«Otandastar Qory»/«Отандастар қоры»
324 subscribers
62 photos
3 videos
4 files
270 links
Біздің миссия: Әлем қазақтарын тарихи отан төңірегіне ұйыстыру
Download Telegram
to view and join the conversation
Елордада Еуразиялық Дизайнерлер одағының халықаралық ретроспективті көрмесі ашылды

ҚР Ұлттық музейінде ҚР Тәуелсіздігінің 30 жылдығына орай Еуразиялық Дизайнерлер одағының халықаралық ретроспективті көрмесінің ашылуы өтті.

Іс-шара ҚР «Еуразиялық дизайнерлер одағы», ҚР Мәдениет және спорт министрігі, «Отандастар қоры» КЕАҚ және т.б. ұйымдардың қолдауымен ұйымдастырылды.

Көрменің мақсаты – қазақстандық дизайнерлердің, суретшілердің еңбегін әлемдік нарыққа шығару, сондай-ақ, әлемдік қауымдастықта еліміздің салт-дәстүрін, әдет-ғұрпын, мәдениетін ілгерілету.

Көрме аясында киім дизайны, сурет, сәндік-қолданбалы өнер, мүсін, сондай-ақ зергерлік әшекейлер көрмесі ұсынылды.

Іс-шараға Еуразиялық Дизайнерлер одағының өкілдері, сондай-ақ белгілі мәдениет және өнер қайраткерлері қатысты.
ҚҰРМЕТТІ ТАЛАПКЕР‼️

Қазақстан Республикасы Білім және ғылым министрлігі Ұлттық тестілеу орталығы шетелде тұратын Қазақстан Республикасы азаматы болып табылмайтын, ұлты қазақ тұлғалар ұлттық бірыңғай тестілеу 2021 жылғы 15 – 17 маусымда сағат 10.00-де (Нұр-Сұлтан қ. уақытымен) онлайн режимде Орталықтың http://ubt.testcenter.kz/authorization сайты арқылы ҰБТ тапсыратынын хабарлайды.

Толық нұсқаулықты https://t.me/otandastarbilim телеграм каналынан көшіріп алауға болады.

‼️Осыған орай 2021 жылғы 11 маусым күні сағат 11:00 (Нұр-Сұлтан қ. уақытымен) «Отандастар қорының» Инстаграм парақшасында ТІКЕЛЕЙ ЭФИР өтеді!

Сілтеме: https://www.instagram.com/otandastar_qory/
Ұлыбританияда тұрып жатқан қандастарымыз қазақ тілін онлайн үйреніп жүр

Курстың ұйымдастырушысы — «Отандастар» қоры. Қатысушылары қым-қуыт заманда тағдырдың тәлкегіне ұшырап, Қазақстаннан көшіп кеткен қара көздеріміз. Курс тек тілді ғана емес, ұлттық салт-дәстүрлерімізді және мәдениетімізді ұмыттырмауға бағытталған. Қатысушылардың жалпы саны 60-қа жуық, деп хабарлайды ҚазАқпарат тілшісі.

«Дүниежүзі бойынша барлық қазақтарды қамтып отырған курс. Қазіргі таңда Англиядан, Моңғолиядан, Өзбекстаннан, Әзербайжаннан, көбіне Түркиядан қатысып жүрген тіл үйренушілеріміз бар», дейді тәлімгер Ләззат Бисенбаева.
Курс тыңдаушыларының бірі британиялық қазақтардың басын біріктіретін қауымдастық төрағасы Әбдісәлім Саваш. Оның әке-шешесі зұлмат жылдары Алтай өңірлерінен Түркияға көшіп кеткен. Ал өзі 25 жасында Түркиядан Ұлыбританияға қоныс аударған. Алпысты алқымдаған ақсақалдың 5 баласы бар. Бүгін жұбайы және құдағайымен бірге ұмытқанын жаңғыртып, тіл үйреніп жатыр.
​​Dragon әскери атағын жеңіп алған Даниядағы қазақ қызы

Ләйла Аюби Данияда тұрады. Ұлты – қазақ. Хольстебро қаласындағы «Ютландия айдаһар полкінің» курсант-сарбазы. Даниядағы әскери адамдарға берілетін «Айдаһар» атағын алған жас маман.

Бала күнімнен әскери әлем қызықтырады. Көп кино көремін. Өскенде әскери адам боламын деп армандадым. Қыздар да әскери мамандықты игере алатынын естіп, бірден шешім қабылдадым. Менің таңдауыма ешкім қарсы болмады. Әскерден қашатын ұлдарды естігенде таңғалдым. Бірнеше жылдан бері тұрақты физикалық жаттығулар жасаймын. Бір күнге де үзген емеспін. Белсенділігім әскери оқу орнына емтихан тапсырғанда көмектесті, – дейді курсант.

Менің оқу орным – HBU (Hærens Basis Uddannelse) әскери базалық дайындық мектебі. Мамандығым – жауынгерлік-сарбаз. Казармамыз «Ютландия айдаһар полкі» деп аталады. Данияда 13 әскери оқу орны бар. Түрлі мамандық оқытады. Мысалы, соғысатын жауынгерлер мен көпір салатын инженерлер, бомба дайындайтын артиллерия сарбазы да мамандық алып шығады. Біз тұратын Хольстебро қаласында сарбазды «Айдаһар» деп атайды. Топпен бірге «Айдаһар туры» деген арнайы дайындықтан өтеміз. Ол түнгі 1-де басталады. Жаттығу аяқталғаннан кейін, «H rex» атағы беріледі. Казарма алдында парад өтіп, салтанатты жиын ұйымдастырылады. Сол кезде курсанттарды марапаттап, «Айдаһар» атағын тапсырады. Солардың бірі болғаныма қатты қуандым. Дания қазақтарының арасынан тұңғыш рет әскери атақ алғаныма бақыттымын, – дейді әскери өнерді ерте жасынан меңгерген Ләйла.

Дереккөз: https://turkystan.kz/article/148746-dragon-eskeri-atagyn-zhenip-algan-kazak-kyzy/?fbclid=IwAR1BeFgeJuYxYGL6B905Jdyvkv0hzD2pghHsTc86_2R7FADoPpu3QkXGcr0
​​Өңірлік квотаға енгізілген қандастарға қандай жеңілдіктер ұсынылады?

Қазіргі кезеңде ҚР Үкіметінің 2016 жылғы 18 ақпандағы №83 қаулысына сәйкес қандастарды қоныстандыру үшін: Ақмола, Атырау, Шығыс Қазақстан, Батыс Қазақстан, Қостанай, Павлодар, Солтүстік Қазақстан облыстары белгіленген.

Аталған облыстар, ҚР Көші-қон заңнамасына сәйкес, өңірге көшіп келген қандастарға квота қарастыру үшін Еңбек және халықты әлеуметтік қорғау министрлігіне ұсыныс жолдауы тиіс.

Министрлік жергілікті атқарушы органдардың берген ұсынысына сәйкес, тиісінше қандастарды қабылдаудың өңірлік квотасын бөледі.

Дегенмен, осы уақытқа дейін Атырау және Батыс Қазақстан облыстары қандастарға өңірлік квота бөлуге ұсыныс білдірмеген, жергілікті билік оны қандастардың өңірде аз қоныстануымен байланыстырады.

Толығырақ: https://el.kz/kandastar/detail/eto_vazhno/-irlik_kvota-a_engizilgen_-andastar-a_-anday_zhe-ildikter_-synylady/
​​ҚР Тәуелсіздігінің 30 жылдығына орай халықаралық ФОТОБАЙҚАУ ЖАРИЯЛАНАДЫ!

Байқауға шетелде тұратын, 16 жастан асқан, отандастар қатарынан тілек білдірушілердің барлығы бірдей қатыса алады.

Байқауға қатысушылар төмендегі сілтеме арқылы сайтта тіркеуден өтуі тиіс:

https://docs.google.com/forms/d/e/1FAIpQLScFXjinscyMzbneA_uDqNriY-xsSHpxICZRfXx-i4axu0MmcQ/viewform?usp=sf_link

Байқау жұмыстары мына электронды мекен-жайға қабылданады: otanevents@mail.ru міндетті түрде қосымша ілеспе хатымен бірге.

Байқаудың межелі мерзімі: 2021 жылғы 1 маусым мен 27 тамыз аралығында өтеді.

Байқау жеңімпаздарына құнды сыйлықтар мен дипломдарды тапсыру үшін жүлдегерлер Түркістан қаласында өтетін Отандастар форумына шақырылады. Байқау қорытындысы бойынша фотокөрме мен буклет ұйымдастырылады, онда ең үздік байқау жұмыстары көрсетіледі.

Фотобайқау туралы толық ақпаратпен «Отандастар қоры» КеАҚ сайты және әлеуметтік желілер парақшалары арқылы танысуға болады.

----
ОБЪЯВЛЯЕТСЯ международный ФОТОКОНКУРС, посвященный 30-летию Независимости РК!

К участию в Конкурсе приглашаются все желающие из числа соотечественников, проживающих за рубежом, в возрасте старше 16 лет.

Участники Конкурса должны пройти регистрацию на сайте пройдя по этой ссылке:
https://docs.google.com/forms/d/e/1FAIpQLScFXjinscyMzbneA_uDqNriY-xsSHpxICZRfXx-i4axu0MmcQ/viewform?usp=sf_link

Конкурсные работы принимаются на электронный адрес: otanevents@mail.ru с обязательным приложением сопроводительного письма.
Сроки проведения: с 1 июня по 27 августа 2021 года.

Победители Конкурса будут приглашены на Форум соотечественников, который пройдет в г. Туркестан, для вручения ценных призов и дипломов. По итогам Конкурса станет фотовыставка и буклет, на которых будут представлены лучшие конкурсные работы.

Подробную информацию о фотоконкурсе можно найти на сайте и на страницах социальных сетей НАО «Фонд Отандастар».
Байқау нәтижесі 💥💥💥

Отандастар қоры онлайн қазақ тілі курсы аясында 11 мамыр мен 13 маусым аралығында “Қазақ ертегілерінің кейіпкерлері” атты сурет байқауын ұйымдастырды. Байқауға Франция, Германия, Польша, Украина, Иран, Моңғолия, Ресей, Өзбекстан және Қазақстаннан 68 отандасымыз қатысты.

Комиссия шешімімен 15 жеңімпаз анықталды. Олар диплом және бағалы сыйлықтармен марапатталады. Ал байқауға қатысып, керемет туындысы және көрсеткен белсенділігі үшін 53 отандасымыз арнайы сертификаттармен марапатталады.

Дипломдар мен сертификаттардың электронды нұсқасы пошталарыңызға жіберіледі.

Жеңімпаздарды құттықтаймыз!

Сұрақтар туындаған жағдайда Шетелдегі отандастарды қолдау департаментінің консультанты Шарипов Алжанға (@alzhanmyrza) direct арқылы, немесе +7 775 5105191 нөміріне WhatsApp/Telegram арқылы байланысуыңызды сұраймыз.

#oqbilim