Я хачу прайсці па зямлі
Самым верным, любімым сынам.
Каб дарогі мяне вялі
Пад вятрамі прасторам сінім,

Каб нямоўчна ў мяне на плячах
Росным раннем спявалі птушкі,
Каб я кветкамі ўсімі прапах
Ад падэшваў да самай макушкі,

Каб легенды глухой сівізны
Мне з даверам дубы шапталі
I крыніц залатыя званы
Для мяне калыхалі хвалі.

Я хачу прайсці па зямлі,
Каб мне людзі сэрца адкрылі,
Слёзы шчасця і мазалі
Па-братэрску са мной падзялілі,

Каб мне роўную частку далі
Сваёй ношы нялёгкай пранесці
I свае галасы ўплялі
У мае няхітрыя песні...

Генадзь Бураўкін

#ДоўскаяСШ
#Паэтычная_старонка

✅️ НА РОСТАНЯХ.
Уласна беларускі фразеалагізм. Ужываецца ў значэнні "у стане сумнення, хістанняў, y нерашучасці перад выбарам чаго-небудзь (быць, заставацца).

✳️ "Вершы патыхалі нейкай чыстай яснасцю і халаднаватасцю. A гэта смерць для паэта. I ён зразумеў гэта і зараз стаіць на ростанях, не ведаючы, што і як пісаць".
У. Караткевіч. "Нельга забыць".
#моўная_скарбонка
#родная_мова
#ЗванецкаяБШ

«Кавун» Ж. Левітан

Ёсць ягад вялікае мноства,
і пералічыць іх няпроста:
Суніцы, чарніцы, маліны,
Парэчкі, агрэст, журавіны.
Трускалкі, каліны, брусніцы,
Ажыны, бружмель, касцяніцы…
Кавун у сям’і разнастайнай
Асобае месца займае.
Бо ягада гэта таксама,
У свеце вялікая самая.

#чытаем_дзецям
#зарэчанскі_дзіцячы_сад

Коллектив гимназии г.Рогачева 16 мая 2024 года принял участие в гала-концерте областного смотра- конкурса самодеятельного любительского творчества «Созвездие талантов» среди работников учреждений и организаций образования Гомельской области.
#гимназия#Годкачества#

Пятнічная “Настаўніцкая” традыцыйна знаёміць з навінамі адукацыі, адметнымі педагогамі, адказвае на актуальныя пытанні

▫️ Разварот “Выпускны баль” расказвае пра ход падрыхтоўкі да выпускных вечароў у навучальных установах сталічнага і гродзенскага рэгіёнаў. Напрыклад, у Лунненскай сярэдняй школе імя Героя Савецкага Саюза Івана Шарамета на Мастоўшчыне выпускны вечар — гэта свята ўсяго аграгарадка.

У рубрыцы “Кампетэнтна” пра вядучыя напрамкі работы выхаваўча-аздараўленчых устаноў летам паведаміла кансультант упраўлення сацыяльнай, выхаваўчай і ідэалагічнай работы Галоўнага ўпраўлення выхаваўчай работы і маладзёжнай палітыкі Міністэрства адукацыі Таццяна Асмалоўская.

У новай рубрыцы “Акадэмія адукацыі” канцэптуальныя напрамкі дзейнасці акадэміі акрэсліла яе рэктар Ірына Старавойтава.
Дадатак “Вышэйшая школа” знаёміць з перспектывамі развіцця Палескага дзяржаўнага ўніверсітэта і навуковымі дасягненнямі Віцебскага дзяржаўнага тэхналагічнага ўніверсітэта.

Рубрыка “Запрашаем у музей” дапаможа завітаць у Галоўчыцкую сярэднюю школу Нараўлянскага раёна і азнаёміцца з унікальнай экспазіцыяй. А экскурсаводам будзе вядомы педагог-краязнавец Васіль Чайка.

🔜 На паласе “Аб’яднаныя інтарэсамі” мастацкія парады дае старшыня Беларускага саюза майстроў народнай творчасці, доктар мастацтвазнаўства, этнолаг, прафесар Яўген Сахута.

Прыемнага чытання!