ﺍﻟﻜﻬﺮﺑﺎﺀ ﻭﺻﻌﺪ ﺍﺑﻮ ﺍﻟﻌﻤﺎﺭﻩ ﺍﻟﻮﻟﺪ ﻛﺎﻝ
ﻣﻌﺮﻓﺘﻪ ﺻﺎﺣﺐ ﺍﻟﻌﻤﺎﺭﻩ
ﻓﻜﻴﺖ ﻋﻴﻨﻲ ﺍﻋﺘﺬﺭﺕ ﻣﻨﻪ
ﻳﺎﺑﻪ ﺍﻟﻤﻴﻌﺮﻓﻚ ﻳﺠﻬﻠﻚ
ﻻ ﻋﻤﻲ ﺍﻧﺖ ﻣﺤﺘﺮﻡ ﻋﻠﻰ ﺷﻨﻮ ﺗﻌﺘﺬﺭ ﺑﺲ ﻋﻠﻤﻮﺩﻙ ﺍﻧﻲ ﺍﺣﺴﻦ ﻣﺪﺍﻳﺦ ﺑﺎﻟﺴﻮﻙ ﺗﺘﻌﻴﻦ ﻳﺼﻴﺮﻟﻚ ﺭﺍﺗﺐ
ﺟﺮﻳﺖ ﻧﻔﺲ ﺷﻜﺪ ﺗﺮﻳﺪ
ﻛﺎﻝ
ﺭﺍﺗﺐ ﺷﻬﺮﻳﻦ ﻭﺑﻌﺪﻫﺎ ﺍﻟﻠﻪ ﻭﻳﺎﻙ
ﻭﺷﺸﺘﻐﻞ ﻭﻣﻨﻴﻦ ﺍﻋﻴﺶ
ﺍﺑﻘﻰ ﻭﺭﻩ ﺍﻟﺸﻐﻞ ﺑﺎﻟﺴﻮﻙ ﺷﻮﻥ ﻫﺴﻪ ﻟﺤﺪ ﻣﺎ ﺗﻜﻤﻞ ﺍﻟﺸﻬﺮﻳﻦ ﻭﻭﺭﺍﻫﺎ ﺍﻟﺘﺰﻡ ﻭﺍﺭﺗﺎﺡ ﻣﻦ ﺍﻟﺴﻮﻙ
ﻫﺰﻳﺖ ﺭﺍﺳﻲ ﺍﻭﻙ
ﺟﻴﺐ ﺍﻭﺭﺍﻗﻚ ﺑﺎﺟﺮ ﺍﺳﺘﻨﺴﺎﺥ ﻛﻠﺸﻲ ﺑﻄﺎﻗﻪ ﺗﻤﻮﻧﻴﻪ ﻫﻮﻳﺎﺕ ﺟﻨﺎﺳﻲ ﺻﻮﺭ ﺳﺘﻪ
ﺍﻭﻙ
ﻳﺎﺳﻨﻪ ﻣﺘﺨﺮﺝ
ﺳﻨﻪ ____
ﻣﺎﺷﻲ ﺍﻟﻮﻳﺎﻙ ﺗﻌﻴﻨﻮ
ﻭﺍﻟﻠﻪ ﻣﺎﻋﺪﻱ ﺍﺧﺒﺎﺭ ﻋﻨﻬﻢ
ﻫﺎﻫﻲ ﺗﻮﻛﻞ ﺑﺎﻟﻠﻪ
ﻣﺎﺷﻲ ﻭﻓﻌﻼ ﺛﺎﻧﻲ ﻳﻮﻡ ﺟﺒﺖ ﺍﻭﺭﺍﻗﻲ ﺳﺎﻟﺖ ﻋﻠﻴﻪ ﻛﺎﻟﻮ ﻋﺪﻩ ﻣﻌﺎﺭﻑ ﺑﺪﻳﻮﺍﻥ ﺍﻟﺮﺋﺎﺳﻪ ﺑﺬﺍﻙ ﺍﻟﻮﻛﺖ ﻭﺷﻬﺮ ﻭﺗﻌﻴﻨﺖ ﻣﻦ ﺍﺟﻪ ﺧﺒﺮ ﺗﻌﻴﻴﻨﻲ ﺭﺩﺕ ﺍﻣﻮﺕ ﻣﻦ ﺍﻟﻔﺮﺡ ﺑﺖ ﺧﺎﻟﺘﻲ ﺗﺨﺮﺟﺖ ﻛﻤﺖ ﻣﺎﺷﻮﻓﻬﺎ ﻟﺨﺎﻟﺘﻲ ﻣﻦ ﺗﺠﻲ ﻻﻥ ﻣﻦ ﺍﻟﺼﺒﺢ ﻟﻠﻴﻞ ﺑﺎﻟﺴﻮﻙ ﺣﺘﻰ ﺍﻛﺪﺭ ﺍﺩﺑﺮ ﺍﻟﻌﻴﺸﻪ ﻭﻟﻨﺺ ﺍﻟﺸﻬﺮ ﻣﻮﺷﻞ ﻓﻠﻮﺱ ﻭﺧﻴﺎﻁ ﻧﻨﻪ ﻭﻳﺎﻳﻪ ﺳﺎﻧﺪﻧﻲ ﺷﻜﺪ ﺣﺎﻭﻟﺖ ﺍﺭﺟﻊ ﺍﻟﺘﻘﺎﻋﺪ ﻣﺎﻛﻮ ﺭﺍﺡ ﺑﺲ ﻣﻦ ﺳﻤﻌﺖ ﺑﺎﻟﺘﻌﻴﻴﻦ ﺭﻭﺣﻲ ﻭﺭﺩﺕ ﺗﻌﻴﻨﺖ ﻭﺍﺭﺣﻊ ﻣﻦ ﺍﻟﺸﻐﻞ ﺍﻛﺮﺏ ﺑﺎﻟﺴﻮﻙ ﺷﻬﺮﻳﻦ ﻃﻴﺘﻪ ﺍﻟﺮﺍﺗﺐ ﻭﺍﺧﻴﺮﺍ ﺧﻠﺼﺖ ﻭﺍﺳﺘﻘﺮﻳﺖ ﻭﺑﺪﻳﺖ ﺍﺷﺘﻐﻞ ﺑﺮﺍﺗﺒﻲ ﺍﻋﻴﺶ ﺑﺮﺍﺣﻪ
ﻧﻮﻋﺎ ﻣﺎ . ﻣﺮﺗﺐ ﻣﺤﺘﺮﻡ ﺍﻟﻮﻳﺎﻳﻪ ﻛﻠﻬﻢ ﻣﺤﺘﺮﻣﻴﻦ ﺣﺴﻴﺖ ﺑﺘﻘﺪﻳﺮ ﻟﺸﻬﺎﺩﺗﻲ ﻭﺩﺭﺍﺳﺘﻲ ﻭﺗﻌﺒﻲ ﻣﻀﺎﻉ ﻭﺭﺣﻌﺖ ﺍﻣﻲ ﺗﻨﻚ ﻋﻠﻰ ﺳﺎﻟﻔﻪ ﺩﻋﺎﺀ ﻭﺣﺴﻴﺖ ﺭﻭﺣﻲ ﻓﻌﻼ ﺑﻌﺪ ﺍﺭﻳﺪ ﺍﺗﺰﻭﺝ ﻭﺗﻘﺪﻣﻨﺎ ﻭﺧﺎﻟﺘﻲ ﻓﺮﺣﺖ ﺣﻴﻞ ﻛﺎﻟﺖ ﻛﻠﺸﻲ ﻣﺎﺭﻳﺪ ﻣﻨﻚ ﺍﺧﺬﻫﺎ ﺑﻌﺒﺎﻳﺘﻬﺎ ﺑﺲ ﺍﻣﻲ ﺟﻬﺮﺕ ﺍﻟﺠﻬﺎﺯ ﺑﻴﺪﻫﺎ ﺍﻟﺨﻴﺎﻁ ﻭﺍﺧﺬﺕ ﻏﺮﻓﻪ ﺍﻣﻲ ﺻﺎﺝ ﻣﺴﺘﻌﻤﻞ ﺟﺪﺩﺗﻬﺎ ﻫﺎﻻﻛﺪﺭ ﻋﻠﻴﻪ ﻃﻠﻌﺖ ﺟﺪﻳﺪﻩ ﻫﺎﻱ ﻛﻠﻬﺎ ﻛﻌﺪﻩ ﻭﻱ ﺑﺖ ﺧﺎﻟﺘﻲ ﻣﻜﺎﻋﺪ ﺍﺑﻮﻫﺎ ﻣﻴﻘﺒﻞ ﺍﻻ ﻭﺭﻩ ﺍﻟﻌﻘﺪ . ﺫﻫﺐ ﻣﻦ ﻧﻨﻪ ﻛﻼﺩﻩ ﻧﺎﺯﻛﻪ ﻭﺣﻠﻘﺘﻬﺎ ﺟﻨﺖ ﺗﻮﻧﻲ ﻓﺎﻙ ﻋﻴﻨﻲ ﻣﺎﺍﻛﺪﺭ ﺍﺟﻬﺰ ﺍﻱ ﺷﻲ ﻳﻠﻪ ﺍﻟﺮﺍﺗﺐ ﻣﻜﻔﻲ ﻣﺼﺮﻑ ﺍﻟﺒﻴﺖ . ﻣﺪﺭﻱ ﺷﻮﻥ ﺟﻬﺰﺕ ﻧﻨﻪ
ﻭﻋﻘﺪﺕ . ﻭﻛﻌﺪﻧﺎ ﻭﺣﺪﻧﺎ ﺟﺎﻧﺖ ﻫﺎﺩﺋﻪ ﻭﻋﻴﻮﻧﻬﺎ ﺗﺎﻛﻠﻨﻲ ﻭﻣﺠﻨﺖ ﺍﻛﺪﺭ ﺍﺿﻢ ﺍﺑﺘﺴﺎﻣﺘﻲ ﻣﻦ ﺗﺒﺎﻭﻋﻠﻲ ﺣﺠﻴﻨﺎ ﺣﺠﻲ ﺑﺴﻴﻂ ﺟﻨﺖ ﺧﺠﻼﻥ ﺣﻴﻞ ﻣﻨﻬﺎ ﻭﻫﻲ ﺍﺟﺮﺍ ﻣﻨﻲ ﺣﺒﻴﺖ ﺟﺮﺍﺗﻬﺎ ﺍﻟﺨﻠﺘﻨﻲ ﺍﺧﺬ ﺭﺍﺣﺘﻲ ﺑﺎﻟﻜﻼﻡ
ﺷﻮﻧﻚ ﺑﺎﻟﺸﻐﻞ
ﺯﻳﻦ ﻟﻠﻪ ﺍﻟﺤﻤﺪ
ﺯﻳﻦ ﻫﻢ ﺍﻣﻮ ﻣﻮﺿﻔﺎﺕ
ﺍﻱ ﻃﺒﻌﺎ ﺍﻛﻮ
ﺍﺗﻤﻨﻰ ﺍﺗﻌﻴﻦ ﺍﻧﻲ ﻫﻢ
ﺑﻘﻴﺖ ﺻﺎﻓﻦ ﻋﻠﻴﻬﺎ ﻣﺒﺘﺴﻢ ﻛﺎﻟﺖ
ﺣﺘﻰ ﻧﺘﺴﺎﻋﺪ
ﺍﻟﻠﻪ ﻳﺴﻬﻞ ﺍﻧﺘﻲ ﻗﺪﻣﺘﻲ
ﺍﻱ ﻛﻮﻣﻪ ﺑﺲ ﺑﻌﺪ ﻣﻄﺎﻟﻊ
ﺑﻬﺎﻟﻔﺘﺮﻩ ﺍﻟﺪﺍﻭﻣﺖ ﺑﻴﻬﺎ ﺑﺘﻌﻴﻴﻨﻲ ﺍﻟﺤﺪﻳﺚ ﺑﻮﺯﺍﺭﻩ ﺍﻟﻨﻔﻂ ﻫﻢ ﻛﻮﻣﻪ ﺻﺎﺭﺕ ﻋﺪﻱ ﻣﻌﺎﺭﻑ ﻻﻥ ﺍﺭﻛﺾ ﻟﻠﻜﻞ ﻣﺎﻛﻮﻝ ﻻ ﺍﺑﺪ ﻛﺘﻠﻬﺎ
ﻫﺴﻪ ﺍﺷﻮﻑ ﻭﻟﺪ ﺻﺎﺣﺒﻲ ﺑﻠﻜﻦ ﻳﻌﻴﻨﺞ ﺑﺲ ﻣﺎﻭﺍﻋﺪﺝ
ﺍﻱ ﺣﺒﺎﺏ ﺣﺘﻰ ﺍﺭﻭﺡ ﻭﺍﺟﻲ ﻭﻳﺎﻙ
ﻣﻴﻬﻢ ﺑﺲ ﺭﺩﺕ ﺍﻛﻮﻟﺞ ﺷﻲ
ﻧﻌﻢ
ﺗﺮﻩ ﺯﻭﺍﺟﻨﺎ ﺣﻴﻜﻮﻥ ﺑﻌﺪ ﺷﻬﺮﻳﻦ
ﺍﻱ ﻋﺎﺩﻱ
ﻳﻌﻨﻲ ﻣﺎﻋﺪﺝ ﺍﻋﺘﺮﺍﺽ
ﻻﻻ ﺍﺑﺪ
ﺯﻳﻦ ﻭﻭﺍﻧﻲ ﺗﺮﻩ ﻋﻠﻰ ﻛﺪ ﺣﺎﻟﻲ ﺧﺎﻑ ﺍﻗﺼﺮ ﻭﻳﺎﺝ ﺑﺸﻲ
ﻻﻻ ﺍﻧﻲ ﻫﻢ ﻣﻮ ﻣﺘﻄﻠﺒﻪ
ﺍﻭﻙ ﺟﺮﻳﺖ ﻧﻔﺲ ﺑﺎﻭﻋﺘﻠﻬﺎ ﻣﺒﺘﺴﻢ ﻭﻭﺑﺒﺎﻟﻲ ﻫﻮﺍﻱ ﺷﻐﻼﺕ ﺍﺳﻮﻳﻬﺎ ﻭﻳﺎﻫﺎ ﺑﺪﺍﻳﻪ ﺣﻴﺎﻩ ﺍﺭﻳﺪ ﺍﺑﺪﻳﻬﺎ ﺑﺪﻭﻥ ﻧﻘﺺ ﺑﺤﻴﺎﺗﻲ ﺍﻟﻤﻠﻴﺎﻧﻪ ﻧﻘﻮﺻﺎﺕ ﻭﻟﺰﻛﺘﻬﺎ ﻧﻨﻪ ﺍﻟﻲ ﺣﺘﻰ ﻣﺎﺣﺲ ﺑﻨﻘﺺ
ﻛﺎﻟﺖ
ﻟﻴﺶ ﻫﻴﺞ ﺗﺒﺎﻭﻋﻠﻲ
ﺗﺪﺭﻳﻦ ﺩﺍﺍﻧﺘﻀﺮ ﻳﻮﻡ ﻳﻮﻡ ﻧﺘﺰﻭﺝ ﻭﻳﺼﻴﺮ ﻋﺪﻱ ﻋﺎﺋﻠﻪ ﻣﺜﻞ ﺍﻟﻨﺎﺱ ﻛﺎﻣﻠﻪ ﻣﺎﺑﻴﻬﺎ ﻧﻘﺺ
ﺍﻧﺸﺎﺀ ﺍﻟﻠﻪ ﺍﻧﻲ ﻣﻦ ﺍﻭﻝ ﻛﻠﺶ ﺍﺣﺘﺮﻣﻚ ﻻﻧﻚ ﻣﺤﺘﺮﻡ
ﻫﻪ ﺷﻜﺮﺍ

#بارت٥
يس- وبدت رحلتي ومعاناتي

تزوجت بزواج بسيط بين الاهالي وخالتي ام زوجتي كضتها تعرفني على ناس اساسا ماشايفهم قبل وتردد
ابن خالك وبت خالك بنت خالتك وهاي اخت بيبيتك اووه دخت بس جنت مكيف لان طول عمري احس روحي وحدي وجتي دعاء يمنا امي امي الطايره ومتعرف شسوي بس تهلهل وتركص واني اتاملها بفرح فرحت لفرحها اكثر من فرحتي بالزواج. وصارت ليله دخلتي واخذتها جانت متعاونه ويايه جدا واني كان مبين على ملامحي الخوف عكسها. لكون اول مره واخاف اغلط واصير مضحكه كملنا وابتعدت عنها كالت
هذا هو خلص
صدك هاهي
اي اي والله شنو متعرف
ماعدي سوابق ههه
لاهذا هو هذا نيشاني
من يومها بدت حياه جديده بالنسبه الي ارجع من الشغل اطب لامي للغرفه ابقى يمها شوي لان اشتاقلها مو بيدي ننه كل حياتي يعني قبل الدوام لينتهي يجي وجهه ببالي بس اريد ارجع واشوفها واحاجيها لو احجيلها على موقف جديد صار بالشغل غثني او ضحكني او حتى فرحني ،
جانت دعاء من موجود تداري امي وتدير بالها عليها تنضف وتعدل وتبالغ وامي بس ساكته اقره عيونها اني مراضيه
ننه شبيج

ماكو شي يمه شوي معدتي

خاله اسويلج ورد
لا ماما ميحتاج

يس- جنت مستغرب وجهه التعبان ومن اصعد فوك تضل دعاء تكولي خاله تعبت تريدنا نعزل تكول اريد ارتاح وحدي اني زوجته دااخلص شو بقه يمي وتضحك يعني تجيبها بالضحك واني مشكلتي عصبي انتر بيها راسن

ننه متحجي هيج هاي انتي مضوجتها
راسن تكول اي اي صح اني تداهرت وياها وكالتلي كومي صعدي ضوجتيني

وينسد الموضوع جنت اقترب منها واحسها هي التفهم اكثر مني جانت تطلب مني شغلات سوي هيج وسوي هيج ورغم علاقاتي وي الشباب بس الاعرفهم ابد مابينه هيج كلام. اكو حدود ابد منتجاوزها فقط علاقه عمل تجمعنا. فجنت التريده اسوي رغم اتضايق لكوني قليل معرفه واحسها هي الدتعلمني بس اريد اونسها واتونس. كانت لعوبه وعدها نوع من الكذب والتسفيط كثيره الكلام واني ممتربي هيج جنت اسكت وامثل دور الانصات يعني باختصار مكضيه
بده راتبي يرتفع وخصصت شهريه لدعاء ولننه نفس الكد
وبدت دعاء بغيرتها بطريقه غير مباشره

هي مره عجوز شتسوي بالراتب وتنطيها بكدي

منيلها عجوز

#عرين_الذكريات_ذنبي

الكاتبه نور الشمس

٥________٦

#بارت٥

ﺷﻨﻮﻭ ﺷﺼﺎﻳﺮ ﺷﻜﻮﻭ
ﺍﻟﻜﻞ ﻣﺸﻐﻮﻝ ﻣﺤﺪ ﺟﺎﻭﺏ ﺳﺆﺍﻟﻲ ﻣﺨﺒﻮﺻﻴﻦ ﻳﺴﻜﺘﻮﻥ ﻣﺮﺕ ﺍﺣﻤﺪ ﻭﺟﻬﺎﻟﻬﺎ ﻳﺒﺠﻮﻥ ﻋﻠﻰ ﺑﺠﻴﻬﺎ ﻋﻴﻮﻧﻲ ﺍﺗﺪﻭﺭ ﺍﺣﻤﺪ ﻭﻳﻦ ﻣﺎﻛﻮ ﺷﻨﻮ ﺷﺼﺎﻳﺮ ﻟﺤﻈﺎﺕ ﺍﺗﻤﻠﻜﻨﻲ ﺍﻟﺨﻮﻑ ﻋﻠﻰ ﺍﺧﻮﻳﻪ
ﺣﺎﺟﻴﺖ ﺍﺑﻮﻳﻪ ﺍﻟﻲ ﻳﺴﻤﻊ ﺍﻟﻜﻼﻡ ﻣﻦ ﺳﺎﺭﻩ ﻭﺑﺠﻴﻬﺎ ﻣﻀﻴﻊ ﻛﻠﺸﻲ ﻧﺤﺎﻭﻝ ﻧﻔﻬﻢ
ﺣﺎﺟﻴﺘﻬﺎ ﺍﻧﻲ
.. ﺳﺎﺭﻩ ﺷﻨﻮ ﺍﻟﻤﻮﺿﻮﻉ ﺷﺼﺎﻳﺮ
ﺑﭽﺖ ﺑﺤﺮﮔﻪ ﻭﮔﺎﻟﺖ
.. ﺍﻧﻲ ﻫﺬﺍ ﺣﺪﻱ ﻛﻠﺸﻲ ﺳﻮﻳﺖ ﺣﺘﻰ ﻣﺤﺪ ﻳﻌﺮﻑ ﺍﻟﻲ ﺑﻴﻨﻪ ﺑﺲ ﻫﺬﻱ ﻃﺎﻗﺘﻲ ﻭﺑﻌﺪ ﻣﺎﺍﻛﺪﺭ
ﺍﺣﻤﺪ ﻳﻄﻠﻊ ﻣﻦ ﺍﻟﺼﺒﺢ ﻳﺮﺟﻊ ﻣﻦ ﺍﻟﺸﻐﻞ ﻳﺒﺪﻝ ﻭﻳﻄﻠﻊ ﻋﺸﺎﻩ ﺑﺮﻩ ﻭﻳﺮﺟﻊ ﻣﺘﺄﺧﺮ ﺍﻧﺼﺎﺹ ﺍﻟﻠﻴﺎﻟﻲ ﻭﺍﻧﻲ ﻭﺣﺪﻱ ﺍﻧﻲ ﻭﺟﻬﺎﻟﻪ ﻣﺠﺮﺩ ﻳﺴﻮﻭﻙ ﻭﻳﺮﻭﺡ ﻭﻫﺎﻱ ﺻﺎﺭ ﺷﻬﺮﻳﻦ ﻉ ﻫﺬﻱ ﺍﻟﺤﺎﻟﻪ ﻣﻠﻴﺖ ﻛﻠﺸﻲ ﺳﻮﻳﺖ ﺣﺘﻰ ﺍﺣﺎﻓﻆ ﻋﻠﻰ ﺑﻴﺘﻲ ﺑﻌﺪ ﻣﺎﺑﻴﻪ ﺷﻮﻓﻮ ﺍﺑﻴﺶ ﺍﻟﺴﺎﻋﻪ ﻫﺴﻪ ﺍﺗﺼﻞ ﺑﻲ ﺗﺮﺩ ﻋﻠﻴﻪ ﻭﺣﺪﻩ
ﻟﻴﺶ ﺍﻧﻲ ﺷﺒﻴﻪ ﺷﻨﻮ ﻧﺎﻗﺼﻨﻲ ﺑﺸﻨﻮ ﻣﻘﺼﺮﻩ
.. ﺍﻫﺪﺃﻱ ﺟﻬﺎﻟﺞ ﺍﺗﺨﺒﻠﻮ ﻳﻤﻌﻮﺩﻩ ﻃﺎﺡ ﺣﻈﻪ ﺍﺫﺍ ﺻﺪﻙ ﻛﻞ ﻫﺬﺍ ﻫﻮ ﻣﺴﻮﻱ .. ﻳﺠﻲ ﻫﻨﺎ ﻭﻧﺤﺠﻲ ﻭﻧﺸﻮﻑ ﺣﻞ ﺍﺭﺗﺎﺣﻲ
ﺍﺗﻮﺟﻪ ﻋﻠﻴﻬﺎ ﺍﺑﻮﻳﻪ ﺑﺎﺱ ﺭﺍﺳﻬﺎ ﻭﻛﻠﻬﺎ ﺍﺻﺒﺮﻱ ﻭﻟﺘﻨﻄﻲ ﻋﻠﻢ ﺍﻧﺘﻲ ﻫﻨﺎ ﺭﻭﺣﻲ ﻭﻱ ﺍﻟﺒﻨﺎﺕ ﻭﺍﻧﻲ ﺍﻋﺮﻑ ﺷﻠﻮﻥ ﺍﺟﺮﻫﺎ ﺍﻻﺫﻧﻪ
ﺩﺍﺭ ﻋﻠﻴﻨﻪ
.. ﻣﻤﻨﻮﻉ ﺍﺣﺪ ﻳﻜﻠﻪ ﺳﺎﺭﻩ ﻭﺍﻟﺠﻬﺎﻝ ﻋﺪﻧﻪ ﺧﻠﻮﻭ ﺧﻞ ﻳﻘﻠﻖ ﻭﻳﻌﻴﺶ ﺑﻘﻠﻖ ﺧﻠﻮﻩ ﻳﺼﺤﺎ ﻋﻠﻰ ﻧﻔﺴﻪ ﻣﻦ ﻣﺨﻠﻲ ﺑﻨﻴﻪ ﺷﺎﺑﻪ ﻭﺍﻃﻔﺎﻝ ﺑﻬﺬﺍ ﺍﻟﻌﻤﺮ ﺍﺑﻴﺖ ﻭﺣﺪﻫﻢ ﻭﻫﺬﻱ ﺍﻟﺪﻧﻴﺎ ﺍﻟﺘﻌﺒﺎﻧﻪ ﺷﻨﻮ ﺑﻌﻘﻠﻪ ﺍﺭﻳﺪ ﺍﻓﻬﻢ !
ﺑﻌﺪﻫﺎ ﺍﻧﺖ ﻭﻓﺮﻗﺪ ﺗﺴﺄﻟﻮﻥ ﻋﻨﻪ ﻭﻳﻦ ﻳﻠﺘﻘﻲ ﺑﺎﻟﺠﺪﻳﺪ ﻭﻱ ﻣﻨﻮ ﻭﺗﺠﻮﻥ ﺗﻜﻠﻮﻟﻲ ﺍﺭﻳﺪ ﺍﻋﻴﺪ ﺗﺮﺑﻴﺘﻪ ﻫﺬﺍ ﺍﻟﺠﺒﻴﺮ ﺍﻟﻴﻨﺸﺪ ﺑﻲ ﺍﻟﻈﻬﺮ ﻻ ﻫﻮﺍﻱ ﺍﺭﺗﺎﺣﻴﺖ ﺑﻬﺬﺍ ﺍﻟﻌﻤﺮ ﻫﻮﺍﻱ ﺍﻧﺘﻜﻠﺖ ﻋﻠﻴﻪ
.. ﻳﺎﺑﻪ ﻋﻠﻰ ﻛﻴﻔﻚ ﻛﻠﺸﻲ ﻳﻨﺤﻞ
ﺭﻭﺣﻲ ﺳﺎﺭﻩ ﺍﺭﺗﺎﺣﻲ ﻭﺧﻠﻮ ﻫﺎﻟﺤﻠﻮﻳﻦ ﻳﻤﻲ ﻣﺸﺘﺎﻗﻠﻬﻢ
ﺍﺧﺬﻧﻬﺎ ﺍﻟﺒﻨﺎﺕ ﻭﺍﻣﻲ ﺿﺎﻳﺠﻪ ﻋﻠﻴﻬﺎ ﻭﻋﻠﻰ ﺍﺣﻤﺪ ﺗﻜﻞ ﺍﻻﺑﻮﻳﻪ ﻟﺘﺘﺼﺮﻑ ﺍﺳﻤﻊ ﻣﻨﻪ ﺍﻭﻝ ﻳﺠﻮﺯ ﻃﻠﻌﺎﺗﻪ ﻳﻢ ﺷﺒﺎﺏ ﻟﻮ ﻋﻨﺪﻩ ﺷﻐﻞ ﺻﺎﺡ ﻋﻠﻴﻬﺎ ﺍﺑﻮﻳﻪ ﺑﺼﻮﺕ ﺳﻜﺘﻬﺎ
ﺍﻣﻲ ﺧﻄﻴﻪ ﺗﺤﺎﻭﻝ ﺗﺤﺎﻣﻴﻠﻪ ﺣﺘﻰ ﻭﻫﻮ ﻏﻠﻄﺎﻥ
ﺍﻟﺠﻮ ﺑﻌﺪﻩ ﻣﺸﺤﻮﻥ ﺻﻌﺪﺗﻬﻢ ﻭﻳﺎﻱ ﺍﻟﺠﻬﺎﻝ ﻭﻓﺮﻗﺪ ﻳﻤﻲ ﻳﺮﻳﺪ ﻳﺤﺠﻲ ﺍﺷﺮﺗﻠﻪ ﻉ ﺍﻟﺠﻬﺎﻝ ﻳﻔﺘﻬﻤﻮﻥ
ﺍﻟﺤﺪ ﻣﺮﺍﺩﻭ ﻳﻨﺎﻣﻮﻥ ﺻﺤﺖ ﺍﻟﺒﻨﺎﺕ ﺍﺧﺬﻧﻬﻢ ﻧﺺ ﺍﻟﻠﻴﻞ ﻭﺍﺗﺼﻞ ﻋﻠﻴﻪ ﺍﺣﻤﺪ
ﺻﻮﺗﻪ ﺗﻌﺒﺎﻥ ﻣﺮﺗﺒﻚ
.. ﻫﻠﻮﻭ ﺍﺑﻬﺮ
.. ﻫﻠﻮ ﺃﺣﻤﺪ ﻛﻮﻝ

.. ﺷﻠﻮﻧﻜﻢ ﺍﺧﺒﺎﺭﻛﻢ
.. ﺑﻬﺎﻟﻠﻴﻞ ﺗﺴﺄﻝ ﻉ ﺍﺧﺒﺎﺭﻧﻪ ﺷﺼﺎﻳﺮ ﺷﺒﻴﻚ
.. ﻣﺎﻛﻮ ﺷﻲ ﺍﻧﺘﻮ ﺷﺨﺒﺎﺭﻛﻢ
.. ﺍﺣﻨﻪ ﺍﻟﺤﻤﺪﻟﻠﻪ ﺍﻧﺖ ﺷﻠﻮﻧﻚ
ﺟﺮ ﻧﻔﺲ ﻭﺳﺄﻟﻨﻲ
.. ﺍﻛﻠﻚ ﺳﺎﺭﻩ ﻭﺍﻟﺠﻬﺎﻝ ﻋﺪﻛﻢ
.. ﻣﺎﺍﺩﺭﻱ ﺍﻧﻲ ﺍﻟﻴﻮﻡ ﻣﺎﻧﺰﻟﺖ ﻳﺠﻮﺯ ﻣﻮﺟﻮﺩﻳﻦ ﺷﻨﻮ ﻛﺎﻳﻠﻬﻢ ﺭﻭﺣﻮ ﺍﻧﺖ ﺷﻌﺠﺐ ﻣﻮ ﻭﻳﺎﻫﻢ
.. ﻟﻚ ﻣﺎﻛﻮ ﺑﺎﻟﺒﻴﺖ ﺍﺗﺼﻠﺖ ﻉ ﺍﻫﻠﻬﺎ ﻫﻢ ﻣﺎﻣﺒﻴﻴﻦ ﻋﺪﻫﻢ ﻭﻳﻦ ﺭﺍﺣﻮ ﺭﺍﺡ ﺗﺨﺒﻠﻨﻲ ﻫﺎﻱ ﻣﺨﺒﻠﻪ ﻫﺪﺩﺗﻨﻲ ﺗﻨﺘﺤﺮ ﻭﺧﺎﻑ ﺳﻮﺗﻬﺎ
.. ﺷﻤﺴﻮﻳﻠﻬﺎ ﺍﻧﺖ
.. ﺍﺧﺨﺦ ﺍﺑﻬﺮ ﻋﻠﻴﻚ ﺍﻟﻠﻪ ﻋﺪﻛﻢ ﮔﻠﻲ ﻭﺭﻳﺤﻨﻲ
.. ﻋﺪﻧﻪ ﺑﺲ ﺍﺑﻮﻙ ﻳﺮﻳﺪﻙ ﺗﺠﻲ ﺗﺮﻯ ﺻﺎﻳﺮ ﻧﺎﺭ
ﺟﺮ ﻧﻔﺲ ﺑﺼﻌﻮﺑﻪ ﻭﻛﺎﻝ
.. ﺍﻟﺤﻤﺪﻟﻠﻪ ﺍﻫﻢ ﺷﻲ ﺑﺨﻴﺮ ﻫﻢ .. ﺟﺎﻱ ﻫﺴﻪ ﺍﻓﺘﺤﻠﻲ ﺍﻟﺒﺎﺏ ﻳﻌﻨﻲ ﻛﻞ ﻋﻘﻠﻪ ﺍﺑﻮﻳﻪ ﻳﺮﻳﺪ ﻳﺨﻠﻴﻨﻲ ﻫﻴﺞ ﻣﺤﺘﺎﺭ ﻣﻴﺨﺎﻑ ﻋﻠﻴﻪ ﻭﺍﻟﻠﻪ ﮔﻠﺒﻲ ﺷﻮﻳﻪ ﻭﻳﻮﮔﻒ
.. ﻟﻌﺪ ﻣﺨﻔﺖ ﺍﻧﺖ ﻋﻠﻴﻬﻢ ﻣﻦ ﻣﺨﻠﻴﻬﻢ ﺍﻟﻬﺬﺍ ﺍﻟﻮﻗﺖ ﻭﺣﺪﻫﻢ
.. ﻏﻴﺮ ﺑﺎﺑﻬﻢ ﻣﻘﻔﻮﻟﻪ ﻋﻠﻴﻬﻢ ﻭﻳﻦ ﻣﺨﻠﻴﻬﻢ ﺍﻧﻲ
.. ﺳﺎﻟﻔﺘﻚ ﻣﻮ ﺧﺎﻟﻴﻪ ﺍﻧﺖ .. ﻭﻫﺬﺍ ﻣﻮ ﻋﺬﺭ ﻛﻠﺸﻲ ﻳﺼﻴﺮ ﻣﻮ ﺍﻧﻲ ﺍﻋﻠﻤﻚ ﺍﺣﻤﺪ
ﻧﺰﻟﺖ ﺟﻮﻩ ﺍﻟﻮﻗﺖ ﻣﺘﺄﺧﺮ ﺍﺑﻮﻳﻪ ﮔﺎﻋﺪ ﻭﺍﺣﺴﻪ ﻳﺮﻳﺪ ﻳﻨﻔﺠﺮ ﺍﻣﻲ ﮔﺎﻋﺪﻩ ﻭﻓﺮﻗﺪ ﺍﺻﻼ ﻣﻦ ﻣﺮﻳﺖ ﻣﻦ ﻳﻢ ﻏﺮﻓﺘﻪ ﺻﻮﺗﻪ ﻭﺍﺿﺢ ﺩﻳﺘﺼﻞ ﺑﺨﻄﻴﺒﺘﻪ
ﺑﺎﻭﻋﻠﻲ ﺍﺑﻮﻳﻪ
.. ﺑﻴﻴﻦ ﺍﺧﻮﻙ
.. ﺍﻱ ﻳﺎﺑﻪ ﻭﺧﺎﻳﻒ ﺣﻴﻞ ﻭﻫﺴﻪ ﻋﻠﻰ ﺟﻴﻪ ﺣﻔﺘﺤﻠﻪ ﺍﻟﺒﺎﺏ
.. ﺧﻠﻲ ﻳﺸﺮﻑ ﺍﻻﺳﺘﺎﺫ
ﻓﺘﺤﺘﻠﻪ ﺍﻟﺒﺎﺏ ﺩﺧﻞ ﺍﺣﻤﺪ ﻣﺘﻮﺗﺮ ﻭﺧﺠﻼﻥ ﻣﻦ ﻧﻔﺴﻪ ﻣﺎﺍﻋﺮﻑ ﻣﻦ ﺍﻟﻤﻮﻗﻒ
ﺳﻠﻢ ﺟﺎﻭﺑﻪ ﺍﻟﻮﺍﻟﺪ
.. ﺗﻌﺎﻝ ﻫﻨﺎ ﺧﻞ ﻧﺸﻮﻑ ﺗﺎﻟﻴﻬﺎ ﻭﻳﺎﻙ ﺷﻨﻮﻭ .. ﺍﻧﺖ ﺷﻀﺎﻣﻠﻚ ﻣﻦ ﺿﻤﻪ ﺍﺣﺠﻲ
.. ﻳﺎﺑﻪ ﺷﻀﺎﻡ ﻗﺎﺑﻞ .. ﻣﺎﻋﻨﺪﻱ ﺷﻲ ﺭﺣﺖ ﺍﺳﻬﺮ ﻭﻱ ﺟﻤﺎﻋﺘﻲ
.. ﺑﺎﻟﻠﻪ ﻳﺎﺟﻤﺎﻋﻪ ﻣﺘﻜﻠﻲ ﻭﺍﻧﻲ ﺍﻋﺮﻓﻬﻢ ﻭﺍﺣﺪ ﻭﺍﺣﺪ ﻣﻦ ﺍﻟﻌﺼﺮ ﻫﻢ ﺑﺒﻴﻮﺗﻬﻢ ﻟﻚ ﺍﻟﻠﻪ ﻧﺎﻃﻴﻚ ﻧﻌﻤﻪ ﺯﻭﺟﻪ ﺑﺖ ﺍﻃﻴﺎﺏ ﻭﺣﻠﻮﻩ ﻭﺷﺮﻳﻔﻪ ﻭﺍﺛﻨﻴﻦ ﻭﺭﻭﺩ ﺑﻌﺪ ﺷﺘﺮﻳﺪ ﻣﻦ ﺍﻟﻠﻪ ﺍﻛﺜﺮ
ﺷﻨﻮ ﻋﺬﺭﻱ ﻣﻦ ﺍﻟﻌﺎﻟﻢ ﺍﻧﻲ ﻣﻦ ﻣﺄﻣﻨﻴﻦ ﺑﺘﻬﻢ ﺑﺄﻳﺪ ﺭﺟﺎﻝ ﻋﺎﻳﻒ ﺯﻭﺟﺘﻪ ﺍﻻﻧﺼﺎﺹ ﺍﻟﻠﻴﺎﻟﻲ ﻭﺣﺪﻫﺎ ﻣﻴﻜﻮﻝ ﻭﻛﺘﻨﻪ ﺍﻏﺒﺮ ﻃﻔﺮ ﻋﻠﻴﻬﺎ ﺍﺣﺪ ﺍﺗﻌﺮﺿﺖ ﺍﻟﻤﻮﻗﻒ ﺣﺮﺍﻣﻲ ﺳﻜﺮﺍﻥ ﺣﻴﻮﺍﻥ ﺩﺧﻞ ﺑﻴﺘﻬﺎ ﻛﻬﺮﺑﺎﺀ ﺍﻧﻄﻔﺖ ﻭﺍﻧﺮﻋﺒﺖ ﻫﻲ ﻭﺟﻬﺎﻟﻬﺎ ﺍﻧﺖ ﺗﻔﻜﺮ ﻟﻮ ﻻ
ﻋﻠﻪ ﺻﻮﺕ ﺍﺑﻮﻳﻪ ﺍﻟﺘﻤﻮ ﺍﻟﻲ ﺑﺎﻟﺒﻴﺖ ﻣﻦ ﺟﺪﻳﺪ ﺟﺎﻭﺑﻪ ﺍﺣﻤﺪ
.. ﻳﺎﺑﻪ ﻭﻳﻦ ﻣﺨﻠﻴﻬﻢ ﺍﻧﻲ ﻟﺘﻜﺒﺮﻭﻫﺎ
.. ﻟﺘﻜﻠﻲ ﻳﺎﺑﻪ ﻭﻻ ﺗﺤﺎﺟﻴﻨﻲ ﺍﺣﻤﺪ ﻋﻮﻑ ﻫﺎﻟﻄﺮﻳﻖ ﺍﺣﺴﻦ ﺍﻟﻚ ﻻ ﻭﺍﻟﻠﻪ ﺍﺗﺒﺮﻩ ﻣﻨﻚ ﻭﻻ ﺍﻧﺖ ﺍﺑﻨﻲ ﻭﻻ ﺍﻋﺮﻓﻚ ﻟﻚ ﺧﺎﻑ ﺍﻟﻠﻪ ﺑﻴﻬﺎ ﺑﻨﺖ ﺍﻟﻌﺎﻟﻢ
.. ﺷﻤﺴﻮﻳﻠﻬﺎ ﺍﻧﻲ ﻣﺠﻮﻋﻬﺎ ﻣﺨﻠﻴﻬﺎ ﺑﺤﺎﺟﻪ
.. ﻭﺍﻧﺖ ﺑﺲ ﻫﺬﺍ ﻭﺍﺟﺒﻚ ﺟﻮﻉ ﻭﺣﺎﺟﻪ ﻻ ﻭﺍﻟﻠﻪ ﻣﻤﻘﺼﺮ
ﻋﺎﺷﺖ ﺍﻳﺪﻙ
ﻋﺎﻑ ﺍﺑﻮﻳﻪ ﺍﺣﻤﺪ ﻭﺍﺗﻮﺟﻪ ﺍﻟﻬﺎ
.. ﺳﺎﺭﻩ ﺗﻌﺎﻟﻲ ﻭﻳﺎﻱ ﻧﺘﻔﺎﻫﻢ ﻟﻴﺶ ﺗﻮﺻﻠﻴﻬﺎ ﻟﻬﻨﺎ
.. ﺍﻧﻲ ﺍﻭﺻﻠﻬﺎ ﺍﺣﻤﺪ ﻃﻠﻌﺖ ﺍﻧﻲ ﺍﻟﺴﺒﺐ
ﺗﺒﺠﻲ ﻣﻨﻬﺎﺭﻩ ﻭﻳﻤﻬﺎ ﺍﺑﻨﻬﺎ ﺑﻴﺪﻩ ﺗﻠﻴﻔﻮﻧﻬﺎ ﺍﻟﻈﺎﻫﺮ ﻧﺎﻃﻴﺘﻪ ﺗﺴﻜﺘﻪ ﺍﻧﻄﺎﻩ ﺍﻟﻬﺎ ﺍﺟﺎﻩ ﺍﺷﻌﺎﺭ ﻟﻮ ﻫﻲ ﺍﺗﺨﺒﻠﺖ
ﺷﻤﺮﺕ ﺍﻟﺘﻠﻴﻔﻮﻥ ﻭﻇﻠﺖ ﺗﻠﻄﻢ ﻋﻠﻰ ﻭﺟﻬﻪ ﺑﻘﻮﺓ ﺍﺗﺨﺮﺑﻂ ﺣﺠﺎﺑﻬﺎ ﻣﺎﺍﻫﺘﻤﺖ ﻭﻻ ﻋﺪﻟﺘﻪ ﺭﻏﻢ ﻫﻲ ﻣﻦ ﺍﻟﻨﻮﻉ ﺍﻟﻤﻠﺘﺰﻣﻪ ﺣﻴﻞ ﻭﺍﺻﻼ ﻃﻠﻊ ﺍﺣﻤﺪ ﺍﻟﺨﺎﻃﺮﻫﺎ ﺣﺘﻰ ﺗﺎﺧﺬ ﺭﺍﺣﺘﻬﺎ ﻻﻥ ﺣﻴﻞ ﻣﻠﺘﺰﻣﻪ ﻭﻣﺘﻘﻴﺪﻩ ﺑﻠﺒﺴﻬﺎ ﺑﺲ ﺗﻌﺎﻣﻠﻬﺎ ﻭﻳﺎﻧﻪ ﺯﻳﻦ ﻧﻌﺘﺒﺮﻫﺎ ﺍﺧﺘﻨﻪ ﻣﺠﺎﻧﺖ ﻣﺨﻠﻴﻪ ﺣﻮﺍﺟﺰ
ﻛﻠﻨﻪ ﺍﻧﺮﻳﺪ ﻧﻌﺮﻑ ﺷﺒﻴﻬﺎ ﻭﻫﻮ ﺭﻛﺾ ﻋﻠﻴﻬﺎ ﻳﻌﺪﻝ ﺣﺠﺎﺑﻬﺎ ﺻﺎﻓﻦ ﻋﻠﻴﻬﺎ ﻣﺎﻣﺘﻮﻗﻌﻬﺎ ﺗﻮﺻﻞ ﺍﻟﻬﺎﻟﺤﺎﻟﻪ ﻛﻠﻨﻪ ﺍﺗﻌﺠﺒﻨﻪ ﺍﻧﺘﺒﻬﻨﻪ ﺍﻟﺘﻠﻴﻔﻮﻧﻬﺎ ﺻﻮﺭﺓ ﺍﺣﻤﺪ ﻭﻳﺎﻩ ﺑﻨﻴﻪ ﻣﻜﺪﺭﻧﻪ ﻧﺸﻮﻑ ﺍﻟﺼﻮﺭﻩ ﺑﻮﺿﻮﺡ ﻟﻤﺤﻪ ﻟﻤﺤﻨﺎﻫﺎ ﺍﺧﺬ ﺍﺣﻤﺪ ﺍﻟﻔﻮﻥ ﻗﺒﻞ ﻣﻨﺸﻮﻑ ﻛﻠﺸﻲ ﻇﻞ ﻣﺮﻛﺰ ﺑﻴﻬﺎ ﺍﺭﺗﺒﻚ ﻭﻇﻞ ﻳﻤﺴﺢ ﺑﻮﺟﻬﻪ
ﮔﺎﻟﺖ ﻭﺍﻟﻠﻪ ﻣﺎﺍﺑﻘﻰ ﻫﺴﻪ ﺍﺭﻭﺡ ﺍﻻﻫﻠﻲ ﺷﻨﻮ ﮔﻌﺪﺗﻲ ﻫﻨﺎ ﺑﻌﺪ
ﺣﺎﺟﺘﻬﺎ ﺍﻣﻲ
.. ﺧﺎﻟﻪ ﻉ

#بارت٥

منشوف إلا حنظل طب يركض وإلياس يركض ورى
هذا يصيح عوفهم خوية ابوي يتصرف وياهم وذاك يصيح لا والله موتهم اعلة ايدي اليوم
بس عليمن جاي يحچون مندري

شوي وطلع مثل المسودن
كاض الدشداشة بحلگة والسلاح تارس ايدة الثنتين
بعدة ما طالع من الباب
رفع سلاحة ورمى بالهوى وهو يصيح جمااااااااار

هو آنه سمعت بأسمة لو انكمش گلبي
شني الصاير؟!! وجمار شعامل وياهم خاطر حنظل يتسودن اعلي هيچي

طلعوا يركضون ظليت ارجف
عفت البنات وفتت جوة صارت امي گبالي جاي تطلع من الحوش گبل صرخت بوجهي

- لچ اخوچ تسودن وراح يضيع حالة يريحان

- شني الصاير يمة
جمار شمصخم مرة الاخرى وهيچي معصبين اعلي

- كل شي ما اعرف
احچي ويا الجدران ترد واخوتچ ما يردون اعلية

- شني رايچ ادگن اعلة ابوي خاطر يتلاحگ اعليهم

- اي اي چا شني الناطرتة

ركضت جوة
من الخوف حتى جهازي نسيت وينة
ظليت ادور علي شوي ولگيتة بـ ايدين ود تلعب بي

اخذتة ودگيت على ابوي
رن وانتهت الرنة وهو ما راد علية
ردت اتصل مرة الأخرى دگ هو گبل فتحت الخط

- السلام عليكم

- وعليكم السلام بوية
فدوة الحگ اعلة حنظل ما اعرف شمالة
اخذ السلاح ومشى وهو يصرخ بأسم جمار وإلياس ويا

بعدني احچي فصل الخط
باوعت للجهاز يا شني القضية عليش هيچي سدة بوجهي ؟!!

- ها ريحان شني رد

- ما جاوب شي يمة
قفل الخط بالعجل حتى گبل لا اكمل كلامي

- صخام الصخم وجهك حميد
معقولة جمار راد للبصرة واخوچ رايح خاطر يچتلة

- لا لا ما اظنن
جمار ما يتجرأ يرد لهنانة بعد كل شي عملوا ابوي واخوتي ويا

- لچ هذا عينة عين الـ××××
يعمل العملة ويظلة واجف چدامچ يتباهى بسواد وجها و وجه الخلفوا

- عزززة لو صدگ هالحچي معناتها راح بيها اخوووي

ثناء.. ياربي اتصل بي ميرد هسه اني شسوي بروحي

الحجية هيلة.. هدي يمة هساع الشيخ يلحگ اعلي لا تخافين من شي محلولة ان شاء الله

نجيبة.. ها ارتاحيتي يريحان
دگيتي رجل إلا تاخذين هالمايع وهاي تاليتها مامش بشر تورط بنتيجة فعلتچ غير زلمتي

ريحان.. ااااااااانتِ ااااااااسكتي
لا تظنين من ما رديت اعليچ معناتها خايفة منچ ؟!!

لاااااا والله
ما راح افوتها ولا ارتاح اذا ما اردنها ليچ
بس خلي بالي يصفالچ شوي وتلگي الراح يصير بيچ ساعتها ينجيبة

نجيبة.. تنوعن العرامة
فوگ شينها گواة عينها دحيري برويحتچ اول وتالي عودن حاسبي الوادم

ردت اهجم عليها صارت امي بيناتنا
- وتالي وياچ نجيبة
سمچ هذا اليمتة تبطلين تشمري اعلة الرايح والراد

- عمة ما تتنوعين شلون تجاوزت اعلي

- وياهو العال بالأول
سالفتچ الغمة راح توصل الحنظل بس خل هالطلابة تعدي اعلة خير

التفتت علية
- وانتِ ريحان لزمي لسانچ شوي
ما اريدن طلايب البينة كافينة كل وحدة منچ تحير برويحتها والتغلط ما راح يصير خير وياها

اجت غسق سحبتني من گدامهن
گاعدة بالصالة افور اريدن بس واحد يطمني شني الجاي يصير وياهم ماكو

اذن المغرب گمنا نصلي
وراها ظليت اقرا قرأن حتى ما گدرت اگومن خاطر اعين البنات بشغل البيت

لثمانية سمعت الباب انفتح
گمت اركض باوعت من الشباچ ابوي طب واخوتي كلهم ورى

تلگيناهم بالممر
فتحت عيوني ويا طبتهم
حنظل دشداشتة كلها دم واخوتي شكولهم مخربطة مثل المتعاركين

سألتهم امي محد من عدهم رد
گعدوا بالصالة ساكتين بحيث من الهدوء مالهم لو نزت الأبرة بالأرض همينة نسمعلها حس

الحجية هيلة.. وتاليها وياكم
احد يرد اعلينة مو گلوبنا غادية مثل النار من نهد ما طلعتوا ولساع

الشيخ ضاري.. عليش تسألين يهيلة ؟!!
شني التترجين يجي من فروخچ غير بس الطلايب

وتعال يضاري رگع خلافهم
خاطر والله لا تصيرون فرجة للوادم بسبب طيشهم وتصرفاتهم الموش مدروسة

حنظل.. يابة ما تنوعت لي....

الشيخ ضاري.. بسسسس لا تكمل
من يمتة واحنه نرفع السلاح بوجه هذا وذاك

لك عالوا بينة ما علنا
هساع جاي حضرتك تطيح الچيلة ببن عمك

حبيب.. يابة چا احنه موش گلنالة مچان بالبصرة مالك عگب عملتة ذيچ

الشيخ ضاري.. البصرة لاهي ملكك ولا ملك الخلفك
البصرة گاع الله الوسيعة لا انت ولا غيرك الكم حگ تحرمون بشر منها

ولون طردنا بالأول
فهالشي چان درس لي عگب ما ضحك اعلة الشوارب وحريمة چتلوا ابن اختك ورادوا يچتلونها هي همينة لو ما الله لطف بحالها وحالنة

لكت هالساع خلص
انتهت السالفة ومر اعليها زمن وهاي اختك جدامك اتعافت من مرضها ووگفت اعلة حيلها

حنظل.. ما تعافت يابة
لا عبالك عبن تتنوع ليها تروح وترد وتداوم معناتها هي بخير

الصار وياها مو شوي
اگعد جارها عشر دقايق موش اكثر وانت راح تحس بجرحها شكثر لساعة هش

إلياس.. آنه اكيدن ضد عملة حنظل
لكت ويا بموضوع ريحان عبن سالفة جمار ما تنسي وردتة لهنا اكبر غلط بحگنا وحگ اختنا

الشيخ ضاري.. هذا الحچي گبل لا اخوك يتسودن
لكت هساع وعگب ما نيم الچيلة بزند جمار مالنة بعد حگ نتنفس ويا بحرف واحد

#بارت٥

ﻻ ﺃﺣـﺪ ﻳﺸـﻌُـﺮ ﺑﻬـﺬﺍ ﺍﻟﺼـﺮﺍﻉ ﺍﻟـﺬﻱ ﺃﻋـﻴﺸـﻪُ ﻓـﻲ ﺩﺍﺧـﻠـﻲ ' ﺣﺘـﻰ ﺇﻥ ﺗﻜـﻠـﻤـﺖُ ﻋﻨـﻪُ ﻟـﻦ ﻳﻔـﻬـﻤـﻪُ ﺃﺣـﺪ ! ' ﻭﻛـﺄﻧﻪ ُ ﻳَﺸـﺒـﻪُ ﺻﺮﺧـﺎﺕ ﺃﺧـﺮﺱً ﻓـﻲ ﻭﺳـﻂ ﻋـﺎﻟـﻢً ﺃﻃـﺮﺵ ' ﻭﻫـﺬﺍ ﺍﻟﻌـﺎﻟـﻢ ﺍﻷﻃـﺮﺵ ﻻ ﻳـﻌـﻠـﻢ ﺑﺎﻟـﻔـﻮﺿﻰ ﺍﻟﺘـﻲ ﺗﺠـﺮﻱ ﺑـﺪﺍﺧـﻠـﻲ ! ﻭﻟـﻦ ﻳـﻌـﻠﻢ ﺃﺑـﺪﺍً




ﺟﺎﻭﺑﺖ ﺧﺮﻃﺎﻥ ﺑﺨﻮﻑ - ﻫﺎﺍﺍﻩ ﻣﺆﻣﻦ ' ﺷﺒﻴﻚ ﺗﺼﻴﺢ ؟ !
ﺳﺪ ﺑﺎﺏ ﺍﻟﻤﻄﺒﺦ ﻭﺃﺟﺔ ﺳﺮﻳﻊ ﻋﻠﻴﻬﺎ ' ﺳﺤﺐ ﺇﻳﺪﻫﻪ ﻭﻟﻮﺍﻫﻪ ﺑﺴﺮﺭﻋﺔ ﻭﮔﺎﻝ ﺑﺘﻬﺪﻳﺪ ﻭﻏﻀﺐ -:
- ﻣﻮﻭ ﻋﻔﺘﻲ ﺯﻳﻨﺐ ﻭﻧﺘﻘﻠﺘﻲ ﻝ ﺭَﻣﻴﻢ ! ﻫﺎﺍﺍﻱ ﺳﻮﺍﻟﻔﺞ ﻣﺎﻝ ﻣﺰﻋﻄﺔ ﺑﻄﻠﻴﻬﺎﺍﺍﺍﺍ " ﻣﻮﻭﻭ ﻧﻮﺏ ﺃﻧﺸﻐﻞ ﺑﻴﺞ ﻧﺘﻲ ﺛﺎﻧﻴﺔ !! ﺑﻄﻠﻴﻴﻴﻴﻬﻨﻨﻨﻦ ﻓﺘﻬﻤﺘﻴﻴﻴﻴﻴﻲ ﻟﻮﻭﻭﻭﻻ ؟؟؟ !!
- ﺃﺧﺨﺨﺦ ﺑﺴﺴﺲ ﻋﻮﻑ ﺇﻳﺪﺩﺩﻱ ﻳﻤﻌﻮﻭﻭﺩ !
ﻟﻮﺍﻫﻪ ﺃﻛﺜﺮ ﻭﮔﺎﻝ - ﻓﺘﻬﻤﺘﻲ ﻟﻮﻻﺍﺍ ؟؟؟ !
ﻫﺴﻪ ﻏﻴﺮ ﺗﮕﻮﻝ ﻓﺘﻬﻤﺖ ﺷﮕﺪ ﻋﻨﻮﺩﻳﺔ ﻭﺭﺍﺳﻬﻪ ﻳﺎﺑﺲ ' ﺣﺘﻰ ﻣﻦ ﻳﻤﻲ ﻭﺟﻌﺘﻨﻲ ﺇﻳﺪﻱ ﻭﻟﺤﻤﺰﺓ !
ﺍﺧﺮ ﺷﻲ ﺳﺘﺴﻠﻤﺖ ﻭﮔﺎﻟﺖ - ﻣﺎﺍﺍﺷﻲ ﻣﺎﺍﺍﺷﻲ ﻓﺘﻬﻤﻤﻤﺖ ﺑﺴﺲ ﻋﻮﻑ ﺇﻳﺪﻱ !
ﻋﺎﻑ ﺇﻳﺪﻫﻪ ﻭﺑﺎﻭﻋﻠﻬﻪ ﺑﻐﻀﺐ ' ﻧﻮﺏ ﺑﺎﻭﻋﻠﻲ ﻣﺎﺭﺗﺎﺡ ﺇﻟﺔ ﻃﮕﻄﮕﻨﻲ ﺑﺨﺰﺭﺓ ﻭﻃﻠﻊ ﻣﻦ ﺍﻟﻤﻄﺒﺦ '
ﻭﻫﻲَ ﺧﺮﻃﺎﻥ ﻫﻢ ﻃﻠﻌﺖ ﻣﻦ ﺍﻟﻤﻄﺒﺦ ﻣﺘﻌﺼﺒﺔ '
ﮔﻤﺖ ﺍﻃﻠﻊ ﺑﺎﻟﮕﻼﺻﺎﺕ . . ﺃﻏﺴﻠﻬﻦ ﻭﺍﻓﻜﺮ " ﺭﻏﻢ ﺃﺧﺬ ﺣﻴﻔﻲ ﻣﻨﻬﻪ ' ﺑﺲ ﺗﻌﺠﺒﺖ ﺷﻮﻥ ﻫﻴﺞ ﺃﻟﺔ ﺻﻼﺣﻴﺔ ﻳﻤﺪ ﺇﻳﺪﺓ ﻋﻠﻰ ﺑﻨﺖ ﺧﺎﻟﺘﺔ ؟ ﻫﺎﻱ ﻟﻮ ﻏﻴﺮ ﻧﺎﺱ ﺟﺎﻥ ﮔﻌﺪﻭ ﻭﻳﺎﻩ ﻭﻓﺼﻠﻮ ﻭﺧﻠﻮ ﺃﺧﺘﺔ ﺗﺮﻭﺡ ﻓﺼﻠﻴﺔ ﻷﺑﻨﻬﻢ ﻫﻪ ' ﺑﺲ ﻫَﻢ ﻃﺒﻬﻪ ﻃﻮﺏ ﺗﺴﺘﺎﻫﻞ ﻷِﻫﺎﻧﺔ ﻫﻬﻪ
ﺑﺲ ﻭﻟﻠﻪ ﻳﺨﻮﻑ ﻳﺨﻮﻑ ﻭﻫﻮَ ﻋﺼﺒﻲ . . ﻭﻟﻮ ﻫﻮَ ﺃﺭﺑﻊ ﻭﻋﺸﺮﻳﻦ ﺳﺎﻋﺔ ﻋﺼﺒﻲ ﺑﺲ ﻳﺨﻮﻑ ﻣﻦ ﻳﺘﻌﺼﺐ ﻟﻬﻴﺞ ﺩﺭﺟﺔ ﺑﺤﻴﺚ ﺗﻨﮕﻠﺐ ﻋﻴﻮﻧﺔ ﺣﻤﺮ ﻭﻭﺟﻬﻪ ﺍﻷﺑﻴﺾ ﻳﻨﮕﻠﺐ ﺃﺣﻤﺮ ﻫﻢ !
ﺣﻀﺮﺕ ﺍﻟﮕﻼﺻﺎﺕ ﻭﺻﺒﻴﺖ ﺍﻟﺸﺮﺑﺖ ﻭﺣﻄﻴﺖ ﺑﻲ ﻣﻜﻌﺒﺎﺕ ﺛﻠﺞ ﻭﻓﺮﺣﺎﻧﺔ ﺑﺎﻟﻤﻜﻌﺒﺎﺕ ﺑﺤﻴﺚ ﻏﺴﻠﺘﻠﻲ ﻣﻜﻌﺐ ﻭﺫﻭﺑﺘﺔ ﻭﮔﻤﺖ ﺍﮔﺮﮔﻄﺔ ﻭﻓﺮﺣﺎﻧﺔ ﻷﻥ ﺻﺎﻳﺮ ﺛﻠﺞ ﻣﺮﺑﻊ ﺍﻟﺸﻜﻞ '
ﺧﻠﺼﺖ ﻭﺭﺣﺖ ﺇﻟﻬﻢ ﻭﺧﺎﻟﻪ ﺳﺄﻟﺘﻨﻲ - ﻟﻴﺶ ﺗﺄﺧﺮﺗﻲ ﺭَﻣﻴﻢ ؟ ﻭﻫﺬﺍ ﺷﺒﻲ ﻣﺆﻣﻦ ﻳﺼﻴﺢ ﻋﻠﻰ ﻏﻔﺮﺍﻥ ! ؟
ﺑﻠﻌﺖ ﺭﻳﮓ ﻭﮔﻠﺘﻠﻬﻪ - ﻫﺎﺍﻩ ﺧﺎﻟﻪ ﻣﻮ ﻛﺮﻡ ﺭﺍﺩ ﻣﻲ ﻭﻫﺬﺍ ﻣﺆﻣﻦ ﻣﺪﺭﻱ ﺷﺮﺍﺩ ﻣﻦ ﺧﺮ ... ﺋﺊ ﻏﻔﺮﺍﻥ '
ﻫﺰﺗﻠﻲ ﺭﺍﺳﻬﻪ ﺏ ﺇﻱ ﻭﻗﺪﻣﺖ ﺃﻟﻬﻦ ﺍﻟﺸﺮﺑﺖ ﻛﻤﻠﺖ ﻭﺣﻄﻴﺖ ﺻﻴﻨﻴﺔ ﻋَﻞ ﻃﺒﻠﺔ ﻭﮔﻌﺪﺕ ﺷﻄﻮﺭﺓ ' ﺑﺎﻭﻋﺖ ﻋﺎﻟﺴﺎﻋﺔ . . ﺑﻌﺪ ﺳﺎﻋﺔ ﻭﺗﺠﻲ ﺯﻳﻨﺐ ﺷﻴﺨﻠﺺ ﻟﻮﻛﺖ ؟ !
ﺑﺎﻭﻋﺖ ﻋﻠﻴﻬﻦ ' ﻭﻃﻠﻌﻦ ﺷﺎﺭﺑﺎﺕ ﺷﻮﻳﺔ ﻣﻦ ﺍﻟﺸﺮﺑﺖ ' ﻣﺎﻳﺴﻮﺓ ﺍﻟﺘﺤﻀﻴﺮ ﺇﻱ ﻭﻟﻠﻪ !
ﺻﺎﺭ ﺍﻟﺠﻮ ﺳُﻜﻴﺘﻲ ﻓﺠﺄﺓ ' ﻭﻭﺣﺪﺓ ﺣﻤﺤﻤﺖ ﻭﮔﺎﻟﺖ ﻟﺨﺎﻟﻪ -:
- ﺇﻱ ﻳﺎ ﺃﺧﻴﺘﻲ ﺃُﻡ ﻣﺆﻣﻦ ' ﺃﺣﻨﺔ ﺟﺎﻳﺎﺗﺞ ﺑﻤﻮﺿﻮﻉ ﻭﻣﺎﻧﺮﻳﺪﺝ ﺗﺮﺩﻳﻨﺔ ﺑﻲ !
ﺗﺮﺑﻌﺖ ﻭﺣﻄﻴﺖ ﺃﺫﺍﻧﺎﺗﻲ ﻳﻤﻬﻢ ﻭﺳﻮﻳﺖ ﺭﻭﺣﻲ ﻣﺎﺳﻤﻊ ﻭﻻ ﺍﺷﻮﻑ '
ﮔﺎﻟﺖ ﻷﺧﺘﻬﺎ - ﻫﻬﻪ ﺗﻔﻀﻠﻲ ﺳﻌﺎﺩ '
-: ﻭﻟﻠﻪ ﻳﺎﺧﻴﺔ ﺃﺟﻴﺖ ﺣﺘﻰ ﺃﻃﻠﺐ ﺇﻳﺪ ﺯﻧﻮﺑﺔ ﺑﻨﺘﺞ ﻷﺑﻨﻲ ﻣُﺘﻴﻢ !
❁❁❁
ﺟﻨﺖ ﻧﺎﻳﻤﺔ ﻋﻠﻰ ﺍﻟﺠﺎﻣﺔ ﻭﺇﻳﺪﻱ ﻋﻠﻰ ﺧﺪﻱ ' ﻭﻣﺎﺣﺲ ﻏﻴﺮ ﻭﺍﺣﺪ ﻳﻬﺰﻧﻲ ﻣﻦ ﭼﺘﻔﻲ ﺣﻴﻴﻞ !
ﺟﺎﻭﺑﺖ ﻗﺒﻞ ﻻ ﺃﻓﺘﺢ ﻋﻴﻨﻲ -: ﻳﻤﺔ ﺑﺮﺑﺞ ﺑﺲ ﻋﺸﺮ ﺩﻗﺎﻳﻖ !
ﺳﻤﻌﺖ ﺻﻮﺕ ﻧﺘﺮ - ﺩﮔﻮﻭﻭﻭﻭﻣﻲ ﺻﺎﺭﻟﻲ ﺳﺎﻋﺔ ﺃﮔﻌﺪ ﺑﻴﺞ ﻭﺻﻠﻨﺎﺍ ﻟﺒﻴﺘﻜﻢ ﻳﺎﺑﺔ !
ﻓﺰﻳﺖ ﻭﻓﺘﺤﺖ ﻋﻴﻮﻧﻲ ﻋﻠﻰ ﺃﻭﺳﻌﻬﻦ ' ﺑﺎﻭﻋﺖ ﻋﻠﻰ ﺷﻤﺲ ﻭﺧﺰﺭﺗﻬﻪ -:
- ﻫﻮَ ﻫﻴﺞ ﺗﮕﻌﺪﻳﻦ ﻟﻮﺍﺣﺪ !
ﺟﺎﻭﺑﺘﻨﻲ ﻭﻫﻲَ ﻣﻌﺼﺒﺔ - ﺧﺎﺏ ﺩﻃﻴﺮﻱ ﻭﻟﺞ ﺃﺣﻨﺔ ﺑﺎﻟﺨﻂ ﻣﻮ ﺑﺒﻴﺘﺞ ﻳﻠﺔ ﻧﺰﻟﻲ ﻳﻤﻌﻮﺩﺓ ﺻﺎﺭ ﺧﻤﺲ ﺩﻗﺎﻳﻖ ﺃﮔﻌﺪ ﺑﻴﺞ ﻭﻣﺎﻛﻮ ' ﺃﺩﺭﻱ ﺗﻨﺒﻞ ﻧﻮﻭﻡ ﺳﺎﻋﺘﻴﻦ ﻧﺎﻳﻤﺔ ؟ !!
ﻓﺮﻛﺖ ﻋﻴﻮﻧﻲ ﻭﺃﺧﺬﺕ ﺟﻨﻄﺘﻲ ' ﺑﺪﻭﻥ ﻣﺎﻫﺘﻢ ﻟﻜﻼﻣﻬﺎ . . . ﺑﻮﺳﺘﻬﺎ ﻣﻦ ﺧﺪﻫﻪ ﻭﺃﻧﻲ ﻣﻄﻔﻴﺔ ﻭﻧﺰﻟﺖ ﻣﻦ ﺍﻟﺨﻂ "
ﻓﺘﺤﺖ ﺍﻟﺒﺎﺏ ﻣﺎﻝ ﺑﻴﺘﻨﺎ ﻭﻃﺒﻴﺖ ﺟﻮﺓ ' ﺳﺪﻳﺘﺔ ﻭﻓﺮﻛﺖ ﻋﻴﻮﻧﻲ ﺃﺭﻳﺪ ﺃﺑﺎﻭﻉ ﻋﺪﻝ !
ﺷﻔﺖ ﻧﻌﻮﻟﺔ ﻭﺷﺤﺎﻃﺎﺕ ﺑﺒﺎﺏ ﺍﻷﺳﺘﻘﺒﺎﻝ ﺍﻟﺰﻏﻴﺮﺓ ' ﻭﻧﺘﺒﻬﺖ ﻋﻠﻰ ﺣﺬﺍﺀ ﺃﺳﻮﺩ ﺟﻠﺪ '
ﻋﺮﻓﺘﺔ ﻫﻮَ . . ﻭﺗﻨﻬﺪﺕ ' ﻳﺎﻭﻝ ﺣﻆ ﻭﻟﻐﺴﻤﺔ ﻭﻟﻨﺼﻴﺐ ﻳﻌﻨﻲ ﺇﻟﺔ ﻫﻮَ ﺍﻟﺨﻄﺎﺍﺍﺭ ؟
ﻳﺎﻭ ' ﺷﮕﺪ ﺟﻨﺖ ﺃﺣﺐ ﺟﻴﺘﺔ ﻟﻬﻨﺎ ﭼﻨﺔ ﺣﻴﻞ ﻣﺜﻞ ﺍﻷﺧﻮﺍﻥ ' ﺃﺗﺬﻛﺮ ﻣﻦ ﭼﺎﻥ ﻣﺮﺍﺕ ﻳﺸﻮﻓﻨﻲ ﺳﻼﺣﺔ ﻫﻪ ﻭﻳﺴﻮﻱ ﺭﻭﺣﺔ ﻳﺼﻮﺏ ﻋﻠﻴﺔ . . ﻟﻮ ﻳﻮﺩﻳﻨﻲ ﻟﻠﻨﻬﺮ ﺍﻟﺼﺎﻳﺮ ﻳﻢ ﺍﻟﺒﺴﺘﺎﻥ ﻭﺭﺍ ﺑﻴﺘﻨﺎ ! ﻭﺃﻫﻠﻲ ﻳﺜﻘﻮﻥ ﺑﻲ ﺛﻘﺔ ﻋﻤﻴﺔ ﻭﻣﺎﻳﺤﭽﻮﻥ . . ' ﻫﻬﻪ ﻟﻮ ﻧﮕﻌﺪ ﺍﻧﻲ ﻭﻣﺆﻣﻦ ﻭﻫﻮَ ﻭﻧﺴﻮﻟﻒ ﻭﻧﻜﺮﺯ ﺣَﺐ ﺃﺑﻴﺾ ' ﻳﺎﺍﺍﻭ ﻭﻟﻠﻪ ﭼﻨﺔ ﻣﺜﻞ ﺍﻷﺧﻮﺍﻥ ﻭﺃﻛﺜﺮ ﻟﻴﺶ ﻫﻴﺞ ﺧﺮﺏ ﻋﻼﻗﺘﻨﺎ ﺍﻷﺧﻮﻳﺔ ﻭﺧﻼﻧﻲ ﺃﻧﻔﺮ ﻣﻨﺔ ﻭﺃﻛﺮﻫﻪ ﻭﺣﺘﻰ ﻣﺎﺳﻠﻢ ﻋﻠﻲ . . ﻟﻴﺶ ﻋﻠﻤﻮﺩ ﻣﺸﺎﻋﺮ ﺃﻭﻝ ﺗﺎﻟﻲ ﺗﺰﻭﻝ ؟ !
•
" ﺍﮔﻠﻚ ﻣُﺘﻴﻴﻴﻢ "
" ﺣﻂ ﺇﻳﺪﺓ ﺑﺤﻠﮕﺔ ﻳﻬﻔﻲ ﻋﻠﻴﻬﻦ ﻋﻠﻤﻮﺩ ﻳﺪﻓﻦ ' ﻭﮔﺎﻝ -:
" ﻫﺎ ﻳﻤﻌﻮﺩﺓ ﻫﺎﺍ ﺷﺘﺮﺩﻳﻦ ﺑﻌﺪ ﻣﻮ ﺣﺘﻤﺮﺽ ﻣﻦ ﻭﺭﺍﺝ "
" ﺑﺮﺑﻚ ﺧﻞِ ﺍﺭﻭﺡ ﺃﻃﺒﺐ ﺭﺟﻠﻲ ﺑﺎﻟﻨﻬﺮ ﻭﻟﻌﺒﺎﺱ ﺑﺲ ﺭﺟﻠﻴﺔ ﻭﻟﻠﻪ ﺑﺲ ﻫﻨﻪ "
ﺑﺎﻭﻋﻠﻲ ﺻﻔﺢ ﻭﮔﺎﻝ ﻭﻫﻮَ ﻋﻴﻮﻧﺔ ﺣﻤﺮﺭﺓ " ﻟﺞ ﻓﻠﻚ ﺃﺳﻮﺩ ' ﻳﺎ ﻏﻀﺐ ﺃﺣﻤﺮ ﺑﻌﺪ ﺑﻌﺪ ﻃﺒﻲ ﺳﺒﺤﻲ ﺑﻠﻨﻬﺮ ﺑﻬﻞ ﺑﺮﺩ !! "
ﻋﻨﻔﺼﺖ ﻭﮔﻠﺖ " ﺧﺎﺏ ﺩﺭﻭﺡ ﻭﻟﻠﻪ ﺣﺮﻭﺡ ﺍﺑﻄﺒﻄﻬﻦ ﺑﺎﻟﻨﻬﺮ "
" ﺑﻄﺒﻄﻴﻬﻦ ﺑﻌﺪ ﺧﺎﻟﺘﺞ ﺍﻟﺸﮕﺮﺓ ﺑﻄﺒﻄﻴﻬﻦ '
ﺭﻓﻊ ﺇﻳﺪﺓ ﻟﻠﺴﻤﺎﺀ ﻭﮔﺎﻝ ' ﺭﺑﻲ ﺷﻬﻞ ﺑﻠﻮﺓ ﻫﺎﻱ ﺷﻮﻛﺖ ﺗﺨﻠﻴﻬﻪ ﺗﻌﻘﻞ ﻣﻮ ﺧﺒﻠﺘﻨﺎ !
ﻧﻮﺏ ﻫﻤﺲ ﺑﺼﻮﺕ ﺳﻤﻌﺘﺔ ﺃﻧﻲ ﺑﺲ ﻏﻠﺴﺖ - ﺧﺒﻠﺘﻨﻲ ﺑﺨﺒﺎﻟﻬﻪ !
ﮔﻠﺖ -: ﺣﺮﻭﺡ ﺃﺑﻄﺒﻄﻬﻦ ﺗﻌﺎﻝ ﺑﻄﺒﻄﻬﻦ ﻭﻳﺎﻱ ﺑﺮﺑﻚ !
ﮔﺎﻝ ﺑﺘﺬﻣﺮ " ﻋﻤﻲ ﺳﺎﻋﺔ ﺍﻟﺴﻮﺩﺓ ﺍﻷﺧﺬﺕ ﺑﻴﻬﻪ ﺍﺟﺎﺯﺓ ﻭﻧﺰﻟﺖ ﻋﻠﻤﻮﺩ ﺃﺟﻴﻜﻢ ! ﺑﺲ ﺷﻨﺴﻮﻱ ﻏﻴﺮ ﻏﺮﻳﺘﻮﻧﻲ ﺑﺎﻟﺪﻭﻟﻠﻤﺔ !
ﺿﺤﻜﺖ ﻭﻫﻮَ ﻫﻢ ﺿﺤﻚ ﻋﻠﻰ ﺿﺤﻜﻲ ' ﻭﺻﺪﮒ ﺳﻮﻳﺘﻬﺎ ﻭﺭﺣﺖ ﺑﻄﺒﻄﺖ ﺭﺟﻠﻲ ﺑﺎﻟﻨﻬﺮ ' ﻭﻫﻮَ ﺑﺎﺭﺩ ﻳﺨﺒﺒﺒﻞ '
•
ﺗﻨﻬﺪﺕ ﻭﻃﺮﺩﺕ ﻫﺎﻱ ﺍﻟﺬﻛﺮﻳﺎﺕ ﺍﻟﺤﻠﻴﻮﺓ ﻣﻦ ﺭﺍﺳﻲ ' ﻭﺭﺣﺖ ﻃﺒﻴﺖ ﺟﻮﺓ ﻣﻦ ﺍﻷﺳﺘﻘﺒﺎﻝ ﺍﻟﺰﻏﻴﺮﺓ ﻷﻥ ﺑﺎﺏ ﺍﻟﻤﻄﺒﺦ ﻣﺴﺪﻭﺩ ' ﻭﻫﻮَ ﺃﺻﻼً ﻋﺪﻧﺎ ﻋﺎﺩﻱ ﻧﻄﺐ ﻫﻴﺞ ﻛﺪﺍﻡ ﻭﻟﺪ ﺧﺎﻟﺘﻲ ﻟﻮ ﺧﺎﻟﻲ . .

٥____٦

#بارت٥

............صفنت اهواي.
احاجز بين ذيج وهاي..
........... ..صفنه اجيب صفنه وراي يتبع رأي.
ولا خيرّ فزع وتوسط الصفنات.
.... .......وكال الراح فدوه والربح بالجاي.
اتاني الناعيه تنعه توالي الليل.
................................واطرب من يون الناي.
كل الناس تضحك صوتهه مسموع.
................... . ........وانه حته النفس بهداي.
احط جدمي اعله كلبي وبالي يم الروج.
..................اخاف اعله النوارس تفز من ممشاي.
ايتراوالي النهر مذبوح..
ينزف والحمام اينوح.
............................. . وجن الدم يواسي الماي.
وتظل مشبوحه وكت النوم.
....................تترجه الجرف والضعن والحداي.
وتنشدهم عيوني وما عرف شتكول.
.....................بس اسمعهم ايردون موش وياي..
مدري أشكالتلهم جن لسبني الصوت.
...................................وانه اكره ذلة الشجاي .
وافز من صفنتي وتعاتب وي الروح.
.....................مدري انه السبب مدري ذنب دنياي



_ولاء:
جهه الشارع مقابل بيتنه واني وره الباب بس طلعت راسي شفته وكأني اول مره اشوفه
متغير
والضاهر اني هم متغيره من القهر شافني وتقرب..

ويتلفت اخاف احد بالشارع
ونرمين باقيه تصفن بوجهي وبوجهه

_نمير.:.. ولاء شلونج

_ولاء.. بصوت همس.. زينه ودنكت سحبت نرمين وبستها يلا نرمين عود مري
ولا تروحين لاايناس خطيه هسه اكيد مقهوره

_نرمين.:.. كافي رح يطلعلج جناحات مال ملائكه أنطمي اروح واصحيها الا اخليها تصحى ع زمانها. يلا باي

رديت الباب واحس الوره الباب راحت روحي من القهر ع نميرالجان ضحتكته ما تفارگ وجهه. هسه حيل متغير

_نرمين...: يله يمعود امشي نمير

_نمير.:.. وكفت واني أعد الدقايق. اني اعرف مموجودين بس البنات بقيت اشمر حصو بلكي تطلع ولاء واشوفهه لأن گلبي صاير جمر ع شوفتهه
لكن انفتح الباب وصارت ورود بوجهي
وتكول.
هاي منو يشمر حصو ولگتني گبالهه
اني ورود دكيت الباب بس ماسمعتو اريد نرمين لا يجي ابوج وانتي تعرفين

_ورود..: أي هسه

_نمير :راحت وطلعت نرمين ووراهه شفت ولاء ايابه شكد متغيره ضعفانه ووجهه مليان فراكيس بحلگهه
مال حراره
شبيهه هيج..
اويلي شيصبرني وافهم شبيهه من نرمين
ردت السلام بهدوء يذبح

بلا ذاك صوتهه العالي
ولا ضحكتهه الجنت متعود أكولها فضحتينه لا أعرفج ولا تعرفيني بالشارع لا تسلمين عليه
من وره شقاج وضحكج

وييين ولاء هسه
وصلنه للبيت ولگينه ابوي يفتر بالصالة

_ابو نبيل..:. ممكن افهم انتم وين جنتو

_نمير :خير يابه رحت وديت نرمين لصديقتهه

_ابو نبيل:... ياصديقه...
بنت ابو عقيل
_نمير.:. أي

_ابو نبيل..: اكلك ليش ما تكفون الشر ما أريد صوتنه يطلع بالمنطقه

_نمير.. وشنو سوينه

_ابو نبيل..: ولك تغشم روحك ماتعرف هذا الرجال يضوج منه ولك السلام كوه يرده ويبقى يستغفر من يشوف اخواتك طالعات وياي
وكأن احنه كفار
واني ما أريد مشاكل مرتين حجاها صراحه ومن زمان لا ادكون بابي ولا الله لا يسير رجليه ع بابكم
شوداهه نرمين شبيج انتي بابا خلونه
بحالنه

_نرمين..:. يابه ابوهه مهنا ورحت اطمأن عليهه مريضه
احنه صديقات معليه بأهلها

_ابو نبيل...: خففي روحاتج منريد مشاكل

_نرمين :أن شالله بابا هي حتتزوج وبعد لا اشوف بيتهم ولا مشاكل

_نمير :سمعته وانقبض گلبي

_نرمين: اعرف نمير يباوع عليه وفهمت يريدني اسولفله لكن التهينه بالعشا وهديل اختي وزوجهه اجه
ونمير راح يجيب احتياجات للبيت
ما لحكت اسولفله واني هم حايره شنو اكوله احجيله الصدوك لو اخفي عنه سالفه خياس
وما اعرف شنو اسوي

بليل اندك الباب وإذا ب حسن اخو إيناس بالباب

رحت.. ها حسن شلونك شتريد

_حسن..: إيناس تسلم عليج وتكول
لويش ماكو حراره بالتلفون مالتكم

_نرمين :اني اصلا ودي اشرب من دمهه حجيت بگلبي.
كلتله اشوف وبعدين اتصل عليهه
رحت لكيت جهال اختي ساحبين الوايرات ومقطوعه الحراره
لكن انشغلت لما كملو عشا ورادت تروح اختي هديل تذكرت اخابر إيناس
ولو مو مال تليفون لكن اشوفهه شتريد وبعدها اروح أو اخليها تجيني وارزلها ولو ما اعرف شأكول لنمير محتاره
اتصلت ع إيناس.
.. مساء الخير
إيناس شلونج شخبارج

_إيناس.: اهلا نرمين شلونج انتي

_نرمين: بخير اجاني حسن أخوج لكن جهال هديل ساحبين الواير و ما بيه حراره. جان التليفون

_إيناس:. أي خابرتج أكثر من مره ومحصلتج

_نرمين.. خير خوما كو شي

_إيناس..: لا لكن حبيت اسالج عن اخبار ولاء انخطبت لولا

_نرمين.. وبداخلي اتمنى اگطعهه
ولويش ما رحتي وفهمتي منهه مو تدرين اني صعب اروحلها.

_إيناس.: مو مشغوله وعندي امتحانات حت الج مكدرت اجي
وهي ماعندهم تليفون
فكلت يجوز سامعه اخبارهه
واني رحت ذاك اليوم
ما أكدر كل يوم اروحلها

_نرمين... أي مو كلتي انخطبت وفرحانه
هسه كم يوم ونسمع بزفتها يجوز

_إيناس..: صدك اي ان شاء الله

_نرمين..: جنج فرحتي انوسه. وبكلبي اكول خيوسه

#بارت٥


ــــــــــــــــــــــــــــ

وصلنا. لبيت جدو. واحنه حالتنا يرثى. لها

اثنينه ميتين بجي ومحبطين

دخلنا وهم الكل مستغرب من شكلنه ومن الساعه. الي جاييين بيها
يعني. مو كلش. متاخر. الوقت. بس. هم.
مو وقت جيتنا

ولاهيج شكلنه من نجي. كل مرا

اجر كشخه ولبس وجهنا يضحك

او نجي بسياره البيت. اولد. عمي واحد. منهم. يوصلني

بس. هسه كلشي. مختلف

ظل الكل يسال شبيكم. وشبيكم

وماما كلش تعبانه

اخذتها بيبي. للغرفه
وانه بقيت بصاله كاعده يم خوالي. اريد اروح وراها. وهم اخاف بقيت واكفه بكاني

واجه. خالي. حظني وكعدني يمه وظل يسالني ونسوانهم وبيبي. هم يمي
شبيكم وشنو. صار،

ابوج تعارك ويه امج.

شنو سوالها

وبيبي. ساعه تروح لماما وساعه ترجع. الي

وانه ابد مافكيت حلگي. بشي.

وبيبي. ظلت تحجي.
اسكت يمه. مبينه. مايتحاج.. الها. سؤال

اكيد. الرجال اتزوج لو رايحين خاطبيله اهله

وهل.اجت. منهارا

لاشنو يمه
شنو تزعل. ومسويتلها مناحه وبتها حالتها. حاله

هذا. حق والحق. ماينزعل منه
هواي صبر. عليها وهم هي ماتريد لبنتها.

اخو
اكعدي وياها وعقليها
مو زغيرا. هي.
عيب. هاي التصرفات

بس يمه. خطيه

مو خطيه كلهم. نفس. الرد

راحت بيبي. وانه هم رحت وياها

واخاف اقترب من ماما

بس اتجرأت. ونمت بحظنها وهي. جانت

كاعده على طرف الجربايه

بس. هي ابد. مالزمتني

وبيبي ظلت تحجي ويه ماما وتصبرها

الله كريم يمه. اجرج عند. ربج جبير

هاي قسمتج.

هم حرام تحرمين الرجال
لاتسوين بنفسج. يمه هيج حرام

باوعت لماما لبيبي
عن شنو. تحجين؟؟؟

عن عزيز

شبيه

غير. مزوج عليج.

لايمه. مو هيج. اايتلفه.

سوده عليه. حتى مسافر

بس صارت مشكله. انه وبيت عيالي

وهي بييي. ظلت دگول. الف الحمد. الله
والشكر

الف. الحمد. والشكر

متاكده يعني. مامزوج عليج

اهو. يمه انه بياحال

وحتى. لاازوج قابل ازعل واعوف بيتي

الله ويفقه

يمه نامي ارتاحي خلي اروح ابشر اخوانج.

خطيه ريجهم. نشف

وانتي يمه نامي

كومي يمه غسلي وجهج.
فدوه. لهل الوجه. الحلو

ظليت. واكفه وعيني. على ماما

هي اشرتلي براسها

بس بزعل

رحت. للحمام. غسلت وانطتني. بيبي تراك.
خفيف

لبسته وهم رجعت. وماما على. حاله

اجيت. وانه اكلها. ماما اسفه. والله مو قصدي

كالت جيبي التلفون

ها
ماكو

نوگا وين التلفون وتحجي هي مخنرزا؟؟؟

يجوز عفته. بلبيت
واحجي وارجف من. الخوف. جانت. كلش حمگانه

لان تعامله يخوف كلش

وينننه؟؟؟؟
ماعرف

كالت عفيه عليج

وانه قبل جم يوم كتلج ديري
بالج على تلفونج

وتالي وياج

شنو الفهاوه الي عندج.

هم. خليتي بغرفه بيبتج. مو
لو. بصاله والرايح والجاي. يقراء. برسايل

مووووو
انه
مدنگه وساكته

ظلت تفتر بلغرفه بس تريد
تضبط نفسها اكثر.

وتستغفر. ربها

هم حاجيه لاحد على الي صار اليوم

هااا

وجعا

اي لرؤيا
شنوو
بس لرؤيا

راسلتني من جنت يم بيبي

اي عفيه
اي

وهنوب

كمت وياكم للمطبخ

ماشاء الله يعني انتي شبيج
ليمته تظلين هيج غبيه

شون تعوفي تلفونج.

جم مرا كتلج. حافظي عليه

. بس الكلام مايفيد وياج.

عفتي التلفون وشافوه
وقراوا كل الحجي
زين ليش ماكتلي انه مو يوميه
اسالج عن يومج.
شنو سويت شنو اخذتوا
شنو صار وياج

وليش ما كلتيلي على هذا السافل

والله ماما خفت منج

ولج شون تضمين عليه هيج موضوع

مو اعرف رده فعلكم
وهاي شفتي بعينج شنو صار
اكيد اسكت ومااحجي

يعني تحجين لرؤيا احسن

خوش حلتلج الموضوع

ولج منين تخافين
مو دائما اكلج احجيلي كلشي انه روحج انه الي مستحيل اضرج لا تامنين بصديقه ولا قريبه
بس بامج تالي كلها
تدري
وانه ياغافلين الكم الله

لا يا حيف التربيه بيج

وهذاالخوف عليج.
ولج تنكسر رگبتي من كد مااباوع
على الساعه انتظر وكتج
ومن يصير الوقت اوكف بلشمس
تسمط. بيه
بس انتظرج
وهاي تالتيها
مشاكل وطلايب وانه اخر من يعلم
وگدام. العالم ولد عمج
هما من غير. شي
مستكثرين عليج الدلال لو شون مهتمين بيج
هنوب هيج يسمعون عليج كلام
اجتهم. من الله
كم مرا اكلج صيري. حذرا
صيري نبهه

......

بس مناه ورايح انه الج

يانوگا اله اطلع هذا.الغباء. منج.
كافي دلال وعطف

اشوف شون بعد.

بس اخليج تلزمينه بعد
حد ما تصيرلج عبره
وتصيرين ذكيه

ودوام بعد. ماكو

انه بس اهز براسي

اجت بييي. جايبه. صينيه العشاء،

يااا. رجا شبيج يمه. على النبيه

ليش. تصيحين. عليها

سكتت. ماما

ورجعت تستغفر.

وبيبي. سحبتني من ايدي وتبوس بيه

ودگلي ياروح بيبتج تعاي. تعشي. مالج شغل. بيها

لا بيبي. مالشتهي

شوفي. سديتي. نفس. البنيه شبيج عليها

والله خطيه. عليج. هيج. تعامليها

طلعت. ماما. راحت هم غسلت

واجن نسوان خوالي وهم.. وجهالهم.

يتوسلون بيها.

تاكل

#بارت٥




تلك الجروح
تلك الاهات
جرح يتجدد لينزف من جديد
لتذرف الدموع ويعتصر القلب ...

ـــــــــــــــــــــــــــــــــــــــــ
ـــــــــــــــــــــــــــــــــــــــــ


مثل كل يوم اروح للصالون لكن بيوم كان مختلف عن كل الايام
جنت دااشتغل ورن تليفون ست سميره

- اي بلي ام سديم كولي عيوني
ضروري تجي؟
تمام
تمام

باوعتلي بحيره كالت
سديم مرت خالج تكول تعالي هسه

-( سالتها باستغراب) صاير شي

- ماعرف كالت هسه خل تجي

- حروح اني ست

- تمام وطمنيني خاف صاير شي وياج
رحت طول الطريق افكر مستغربه شنو الي صار وليش خاف بيها شي عمتي وماقبلت تكلي حتى ماتخليني اقلق خاف صاير شي وي احد من الولد الف فكره اجت براسي والطريق حسيته شطوله حتى لمن يوكف شويه السايق بسبب الازدحام احاجي بنتره
( استعجل الله يخليك) ترافقها تأفف مني للحضات تغيرت كليا وصرت ماطيق شي غير افتهمشنو الشي المهم الي خلاها تكلي اجيها وصلت بعد نفاذ صبر
لكيت نسوان خالي هناك والجهال بالباب
ارتعبت اكثر سألت شصاير؟

شافوني صارو يبجون ميحجون

تكلمت بنتره وبنفاذ صبر متعب
غير احد يفهمنييي

تكلمت عمتي:- يمه لاكين اهلج( وصارت تبجي)
صدمه جانت مو كلمه بس عيوني تفتر تباوع تريد تفتهم تفاصيل ماصدر مني اي ردة فعل
حتى تكلمت مرت خالي ( منار)

- مقبره جماعيه لاكين واهلج من ظمنهم

- وشلون عرفوهم وين لكوهم

- هوية عمج محمد بجيبه وعارفي
يعني اهلج ويا وهسه بالطب العدلي يتعرفون على الهويات

- غرغرت عيوني وبجيت وكلها صارت تبجي وتجدد الحزن وكأنو اليوم ماتو
خوالي راحو يتابعون الموضوع وبقينه ننتظر بعد ايام عارفين هوياتهم شيعوهم من جديد وتخصص لكل واحد منهم قبر
مااعرف بهذه اللحضه
ابجي لان تجدد حزني والمي
لو افرح صار لأهلي قبر حالهم حال الناس
اصعب شعور يمر بي الانسان هو الفقدان
لما تفقد اعز ناسك اهلك
ليا تابوت اباوع
امي!
ابويه!
بيبي!
عمامي!
لمنوووووو؟؟؟؟
كبر بسد كبر صار ومن اروح احير دمعتي على ياقبر تطيح

لمن شفت الجنايز تولد حقد بداخلي على الدكتاتوريه وشلون سياسة حكم ضالمه على الكلمه دمرو حياة عوائل
زين اني شنو ذنبي
امي ابويه بيبي عمامي البقيه شنو ذنبهم
رب العالمين بالقران كال
( ولاتزرو وازرة وزر اخرى)
معقوله ماقرو القران
مايفهمون
مايعرفون
لو ظلم وطاغيه
نهظمت هواي بيومها وحتى مرت ايام للشغل مااروح وللمدرسه اروح حتى مااحظر دروسي ومرات اغيب
بقيت افكر شلون هيج صار منو سوه بيهم هيج
وليش






شكالت ارواحهم من ماتو

قتلوهم وذبوهم لو احياء ودفنوهم
تنفسو تراب ؟

زين امي خاف جانت عطشانه وماتت

خاف جوعانه؟

لا يمكن بالها يمنه تفكر بينه
سألت مرت خالي وحجت التفاصيل.....

امنتكم عدنه كالت عينكم على البنات وراحت
خطيه عبالك جانت تدري حتموت ومترجع بعد

سألتها ليش اخذهم وليش نفذ بيهم هيج جريمه تتجرد منها الانسانيه

صدام كان يحذف اي شخص يحس بي خطر على السياسه

- شلون يعني

- حريص جدا على سياسته ومنصبه لدرجه انه كان يعدم ويقتل اي شخص يحجي عليه او يعترض على سياسته لهسبب قتل هواي ناس بحيث صار ضالم
بفترة حكمه جان اكو احزاب سريه هذه الاحزاب تتفق وتحشد بطريقه مبطنه ضد السياسه والحكم
فلما يدري صدام عنهم يمحيهم هذوله راحو بيها بعد
ياخذو ومو بس هو
لا هو واهله لان يعتبرون كلهم ضد الحكم

-عمو محمد جان ضد الحكم

- عمج جان طالب وبسبب خلاف وي احد الاصدقاء سووله هيج خصوصا وسبق انه خاله جان ضد الحكم شيوعي يعني فلما بلغو عنه بلغو عنهم كلهم انه هم ضد الحكم وعلساس التجمع الشيوعي يصير بيتهم اغلب الاحيان هم مالهم ذنب الله على الظالم

- وشلون عرفت امي انه حيرحون بيها يعني ليش مثلا ما اجت يمكم او نهزمو

- الدوله قبل مو مثل هسه
ميكدرون ينهزمون لان الي يلفيهم يروح بيها هم ميخلص ولاكدرت تجي عدنه من هوياتهم حيعرفون ابوج متزوج ويجيبون امج وانتو واحتمال احنه هم امج بعدتنه وبعدتكم حتى لاتتأذون
جنتو صغار كلش وحرت بيكم بالبدايه جهالي هم صغار وماكدرت اربيكم انتو ثنين واني وحدي وعندي جان حسن ومحسن وكحين مينجرعون خالج هم جان روحه بخشمه ميتحمل حجايه
لهسبب صرتو يوم هنا ويوم هناك
لحد مااجه هذاك اليوم المشؤوم وفقدناها لمريم
دورنه عليها كومه ماكو اختفت لاخلينه مستشفيات لاخلينه دربونه دورنه بكل مكان اختفت وكأنه نفتحت الارض وبلعتها
بقيت يايمه ضميري يأنبني مابين الامانه الي ماحافظت عليها وبين مصير امج
الي خوالج بقو يصيحون اختنه وشرفنه والناس تلوم مترحم
سقط النظام كلنه ايييييي ياالله يافرج الله بلكت يطلعون بلكت بسجن ويبينون تابعنه اخبار السجناء ماكو
بالبدايه صارت فوضى عارمه
الامريكان دخلو بغداد والناس صارت تهوسلهم بالهتافات كل ظنه جايين يخلصونه من الدكتاتوريه لاجل سواد عيونه

#بارت٥




متعوبة جبت عمري شوكت
ارتاح
وياراحه البعدكم شافت
عيوني
عگب ذاك الدلال وگعده
الاحباب
هم ترجع اللمه ويوم
تلفوني

بقلمي✍🏻

.........................

مريم:شنننووو شتحچين ليش ادزينه هسه بهالغروب وشعدچ ويه غدير هسه متوازيه عليههه

عذراء:والله بس ردت منهه حجاب ابيض لان حجابي تعبان وهيه عدهه هواي ودزيته هيه هنا بيتهم موبعيد بس هوه تاخر

مريم:امشي جيبيلي العبايه خلي اشوفه رگضي بسرعه يارب دخيلك وين راح الولد احفضه بعينك الماتنام يارب اجت عذراء لگفت منهه العبايه وطلعت لبيت غدير قريبه هيه بعد عنه كم بيت رحت فلشت عليهم الباب طلعت هيه

غدير:هامريم شكو شبيچ هيچ ادگين الباب صاير شي

مريم:ولچ مهدي اجاكم عذراء دزته عليچ لهسه مااجه

غدير:اي اجانه ذاك جوه يلعب ويه علاوي اخوي تردينه

مريم:يلعب واحنه نهبطنه عليه صيحي اليوم اشلع اذاناته راحت غدير اصيحه الحقير ميبطل هذا الطبع حسره ندزه عله شغله يروح ومايرجع بعد اني اله اجه ويه غدير

مهدي:هامريم شكو شصاير

مريم:متدري شصاير مو دتعال واني اگلك سحبته وطلعنه حته ماسلمت عله لبينه ولك انته وتالي وياك يعني تريد تموتني شبيك يويمه مهبطني دزتك عله شغله شنو تروح تلعب وتبقينه ناكل برواحنه شوكت تكبر

مهدي:اييي شبيچ عوفيني منا الشارع غير هوه علاوي صاحني العب وياه بلي ونسيتكم

مريم:نسيتنه مو الله يطيح حضك هم كلمه هاي نسيتنه شنو امشي فوت وبعد لاتعيدهه والله لو يدري ابوي يموتك امشي
راح يركض تلگته عذراء ها وين لگيتي دايح
_يلعب ويه علاوي وناسينه الشاطر شو هاي لزمي النعال (تكرمون)ورگضي وراه
والله اليوم اكسرك تكسر تعال

_ههههه والله مخبله صوتكم لايسمعكم ابويه دخلت للبيت ابويه ماكو يمكن بغرفته خليني اسوي عشه واروحله صليت وسوينه عشه اني وعذراء واجتمعنه كلنه تعشينه وگعدنه نباوع تلفزيون طالع مسلسل الحقيقه والسراب مصريه شگد احبهه كلما يعيدوهه اباوعهه بقينه گاعدين لل10كلمن راح لفراشه گعدنه الصبح ونفس الروتين الضهر اجه ابوالايجار اطيته الاجار وراح لساعه ب3ونص رحت للعياده مالت الدكتوره اندلهه اني عالشارع مالتنه رحت مشي دخلت العياده فارغه بس الدكتور بغرفتهه دگيت الباب ودخلت عليهه
_السلام عليكم شلونچ دكتوره

الدكتوره:وعليكم السلام اهلا حبيتي تفضلي انتي مريم لگالت عليچ ابتهال رايده شغل

_اي دكتوره وان شاء الله اكون عند حسن ضنچ

الدكتوره:ان شاء الله تفضلي يمي افهمچ طيبعه العمل هوه كلش سهل تنضمين المواعيد وادخلين المراجعين فهمتي عله الشغل بسرعه تعلمت ميرادله شيء اخذت دفتر المراجعه وتليفون الحجز مالت العياده وگعدت بره اكو ميز وكرسي وبلشت شغل لساعه ب8يله خلصنه

الدكتوره:يله مريم هذا مفتاح العياده تجين هنا الساعه ب3ونص تفتحينهه لان ب4يبدون يجون المراجعين وهاي يوميتج تفضلي اطتني 15الف واذا تعرفين اضربين ابر هنا غرفه خاصه تعلمي هم تفيدچ وان شاء الله ايه الرزق

_مشكوره دكتوره ماقصرتي راحت واني قفلت وطلعت وراهه رجعت للبيت بسرعه لگيت عذراء معشيتهم وضامتلي عشه خطيه

عذراء:ها الله يساعدچ شلونه شغلچ اليوم

_لاالحمد لله نعمه ولچ اطتني 15يوميتي واذا اتعلم اضرب ابر هم خير من الله الضربه بألف هم باليوم لوخمس نسوان يضربن اصير 20حته لخياط بعد مااحتاجه

عذراء:الحمد لله يله تعالي ابوچ كلساع يسألني عليچ امشي سلمي عليه.
_دخلت لگيتهم يباوعن تلفزيون ها يابه شلونك مهدي شلونكم اشتاقيتلكم

جاسم:هله هله بنيتي الله يساعدچ يبعد ابوچ شلونچ عله هالتعب

_حبيبي يابه لاتعب ولاشي الحمد لله شغله حلوه ونضيفه وقتهه خوش وقت وخير من الله طلعت لفلوس خليتهن بيده هاك يابه هاي يوميتي 15اطتني

جاسم:وليش اطيتهن الي شواني لااطلع ولااطب وانتي اصرفين عالبيت اخذيهن بويه انتي ام البيت الله يقويچ ويرضه عليچ

_شبگته وبست ايده انته الخير والبركه حجي يله اروح اصلي واتعشه من رخصتك گمت ضميت لفلوس وطبيت سبحت وصليت وتعشيت حضرت هدومي وهدوم مهدي ونمنه ب10لان الصبح دوام
گعدنه من وكت تريگنه ومهدي راح ويه جماعته هاي السنه وحده لان عذراء صارت متوسطه وياي واني وياهه رحنه مرينه عله غدير ونروح كلنه سوه ابوي بقه لوحده ريگته واطيته علاجه وطلعت دوامنه اليوم اول يوم ماكو دروس خلصناهه سوالف لحدما خلص الدوام طلعنه بسرعه بدلت وصليت وسويت غده عدنه مرگه بس سويت تمن ل2خلصنه كلشي نمت ساعه ب3گعدت سبحت وبدلت ورحت للعياده لازم ب3ونص اني هناك
وهيچ مشت الايام تعلمت اضرب ابر وخير من الله يوميتي وفيت ام محمد وجمعت كم فلس اشتريت موبايل من ابتهال شافتلي واحد مستعمل من هذا الحديث بس مابي نت لان غالي ماسويت اليوم يمنه غدير صاحبه عذراء خوش بنيه حبابه

عذراء:مريم تگول غدير ليش ماتاخذون الرمز من جيرانكم

_يمعوده وين ينطو بيت ابو محمود اكبر نحسين

غدير:جيبي تليفونچ واني اروح ماارجع الااجيبه واجي

#بارت٥





شبا ..

جنت واگفه يم امي وعمتي سهام وحده تشنگ بالعجين وحده تخبز اخذتلي خبزة ثلمت من طرفها وعدلت گصيبتي خليتها ع جهة ارد افتح موضوع وخايفه يرزلني

توهم رادن يسخرني بشغله گتلهن بعدني صغيره يگللي بس بالسوالف شاطرة

واني صدگ اريد اكمل واعرف تفاصيل صارت قبلي محد يعاملني معاملة محترمة هنا ويقدرني غير عمه اسيل وبعدها ابو تمار بس ابو تمار يشوفني طفلة حاله حال البقية من عماتي وامي والبنات

بوقت الذكريات طفلة بس من يردن يسخرن لا اني مره جبيره وشابه ومن يردن يحجلي ع الاحتشام وسوالف الدين اطلع مكلفة حتى عباية لبست صح بقناعة لأن طويله وعليه عين ومعروفه بنت السادة ويصير تركيز عليه من المنطقة
باعتبار خواتي عماتي كلنا مبينين من عائلة ملتزمة دينيا ومحتشمة
يعني هسه اني حالي من حالهن

لاتستغربون معاملتهم الي لان هنا اني ب٢٠١٤ عمري ١٢سنة

بس فارضة نفسي بالقوة عليهم ارد ارضي فضولي من هذا العمر التفكير اكلني ارد أحل هوايه الغاز واسماء اعرفها الها دخل بحياتنا بس مجاي اربط بينهم

بالمرحلة الآنه بيها بالمتوسطة البنات يكتبون ذكريات وخواطر عن الصداقة وكل بنيه تسجل ذكرى
وهالامور واني اكتب اهم المواقف الي خلت عماتي يتعلقن بأبويه وبينا الهذال الحد

ومواقف ابو تمار وياهن الي تفوق موقف الولد الأمه ابو تمار ابنهن كلهن وكلهن أمهاته

مااحسه ولد الامي وبس وحياتنا اشوفها تختلف هوايه عن حياة باقي البنات لهذا من أكثر من سنة واني كل فكري ارد اعرف اسرار الماضي الحد قبل فتره يلا گدرت اقنع عمتي تحجيلي وماقصرت بس اريد اسمع من الكل مينطون مجال بمحاولة مني افتح مواضيع وياهن

گلت

..يمه بعد اقل من اسبوع الذكرى العاشرة لأستشهاد أبويه الله يرحمه هم راح يسوي الوالي مجلس تأبيني وثواب مثل كل سنة لو لا

ردت بعد مااترحمت لابويه وهي تعقج وجهه من حرارة التنور وشايله بجفها گرصة الخبز الي تشهي من أيدها الحلوه

..اي يسوي واحنا هم نسوي ثواب وختمة قرآن ومجلس قابل نگطعها بأيام خيرنا بذيج ايامنا الصعبة ماگطعناها

وعمتي ردت بأصرار

.. مادام النفس بينا ذكراه تتجدد وهو طيب ذكره باثره للناس وشجاعته وعامر بوجود ابو تمار مثله وزايد عليه






گلت

.. عمه احجيلي عن ذاك اليوم

صاحت عليه امي

..شبا گومي منا يمه يمته تخلص العطلة وتلتهين بالدراسة شتسوين بالماضي ماما استشهد ابوج وخلص اترحميله اقريله قرآن اتصدقي بالنيابة عنه حتى لو بكلمة طيبة هو هيج جان يكول أعظم الصدقات واسهلها الكلمة الطيبة

گمت مقهورة ماراح يحجن ابد ارجع العمتي اسيل بس دوختها صار ايام بس هي احسن منهم ماملت مني بالعكس جانت تريدني اعرف كل الي صار وترضي فضولي أحسها تريد تجنبي هوايه أمور صارت وياهن أهمها الثقة بالناس

رجعت عليها شفتها تقرأ قرآن

رحت للمطبخ ملتمات البنات و عماتي اعتقد يبقن النهاية العطلة هم يلحكن ع المجلس والذكرى السنوية وهم المدارس متخليهن يجن بفترات متقاربة لأن جهالهن يداومون يبقن فترات طويلة يلا يجن

عمة شيماء واسراء يلفن كبه كميات كبيره يجمدن اعتقد مو مال عشا وريام تجهز حشو الفطائر وميس تجهز الفرن الظاهر اليوم الوجبة تختلف
هسه مؤمل يفرح الفطائر بالذات حصته يسوونها الخاطره لأن حيل يحبهن

مؤمل المفروض اني وياه بنفس المرحلة الدراسية بس هو سبقني وراح تسريع بعد مساعدة ابو تمار اله لأن بيبي وعماتي خافن عليه من العين يكولن نخاف تالي حماسه مثل أبوه

هو ذكي حيل بالدراسة وخارجها هم يفهم ع ابو تمار من نظرة عينه وأبد ماعنده تصرفات الي بعمره عناد المراهقة والأمور هو يعيش هالمرحلة وياه يريدني احترمه واخدمه عشتو لو يموت مي ماانطيه وافرحه بيني وبينه فرق قليل وكوه مكبر نفسه عليه

عاد البنات
ماصدگن اجيتهن سخرني أسبح الجهال وادفيهم وابدل الهم

وهاي من احلى الأعمال عندي لأن تحسسني بشعور اني صرت كبيرة وخالة ومااعرف شنو عليه الاعتماد واحلى شي من اجلف الجهال بليفة اخليهم يحتارون يبجون لو يضحكون تختلط بجيتهم بضحكتهم

فوتت جهال عمه ولاء بالسرة وبعدها بنات عمه شيماء
ومن الحمام شيل و لف بالمنشفة الغرفة بيبي
بيها صوبة

بدلتلهم ونشفت شعرهم ولهنا وانتهت مهمتي وريام كملت تمشيط البنات وعلى صوت دگة الباب وإبراهيم من الباب يصيح ابو تمار

ركضت البس جواريبي والمعاصم والحجاب ثوبي اذا بي گصر وردنه ثلاث ارباع ضروري البسهم يلا اسلم هذا تعليم امي النا من الصغر وأبد ماجبرتنا عليه بس فهمتنا هو الصح ومشينا عليه كلنا

٥__٦

#بارت٥


ليته يعلم اني لا اقوى على فراقه
وإن قلبي يشتاق لقلبه
ليته يعود لأاحكي له مافعله بقلبي الحزين
هل هذا ما تريده ؟
فـ الفرح هجرني واسكنني اليأس
رحيلك وبعدك عني قد اهلك وتين قلبي
تعال ارجوك وزرني حتى لو في المنام
لأطفئ وهج وحميم روحي الذبلان
تعال لأفرش العيون واضلعي لك
واطفي عذابي و حبي المفتون بك
تعال لأڪحل العيون برؤيتك
فقد مزقني هجرك واختفائك
يا روح الروح






ڪفايه :: أنسجن سجاد واسودت الدنيا بعيوني واني مالي احد اهلي بكربلاء واني بلبصره وبيت خالتي شالو ايدهم منا حتى الفلوس الي ضلن من البيت اخذهم خالي صاحب واستجدي منهم الفلس گوه

أريد اعيش جهالي لا واحد ولا اثنين خمسه واحد ابطني متت البيت مو عبالك بيت عبالك سجن صار عليه واول دخولنه بي ما طولنه عشر ايام وانسجن سجاد

كرهت البيت كله واحسه عتبته مو حلوه مااهتميت للبيت غير بس جهالي وهم گوه عليه ضليت بليه روح واني الي ماادري بروحي وين راحت ضلت وي سجاد المااعرف عنه شي

ميت عدل شنو سوو بي شنو وضعه تخبلت اشهر مرت علينه واحنه مانعرف عنه اي شي البيت مليت منه وتواسيل ياله يضلون يباتون وياي

محد يقبل يمشي ويضل يمنه ويعيف مكانه ومنطقته ادمرت نفسيتي ضليت اجي ابات عدهم واعيف بيتي لأن لا اكل لا مصرف مره من المرات اجيت لبيت خالي ابو أمجد ضليت ثلاث ايام

صاحب :: شني بويه مالج نيه ترحين لبيتج راح اضلين هناا روحي شوفي بيتج اشبي مابي

كفايه :: خالي والله مالي خلك للبيت وهم ماعندي مصرف ولا أكل بلبيت

صاحب :: انا هم ماعندي منين اجيبلكم كل العندي اطيتجياه

كفايه :: خالي والفلوس مال سجاد مو خله عندك افلوس البقيه الضلن من البيت

صاحب :: وانتي شني جاي تحاسبيني وين وديت الفلوس مو جاي انطيكم واصرف عليكم

كفايه :: اشتصرف يا خالي هو شو گوه علينه اللگمه والمصرف حتى الجهال يروحون للمدرسه بدون مصرف

صاحب :: دهاج هاي چم فلس ودبري بيهن حالج وروحي لبيتج شوفي لو راح اضلون هناا

كفايه :: محد يقبل يروح وياي واني كارهه البيت احس الحيطان تاكلني والمنطقه تخوف والامن يفتر علينه واخاف كلشي يصير

صاحب :: مايصير شي توكلي على الله وروحي هسه احاجي واحد من الولد ياخذج ويضل وياج
ميثم روح وي مرت اخوك وبات وياهم

ميثم :: انا مااروح ولا ابات وياهم عدي دوام وما الحگ اطلع من عدهم واروح للكليه شوف قصي

صاحب :: هو وينه خـ،،، هسه تلگا ساكن بيت سيد جاسم وشيجيبه

ميثم :: ماادري بي وين انا شوفوو انتم وين انا شلي غرض بيكم

كفايه :: بلتواسييل والشلا؏ الگلب اجه قصي واخذنا ورحت دخلت البيت عساي مادخلت لگيت البيت مگلوب گلاب منفوش نفش

الغراض العندي كلهن مبيوگاات من ضمنهم تراجي ذهب مالات أمآني وذكريات جبتهن الهم من ايران هم ماكو

السگف جان شيلمان وفوگ الشيلمان قسم جينكو وقسم خوص السگف كله مشيول والشيلمان ماكو عاد هنا بعد ضبطت وكلها التمت عليه

شتا وبارده الدنيا وبوكتها ماصارلي هواي من والده جديد اتبهذلت اتبهذل اني والجهال

سوه عليه فضل خالي نقل غراضنه المتبقيه الهم وجابنه يمهم بغرفه عدل البيت وأجره وافلوس الإيجار اله الحمدلله

يسوي عليه فضل وينطيني مصرف بسيط كلش وكونه مسوي علينه فضل امسكنه بغرفه من بيته

نقلنه حميد واماني من المدرسه وجبناهم لمدرستهم القديمه قريبه علينه بس مدرسه أمآني بعيده عليها وتروح وتجي مشي

اما طفلي طلع هزيل ضعيف من سوء التغذيه الي صارتلي والهم الي غير حياتي ودمرها والحاله النفسيه الزفت حتى بلرضاعه مايشبع هذا الولد هم شبع ضيم وياي من صغره

مر على سجن سجاد ست اشهر ولهسه مانعرف عنه شي فقدنه الأمل منه بأنو عايش ماخلينه سجن بلبصره ما دورنا و سألنه علي

أمجد بصفحه وخالي بصفحه وخالتي هم تروح وتسأل علي متت قهر تخبلت صرت چني امسودنه واحتاريت اشلون اكمل حياتي بدونه وهو روحي الماتفارگني

ماخليت صلاة ماصليتها ماكو ختمه ماسويتها وقراءة القرآن في سبيل احصل معلومه ولو صغيره منه

بيوم رحت للسوگ ابيع الحليب مال الاطفال الي يوزعوه بلوجبه لان ماينشرب واشتري بداله حليب غيره زين لأبني رضا حتى يرضع لان حليب صدري نشف بعد ومايشبع

المهم سمعت مره تگول الي يروح كل سبت لـ للسيد عبدالله بن علي ينطي مراده بلأيد
هذا مكان بلعشار اشلون الخطوه اصغيره راجع نسله للايمه

اني بوكتها اچلب بگشايه ترجعلي الأمل ولو جزء بسيط سويت كلشي بقت على هاي هسه گلت خلي اجرب وبفضل الله خير

الي يداوم علي كل سبت وسبع اسبوتات ينطي مراده ويحصله يگولون مجرب گلت خلي اجرب ماراح اخسر شي گلت لخالتي وخالي وهم زين ما رفضوا

گالو روحي بس مو لوحدج
رحت واخذ وياي احمواتي الي هنه بنات خالتي وسناء ونورس وهم مرت عادل هم ملت تريد رجلها يرجع صار على سفره خارج العراق سنتين ونص

٥_٦

#بارت٥
____

يَ بَعد أسّمي ، وبَعد كل سالفة بـ روحي 🤎.

__

خضر... والك شناوي علي

هارون... اول شي اريدك تساعدني بكلشي خضر ولا ترفض والك اريد انام مرتاح وماتجيني كوابيس اريد اغمض وما الف فكره براسي

خضر.. للموت وياك عضيدي انته كلي شناوي

هارون... اريد ..... بنته

خضر.. شنوو شتكول هارون تخبلت انته

هارون.. وهوه يتلفت ويحجي بهدؤ.. والك فضحتنه على كيفك

خضر... شعلى كيفي هاذ حجي بنته شعليهه

هارون.. جا شلون احرك گلبه هيه عزيزه علي من زمان

خضر.. هارون خطيه البنيه والله مالهه ذنب

هارون... اذا ماساعدني ارجع للبيت ماحتاجك

خضر.. وهوه يتنهد.. خلص وياك بس هاا ماتئذيهه خوش

هارون. بتسم ورفع حاجبه وحجه.. لااا شلون جؤ لا تخاف

خضر.. والله شكلك ياهارون

خزامي.. طلعت من العياده واجا حازم اخذني وهوه يسئل

اي. شلونهه ورده (يقصد خزامي يسميها ورده)

خزامي.. بتسمت وهيه تباوعله.. الحمدلله ليمته اجيت من الدوام مشتاقلك

حازم.. هسه وصلت ومريت عليج..

خزامي.. حبيبي تعبتك وياي

حازم.. لا شنو سالفه . اي منو جان يوصلج للبيت

خزامي.. يجيبني عمو حسين وبل رجعه ويه خالي ارجع

(الدكتور خالهه)

حازم.. اهاا .. وكف سيارته وحجه.. يالله نزلي وصلنه

خزامي... نزلت من السياره ودگيت الجرس مال البيت وطلعت امي بوستهه وحجيت
هلا بست الحبايب.. شوفي منو اجه(وهيه تباوع الحازم الفات للبيت وهوه يبتسم الامه)

زهرا.. هلا يمه هلا بحبيب گلبي

حازم. اجه ايمهه وباس راسهه وائيدهه وحجه... هلا بيج ام حازم

زهرا.. يابعد حيلي تعال فوت ابوك بل صاله گاعد

حازم.. نشالله يمه.... وراح للصاله وخزامي ورا تمشي وهيه فرحانه بجيته سلم على ابو وكال

شلونك يابه.. وباس ايده..

بدر.. بتكبر.. هلا هلابيك ياسبع

خزامي.. وهيه تمثل الزعل وتبرطم بطفوليه.. اااي اجه حازم بعد خزامي محد يريدهه

بدر.. ههههه لااا شلون انتي العقل والراي

خزامي.. اجت علي وباسته بخده وحجت.. تسلملي ياروحي

رحت ويه ماما اساعدهه بل عشه وحضرته بل صاله واجو بابا وحازم يتعشون واحلا لمه وضحك مادري بعد مده شضامتلي الدنيا

روح.. صار يومين وهارون وخضر بغداد وامي كل شوي وتبجي ماعرفنه شنو صاير وهارون يخابرهه وترفضه الي عرفنا هيه وهارون صاير شي بينهم

ماما شبيج من اجيتو من بغداد وانتي بس تبجين صاير

بدريه.. ماصاير شي بس ضايجه مدري شبيه

روح.. هسه اسويلج جو يخبل واغنيلج احلا اغنيه من القديمات التحبينهم

بدريه... اي والله مشتاقه الصوتج

وبدت روح تغني بصوت حنون

لعيونك يهزني الشوك
اضوي شموع للملكه
يمر طيفك يناغيني
وصيحن حيل وبحركه
تعال هواك مرمرنه
يلجيتك عيد النه
تعذبني ليلي جفاك
يلوعني وضل اهواك

بدريه.. تسمع الروح وتبجي بلزايد

روح. سكتت وهيه تباوع الامهه وحجت.. يمه شبيج فدوه والله موتيني بهاي دموعج

بدريه.. رفعت راسهه للسكف وحجت بغصه... ءااااخ ياخالد وينك وين عفتني ورحت كون موجود جا ماصار الهارون هيج

روح. وهيه تحضنهه. والدمعه بعينهه... ماما كافي فدوه

فاتت سالي وهيه تباوع مستغربه وحجت.. شكو شبيجن صاير شي

روح.. مسحت دموعه وحجت.. لا ماكو بس امج شتاقت للحجي ههه

بدريه.. هوه يمر يوم وماشتاقله

سالي.. يمممه شهل حب يربييي هم هيج احب جويسم اااخ والك جويسم وينك تره صحرت وطكني جفاف

روح.. ههههه

بدريه وهيه تضحك.. ههه ياا والج شوانتي صايره فرد نوب

سالي.. شكلت اني هههه

روح.. حضرت الغده واجو الوالد من شغلهم وعبد الحي عد بيت عمي كملت الغده وغسلت المواعين ورحت الغرفتي سالي ماكو تلعب بلي بل صاله يربي هل بنيه كل انوثه ماعدهه سوالفهه مال والد حته ملابسهه تلبس بنطلون من عدهه و تيشيرتات هارون وهيه ناعمه وكصيره تغرك بي وماتعوف شعرهه يطول وتلعب طوبه ودومنه يعني بختصار هيه نوع واني نوع هههه اني احب اهتم بنفسي واحتار بملابسي من اريد اطلع وحتهة بل بيت لبسي حلو ومحتشم تمددت على الجربايه وتليفوني بيدي اجه على بالي الجندي الي شفته يم الكليه سرحت بفكاري واني افكر بي شكد شخصيه وحلو بتسمت ودخلت عل فيس اذكرت اسمه حازم ولقبه هم لن صديقه گله انتم الساده ال.... ي نار كتبته بل بحث حازم ال.... ي وطلعو هواي باوعت طلع اول واحد ضحكت بفرحه فتت على صفحته جان ناشر صوره هواي بدشداشه وبملابس عسكريه عرفت هوه بل حشد الشعبي اباوع بصوره واني مبتسمه واكل بضافيري وندك الباب فزيت بسرعه وحجيت

منو

يوشع.. اني يوشع

كمت. لبست حجابي وطلعت.. هاا يوشع رايد شي

يوشع.. لا سلامتج بس امي تريدج جوه