IX Kavkaz xalqaro matematika olimpiadasida ishtirok etgan O‘zbekiston terma jamoasi a'zolari Toshkent xalqaro aeroportida kutib olindi.

Eslatib o‘tamiz 🇺🇿 O‘zbekiston terma jamoasi 11-16-mart kunlari Adigeya Respublikasida o'tkazilgan IX Kavkaz xalqaro matematika olimpiadasida 1-oltin, 1-kumush va 2-bronza medallarini qo‘lga kiritdi.

Barchani ushbu g‘alaba bilan ishtirokchilarni hamda ularning ustoz va ota-onalarini yana bir bor muborakbod etamiz!

⏺ olympiad.uzedu.uz
🚀 Telegram | 🎬Youtube | 🔵Facebook | 📷Instagram

Nufuzli xalqaro olimpiadalarga saralashning III bosqichiga start berildi.

Saralashning yakuniy bosqichi Matematika va Fizika fanlaridan 19-20-mart kunlari📍Toshkent viloyati pedagoglarni yangi metodikalarga o‘rgatish milliy markazida tashkil etilmoqda.

Matematikadan ishtirokchilarga 2 kun davomida yozma ish uchun 3 tadan masala berilib, har bir masala 7 balldan, barcha masalalar umumiy 42 ball bilan baholanadi. Masalalarni yechish uchun ishtirokchilarga har kuni 4,5 soatdan vaqt beriladi.

Fizikadan esa ishtirokchilarga birinchi kuni yozma ish uchun 3 ta topshiriq beriladi, har bir topshiriq 10 balldan, umumiy 30 ball bilan baholanadi, topshiriqlarni bajarish uchun 4 soat vaqt ajratiladi. Ikkinchi kun esa ishtirokchilarga amaliy ish topshirig‘i beriladi, 20 ball bilan baholanadi, 3 soat vaqt ajratiladi.

Eslatib o‘tamiz, matematika fanidan eng yaxshi natija qayd etgan 6 nafar o‘quvchilar nufuzli xalqaro olimpiadalarda ishtirok etadigan O‘zbekiston terma jamoasi tarkibiga qabul qilinadi hamda ular joriy yilning 11-22-iyul kunlari Buyuk Britaniyada o’tkaziladigan nufuzli xalqaro matematika olimpiadasida (IMO) ishtirok etadi.

Shuningdek, mazkur terma jamoa nufuzli xalqaro olimpiadaga tayyorgarlikni sinovdan o’tkazish, o’quvchilarni psixologik tayyorlab borish hamda tajriba orttirish maqsadida Bolqon matematika olimpiadasida ham ishtirok etadi. (Bolqon matematika olimpiadasida O’zbekiston terma jamoasi 2023-yildan boshlab to’liq tarkibda ishtirok etishi yo’lga qo’yilgan)

Fizika fanidan saralash olimpiadasiga natijalariga ko’ra dastlabki 8 nafar o‘quvchilar joriy yilning 3-10-iyun kunlari Malayziyada o‘tkaziladigan 24-Osiyo fizika olimpiadasi (APhO)da qatnashadi. Mazkur mintaqaviy xalqaro olimpiada natijasiga ko‘ra yuqori ball to‘plagan 5 nafar o‘quvchilar terma jamoa tarkibiga kiritiladi hamda ular 21-29-iyul kunlari Eron davlatida o’tkaziladigan nufuzli xalqaro fizika olimpiadasi (IPhO)da ishtirok etadi.

⏺ olympiad.uzedu.uz
🚀 Telegram | 🎬Youtube | 🔵Facebook | 📷Instagram

Matematika va Fizika fanlaridan nufuzli xalqaro olimpiadalarga saralashning III bosqichining ikkinchi tur jarayonlariga start berildi.

Jarayonlarni quyidagi havolalar orqali kirib kuzatishingiz mumkin.
Matematikadan👉 @jonliefirfizmat
Fizikadan👉https://meet.google.com/jed-jjrp-bis

⏺ olympiad.uzedu.uz
🚀 Telegram | 🎬Youtube | 🔵Facebook | 📷Instagram