📣 Xalqaro fizika olimpiadalarga tayyorgarlik guruhlariga qabul boshlandi!

Kanalimiz obunachilari, Sizlardan kelib tushgan ko'plab murojaatlar asosida fizika fanidan xalqaro va respublika olimpiadalariga tayyorlov uchun yangi guruhlarni ochmoqdamiz.

Bizning asosiy maqsadimiz — yashirin iqtidorlarni kashf etish, ularga chuqur bilim berish va xalqaro maydonlarda Vatanimiz bayrog‘ini baland ko‘taradigan yoshlarni tarbiyalash!🥇✨

O‘z bilim darajangiz va yoshingizga mos keladigan quyidagi guruhlardan birini tanlang:

🌱 "Fundamental" guruhi (6-7-8-sinflar):
Kimlar uchun: Fizika olamiga ilk qadamini qo‘yayotgan, fan asoslarini noldan boshlab mukammal o‘rganishni istagan yosh iqtidorlar uchun.
Maqsad: Fizikaga bo‘lgan qiziqishni uyg‘otish va kelgusi olimpiadalarda qatnashish uchun mustahkam poydevor yaratish.

↗️ "Progress" guruhi (8-9-sinflar):
Kimlar uchun: Fizika va matematika fanlarini yaxshi o‘zlashtirgan, bilimi MS dan B+ va undan yuqori bo‘lgan o‘quvchilar uchun.
Maqsad: O‘quvchilarni olimpiada masalalariga yo‘naltirish, mantiqiy fikrlash va murakkab masalalarni yechish ko‘nikmalarini shakllantirish.

🏆 "Elite" professional olimpiada guruhi (9-10-11-sinflar):
Kimlar uchun: Fizika fanidan tuman, shahar bosqichlari hamda o‘tgan yilgi xalqaro olimpiada saralashlarida qatnashgan o'quvchilar uchun.
Maqsad: FIPhO, IZhO, APhO va IPhO kabi nufuzli xalqaro hamda respublika olimpiadalarida yuqori o‘rinlar uchun qattiq va tizimli tayyorgarlik ko‘rish.

💡 Ta’lim formati va manzili: Darslarimiz ham offline, ham online tarzda olib boriladi (Eslatma: Online guruh uchun yetarli miqdorda o‘quvchi yig‘ilishi talab etiladi).
📍 Offline darslar manzili: Toshkent shahri, Olmazor ixtisoslashtirilgan maktabida tashkil etiladi.

⚠️ Shoshiling, joylar soni cheklangan! Darslarimiz avgust oyidan boshlanadi!

📞 Murojaat uchun: @khasanov_ou

@okphysics

📣 Al-Farg‘oniy xalqaro fizika olimpiadasi: Saralash va jamoalar haqida muhim tafsilotlar!

Aziz fizika ixlosmandlari, oldimizda turgan Al-Farg‘oniy nomidagi xalqaro fizika olimpiadasi (FIPhO 2026) uchun milliy terma jamoaga nomzodlarni saralash bosqichi boshlanishiga ham sanoqli kunlar qolmoqda.

‼️ Bu yilgi olimpiadada mamlakatimiz sharafini har qachongidan ham kengroq tarkibda — jami 4 ta jamoa himoya qilishi rejalashtirilmoqda. Har bir jamoada 5 nafardan iqtidorli o‘quvchi ishtirok etishini hisobga olsak, umumiy hisobda O‘zbekiston nomidan AL-Farg'oniy xalqaro fizika olimpiadasida 20 nafar yosh fiziklarimiz o‘z bilimini sinovdan o‘tkazadi.

⚠️ Asosiy ma’lumot: FIPhO 2026 xalqaro fizika olimpiadasining saralash bosqichi sentyabr oyining birinchi yarmida o‘tkazilishi kutilmoqda.

📄 Saralashda kimlar ishtirok eta oladi?

1️⃣ 2025–2026-o‘quv yilida o‘tkazilgan Xalqaro fizika olimpiadasiga (IPhO) saralashning birinchi bosqichida yuqori natijalarni qayd etib, 1–25-o‘rinlarni egallagan umumiy o‘rta ta’lim maktablarining 8–10-sinf, akademik litsey va kasb-hunar maktablarining 1-bosqich o‘quvchilari.

2️⃣ 2025–2026-o‘quv yilida o‘tkazilgan asosiy fan olimpiadasining hududiy bosqichida fizika fanidan 1-, 2-, 3-o‘rinlarni egallagan 9–10-sinf o‘quvchilari.

3️⃣ 2025–2026-o‘quv yilida Agentlik tizimidagi maktablar o‘quvchilari orasida o‘tkazilgan STEM olimpiadasining respublika bosqichida fizika fanidan 8–9–10-sinf o‘quvchilari orasida yuqori natija qayd etgan har bir sinfdan 10 nafardan o‘quvchilar.

💪 Qadrli ishtirokchilar!
Oldinda turgan saralash bosqichi — xalqaro maydonda Vatanimiz bayrog‘ini baland ko‘tarish yo‘lidagi ilk va muhim qadamdir. Har bir muvaffaqiyat ortida tinimsiz mehnat va qat’iyat turishini unutmagan holda, bor salohiyatingizni to‘liq ko‘rsating. Barchaga saralashda omad va muvaffaqiyat tilayman! 🚀✨

@okphysics

📣 Al-Farg‘oniy xalqaro fizika olimpiadasi (FIPhO 2026): saralash bosqichi natijalari!

Xabaringiz bor, joriy yilning 10–17-oktyabr kunlari qadimiy Samarqand shahrida Al-Farg‘oniy nomidagi xalqaro fizika olimpiadasi (FIPhO 2026) bo‘lib o‘tadi. Mazkur nufuzli musobaqaning milliy terma jamoasiga nomzodlarni saralash bosqichi yakuniy natijalari e'lon qilindi.

🔥 Quvonarlisi shundaki, respublika bo‘yicha saralashdan muvaffaqiyatli o‘tgan 20 nafar nomzodning naq 10 nafari mening o‘quvchilarim!

Ushbu saralash sinovlaridan muvaffaqiyatli o‘tgan barcha yosh fiziklarimizni tabriklayman! Ammo bu hali yakun emas.
Bu — yanada katta marralar sari navbatdagi qadam. 🚀

Mehnat davom etadi. Maqsad esa bitta — O‘zbekiston sharafini xalqaro maydonda munosib himoya qilish! 🇺🇿🏆

@okphysics

Fiztex olimpiadasiga ro’yxatdan o’tish boshlandi!

📣 Olimpiada gʻoliblari MIPT da oʻqish uchun 100 foiz grantni qoʻlga kiritishadi.

🔝 MIPT universiteti dunyoda Matematika va Fizika bo’yicha Top 100 talikda turadi.

⌛ Olimpiada Matematika va Fizika fanlaridan boʻladi va qatnashish mutlaqo bepul!

▶️ Saralash bosqichi 1-tur 11-oktabr Moskva vaqti bilan 10:00 da boshlanadi.

🔄 Olimpiada 9-11 sinf oʻquvchilari uchun.

Batafsil maʼlumot va roʻyxatdan oʻtish:
➡️ https://olymp-online.mipt.ru/

Ma’lumot uchun: o'zim ham shu olimpiada orqali MIPT universitetiga o'qishga kirib, 4 yil davomida tahsil olganman. Bu yo'lni o'zim bosib o'tganim uchun ishonch bilan ayta olamanki, barchasining imkoni bor. Imkoniyatni qo'ldan boy bermang, balki keyingi yili siz ham dunyoning ushbu nufuzli oliygohida talaba bo'larsiz. Hoziroq ro'yxatdan o'ting va o'z kuchingizni sinang!

@okphysics