ထာ၀ရထက်
အသက်တစ်ရက် မပိုပါဘူး
လက်ရှိကိုပဲ
အကောင်းဆုံး ရှင်သန်ပါ ။
- John

ဟယ်လင်ကဲလား ပြောတဲ့အတိုင်းဆိုရင်
ခင်ဖုန်းသက်ဝေမှန်ပါတယ်။
ချစ်စရာကောင်းတဲ့ ဘယ်မိန်းမပျိုက
အကြာကြီး စောင့်နေမှာ မို့လို့လဲ။
ရှေ့ကိုသွားနေတဲ့ရထားမှာ
နောက်ပြန် ထိုင်စီးရင်း
ဝေးကွာခြင်းဆိုတာကို ပိုနားလည်လာရတယ်။

- သန်းတင့်

မဖြစ်နိုင်တာတွေ အများကြီးနဲ့
မဖြစ်သေးတာတွေ အများကြီးနဲ့
နေ့ရက်တွေ အများကြီးနဲ့
လုပ်ချင်တာတွေ အများကြီးနဲ့
တကယ်မှာ မတတ်နိုင်တာတွေ အများကြီးနဲ့
ဒါကြောင့်ပင်
ကျွန်တော်တို့ ဆက်လက်ရှင်သန်နေတာ ။

- အောင်ချိမ့်

ယခုနှစ်မှာ
အထူးသဖြင့်
ငါတို့နမ်းခွင့်မရသော ပန်းများ
ပွင့်ပါစေ ။

- အောင်ချိမ့်

အရာအားလုံးအဆင်သင့်ရှိခဲ့ငြား
ကျနော်တို့အတွက် ဘာမှမရှိတဲ့
ကမ္ဘာကြီးပါလား။

-အောင်ချိမ့်

ကိုယ့်ငရဲနဲ့ကိုယ်
နေ့စဉ်နဲ့အမျှ လည်ပတ်ပါတယ်
မဆုံးနိုင်ခဲ့ပါဘူး ။

ဂန္ဓမာ

ဘယ်အချိန်ပဲဖြစ်ဖြစ်
ရွေးချယ်ခြင်းမခံရတဲ့ အရုပ်လေးဟာ
အမြဲ ကိုယ်ပဲဖြစ်ခဲ့တယ် ။

ဂန္ဓမာ

Gf : ဘယ်နားရောက်ပီလဲ ။
Me : ဆီတိုးနားရောက်နေတယ် ။

လမ်းမှာတွေ့လို့ဆွဲ

အကြာကြီးလာတာ မဟုတ်ဘူး
အတာနီးလာတာ

စောက်ရေးမပါတဲ့ ဒီနှစ်တွေမှာ
ငါဟာ ဘာမှဖြစ်ဖြစ်မြောက်မြောက်
မဖြစ်ခဲ့တာကို
ဂုဏ်ယူနေမိတယ် ။

#အောင်ခင်မြင့်

မဖြစ်နိုင်ဘူး ဆိုတာတွေ
ဖြစ်ခဲ့တယ် ။

- အောင်ချိမ့်

သယ်ဆောင်ထားသူတွေသာ
လေးလံရပါတယ် ။

- ဂန္ဓမာ

လူတွေကို မကြည့်နဲ့
ငွေကြေးအကြောင်းမတွေးနဲ့
အလကားရတဲ့ ညနေခင်းတွေကိုကြည့်ပါ
တိတ်တဆိတ် ထွက်သွားတော့မဲ့
နာရီလက်တံတွေမှာ ပျော်မွေ့ပါ
ဝယ်ယူစရာမလိုတဲ့
အဓိပ္ပာယ်တစ်ခုရှာဖွေပါ
ဘဝဟာဒီထက်ပိုပြီး ငြိမ်းချမ်းဖို့
ဘာမှထပ်လုပ်စရာမလိုတော့တဲ့အကြောင်း
နားလည်အောင် သင်ယူပါ
အေးမြခြင်း၊နွေးထွေးခြင်းကို ခံစားပါ
ပြောင်းလဲနေတဲ့ ရာသီတွေမှာ
ပြောင်းလဲသွားတဲ့ အတိတ်ကာလတွေအကြောင်း လက်ခံသင်ယူပါ ။

-ဂန္ဓမာ

စိတ်လုံခြုံမှု မရှိတဲ့ ချစ်ခြင်းမျိုက
မမြဲခြင်း တရား နဲ့ လက်တစ်ကမ်းပါပဲ ။
- ဂျွန်

ငါဟာဘဝမှာ နေစရာမရှိလို့
သေပစ်ဖို့စဉ်းစားဖူးတယ်
ဟာသပဲ ငါသေချင်ခဲ့ပုံများ
ဟာသပဲ ငါမသေရဲခဲ့ပုံများ ။

အောင်ချိမ့်

တစ်စုံတစ်ယောက်ကို
ကိုယ်နဲ့ယှဉ်ပြီး စိတ်ပူလွန်ခဲ့ဖူးတယ်
ဒါပေမဲ့ သူကကိုယ့်လို
ထိလွယ်ရှလွယ်မှမဟုတ်တာ
သူ့ဟာနဲ့သူ အဆင်ပြေနေတာပါပဲ ။

#မာဂရက်

မလိုအပ်တဲ့အချိန်မှာ
ပျောက်ကွယ်ပေးရတာဟာလည်း
ချစ်ခြင်းမေတ္တာပါပဲ ။
                                      
   -ဂန္ဓမာ

ငါတို့ဟာ ကွဲကြေနေတဲ့
မှန်သားတွေ  ဖြစ်ခဲ့ရင်တောင်
ငါတို့ရဲ့ အစအနတွေ
ဘယ်အရာပေါ်မှ
မဖိတ်စင်အောင် နေတတ်ရမယ်။

- အောင်ခိုင်မြတ်