Men kechira olaman, lekin…

Har safar mening ishonchimdan foydalanilganida,
berilgan imkoniyatlar qanday qadrsizlantirilganini unutmayman.

Sen bilan soatlab suhbatlashishni, boshqa tomonga qarayatgan payting esa seni ko’zlaringga termulishni istayman…

Men hamon oʻshaman, hayronalikda,
Bosh egib manzilga borayotgan jim.
Tumonat odamlar orasidaman-u,
Yonimda hech kim yoʻq, yonimda hech kim…☺️

Seni sevaman ..
1 ta gap, 2 ta soʻz, 5 ta boʻgʻin, 11 ta harf, 2 kishi, biri ahmoq, biri yolgʻonchi❗

-Yuzim ham avratmi?
-Menga tegishli ekansan soyang ham avrat.

Shayx Sayyid Abdulqodir Jiyloniy bir kuni Bag‘dodning ko‘chalarida o‘z shogirdlari bilan yurib borar ekanlar, ularning ro‘parasidan ust-boshiga qarab bo‘lmaydigan bir ahvolda bo‘lgan bir sarxush chiqib, Shayx hazratlaridan:
— “Ey Abdulqodir!
Alloh qodirmi, qodir emasmi?” — deb so‘radi.
Shayx hazratlari tabassum qilib:
— “Albatta qodirdir!” — deb javob berdilar.
Sarxush ikkinchi marotaba yana:
— “Ey Abdulqodir!
Alloh qodirmi, qodir emasmi?” — deb so‘radi.
Hazrati shayx biroz tabassum aralash jiddiyat bilan yana:
— “Albatta qodirdir!” — deb javob berdilar.
U odam uchinchi marotaba:
— “Ey Abdulqodir!
Alloh qodirmi, qodir emasmi?” — deb yana so‘radi.
Shayx hazratlari bu safar yig‘lab sajdaga yiqildilar va uch marotaba:
— “Qodirdir, qodirdir, qodirdir!” — deb javob berdilar.
So‘ngra bir shogirdlariga u sarxushni hammomga olib borib, yaxshilab yuvintirib, toza liboslar kiydirib, ikrom qilishni buyurdilar.
Bu ajoyib, hayratlanarli va g‘alati muloqotga guvoh bo‘lgan shogirdlar hech narsaga tushunmadilar va Shayx hazratlaridan sarxushning nimani so‘raganini hamda u zotning bergan javoblarining ma’nosini so‘radilar.
Hazrati shayx quyidagicha javob berdilar:
— “Birinchi marotaba mendan:
‘Alloh meni afv qilishga qodirmi, qodir emasmi?’ deb so‘radi.
Men esa: ‘Albatta qodirdir!’ dedim.
Ikkinchi marotaba:
‘Alloh meni sening o‘rningga qo‘yishga qodirmi, qodir emasmi?’ deb so‘radi.
Men esa: ‘Albatta qodir!’ deb javob berdim.
Uchinchi marotaba esa:
‘Seni mening o‘rnimga qo‘yishga qodirmi, qodir emasmi?’ deb so‘radi.
Men qo‘rqqanimdan yig‘lab sajdaga yiqildim va:
‘Qodirdir, qodirdir, qodirdir!’ dedim.
Va sajdada Alloh taolodan hidoyat ne’matini mendan tortib olmasligini, tavfiq va ofiyatini so‘rab duo qildim,” — dedilar.
Ichimizda bo‘lib turgan holatimiz bizni kibr va g‘ururga olib bormasin.
Vaqtincha ega bo‘lib turgan maqom va mavqeimiz bizni insonlarni haqir ko‘rishimizga, mensimasligimizga sabab bo‘lmasin.
Ilm bizni har kimdan o‘zimizni ustun qo‘yishga olib bormasin.
Va yana shuni hech unutmaylikki, yiqilmaydigan va qoqilmaydigan faqatgina yagona Allohdir!
Yana shuni yaxshi bilginki, bugun sen bu holatda ekansan, bunga haqli bo‘lganing uchun emas, balki bu Allohning senga bo‘lgan fazli va rahmati sababidandir.
Bugun seni bu holatga keltirib qo‘ygan Zot, ertaga seni sen yoqtirmagan kishining holatiga, uni esa sening holatingga keltirib qo‘yishga mutlaqo Qodirdir!
Buni qulog‘ingga va qalbingga yaxshilab joyla, aslo yodingdan chiqarmagin!