وفاة مولاتي معصومة عليها السلام

       نعي


ماتت بالدرب ماوصلت لمشهد
من جاها الخبر مسموم ابو محمد

.. .. ..
.. .. ..

ماتت بالغرب بت موسى ابن جعفر
رادت بالمنازع ليهه اخو اليحضر
وحدهه تون ويلاه بذاك البر 
والدمعه تسيل اعله الرضا بالخد

.. .. ..
.. .. ..

تجر الونه والدمعات سكتاوي
وجمر افراگ اخوها بالگلب داوي
لامجروح اخوها وتگعد ادّاوي
جرح فگد الاخو هيهات ماينشد

.. .. ..
.. .. ..

الرضا بديرت غرب  والقاسم بديره
معصومه نظرها المن اديره
الليله حيرتچ يخت الرضا حيره
محد حضر موتچ من هلچ محد

.. .. ..
.. .. ..

تنازع ماحضر واحد من اخوتهه
ماتت مااجو شالو جنازتهه
واويلي اعله معصومه ومصيبتهه
الچ حزن الگلب كل عام يجدد

.. .. ..
.. .. ..


أم محمد الحجاج

https://t.me/ommohamadalaebaadey

وفاة مولاتي معصومة عليها السلام



مريضة وثگلت الونه  .. ولمهه
لا ابوها  ولا اخوتهه  .. ولمهه
ياهو اچفانهه الليله  .. ولمهه
وياهو النصب بالغربه عزيه

إنا لله وإنا إليه راجعون


أم محمد الحجاج 

https://t.me/ommohamadalaebaadey

لسان حال ابناء الزهراء سلام الله عليها حين جن ليل فراقها


خوينه من البواچي ماسلينه
سلينه وموش عگبچ ماسلينه
يمه ليل وحشه ماسيلنه
عسه بلياچ لاتمسي مسيّه


هنا مولانا امير المؤمنين سلام الله عليه يصف حالهم
بلسان حال الشاعر


مسيت الدمعه واللوعه مِسه الهَم
اعزازچ من بعد عينچ مِسه الهُم
بجفن ما بارح الدمعه  مَسلهَم
دفه حضنچ فگدناه يازچية


ام محمد الحجاج

https://t.me/ommohamadalaebaadey

آهٍ من زماني الوالي بيّه
تنخّيت الصميدة الوالي بيّه
اصيرن عنده مثل الوالبيه
مو طول العمر . عينه عليّه


✍ بقلمي


تحديث

الوالبية هي

حبابة الوالبية التي اخلصت بولائها لامير المؤمنين وفازت بالكرامات حتی دعی لها بطول العمر حتی امد الله تعالی بعمرها وقصتها المعروفة .
عاصر الامام علي سلام الله عليه والحسن والحسين والسجاد والباقر والصادق والكاظم والرضا عليهم السلام وتُوفيت بزمن الامام الرضا عليه السلام وكفنها بثوبه .😭
وحضيت بحبهم سلام الله عليهم وعليها

اللهم ارزقنا شفاعتهم 🙏😢

استشهاد مولاتي فاطمة الزهراء عليها السلام



يانبع الحنان وشمعة البيت
بحضانچ عشت يمه وتربيت

🏴🏴

يانبع الحنان الماكو منّه
شمعة بيتنه وام المحنه
خيمه وبيهه ملتمين چنّه
ياذاك الزمان ابسرعه عدّيت

🏴🏴

ياذاك الزمان وذيچ الايام
ويّه امي الحنينه وسفه مادام
اريد اشكيلهه همومي والآلام
ليله وياچ نتسامر اتمنيت

🏴🏴

اوياچ الشوگ مشتهيه ارد احلّه
واحچيلچ الهم والضيم كلّه
فراگچ سووه بلدلّال علّه
ياذيچ الليالي تعود ياريت

🏴🏴


تحن لشوفتچ وتريدچ الروح
لو تدرين گلبي شلون مجروح
من بعدچ حويت الهم والجروح
جرح يلچم جرح يايمه ظليت

🏴🏴

بغيابچ ييمه متيّها الراي
چنتي شايله الهم كله وياي
اخلافچ صار مُر الزاد والماي
ولا بالنوم من عگبچ تهنّيت

🏴🏴



ام محمد الحجاج

https://t.me/ommohamadalaebaadey

لو تنفع بواچي ابچيلك عيون
وودر الشوف وجفوني اقرّحهن

واسويهن مثل يعقوب من راح
يوسف . بيض بحزاني اصبّحهن

خل يعمن واشدهن شلّي بالشوف
شسترجي بعد خليني امولحهن

مااكف الدمع سبّلته الك دوم
ابچي لطيحتك وهدابي اطيّحهن


✍ بقلمي 😭

حزب الله ينعى الشهيد السيد هاشم صفي الدين.
إنا الله وإنا اليه راجعون

"ولكن يبدو انّ أمام العراقيين مساراً طويلا الى أن يصلوا الى تحقيق ذلك، أعانهم الله عليه"

.
انّه الحزن المكثّف، وألم السنين، وتوالي الخيبات، خيبة بعد خيبة، ومرارة بعد مرارة، وكأنّ هذه الكلمات رسالة ختامية وداعية.
كأنها آخر ما يمكن للنخب ان تسمعه بعد ان بحّ صوت مرجعنا، لذلك نقول: اعانك الله سيدنا قبل ان يعيننا، فدلالة المأساة أوقع على قلبك من قلوبنا.
كان يسرّك ان ترى العراق بشموخه وعظمته من البلدان المزدهرة الكبيرة، الرقم الصعب في المنطقة بما يحمل من تراث وسمعة ومكانة، كان يبنغي ان يكون الحاضر مصدر فخر لجميع الاجيال، ولكن عبث شلّة السياسة وفشلها  انهى حلمك مبكراً.

😭😭

فدتك الأنفس سيّدي ادام الله تعالى بقاءك وانفاسك الكريمة


الجاي اصعب واشد من الراح

ياصاحب الزمان
ادركنا

اللهم القي بأسهم بينهم
ورُدَّ كيدهم الی نحورِهم
ياعزيز ياجبار يامنتقم

هيَ زينبٌ جبلُ الصمودِ بكربلا
والخدر في أم العفاف تسترا

هوسه لميلاد فخر المخدرات العقيلة زينب عليها السلام

🌹🌹
🌹

هله بنورچ يفخر الخدر والعفّه
المبارك لبوچ ولمّچ انزفّه
يريحانة علي الكرار يا ترفه
والكون ازهر من هليتي

🌹🌹
🌹

ابارك لكم ميلاد بطلة كربلاء


ام محمد الحجاج

هوسه لميلاد جبل الصبر مولاتي العقيلة زينب عليها السلام

🌹🌹
🌹


هنياله اليطوف بصحنچ الليله
الورد والياس عد شباچچ يشيله
هم البلگلب خل چفّچ يزيله
وتراب البلعتبه نبوسه

🌹🌹
🌹

السلام علی زينب الكبری


ام محمد الحجاج

ابوذيه لميلاد الحوراء زينب عليها السلام

🌹🌹
🌹


والباب

هنياله اليبوس العتبه وِالباب
يجي محمّل اشواگ الگلب وَالباب
احر من ال ابتموز والباب
حرارة گيض شايلّچ تحيّة

🌹🌹
🌹


الجناس

الباب
الالباب
شهر آب

ابارك لكم هذه الليلة العظيمة


ام محمد الحجاج

البطلة فخر المخدرات
وليس العاريات

عام ٢٠٢٤ من تتعری في الشارع يعتبرونها بطلة . لانها نزعت الشرف . وربّات العفّة والحياء متخلفات 😉 الحرية المزيّفة

السلام علی رمز الحياء . وعنوان الشرف . العقيلة زينب ابنةُ فاطمة الزهراء في ليلة عيدها الابهی

عن الامام السجاد عليه السلام قال في حق عمته السيدة زينب عليها السلام

انتِ بحمد الله عالمة غير مُعَلَّمة . فهمه غير مفهمة

السلام علی بنت امير المؤمنين والزهراء . واخت الحسن والحسين . وعمّت السجاد عليهم السلام .
وفخر والمخدرات . وجبل الصبر . وبطلة كربلاء . وكافلة عيال الحسين عليه السلام .والمدافعة عن امام زمانها .

رمز العفّة والشرف العالي

سلاماً لروحها الطاهرة