🇺🇿🇺🇿🇺🇿 #payshanba_yoshlarkuni

Oliy Majlis Senati Raisi Tanzila Narbayeva Toshkent davlat sharqshunoslik universiteti talabalari, yosh tadqiqotchilari, “Sharqshunos tahlilchilar” va “Yosh sharqshunos diplomatlar klubi” a’zolari hamda professor-o‘qituvchilari bilan ochiq va samimiy muloqot o‘tkazdi.

Senat.uz | Facebook | Instagram | Youtube | X| Virtual murojaat | Yoshlar parlamenti

Fors ko‘rfazida harbiy keskinlashuv:

🔊 7-may kuni Eronning janubidagi Bandar Abbos va Qeshm oroli hududida kuchli portlashlar sodir bo‘ldi. Eron havo mudofaasi ikki noma’lum dronni urib tushirganini ma’lum qildi.

🔵 AQSh va Eron o‘rtasida to‘g‘ridan-to‘g‘ri otishma bo‘lgan. Fox News ma’lumotiga ko‘ra, AQSh Qeshm va Bandar Abbos portlariga havo zarbalari bergan, biroq bu urushning qayta boshlanishi emasligi ta’kidlanmoqda. Eron Islom inqilobi muhofizlari korpusi esa AQShning Eron tankeriga tajovuzidan so‘ng raketa zarbalari berilganini va dushman zarar ko‘rganini aytmoqda.

BAA ustidan tergov boshlandi — Eron manbalariga ko‘ra, hujumlarda ishlatilgan dronlar BAA hududidan havoga ko‘tarilgan bo‘lishi mumkin. Agar bu tasdiqlansa, Eron BAAga nisbatan keskin javob choralarini qo‘llash bilan tahdid qilmoqda.

Isroil o‘zining voqealarga aloqasi yo‘qligini bildirgan. Biroq keyingi ma’lumotlarda Eron Minoob shahridagi harbiy-dengiz bazasiga berilgan zarbalarda Isroilning aloqadorligi haqida da’volar ham paydo bo‘ldi.

📎 Eslatib o‘tish kerak — shu kunning o‘zida AQSH va Eron 14-mayga qadar sulhga erishish imkoniyati haqida muzokaralar olib borayotgani xabar qilingan edi. Biroq yuzaga kelgan harbiy to‘qnashuvlar diplomatik jarayonni murakkablashtirmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Kaspiy: Eron urushida kuchayib borayotgan strategik yo‘lak

✅Hormuz bo‘g‘ozi qamalda. Dunyo neftining 25% va gazining 20% oqimi to‘xtagan. Bunday sharoitda Eron o‘zining shimolidagi Kaspiy dengizi orqali muqobil savdo yo‘laklarini faollashtirishga majbur bo‘lmoqda.

Oddiy vaqtda Eron savdosining 90% Fors ko‘rfazi orqali o‘tsa, urush tufayli bu ko‘rsatkich 95% ga qisqargan. Endi Kaspiy — Yevropa va Osiyo o‘rtasidagi asosiy tranzit arteriyasiga aylangan.

✅Harbiy tahdidlar Kaspiyga yetib kelgan.

19-martda Isroil Eronning Kaspiydagi eng yirik porti Bandar Anzaliga zarba berib, Eronning Kaspiy flotining katta qismini yo‘q qilgan. 1-aprelda esa port infratuzilmasiga navbatdagi zarbalar berilgan. Maqsad — Eronning yagona muqobil yo‘lagiga zarba berish.

📈Rossiya–Eron savdosi keskin oshgan

The New York Times ma'lumotiga ko'ra, Kaspiy orqali bug'doy, makkajo'xori, ozuqa va kungaboqar yog'i yetkazilmoqda. Eronning to'rtta porti sutka bo'yi ishlamoqda. Kemalar transponderlarini o'chirib, yashirin harakatlanmoqda.

Rossiya–Eron savdosi 2024-yilda $4,8 mlrd (16% o'sish) bo'lgan bo'lsa, 2026-yilda 10 million tonnadan oshishi kutilmoqda. Rossiya Yelabugada ishlab chiqarilgan "Shahed" dronlarini Astraxan portidan Bandar Anzaliga yetkazib bermoqda.

Ozarbayjon — nozik muvozanat ustasi.

✔️Ozarbayjon Kaspiydagi uchinchi yirik kuch sifatida eng murakkab diplomatiyani olib bormoqda:

✔️Eron bilan 400 milya chegara va 20 mln etnik ozarbayjon Eron shimoli-g'arbida yashaydi

✔️Isroil bilan mustahkam hamkorlik — Isroil neftining 40% Ozarbayjondan

✅AQSH bilan yaqinlashuv va "Abraham kelishuvlari" istiqboli

Rasman Ozarbayjon neytral. Boku Isroildan Eronning shimoli-g'arbiy qismiga zarba bermaslikni talab qilib, o'z etnik aholisini himoya qilgan.

Urush fonida Ozarbayjonning Kaspiy orqali tranzit savdosi 500% ga oshgan. Bokudagi port xavfsiz yo'lakka aylangan.

Xulosa
Kaspiy dengizi Eron urushida ikkinchi, ammo strategik jihatdan o'sib borayotgan frontga aylandi. Isroil va AQSH Rossiya–Eron iqtisodiy va harbiy oqimini uzishga harakat qilmoqda. Biroq harbiy zarbalar savdo oqimini butunlay to'xtata olmadi — aksincha, u yanada yashirin va tartibsiz shaklga o'tdi.

Ozarbayjon esa o'zining betarafligi va uch tomonlama aloqalari bilan mintaqadagi eng nozik muvozanatni saqlab turibdi. Agar urush uzoq davom etsa, Boku Kaspiy xavfsizligi arxitekturasida hal qiluvchi o'yinchiga aylanishi mumkin.

Asosiy xavf: Kaspiyning harbiylashuvi (dron urushlari, port infratuzilmasini nishonga olish) mintaqani yangi beqarorlik markaziga aylantirishi ehtimoli.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📆May oyining I chorak diplomatik dayjesti

Hurmatli Toshkent davlat sharqshunoslik universiteti talabalari va “Yosh sharqshunos diplomatlar” klubi a’zolari!

E’tiboringizga joriy yilning may oyining I choragi davomida O‘zbekistonning xalqaro maydondagi muhim diplomatik faoliyatiga oid asosiy voqealar dayjestini taqdim etamiz.


📌2026-yil 4-may kuni O‘zbekiston tashqi ishlar vaziri Baxtiyor Saidov Ar-Riyozda Saudiya Arabistoni tashqi ishlar vaziri Faysal bin Farhon Ol Saud bilan, Ko‘rfaz arab davlatlari hamkorlik kengashi bosh kotibi Jasim Muhammad Al-Budayviy bilan va Qatar bosh vaziri va tashqi ishlar vaziri Muhammad bin Abdurahmon Ol Soniy bilan uchrashdi. Shuningdek, O‘zbekiston elchisi Ravshan Usmanov Britaniyaning “Universities UK International” (“UUKi”) tashkiloti direktori Jeymi Arrousmit bilan uchrashdi.

📌2026-yil 5-may kuni O‘zbekistonning Jazoirdagi birinchi elchisi (qarorgohi Qohira shahrida) Mansurbek Qilichev Jazoir tashqi ishlar, xorijdagi vatandoshlar va Afrika ishlari vaziri Ahmad Attafga ishonch yorliqlari nusxalarini topshirdi, O‘zbekiston tashqi ishlar vaziri Baxtiyor Saidov Malayziya bugun oliy taʼlim vaziri Zambri Abd Qodir bilan va Turkiy investitsiya jamg‘armasi prezidenti Bag‘dod Amreyev bilan uchrashdi.

📌2026-yil 6-may kuni O‘zbekiston elchisi Umid Shodiyev BAA tashqi savdo vaziri Tani Al Zeyoudi bilan uchrashdi va O‘zbekiston tashqi ishlar vaziri Baxtiyor Saidov Serbiya tashqi ishlar vaziri Marko Djurich bilan uchrashuv o‘tkazdi.

📌2026-yil 7-may kuni O‘zbekiston elchisi Rahmatulla Nurimbetov Shvetsiya migratsiya vaziri Yoxann Forssell bilan uchrashdi, O‘zbekiston TIV rahbari Avstriya vazirlari bilan muzokara o‘tkazdi va TIVda O‘zbekiston Prezidentining Afg‘oniston bo‘yicha maxsus vakili Ismatulla Irgashev va Yaponiya xalqaro hamkorlik agentligi (JICA) Janubiy Osiyo departamenti bosh direktori Tetsuya Yamada o‘rtasida uchrashuv bo‘lib o‘tdi.

📌2026-yil 8-may kuni Moskva shahridagi tadbirlar doirasida O‘zbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putinning uchrashuvi bo‘lib o‘tdi va 9-may kuni Moskva shahrida Ikkinchi jahon urushidagi G‘alabaning 81 yilligiga bag‘ishlangan tantanali tadbirlarda ishtirok etdi.

📌2026-yil 11-may kuni O‘zbekiston elchisi Ravshan Usmanov Sautgemptonda muhim muzokaralar o‘tkazdi.


💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🔊11-may kuni Nayrobida bo‘lib o‘tgan “Africa Forward Summit” sammitida spikerlar nutqi vaqtida zalda shovqin va tartibsizlik yuzaga keldi. Yosh ishtirokchilar baland ovozda gaplasha boshlashdi. Sammit mehmonlari orasida bo‘lgan Fransiya prezidenti Emmanuel Makron vaziyatga shaxsan aralashishga qaror qildi. U auditoriyani spikerlarga hurmat bilan munosabatda bo‘lishga chaqirdi “...Bunday shovqinli zalda madaniyat haqida gapirishning iloji yo‘q. Bu to‘liq hurmatsizlik...” — dedi u va yoshlarni tinchlanib, spikerlarni tinglashga chaqirdi.

🔵Uning aralashuvidan so‘ng zaldagi vaziyat ancha tinchlandi. Ushbu holat aks etgan video ijtimoiy tarmoqlarda tez tarqalib, keng muhokamalarga sabab bo‘ldi: ayrimlar Makronning harakatlarini qo‘llab-quvvatlab, uning yetakchilik qobilyalarini yuqori baholadi, boshqalar esa bu holatni yoshlarning jahon siyosatchilariga nisbatan ortib borayotgan noroziligi belgisi sifatida baholadi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📎Tashqi ishlar vazirligining rahbariyat bo'limi haqida infografik malumot

🔵 Baxtiyor Saidov - Vazir
🔵Bahromjon A'loyev - Vazirning birinchi o'rinbosari
🔵Madrahimov Muzaffarvek - Vazir o'rinbosari
🔵Bobur Usmanov - Vazir o'rinbosari
🔵Abdullayev Olimjon - Vazir o'rinbosari
🔵Ismatulla Ergashev - O'zbekiston Respublikasi Prezidentining Afg'oniston bo'yicha Maxsus vakili

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📎Tashqi ishlar vaziri maslahatchilari tarkibi haqida infografik malumot.

🔵Yigitaliyev Shuhratjon - Tashqi ishlar vaziri maslahatchisi
🔵Azizov Shavkat - Tashqi ishlar vaziri maslahatchisi
🔵Aminova Munira - Tashqi ishlar vaziri maslahatchisi

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

O‘zbekiston Respublikasida mustaqillik yillaridan buyon faoliyat yuritgan Tashqi ishlar vazirlari

1. Mahmudova Shahlo Nasimovna (1991-1992). O‘zbekistonning BMTga a’zo bo‘lish jarayonida va xalqaro hamjamiyat tomonidan tan olinishining ilk qadamlarida ishtirok etgan.

2. Abdurazzoqov Ubaydulla Abbosovich (1992-1993). O‘zbekistonning ko‘plab xorijiy poytaxtlarda ilk elchixonalari ochilishiga katta hissa qo’shgan

3. Safoyev Sodiq Solihovich (1993-1994). G‘arb davlatlari va xalqaro tashkilotlar bilan aloqalarni mustahkamlashda katta rol o‘ynagan.

4. Komilov Abdulaziz Hafizovich (1994-2003). O‘zbekistonning ko‘p vektorli tashqi siyosat tamoyillarini ishlab chiqqan.

5. Safoyev Sodiq Solihovich (2003-2005). Hozirda Oliy Majlis Senati raisining birinchi o‘rinbosari sifatida faoliyat yuritmoqda.

6. G’aniyev Elyor Majidovich (2005-2006). Rahbarlik davri unchalik ijobiy bo‘lmagan voqealar bilan bir vaqtga to‘g‘ri kelgan. TIVga kelishi bilan bir qator bo‘shatishlarni amalga oshirgan.

7. Norov Vladimir Imomovich (2006-2010). Vazirlikdan tashqari, Shanxay Hamkorlik Tashkiloti (SHHT) Bosh kotibi lavozimida ham ishlagan.

8. G’aniyev Elyor Majidovich (2010-2012). Tashqi iqtisodiy aloqalar bo‘yicha mutaxassis hisoblangan.

9. Komilov Abdulaziz Hafizovich (2012-2022). O‘zbekiston tarixida eng uzoq muddat (qariyb 20 yil) vazirlik qilgan shaxs.

10. Norov Vladimir Imomovich (aprel 2022- 30 dekabr 2022). Rossiya-Ukraina urushi boshlangan bir paytda O‘zbekistonning betaraf va muvozanatli tashqi siyosatini davom ettirishga harakat qilgan.


11. Saidov Baxtiyor Odilovich (2022-hozirgacha). O‘zbekistonning ochiqlik siyosati, qo‘shni davlatlar bilan munosabatlarni yaxshilash va dunyoning yirik davlatlari bilan strategik sheriklikni yangi bosqichga olib chiqishda katta hissa qo’shib kelmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🇺🇿 Laziz Shavkatovich Qudratov — O‘zbekiston Respublikasi Investitsiyalar, sanoat va savdo vaziri. U mamlakat iqtisodiyoti, tashqi savdo va xorijiy investitsiyalarni jalb qilish tizimida ko‘p yillardan buyon muvaffaqiyatli faoliyat yuritib kelayotgan yuqori salohiyatli davlat arbobidir.


📌 Muvaffaqiyat xronikasi va qisqa biografiya:

Tavalludi: 1981-yil 19-iyunda Toshkent shahrida tug‘ilgan.
Ma'lumoti: Toshkent davlat sharqshunoslik instituti hamda Yaponiyaning nufuzli Xosey (Hosei) universitetini tamomlagan.

Karyera boshlanishi: Mehnat faoliyatini 2003-yilda Tashqi iqtisodiy aloqalar, investitsiyalar va savdo vazirligida oddiy lavozimlardan boshlagan.

Mas'uliyatli mehnat yo‘li:

➡️2010–2014-yillar: O‘zbekistonning AQShdagi elchixonasida savdo-iqtisodiy masalalar bo‘ichicha maslahatchi.
➡️2014–2016-yillar: Xorijiy investitsiyalarni qo‘llab-quvvatlovchi «O‘zinfoinvest» agentligi direktori.
➡️2017–2019-yillar: Investitsiyalar bo‘yicha davlat qo‘mitasi raisining birinchi o‘rinbosari.
➡️2019–2022-yillar: Investitsiyalar va tashqi savdo vazirining birinchi o‘rinbosari hamda Strategik rivojlanish agentligi bosh direktori.
➡️2022-yil 30-dekabrdan: O‘zbekiston Respublikasi Investitsiyalar, sanoat va savdo vaziri.

Laziz Qudratov boshchiligidagi Investitsiyalar, sanoat va savdo vazirligi yirik xalqaro biznes-forumlar tashkil etish, xorijiy kompaniyalar kapitallarini o‘zlashtirish va yangi sanoat quvvatlarini ishga tushirishga javobgardir. U zamonaviy fikrlaydigan, bir necha xorijiy tillarni mukammal biladigan yangi avlod yetakchilaridan biri hisoblanadi.


💠 "Yosh sharqshunos diplomatlar" klubi matbuot xizmati.

😎 Telegram | 😎Instagram

🇨🇳🇺🇸Pekinda AQSH prezidenti Donald Tramp va Xitoy raisi Si Szinping o‘rtasida 2017 yildan beri birinchi davlat tashrifi doirasida muzokaralar bo‘lib o‘tdi. Ikki soatdan ortiq davom etgan uchrashuvda asosiy mavzular – Tayvan, Eron va savdo masalalari edi.

🔺 Tramp o‘z nutqida Si Szinpingni “buyuk yetakchi” deb atab, ikki davlat munosabatlari “avvalgidan ham yaxshiroq bo‘lishini” aytdi. Biroq uchrashuv yakunlariga ko‘ra, tomonlar o‘rtasida jiddiy kelishuvlarga erishilmadi.

Asosiy kelishmovchiliklar:

Tayvan: Si Szinping Trampni Tayvan mustaqilligiga olib boruvchi har qanday qadam ikki davlat o‘rtasida to‘qnashuvga olib kelishi mumkinligidan ogohlantirdi. Tramp esa Tayvanga qurol yetkazib berish bo‘yicha aniq javob bermadi va “9500 mil masofaga urush olib borishni xohlamasligini” aytdi.

Eron: Tramp Si Szinping Eronga qurol yetkazib bermaslikka va’da berganini, ammo neft sotib olishni davom ettirishini aytdi. Xitoy esa Eron masalasida aniq yordam taklif qilmadi.

Savdo va texnologiyalar: Tomonlar qishloq xo‘jaligi, aviatsiya va energiya sohalarida hamkorlikni muhokama qildi, ammo keng qamrovli kelishuvlarga erishilmadi.

🔺 Pekin sammiti ikki davlat o‘rtasidagi chuqur kelishmovchiliklarni yashirmadi. Tayvan masalasi – asosiy to‘siq bo‘lib qolmoqda. Si Szinpingning ogohlantirishi keskin va aniq edi. Tramp esa harbiy majburiyatlardan qochishga harakat qildi.

🔺 Eron masalasida Xitoy Vashington kutgan darajada faol vositachi rolini o‘ynamadi. Savdo va texnologiyalar sohasida esa oldinga siljish bo‘lmadi – Trampning kutilgan “g‘alabasi” amalga oshmadi.

💠 Umuman, sammit ikki kuch markazi o‘rtasidagi munosabatlar keskinligicha qolayotganini, “strategik raqobat” davom etayotganini ko‘rsatdi. Asosiy masalalarda murosaga erishilmagan holda, uchrashuvni faqat diplomatik protokol va kommunikatsiya kanallarini ochiq saqlash nuqtai nazaridan baholash mumkin.

💠 Yosh sharqshunos diplomatlar klubi matbuot xizmati.

😎 Telegram | 😎 Instagram

🔊Trampning Pekinga tashrifidan keyingi eng qiziq detal — muzokaralar emas, xavfsizlik protokoli bo‘ldi.

🔵 AQSh delegatsiyasi Air Force One bortiga chiqishdan oldin Xitoy tomonidan berilgan barcha narsalarni — akkreditatsiya kartalari, delegatsiya nishonlari va bir martalik telefonlargacha axlatga tashlab ketgan.

📌 Sabab esa oddiy: kiberjosuslik xavfi.

Tashrif davomida delegatsiya a’zolariga shaxsiy telefonlardan foydalanish taqiqlangan, qurilmalar esa signal bloklovchi maxsus sumkalarda saqlangan.

💠Bu holat AQSh–Xitoy munosabatlarida diplomatik tabassumlar ortida hamon chuqur strategik ishonchsizlik saqlanayotganini ko‘rsatadi.

💠 Yosh sharqshunos diplomatlar klubi matbuot xizmati.

😎 Telegram | 😎 Instagram

🔊Turkiston shahrida O‘zbekiston Respublikasi Prezidenti Shavkat Mirziyoyev ishtirokida Turkiy davlatlar tashkilotining norasmiy sammiti bo‘lib o‘tdi.

🔺 Tadbirda Ozarbayjon, Qozog‘iston, Qirg‘iziston va Turkiya prezidentlari hamda TDT bosh kotibi Kubanichbek Omuraliyev qatnashdi. Prezident nutqining avvalida Turkistonda sammitning yuksak darajada tashkil etilgani uchun Qozog‘iston Prezidenti Qosim-Jomart Toqayevga, TDTdagi samarali raisligi uchun esa Ozarbayjon Prezidenti Ilhom Aliyevga tashakkur izhor etdi, va Turkistonda barpo etilayotgan Turkiy sivilizatsiya markazi qurilishi boshlanishini ham muhim ramziy voqea sifatida baholadi.

🔵 Sammitning markaziy mavzusi raqamli rivojlanish va sun’iy intellekt bo‘ldi. Mirziyoyev TDT doirasida sun’iy intellekt bo‘yicha strategik hamkorlik tarmog‘ini shakllantirish, “Raqamli turkiy koridor” konsepsiyasini ishlab chiqish va Toshkentda Turkiy davlatlar texnologiyalar forumini o‘tkazishni taklif qildi. Shuningdek, data markazlarni bog‘lash, raqamli infratuzilmani kengaytirish va yagona raqamli makon yaratish zarurligi qayd etildi.

🔵 Yoshlar siyosati doirasida Prezident Shavkat Mirziyoyev “5 million sun’iy intellekt yetakchilari” dasturi yuqori baholandi. 1 milliondan ortiq yoshlar boshlang‘ich ko‘nikmalarga ega bo‘lgani ta’kidlandi. Prezident O‘zbekiston va Qozog‘iston tashabbusi bilan tuzilayotgan Qo‘shma venchur jamg‘armasiga TDT davlatlarini qo‘shilishga chaqirdi. Transport yo‘nalishida esa “E-Permit” tizimini to‘liq ishga tushirish, “Xitoy – Qirg‘iziston – O‘zbekiston” temir yo‘lini “O‘rta koridor” bilan bog‘lash, bojxona va tranzit jarayonlarini raqamlashtirish masalalari ilgari surildi.

🔵 Ekologiya va xavfsizlik bo‘yicha 2027-yilni “Tabiatni asrash yili” deb e’lon qilish, iqlim monitoringi tizimini joriy etish va transchegaraviy suv resurslarini boshqarishda sun’iy intellektdan foydalanish taklif qilindi. Xavfsizlik masalasida esa terrorizm, ekstremizm va kibertahdidlarga qarshi kurashda hamkorlikni kuchaytirish, shu maqsadda Kiberxavfsizlik va raqamli infratuzilmani himoya qilish bo‘yicha Turkiy alyans tuzish tashabbusi bildirildi.

🔵 Sammit doirasida Qozog‘iston Prezidenti Qosim-Jomart Toqayev Turkiy davlatlar tashkilotini harbiy ittifoqqa aylantirish g‘oyasini qo‘llab-quvvatlamasligini ma’lum qildi. U TDTni “geosiyosiy loyiha ham, harbiy tashkilot ham emas” deb ta’riflab, uni savdo, iqtisodiy, yuqori texnologiyali, raqamli va madaniy-gumanitar hamkorlikni mustahkamlovchi noyob platforma sifatida baholadi. Shu bilan birga, u turkiy dunyo ichida ishonchni mustahkamlash va ko‘p tomonlama hamkorlikni rivojlantirish Qozog‘iston uchun ustuvor vazifa bo‘lib qolishini ta’kidladi.

Turkiston sammiti Turkiy davlatlar tashkiloti doirasidagi hamkorlik amaliy bosqichga o‘tayotganini ko‘rsatdi. Bu safar asosiy e’tibor madaniy ramziylikdan ko‘ra raqamli iqtisodiyot, sun’iy intellekt, logistika va kiberxavfsizlik kabi strategik yo‘nalishlarga qaratildi.

“Raqamli turkiy koridor”, Kiberxavfsizlik bo‘yicha Turkiy alyans, “E-Permit” tizimi hamda “Xitoy – Qirg‘iziston – O‘zbekiston” temir yo‘lini O‘rta koridor bilan bog‘lash tashabbuslari TDTning iqtisodiy va texnologik integratsiyasini chuqurlashtirishga xizmat qilishi kutilmoqda.

Qosim-Jomart To‘qayevning TDT harbiy blok emasligi haqidagi bayonoti esa tashkilotning asosiy yo‘nalishi iqtisodiy, transport va gumanitar hamkorlik bo‘lib qolishini yana bir bor tasdiqladi. Umuman, Turkiston sammiti TDTni geosiyosiy ittifoqdan ko‘ra mintaqaviy iqtisodiy va texnologik platforma sifatida shakllantirish tendensiyasini namoyon etdi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram