💼 Oybek Orifbekovich Usmonov — sharqshunos-filolog, Oʻzbekistonning bir qancha xorijiy davlatlardagi favqulodda va muxtor elchisi, diplomatik faoliyatda katta tajribaga ega shaxs.

🎓 1962-yil (Toshkent shahrida tug‘ilgan).1985-yilda Toshkent davlat universiteti (hozirgi Oʻzbekiston Milliy universiteti)ning Sharqshunoslik fakultetini tamomlagan.
Tillar: Ingliz, dariy va pushtun tillarini mukammal biladi.

📎Mehnat faoliyati va diplomatik martabasi:

🔵Oybek Usmonov oʻz faoliyatini 1985-yildan boshlagan va 1998-yildan buyon doimiy ravishda Tashqi ishlar vazirligi tizimida ishlab kelmoqda:
🔵1989-1992-yillarda Oʻzbekiston teleradiokompaniyasida tahririyat boshligʻi sifatida ishlagan.
🔵1998-yildan TIV tizimida. Pokiston, Isroil va Misrda turli diplomatik lavozimlarda faoliyat yuritgan.

💼 Elchilik faoliyati:

🟡2001–2006-yillarda Oʻzbekistonning Isroildagi elchisi.
🟡2006–2011-yillarda Oʻzbekistonning Pokistondagi elchisi.
🟡2013-yildan 2020-yilgacha Misr va Iordaniyada, keyinchalik Marokashda elchi bo‘lib ishlagan.
🟡2020-2024-yillarda yana Pokiston Islom Respublikasida favqulodda va muxtor elchi bo‘lgan.
🟡2011-2013-yillarda Oʻzbekiston Respublikasi Tashqi ishlar vaziri oʻrinbosari lavozimida faoliyat yuritgan.
🟡2024-yil oktabr oyidan boshlab Oʻzbekistonning Afgʻoniston Islom Amirligidagi favqulodda va muxtor elchisi sifatida ish.

✅Oybek Usmonov o‘zining ko‘p yillik faoliyati davomida xalqaro munosabatlarni mustahkamlash, shuningdek, Sharq mamlakatlari bilan madaniy-iqtisodiy aloqalarni rivojlantirishga katta hissa qo‘shib kelmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📣 Aprel oyining IV chorak diplomatik dayjesti

🔵 E’tiboringizga joriy yilning aprel oyining IV choragi davomida O‘zbekistonning xalqaro maydondagi muhim diplomatik faoliyatiga oid asosiy voqealar dayjestini taqdim etamiz.

📌 2026-yil 27-aprel kuni O‘zbekiston elchisi Ravshan Usmanov “Virtual Internships” muassasasi ijrochi direktori Deniyel Nivern bilan muloqot bo‘lib o‘tdi va O‘zbekiston elchisi Muhsinxo‘ja Abdurahmonov Yaponiya parlamenti Vakillar palatasi deputati, Liberal-demokratik partiya a’zosi Xakubun Shimomura bilan uchrashdi.

📌 2026-yil 28-aprel kuni O‘zbekiston Prezidentining Afg‘oniston bo‘yicha maxsus vakili Ismatulla Irgashev Belarus elchisi Aleksandr Ogorodnikov bilan uchrashuv o‘tkazdi va O‘zbekiston va Turkiya TIV rahbarlari oliy darajada erishilgan ikki tomonlama kelishuvlarni samarali amalga oshirishning aniq mexanizmlarini muhokama qildi.

📌 2026-yil 29-aprel kuni O‘zbekiston TIV rahbari Singapur tashqi ishlar vaziri o‘rinbosarini qabul qildi va O‘zbekiston Prezidentining Afg‘oniston bo‘yicha maxsus vakili Ismatulla Irgashev Pokiston elchisi Ahmed Faruq bilan uchrashuv o‘tkazdi.

📌 2026-yil 30-aprel kuni Koʻksaroy qarorgohida Oʻzbekiston Respublikasi Prezidenti Shavkat Mirziyoyev va Chexiya Respublikasi Bosh vaziri Andrey Babishning tor doirada va ikki mamlakat delegatsiyalari ishtirokida muzokaralari boʻlib oʻtdi va Oʻzbekiston va Chexiya oʻrtasida ikki tomonlama bitimlar toʻplami imzolandi.

📌 2026-yil 1-may kuni O‘zbekiston tashqi ishlar vaziri Baxtiyor Saidov Seyshel Respublikasi tashqi ishlar va diaspora masalalari vaziri Barri For bilan uchrashdi va O‘zbekiston TIV rahbari Yaponiya tashqi ishlar vaziri o‘rinbosari bilan uchrashdi.

📌 2026-yil 2-may kuni O‘zbekistonning Anqaradagi elchixonasida Turkiya Buyuk millat majlisining Trabzondan saylangan bir guruh deputatlari bilan uchrashuv bo‘lib o‘tdi.

📌 2026-yil 3-may kuni Oʻzbekiston Respublikasi Prezidenti Shavkat Mirziyoyev Samarqandga tashrifi doirasida Osiyo taraqqiyot banki prezidenti Masato Kanda boshchiligidagi, Koreya Respublikasi Bosh vazirining oʻrinbosari, iqtisodiyot va moliya vaziri Ku Yun Chxol boshchiligidagi , Yaponiya moliya vaziri Satsuki Katayama boshchiligidagi va “ACWA Power” kompaniyasi rahbari Muhammad Abunayyan boshchiligidagi delegatsiyani qabul qildi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

#TDSHU_OAVda
Markaziy Osiyo ekologik diplomatiyasida yangi bosqich

22-24-aprel kunlari Ostona shahrida o‘tgan Markaziy Osiyo mintaqaviy ekologik sammiti nafaqat sohaga oid masalalar muhokamasi, balki muammolarga qarshi turish diplomatiyasini kuchaytirishga qaratilgan aniq tashabbuslar bilan yodda qoldi.

TDSHU huzuridagi “Yosh sharqshunos diplomatlar” intellektual klubi a’zosi Lazizjon Abduraximov fikrlari OʻzA nigohida.

✅TDSHU Matbuot xizmati/Пресс-служба ТГУВ/Press service of TSUOS

🌐Telegram |🌐Facebook |🌐 Youtube
📹 Instagram| 🌐Twitter | 🗄 tsuos.uz

✍️ Агарда дипломат "ҳа" деса, бу "бўлиши мумкин" дегани, агарда "бўлиши мумкин" деса, бу "йўқ" дегани, агарда "йўқ" деса, демак у дипломат эмас.

©️ Лорд Досон оф Пенн

@suhrob_buranov

Samarqand deklaratsiyasi: O‘zbekiston – OTB hamkorligida yangi bosqich.

🔺Samarqandda Osiyo taraqqiyot banki Boshqaruvchilar kengashining 59-yillik yig‘ilishi bo‘lib o‘tdi. Tadbirda 100 dan ortiq davlatdan 4 mingdan ziyod delegat ishtirok etdi.

Yig‘ilish arafasida Prezident Shavkat Mirziyoyev OTB prezidenti Masato Kanda bilan uchrashdi. O‘zbekiston 1995-yildan bank a’zosi. Hozirda loyihalar portfeli 16 milliard dollarni tashkil etadi. Tomonlar 2030-yilgacha mo‘ljallangan yangi sheriklik dasturini imzoladilar – unga 12,5 milliard dollarlik loyihalar kiritilgan.

Yig‘ilish doirasida Prezident Janubiy Koreya (investitsiyalar hajmi 8 mlrd dollar, 1000 ga yaqin qo‘shma korxona) va Yaponiya (qayta tiklanuvchi energiya, tibbiyot, IT loyihalari) delegatsiyalari bilan ham uchrashdi.

🔺 Prezident nutqining asosiy tezislari:

O‘zbekiston iqtisodiyoti 2016-yildan buyon 50 mlrd dollardan 147 mlrd dollargacha o‘sdi. Kambag‘allik darajasi 35 foizdan 5,8 foizga tushdi. 2030-yilga borib iqtisodiyot hajmini 240 mlrd dollardan oshirish maqsad qilingan

🔵 Prezident OTB bilan hamkorlikda oltita ustuvor yo‘nalishni belgilab berdi:

💻 Sun’iy intellekt – OTB shafeligida rivojlanayotgan mamlakatlar uchun alohida dastur yaratish va Toshkentda “Osiyo uchun raqamli magistral” mintaqaviy markazini ochish.

🌳 “Yashil” energetika – “Markaziy Osiyo – Yevropa yashil energetika koridori” loyihasini boshlash. O‘zbekistonda “yashil” energiya ulushi 30% ga yetdi (2030-yilga borib 54%).

🚚 Transport va logistika – “Raqamli bojxona va logistika alyansi”ni tashkil etish (CAREC dasturi doirasida).

♻️ Kritik minerallar – OTBning “Kritik mineraldan – ishlab chiqarishga” dasturiga qo‘shilish va chuqur qayta ishlash loyihalarini yo‘lga qo‘yish.

🌳 “Markaziy Osiyo yashil belg‘i” – mintaqaviy ekologik loyiha.

🤩 “Markaziy Osiyo turizm halqasi” – mintaqa davlatlarini birlashtiruvchi yagona turistik makon.

💠 Barcha takliflarni amalga oshirish uchun Innovatsion moliyalashtirish platformasini shakllantirish taklif qilindi.

🔵 Samarqand yig‘ilishi O‘zbekistonning xalqaro moliya institutlari bilan munosabatlarida sifat jihatidan yangi bosqichni ko‘rsatdi. 12,5 milliard dollarlik yangi dastur – bu katta hajm, ammo asosiy masala mablag‘larning samarali o‘zlashtirilishi va real iqtisodiy natijalarga aylanishidir.

Prezident nutqidagi oltita tashabbus diqqatga sazovor: ular nafaqat an’anaviy infratuzilma, balki sun’iy intellekt, kritik minerallarni qayta ishlash va mintaqaviy integratsiya (turizm, ekologiya, energetika koridori) kabi yangi yo‘nalishlarni qamrab oladi. Bu O‘zbekistonning iqtisodiy modelini xomashyo eksportidan yuqori texnologiyali ishlab chiqarish va mintaqaviy xizmatlar markaziga aylantirish niyatidan dalolat beradi.

Biroq bu tashabbuslarning barchasi hozircha deklaratsiya va rejalar bosqichida. Ularning amaliy natijalari – imzolanadigan shartnomalar, ishga tushadigan korxonalar va yaratilgan qo‘shilgan qiymat bilan o‘lchanadi. O‘zbekistonning OTB va boshqa xalqaro moliya institutlari bilan munosabatlari qanchalik chuqurlashishi, aynan amaliy loyihalar hajmiga bog‘liq.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Tashqi ishlar vazirining Saudiya Arabistoniga tashrifi: farmatsevtika, investitsiyalar va mintaqaviy aloqalar.

📆 2-3-may kunlari Ar-Riyod shahrida O‘zbekiston tashqi ishlar vaziri Baxtiyor Saidov Saudiya Arabistonida bir qator uchrashuvlar o‘tkazdi.

🤝 “Sudair Pharma” kompaniyasi bosh direktori bilan suhbatda farmatsevtika sohasida hamkorlik va ishalb chiqarishni mahalliylashtirish masalalati muhokama qilindi. Kompaniya V Toshkent xalqaro investitsiya forumiga taklif etildi.

☑ Saudiya Arabistonining investitsiyalar vaziri bilan uchrashuvda ikki tomonlama investitsiyaviy sheriklik hajmi va sifati ortib borayotgani qayd etildi. Saudiyalik hamkorlar iyun oyida Toshkentda bo‘lib o‘tadigan xalqaro investitsiya forumiga taklif qilindi.

Shuningdek, Ar-Riyod amiri shahzoda Faysal bin Bandar Ol Saud bilan uchrashuv bo'lib o'tdi. Muloqotda mamlakatlar o‘rtasidagi ishonch va do‘stlikka asoslangan munosabatlar mustahkamlanayotgani, hamkorlikni mintaqaviy darajada kengaytirishga tayyorlik bildirilgani ta’kidlandi.

🌎 TIV rahbarining Saudiya Arabistoniga tashrifi O‘zbekistonning ko‘p vektorli tashqi siyosatining muhim yo‘nalishi – yirik arab davlatlari bilan iqtisodiy aloqalarni mustahkamlashga qaratilgan.

💠 Yosh sharqshunos diplomatlar klubi matbuot xizmati.

😎 Telegram | 😎 Instagram

🇺🇿🇺🇿🇺🇿 #payshanba_yoshlarkuni

Oliy Majlis Senati Raisi Tanzila Narbayeva Toshkent davlat sharqshunoslik universiteti talabalari, yosh tadqiqotchilari, “Sharqshunos tahlilchilar” va “Yosh sharqshunos diplomatlar klubi” a’zolari hamda professor-o‘qituvchilari bilan ochiq va samimiy muloqot o‘tkazdi.

Senat.uz | Facebook | Instagram | Youtube | X| Virtual murojaat | Yoshlar parlamenti

Fors ko‘rfazida harbiy keskinlashuv:

🔊 7-may kuni Eronning janubidagi Bandar Abbos va Qeshm oroli hududida kuchli portlashlar sodir bo‘ldi. Eron havo mudofaasi ikki noma’lum dronni urib tushirganini ma’lum qildi.

🔵 AQSh va Eron o‘rtasida to‘g‘ridan-to‘g‘ri otishma bo‘lgan. Fox News ma’lumotiga ko‘ra, AQSh Qeshm va Bandar Abbos portlariga havo zarbalari bergan, biroq bu urushning qayta boshlanishi emasligi ta’kidlanmoqda. Eron Islom inqilobi muhofizlari korpusi esa AQShning Eron tankeriga tajovuzidan so‘ng raketa zarbalari berilganini va dushman zarar ko‘rganini aytmoqda.

BAA ustidan tergov boshlandi — Eron manbalariga ko‘ra, hujumlarda ishlatilgan dronlar BAA hududidan havoga ko‘tarilgan bo‘lishi mumkin. Agar bu tasdiqlansa, Eron BAAga nisbatan keskin javob choralarini qo‘llash bilan tahdid qilmoqda.

Isroil o‘zining voqealarga aloqasi yo‘qligini bildirgan. Biroq keyingi ma’lumotlarda Eron Minoob shahridagi harbiy-dengiz bazasiga berilgan zarbalarda Isroilning aloqadorligi haqida da’volar ham paydo bo‘ldi.

📎 Eslatib o‘tish kerak — shu kunning o‘zida AQSH va Eron 14-mayga qadar sulhga erishish imkoniyati haqida muzokaralar olib borayotgani xabar qilingan edi. Biroq yuzaga kelgan harbiy to‘qnashuvlar diplomatik jarayonni murakkablashtirmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Kaspiy: Eron urushida kuchayib borayotgan strategik yo‘lak

✅Hormuz bo‘g‘ozi qamalda. Dunyo neftining 25% va gazining 20% oqimi to‘xtagan. Bunday sharoitda Eron o‘zining shimolidagi Kaspiy dengizi orqali muqobil savdo yo‘laklarini faollashtirishga majbur bo‘lmoqda.

Oddiy vaqtda Eron savdosining 90% Fors ko‘rfazi orqali o‘tsa, urush tufayli bu ko‘rsatkich 95% ga qisqargan. Endi Kaspiy — Yevropa va Osiyo o‘rtasidagi asosiy tranzit arteriyasiga aylangan.

✅Harbiy tahdidlar Kaspiyga yetib kelgan.

19-martda Isroil Eronning Kaspiydagi eng yirik porti Bandar Anzaliga zarba berib, Eronning Kaspiy flotining katta qismini yo‘q qilgan. 1-aprelda esa port infratuzilmasiga navbatdagi zarbalar berilgan. Maqsad — Eronning yagona muqobil yo‘lagiga zarba berish.

📈Rossiya–Eron savdosi keskin oshgan

The New York Times ma'lumotiga ko'ra, Kaspiy orqali bug'doy, makkajo'xori, ozuqa va kungaboqar yog'i yetkazilmoqda. Eronning to'rtta porti sutka bo'yi ishlamoqda. Kemalar transponderlarini o'chirib, yashirin harakatlanmoqda.

Rossiya–Eron savdosi 2024-yilda $4,8 mlrd (16% o'sish) bo'lgan bo'lsa, 2026-yilda 10 million tonnadan oshishi kutilmoqda. Rossiya Yelabugada ishlab chiqarilgan "Shahed" dronlarini Astraxan portidan Bandar Anzaliga yetkazib bermoqda.

Ozarbayjon — nozik muvozanat ustasi.

✔️Ozarbayjon Kaspiydagi uchinchi yirik kuch sifatida eng murakkab diplomatiyani olib bormoqda:

✔️Eron bilan 400 milya chegara va 20 mln etnik ozarbayjon Eron shimoli-g'arbida yashaydi

✔️Isroil bilan mustahkam hamkorlik — Isroil neftining 40% Ozarbayjondan

✅AQSH bilan yaqinlashuv va "Abraham kelishuvlari" istiqboli

Rasman Ozarbayjon neytral. Boku Isroildan Eronning shimoli-g'arbiy qismiga zarba bermaslikni talab qilib, o'z etnik aholisini himoya qilgan.

Urush fonida Ozarbayjonning Kaspiy orqali tranzit savdosi 500% ga oshgan. Bokudagi port xavfsiz yo'lakka aylangan.

Xulosa
Kaspiy dengizi Eron urushida ikkinchi, ammo strategik jihatdan o'sib borayotgan frontga aylandi. Isroil va AQSH Rossiya–Eron iqtisodiy va harbiy oqimini uzishga harakat qilmoqda. Biroq harbiy zarbalar savdo oqimini butunlay to'xtata olmadi — aksincha, u yanada yashirin va tartibsiz shaklga o'tdi.

Ozarbayjon esa o'zining betarafligi va uch tomonlama aloqalari bilan mintaqadagi eng nozik muvozanatni saqlab turibdi. Agar urush uzoq davom etsa, Boku Kaspiy xavfsizligi arxitekturasida hal qiluvchi o'yinchiga aylanishi mumkin.

Asosiy xavf: Kaspiyning harbiylashuvi (dron urushlari, port infratuzilmasini nishonga olish) mintaqani yangi beqarorlik markaziga aylantirishi ehtimoli.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram