ပုံကြီးချဲ့နေတဲ့ ဒဏ်ရာတွေ မဟုတ်ပါဘူး
ကိုယ့်ဒဏ်ရာ ကိုယ်ပြန်ကုစားခဲ့တာချည်းပဲ
အမာရွတ်ရှိဖူးသူတွေသာ ဒဏ်ရာတွေအကြောင်း
ကောင်းကောင်း သိပါလိမ့်မယ်။

_ငြိမ်းဇော်

အသက်ကြီးပြီး အသိတရား မရှိဘူးဆိုရင်
လူကြီးပဲ ဖြစ်သေးတာ
လူကောင်း မဟုတ်ဘူး။

_ငြိမ်းဇော်

ပြန်တွေးကြည့်ရင်တောင်
ကိုယ်တို့အတိတ်က လွမ်းစရာမကောင်းလှဘူး
လိမ်ညာမှုတွေ ၊ ဖောက်ပြန်မှုတွေနဲ့... ။

တစ်ခါက ကိုယ်ပြောဖူးသလိုပေါ့
အချစ်နဲ့စစ်မှာ မတရားလို့ရတယ်
မရိုးသားလို့မရဘူးဆိုတာလေ...။

ကိုယ့်အတွက်မှမဟုတ်ရင် အရာအားလုံးကိုစွန့်လွှတ်နိုင်သားပဲ
နေနိုင်စွမ်းအားကို မစမ်းသပ်နဲ့အချစ်ရယ်
မင်းရှုံးသွားမှာပေါ့...။

-ဘယ်လာခင်

ဘဝဆိုတာ ကြောက်တယ်ဆိုပြီး
ပြန်လှည့်သွားလို့ရတဲ့ အရာမျိုးမှမဟုတ်ပဲ
ဘာပဲဖြစ်ဖြစ်ရပါတယ်ဆိုပြီး
ဖြတ်သန်းသွားလိုက်ရတာပါပဲ
ဒီလိုပဲပေါ့...။

• တာရာမင်းဝေ •

ပျော်ရွှင်ခြင်းရောဝမ်းနည်းခြင်းမှာ
မင်းနဲ့ထပ်တူအချိုးကျပါတယ်
မင်းပျော်ရင်ကိုယ်လဲပျော်တယ်
မင်းဝမ်းနည်းရင်ကိုယ်လဲအလိုလို
စိတ်မပျော်ခြင်းနဲ့ငိုကြွေးမိတယ်
ဒါတွေဟာလုပ်ယူမရတဲ့တို့နှစ်ယောက်
ရဲ့အချစ်သင်္ကေတတွေပါပဲချစ်သောရယ်။


_ချယ်🌸

နှိမ့်နေသ၍
နှိမ်တဲ့သူတွေက အာမနာစတမ်း နှိမ်ကြမှာပဲ
သူတို့ထက် နှိမ့်ကျနေသ၍ပေါ့။

_ငြိမ်းဇော်

မင်းကအိပ်မပျော်တာ တစ်ခုပဲ
ငါကဘာမှကို မပျော်တော့တာ ။

အောင်ခိုင်မြတ်

အာရုဏ်ကြည်နူးလွမ်းစိတ်မြူး

သင်းပျံ့မွှေးကြိုင်
ပန်းနံ့မြိုင်၍
တိမ်ဆိုင်မြူအေး
လွမ်း‌တေးအသွင်
ပျော်ရွှင်ကျန်းမာ‌
နိုးထလာရာ
မင်္ဂလာပေါင်း
ခညောင်းပါစေကြောင်း ။         ။

- စိုးမိုး
- ကျွန်ုပ်စတင်သည့်မနက်ခင်း

ကိုယ်ချင်းစာတတ်စမ်းပါ အချစ်ရယ်
တကယ်လို့
ကိုယ်သာမင်းလုပ်သလိုမျိုး ကိုယ်လုပ်ရင်
မင်းမနာကျင်ပဲနေမလား ။

-မိုးစက်ငြိမ်း

ဘယ်ပန်းတွေဘယ်လောက်ထိ
လှပနေကြောင်းကိုယ်စာမဖွဲ့ဘူး
ကိုယ်တိုင်ပျိုးပြီးရေလောင်း
ပေါင်းသင်လုပ်ထားတဲ့အပင်း
လေးလှပစွာပွန့်လန်းလာမှ
ကိုယ်ရဲ့စာတွေ၊ကဗျာတွေကို
ရေးရင်းဂုဏ်ယူပါ့မယ်။

-ချယ်🌸

11:11

မလိုအပ်တဲ့အချိန်မှာ
ပျောက်ကွယ်ပေးရတာဟာလဲ
ချစ်ခြင်းမေတ္တာပါပဲ။

-ဂန္ဓမာ

ကိုယ်ဘက်က အကောင်းဆုံးတွေချည်းပေးလို့
အကောင်းဆုံးတွေ ပြန်ရမယ်ဆိုတာ မသေချာဘူး
ဒီလောကကြီးက သူ့နည်းသူ့ဟန်
သူ့ကောက်ကွေ့မှုအတိုင်း
'အသူခံ လည်သူစား'ကျစတမ်း လည်ပတ်နေရုံသာ။

-ငြိမ်းဇော်

ထင်သလောက် မလင်းသလို
ထင်သလောက်လည်း မလွမ်းဘူး

လတ်တလောမှာ

ရောက်နေတဲ့ ရာသီဥတုကိုကျောခိုင်းပြီး
တောင်တန်းတွေရဲ့အောက် ပြေးခိုချင်နေတယ်

နောက်ပြီး

ခဏဖြစ်ဖြစ် အမေ့အိမ်ပြန်ချင်တယ် ။

#နွေသစ်ငြိမ်း

ကိုယ်မြတ်နိုးတာလေးမှ
လိုချင်ပါတယ်ဆိုလို့
စွန့်လွှတ်ပေးခဲ့ပြီးပြီ။
ခုတခါမှ အသက်လောက်ချစ်တာမို့
ဆုံးရှုံးမခံနိုင်တာကို ခွင့်လွှတ်ပါ။

_စည်း