‏"عزاي إني على قيد الأمل لو السّنين تميل
‏مثل شمسٍ تعدّاها المغيب .. وتنتظر بكره"

هو يحسب إني يوم طال المدى ناسيه
‏وانا اخاف لو اني حزينٍ وهو سالي

‏ماجاه مني ب الخبر طارشٍ ينبّيه
‏ولاشفت من صوب اتلع الجيد مرسالي
‏ٰ
‏ولا لي مراد ياكود حلو السلام اهديه
‏وابي رد مضمونه سلامٍ يودّالي

‏تجمّل وعلّم ناعم العود يا ناصيه
‏وليفً دنا من حر فرقاه غربالي

لي مدةٍ ماطبّ في عيني النوم
‏ولا غشى الطرّف المشقى نعاسه
‏ً
‏أضحك وانا كنّي على الكبد ماسوم
‏والضغط من فوق المعدّل قياسّه
‏ً
‏ماهوب من كثرة هواجيس وهموم
‏ولاهوب من قل الطرب والوناسه
‏ً
‏من واحدٍ عرق الصلّه فيه معدوم
‏والفرق شاسع بين ناسي وناسه

‏بن قحيفان

كذوبه يالهوجس اللي على الخاطر تجي و تروح
‏بغيت ازبن ذراها و استريح وما تهيالي

‏و رحت اتلي شتاتي و اترجى صوتي المبحوح
‏تموج بي الدروب و مسندٍ كفي على ظلالي

‏نقلت جروح ما عرفها بقلبٍ مرهف مجروح
‏تنطحت البياض و سود الله وجه عذالي

"‏بين صدفه جابها العمر و وداعٍ بـ اختياري
‏ما عرف قلبي يطيع الواقع أو يرضي ضميره

‏كنت أظن إن مرّت الأيام بـ يْجف انتظاري
‏ما هقيت إن الأمل يستمطر اليا جف بيره

‏كيف صارت وحشة الغربه تغنّي في دياري
‏"ذبلت أنوار الشوارع" وانطفت شبه الجزيره"

‏كل ما جيت أتخلص من علامات اضطرابي
‏ما قدرت ازيّف الواقع ، واصد مْن الحقيقة

‏— عويّد النجود

‏"خذ ما لاح وخلّ ما راح"
‏- مثل بدوي

‏"المدوّر في متاهات سر الصامتين
‏بيتحيّر .. ماعرف كرهها من ودها"
‏- سعد بن جدلان

‏العاقل خصيم نفسه
‏أؤمن أن محاسبة النفس أصدق أشكال الوعي

‏يقولون سهيل يطلع بعد ما تمضي ٢٥ إلى ٢٦ ليلة من طلوع نجم "المرزم" يعني في أواخر شهر أغسطس.

‏ومثل ما قال راشد الخلاوي:
‏وإلى مضى خمسٍ وعشرين ليله
‏يطلع سهيل مكذّب الحُسّيب

‏وذكر في قصيدة أخرى بفرق ليلة وحدة لتمام ظهوره وبيانه:
‏وإلى مضى سته وعشرين ليله
‏تبين سهيلٍ اليماني الأزهرا

‏احبّ سهيل وذكره
‏رغم أن دخوله عندنا بالشرقيه كبداية مايتغيّر شي لٰكن طاريه يبعث في نفسي أمل، خلاص أتطمن أن الصيف بدا يودّع

‏ㅤ
‏سهيل بان وذكر القلب طاريه
‏والحزن من بين المعاليق لاجي

‏شدوّ قطين العد لأقصى مضاميه
‏أقصى مروايسٍ بها الصيد داجي

‏يا حي وقتٍ له طراةٍ بـ أهاليه
‏وقتٍ مضى وقفى سوات العجاجي

‏عليه مكنون الصدر باح خافيه
‏عليه قلبي غاديٍ له خلاجي

‏عسى حقوق الوسم تصدق مناشيه
‏على ديارٍ شوفها لي علاجي .