ଭୁ‌ବନେଶ୍ବର: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଙ୍ଗଳବାର ବଡ଼ ଘୋଷଣା କରିଛନ୍ତି। ରାଜ୍ୟରେ ମମତା ଓ ପ୍ରଧାନମନ୍ତ୍ରୀ ମାତୃବନ୍ଦନା ଯୋଜନା ଲାଗୁ ହେବ ବୋଲି କହିଛନ୍ତି। ଦୁଇଟି ସନ୍ତାନ ଜନ୍ମ କ୍ଷେତ୍ରରେ ଏହି‌ ଯୋଜନା ଲାଗୁ ହେବ। କନ୍ୟା ସନ୍ତାନକୁ ପ୍ରୋତ୍ସାହନ ପାଇଁ ଏହି ଯୋଜନା ଲାଗୁ କରାଯାଇଛି। ଝିଅ ଜନ୍ମ ହେଲେ ୧୨ ହଜାର ଟଙ୍କା ମିଳିବ। ପୁଅ ଜନ୍ମ ହେଲେ ୧୦ ହଜାର ଟଙ୍କା ମିଳିବ। 
ରାଜ୍ୟ ସରକାର ଗର୍ଭବତୀ ଓ ଅଙ୍ଗନବାଡ଼ି କର୍ମୀମାନଙ୍କ ପାଇଁ ଭଲ ଖବର ଆଣିଛନ୍ତି। ମୋହନ ମାଝୀଙ୍କ ସରକାର ରାଜ୍ୟରେ ମମତା ଯୋଜନା ବଳଦରେ ମମତା ଓ ପ୍ରଧାନମନ୍ତ୍ରୀ ମାତୃବନ୍ଦନା ଯୋଜନା ଲାଗୁ କରିବେ। ଏହି ଯୋଜନା ଦ୍ବାରା କନ୍ୟା ସନ୍ତାନ ଜନ୍ମ କରୁଥିବା ମହିଳାଙ୍କୁ ୧୦ ହଜାର ବଦଳରେ ୧୨ ହଜାର ଟଙ୍କା ପ୍ରୋତ୍ସାହନ ରାଶି ମିଳିବ। 
ରାଜ୍ୟ ସରକାର ଅଙ୍ଗନବାଡ଼ି କର୍ମୀମାନଙ୍କ ପାଇଁ ମଧ୍ୟ ଭଲ ଖବର ଆଣିଛନ୍ତି। ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି, ଅଙ୍ଗନବାଡ଼ି କର୍ମୀମାନଙ୍କୁ ୨୦୦ ଟଙ୍କା ବଦଳରେ ୨୫୦ ଟଙ୍କା, ଏବଂ ଅଙ୍ଗନବାଡ଼ି ସହାୟକମାନଙ୍କୁ ୫୦ ଟଙ୍କା ପରିବର୍ତ୍ତେ ୧୫୦ ଟଙ୍କା ପ୍ରୋତ୍ସାହନ ରାଶି ମିଳିବ। ଉଭୟ ଯୋଜନାର ସମ୍ମିଳିତ କାର୍ଯ୍ୟକାରିତା ପାଇଁ ଆସନ୍ତା ଆର୍ଥିକ ବର୍ଷରେ ପ୍ରାୟ ୫୧୧ କୋଟି ଟଙ୍କା ଖର୍ଚ୍ଚ ହେବ ବୋଲି ଆକଳନ କରାଯାଇଛି। ଏଥିପାଇଁ କେନ୍ଦ୍ର ସରକାର ୧୧୫.୯୭ କୋଟି ଟଙ୍କା ପ୍ରଦାନ କରିବାବେଳେ ରାଜ୍ୟ ସରକାର ୩୯୫.୭୫ କୋଟି ଟଙ୍କା ଯୋଗାଇ ଦେବେ। ଏହା ଦ୍ୱାରା ପ୍ରାୟ ୪ ଲକ୍ଷ ୫୦ ହଜାର ଗର୍ଭବତୀ ଓ ପ୍ରସୂତି ମହିଳା ଉପକୃତ ହେବେ। 
ରାଜ୍ୟ ସରକାରଙ୍କ ନୂଆ ଘୋଷଣା ଅନୁସାରେ ମଧ୍ୟାହ୍ନ ଭୋଜନରେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ସାମିଲ ହେବେ। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ଘୋଷଣା କରିଛନ୍ତି। ବର୍ତ୍ତମାନ କ୍ଷେତ୍ରରେ ବିଦ୍ୟାଳୟରେ ପ୍ରଥମ ଠାରୁ ଅଷ୍ଟମ ଶ୍ରେଣୀ ଛାତ୍ର ଯାଏଁ ବିଦ୍ୟାଳୟରେ ମଧ୍ୟାହ୍ଣ ‌‌ଭୋଜନ ଦିଆଯାଉଛି। 

୧୧ ଦିନ ପୂର୍ବରୁ ନିଖୋଜ ନାବାଳିକାର ଝୁଲନ୍ତା ମୃତଦେହ ଜଙ୍ଗଲରୁ ଉଦ୍ଧାର
https://sambad.in/leading/dead-body-of-minor-girl-found-after-11-days-8711971

ରାଇରଙ୍ଗପୁର/ଗୋରୁମହିଷାଣୀ: ମୟୂରଭଂଜ ଜିଲ୍ଲା ଗୋରୁମହିଷାଣୀ ଥାନା ଅର୍ନ୍ତଗତ ଦୁବୁଲାବେଡା ଗ୍ରାମର ବାଇଜୁ ମୁର୍ମୁଙ୍କ ଝିଅ ମାଇନ ମୁର୍ମୁ(୧୫) ଗତ ୩୧ ଜାନୁଆରି ଠାରୁ ନିଖୋଜ ଥିଲେ। ପରିବାର ଲୋକେ ବହୁ ଖୋଜାଖୋଜି ପରେ ମଧ୍ୟ କୌଣସି ସନ୍ଧାନ ନପାଇବାରୁ ଗତ ୯ ତାରିଖରେ ଥାନାରେ ଲିଖିତ ଅଭିଯୋଗ କରିଥିଲେ। ନିଖୋଜ ନେଇ ଥାନାରେ କେସ୍ ନଂ ୨୫/୨୫ରେ ଏକ ମାମଲା ରୁଜୁ କରି ପୁଲିସ ତଦନ୍ତ ଜାରି ରଖିଥିଲା।
ଆଜି ଦୁବୁଲାବେଡା ଗ୍ରାମର ପଡୋଶୀ ଗ୍ରାମ ବାଲିଆବାଦୀର ଦେହୁରୀସାହି ଜଙ୍ଗଲସ୍ଥ ଏକ ଆମ୍ବ ଗଛରୁ ନାବାଳିକା ମାଇନଙ୍କ ଝୁଲନ୍ତା ମୃତଦଦେହ ଦେଖି ପୁଲିସ୍‌କୁ ଖବର ଦେଇଥିଲେ। ପରିବାର ଲୋକେ ଘଟଣାସ୍ଥଳକୁ ପହଞ୍ଚି ୧୧ ଦିନ ଧରି ନିଖୋଜ ଥିବା ମାଇନଙ୍କ ମୃତଦେହ ବୋଲି ସ୍ପଷ୍ଟ କରିଥିଲେ। 
ଘଟଣାସ୍ଥଳରେ ପୁଲିସ୍ ପହଂଚି ଶବକୁ ଜବତ କରିଛି। ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ ବୋଲି ସୂଚନା ମିଳିଛି। ଏନେଇ ଗୋରୁମହିଷାଣୀ ଥାନାରେ କେସ୍ ନଂ ୨/୨୫ରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି। ତେବେ ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରି ଝୁଲାଇ ଦିଆଯାଇଛି ତାହା ବ୍ୟବଛେଦ ପରେ ଜଣାପଡ଼ିବ। ଘଟଣାସ୍ଥଳରୁ ନାବାଳିକା ଜଣକ ଶୌଚ ପାଇଁ ନେଇଥିବା ଏକ ବାଲଟି ଓ ମଗ୍ ପୁଲିସ୍ ଜବତ କରିଛି। 
 

ଅଯୋଧ୍ୟାରେ ଜନସମୁଦ୍ର, ବଢିଲା ରାମଲଲାଙ୍କ ଦର୍ଶନ ସମୟ
https://sambad.in/india-and-beyond/heavy-crowd-ayodhya-8711992

ଅଯୋଧ୍ୟା: ପ୍ରୟାଗରାଜରେ ଚାଲିଥିବା ମହାକୁମ୍ଭ ଯୋଗୁଁ ୟୁପିର ଅଯୋଧ୍ୟାରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଦେଖିବାକୁ ମିଳୁଛି। ଏହି କାରଣରୁ ଏକ ବଡ଼ ନିଷ୍ପତ୍ତି ନିଆଯାଇଛି ଏବଂ ରାମଲଲାଙ୍କ ଶୃଙ୍ଗାର ଆରତୀର ସମୟ ପରିବର୍ତ୍ତନ କରାଯାଇଛି। ଏବେ ସକାଳ ୬ଟା ପରିବର୍ତ୍ତେ ରାମଲଲାଙ୍କ ଶୃଙ୍ଗର ଆରତୀ ଏକ ଘଣ୍ଟା ପୂର୍ବରୁ ସକାଳ ୫ଟାରେ ଅନୁଷ୍ଠିତ ହେବ। ଅର୍ଥାତ୍ ସକାଳେ ରାମଲଲାଙ୍କ ଦରବାର ଖୋଲିବ ଏବଂ ମଙ୍ଗଳା ଆରତୀରେ ଅଂଶଗ୍ରହଣ କରୁଥିବା ଶ୍ରଦ୍ଧାଳୁମାନେ ମଧ୍ୟ ରାମଲଲାଙ୍କ ଶୃଙ୍ଗର ଆରତୀରେ ଯୋଗ ଦେଇପାରିବେ।

ଭୋର୍ ୫ଟାରୁ ରାତି ୧୦ଟା ପର୍ଯ୍ୟନ୍ତ ରାମଲଲାଙ୍କ ଦର୍ଶନ ଓ ପୂଜା ନିରବଚ୍ଛିନ୍ନ ଭାବେ ଚାଲିବ। ଅପରାହ୍ନରେ ଭୋଗ ଅର୍ପଣ କରିବା ସମୟରେ ମାତ୍ର ୫ ମିନିଟ୍ ପାଇଁ ପରଦା ଟଣାଯିବ । ଏହି ସମୟରେ ମଧ୍ୟ ଭକ୍ତମାନେ ରାମଲଲା ମନ୍ଦିରକୁ ପ୍ରବେଶ କରିପାରିବେ। ସମସ୍ତ ଆରତି ଓ ଭୋଗ ସମୟରେ ଶ୍ରଦ୍ଧାଳୁମାନେ ରାମଲଲାଙ୍କ ନିରବଚ୍ଛିନ୍ନ ଦର୍ଶନ ଜାରି ରଖିବେ।

ଭୋର୍ ୫ଟାରୁ ରାତି ୧୦ଟା ପର୍ଯ୍ୟନ୍ତ ରାମଲଲାଙ୍କ ଦର୍ଶନ ଓ ପୂଜା ନିରବଚ୍ଛିନ୍ନ ଭାବେ ଚାଲିବ। ଅପରାହ୍ନରେ ଭୋଗ ଅର୍ପଣ କରିବା ସମୟରେ ମାତ୍ର ୫ ମିନିଟ୍ ପାଇଁ ପରଦା ଟଣାଯିବ । ଏହି ସମୟରେ ମଧ୍ୟ ଭକ୍ତମାନେ ରାମଲଲା ମନ୍ଦିରକୁ ପ୍ରବେଶ କରିପାରିବେ। ସମସ୍ତ ଆରତି ଓ ଭୋଗ ସମୟରେ ଶ୍ରଦ୍ଧାଳୁମାନେ ରାମଲଲାଙ୍କ ନିରବଚ୍ଛିନ୍ନ ଦର୍ଶନ ଜାରି ରଖିବେ।
ସୂଚନାଯୋଗ୍ୟ, ଅଯୋଧ୍ୟାରେ ଜନସମୁଦ୍ରକୁ ଦୃଷ୍ଟିରେ ରଖି ରାମ ମନ୍ଦିର ଟ୍ରଷ୍ଟ ପକ୍ଷରୁ ରାମଲଲାଙ୍କ ଦର୍ଶନ ସମୟ ବୃଦ୍ଧି କରାଯାଇଛି। ବସନ୍ତ ପଞ୍ଚମୀ ପରେ ସକାଳ ୬ଟାରୁ ରାମଲଲାଙ୍କ ଦର୍ଶନ ଉପଲବ୍ଧ ଥିବା ବେଳେ ଏବେ ପୁଣି ସକାଳ ୫ଟାରେ ଖୋଲିବ। ଅର୍ଥାତ୍ ଭକ୍ତମାନେ ପ୍ରାୟ ୧୭ ଘଣ୍ଟା ଧରି ରାମଲଲାଙ୍କ ଦର୍ଶନ କରିବେ।

ଦୟାନିଧିଙ୍କୁ ଧର୍ମେନ୍ଦ୍ର ପ୍ରଧାନଙ୍କ କଡ଼ା ଜବାବ
https://sambad.in/india-and-beyond/dharmendra-pradhans-harsh-response-to-dayanidhi-strict-reply-to-dmk-8711973

ନୂଆଦିଲ୍ଲୀ: ଡିଏମକେ ସାଂସଦ ଦୟାନିଧି ମାରାନଙ୍କ ସଂସ୍କୃତ ଉପରେ ମନ୍ତବ୍ୟକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିରୋଧ କରିଛନ୍ତି। ସେ କହିଛନ୍ତି ଯେ, ସଂସ୍କୃତରେ କାର୍ଯ୍ୟ ଉପରେ ମାରାନଙ୍କ ଦ୍ୱାରା ଦିଆଯାଇଥିବା ଅନୁପଯୁକ୍ତ ମନ୍ତବ୍ୟ କେବଳ ଘୃଣ୍ୟ ନୁହେଁ ବରଂ ଭାରତର ଭାଷାଗତ ଐତିହ୍ୟ ସମ୍ପର୍କରେ ଡିଏମକେର ଆକ୍ରୋଶ, କପଟତା ଏବଂ ପ୍ରଚାରକୁ ପ୍ରକାଶ କରୁଛି। କରଦାତାଙ୍କ ଟଙ୍କାର ପ୍ରକୃତ ଅପଚୟ ହେଉଛି ବିଭାଜନକାରୀ ରାଜନୀତିରେ ଲିପ୍ତ ହେବା।
ଆମକୁ ଅନ୍ୟ ଏକ ଭାଷାକୁ ପ୍ରୋତ୍ସାହିତ କରିବା ପାଇଁ ଗୋଟିଏ ଭାଷାକୁ ହ୍ରାସ କରିବାର ଆବଶ୍ୟକତା ନାହିଁ। ଏପରି ବୟାନବାଜିକୁ ଉପଯୁକ୍ତ ଭାବରେ ନିନ୍ଦା କରିବା ପାଇଁ ମୁଁ ଲୋକସଭା ବାଚସ୍ପତିଙ୍କୁ ପ୍ରଶଂସା କରୁଛି।
ପ୍ରକୃତରେ, ଲୋକସଭା ବାଚସ୍ପତି ଓମ୍ ବିର୍ଲା ମଙ୍ଗଳବାର ଦିନ କହିଥିଲେ ଯେ, ଏବେ ଗୃହର କାର୍ଯ୍ୟଧାରାକୁ ସଂସ୍କୃତ, ଉର୍ଦ୍ଦୁ ଏବଂ ମୈଥିଳୀ ସମେତ ଛଅଟି ଭାଷାରେ ଅନୁବାଦ କରାଯିବ। ଏପର୍ଯ୍ୟନ୍ତ କାର୍ଯ୍ୟପନ୍ଥା ଇଂରାଜୀ ଏବଂ ହିନ୍ଦୀ ସହିତ ୧୦ଟି ଆଞ୍ଚଳିକ ଭାଷାରେ ଅନୁବାଦ କରାଯାଉଥିଲା। ବାଚସ୍ପତି କହିଥିଲେ ଯେ, ଗୃହର କାର୍ଯ୍ୟଧାରାକୁ ସମସ୍ତ ୨୨ଟି ସ୍ୱୀକୃତିପ୍ରାପ୍ତ ଭାଷାରେ ଏକକାଳୀନ ଅନୁବାଦ କରି କହିଥିଲେ, ଏବେ ଗୃହର କାର୍ଯ୍ୟଧାରାକୁ ବୋଡୋ, ଡୋଗ୍ରୀ, ମୈଥିଳୀ, ମଣିପୁରୀ, ସଂସ୍କୃତ ଏବଂ ଉର୍ଦ୍ଦୁରେ ଅନୁବାଦ କରାଯିବ।

ବାଚସ୍ପତିଙ୍କ ଘୋଷଣା ଉପରେ, ଡିଏମକେ ସାଂସଦ ଦୟାନିଧି ମାରାନ ସଂସଦର କାର୍ଯ୍ୟକୁ ସଂସ୍କୃତ ଭାଷାରେ ଅନୁବାଦ କରିବା ନିଷ୍ପତ୍ତି ଉପରେ ଆପତ୍ତି ଉଠାଇଥିଲେ। ସରକାରୀ ସଂଖ୍ୟାକୁ ଉଦ୍ଧୃତ କରି ସେ କହିଥିଲେ ଯେ, ଦେଶରେ କେବଳ ୭୩ ହଜାର ଲୋକ ସଂସ୍କୃତ କହିପାରନ୍ତି। ଏପରି ପରିସ୍ଥିତିରେ, କରଦାତାଙ୍କ ଟଙ୍କା କାହିଁକି ନଷ୍ଟ ହେଉଛି? ମାରାନଙ୍କ ଏହି ମନ୍ତବ୍ୟ ପରେ, ଶାସକ ଦଳ ତାଙ୍କ ବିରୋଧ କରିବା ସହିତ ତାଙ୍କ ମନ୍ତବ୍ୟକୁ ନିନ୍ଦା କରିଥିଲା।

ଅଧିକ ପଢ଼ନ୍ତୁ: ମଧ୍ୟାହ୍ନ ଭୋଜନରେ ସାମିଲ ହେବେ ନବମ-ଦଶମ ଶ୍ରେଣୀର ଛାତ୍ରଛାତ୍ରୀ (https://sambad.in/leading/9th-and-10th-class-students-included-in-mdm-says-mohan-charan-majhi-8711888)
ଦୟାନିଧି ମାରାନଙ୍କ ମନ୍ତବ୍ୟକୁ ଖଣ୍ଡନ କରି ଲୋକସଭା ବାଚସ୍ପତି କହିଥିଲେ, ଆପଣ କେଉଁ ଦେଶରେ ରହୁଛନ୍ତି? ସଂସ୍କୃତ ଭାରତର ମୂଳ ଭାଷା ହୋଇ ରହିଆସିଛି। ଆପଣ ସଂସ୍କୃତ ଉପରେ କାହିଁକି ଆପତ୍ତି କଲେ? ଆମେ ସମସ୍ତ ୨୨ଟି ଭାଷାରେ ଅନୁବାଦ ବିଷୟରେ କଥା ହେଉଛୁ। ଯେତେବେଳେ ବାଚସ୍ପତି ମାରାନଙ୍କୁ ଉତ୍ତର ଦେଉଥିଲେ, ସେତେବେଳେ ଡିଏମକେର ଅନ୍ୟ ସାଂସଦମାନେ ସେମାନଙ୍କ ନେତାଙ୍କ ସମର୍ଥନରେ ଠିଆ ହୋଇଥିଲେ।

Shri Dayanidhi Maran's unwarranted remarks on #Sanskrit (https://twitter.com/hashtag/Sanskrit?src=hash&ref_src=twsrc%5Etfw) are not only in bad taste but also reveal DMK's selective outrage, hypocrisy and propaganda when it comes to India's linguistic heritage.

Indulging in divisive politics is the real waste of taxpayers' money, Mr.… pic.twitter.com/4sQxHqYQnk (https://t.co/4sQxHqYQnk)
— Dharmendra Pradhan (@dpradhanbjp) February 11, 2025 (https://twitter.com/dpradhanbjp/status/1889292999965687892?ref_src=twsrc%5Etfw)
ଅଧିକ ପଢ଼ନ୍ତୁ: ମହାକୁମ୍ଭର ସତ୍ୟ ପ୍ରକାଶ ପାଇଲେ,ଯୋଗୀ ସରକାର ସମ୍ମାନ ହରାଇବେ: ଜିତେନ୍ଦ୍ର ଆହ୍ବାଡ (https://sambad.in/india-and-beyond/if-mahakumbhas-truth-is-revealed-yogi-government-will-lose-respect-jitendra-ahvad-8711372)

ବିଦାୟ ସମ୍ବର୍ଦ୍ଧନା ଉତ୍ସବକୁ ଘୋଡ଼ା ଚଢ଼ି ଆସିଲେ ଛାତ୍ର
https://sambad.in/special/student-reached-college-ride-horse-8711288

ଲକ୍ଷ୍ମୌ: ଉତ୍ତରପ୍ରଦେଶର ହାଥରସ ଜିଲ୍ଲାର ଏକ କଲେଜରୁ ଅଦ୍ଭୁତ ଘଟଣା ସାମ୍ନାକୁ ଆସିଛି। ଏଠାରେ ଦ୍ବାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କୁ ବିଦାୟ ଦେବାର ଉତ୍ସବ ଆୟୋଜନ କରାଯାଇଥିଲା। ଏହି ଉତ୍ସବରେ ସାମିଲ ହେବାକୁ ଆସିଥିବା ଜଣେ ଦ୍ବାଦଶ ଶ୍ରେଣୀର ଛାତ୍ର ସାଇକେଲ କି ବାଇକ ନୁହେଁ ଘୋଡ଼ା ଚଢ଼ି ଆସିଥିଲେ। ଛାତ୍ରଙ୍କୁ ଘୋଡ଼ା ଚଢ଼ି ଆସିଥିବା ଦେଖି କଲେଜ ଛାତ୍ରଛାତ୍ରୀଙ୍କ ସମେତ ଅଧ୍ୟାପକ ଓ ଅଧ୍ୟାପିକାମାନେ ବି ଆଶ୍ଚର୍ଯ୍ୟ ହୋଇଯାଇଥିଲେ। 
ଏହି ଘଟଣାଟି ହାଥରସସ୍ଥିତ ରାଜେନ୍ଦ୍ର ଲୋହିୟା ବିଦ୍ୟା ମନ୍ଦିର କ‌ଲେଜରୁ ସାମ୍ନାକୁ ଆସିଛି। କଲେଜରେ ଦ୍ବାଦଶ ଶ୍ରେଣୀ ଛାତ୍ରଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଉଥିଲା। ସବୁକିଛି ବେଶ ସୁରୁଖୁରୁରେ ଚାଲୁଥିଲା। ଏହି ସମୟରେ କଲେଜର ଜଣେ ଛାତ୍ର ଘୋଡ଼ା ଚଢ଼ି ବିଦାୟ ସମ୍ବର୍ଦ୍ଧନା ଉତ୍ସବକୁ ଆସି ପହଞ୍ଚିଥିଲେ। 
ଘୋଡ଼ା ଚଢ଼ି କଲେଜକୁ ଆସିବାର କାରଣ କ’ଣ ଅଧ୍ୟାପିକା ଓ ଅଧ୍ୟାପକ ଛାତ୍ରଙ୍କୁ ପଚାରିବାରୁ ସେ କହିଥିଲେ, ‘ବିଦାୟ ସମ୍ବର୍ଦ୍ଧନାକୁ ମୁଁ ସ୍ମୃତି ଭାବେ ସାଇତି ରଖିବାକୁ ଚାହିଁଥିଲି।
 କାରଣ ମୁଁ ଜାଣିଛି ଏହି କଲେଜରେ ବିତି ଯାଇଥିବା ସମୟ ଆଉ ଫେରି ଆସିବ ନାହିଁ। ତେଣୁ ଏହି କଲେଜରୁ ବିଦାୟ ନେବା ପୂର୍ବରୁ ମୁଁ କିଛି ସ୍ବତନ୍ତ୍ରରେ ଶୈଳୀରେ ପହଞ୍ଚିବା ପାଇଁ ଯୋଜନା କରି ଘୋଡ଼ା ଚଢ଼ି ଆସିଥିଲି। ’
ଛାତ୍ର ଜଣକ ଏଭଳି ଘୋଡ଼ା ଚଢ଼ି କଲେଜ ଆସିବା ଘଟଣାକୁ ନେଇ କଲେଜ ପକ୍ଷରୁ କୌଣସି ପ୍ରକାର ଅଭିଯୋଗ ଆସି ନାହିଁ। ତେବେ ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ପାଞ୍ଜି ଦ୍ବନ୍ଦ୍ବକୁ ନେଇ ଶ୍ରୀମନ୍ଦିର ପ୍ରଶାସନର ବଡ ନିଷ୍ପତ୍ତି : ଏଣିକି ଶୀମନ୍ଦିର ପ୍ରଶାସନର ବିନା ଅନୁମତିରେ ପଞ୍ଜିକା ମନା
https://kanaknews.com/news/big-decision-of-shrimandir-administration-regarding-panji-conflict-from-now-on-the-temple-will-refuse-to-issue-panjika-without-the-permission-of-the-administration-8711834

କନକବ୍ୟୁରୋ :  ନିର୍ଭୁଲ ଓ ସଠିକ ପାଞ୍ଜିରେ ଉଲ୍ଲେଖ ଥିବା ତାରିଖରେ ହିଁ ହେବ ଯାନିଯାତ ଓ ପର୍ବପର୍ବାଣି। ଏଥିପାଇଁ ୫ ପଞ୍ଜିକାର ପ୍ରସ୍ତୁତ କରିବେ ପାଞ୍ଜି। ଶ୍ରୀମନ୍ଦିର କାର୍ୟ୍ୟାଳୟରେ ପଞ୍ଜିକାର, ପୂଜାପଣ୍ଡା ଓ ମୁକ୍ତି ମଣ୍ଡପ ପଣ୍ଡିତଙ୍କୁ ନେଇ ହୋଇଥିବା ବୈଠକରେ ଏହି ନିଷ୍ପତ୍ତି ଉପରେ ମୋହର ବାଜିଛି।  
ଏଣିକି ପର୍ବପର୍ବାଣି, ଯାନିଯାତ ପାଳନରେ ରହିବନି ଦ୍ବନ୍ଦ୍ବ। ପଞ୍ଜିକା ଓ କ୍ୟାଲେଣ୍ଡରରେ ପର୍ବପର୍ବାଣି ପାଇଁ ଉର୍ଦ୍ଦିଷ୍ଟ ଭିନ୍ନ ଭିନ୍ନ ତାରିଖକୁ ନେଇ ବର୍ଷତମାମ ଦେଖାଯାଉଥିବା ଦ୍ବନ୍ଦ୍ବରେ ଲାଗିଛି ବିରାମ ।  ଶ୍ରୀମନ୍ଦିର ପ୍ରଶାସନ ପକ୍ଷରୁ ଏନେଇ ଗୁରୁତ୍ବପୂର୍ଣ୍ଣ ପଦକ୍ଷେପ ହାତକୁ ନେଇଛି। ବିଭିନ୍ନ ପଞ୍ଜିକାରଙ୍କ ସମେତ ପୂଜାପଣ୍ଡା ଓ ମୁକ୍ତିମଣ୍ଡପ ପଣ୍ଡିତଙ୍କୁ ନେଇ ହୋଇଥିବା ବୈଠକରେ ନିର୍ଭୁଲ ଓ ସଠିକ୍ ପଞ୍ଜିକା ପ୍ରସ୍ତୁତ ନେଇ ସହମତି ହୋଇଛି। ୫ ଜଣ ପଞ୍ଜିକାରଙ୍କୁ ଏଥିପାଇଁ ସ୍ବୀକୃତି ମିଳିଛି ।
 ଶ୍ରୀ ରଧାରମଣ ବିଶୁଦ୍ଧ ଖଡିରତ୍ନ ପଞ୍ଜିକା,ଓଡ଼ିଶା କୋହିନୁର ପ୍ରେସ ପଞ୍ଜିକା, ଅରୁଣଦୋୟ ପ୍ରେସ ଖଡ଼ିରତ୍ନ ପଞ୍ଜିକା,ଜି ଏ ନ ତ୍ରିପାଠୀ ଉତ୍କଳ ଜାତୀୟ ଖଡ଼ିରତ୍ନ ପଞ୍ଜିକା, ଭାଗ୍ୟଦୀପ ପଞ୍ଜିକା ପାଣ୍ଡୁଲିପି ଦାଖଲ କରିଛନ୍ତି। ତେବେ ପଞ୍ଜିକାରେ କୌଣସି ଭୁଲ ବା ତ୍ରୁଟି ରହିଲେ କାର୍ୟ୍ୟାନୁଷ୍ଠାନର ଚେତାବନୀ ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ।
ଶ୍ରୀମନ୍ଦିର ପାଳିତ ନୀତିକାନ୍ତି ପାଇଁ ମୁକ୍ତିମଣ୍ଡପ ଅନୁମୋଦିତ ପଞ୍ଜିକାକୁ ଗ୍ରହଣ କରାଯାଏ। ତେଣୁ କ୍ୟାଲେଣ୍ଡର ବଦଳରେ ସ୍ବୀକୃତିପ୍ରାପ୍ତ ପାଞ୍ଜିର ବ୍ୟବହାର ପାଇଁ କହିଛନ୍ତି ପୂଜାପଣ୍ଡା ସେବାୟତ। ଶ୍ରୀମନ୍ଦିର ପ୍ରଶାସନ ପକ୍ଷରୁ ତ୍ରୁଟିଶୂନ୍ୟ ପଞ୍ଜିକା ପ୍ରସ୍ତୁତ ପାଇଁ ନିଆଯାଇଥିବା ପଦକ୍ଷେପକୁ ସେବାୟତ ଓ ପଞ୍ଜିକାର ସ୍ବାଗତ କରିଛନ୍ତି କ୍ଷ ଶ୍ରୀମନ୍ଦିର ପ୍ରଶାସନର ବିନା ଅନୁମୋଦନରେ ପଞ୍ଜିକା ବା କ୍ୟାଲେଣ୍ଡର ପ୍ରସ୍ତୁତ କରୁଥିଲେ କାର୍ୟ୍ୟାନୁଷ୍ଠାନ ନେବାକୁ ଦାବି କରିଛନ୍ତି ପଞ୍ଜିକାର। 
ପୂର୍ବରୁ ଦୀପାବଳି ଓ ସରସ୍ବତୀ ପୂଜାକୁ ନେଇ ଦ୍ବନ୍ଦ୍ବ ଦେଖିବାକୁ ମିଳିଥିଲା। ଏସବୁ ଭିତରେ ପାଞ୍ଜିକୁ ନେଇ ଶ୍ରୀମନ୍ଦିର ପ୍ରଶାସନର ନିଷ୍ପତ୍ତି ଆଗକୁ ସାଧାରଣ ଲୋକଙ୍କୁ ଆଉ ଦ୍ବନ୍ଦ୍ବରେ ପକାଇବନି। 
 

ପୁଅ ଜନ୍ମ ହେଲେ ୧୦ ହଜାର । ଝିଅ ଜନ୍ମ ହେଲେ ମିଳିବ ୧୨ ହଜାର । ମୁଖ୍ୟମନ୍ତ୍ରୀ ମୋହନ ମାଝୀ କଲେ ବଡ଼ ଘୋଷଣା
https://kanaknews.com/news/if-a-boy-is-born-you-will-get-10-thousand-if-a-girl-is-born-you-will-get-12-thousand-8711861

କନକ ବ୍ୟୁରୋ: ଗର୍ଭବତୀ ମହିଳାଙ୍କ ପାଇଁ ରାଜ୍ୟ ସରକାର କରିଛନ୍ତି ବଡ଼ ଘୋଷଣା । ଏଣିକି ପୁଅ ଜନ୍ମ ହେଲେ ସରକାର ଦେବେ ୧୦ ହଜାର । ଆଉ ଝିଅ ଜନ୍ମ ହେଲେ ରାଜ୍ୟ ସରକାର ଦେବେ ୧୨ ହଜାର ଟଙ୍କା । ରାଜ୍ୟରେ କାର୍ୟ୍ୟକାରୀ ହେଉଥିବା ମମତା ଯୋଜନା ସହିତ, ପ୍ରଧାନମନ୍ତ୍ରୀ ମାତୃ ବନ୍ଦତା ଯୋଜନା ମିଳିତ ଭାବେ କାର୍ୟ୍ୟକାରୀ ହେବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।
ମୁଖ୍ୟମନ୍ତ୍ରୀଙ୍କ ଘୋଷଣା ମୁତାବକ, କନ୍ୟାସନ୍ତାନ ଜନ୍ମ ପାଇଁ ଗର୍ଭବତୀମାନଙ୍କୁ ବର୍ଷକୁ ଅଧିକ ୨ ହଜାର ଟଙ୍କା ପ୍ରଦାନ କରାଯିବ । ଗର୍ଭବତୀ, ପ୍ରସୂତି ମହିଳାମାନଙ୍କ ଉତ୍ତମ ସ୍ୱାସ୍ଥ୍ୟ ତଥା କନ୍ୟା ସନ୍ତାନ ଜନ୍ମକୁ ପ୍ରୋତ୍ସାହିତ କରିବା ପାଇଁ ଏଭଳି ନିଷ୍ପତ୍ତି ନିଆଯାଇଥିବା କହିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।
ସେପଟେ ଏହି ଯୋଜନାରେ ପୁଅ ଜନ୍ମ ହେଲେ, ମିଳିବ ୧୦ ହଜାର ଟଙ୍କା । ତେବେ କନ୍ୟା ସନ୍ତାନ ପାଇଁ ପୂର୍ବରୁ ୧୦ ହଜାର ଟଙ୍କା ଦିଆଯାଉଥିବାବେଳେ, ନୂଆ କରି ଆରମ୍ଭ ହେବାକୁ ଥିବା ଏହି ମିଳିତ ଯୋଜନାରେ ଏହି ଟଙ୍କାକୁ ୧୨ ହଜାର ଟଙ୍କାକୁ ବୃଦ୍ଧି କରାଯାଇଛି । ସର୍ବାଧିକ ଦୁଇଟି ସନ୍ତାନ ଜନ୍ମ କ୍ଷେତ୍ରରେ ଏହି ସହାୟତା ମିଳିବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।
ରାଜ୍ୟ ସରକାରଙ୍କ ଏହି ଯୋଜନାରେ ସହାୟତା କରୁଥିବା ଅଙ୍ଗନବାଡି କର୍ମୀମାନଙ୍କୁ ମଧ୍ୟ ଏଣିକି, ୨ ଶହ ଟଙ୍କା ବଦଳରେ ୨ଶହ ୫୦ ଟଙ୍କା ମିଳିବ । ଏହାସହ ଅଙ୍ଗନବାଡି ସହାୟକଙ୍କୁ ୫୦ ଟଙ୍କା ବଦଳରେ ପ୍ରୋତ୍ସାହନ ରାଶି ଭାବେ ୧୫୦ ଟଙ୍କା ମିଳିବ ବୋଲି ଘୋଷଣା କରିଛନ୍ତି ରାଜ୍ୟ ସରକାର । ଏଥିପାଇଁ ଆସନ୍ତା ଆର୍ଥିକ ବର୍ଷରେ ୫୧୧ କୋଟି ଟଙ୍କା ଖର୍ଚ୍ଚ ହେବ । ଏଥିପାଇଁ କେନ୍ଦ୍ର ସରକାର ୧୧୫ କୋଟି ଟଙ୍କା ଦେବାକୁ ଥିବାବେଳେ, ରାଜ୍ୟ ସରକାର ୩୯୫ କୋଟି ଟଙ୍କା ଯୋଗାଇବେ । ଏହାଦ୍ୱାରା ରାଜ୍ୟର ପ୍ରାୟ ୪ ଲକ୍ଷ ୫୦ ହଜାର ଗର୍ଭବତୀ ଓ ପ୍ରସୂତି ମହିଳାଙ୍କୁ ଲାଭ ମିଳିବ ବୋଲି କହିଛନ୍ତି ରାଜ୍ୟ ସରକାର ।