الديلغي ممثل الطلبة برك
مشي ملك تاعهم
طلبة السنة الاولى صيدلة سيتم اتخاذ الاجراءات الادارية بعد عديد الشكاوي التي وصلتنا بخصوص تجاوزات بعض من يدعون انفسهم انهم ممثلي الطلبة

ماضاع حق وراءه طالب طالب

Solidaire solidaire
الاحد اليوم الاهم

طلبة الصيدلة
طلبة طب الاسنان
طلبة الطب

كل طلبة يوجدوا اللافتات والشعارات لي تخص التخصص تاعهم

Svp pour les étudiants de département de médecine

S’il vous plaît Veuillez remplir ce formulaire, pour la sélection de Aymen hichem Babahamed, le delegué de 7eme année médecine comme représentant du département de médecine.
Aymen ya7silha 🔥

https://docs.google.com/forms/d/1EP2PSndp8msbpw9CvBCCiX5sH33U8La7o4srlZoWXL8/edit?ts=6711a60f

Svp pour les étudiants de département de médecine dentaire

S’il vous plaît Veuillez remplir ce formulaire, pour la sélection de sofiane benkhda ,
comme représentant du département de médecine dentaire

https://docs.google.com/forms/d/e/1FAIpQLSdo4oxTb8CFsFktqTMjiWwOK8oXYdLEEqV3jOFR9rMARvrPBw/viewform?usp=sf_link

كالعادة

لاتكن خائنا

كالعادة

لاتكن خائنا

السلام عليكم ورحمة الله وبركاته
الهدرة طويلة لكن تهمنا قاع يرجى أنكم تقروها لتالي
جماعة نبداوها بلا مقدمات الناس راها واقفة من نهار لربعا تضرب على حق الجميع هاذو بذات فيهم لي مريض وجا، لي سمح في شغالات مهمين ووقف، لي مراهش حتى قاري les cours مع ذلك ماخلاهش قلبه يخلي les collèges تاعه وقت الصح،  هي ما ننكروش كاين بزااف ما شاء الله  مشكورين التحقوا بينا البارح وكاين لي ليوم كيما قلنا قبل jamais trop tard بصح باه الناس كل يوم تجي وتلقى بلي نفس الوجوه تتكرر والله لا راكم تطيحولهم المورال، وكاين حتى لي ولاو يخمو بعقلية راهم بزاف لا قعدت أنا فدار وين غاذي نبان (لااا لاااا راك/ي غااالط/ة تبااان/ي ونص حضوركم هو لي يحدث التغيير)
كوني مع la grève بصح مانجيش أسوء بكثير من كوني ضدها، كاين أشخاص آخرين مستفيدين من قعدتنا هاذي فالدار وراهم يستصغروا كامل الإضراب ويقارعولنا غير وينتا نفشلوا،  حنا منجمناش نجمعو promo كاملة في نهار غاذي نجموا نديروا تغيير ؟؟؟
دروك وصلنا le point de non retour,  اذا la grève حبست الإدارة هي لولة ما تقصرش وتسابوطينا قاع كيما درنا، التوقف عند ذي النقطة فيه أضرار كثر من النفع، بصح اذا استمرت انتفاضتنا بقوة يكون فعلمكم هاذ الفترة كاملة غاذي يتم تعويضها فقاع les modules لمختلف السنوات، سواء stage td cours كلش يتعوض بصح فرصة كيما هاذي باه نجيبوا حقنا والله ما تتعوض
⚠️⚠️⚠️⚠️ ماراناش نوجهوا أصابع الاتهام لأي شخص مل يوم كل واحد يحاسب روحه بروحه، هل راني مقصر ولا لا ؟؟
ناس راها vrai تتعب ما تكونوش متخادلين، حتى وقت الوقفة تم تقليصه مل 10 لل 14 مشي بزاف نقدرووولها (موالف نوقفوها غير فستاج بلا فايدة) ⚠️⚠️⚠️⚠️
⛔️⛔️ ديروا بلي غذوة كاين examen ان شاءالله،  فذي الحالة قاع تجوا واحد ماوينخس  ايوااا نتكلوا عليكم غذا ان شاءالله الثلاثاء كونوا حاااضرين
خلونا يد وحدة ، soyer solidaire حتى إذا ما بديناهاش مع بعض نكمولها مع بعض أكرر jamais trop tard غير دروك ونديروا التغيير، وفقكم الله 🤍✨️

إلى من اصطفاكم الله لطلب أرقى العلوم و أنبلها،إلى كل من اتخذ العلم سبيلا و الطب رفيقا و خليلا ،لا شك أنكم بذلتم الغالي و النفيس في سبيل اختيار الطب و قد من الله عليكم و رزقكم به،و لابد أنكم كنتم تدركون أن هذه السنوات لن تمر بتلك السهولة،هذا الإضراب ليس أول عقبة تواجهونها و لكنه بإذن الله سيكون نقلة جوهرية لتكوين أطباء في الصدارة و بناء المجد بجدارة،بالنسبة للصامدين أنتم تحمون شرف مهنتكم فلا تبرحوا أماكنكم، و الغائبين انضموا إلينا من فضلكم.بغير التعاون لن نرتق و ليس لنا ذكر بين الأمم و كل الأيادي إذا اجتمعت دنا المجد لنا حتما و ابتسم

أهلااا جمااعة ... هذا الكلام موجه لكل شخص فينا، سواء لي راهم يجو ولا جماعة ندعم la grève من الدار لي مادابينا تلتحقوا (الحياديين والمعارضين لابغيتو زعمة 😂)
غذا ان شاءالله نحن أمام امتحان كبير لثباثنا على مبادئنا، ديرو في بالكم إحتمال كبير la répartition تندار في هاذ الحالة أنا ك externe و ك interne مطالب نجي نوقف بقوة ونبين بلي المطلب تاعي لم ولن يكون les postes فقط، هاذيك كانت القطرة التي أفاضت الكأس و الحمد لله وقفنا معاهم درنا لي علينا، دروك تبقى الكرة في ملعبهم، يا يساندوا يا يتخادلوا، بصح حنا بكل الأحوال راح نواصلوا jamais لا يطيحلكم المورال وحنا على حق، غذا بالذات وهذا الأسبوع ككل نحن بحاجة أكبررررررر عدد منذ بداية إضرابنا، الكل معني رانا إخوة باختلاف التخصص صيدلة💊، طب🩺، طب أسنان🦷، هاذي فرصتنا الوحيدة للتغير ما تخلوهاش تضيع بسهولة ... جددوا الهمة وكونوا على قدر التحدي، خصوصا انهم يقارعوا فينا غير وينتا نفشلوا، نحن الآن لا نطالب بالكماليات إنما ضروريات سلبت منا، و مكاش كيفاه نزيذوا نرضاو بالوضع وإلا من سيء لأسوء ✅️✅️
المشعل 🔥 الآن بيد كل واحد فينا، ما تقولش مانبانش كاين لي يوقف svp كل واحد فيكم حضوره راه عنده وزن وأثر كبير، ننتظركم بقوة كالعادة 🔥
دمتم صامدون وبالساحة متواجدون، ولحقوقكم طالبون 🤍✨️

رسالة صغيرة للناس لي تقول نقعد فالدار : كاين ناس بظروفها ومشاكلها راها تجي توقف، كاين لي سمحوا ما طلعوش دار منذ 15 يوم، ناس مريضة دواها راها تشربه فالوقفة، ناس ماشي قارية les cours ... مع ذلك واقفين يوميا، وأنتم ما عذركم أمام هؤلاء ؟ ما خصناش الفتنة والنزاع في ما بيننا لكن كل واحد يراجع نفسه ويحاسب روحه بروحه إذا راه مقصر ولا لا ؟ ... بكل الأحوال كلنا باغيين ما يصب في مصلحة الجميع ... إلتحاقكم حافز أكبر لنا ومشكورين مقدما 🤍✨️

⚠️⚠️ تذكير: هدرنا وعاودنا أيها النخبة، غدًا ان شاءالله يوم مصيري للغاية، إياكم و التخاذل. أعداد قليلة = مؤشر لضعف الإضراب . عليكم جميعًا الحضور دون استثناء, صامدون، صامدون، لحقوقنا طالبون 🤍✨️