#HtayOung #OungMarine

(မေ-၁၈၊ ၂၀၂၅) ဂါဇာ ပါလက်စတိုင်းတို့ထံ တရုတ်က လေကြောင်းမှ ရိက္ခာချပေးနေကြောင်း ကမ္ဘာ့နိုင်ငံအ ချင်းချင်းကြား အထင်အမြင်လွှဲမှားစေသည့် သတင်းဗွီဒီယိုတု ပျံံနှံ့နေ
===
အစ္စရေးစစ်တပ်က ဝိုင်းပတ်ပိတ်ဆို့ထားတဲ့ ဂါဇာပါလက်စတိုင်းတို့ထံ တရုတ်က လေကြောင်းမှ ရိက္ခာနဲ့ ဆေး ဝါးများချပေးနေကြောင်း သတင်း ဗွီဒီယိုတိုလေးတွေကို ယခုရက်ပိုင်း TikTok နဲ့ လူမှုကွန်ရက်မှာ တွေ့မြင်ရ ပါတယ်။

တကယ်တော့ အဲ့ဒီ ဗွီဒီယိုတွေဟာ လွန်ခဲ့တဲ့ ၂၀၂၄-ခုနှစ် ဇွန်လလည်ပိုင်းကတည်းက လူမှုကွန်ရက်မှာ ဖြန့် ဝေခဲ့ဖူးပြီး သတင်းမှားဖြစ်ကြောင်း Fact Check များက ဖော်ပြခဲ့ဖူးပါတယ်။ အဲ့ဒီတုန်းက သတင်းတု ဗွီဒီယို တွေကို X (Twitter)၊ Facebook နဲ့ TikTok မှာ တစ်ပြိုင်တည်း လွှင့်တင်ခဲ့ကြတယ်လို့ ဆိုပါတယ်။
.
တချို့ ဗွီဒီယိုတွေဟာ ၂၀၂၄-ခုနှစ် မတ်လ ၂-ရက်နေ့ ဂါဇာကမ်းမြှောင်နေသူများထံ အမေရိကန်က အစားအ စာများ ချပေးခဲ့တဲ့ ဖြစ်ရပ်မှန်ဗွီဒီယိုကို အသုံးချပြီး တရုတ်က ချပေးတယ်လို့ လိမ်လည် ပုံစာရေးထိုးထားပါ တယ်။ အားလုံးသိကြတဲ့အတိုင်း ဂါဇာနေ ပါလက်စတိုင်းမြို့ကြီးများမှာ ဟားမတ်စ် စစ်သွေးကြွတို့ ပုန်းခိုရော နှောနေတယ်ဆိုတဲ့ အကြောင်းပြချက်နဲ့ အစ္စရေးက ဝိုင်းပတ်စစ်တိုက်နေခြင်း ဖြစ်ပါတယ်။ အဲ့ဒီလိုအချိန် အစ္စ ရေးမဟာမိတ် အမေရိကန်ရဲ့ ပြိုင်ဘက် ကမ္ဘာ့အင်အားကြီးနိုင်ငံတစ်နိုင်ငံက ဂါဇာပါလက်စတိုင်းတို့ထံ လေ ကြောင်းမှ အကူအညီများ ချပေးနေတယ်ဆိုခြင်းဟာ အခြေအနေကို အလွန်ရှုတ်ထွေးသွားအောင် ဖန်တီးရာ ရောက်ပါတယ်။

တရုတ်က ဂါဇာကမ်းမြောင်ဒေသနေ ပြည်သူများထံ လေကြောင်းမှ ရိက္ခာဆေးဝါး ချပေးကြောင်း ယုံကြည် ရ လောက်တဲ့ သတင်းရင်းမြစ် မရှိသေးပါဘူး။ ဂါဇာ ပါလက်စတိုင်းတို့ထံ ရိက္ခာ-ဆေးဝါးနဲ့ အသက်ရှင်ရပ်တည် ရေး ပစ္စည်းများပေးပို့ နေကြတဲ့ နိုင်ငံများမှာ ဂျော်ဒန်၊ အမေရိကန်၊ ဗြိတိန်၊ ယူအေအီး၊ ဂျာမနီ၊ ပြင်သစ်၊ အင်ဒို နီးရှား၊ နယ်သာလန်၊ ဘယ်လ်ဂျီယံနဲ့ အီဂျစ်တို့ ပါဝင်ပါတယ်။

တရုတ်အစိုးရ ဝဘ်ဆိုဒ်မှာ ဖော်ပြချက်အရ ဂါဇာကမ်းမြှောင်ဒေသ အကျပ်အတည်းကို လျော့နည်း သက်သာ စေရန် အကူအညီပေးပို့တယ်လို့ ဖော်ပြထားပေမယ့် လေယာဉ်နဲ့ ပို့ဆောင်ပေးတဲ့ အစားအသောက်များ အ ကြောင်း ပါဝင်ခြင်း မရှိပါဘူး။ ငွေကြေး၊ အစားအစာ၊ ဆေးဝါးနဲ့ အခြား လူသားချင်းစာနာမှုဆိုင်ရာ အကူအညီ များကို အီဂျစ်မှတစ်ဆင့် ဂါဇာကမ်းမြောင်သို့ ပေးပို့ခဲ့ကြောင်း ဖော်ပြထားပါတယ်။ ပြီးခဲ့တဲ့ ရမ်မာဇန် လမြတ် ကာလ ရိက္ခာများကို ထပ်မံထောက်ပံ့ပေးခဲ့ကြောင်း၊ မတ် ၂၈ ရက်နေ့မှာ ဆန်များကို အီဂျစ်နိုင်ငံ ပို့ဆက်ဆိပ် ကမ်းသို့ သင်္ဘောဖြင့် ပို့ဆောင်ခဲ့ပြီး (ဂါဇာတောင်ပိုင်း) “ရာဖာစခန်း”မှတစ်ဆင့် ပါလက်စတိုင်း အရပ်သားများ ထံ ပေးပို့ခဲ့တယ်လို့ ဖော်ပြထားပါတယ်။

လေယာဉ်များအသုံးပြုပြီး အစားအစာများကို ဝေဟင်မှ ပစ်ချခြင်းဟာ ပြင်ပကမ္ဘာနဲ့ အဆက်ပြတ်အထီး ကျန် နေခိုက် လူတစ်ဦးချင်းစီအတွက် အသက်ကယ်အကူအညီများ အလွန်အမင်းလိုအပ်နေပြီး ဆိုးရွားတဲ့အကျပ် အတည်း အခြေအနေမျိုးမှာ အသုံးပြုတဲ့ နည်းဗျူဟာဖြစ်ပါတယ်။ အလှမ်းဝေးတဲ့ ဒေသများမှာ ပဋိပက္ခတစ်ခုခု သို့မဟုတ် သဘာဝဘေးအန္တရာယ်ကျရောက်တဲ့အခါ ထောက်ပံ့ရေးပစ္စည်းများ အလျင်အမြန်ပေးပို့နိုင်ဖို့ အခြား နည်းလမ်း မရှိရင် အသုံးပြုကြပါတယ်။

လေယာဉ်မှ အစားအသောက်များကို ချပေးခြင်းမှာ အားနည်းချက်များ ရှိပါတယ် ထောက်ပံ့ရေးပစ္စည်းတွေဟာ မရည်ရွယ်သူ လက်တွင်း သို့မဟုတ် အန္တရာယ်ရှိတဲ့ နေရာများမှာ ကျဆင်းသွားနိုင်တဲ့အတွက် ချိန်ဆရန် အလွန် ခက်ခဲပါတယ်။ ပစ်ချသမျှ အဖတ်မတင်ပဲ အလေအလွင့်ဖြစ် ပျက်စီးဆုံးရှုံးနိုင်ပါတယ်။ ဒါအပြင် လေယာဉ်မှ အ စားအစာများကို ချပေးခြင်းဟာ လက်ပူတိုက်အဖြေရှာခြင်းဖြစ်ပြီး လက်ရှိဖြစ်ပေါ်နေတဲ့ အကျပ်အတည်းများ အ တွက် ရေရှည်တည်တံ့တဲ့ ဖြေရှင်းချက်တစ်ခု မဟုတ်ပါဘူး။ အစားအစာများကို လူအများအပြားတို့က အလု အ ယက် ကောက်ယူတဲ့အတွက် လူစုလူဝေးဖြစ်စေနိုင်ပါတယ်။ ပစ်ချတဲ့ ပစ္စည်းထုပ်ထိမှန်ပြီး လူသေဆုံး ဒဏ်ရာ ရရှိခဲ့ကြဖူးပါတယ်။ ဒါကြောင့် ကမ္ဘာ့စားနပ်ရိက္ခာအစီအစဉ် သို့မဟုတ် ကုလသမဂ္ဂလိုမျိုး နိုင်ငံတကာအဖွဲ့ အ စည်းများရဲ့ ညှိနှိုင်းဆောင်ရွက်မှု မရှိဘဲ ဝေဟင်မှ ရိက္ခာအကူအညီချပေးတာမျိုး လုပ်ဆောင်လေ့ မရှိပါဘူး

ဂါဇာ ပါလက်စတိုင်းတို့ထံ တရုတ်က လေကြောင်းမှ ရိက္ခာချပေးနေကြောင်း သတင်းလိမ် ဗွီဒီယိုကို ကမ္ဘာအ ရပ်ရပ် အကောင့်ပိုင်ရှင်များက လွှင့်တင်နေကြခြင်းဖြစ်ပါတယ်။ ယခုလို လွှင့်တင်ရခြင်းရဲ့ ရည်ရွယ်ချက်ကို ခန့် မှန်းရန် မဖြစ်နိုင်ပေမယ့် “ အရှေ့အလယ်ပိုင်းနိုင်ငံတွေဟာ တရုတ်လောက်တောင် အားမကိုးရဘူး” လို့ စာ သားရေးထိုးထားခြင်းကြောင့် ကမ္ဘာ့နိုင်ငံအချင်းချင်းကြား အထင်အမြင်လွှဲမှားစေလိုကြောင်း သုံးသပ်ရပါတယ်။
.
#HtayOung #OungMarine
===

(မေ-၁၈၊ ၂၀၂၅) ယမန်နေ့ ထောင်ကဲ Booster Pump Station ရှိရာ ဝက်လူးဘက်မှာ ပစ်ခတ်မှုဖြစ်ပြီး ညနေ ၁၆၀၀ နာရီခန့်မှာ နွားထိုးကြီးမြို့အတွင်း PDFs များ ဝင်ရောက်လာ
ကား ၅-စီးခန့်ရှိပြီး ရဲစခန်း ထွေအုပ်ရုံးရှိရာ မြို့အနောက်ပိုင်းကို မသွား
မြို့ထိခိုက်ပျက်စီးမည် စိုးရိမ်လို့ထင်ပါတယ်
အနောက်ပိုင်း လုံခြုံရေးတို့ကလည်း အရှေ့ပိုင်းသို့ မသွားကြကြောင်း သိရှိရပါတယ်။ (သတင်း ဖော်ပြပြီး)
.ေ
တာင်သာအနောက်ဖက် ထနောင်းကုန်းရွာကို စစ်ကူများရောက်ရှိလာလို့
PDFs များ ဆုတ်ပြေးသွားကြောင်း
မြင်းခြံဘက်မှာ ပွဲက နေပေမယ့် နွားထိုးဘက်တော့ ဘာလေယာဉ်မှ မလာပါဘူး တဲ့
.
ဒီနေ့ ညနေပိုင်းမှာတော့
နွားထိုးကြီးမြို့တွင်း လုံခြုံရေးတပ်များနဲ့ PDFs များ
နှစ်ဖက်မျက်နှာချင်းဆိုင်ထိပ်တိုက်တွေ့နေကြပြီး ပစ်ခတ်မှုတော့ မရှိသေးဘူးလို့ ဆိုပါတယ်။
.
#HtayOung #OungMarine

(မေ-၁၈၊ ၂၀၂၅) (၂၈.၃.၂၀၂၅) ရက်နေ့
ငလျင်ကြီးတွင် မန္တလေးမြို့၌ မြန်မာနိုင်ငံမီးသတ်ဌာန ရှာဖွေကယ်ဆယ်ရေးနှင့် ပြည်ပ ၄ နိုင်ငံမှ ရှာဖွေကယ်ဆယ်ရေးအဖွဲ့တို့ ပူးပေါင်းဆောင်ရွက်ခဲ့စဉ်

.
#HtayOung #OungMarine

(မေ-၁၉၊ ၂၀၂၅) ယနေ့နံနက် ၀၆၃၀ နာရီခန့်မှာ မန္တလေးတိုင်း တောင်သာမြို့ဝဲလောင်ဘက်အထွက် မင်္ဂလာဦး စစ်ဆေးရေးဂိတ်ကို PDFs လို့ ယူဆရသူများက လာရောက်ပစ်ခတ်ခဲ့ပါတယ်။
.
နာရီဝက်ကျော်ကြာတဲ့အထိ ၄၀ မမ ပေါက်ကွဲသံနဲ့ တစ်ချက်ချင်း ပစ်ခတ်တဲ့ လက်နက်ငယ်သံတွေကို ကြိုကြားကြားရခြင်းကြောင့် PDFs တို့ဘက်မှာ ကျည်များများ သုံးနိုင်ပုံ မရပါ။

ချက်ချင်းဆိုသလို လေယာဉ်ဝဲပျံသံကြားကြရတယ်။ ပြီးခဲ့တဲ့ရက် တောင်သာ အနောက်ဖက် ထနောင်းကုန်းရွာ ပြည်သူ့စစ်များကို ၂-ရက်ခန့်တိုက်ခိုက်ပေမယ့် အရေးမလှပဲ စစ်ကူရောက်လာလို့ ဆုတ်ပြေးခဲ့ရတဲ့ PDFs တို့ဟာ တောင်သာကို သွေးတိုးစမ်း ခြောက်လှန့်ပုံရပါတယ်။

လွန်ခဲ့တဲ့လ တောင်သာ-မလှိုင်ကြား ရုံးစည်ကြီးရွာ ထိတွေ့မှုမှာ အထိနာသွားတဲ့ PDFs တို့ဟာ ရုံးစည်ကြီးအနီး ရွှေသံဘို ဇရပ်မှာ ဝါးတားဂိတ်ဖွင့်ပြီး ပိုက်ဆံကောက်နေပါတယ်။

လေ့လာမိသလောက် မြင်းခြံ-တောင်သာ-နွားထိုးနယ်တဝှိုက် PDFs အင်အားဟာ လောလောဆယ် စုစုပေါင်း ၅၀၀ ခန့်သာ ရှိနိုင်ပါတယ်။ တရုတ်စက်လက် RPG နဲ့ ပြောင်းရှည် လက်နက်ငယ်အချို့ ကိုင်ဆောင်ထားကြပေမယ့် ကျည်ပေါပုံ မရပါ

ရုံးစည်ကြီးလို အပေါ်-မြေပြင် ဖိစီးစီးရှင်းလင်းခဲ့ရင် ရက်ပိုင်းအတွင်း အဖြေထွက်နိုင်ဖွယ် ရှိပါတယ်။

နွားထိုးကြီးအခြေအနေကတော့ ကျွန်တော်သတင်းတင်ခဲ့ပြီးပါပြီ

မြင်းခြံဘက် ပွဲကနေတာ နိုင်ငံခြားသား အဖြူကောင် ၂-ကောင် အသေမိတဲ့အထိ ပြင်းထန်နေချိန် နွားထိုးကြီးနဲ့ တောင်သာမှာ ခုလိုဖြစ်နေခြင်းဟာ

ဒေသခံ PDFs တို့အနေနဲ့ တစ်ဖွဲ့တစ်ဖွဲ့ ချိတ်ဆက်ပြီး စစ်ရေး အာရုံပြောင်း လှည့်စားဖို့နဲ့

ရှေ့ကရှင်း နောက်က ပြန်ဝင်ရန် ပြင်ဆင်နေကြောင်း သိသာပါတယ်။

ဒီအတွက် သက်ဆိုင်ရာအနေနဲ့ ချက်ချင်းကြီး လုပ်ရကိုင်ရဖို့ အခက်တွေ့တာမျိုး သေချာပေါက် ရှိနိုင်ပါတယ်။

ဒါပေမယ့် ထနောင်းကုန်းရွာဖြစ်စဉ်ကို ကြည့်ရင် မကြာမီ ရက်ပိုင်းအတွင်း အဖြေထွက်လိမ့်မယ်လို့ ယုံကြည်ပါတယ်။
.
#HtayOung #OungMarine

#HtayOung #OungMarine

(မေ-၁၉၊ ၂၀၂၅) ရခိုင် လူသားချင်းစာနာမှုဆိုင်ရာ စင်္ကြံဆိုသည်မှာ အမှန်တကယ်အကူအညီပေးရေး ကြိုးပမ်းမှု ဟုတ်ပါ့မလား ပြည်ပအင်အားကြီးတိုင်းပြည်ရဲ့ အရှိန်အဝါအသုံးချ ကစားကွက်လား
===
ကုလသမဂ္ဂနဲ့ အမေရိကန်တို့ဟာ မြန်မာနိုင်ငံ ရခိုင်ပြည်နယ်အတွင်း အငတ်ဘေးကြုံနေရသူများအတွက် လူ သားချင်းစာနာမှုဆိုင်ရာ စင်္ကြံဖွင့်လှစ်ရန် လိုလားနေကြပါတယ်။ အဆိုပါ လမ်းကြောင်းဟာ ဘင်္ဂလားဒေ့ရှ် နိုင်ငံ ကို ဖြတ်သန်းပြီး မြန်မာစစ်တပ်နဲ့ ဆန့်ကျင်ပုန်ကန်သူ အာရက္ခတပ်တော် (AA) တို့ ထိန်းချုပ်ထားတဲ့ နယ်မြေ များအတွင်း ဝင်ရောက်ဖို့ ရှိနေတယ်လို့ စစ်ရေးနိုင်ငံရေးလေ့လာသူ အီဆွတ်မန်နွန်က “ဒါကာထရိုင်ဗြွန်း” (18 May 2025) မှာ ရေးသားပါတယ်။

အပေါ်ယံကြည့်ရင် လူသားချင်းစာနာမှုဆိုင်ရာ ကြိုးပမ်းမှုသက်သက်လို့ ထင်ရပေမယ့် အရှေ့တောင်အာရှ အ ထူးသဖြင့် (အိန္ဒိယရဲ့ ကုလားတန်စီမံကိန်းနဲ့) ကျောက်ဖြူရေနက်ဆိပ်ကမ်းမျိုးလို (အာရှစစ်ရေး စီးပွားရေး အင်အား ကြီး တိုင်းပြည်များရဲ့) အဓိကကျတဲ့ ပရောဂျက်များတည်ရှိရာ ရခိုင်ပြည်နယ်မှာ သူ့ခြေသူ့လက်လုပ် နိုင်ဖို့ အမေရိကန်ရဲ့ ကစားကွက်တစ်ခုဖြစ်နေနိုင်တယ်လို့ ဝေဖန်သူတွေ က ပြောဆိုနေကြပါတယ်။ ဝါရှင်တန် အနေနဲ့ သူအတည်ပြုပြဌာန်းထားတဲ့ (BURMA Act) ဥပဒေအရ မြန်မာစစ်တပ်ကို ဖိအားပေးရန်နဲ့ ဒီမိုကရေစီ မြှင့်တင်ရေးကို အထောက်အပံ့ပေးရန် လုပ်ဆောင်ခြင်းဖြစ်တယ်လို့ အကြောင်းပြနိုင်ပါတယ်။ ဒါပေမယ့် လူအ တော်များများကတော့ အဲ့ဒီစင်္ကြံဆိုတာကြီးဟာ အကူအညီပေးဖို့ထက် (ဖုံးကွယ်ထားတဲ့) နိုင်ငံရေး ရည် ရွယ် ချက်များနဲ့ ပိုမိုပတ်သက်နေစရာ ရှိတယ်လို့ ယုံကြည်ကြပါတယ်။

အဲ့ဒီ စင်္ကြံဟာ ဘင်္ဂလားဒေ့ရှ် နိုင်ငံ တက္ကနဖ်ဒေသကို ဖြတ်သန်းသွားပါလိမ့်မယ်။ လက်ရှိ ဘင်္ဂလားဒေ့ရှ် ယူနွတ် အစိုးရဟာ ရေရှည်ဆက်လက်ရပ်တည်ပြီး သူတို့ရဲ့ အာဏာကို ဆက်လက်ဆုပ်ကိုင်ထားဖို့အတွက် ဝါရှင်တန်ရဲ့ နိုင်ငံရေးအရ ကျောထောက်နောက်ခံရရှိဖို့ ဒီကိစ္စနဲ့ အပေးအယူနေလုပ်တာ ဖြစ်နိုင်ပါတယ်။ အမေရိကန်ဟာ (တရုတ်ရဲ့ နောက်ဖေးပေါက်) ဘင်္ဂလားပင်လယ်အော်ဒေသအတွင်း ရေရှည် ခြေရှုတ်ဖို့ ရည်မှန်းနေတယ်လို့ အချို့က သံသယရှိကြပြီး ဘင်္ဂလားဒေ့ရှ်ရဲ့ ခေါင်းဆောင်မှုအပြောင်းအလဲမှာ ပိုမိုထိန်းချုပ်ခွင့်ရရှိစေဖို့ အကွက် ရွှေ့ခြင်းလည်း ပါဝင်ပါလိမ့်မယ်။

အဲဒီစင်္ကြံဟာ ရိုဟင်ဂျာဆိုသူ ဒုက္ခသည်များကို မြန်မာနိုင်ငံဖက် ပြန်ပို့ရာမှာ အထောက်အကူဖြစ်နိုင်တယ်လို့ ယူနွတ်အစိုးရက ပြောပါတယ်။ ဒါပေမယ့် ကျွမ်းကျင်သူတွေကတော့ ဒါဟာ ရိုဟင်ဂျာအကျပ်အတည်းကို အမှန် တကယ် ပြေလည်နိုင်စရာ မရှိနိုင်ဘူးလို့ သံသယရှိကြပါတယ်။

အကူအညီပေးရေးလမ်းကြောင်းဆိုတာကြီးဟာ စစ်ရေး သို့မဟုတ် ထောက်လှမ်းရေးရည်ရွယ်ချက်များအတွက် အသုံးချစရာဖြစ်လာမှာကို စိုးရိမ်မှုများလည်းရှိနေပါတယ်။ လမ်းကြောင်းဖြတ်သန်းသွားမယ့် နယ်မြေ အစိတ်အ ပိုင်းအတော်များများကို AA က ထိန်းချုပ်ထားပြီး လက်နက်မှောင်ခိုကုန်ကူးခြင်း သို့မဟုတ် ဒေသတွင်း အ ထောက်အပံ့များကို ကဲ့ယူခြင်း အပါအဝင် သူတို့အတွက် အကျိုးအမြတ် ရရှိရာ ရရှိကြောင်း အသုံးချနိုင်ပါ တယ်။

တစ်ချိန်တည်းမှာပင် ရိုဟင်ဂျာ စစ်သွေးကြွအဖွဲ့ ARSA တို့က ဘင်္ဂလားဒေ့ရှ်နိုင်ငံအတွင်းရှိ ဒုက္ခသည် စခန်း များမှာ လှုပ်ရှားနေကြပြီး AA နဲ့ တိုက်ပွဲ ဖြစ်ပွားနေပါတယ်။ ပြိုင်ဘက်များဖြစ်ကြတဲ့ အဲ့ဒီ အုပ်စုနှစ်စုရဲ့ စင်္ကြံ လမ်းအပေါ် ပါဝင်ပတ်သက်နိုင်ခြေဟာ လက်ရှိအခြေအနေကို ပိုမိုဆိုးရွားသွားစေနိုင်ပါတယ်။

နိုင်ငံတကာမှ ပါဝင်စွက်ဖက်လိုသူတွေဟာ ဘင်္ဂလားဒေ့ရှ် နိုင်ငံအတွင်းရှိ စင်္ကြံလမ်းပိုင်းရဲ့ အစိတ်အပိုင်းများကို ထိန်းချုပ်မယ်ဆိုရင် တိုင်းပြည်ရဲ့ အချုပ်အခြာအာဏာပိုင်ဆိုင်မှုကို ချိနဲ့သွားစေနိုင်ပါတယ်။ လက်နက်ကိုင်အ ဖွဲ့များ သို့မဟုတ် နိုင်ငံခြားတပ်ဖွဲ့များတွေဟာ အဲ့ဒီနေရာတဝှိုက် လည်ပတ်လှုပ်ရှားနေနိုင်ပြီး (ဘင်္ဂလားဒေ့ရှ်နဲ့ မြန်မာတို့ရဲ့) အုပ်ချုပ်စီမံခန့်ခွဲမှုနဲ့ အမျိုးသားလုံခြုံရေးကို ထိပါးစေနိုင်ပါတယ်။ နှစ်နိုင်ငံအကြားမှာလည်း မျက် နှာပျက်စရာ အဖြစ်မျိုးတွေနဲ့ ရင်ဆိုင်ရပါလိမ့်မယ်။

ဒါ့အပြင် ဘင်္ဂလားဒေ့ရှ်ရောက် ဒုက္ခသည်များကို ပြန်ခေါ်ရန် မြန်မာအစိုးရရဲ့ ရည်ရွယ်ချက်ကို ဆန့်ကျင်ပြီး ဘင်္ဂ လားဒေ့ရှ်နိုင်ငံအတွင်း ရခိုင်မြောက်ပိုင်းမှ ဘင်္ဂါလီများ ပိုမိုဝင်ရောက်လာစေရန် စင်္ကြံလမ်းက ဖိတ်ခေါ်သလို ရှိနေလိမ့်မယ်လို့ စစ်ရေး/နိုင်ငံရေးလေ့လာသူ အီဆွတ်မန်နွန်က ဆက်လက်ရေးသားပါတယ်။

(အမေရိကန်ရဲ့ ဂါဇာကမ်းမြှောင်ဒေသ လူသားချင်းစာနာမှုဆိုင်ရာအစီအစဉ်ဟာ ဘက်မလိုက်/ကြားနေမှုနဲ့ အ မှီအခို ကင်းရှင်းကြောင်း မပေါ်လွင်တဲ့အတွက် သူတို့အနေနဲ့ ပူးပေါင်းပါဝင်မှာ မဟုတ်ကြောင်း ကုလသမဂ္ဂက ပြောဆိုတယ်လို့ လွန်ခဲ့ဲ့ရက် “အယ်လ်ဂျားဇီးယား” (15 May 2025) သတင်းမှာ ဖတ်ရှု့ခဲ့ရပါတယ်။ ဒါပေမယ့် နိုင်ငံတကာဥပဒေကို လေးစားလိုက်နာသော်လည်း ကုလသမဂ္ဂရဲ့ လူသားချင်းစာနာမှု အကူအညီများ မရပ် တန့်စေဖို့ လူ့အခွင့်အရေးအဖွဲ့တွေပြောတဲ့အတိုင်း ပြစ်တင်ရှုံ့ချရန် အခက်အခဲရှိကြောင်း ဒီဇင်ဘာ ၆-ရက် ၂၀၁၆-ခုနှစ် အထွေထွေညီလာခံကို တင်သွင်းတဲ့ အစီရင်ခံစာမှာ အတွင်းရေးမှူးချူပ် ဘန်ကီမွန်းက ပြောဆို ခဲ့ဖူးတယ်။

ဒီလိုဆိုရင် ဘင်္ဂလားဒေ့ရှ်ဘက်မှာရော မြန်မာဘက်မှာပါ အုတ်အော်သောင်းတင်း ကန့်ကွက်မှုဖြစ်စေခဲ့တဲ့ ရခိုင် လူသားချင်း စာနာမှုစင်္ကြံဖြစ်မြောက်ရေး ကော့ခ်ဘဇားအထိ အရောက်လာခဲ့တဲ့ အထွေထွေအတွင်းရေးမှူးချုပ် ဂူတားရက်စ်ရဲ့ နောက်ကွယ်မှာ ဘယ်လိုဖိအားတွေ ရှိနေသလဲဆိုတာ အလွန်စိတ်ဝင်စားစရာဖြစ်လာပါတယ်။
.
#HtayOung #OungMarine
===