عن لسان حال زينب عليه السلام
مع امها الزهراء عليه السلام تشكو حال الحسين عليه السلام

خامسَ اصحابَ الكساء

% ظامئاً بِكَربلاء
كَربلاء % بِكَربلاء
▪️▪️▪️▪️▪️▪️
بكربله ابنج يزهره سلبوها اعمامته
من وكع خيل الاعادي سحكو اعله جثته
وعالرمح راسه تعلك عمت عيني الشافته
ماسلم من عنده يمه والحوافر طحنته
ُُسُلِبَ منهُ الرداء % ظامئاً بِكَربلاء

كَربلاء بِكَربلاء % كَربلاء بِكَربلاء
▪️▪️▪️▪️▪️▪️
يمه خيل الاعوجيه ركت ضلوع الحنين
وحتى بُجدل كص اصبعه مارحم بيه العين
ومن كثرها جروح جسمه ماعرفته آنه الحسين
شلون منظر هذا يمه ريتج ويايه تجين

مخَظبُ بفيضِ الدماء % ظامئاً بِكَربلاء

كَربلاء بِِكَربلاء % كَربلاء بِكَربلاء
▪️▪️▪️▪️▪️▪️
بعينه جن نضرة سوالف تكلي زينب هالعين
يريد ذلج يالحبيبه وانتي جن ليث العرين
لبوه وبديوان اميه جبل شامخ توكفين
رجف كل طاغوته يمج رغم مجتوفه الادين

بَكَت املاكُ السماء% ظامئاً بِكَربلاء

كَربلاء بِكَربلاء % كَربلاء بِكَربلاء
▪️▪️▪️▪️▪️▪️
انه الي شفت اخيي منذبح من الكفه
ماكو شي بي يمه سالم صعبه والله اوصفه
مغيره ارسوم ابو اليمه مو اخوي الي اعرفه
فوك راس الرمح راسه والظما مفطر الشفه

صَدرَههُ شمرَ اعتلا % ظامئاً بِكَربلاء

كَربلاء بِكَربلاء % كَربلاء بِكَربلاء
▪️▪️▪️▪️▪️▪️
ونار وصط اظلوعي تسري لو نده بسمي يزيد
عين اخوي تصد اليه حسين اعرفنه شيريد
يكلي اعذريني يخويه يريد ايذلج يريد
وروحي تبرالج يزينب رغم مكطوع الوريد

نَظرَتاً فيها عناء % ظامئاً بِكَربلاء

كربَلاء بِكربَلاء % بكَربلاء بِكَربلاء
▪️▪️▪️▪️▪️▪️

تمت بحمد الله تعالى بقلم
شاعره
رابطه
#قرابين الطف
خادمة الحسين عليه

ام ليث العمشانيه



https://t.me/oo7750

لاستشهاد الامام الجواد
عليه السلام
فزاعيه


بالكاضميه ام الحسن....تنعه الجواد الليله

مسموم ويلي ابن الرضا...... گومن عزه نسويله
___
نرثي المصيبه بيا حزن
والزهرة بالمجلس تون
تنعه ويهل دمع الجفن

شلون المصاب تشيله
____
يا دمع ينفع يا دمع
واصوابهم ياذي الضلع
يلچم نفسه المنگطع

واعلى الجواد انحيله

✍ بقلم العلويه الاء العذاري
┉❈❥ًً❀﷽❀❥❈┉
اظلاع عدها امكسره
محنيه اجت ومكدره
بالعبره ويلي موزره

لرب العلى تشكيله

✍🏻طالبة الزهراء
┉❈❥ًً❀﷽❀❥❈┉
محد حضر يم جـثـتـه
ولا اهل تسـمـع ونـتـه
بـالـغـربـة مـات بـحـسـرتـه
والدمع ما كف سيله

✍🏻مريم العبوديه اسيرة الأحزان
┉❈❥ًً❀﷽❀❥❈┉
مسموم ويلي الوحده
يعالج ومحد وسده
كل عام حزنه نجدده

بدمع الحزن نبجيلة

خادمة الزهراء
الشاعرة هالي نور
┉❈❥ًً❀﷽❀❥❈┉
يا هضمة المبعد اهـل
وبـدار غـربـة يـنـچـتـل
دمـع الـحـزن مـا يـنـفـصل

وعـالـشـاب روحي عـلـيـلـة
┉❈❥ًً❀﷽❀❥❈┉
يا هضمة الـفـوگ السطح
بـالـشـمـس دلالـه انـذبـح
وگـلـب الـزچـيـة يـنـجـرح
والآه بـيـه ثـجـيـلـه

✍🏻مريم العبوديه اسيرة الأحزان
┉❈❥ًً❀﷽❀❥❈┉
نصبت عزاها فاطمة
ومن الضلع متألمة
الشيعه كلها محزمة

كلها بألم تنعيله

خادمة الزهراء
الشاعرة هالي نور

تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد
https://t.me/oo7750

المولانه الجواد علينه السلام
ــــــــــــــــــــــــــــــــــــــــــ
┉❈❥ًً❀﷽❀❥❈┉


هلو الدمعه الجريحه اليله مسموم الجواد

ونصبوا يا شيعه المآتم لبسوا اعليه السواد

للگضه وبعده شباب
عازو جده ابو تراب
نوحوا عالمعصوم نوحو صيحوا يا باب المراد
┉❈❥ًً❀﷽❀❥❈┉
نوحو لجل ابن الاجاود
بدمعه وبكل انكسار
ويلي علمسموم ويلي
غدرته بعز النهار
مثل جده حسين وسفه غدرته انفوس الاشرار

عانه انواع العذاب
عازو جده ابو تراب

نحوا عالمعصوم نوحوا صيحو ياباب المراد

ام ✍🏻زين العابدين المحمداويه
┉❈❥ًً❀﷽❀❥❈┉
نحي واجب هل شعائر بلهفة احساس وشعور
كل سنه لهاي الرزيه واجب انوسم الصدور
نسچب ابابه الف عبره بيها كل دمعه تفور

يا ذخر يوم الحساب
عازو جده ابو تراب

ياذخرنه ونعمه الله ورحمه من رب العباد
نوحو عالمعصوم نوحوا صيحوا يا باب المراد

✍ بقلم العلويه الاء العذاري
┉❈❥ًً❀﷽❀❥❈┉
كون من نحضر يشيعه بأدب وبكل احتشام
نحي من نحيي الشعائر هاي بالمحشر وسام
وننجمع كلنه اعلى حبه هوه ابن خير الأنام

اله من الجنه باب
عازو جده ابو تراب

والمجالس بيه عبره وعبره يم الزهره غاد
نوحو عالمعصوم نوحوا صيحوا يا باب المراد

✍🏻طالبة الزهراء القريش
┉❈❥ًً❀﷽❀❥❈┉
​جبدك المسموم يلهب والعطش يچوي الدليل
وعلى السطح ظليت وحدك والدمع لجلك يسيل
مثل جِدك عالوطيه بلا غسل جسمه قتيل

​والمصاب يجر مصاب
عازو جده ابو تراب

​خل نجدد عهد كلنه وكل سنة نعلن حداد
نوحو علمعصوم نوحوا صيحوا ياباب المراد

┉❈❥ًً❀﷽❀❥❈┉
​قلم مو بس بالقصيدة نكتب حروفه ونروح
هذا بلسم للمآسي يشفي آهات الجروح
من مآتمنا اليواسي بدمعة لعيونك ينوح

جرحه يزف لا مطاب
​عازوا جده ابو تراب

​واللي يرفع راية الحق ما يهمه الاضطهاد
نوحوا عالمعصوم نوحو صيحوا ياباب المراد

✍🏻مريم العبوديه اسيرة الأحزان
┉❈❥ًً❀﷽❀❥❈┉


تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد

https://t.me/oo7750


https://t.me/sakiAtashi

قصيدة ليلة الوداع

ليلة فراك وحنين بين زينب والحسين

وصاحت بدمع الألم
من يحركون الخيم
وين اروحن خوية وين


خوية كون الليل يطول ومايطرلنه صبح
ومايجي باجر واشوفن راسك براس الرمح
صعبة اشوفنك يخوية اكبال عيني تنذبح
أااه ياعاشر محرم بكلبي خله جم جرح

حشمت اهل الشيم
من يحركون الخيم
وين اروحن خوية وين


خوية زينب شدي حيلج باجر يطيح الكمر
ابن ابوي انطاني عينه وظهري بفراكة انكسر
والعمد بالراس صابه والجفوف اعله النهر
الاشد واعظم مصيبة اكبالي حزوله النحر

باجر يطيح العلم
من يحركون الخيم
وين اروحن خوية وين


باجر تروحن سبايه خلي عينج عالعبي
باجر تظلين وحدج يحدي ضعنج الاجنبي
ذكرى ظلتلج يزينب فوك تل الزينبي
صحتي لحكلي يبوية ترضه بتك تنسبي

ياعلي حيلي انهدم
من يحركون الخيم
وين اروحن خوية وين


انه ادري خوية زينب بالوداع شكد صعب
باجر تظلن يتامه والظعن بيد الغرب
اكبال عينج اه يزينب روس اخوتج تنضرب
باجر عيون الشماته ترافكج طول الدرب

ضحكة الشامت سهم
من يحركون الخيم
وين اروحن خوية وين


ادري بالفركة طويله وبعد ماظن ننجمع
راحت ايام المحنة وعاشر عيوني الدمع
باجر خيول وحوافر بيك تكسر جم ضلع
ريت باجر ما يمرني وماعشت هذا الوضع

محد المنكم سلم
من يحركون الخيم
وين اروحن خوية وين

خادمة الزهراء
الشاعرة هالي نور



https://t.me/oo7750

ثقيله للحسين عليه السلام
توسل لقضاء الحوائج
﷽
ياابا عبدالله حسين
ياابا عبدالله حسين

┉❈❥ًً❀﷽❀❥❈┉
عبدك وجيت اعله بابك صحت حيل امروتك
مچلب بنهجك امامي شبح شوفي لكبتك
ياحبيب امه الزچيه هيبتي من هيبتك
حسين غرگان بذنوبي وعلكتها بشيمتك

ياابا عبدالله حسين
يا اباعبدالله حسين

❈❥ًً❀﷽❀❥❈

انته للباري رجاء و باب رحمه و مغفرة
ياسليب المثلك انته نال كل هل مقدرة
ناس التحب وتخدمك وجوها مستبشرة
باجر تنال الشفاعة منك ومن حيدره

ياأبا عبدالله حسبن
ياأبا عبدالله حسين
┉❈❥ًً❀﷽❀❥❈┉

سيدي ارزقني دمعه حتى ابجي المنحرك
خلي اجزع لمن اسمع اخيولهم اطشرك
ضامي عل تربان دامي وزينب اختك تنظرك
صعدت اعله تل تشوفك وبصبرة توازرك

ياأبا عبدالله ياأبا عبدالله
حسين

✍🏻زهراء الزيداويه

┉❈❥ًً❀﷽❀❥❈┉
جيتك ودمعي يسولف الف مره علتي
اصفر الون اعل لوني سكته يمك ونتي
يا ابن فاطم دخيلك تكضي اريدن حاجتي
انته تدري شبيه كلبي يا نفس البريتي

يا ابا عبد الله حسين
يا ابا عبد الله حسين

✍🏻طالبة الزهراء القريش

┉❈❥ًً❀﷽❀❥❈┉

كون أموت وآنه يمك بحضرتك يگضي العمر
أمي نذرتني لخدمتك تقره بأذني من الصغر
من أشوف الماي يجري حيل كلبي ينعصر
الطاح بالشدة ويندبك مايضل بنص عسر

ياأبا عبدالله حسين
ياأبا عبد الله حسين

✍🏻 آلــــّعــلّويِـــه آلّمٌوسويِــــۿ

┉❈❥ًً❀﷽❀❥❈┉

دوم نوح انه عل بابك وانخه لو شهرك قدم
عبدك وغلا امنياتي كون اصير من الخدم
اتمنه ترزقني لمصابك سيدي دمعه والم
انته يا معنه وجودي بغيرك انه من العدم

يا ابا عبد الله حسين
يا ابا عبد الله حسين

✍ بقلم العلويه الاء العذاري

┉❈❥ًً❀﷽❀❥❈┉
تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد....


الشاعره طالبة الزهراء
https://t.me/sakiAtashi

نعي لمولاي الامام الجواد عليه السلام


اليله الجواد يدير العيون
بلكت هله يمه يحضرون
مسموم والسم غير اللون

وين الرضا بهمه يجيله
يكعد ويقراله العديله
وعن الشمس يكدر يشيله


فوك السطح ياشيعه مطروح
مسموم والسم لوع الروح
يعظم اجر الباقي بالنوح
✍🏻ام وسام ال حيدر
__
الليلة الغريب يلوج بالدار
وحده عليل بوسط الاشرار
محد فزعله والوكت جار

​بدار المنية يلوج بالآه
غدرته ام الفضل ويلاه
شنهو الذنب ياناس سواه

​وين العشيرة وبني عدنان
تسگي ابن طه الليلة عطشان
گلب الجواد اليوم خلصان

​وين الهواشم خل ينوحون
للكاظم الليلة يحضرون
مات الجواد وخل يلطمون

✍🏻مريم العبوديه اسيرة الأحزان
___
تلطم عليه المات مسموم
صار بسطح من سمته الگوم
وحمام ناحته وله تحوم

دارت عليه اليله الأملاك
طيور السمه لاحت بالافلاك
وفاطمه تنعه بحزن لجلاك
💔😭
تنعه بحزن وتصيح يمه
محد تجاله وجاه بهمه
ضل بشمس وبليل ظلمه

✍️ *أم ســــــيف المحمــــــداويه*
____

ضل عالسطح والدمع سأله
بسمه يتلوه شلون حاله
كاضي النفس محد الشاله

راح بعمر ياعمر الورود
بعده شباب بخيره ايجود
✍🏻طالبة الزهراء القريش
__



تمت النعي باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد
https://t.me/oo7750

ابوذيه
وگاني بزينب عليها السلام
_

شلچم بيه المسه يحسين من چال

وطفح ميزان دهري بحزن من چال

شيلم حيلي وگضاني الركض من چال

التعنيتة وشفت ذيچ الرزيه

✍ بقلم العلويه الاء العذاري

لطميه تقرأ ثگيله او نوحيه للهلال
┄┉❈❥ًً❀💠❀❥❈┉┄

يهلال الكدر شلك عليه
تاخذ ليش مني ابن الزچيه
شنهو امسوي حسين
وي هاي الملاعين
اتيتم روحي واتيتم رقيه
┄┉❈❥ًً❀💠❀❥❈┉┄
يهلال الكدر يالبيك الاحزان
ليش اتخون بابن النبي العدنان
اتريد ابقه وحيده وگلبي حزنان
شصبري من عگبهه هاي الاحنان
عگب اعيونهم شيصير بيه
يهلال الكدر شلك عليه

✍🏻الشاعر جعفر الساعدي
┄┉❈❥ًً❀💠❀❥❈┉┄
من هليت هلت دمعة العين
باجر ينذبح عباس وحسين
وامشي انه سبيه ويه الملاعين
ونخلي اخوتي نومه مطاعين
بيك النايبه وشفت الأذيه
يهلال الكدر شلك عليه

✍🏻الشاعرة هالي نور
┄┉❈❥ًً❀💠❀❥❈┉┄
باچر يا عذاب و ظيم اشربه
لو عفت الاهل بالكون صعبه
وديوان النذل بحزاني اطبه
يتشمت وابد ما يرف گلبه
و يضرب راس اخيي بالعصيه
يهلال الكدر شلك عليه
┄┉❈❥ًً❀💠❀❥❈┉┄
شلي ابكربله تاخذهه البدور
ومن يوم الزچيه گلبي مكسور
هالليله الحزن بارويحتي يدور
شحمل ياهظيمه بعشره عاشور
لو ذباحهم يچتفهه اديه
يهلال الكدر شلك عليه

✍🏻الشاعر جعفر الساعدي
┄┉❈❥ًً❀💠❀❥❈┉┄
من زغري شفت ضيم ومصايب
هظمني البين بفراك الحبايب
من سهم الحزن دلالي ذايب
هلالك يا شهر هل بالنوايب
عسى لاجيت لارض الغاضريه
يهلال الكدر شلك عليه


بقلم شاعره رابطه قرابين الطف
✍🏻الشاعرة هالي نور
اللهم عجل لوليك الفرج


https://t.me/oo7750

لطميه لهلال محرم عن لسان لموالي .

أبگلبي چودر حزني يهلال
من عيني دمعي بلا وعي سال


ابگلبي چودر حزني وانعيت
مثل المطر ع الگاع وگعيت
وبلوعه شفتك حين هليت
شهر المصايب سهمه چتال

سهم المصايب يعمي العين
بيه تنگطع روس الميامين
ضامي وسليب الوالي حسين
وزينب غريبة ابين الانذال

كل الزلم نومه اعله التراب
الراس طفل هالدمع سچاب
عبدالله ماشابع هوه الهاب
لمصابه تايه حگه البال

حاير ونوحن وصرخ الويل
حسراتي چن امراكض الخيل
صدره نطحن ياحيف جن هيل
جسم الولي متگطع اوصال

بحسين ابد مارحمة بالناس
من طاح اخوه عل نهر عباس
طوله تفرهد جن عطر ياس
وبعده الضعن للغرب هلشال


تمت القصيده بقلم شاعره رابطه
#قرابين الطف
#قرابين الطف

#✍🏻زهراء_الزيداويه

اللهم عجل لوليك الفرج
يا حسين مدد


https://t.me/ZH202

https://t.me/oo7750

​توسل بباب الحوائج رقية (ع)

​يـا الهي شـافي هالليـله العـليـل
بـالعزيزه الغفت عالراس الثجيل

❈❥ًً❀﷽❀❥❈┉

​يا اله الكون مدّينه الإيدين
بجاهه الماتت على راس الحسين
نطلب الحاجات منك يا معين

تِشافي كل معلول طبته مستحيل
بالصغيره الغفت عالراس الثجيل
┉❈❥ًً❀﷽❀❥❈┉

​بدمعة عيونچ بجمرات الگلب
سجلي كل خطواته لليمشي الدرب
شافي كل معلول والوضع الصّعِب

والمرض لبجاه چفچ خل يِزيل
بالصغيره الغفت عالراس الثجيل

✍🏻مريم العبوديه
┉❈❥ًً❀﷽❀❥❈┉

​نحلفچ بعمتچ وشيال العلم
بجاه ربچ زيلي من عدنه الألم
هموم عدنه وانتي يا باب الكرم

فرجي كل همومنه بْچَف الكفيل
بالصغيره الغفت عالراس الثجيل

✍🏻هالي نور
┉❈❥ًً❀﷽❀❥❈┉

​يارقية جينة نطلب وكفتج
مرضه عدنه نريد منج فزعتج
يالاجيتي طلبي منها حاجتج

اباب جودج واكف الخادم دخيل
بالصغيره الغفت عالراس الثجيل

✍🏻هالي نور
┉❈❥ًً❀﷽❀❥❈┉

ا​نحلفچ جينه بكفيل الطاهره
علة زادت والهموم مْكَوّره
أدري تگظيها يباب المغفره

موزرين أحزان والدنيا تميل
بالصغيره الغفت عالراس الثجيل

✍🏻أم سيف المحمداويه
​┉❈❥ًً❀﷽❀❥❈┉

نِقْسِمْ عَلِيچْ بْعَطَشْ ابْنِ النَّبِي
وَنِقْسِمْ بْعَبَّاسْ كَافِلْ هَالْعَبِي
وِعْلِيچْ دَرْبِ الضَّيْمْ ذَاكْ الْبِالسَّبِي

منا كل داء ابخت جفج يشيل
بالصغيره الغفت عالراس الثجيل

✍🏻طالبة الزهراء القريش
┉❈❥ًً❀﷽❀❥❈┉
تمت القصيده بقلم شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد


https://t.me/oo7750

ثقيله لبنت الامام الحسين فاطمه العليله عليهما السلام
وهي تنتظر مرسال ابيها ع


ضليت بالدار انتحب انه العليله
لو بس يرد طارش الي *ابجي بشليله*

وتوسله الجاي
يوديني لهواي
ابجي بشليله.انه العليله
┉❈❥ًً❀﷽❀❥❈┉
البيه عله سلوته احبابه بالدار
يتفكدونه بنومته بياصفحه يندار
مو ضال بالون وحده يذكر الصار

تعطل العناي
يوديني لهواي
ابجي بشليله.انه العليله

✍🏻طالبة الزهراء القريش
┉❈❥ًً❀﷽❀❥❈┉
ضليت وحدي والدمع بات اعله خدي
كدامي اهلي حملو خلوني وحدي
لا اخو الظل ولا اخت وجروحي تدي

اشكيله بلواي
يوديني لهواي
ابجي بشليله. انه العليله

✍🏻خادمة الزهراء
الشاعرة هالي نور
┉❈❥ًً❀﷽❀❥❈┉
ضليت أناشد عالأهل والفرگة تكتل
لو حرك أبابي الهوه دلالي يجفل
لفراگهم شاب الكلب والعين تهمل

مسوده دنياي
يوديني لهواي
ابجي بشليله. انه العليله

✍🏻 آلــــّعــلّويِـــه آلّمٌوسويِــــۿ
┉❈❥ًً❀﷽❀❥❈┉
​الليل موحش من يمر ما يرحم الليل
واحزاني تاكل بالگلب والمدمع يسيل
مجروح دلالي بجرح ما بـيّه كل حيل

​هل عِمت عيناي
يوديني لهواي
ابجي بشليله.. انه العليله

✍🏻 مريم العبوديه اسيرة الأحزان
┉❈❥ًً❀﷽❀❥❈┉

ويلي عمت عيني تره ضليت اناطر
مرسال من اهل الوفه يلفيني باجر
موحش نهاري بسكتتي ومكسوره خاطر

يالشوفته ادواي
يوديني لهواي
أبجي بشليله آنه العليله

✍️أم ســــــيف المحمــــــداويه
┉❈❥ًً❀﷽❀❥❈┉
اجفوفي ضلت تندعي المتعني الطفوف
ابروحته لوني انخطف تارسني الخوف
بطيوفي اشوفنهم ضحك تلجمني الطيوف

تمنيته رجواي
يوديني لهواي
ابجي بشليله.انه العليله

✍🏻طالبة الزهراء
┉❈❥ًً❀﷽❀❥❈┉

تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد

https://t.me/oo7750

وكاني بالحسين عليه السلام
لطميه للعباس ( ع)
___
گوم نرد سوه عباس لم عون
من غيرك ارد لزينب شلون
"""""""""""""""""""“"""
شلون اتحمله عباس فرگاك
ما عندي گلب يتوادع وياك
گوم و خل احط جفي عليمناك
وين زنودك التلزملي المتون
""""""""""''''""''''""""""""
متخوصر نده يا خويه وينك
يحزام الضهر بطل بونينك
هون لا تسد للموت عينك
زينب تنتضر يا ماي العيون
""""""""""""""""""""""
گوم وياي نرجع للفواطم
عالماي العفه كون انت سالم
تراني بعازتك يا گمر هاشم
وكت العوز عني لا تموتون
""""""""""""""""""""""
عد راسه بچه من شافه الحسين
مخضب بالدمه والسهم بالعين
دنگ عالچفوف وزاد الونين
حيله منهدم ومغير اللون
___

يهد الحيل ايوداع الاخوان
وياعباس تدري الحيل نگضان
عفتني وحيد خويه ابين عدوان
ترضاها العده بينه يشمتون
"""""""""""""""""""""""
بقلم العلويه الاء
اسالكم الدعاء لي ولوالدي



https://t.me/oo7750

ثقيله لاستقبال شهر محرم


هلال شهر النايبه هل بالسماء
وبسم رب حسين خل نبدي العزاء

ابتدة شهر الحزن
والدمع هل عالوجن

هلال شهر النايبه هل بالسماء
____
بالدمع والنوح ننصب ماتمة
وتحظر بهاي المجالس فاطمة
وتلطم اعلى ظلوعها المتألمة

تبجي ويانة ام حسن
والدمع هل عالوجن

انواسي الزهراء فخر الانبياء
هلال شهر النايبه هل بالسماء
✍🏻ضحى البلوشي
___
هالمجالس بيها سر من الحسين
والشدايد تنحل برفع الادين
والاجابه بإذن رب العالمين

تنجلي اثكال المحن
والدمع هل عالوجن

من اثر اكبر مصيبه ابكربلاء
اهلال شهر النايبه هل بالسماء

✍🏻طالبة الزهراء
┉❈❥ًً❀﷽❀❥❈┉
ويه أبو الأكبر يضل هذا العهد
بدفتر ام حسين نخدم للأبد
نصيح يازهراء ياحيدر مدد

حسين يالحضنك وطن
والدمع هل عالوجن

محزمين احزام وبجف الوفاء
هلال شهر النايبة هل بالسماء

✍🏻 آلــــّعــلّويِـــه آلّمٌوسويِــــۿ
┉❈❥ًً❀﷽❀❥❈┉
وطن أسمك ياحسين ونفتخر
نخدمك مولاي يااعظم بشر
نعازي أمك فاطمه وأم الگمر

أعيوني وياهن بجن
والدمع هل عالوجن

رايه الخدمه رفعناها أبأباء
هلال شهر النيابه هل بالسماء

✍️أم ســــــيف المحمــــــداويه
┉❈❥ًً❀﷽❀❥❈┉
​هالمجالس عِبرة من دَم النحر
باقية وتنحب على طول الدهر
تجمع قلوب المحبّين بْقهر

​بالكلب ليكم شجن
والدمع هل عالوجن

​والزجيه اشوف وتوزع الجزاء
هلال شهر النايبه هل بالسماء
✍🏻مريم العبوديه اسيرة الأحزان
┉❈❥ًً❀﷽❀❥❈┉
هالمجالس بيها عبرة وموعضة
بيها نتذكر امام الرافضة
قدم اجمل تضحية وبالطف كضه

خالد بطول الزمن
والدمع هل عالوجن

نبجي عالعطشان مسلوب الرداء
هلال شهر النايبة هل بالسماء

✍🏻خادمة الزهراء
الشاعرة هالي نور
┉❈❥ًً❀﷽❀❥❈┉
┉❈❥ًً❀﷽❀❥❈┉

تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد


قناه الشاعره ضحى البلوشي
https://t.me/Rloot2

شاعرات قرابين الطف
https://t.me/oo7750

استقبال شهر المحرم


اجه شهر الذبح يحسين خليني
اطبن مجلسك وتصب دمع عيني
وصيح حسين يا مظلوم
وأشعر فاطمه اويانه
​┉❈❥ًً❀﷽❀❥❈┉
​ابدي المجلس ابآهات وابجي بحركه للغالي
محتار بعدد الجروح شنعه وكلهن أبالي
ويلي امورمه العينين عليه النوح يحلالي
​وصيح حسين يامظلوم

عبيد حسين مولانه
وأشعر فاطمه اويانه
✍🏻طالبة الزهراء القريش
​┉❈❥ًً❀﷽❀❥❈┉
​ظهر عاشر اذكرنه وون بحسره وبلوعه
تجي بفكري حوافرخيل واذكر ركت ظلوعه
أوشّم صدري باللطمه اواسي البكت مفجوعه
​وصيح احسين يامظلوم

عليك الروح وجعانه
واشعر فاطمه ويانه

✍🏻ام عباس السكيني ┉❈❥ًً❀﷽❀❥❈┉
​ناده الـخـادم بـدمـعـه يـبـو الـسجاد لتردني
أريد اسـمـي بـسجلك كون وبـهـذا الـعـزا اقبلني
مـا عـندي سـوى الـدمـعـة وبـيـهـا أرجـوك سجلني
​وصـيح حـسين يـا مـظـلـوم

اخدملك عمر آنه
وأشـعـر فـاطـمـه ويـانـة

✍🏻مريم العبوديه اسيرة الأحزان
​┉❈❥ًً❀﷽❀❥❈┉
​كون الباري يرزقني احساس بحرگة امصابك
وعليك الدمع متوالي بكثر اجروح نشابك
واريد بلطمتي نيران تچوي لحرگة اطنابك
​واصيح حسين يا مضلوم

يالما تطفي نيرانه
واشعر فاطمه ويانه

✍العلويه الاء العذاري ┉❈❥ًً❀﷽❀❥❈┉
​احضر مجلسك يحسين حسره بصدري مخنوكه
اشوف بعيني جن نحرك وخيل الجن ترك فوكه
اتصور ضعن وايتام وعبي وخيام محروكة
​وصيح حسين يامظلوم

روحي اعليك حزنانة
واشعر فاطمة ويانة
✍🏻خادمة الزهراء
الشاعرة هالي نور
​┉❈❥ًً❀﷽❀❥❈┉
​ألطملك على صدري بحرگه ونار لهابه
واذكره رقيه تصيح گطعوا خنصرك يابه
و أصيح بصوت آه يحسين اه يحسين ومصابه
​وأصيح حسين يامظلوم

مصابك حيل اذانه
وأشعر فاطمه ويانه
✍️ أم ســــــيف المحمــــــداويه
​┉❈❥ًً❀﷽❀❥❈┉
​أحضر مجلسك يحسين كبالي حاضرة الزهرة
اون وألطم على راسي لو ناعي الحزن يقره
وأصيح بصوت يامظلوم وبكلبي تشب جمرة
​وصيح حسين يامظلوم

وجهي اتغير الوانه
وأشعر فاطمة ويانه

✍🏻 آلــــّعــلّويِـــه آلّمٌوسويِــــۿ
┉❈❥ًً❀﷽❀❥❈┉
تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد



https://t.me/oo7750

....

قصيدة للامام الباقر عليه السلام
____

شاهد حرگ الخيام
بالطف مثل اليتام
نشدت ايده بحبال
رافگ ممشه چتال

لاحت گلبه السهام
بالطف مثل اليتام
┉❈❥ًً❀﷽❀❥❈┉

الباقر من زغر ما كف نحيبه
شاهد كربله وعاش المصيبه
يذكر عمته الضلت غريبه
وجده العل رمل جثه سليبه
والسجاد يا حال
رافگ ممشه چتال
ما ناسيهه الأيام
بالطف مثل اليتام

✍ بقلم العلويه الاء العذاري
┉❈❥ًً❀﷽❀❥❈┉
يذكر عمته من لفه الميمون
خبر طيحة عمامه وذيج المتون
وخوله والشمر لمن يركضون
صوب الخيم من بيهن ينهبون

عسكر صوبهم جال
رافك ممشه جتال
بوليه كومه ازلام
بالطف مثل اليتام

✍🏻طالبة الزهراء القريش
┉❈❥ًً❀﷽❀❥❈┉
مشاهد بالطف الضلت صورها
وكسر اضلوع ابو اليمه سمعها
عفا گلبه التحملها وجرعها
تهل العين ما يبطل دمعها

حزنه للگبر شال
رافگ ممشه چتال
ساهر جفنه ما نام
بالطف مثل اليتام

✍ بقلم العلويه الاء العذاري
┉❈❥ًً❀﷽❀❥❈┉
حزنه بكلبه جن الشيب بالراس
من يذكر الضيغم عمه عباس
من غار اعلى مهره وجال الرجاس
وكسران الظهر جن طكه الفاس

دهر بالحرم عيال
رافك ممشه جتال
تالي اليسر للشام
بالطف مثل اليتام

✍🏻طالبة الزهراء القريش
┉❈❥ًً❀﷽❀❥❈┉

گضاه العمر دمعه يصب دم
وعينه مـــانست نار المخيم
ميت من ظهر عاشر محرم
ذابت مهجته وحيله تهدم

بالطف شاف الهوال
رافك ممشه جتال
الهضايم شدت حزام
بالطف مثل اليتام

✍🏻 آلــــّعــلّويِـــه آلّمٌوسويِــــۿ
┉❈❥ًً❀﷽❀❥❈┉

تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد
https://t.me/oo7750

قصيدة للامام الباقر عليه السلام
تقرء بعدت اطوار
مربع...فزاعي
┉❈❥ًً❀﷽❀❥❈┉
على الويلاد
على الاولاد ما فل ماتم الزهره

بصدر امنه الزچيه مكسره العبره
┉❈❥ًً❀﷽❀❥❈┉

تون الطاهره ويا عظم بلواها
رزايا الكون ما تشبه رزايها
هاليلة الاملاك تنوح وياها

وكل يوم الگلب مصيوب بالعتره
بصدر امنه الزچيه مكسره العبره
┉❈❥ًً❀﷽❀❥❈┉

على الباقر تون والدمعه سچابه
والمهدي اعل جده شاد انگابه
تعنوا للبقيع الضلت اترابه

لابيها صحن لاگبه لاحضره
بصدر امنه الزچيه مكسره العبره
┉❈❥ًً❀﷽❀❥❈┉

تصد لگبورهم ويلاه مهدومه
تنعه مصابهم والروح ملجومه
من يوم الذبيح السلبوا اهدومه

تسعر بالگلب ماتنطفي الجمره
بصدر امنه الزچيه مكسره العبره
┉❈❥ًً❀﷽❀❥❈┉

راگد حيلها والگومه بالگوه
سهم البين اخ وياهم وشسوه
ماضي صواب اله من گبل مو توه

من ضلع البتول وساعت العصره
بصدر امنه الزچيه مكسره العبره
┉❈❥ًً❀﷽❀❥❈┉

متعنيه البقيع بروح ملهوفه
عفاها شلون ابنه گبالهه تشوفه
من سمه يلوج مسبله چفوفه

شچم مسموم تنعه وتگعد بكتره
بصدر امنه الزچيه مكسره العبره
┉❈❥ًً❀﷽❀❥❈┉

ما فلت حزنها والعزه دايم
اشچم مصاب ماخذ حيلها وهادم
متى يجبر كسرها وليدها القائم

ابو صالح مثله منكسر ظهره
بصدر امنه الزچيه مكسره العبره
┉❈❥ًً❀﷽❀❥❈┉

بقلم شاعرة رابطة
# قرابين الطف
#قربين الطف

✍العلويه الاء العذاري

اسالكم الدعاء لي ولوالدي
للهم عجل لوليك الفرج

يا مهدي مدد



https://t.me/oo7750

فزاعيه لمسلم ابن عقيل
ولوعه حميده عليهما السلام

زغيرونه حميده وضاگت الهضمه

وين الي اعل ابوها علت اللطمه
​•   ✦   •​•   ✦   •

شيجبره الگلب واليتم كاسرها
بعزانا اليوم خل نجبر بخاطرها
عل ابوها بيا گلب زينب تصبرها

والحره عل مسلم حيل منهدمه

✍🏻 بقلم العلويه الاء العذاري
​•   ✦   •​•   ✦   •

ابوها شال عنها وطالت السفره
يمن جان الحنان يفيض من عطره
عكب عينه بخرابه وحيل متغيره

وتلوج الروح من الوجع بالظلمه
✍🏻مريم العبوديه اسيرة الأحزان

​•   ✦   •​•   ✦   •

حميدة اعله الولي علت بواجيها
فراك ويه اليسر والحزن غاطيها
يانار الابو حيل اثرت بيها
ملجومة اعله ابوها وتوجع اللجمة

✍🏻خادمة الزهراء
الشاعرة هالي نور
​•   ✦   •​•   ✦   •

تحن المصافح الايدين ولشبكه
وتشم بثياب ابوها وتختنك خنك
اليفارك ابوه ويموت من حكه
لدلال الابو هالروح متعلمه
✍🏻مريم العبوديه اسيرة الأحزان

​• ✦ •​•   ✦   •

صغيرونه وتنوح تريد والدهه
مو هين عليها الراح من عدهه
يمصاب الأبو هالروح ماردهه
مشتاكه وتريد بروحها تشمه
✍🏻 آلــــّعــلّويِـــه آلّمٌوسويِــــۿ
_____
تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد
https://t.me/oo7750