المهم

انزين هذه المخاوف شلون اتخلص منها؟
حقيقة الأمر ،
📌المخاوف بشكل عام هي موجودة بداخلنا من الأصل ،ومن المُستحيل انُ الشخص يتخلص منها ويجي ويكول " اني م اخاف من شي" 📨.
بس الشخص يكدر ان يضبط مَخاوفه
مِن يُميز ويفرق بَين المخاوف الإيجابية والسِلبية.😊.
⬅️ حقيقة الأمر الخوف السلبي نسبة الأكبر ناتج مِن اختلاط الافكار ومَبنية ع الوهم والخيال،وهي اصلًا م تصير او ممكن تصير " لان العقل يحول الافكار الى حقيقة🌚"وهذا الخوف حَ يسبب قلق وتوتر واضطراب نفسي وهو اصلًا م صاير لان متصل بالخيال والوهم وهو اصلًا الحدث م صاير
⬅️بس عكس الأمر اكو مخاوف ايجابية لازم تكون موجودة في حياتنا.
ع سبيل المثال ،ليش اني من انام بالليل ليش اسد واقفل الباب؟ حتى مَ تصير سرقة او ماشابهه.
فهذا الخوف ضروري ،نوع من انواع الحذر ،
هو صح مخاوف بس مدايدخلني بقلق وتوتر،
دايدخلني في حالة راحة واطمئنان..
فـ الفرق بين المخاوفين هو درجة الشعور في داخلك مابين القلق والتوتر والاطمئنان
بكل بساطة انت اللي تكتشف شنو نوع هذا الخوف.
فـ اذا جان خوفك يسويلك قلق وتوتر واضطراب نفسي وقلة نوم ، فـ أعرف انُ هذا الخوف مبني ع وهم ومراح يصير إلا اذا انت لحيت وخليت هالخوف والوهم يدخل بداخلك ذاك الوقت حَيتحقق..
اما اذا جان بداخلك راحة وسكينة وحالتك مستقرة ف هذا الخوف الايجابي هو المطلوب ..
فـ شلون اقلل او اتخلص من هذا الخوف الوهمي؟
بكل بساطة حول افكارك ،غيرها للفكرة ،اقطع تفكيرك اتجاه هذا الشيء ، أحسن الظن بنفسك وبربك وبالمستقبل ،
اكثر مخاوفنا هي جاية من المستقبل ،وهو اللي يخليك دائمًا قلق وخايف وكلشي م تسوي بيومك..