كل انسان الله خلقه انطاه بحياته انسانه
يتلخص بيها الكون بالنسبه اله
بنظرك تطلع حبيبتك ، وبنظر غيرك أمه ، وبنظر واحد ثالث اخته
المهم راح تشوفها مهمه وبصمتها بداخلك بأثر دائم .

المرأة بطفولتها تفتح باب الجنة لأبوها، ومن تصير زوجة تبني حياة أسرة ، ومن تبقى ام الجنة تحت اقدامها
ومن تصير حبيبة الكلمة منها تهون عليك امور بعز تعبك
كل القصص تبدي بيها وتنتهي منها

لكل امرأة تحت اَي سماء وفوك كل ارض حيبقون عَلى العين والراس .

بالنسَبة لكلمة أنا هم إريد أتزوج ،
أنا هم اريد هيج وهيج ومثل ذوله واريد كذا شَغله
ف حكلك شيء مهم يجي وقت وتنضج ،
وتفهم شوكت تترفع وما ترد ،
تفهم بأنه رزقك جاي حتى لو جرب أحد يمنعه ،
تفهم بأنه أكو أشياء متستاهل التضخيم وتكوم تعرف شلون تمشيها ،
تفهم كيف تتخلى بدل متعاتب ، تفهم أنك تفرح لنجاح غيرك وأنه الأرزاق اللي مقسمها الله متتعارض ،
تفهم بأنه حياة غيرك ملكهم مثل ما حياتك ملكك ، تنضج وتعرف قيمة وقتك ، وتخلق عالمك اللي تعيش بي وَيَا كم شخص يشبهك وأحلام يشبهوك ،
حتى يكون وجودك بهالدنيا راقي ، وتفهم أنك خضت حروب هوايه ، وتستاهل شويه تعيش بسلام

أعتقد الإنسان يحتاج بحياته شخص واحد عالأقل ، يحَس وياه خفيف ، مرتاح ، مُطمئن إنه ما يشك بيه ولا يتوقع منه شيء غلط ،
يتحَمله بكُل حَالاته ، ويعذره بألف عذر
شخص قلبه نظيف وما يجرح بأي تصرف
أعتقد مَرات الإنسان بَس يريد واحد يشوفه ويشيله من هَمه وهو فرحان

حلوة الدنيا
كلش حلوة
لمن نعرف نختار الناس الحوالينا صح
لمن نعرف نمتن لأصغر النعم
لمن نعرف نحب نفسنا
لمن نباوع لكل شي بالدنيا بدهشة وحب
وأمتنان
لمن نشوف كل يوم جديد
هو فرصة جديدة النه هو نعمة وهدية من الله
لمن نصير ندور على السعادة
ونتعلم نخلقها من اصغر تفاصيل بيومنا
راح تصير الدنيا حلوة هواي حلوة

اللي يريد يشوفك شي عظيم
راح يشوفك عظيم حتى لو جنت أسوء المخلوقات
اليحبك راح يحبك لو شكد ما تكون عادي ويشوف العادي مالتك جنة
اللي يريد يعوفك راح يعوفك لو تاخذ ضوة عيونك و تنطي إله
اللي يريد يروح عنك حياخذ أي حجة ويقنع نفسه بيها حتى لو چنت مساويه وي أنفاسك
المتعوّد يكون وي الكل حيترك مكانه وقت ما تستثني و تنطي اكبر من حجمة
الرايد يلزم إيدك و يكمل راح يلزمها لو تكون جمرة
الموضوع موضوع اولويات واحترام وتقدير ما إله علاقة بكونك شقدمت للمقابل

الحٌب اختيار واختبار
الانسان تعرف عنده مشاكل
مو طفل تغثه حجاية وماعنده ثقة بنفسه ،
الحب الحقيقي مابي شغلة اسمها مشاعري تغيرت لأن حتى لو اتغيرت ارجع احبك من جديد
الحب تسمع وانت مالك واهس تسمع ،
تساعد وانت تدري بنفسك تعبان
تحتوي وتفضله غصباً ماعلى انانيتك ،
الحب مناخ آمن مابي خوف ولاتخوين
ولا سيطرة ولارفض وتملك
الحب المبني على مشاعر واعجاب
هو حب جذاب وفلم بايخ
الحب الحقيقي متشوفة بفلم رومانسي
لو بكعدة بمول المنصور
ولا بأغنية عاطفية ،
راح تشوفه بغسل المواعين ومسح الكاع ،
تشوفة بنص سوك شعبي من تعرف تختار كيلو طماطة براسها خير .
راح تلكاه بوقت الأزمات المالية والفشل الجبير . تلكاه بالمرض والضعف ، تعرف جوهرة من المشاعر تخلص والإعجاب ينتهي
وتقرر تحب من جديد

الحب اختيار متجدد للبالغين
مكانة العقل والقلب مو مطعم ويوتيوب

أحلى لحَظة أدراك بالدنيا كُلها،
ف دائمًا وللأبد يعني أختاروا و أتزوجوا ناس قاصديكم ،
رايديكم أنتو بالذات
متلهفين عليكم
ما صدگوا إنو همَ لكوكم ويحمد رب العالمين عليكم
ويعرفون ليش يريدوكم بالتحَديد
ومُصرين عليكم وفخورين بيكم

وما يكدرون يعيشون ويا إي احد ثاني بسهوله حتى لو ماصار نصَيب
هذة مو مَجرد حُب،
هذه فهم عميق للنفسّ وللمسّوؤلية والزواج

هذه اللي يصيَر لمن نصير نعرف شنو معنى زواج وندور على شريك حياة
مو على سد خانة أجتماعية او أحد نتفخفخ بي وجماعتنا يگولون "واو"
وبعدين نعيش بقية عُمرنا ندفع الثمن

“ إيدي عَزيزة وما يلزمها بَس العَزيز "
هالجملة چنت دائمًا اگولها
آني شخص ما يگدر يخلي مشاعرة بقلبه ويسكت
اذا حلوة لازم احچيها واذا مو حلوة لازم احچيها
بحياتي هوايّ ناس مهمة وعدها أثر حلو بحياتي
فَ أگدر أعبرلهم بالكلام وأگدر أگول مَشاعري
وأگدر أبين مَدىٰ أهميتهم بحياتي
وأگدر أگول شنو شعوري من نكون سِوة
بَس بالرغم من طاقتي الچبيرة للتعبير الهم
يبقى شعوري بلزمة الإيد يختلف ..
شگد ما اگلهم إني أحبهم بس يبقى شعور ناقص إذا ملازم إيدهم فِكرة لزمة الإيد كلش مهمة عندي ..
فَ تبقى حَسرة إن شيصير لو نحضن اللي نريد نحضنهم ونبوس إيد اللي نريد نبوس إيدهم
ونباوع بعيون اللي نريد نباوع بعيونهم الى أن تصير فعليًا هنا الراحة والسعادة والسكون .. شكو عركة بداخلي تهدأ وأحس على الدنيا السَلام ..
فَ هذا اقوى تعبير عن الحُب