်ကြတယ်

ခြုံငုံကြည့်လျှင် (မြန်မာ့) ပဋိပက္ခဟာ ရှည်လျားတဲ့ တိုက်ပွဲဆီသို့ သွယ်ဝိုက်ဦးတည်နေပါတယ်။ သောင်းနဲ့ ချီ တဲ့ အသက်ဆုံးရှုံးမှုများ၊ လူသုံးသန်းကျော် နေရပ်စွန့်ခွာထွက်ပြေးရတဲ့အထိ တိုက်ပွဲတွေဟာ ပြင်းထန်စွာ ဆက်လက်ဖြစ်ပွားနေပါတယ်။ စစ်တပ်ဟာ ယခင်ကထက် ပိုမိုတည်ငြိမ်လာပေမယ့် အဆုံးအဖြတ်ပေးနိုင်တဲ့ အောင်ပွဲတစ်ရပ်ရရှိရန် ဝေးကွာနေဆဲဖြစ်တယ်လို့ ဂျာမန်အစိုးရပိုင်သတင်းစာမှာ ဘန်ကောက်မြို့နေ ဇွန်ဘာ ပီတာက သုံးသပ်ရေးသားတယ်

(ကျွန်တော်တစ်ဦးတည်းအနေနဲ့ကတော့ တပ်မတော်ရဲ့ စစ်ရေးအသာစီးရရှိမှုဟာ ၂၀၂၅-ခုနှစ် ဖေဖော်ဝါရီလ ဒုတိယပတ်မှာ စတင်ဖြစ်ပေါ်တယ်လို့ ဉာဏ်မီပါတယ်။ ရှမ်းမြောက် တောင်ခမ်း၊ ပဲခူးတိုင်း အနောက်ခြမ်းနဲ့ ရခိုင်ပြည်နယ်တောင်ပိုင်း ဧရာဝတီတိုင်းအစပ်မှာဖြစ်ပါတယ်။ အောင်မြင်မှုဟာ ဇွန်လမှာ သိသာလာပြီး နယ်မြေပြန်လည်သိမ်းယူနိုင်မှုများလည်း လျှင်မြန်လာတယ်

ပြည်ပြေးမီဒီယာများ ရေးနေကြသလို အာရက္ခတပ် AA ဟာ ပြည်မကြီးအတွင်း ထိုးစစ်ဆင်နေခြင်း မရှိပါ။ ယခု ဆောင်းပါးပါအတိုင်း တိုက်ခိုက်ရေးအင်အား ဆုတ်ယုတ်နေတဲ့အပြင် သိမ်းပိုက်နယ်မြေများမှာ အုပ်ချုပ်ရေး-လူမှုရေး-ကျန်းမာရေးအခက်အခဲများနဲ့ ရင်ဆိုင်နေရပါတယ်။ မဆင်မခြင် သိမ်းယူထားတဲ့ နယ်မြေအများ အပြားကို ကာကွယ်ရန် မဖြစ်မနေ လိုအပ်လာတယ်

ဒီအတွက် ရခိုင်ပြည်နယ်ဝင်ပေါက်နေရာများမှာ ဗမာ PDF တို့က အဿေခံ ခုခံပေးကြရန် “အဖရက္ခိုင်နိုင်ငံ တော် ထူထောင်ရေး” မှ လူပြိန်းကြိုက် “စစ်ကျွန်ဘဝလွတ်မြောက်ရေး” (ခုနစ်ခိုင် ဖက်ဆစ်ကျွန်ဖြစ်ရေး) လေသံ‌ေပြာင်းလာခြင်းသာဖြစ်ပါတယ်။

#Htayoung #OungMarine

#Htayoung #OungMarine

(မေ-၅၊ ၂ဝ၂၆) တာလီဘန်ထက် ဆိုးနေပြီလား

Miss ပြိုင်ပွဲမှာ သီလရှင် ဝတ်စုံဝတ်ပြလို့ ပေါက်ကွဲနေကြတယ်

အဲ့ဒီ အမျိုးသမီးက စင်ပေါ်မှာ သီလရှင်ဝတ်စုံနဲ့ ကခုန်တာ ‌

ပြောင်လှောင်အပြုအမူမျိုး လုပ်ခဲ့ပါသလား

မြန်မာ့ဓလေ့ သီလရှင် ဝတ်စုံကို ပါဖောင့်မင့် ပြသတာလား

သင်္ကန်းကို စင်ပေါ်မှာ ဝတ်ပြလို့ အရေးယူရမယ်ဆိုရင်

မဟာဗုဒ္ဓဝင်ကို အပိုင်းလိုက် ကပြသွားတဲ့

အလင်္ကာကျော်စွာ ရွှေမန်းတင်မောင်ကြီးကို ဘယ်လို သဘောရပါသလဲ

Little Buddha မှာ သိဒ္ဓတ္ထမင်းသားမှ ဂေါတမဗုဒ္ဓအထိ သရုပ်‌ဆောင်သွားတဲ့ ကမ္ဘာကျော် ကီနူးရိဗ် နဲ့

ဂေါတမဗုဒ္ဓဇာတ်ကားမှ
မြန်မာပြည်‌တောင် လာလည်သွားတဲ့ ဘောလိဝုဒ်သရုပ်ဆောင်တို့ကို

ဘယ်လိုမှတ်ချက်ပေးချင်ပါသလဲ

ပြစ်မှုဆိုင်ရာဥပဒေ ပုဒ်မ ၂၉၅ သာသနာညှိုးနွမ်းစေမှုအတွက်

အကျုံးဝင်တဲ့အချက်များကို ပြန်ကြည့်‌စေချင်ပါတယ်

#HtayOung #OungMarine