Bizni Alloh yaratdi kitobi
0+

25 bet

https://t.me/+yjeTcN4zKZdjNDFi

4-6 yosh bolalarga odob-axloq/ilm o'rgatishda ketma-ket mavzular ro'yxati.

Masalan, duo, sabr, uzr so'rash mavzusiga hikoya, she'r video darslar, bo'yagich kitoblar bilan o'rgatsangiz bo'ladi. Bola zerikmaydi.

Alloh manfaatli qilsin. 🌹

DİQQAT: manba bilan yuboring. 🤝

https://t.me/+yjeTcN4zKZdjNDFi

Yuqoridagi kitob, dastur va kitoblar boshqa kanaldan olingan. Man muallif emasman. Boshqa kanallarda o'zimga ma'qul bo'lgan, tarqatish mumkin kitoblarni shu yerga joylab boraman egasini ko'rsatgan holda

🫶 Dugonam, shunaqa zo‘r 3ta BEPUL kurs topdim! Sengayam ilindim!

➖ Farzanding nega yigʻlaydi? — bolaning his-tuygʻularini tushunishni o‘rgatadigan “Yig‘i tili” kursi (Sarvinoz Shavkatjon qizi)

➖ Chiniqish — bola immunitetini tabiiy va xavfsiz yo‘l bilan mustahkamlash usullari (Mushtariy Mamuriy)

➖ Bolangning miyasi qanday rivojlanadi? — erta rivojlanish bo‘yicha muhim vebinar (Goʻzalxon Hamidova)

🫰 Men ayni damda bu 3ta kursni mutlaqo BEPUL qo‘lga kiritish arafasidaman. Bu imkoniyat senda ham bor. Shunchaki botdagi kichik shartni bajarsang bo‘lgani.

💡 Farzandingni yaxshiroq tushunishni istasang — hoziroq roʻyxatdan oʻt!

https://t.me/Bepul_Darslarim_Bot?start=6536764303

Оламда юз бераётган адолатсизликларни кўрганда, "21 асрда ҳам шундай бўлиши мумкинми" дея ажабланишади.

30 асрда ҳам шундай бўлиши мумкин, агар ислом бўлмаса. Бизга кўра дунёда икки тизим бор: исломий ва жоҳилий. Мудом исломга амал бўлмас экан, давр исломдан олдинги жоҳилий даврнинг ўзи ҳисобланаверади. Адолатсизлик, зулм, зўравонлик, бузуқлик, қароқчилик, қўйингчи ҳамма ёмонликлар айнан жоҳилиятда бўлади.

Жоҳилиятга замоннинг аҳамияти йўқ. Ўттизинчи асрда ҳам, эллигинчи асрда ҳам инсон жоҳилларча тубан ишларни қилаверади. Шундай экан, инсоният минг тараққиётга эришмасин, ислом бўлмаса, юқорида зикр қилганим ҳайратли саволлар тугамайди.

15.12.2024

@MubashshirAhmad

Bolajonlarga yozishni bosqichma-bosqich o'rgatish lozim
Birdan harflardan boshlamaslik kerak

Imtixondan olgan xulosam

Bugun bir guruhimda imtihon oldim.
Eng odobli, tartibli tolibamiz men kutgan, eng yaxshi o'qiydigan qizlardan ham ko'p ball to'plabdilar. Mashaalloh. Keyin qarasam o'quv yili davomida vazifalarni ham eng to'liq yuborgan shu kishi ekanlar. Alloh ziyoda qilsin.

O‘quvchilik paytimda ilm olish zehni va xotirasi yaxshilar uchun mos ish degan fikrda edim. Eng muhimi zehn deb o‘ylardim. O‘zim ham Alloh ne'mat qilib bergan zehnimga ishonib, ko'p be'etiborlik, dangasalik qilganimda hozir hasrat chekaman.
O'qituvchi bo'lib ta'lim jarayoniga yuqoridan qaraganda eng muhimi tartib-intizom, qiziqish, zarur bo'lganda o'zini majburlab qiziqtira olish ekanini angladim.

Hamma narsada tartib bo'lishi kerak ekan. Ustoz shu tartiblilikda o'zi namuna bo'lishi, shogirdlarga ma'lum talabni qo‘yib, uni yaxshilab so'rab olishi kerak ekan.

Qattiqqo'llik bu qattiq gapirish emas, chegaralarda qattiq turish deb tushunilsa, bunday qattiqqo'llik faqat o'quvchi foydasiga.
Intizomli bo'lish va o'quvchilardan buni talab qilishimda eslatma bo'lsin deb o'zim uchun yozdim.

Жобир розияллоҳу анҳудан ривоят қилинади:
«Набий соллаллоҳу алайҳи васаллам Арафа куни бомдод намозидан бошлаб, охирги ташриқ кунининг аср намозигача такбир айтар эдилар» (Байҳақий ривояти).

Такбири ташриқ лафзлари:
اللَّهُ أَكْبَرُ اللَّهُ أَكْبَرُ لَا إلَهَ إلَّا اللَّهُ وَاَللَّهُ أَكْبَرُ اللَّهُ أَكْبَرُ وَلِلَّهِ الْحَمْدُ.
«Аллоҳу акбар, Аллоҳу акбар, лаа илааҳа иллаллоҳу валлоҳу акбар, Аллоҳу акбар ва лиллааҳил ҳамд» ("Баҳрур-роиқ").

Маъноси: «Аллоҳ буюкдир, Аллоҳ буюкдир. Аллоҳдан ўзга илоҳ йўқ. Аллоҳ буюкдир, Аллоҳ буюкдир, ҳамд Аллоҳга хосдир.

🔸Такбири ташриқ арафа куни, яъни 5 июнь бомдод намозидан бошлаб Ҳайитнинг тўртинчи куни, яъни 9 июнь аср намозига қадар айтилади:

✨  5 июнь — 5 маҳал
✨  6 июнь — 5 маҳал
✨  7 июнь — 5 маҳал
✨  8 июнь — 5 маҳал
✨  9 июнь — 3 маҳал

❕Жами 23 маҳал намозда Такбири ташриқни бир маротаба айтиш вожиб амал саналади. Аёллар такбири ташриқни махфий айтадилар. Намозга кечикиб қўшилган киши ҳам намозини тўлиқ қилгандан кейин такбири ташриқни айтади.

@BintuSodiq

Assalamu alaykum
Xayit ayyom muborak, azizlar!

DADAM
Kecha oilamiz uchun ajoyib kunlardan biri bo'ldi. Ikkinchi opam Toshkent islom institutini tugatdilar, bitiruv tadbiri bo'ldi. Eng avval katta opam, keyin men, keyin ikkinchi opam shu dargohni bitirdik. Alhamdulillah.
Hozir esa avval hech yozmaganim, bu gaplarni o'zlariga aytolmasam kerak, Dadam haqlarida.

Katta opam maktabni bitirib, shahardagi madrasada o'qishga kirganlarida men hali boshlang'ich sinf o'quvchisi edim. Atrofda yaqinlar "qiz bolani ham o‘qitadimi, qiz o‘qib qozi bo‘lmas, kontrakt to‘laguncha, shu pulga sep qilib uzatvormaysizmi, Homidov!", deyishadi. Dadam esa, Neksiya mashinalarida opamni o'qishga oborib-opkeladilar.

Keyin ikkinchi opam maktabni bitirib, imtihondan o‘tadi, endi dadam ikkita qiz bilan madrasaga qatnaydilar. Keyin katta opam yaxshi natijalar ko'rsata boshlaydi. Dadam:"Toshkentda ham o‘qiysan!", deydilar. 2009-yilda birinchi opam Respublika olimpiadasida birinchi o'rinni egallab, institutga grant asosida o'qishga qabul qilinadi. Odamlar uchinchi opamga "Aytavering, bu grantlar nechchi pul bo‘ldi endi", deydi. U xafa bo‘lib ayamga keladi, ayam: "xafa bo‘lma, bizni puli bor ekan, deb o‘ylasa yaxshi-ku", deydilar.

2010 - yil ikkinchi opam Qur'on musobaqasi g‘olibasi bo‘ladi, uni "qizi o'qib nima bo‘lardi, qari (qiz) qori bo‘ladi-da", deydilar, ammo ich-ichlaridan farzandlari shunday bo‘lishini istashadi. Mayda gaplarga parvo qilmagan Dadam matizda ikki qizlarini olib, azim Toshkentga ketadilar, ularni o‘qishlariga tashlab keladilar.

"Dada, charchadingizmi?", deb so'rayman bir kuni. U kishi: "Ukang katta yigit bo‘lib, institutga kirmaguncha "charchadim" demayman", deb javob beradilar. (Hozir shu ukam maahadda ikkinchi kursda o'qiydi.)

Qizlari turmushga chiqib farzandli bo‘lsa, o'qishi qolib ketmasin deb, bolasiga ayam bilan birga qarashadilar. Keyin opam o‘qishni bitiradi. Dadam o‘zlari bitirgandek bo‘lib ketadilar. Rus, arab va o‘zbek tillarida nihoyatda savod bilan daftarlariga biz haqimizda yozib qo‘yadilar. Men maktabni bitiraman, akademik litseyga o'qishga kiraman. Ingliz tili olimpiadalarida o‘rin olaman. Hatto bir safar Respublika bosqichiga chiqaman. Dadam endi meni olib Toshkentga ketadilar. Bir necha kun meni bilan Diplomatiya universitetiga qatnaydilar. Ro‘molim bilan muammolar bo‘ladi, dadamga indamayman. O‘rin ham olmayman. Uyga qaytamiz. "Kim so‘rasa, to‘rtinchi o'rinni oldim , de", deydilar.
2015-yil yozida meni ham institutga olib kelib, Toshkentda qoldirib, o‘zlari uyga qaytadilar. Ijodiy imtihon kuni keladi, dadam Kitobdan azza-bazza shuni deb keladilar. "Hammasi yaxshi bo'ladi,
"نصر من الله وفتح قريب، وبشر المؤمنين"
deydilar baland ruhiyatda. Yuqori ball olib chiqaman, o‘zlariga yo‘q quvonib, uyga qaytadilar. Men qolaman. Test sinovida yolg'iz qolmasin deb, amakimni jo‘natadilar. Test ishlab chiqaman, amakim: "Ona, endi biz uyga qaytamiz", deydilar. "Menam ketay!", deyman. "Dadangdan so'ramay opketolmayman, o'zing so‘ra-chi", deydilar. Qo'ng'iroq qilaman, dadam testni qanday ishlaganimni obdon surishtiradilar. "Uyga borsam maylimi", deyman, u kishi: "yo‘q, yiqilgan bo‘lsang apellyatsiyaga kirasan, haqingni so‘raysan, kelma" deydilar. Bir kundan so‘ng birinchi o‘rinda o‘qishga kirganim aniq bo'ladi, shundan keyingina uyga qaytolaman.)) Har safar nimadir o‘xshamay qolsa ayamga, o'xshasa dadamga tortgan qiz bo‘laman. )

2025-yil doktoranturani tashlasammi, deb so'rayman."Xayolingga ham keltirma. Inshaalloh, yengib o'tasan!", degan SMS keladi.

Ikkinchi opam ko‘p urinishlardan so‘ng talaba bo‘ladi. Dadam har yili quda tomondan imtihonga opamni Toshkentga oborib-opkelish uchun izn so'raydilar. Yil davomida yosh bolalar bilan tayyorlanmagan opamda yana o‘xshamaydi. Dadam keyingi yil opam va nevaralarni kobaltga solib, Toshkentga ravona bo'ladilar, bu ish to u o‘qishga kirib olmaguncha davom etadi. Kecha shu opamning xatmonalari bo‘ldi. Bemorlik sabab dadam, u kishiga qarab ayam ham kelolmadilar
Bitiruvchi opam dadamga:
إلى أبي الغالي،

أبي،
شكراً لك من القلب،
على كل لحظةٍ وقفتَ فيها بجانبي،
على تعبك وصبرك ودعواتك.

نجاحي هو ثمرة عطائك،
وفرحي لا يكتمل إلا برضاك.

أنتَ فخري، وسندي،
ودعائي الدائم أن يحفظك الله لي.

بكل الحب والامتنان،
ابنتك: ناظمة
deb yozibdi.

Dadamni o‘ta qattiqqo‘l, doimiy optimist, kichkina qishloq odamlarida noyob bo‘ladigan keng dunyoqarashli, dunyo kezgan, qiz farzandlarni past sanamaydigan, favqulodda zеhnli, dinga ilm deb yondashuvchi va doimo plankani baland qo‘yib yuradigan kishi sifatida tanidim.

Yaxshiyam-ki, kontrakt to'lab o‘qitguncha uzatib qutilaman, deydigan kishining uyida tug‘ilmaganmiz, deyman. Allohning fazli.
Bugun yana bir qizlarining bitiruvi bilan, qiz o‘qitish mujodalasiga kirishganlariga 20 yil bo'lgani bilan dadam va ayamni tabriklayman.

Rosululloh sollallohu alayhi vasallamning qiz tarbiyalagan kishi haqidagi hadislarida aytilgan mukofot u kishiga ham yetishini Robbimdan so'rayman. Ayam ikkilarining umrlari uzun, amallari go‘zal bo‘lishini, dadam tez orada sog‘ayib ketishlarini so‘rab duo qilaman.

13.06.2025

@qizingizyozdi