✅️ РЫХТЫК У РЫХТЫК падобны.
Уласна беларускі фразеалагізм, азначае "вельмі моцна, абсалютна".

"Адразу ж з-за яе плячэй выйшлі два сыны, абодва трактарысты і падобныя, як кажуць, рыхтык у рыхтык адзін да
аднаго."
В. Казько. "Бунт незапатрабаванага праху".
#моўная_скарбонка
#ЗванецкаяБШ

✅️ ТРЫМАЦЬ ВУХА ВОСТРА. Ужываецца са значэннямі:
1) апасаючыся чаго-небудзь., быць вельмі пільным, быць
напагатове;
2) не давярацца каму-небудзь, быць асцярожным з кім-небудзь.

"Стан рэчаў быў такі, што трэба трымаць вуха востра, каб не
папасціся бязглузда ў панскія рукі".
Я. Колас. "Дрыгва".

"Гэта такія людзі, Аўдоцця Захараўна, што з імі трэба трымаць вуха востра".
К. Крапіва. "Пяюць жаваранкі"
#моўная_скарбонка
#ЗванецкаяБШ

Дзень народнага адзінства

Дзень адзінства народа майго –
Дзень прызнання ў любові краіне,
Дзе вышэй, даражэй усяго
Мір, і праца, і нашы святыні.

Гэта – свята маё і тваё!
Гэта – дружбы вялікае свята!
Марна дзесьці крычыць выраннё, –
Мы магутны народ і багаты!

Нашы сэрцы адкрыты для ўсіх,
Хто заўсёды з дабром прыязджае.
Мы, нібыта братоў дарагіх,
Шчырых, добрых людзей сустаракаем.

Наша моц – да Радзімы любоў!
Нам хапае азёр нашых чыстых,
Нашых шчодрых палёў і лясоў,
Нашых рэк і лугоў прамяністых.

Мы – як сёстры! Усе! Як браты! –
Беларус і паляк, украінец і рускі,
Армянін і яўрэй… Назаўжды
Нам найродны наш дом беларускі.

Будзем мы Беларусь шанаваць!
Берагчы ад пагроз і нягодаў.
Будзем згоду і мір мацаваць,
І братэрства краін і народаў!

Міхась Пазнякоў
#ДзеньНароднагаАдзінства
#ЗванецкаяБШ

На зыходзе дня.
#маяРадзіма
#ЗванецкаяБШ