📣 ISPhO — Xalqaro Ilmiy Fizika Olimpiadasi!

Aziz "OK Physics" obunachilari! Fizika olamidagi muhim olimpiadalardan biri bo‘lgan ISPhO (International Science Physics Olympiad) haqida batafsil ma’lumot beraman.

Xalqaro Ilmiy Fizika Olimpiadasi — bu fizika fanidan har yili tashkil etiladigan xalqaro olimpiada bo‘lib, u 2023-yildan buyon Rossiyaning MIPT instituti (QS reytingi bo‘yicha fizika yo‘nalishida dunyoning top-50 taligiga kiradi) tomonidan o‘tkazib kelinmoqda.

🗓 Joriy yilda ushbu olimpiada (ISPhO-2026) to‘rtinchi marta tashkil etilmoqda. Musobaqa 2026-yilning 21–30-iyun kunlari bo‘lib o‘tmoqda. 2026-yilgi olimpiada to‘liq onlayn formatda tashkil etildi.

✍️ Olimpiada formati

Nazariy imtihon: 3 ta masaladan iborat; ulardan biri kompyuter modellash elementlarini o‘z ichiga oladi (maxsus dasturlash ko‘nikmasi talab qilinmaydi).

Eksperimental imtihon: Maxsus dastur yordamida ilmiy asbob-uskunalar simulyatsiyasi va tajriba ma’lumotlarini qayta ishlash jarayonini qamrab oladi.

Syllabus: Olimpiada dasturi Osiyo Fizika Olimpiadasi (APhO) talablariga moslashtirilgan.

⁉️ Ishtirok etish shartlari va ahamiyati

Tarkib: Har bir davlatdan 5 nafar ishtirokchi qatnashadi.

O‘zbekiston jamoasi: O‘zbekistondan odatda rasmiy IPhO ga yo‘llanma olgan jamoa qatnashadi.

Indikator: ISPhO darajasi ko‘pincha IPhO dan qiyinroq hisoblanadi, shuning uchun bu olimpiada o‘quvchilarning darajasini ko‘rsatuvchi muhim indikator sanaladi. Uning natijalariga qarab, IPhO dagi natijalarni oldindan taxmin qilish mumkin.

Yosh chegarasi: 20 yoshdan kichik bo‘lishi kerak.

🌐 Batafsil ma’lumot: ispho.mipt.ru

📣 ISPhO 2026: O‘zbekiston terma jamoasi natijalari! 🇺🇿

🗓 21–30-iyun kunlari bo‘lib o‘tgan Xalqaro Ilmiy Fizika Olimpiadasi (ISPhO 2026) o‘z nihoyasiga yetdi.

🔥 Bu yilgi musobaqa juda yuqori raqobat ostida o‘tdi — unda dunyoning 20 tadan ko‘p davlatidan eng iqtidorli yoshlar ishtirok etishdi.

📝 Olimpiada formati bo‘yicha nazariy imtihon 30 ball, eksperimental imtihon 20 ball, jami esa 50 ball asosida baholandi. Apellyatsiya jarayonlari yakunlanib, o‘quvchilarimizning umumiy natijalari tasdiqlandi.

📊 Medal ballari va rasmiy taqdirlash: Medal chegaraviy ballari va rasmiy natijalar kanalda yaqin orada e’lon qilinadi. Kanalimizni kuzatishda davom eting!

💬 Sizningcha, bu yil medal ballari qaysi chegaralarda bo‘ladi? O‘z taxminlaringizni izohlarda yozib qoldiring! 👇

Bu yilgi olimpiadada O‘zbekiston terma jamoasi o‘z tarixidagi eng yaxshi natijani qayd etdi!))) 🚀✨

📣 ISPhO 2026: Tarixiy natija!

ISPhO 2026 xalqaro olimpiadasi o‘z nihoyasiga yetdi.
Bu yilgi olimpiadada O‘zbekiston terma jamoasi o‘z tarixidagi eng yaxshi natijani qayd etdi! 🚀✨

🏆 Bizning natijalar:
🥈 3 ta kumush
🥉 2 ta bronza

📊 Medal ballari (Cut-offs):
Bronza — 18.56 ball 🥉
Kumush — 27.65 ball 🥈
Oltin — 36.72 ball 🥇

Jamoamizning ushbu muvaffaqiyati bilan barcha o‘quvchilarni chin dildan tabriklayman! 👏

Sizlar bilan bir yarim yil davomida olib borgan tinimsiz, tizimli va mashaqqatli mehnatlarimiz o‘zining munosib samarasini ko‘rsatmoqda. Bu muvaffaqiyat — shunchaki raqamlar emas, balki kechalari uxlamay yechilgan masalalar, murakkab nazariyalar ustidagi izlanishlar va har birimizning umumiy maqsad sari qo‘ygan qadamlarimizning natijasidir.

Oldinda bizni nufuzli IPhO 2026 olimpiadasi kutib turibdi. Ishonchim komilki, yigitlarimiz u yerda ham yuqori marralarni zabt etib, O‘zbekiston sharafini munosib himoya qilishadi! 💪

@okphysics

📣 IPhO 2026: Tarixiy natija! ⚛️🇺🇿

IPhO 2026 xalqaro fizika olimpiadasida o‘quvchilarim haqiqatan ham super natijalarni qayd etib, O‘zbekiston fizika maktabi tarixida yangi sahifa ochishdi! 🚀✨

📊 Rasmiy natijalar yaqin soatlar ichida kanalda e’lon qilinadi.

Bizdan uzoqlashmang, eng muhim va quvonchli xabarlarni birinchilardan bo‘lib kuzatib boring! 🔔

@okphysics

📣 IPhO 2026: O‘zbekiston terma jamoasi o‘z tarixidagi eng yaxshi natijani qayd etdi! 🚀✨

Bu yilgi Xalqaro Fizika Olimpiadasi (IPhO) terma jamoamiz uchun mutlaqo yangi darajani ochib berdi. Biz nafaqat tarixiy rekordimizni yangiladik, balki eng muhimi — IPhO sahnasida ilk bor nafaqat bitta, balki ikkita Kumush medalni qo‘lga kiritib, fizika olamidagi o‘rnimizni yangi bosqichga olib chiqdik! 🥈

🏆 Bizning natijalar:
🥈 2 ta kumush
🥉 2 ta bronza
🤩 1 ta HM

Jamoamizning ushbu muvaffaqiyati bilan barcha o‘quvchilarni va ularning ota-onalarini chin dildan tabriklayman! Har bir o‘quvchimning erishgan natijasi — men uchun katta faxr.

Ma’lumot uchun: O‘zbekiston terma jamoasi 2025-yilgi Xalqaro Fizika Olimpiadasida (IPhO 2025) jami 2 ta bronza 🥉 va 3 ta HM 🤩 ni qo‘lga kiritgan edi.

Eslatma: Ushbu nufuzli xalqaro olimpiada sovrindorlari uchun belgilangan davlat mukofotlari quyidagicha:

1-oʻrin uchun: 🥇
➖ oʻquvchilarga — 1 mlrd 100 mln soʻm (2 ming 500 baravar);

2-oʻrin uchun: 🥈
➖ oʻquvchilarga — 660 mln soʻm (1 ming 500 baravar);

3-oʻrin uchun: 🥉
➖ oʻquvchilarga — 440 mln soʻm (1 ming baravar).

@okphysics

Tarixiy, ammo biroz "alamli" g‘alaba... 💔

Bu yilgi IPhO 2026 natijalarimiz shubhasiz tarixiy bo‘ldi. Ammo, tan olish kerak, bu muvaffaqiyatning o‘ziga xos "alamli" lahzalari ham bo'ldi.

Yaqin-yaqingacha biz hakamlar hay’ati (jury meeting) yakunini katta hayajon bilan kutardik. U paytlar biz uchun eng katta maqsad bronza medal bo‘lgan, kumush yoki oltin haqida orzu qilishga ham jur’atimiz yetmasdi... 🥹

Ammo bu safar hammasi boshqacha edi.
Bu gal bizga bronza chegarasi qiziq emasdi. Hatto kumushning oxiri ham nazarimizga tushmadi. Bizning butun diqqat-e’tiborimiz va intilishimiz faqat Oltin medal chegarasida edi.

Afsuski, o‘quvchim Jumanazarov Asilbekka o‘sha oltin medal uchun atigi 0.5 ball yetmay qoldi. Bu juda kichik raqam, lekin uning ortida qancha mehnat va umid yotganini faqat biz bilamiz.

Lekin, bu mag‘lubiyat emas — bu bizning yangi bosqichga ko‘tarilganimizdan dalolat!

Eng muhimi: Kumush medal sohibi bo‘lgan iqtidorli o‘quvchilarim hali 10-sinf. Bizdagi bu shijoat, bu ishtiyoq va mehnatkashlik hech qayerga ketmaydi.

In Shaa Alloh, IPhO 2027 da biz o‘sha Oltinni baribir olamiz! Birgalikda, yanada kuchliroq bo‘lib qaytamiz! 🥇🚀

Bizni qo‘llab-quvvatlayotgan barchaga rahmat. Tarixni birgalikda yozishda davom etamiz!

@okphysics