Менің әлемімді түсінетін өзім сияқты шығармашыл жапырақтарға жаңа оқырман легі қосылып жатыр екен. Қош келдіңіздер!!!

Жақсыны бөліспекке дейді, бірақ кісі ақысын ұмытпасаңыздар. Бір-екі жерден жазбаларымды, өлеңдерімді өз жазбасындай етіп салып жатқан жандарды көріп қалдым. Арнаны белгілемесеңіздер де, авторын түртіп қойыңыздар🙏🏻 Барлығымыз есептесетін күні алдарыңызға кеп тұрмайын… (астарын түсінсеңіздер)

#UN_notes

“у тебя есть ты. твои мечты. твои планы. твои цели. твоя вера в себя. твоя любовь к себе и своему делу. этого достаточно. остальное будет. дай только этому время.”

Адам, шіркін, сағынады екен-ау,
“Сағындым”,- деп бір айта алмай…
#UN_notes

Барлығы өткінші екенін, алдамшы екенін суық санаммен білсем де, жүрегіммен түйсіне алмай шаршадым.

#UN_notes

Кейде ештеңе сезінбейтін, сезбейтін жаратылыстарға қызығып қараймын…
#UN_notes

Көлікке отырғанда жүргізушіге толықтай сенім артып, көп жағдайда қапысыз, қамсыз күйге енеміз. Кейде тіпті ұйықтап та кетеміз.

Жүргізуші кез-келген сәтте қателікке бой алдыра алатын пенде ғой, көлік те тозатын жай ғана темір. Осыларға тәуекел еткен жүрегіміз неге бір де бір міні жоқ Оған тәуекел етпейді, м?

#UN_notes

Не Құдайы әмір етпей, не тағдырына жазылмай, адам бейбақ қанша тырысқанымен, бұйрықтың алдында дәрменсіз болып қалады екен…

Бірақ кейбіреуі тіпті тырспайтын да сияқты. “Бұйырмады” деп еш тәуекел етпей, отыра беруге де болмайды.

#UN_notes

Алматы жаңбырмен қарсы алды🥺🥲

Шынайы достық пен нағыз махаббаттың артынан жүгірмеңіз. Ешқашан. Себебі адамдарда тас жаратын болмыс бар. Бірақ қаласа ғана. Адамдар қалаған адамдарына “бос емес” уақыттарын босатады. Сөйлескісі келген адамдарына хат жазады, хабарласады.

Кездесуге қолым тимеді десе, сене салыңыз. Уақыт табуларын сұрамаңыз. Себебі ешкімді дос болуға, сүйікті болуға мәжбүрлеуге болмайды. Ол сезімдер жүрек пен қалаушықтан шықпаса, оның түк мәні, сәні мен мағынасы да қалмайтындай.

Ешкімге мені бірінші орынға қой деп те өтінбеңіз. Қаласа, сұрамай-ақ сол орынға жайғасар едіңіз. Қандай жағдай болмасын, қолдан келгенше оның таңдауы мен талғамы болар едіңіз.

Өміріңізден біреу кетемін десе, жіберіңіз. Қалуын да, кідіруін де өтінбеңіз. Бар ниеті кету болып тұрған адамның өміріңіздегі құны мен құндылығы қандай болмақ?

Кетемін деген адамдар үшін де, келемін деген адамдар үшін де шеңберіңіздің есігін ашық ұстаңыз. Керек жан керек уақытында сол есікті әдебімен, рұқсатымен қағып кіреді.
ҰН, #UN_notes

“өкініштер музейі әлде тәуекелдер галереясы?”

Жетінші түйсік (үзінді)
М.Шаханов

Гүл болып ашылмағанның тілегін кім бар жақтаған?
Рухы қосылмағанның сезімі шаттық таппаған.
Рухы қосылмағандар — жалынсыз, сәнсіз, жақұтсыз,
Сондықтан мына жалғанда екеудің бірі — бақытсыз.

Сондықтан махаббаттың да сырт санын құрайтындар көп
Жәй көзге күліп жүргенмен, жасырын жылайтындар көп
Тағдырдан қашу мүмкін бе, жүрсең де қандай жолменен,
Бір мәнді сұрақ алдыңда тұрады ылғи көлденең:

Жұбайың досың болды ма самғатқан сенім шырайың,
Нақ сондай ұлы бақытты берді ме саған құдайым?
Ойнай ма оның көзінде сезім мен рух жарқылы,
Ұға ма ол шаттық-мұңыңды жетінші түйсік арқылы?

Ұқпаса...
Ісің секілді дауылда мұзға жаққан от,
Рухани терең түйсіну жоқ кезде махаббат та жоқ.
Нағыз қыран мәңгі ардақтап өтер болар өз көгін,
Өзіңді-өзің ұмыта біл, бақыты үшін өзгенің.

Қол — жүректің жалғасы…
#UN_notes

жапырақпын. жапырақтардың ішіндегі ең кішкентайы, ең жұқасы мен сияқтымын.

мөлшерінен көп күн түссе құрғап, мезгіліне бағынатын. жел соқса, қоярға жер таппай, шайқалып, ық іздейтін. шексіз үміттер мен күдіктерден жұқарып, сарғаятын. жайлылықты жақсы көретін, жылулыққа құштар. діңгегінен нәр алатын, іздегенге көлеңке болатын, өзіндік орны бар, көп ішіндегі бір жапырақпын…
#UN_notes

Жабық есік даналығы.

Сабырсыз болмыс ойдағы болмай қалса, сонша қалаған есіктері ашылмай қалса, бұлқан-талқан болады. Сәл уақыт өткен соң шекті адами болмысым ойымдағы бір тамшы жақсылықтың орнына теңіздер мен мұхиттарды толтыруға жететін маған ғана арналған нығметтерді көргенде сабырсыздығына ұялады…

Ұялмас үшін бір нәрсені естен шығармау керек шығар…

Ол — жабық есік даналығы. Жабылған есікте даналық бар. Кешігіп қалған ұшақта нығмет бар. Болмай қалған жоспардың артында одан да үлкен мүмкіндіктер бар.

Бұл даналықты сезіне алу үшін сенім керек, көз жеткізе алу үшін уақыт керек…

#UN_notes

«Сайып келгенде әр адам - өз махаббатының бағбаны. Солып қалмауы үшін қай гүлге қашан су құю керектігін бұлжытпай білетін бағбан тәрізді, адам да өз махаббатының үнемі жайқалып тұруына тынбастан жағдай жасап отыруы тиіс. Бұл үшін ерлі-зайыптылардың әрқашан да бір-біріне құштарлығы, шексіз сенімі, әлдеқалай іште бас көтерген қызғанышты сыртқа шығармай, сабырмен жеңуі, ағат айтылған сөздерді кек тұтпауы, кешірімділігі, өзара қалтқысыз қамқорлығы, сыйластығы, ашуды тежеп, нәпсіні тыйып ұстауы қажет. Бір сөзбен айтқанда, өздерін тәртіппен ұстай білген зайыптардың махаббаты ешқашан өшпек емес. Бұл арада атақты Абайдың: «Болмаса мінезінің жат кесегі, майысқан бейне гүлдей толықсыған, кем емес алтын тақтан жар төсегі» деген сөздерін әрқашан да есте ұстау абзал. Сонда ғана ерлі-зайыптылар арасындағы жарасты махаббат үйге нұр, ұяға көрік береді, тұрмысқа ажар, көңілге базар орнатады.»

Әзілхан Нұршайықов «Махаббат қызық мол жылдар»

— «есейдің» дейді
— «өмір ғой» дедім…
#UN_notes