Hormuz bo‘g‘ozi: vaziyat keskinlashmoqda

Eron Islom inqlobi muhofizlari korpusi (IRGC) bayonotiga ko‘ra, Hormuz bo‘g‘oziga yaqinlashish dushman bilan hamkorlik sifatida baholanishi va qoidani buzgan har qanday kema nishonga olinishi mumkin. Rasmiylarga ko‘ra, bo‘g‘oz dengiz blokadasi bekor qilinmaguncha yopiq qoladi.

Shu bilan birga, Eron parlamenti spikeri Muhammad Boqir Qolibof mamlakat Isroil va AQShga ishonmasligini, zarurat tug‘ilganda harbiy harakatlarni qayta boshlashga tayyor ekanini ta’kidladi.

Ma’lumotlarga ko‘ra, AQSh va Eron o‘rtasidagi muzokaralar kelgusi haftaga rejalashtirilmoqda. Al Jazeera manbalariga ko‘ra, uchrashuv Pokistonda o‘tkazilishi mumkin va bu borada xavfsizlik choralarining keskin kuchaytirilgani kuzatilmoqda.

Shu bilan birga, mintaqadagi keskinlik faqat Hormuz bilan cheklanib qolmayapti. Yaman husiylari AQSh siyosati davom etsa, Bob al-Mandeb bo‘g‘ozini ham yopish ehtimoli borligini ma’lum qilgan. Ushbu bo‘g‘oz global energiya ta’minotida muhim ahamiyatga ega bo‘lib, Fors qo‘ltig‘idan chiqadigan yuklarning katta qismi aynan shu yo‘nalishdan o‘tadi.

Diplomatik frontda esa vaziyat murakkabligicha qolmoqda. Pokiston tomoni AQSh–Eron muzokaralariga nisbatan optimizmni pasaytirganini bildirgan, chunki Tehron yadroviy dastur bo‘yicha o‘z “qizil chiziqlari”dan voz kechishni istamayapti.

AQSh prezidenti Donald Tramp esa o‘z bayonotlarida Eronga bosimni kuchaytirishda davom etmoqda. U muzokaralar muvaffaqiyatsiz tugasa, mamlakat infratuzilmasiga zarba berilishi mumkinligini ochiq aytgan.

Shu bilan birga, Eron rasmiy axborot manbalari hozircha AQSh bilan muzokaralarning yangi bosqichi bo‘yicha aniq qaror yo‘qligini bildirgan. Ta’kidlanishicha, dengiz blokadasi saqlanib qolayotgan bir paytda muzokaralarni davom ettirish masalasi ochiq qolmoqda.

"Yosh sharqshunos diplomatlar" klubi tahlil bo'limi.

😎 Telegram | 😎 Instagram

📣 Aprel oyining II chorak diplomatik dayjesti

Hurmatli Toshkent davlat sharqshunoslik universiteti talabalari va “Yosh sharqshunos diplomatlar” klubi a’zolari!

E’tiboringizga joriy yilning aprel oyining II choragi davomida O‘zbekistonning xalqaro maydondagi muhim diplomatik faoliyatiga oid asosiy voqealar dayjestini taqdim etamiz.

📌 2026-yil 14-aprel kuni Dehli shahrida O‘zbekiston va Hindiston vakillari Shanxay hamkorlik tashkiloti doirasidagi dolzarb sheriklik masalalarini muhokama qildi va O‘zbekiston TIV rahbari hamda AQSh Davlat kotibi yordamchisi o‘rinbosari muzokaralar chog‘ida energetika sohasidagi hamkorlik barqaror iqtisodiy rivojlanishni taʼminlashda muhim o‘rin tutishini taʼkidladilar.


📌 2026-yil 15-aprel kuni Oʻzbekiston Respublikasi Prezidenti Shavkat Mirziyoyev Rossiya Federatsiyasi Prezidenti Administratsiyasi rahbarining birinchi oʻrinbosari Sergey Kiriyenko boshchiligidagi delegatsiyani qabul qildi.


📌 2026-yil 15-aprel kuni O‘zbekiston tashqi ishlar vaziri Baxtiyor Saidov Norvegiyaning O‘zbekistondagi yangi elchisi Xelen Sand Andresenni qabul qildi, O‘zbekiston tashqi ishlar vaziri o‘rinbosari va Norvegiya elchisi konsullik-huquqiy masalalar va migratsiya sohasidagi hamkorlik istiqbollarini muhokama qildilar va O‘zbekiston tashqi ishlar vazirining birinchi o‘rinbosari Bahromjon Aʼloyev Eron elchisi Muhammad Ali Iskandariy bilan uchrashuv o‘tkazdi.

📌 2026-yil 17-aprel kuni O‘zbekiston tashqi ishlar vaziri Baxtiyor Saidov Moskvada bugun bo‘lib o‘tgan MDH Tashqi ishlar vazirlari kengashi yig‘ilishida ishtirok etdi va O‘zbekiston va Rossiya TIV rahbarlari Moskvada uchrashdi.


📌 2026-yil 18-aprel kuni Moskvada “Markaziy Osiyo + Rossiya” formatidagi tashqi ishlar vazirlarining navbatdagi uchrashuvi bo‘lib o‘tdi, Antaliya diplomatik forumida ishtirok etayotgan O‘zbekiston tashqi ishlar vaziri Baxtiyor Saidov Iordaniya Bosh vazir o‘rinbosari, tashqi ishlar va ekspatriatlar masalalari bo‘yicha vaziri Ayman Safadi bilan va Ukraina tashqi ishlar vaziri Andrey Sibiga o‘rtasida muzokaralar bo‘lib o‘tdi.

📌 2026-yil 19-aprel kuni O‘zbekiston tashqi ishlar vaziri Baxtiyor Saidov Antaliya shahrida Ozarbayjon tashqi ishlar vaziri Jayxun Bayramov bilan uchrashdi, Bangladesh tashqi ishlar vaziri Xalilor Rahmon bilan uchrashuvda ikki tomonlama hamkorlikni kengaytirish masalalarini muhokama qildi, Turkmaniston Vazirlar Mahkamasi Raisining o‘rinbosari, tashqi ishlar vaziri Rashid Meredov bilan muzokara o‘tkazdi va Ruan tashqi ishlar vaziri Olivye Ndxungirexe bilan diplomatik munosabatlar o‘rnatish to‘g‘risida Qo‘shma kommyunike imzoladi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Diplomatiya terminlarini tushunishni istaysizmi⁉️

Atigi 1 daqiqada farqlarni bilib oling!

1️⃣ Diplomat — davlatning xalqaro maydondagi "yuzi".
2️⃣ Elchi — davlat rahbarining boshqa mamlakatdagi oliy vakili.
3️⃣ Konsul — chet eldagi vatandoshlarimizning asosiy himoyachisi.

⁉️Siz uchun qaysi yo‘nalish qiziqroq?
⚪️Siyosiy muzokaralar (Elchixona)
⚪️Fuqarolar bilan ishlash (Konsullik)
⚪️Xalqaro tashkilotlarda faoliyat (Diplomatiya)

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Hormuz bo‘g‘ozida tanglik: AQSh–Eron munosabatlari yana taranglashdi.

AQSh prezidenti Donald Tramp AQSh harbiy-dengiz kuchlari Eronning “deyarli samolyot tashuvchisidek og‘ir” Touska kemasini qo‘lga olganini ma’lum qildi. Uning aytishicha, kema Hormuz bo‘g‘ozidan chiqqanidan ko‘p o‘tmay ushlangan.

Ushbu bayonot ortidan Eron davlat televideniyesi rasmiy Tehron hozircha Vashington bilan keyingi muzokaralarni davom ettirish niyatida emasligini bildirdi.

Eron Islom inqilobi muhofizlari korpusi (IRGC) AQShni o‘t ochishni to‘xtatish kelishuvini buzishda va “dengiz qaroqchiligi”da ayblab, tez orada javob berilishini ma’lum qildi. Bayonotga ko‘ra, AQSh kuchlari O'mon ko‘rfazida Eron savdo kemalaridan biriga hujum qilib, uning navigatsiya tizimini ishdan chiqargan va bortga dengiz piyodalarini tushirgan.

Al Jazeera manbalariga ko‘ra, Eron tomoni Trampning muzokaralar haqidagi bayonotlari va real vaziyat o‘rtasida katta tafovut borligini ta’kidlab, AQSh tomonidan “aldov siyosati” olib borilayotganini qayd etgan.

Shu bilan birga, Eron parlamenti spikeri Muhammad Boqir Qolibof yakuniy kelishuvga hali ancha uzoq ekanini bildirib, AQSh bilan muzokaralar fonida ham Hormuz bo‘g‘ozi yopiq qolishi mumkinligini istisno etmadi. Uning so‘zlariga ko‘ra, AQSh Eron portlariga qo‘yilgan blokadani bekor qilmaguncha vaziyat o‘zgarmaydi.

Diplomatik jarayonlar ham noaniq qolmoqda. Pokistondagi manbalarga ko‘ra, AQSh va Eron o‘rtasidagi muzokaralar masalasida yaqin soatlarda aniq siljish kuzatilmayapti.

Shu bilan birga, Reuters manbalariga ko‘ra, Eron muzokaralarda ishtirok etish imkoniyatini ko‘rib chiqmoqda, biroq yakuniy qaror hali qabul qilinmagan. Pokiston esa vositachilik qilib, AQSh blokadasini yumshatish va muzokaralarni tiklashga harakat qilmoqda.

CNN ma’lumotlariga ko‘ra, Eron muzokaralarda sanksiyalarni yumshatish va muzlatilgan aktivlardan kamida 20 milliard dollarni qaytarishni talab qilmoqda. Bunga javoban Tehron boyitilgan uran zaxiralari bo‘yicha murosaga borishi mumkinligi aytilmoqda, biroq uzoq muddatli cheklovlarni rad etmoqda.

Shu fonda Donald Tramp keskin bayonot berib, agar kelishuvga erishilmasa, “ko‘plab bombalar portlashi” mumkinligini aytdi va asosiy talab sifatida Eronning yadroviy qurolga ega bo‘lmasligini yana bir bor ta’kidladi.

Eronning Tasnim agentligi esa Trampning bayonotlariga qaramay, Tehronning muzokaralarda ishtirok etish bo‘yicha pozitsiyasi hozircha o‘zgarmaganini bildirdi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🇺🇿🤝🇷🇺 O‘zbekiston–Rossiya hamkorligi yangi bosqichda.

Joriy yilning 20-aprel kuni O‘zbekiston Respublikasi Prezidenti Shavkat Mirziyoyev Toshkent shahrida o‘tayotgan “INNOPROM. Markaziy Osiyo” xalqaro sanoat ko‘rgazmasi doirasida Rossiya delegatsiyasiga boshchilik qilayotgan Rossiya Federatsiyasi hukumati raisining birinchi o‘rinbosari Denis Manturovni qabul qildi.

Uchrashuvda Tatariston, Boshqirdiston respublikalari, Leningrad, Kirov, Irkutsk va Omsk viloyatlari hamda Rossiyaning qator yetakchi kompaniyalari rahbarlari ham ishtirok etdi.

Suhbat avvalida yuqori martabali mehmon O‘zbekiston yetakchisiga Rossiya Prezidenti Vladimir Putinning samimiy salomi va ezgu tilaklarini yetkazdi.

Davlat rahbari 35 mamlakatdan 10 mingdan ortiq biznes vakillari qatnashayotgan oltinchi “INNOPROM” ko‘rgazmasi yuqori darajada tashkil etilganini alohida ta’kidladi.

Uchrashuvda, avvalo, savdo-iqtisodiy sohada erishilgan kelishuvlarni amaliyotga joriy etish masalalari muhokama qilindi. Tomonlar savdo hajmi barqaror o‘sib borayotganini, sanoat, tinch atom, energetika, transport, metallurgiya va kimyo kabi tarmoqlarda qo‘shma loyihalar muvaffaqiyatli amalga oshirilayotganini qayd etdi.

Shuningdek, tovar ayirboshlash hajmini saqlab qolish, sanoat zonalari doirasida kooperatsiya loyihalarini jadallashtirish hamda hududlar va tadbirkorlar o‘rtasidagi aloqalarni kengaytirish zarurligi ta’kidlandi.

Qishloq xo‘jaligi mashinasozligi, energiya samaradorligi, suv xo‘jaligi, kiberxavfsizlik va sun’iy intellekt kabi istiqbolli yo‘nalishlar bo‘yicha yangi tashabbuslar qo‘llab-quvvatlandi.

Bundan tashqari, texnika yo‘nalishidagi qo‘shma oliy ta’lim muassasalari negizida iqtisodiyotning muhim tarmoqlari uchun malakali muhandis kadrlar tayyorlash masalasiga alohida e’tibor qaratildi.

Uchrashuv yakunida Rossiya hududlari va kompaniyalari vakillari tomonidan turli sohalarda yangi investitsiya loyihalari bo‘yicha aniq takliflar taqdim etildi.

Eslatib o‘tamiz, bir necha kun avval Prezident Shavkat Mirziyoyev Rossiya Prezidenti Administratsiyasi rahbarining birinchi o‘rinbosari Sergey Kiriyenko boshchiligidagi delegatsiyani ham qabul qilgan edi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🇺🇿🤝🇬🇼
O‘zbekiston yangi davlat bilan diplomatik aloqalarni yo‘lga qo‘ydi

O‘zbekiston Respublikasi G‘arbiy Afrikada joylashgan Gvineya-Bisau Respublikasi bilan diplomatik munosabatlar o‘rnatdi. Shu tariqa, mazkur davlat O‘zbekiston bilan rasmiy aloqalar yo‘lga qo‘ygan 168-davlatga aylandi.

Tomonlar xalqaro tashkilotlar, xususan, BMT va uning ixtisoslashgan tuzilmalari doirasida hamkorlikni yanada mustahkamlashdan o‘zaro manfaatdor ekanini ta’kidladi.

Shuningdek, ikki tomonlama aloqalarni kengaytirish va o‘zaro manfaatli yo‘nalishlarni aniqlash bo‘yicha hamkorlikni faollashtirishga kelishib olindi.

Ma’lumot uchun, Gveniya-Bisau Gʻarbiy Afrikada joylashgan boʻlib , U Atlantika okeani sohilida joylashgan va shimoldan Senegal, janub va sharqdan esa Gveniya bilan chegaradosh. Mamlakat poytaxti Bisau shahri hisoblanadi.

💠"Yosh sharqshunos diplomatlar" klubi matbuot xizmati.

😎 Telegram | 😎 Instagram

💼 Taniqli diplomat va Afg‘oniston bo‘yicha ekspert: Ismatulla Irgashev

✔️ Ismatulla Raimovich Irgashev — O‘zbekiston tashqi siyosatida, ayniqsa Markaziy Osiyo mintaqasi barqarorligini ta’minlashda muhim o‘rin tutuvchi diplomat.
1960-yil 24-sentyabrda Toshkent shahrida tug‘ilgan. 1982-yilda Toshkent davlat universitetini (hozirgi O‘zMU) "Sharqshunos-filolog, dari va ingliz tillari o‘qituvchisi" mutaxassisligi bo‘yicha tamomlagan. Fors, ingliz va turk tillarini mukammal biladi.

💼 Mehnat faoliyati:

➡️ Diplomatik faoliyatini Tashqi ishlar vazirligi (TIV) tizimida boshlab, uzoq yillar davomida mas’uliyatli lavozimlarda ishlagan:
➡️ 1996–1999: O‘zbekiston tashqi ishlar vaziri o‘rinbosari;
➡️ 1999–2003: O‘zbekistonning Xitoy, Mo‘g‘uliston va KXDRdagi Favqulodda va Muxtor elchisi;
➡️ 2004–2012: O‘zbekistonning Ozarbayjondagi Favqulodda va Muxtor elchisi;
➡️ 2017-yildan hozirgacha: O‘zbekiston Respublikasi Prezidentining Afg‘oniston bo‘yicha Maxsus vakili.

🇦🇫 Afg‘oniston yo‘nalishidagi faoliyati:

🟡 Ismatulla Irgashev O‘zbekistonning Afg‘onistondagi vaziyatni tinch yo‘l bilan tartibga solish, qo‘shni davlat bilan iqtisodiy va gumanitar aloqalarni rivojlantirish bo‘yicha strategiyasini xalqaro maydonda faol ilgari surib kelmoqda.
🟡 U "Tolibon" muvaqqat hukumati bilan muloqot qilish, Afg‘onistonda iqtisodiyotni tiklash va xalqaro hamjamiyatni bu jarayonga jalb qilishda asosiy diplomat hisoblanadi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🔺TDShU huzuridagi “Sharqshunos tahlilchilar” intellektual klubi tashabbusi hamda O‘zbekiston Yoshlar Ittifoqi bilan hamkorlikda “Siyosiy tahlilchi kadrlar tayyorlashning dolzarb masalalari” mavzusida Sharqshunos tahlilchilarning I Respublika forumi yuqori saviyada tashkil etildi.

Mazkur forum doirasida zamonaviy xalqaro munosabatlar sharoitida siyosiy tahlilchilarning o‘rni va ahamiyati, ularni tayyorlashning institutsional asoslari, analitik kompetensiyalarni rivojlantirish, shuningdek, mintaqaviy va global jarayonlarni chuqur tahlil qilish masalalari atroflicha muhokama qilindi. Ishtirokchilar tomonidan ilmiy-analitik yondashuvlarni takomillashtirish, yosh mutaxassislarning salohiyatini oshirish hamda amaliy ko‘nikmalarni mustahkamlashga qaratilgan taklif va tashabbuslar ilgari surildi.

💼 Forum ishida “Yosh Sharqshunos Diplomatlar” klubi vakillari ham faol ishtirok etib, yosh diplomatlar va tahlilchilar o‘rtasida o‘zaro tajriba almashish, zamonaviy diplomatiya va tahliliy faoliyat uyg‘unligini ta’minlash masalalariga alohida e’tibor qaratdilar.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📣 Aprel oyining III chorak diplomatik dayjesti

✔️E’tiboringizga joriy yilning aprel oyining III choragi davomida O‘zbekistonning xalqaro maydondagi muhim diplomatik faoliyatiga oid asosiy voqealar dayjestini taqdim etamiz.

📌 2026-yil 20-aprel kuni Oʻzbekiston Respublikasi Prezidenti Shavkat Mirziyoyev shu kunlarda Toshkent shahrida oʻtayotgan “INNOPROM. Markaziy Osiyo” xalqaro sanoat koʻrgazmasida Rossiya delegatsiyasiga boshchilik qilayotgan Rossiya Federatsiyasi Hukumati Raisining birinchi oʻrinbosari Denis Manturovni qabul qildi, Toshkent shahrida O‘zbekiston va XXR tashqi ishlar vazirliklari o‘rtasida siyosiy maslahatlashuvlarning navbatdagi davrasi bo‘lib o‘tdi va O‘zbekiston tashqi ishlar vaziri Baxtiyor Saidov Xitoy tashqi ishlar vaziri o‘rinbosari Lyu Binni qabul qildi.

📌 2026-yil 21-aprel kuni Oʻzbekiston Respublikasi Prezidenti Shavkat Mirziyoyev rasmiy tashrif bilan mamlakatimizda boʻlib turgan Jahon sogʻliqni saqlash tashkiloti (JSST) bosh direktori Tedros Adxanom Gebreyesusni qabul qildi, Qozogʻiston Respublikasi Prezidenti Qasim-Jomart Toqayevning taklifiga binoan Prezident Ostona shahriga keldi.

📌2026-yil 22-aprel kuni Oʻzbekiston Prezidenti Ostona shahridagi “EXPO” xalqaro koʻrgazmalar markazida tashkil etilgan Mintaqaviy ekologik sammit koʻrgazmasidagi milliy pavilyonlar bilan tanishdi, Markaziy Osiyoda iqlim va ekologiya muammolarini hal qilish boʻyicha yangi tashabbuslarni ilgari surdi, Oʻzbekiston Prezidenti UNEP bilan ekologik hamkorlikni kengaytirish masalalarini muhokama qildi va Orolni qutqarish xalqaro jamgʻarmasi taʼsischi davlatlari rahbarlari kengashi majlisida Shavkat Mirziyoyev nutq so'zladi.

📌 2026-yil 23-aprel kuni O‘zbekiston elchisi Muhsinxo‘ja Abduraxmonov Yaponiyaning sobiq Bosh vaziri Fumio Kishida bilan uchrashdi va O‘zbekiston elchixonasi vakillari AQSH Milliy geografiya jamiyati (National Geographic Society)ning hamkorlik bo‘yicha katta direktori Rayan Aleksandr bilan uchrashuv o‘tkazdi.

📌 2026-yil 24-aprel kuni O‘zbekiston elchisi Nodir G‘aniyev Fransiya Milliy kosmik tadqiqotlar markazi (“CNES”) rahbari Fransua Jak bilan uchrashuv o‘tkazdi va Moskva shahrida Shanxay hamkorlik tashkilotiga aʼzo davlatlar tashqi siyosat idoralari rahbarlari o‘rinbosarlari darajasida SHHTning xalqaro faoliyati va mintaqaviy xavfsizlik masalalariga bag‘ishlangan navbatdagi maslahatlashuvlari bo‘lib o‘tdi.

📌 2026-yil 25-aprel kuni O‘zbekiston diplomatlari Rossiyaning Vologda viloyatiga tashrif buyurdi va O‘zbekiston tashqi ishlar vaziri Baxtiyor Saidov Yaponiyaning “Aso Shoji” kompaniyasi prezidenti Masaxiro Aso bilan uchrashdi.

📌 2026-yil 26-aprel kuni Oʻzbekiston Respublikasi Tashqi ishlar vazirligi va mamlakatimizning Tokio shahridagi elchixonasi koʻmagida Yaponiyaning “Proud Partners”, “Izumi Logistics” hamda “Company Action” kompaniyalari bilan qator muzokaralar oʻtkazildi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🤝 Toshkent va Anqara: harbiy hamkorlikning yangi bosqichi

2026-yil 23-aprel kuni O‘zbekiston Prezidenti Shavkat Mirziyoyev Mudofaa vaziri Shuhrat Xolmuhamedovning Turkiya bilan harbiy hamkorlikni mustahkamlash bo‘yicha hisobotini tingladi. Uchrashuvda Turkiya Qurolli Kuchlarining yuqori martabali vakili ham ishtirok etgan.

Oliy darajadagi kelishuvlarni amalga oshirish doirasida ikki mamlakat mudofaa idoralari o‘rtasidagi hamkorlikning dolzarb masalalari ko‘rib chiqildi. Xususan, harbiy-texnik hamkorlik izchil rivojlanayotgani, idoralararo aloqalar kengayib borayotgani, qo‘shma tadbirlar va harbiy mutaxassislar tayyorlashga alohida e’tibor qaratildi.

📌 Eslatib o‘tamiz: 2026-yil yanvar oyida Anqarada O‘zbekiston va Turkiya mudofaa vazirlari tomonidan harbiy tibbiyot sohasidagi hamkorlik bitimi hamda 2026 yilga mo‘ljallangan harbiy hamkorlik rejasi imzolangan edi.

Ta'kidlanishicha, Turkiya bilan strategik aloqalarni rivojlantirish O‘zbekistonning tashqi siyosatida mustaqil va pragmatik yo‘nalishni kuchaytiradi. Bu jarayon mamlakatning an’anaviy hamkorlar bilan aloqalarini saqlab qolgan holda, yangi kuch markazlari bilan hamkorlikni faol kengaytirishga qaratilgan uzoq muddatli strategiyaning ifodasi sifatida baholanmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

AQSh butun dunyo bo‘ylab Xitoy faoliyatini kuzatish uchun diplomatlar tarmog‘ini kengaytirmoqda.

Vashington dunyo bo‘ylab AQSh diplomatik tarmog‘ini shakllantirib, u yerga Xitoy faoliyatini kuzatishga ixtisoslashgan mutaxassislarni joylashtirmoqda. Panamadan Yaponiyagacha, Pragadan Abidjangacha (Kot-d’Ivuarning eng yirik shahri) AQSh elchixonalariga aniq vazifa bilan mutaxassislar yuborilmoqda: Pekinning global harakatlarini batafsil tahlil qilish va joylarda AQShning bu boradagi qarashlarini ilgari surish. Bu haqda Intelligence Online xabar bermoqda.

Qayd etilishicha, ushbu tarmoqni rivojlantirish uchun yiliga taxminan 5 million dollar ajratilgan. 2025 yil oxiriga kelib dastur rasmiy shaklga ega bo‘lib, yanada aniq vazifalar belgilangan. Xitoy bo‘yicha mintaqaviy ofitserlar o‘z hududlarida Xitoy hukumatining siyosiy, harbiy, texnologik va iqtisodiy faoliyati haqida ma’lumot to‘plash va tahlil qilish bilan shug‘ullanadi.

Dasturga diplomat Brandon Borkovich rahbarlik qilmoqda. U Xitoyda, jumladan Pekin va Guanchjouda ishlagan tajribaga ega. E’tibor asosan Xitoyning muhim tashabbuslariga, jumladan Bir kamar, bir yo‘l loyihasiga, shuningdek global xavfsizlik va rivojlanish sohasidagi tashabbuslarga qaratilgan.

Manbaga ko‘ra, 2026 yilga borib dasturda taxminan 20 nafar mutaxassis faoliyat yuritadi. Ular AQSh Davlat departamentining turli mintaqaviy yo‘nalishlariga taqsimlanadi: Afrika, Sharqiy Osiyo va Tinch okeani mintaqasi, Yevropa va Yevroosiyo, Yaqin Sharq, Markaziy va Janubiy Osiyo, G‘arbiy yarim shar hamda xalqaro tashkilotlar.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Tramp Karl III Oq uyga tashrifi chog‘ida uning yelkasiga qoqib, diplomatik protokolni buzdi.

Norasmiy qoidaga ko‘ra: qirollik oilasi a’zolariga birinchi bo‘lib qo‘l tekkizish mumkin emas.

Tramp britaniyalik qirolga qo‘l berib ko‘rishib, suratga tushganidan so‘ng, ular rafiqalari bilan birga AQSh prezidentining rasmiy qarorgohiga yo‘l olayotgan paytda unga tegdi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

😁 Yosh sharqshunos diplomatlar klubi a’zolari “Qalb diplomatiyasi” konferensiyasida faol ishtirok etdi.

💼 Yangi bilimlar, muloqot va global imkoniyatlar sari qadam!

***
🌐 Members of the Young Orientalist Diplomats Club actively participated in the “Diplomacy of the Heart” conference.

💼 A step toward new knowledge, dialogue, and global opportunities!

💠 "Yosh sharqshunos diplomatlar" klubi matbuot xizmati

😎 Telegram | 😎 Instagram