Кара-Суу районунун эли энергетиктердин жасаган жумушуна ыраазычылык билдиришти:

Ноокатта энергетиктер күз-кышка даярдык көрүшүүдө

Энергетика министрлигинин алдыдагы 2026-2027-жылдардын күз-кыш мезгилине карата даярдык иштерин өз убагында жана сапаттуу бүтүрүү боюнча тапшырмасына ылайык, “КУЭТ” ААКнын филиалы - Ош электр тармактары ишканасынын Ноокат райондук электр тармактары тарабынан утурумдук оңдоп-түзөө, техникалык тейлөө жана курулуш иштери жүргүзүлүүдө.

Бүгүнкү күндө Ноокат РЭТи тарабынан электр жабдууларын жаңылоо, эскилиги жеткен аба чубалгыларын оңдоо жана калкты туруктуу электр энергиясы менен камсыздоо багытында бир катар иштер аткарылып жатат.

https://www.facebook.com/share/r/18XGo2ANLk/?mibextid=wwXIfr

Ошто энергетиктер жолдорду кеңейтүү иштерине активдүү катышууда

“КУЭТ” ААКнын филиалы - Ош электр тармактары ишканасынын Сулайман-Тоо РЭТи тарабынан Ош шаарындагы жолдорду кеңейтүү иштеринин алкагында жол боюндагы электр мамычаларын жана аба чубалгыларын жылдыруу иштери жүргүзүлүүдө.

https://www.facebook.com/share/v/18fo3ZDdFx/?mibextid=wwXIfr

✨ Балдардын жүзүнө кубаныч тартууланды

“КУЭТ” ААКнын филиалы - Ош электр тармактары ишканасы жана профсоюз уюму тарабынан “1-июнь - Балдарды коргоо күнүнө” карата энергетиктердин балдары үчүн өзгөчө майрамдык программа уюштурулду.

Иш-чаранын жүрүшүндө жаш жеткинчектер сахналаштырылган көңүл ачуучу шоуга катышышты. Программа балдардын ой жүгүртүүсүн өнүктүрүүгө багытталып, космос дүйнөсү тууралуу кызыктуу маалыматтар менен коштолду. Балдар оюндарга активдүү катышып, ырдап-бийлеп, жакшы таасирлерге бөлөнүп кайтышты.

Мекемеде балдарга арналган мындай майрамдык саамалыктар жыл сайын уюштурулуп, кичинекей бөбөктөрдүн кубанычына себеп болуп келет.

Балдар - ар бир үй-бүлөнүн бактысы, өлкөнүн келечеги!

Кара-Суунун бир катар айылдарында жаңы электр чубалгылары курулууда

“КУЭТ” ААКнын филиалы - Ош электр тармактары ишканасынын Кара-Суу РЭТи тарабынан капиталдык курулуш планынын негизинде калкты сапаттуу жана үзгүлтүксүз электр энергиясы менен камсыздоо максатында Жоош айыл өкмөтүнө караштуу бир катар айылдарда курулуш-монтаждоо иштери жүргүзүлүүдө.

Аталган пландын алкагында Кум-Арык, Мамажан жана МТФ айылдарында төмөнкү чыңалуудагы аба чубалгыларын куруу иштери аткарылып жатат. Учурда аба чубалгыларына темир-бетон мамычаларын орнотуу жумуштары жүрүүдө.

Тактап айтканда:
Кум-Арык айылында - 0,7 чакырым;
Мамажан айылында - 0,6 чакырым;
МТФ айылында - 1 чакырым төмөнкү чыңалуудагы аба чубалгылары курулат.


Толук маалымат:

https://www.facebook.com/share/r/1EFYHcJHyK/?mibextid=wwXIfr