قصيدة ام البنين
 
من ايفيض بيـه الشوگ .. وين ادموعي اوديها
ويثرب من عگب عيناك ..  طــف ثاني اسويها
 
***
 
يملحت يثرب امن اتروح .. تبقى ابلا ملح يثرب
وعـين ام البنـين عــليك .. گد شط العرب تسچب
الكحله الوادم امن العين .. يمــه بكــربلـه تســلب
 
والـِبالي ييــمــه هـــناك .. خاف يـصــير تاليــها
من تروح / من تروح / نــاري بيــش اطيفيـــها
 
***
مرورت هجرك بريجــي .. يالمـوطبعك امروره
الـمتعوده تصـــبح بيــك .. مـن تنــوح معذوره
وتضل متسمره اعيوني .. ييمــه عله القاروره
 
الغبره البــيها يولـــيدي .. دوه لعــيوني اخليها
من تروح / من تروح / نــاري بيـــش اطـفيها
 
***
 
امشاهگ ساعة فراگك .. مــثل امشاهگ الغرگان
الكشايه علــيه اتصــير .. حــسره ياچــبير الشان
شلون الكربله امن اتروح .. يلحـــگ بيـه ياسفان
 
والبفرگـــاك من اتضــيع ..  ياســـفان يلگـــيــها
من تــروح / مــن تروح / ناري ابيـــش اطفيها
 
***
 
يمه الينـجرح مـــرات .. هم ايطيبن اجروحه
والما فارگ وبي روح .. تبـــقى سالمـه روحه
لچـن ام البنيــن عليـك .. راح تصير مذبوحه
 
اليفارك مثل ابو اليمه .. روحه وشيضل بيها
من تروح / من تروح / ناري بيــش اطفيها
 
***
 
لون عــندي ولد سبعــين .. وفوگاهم بعـــد سبعه
اذا فـــدوه الـك يرحـــون .. مـا ابچيــلــهم دمــعه
يالروحــتك توجـع حــيل .. صعبه اتحمل الوجعه
 
من هالروحه گلبي يلوب .. هــاي الروحه خـليها
من تــروح / من تــروح /  ناري بــيش اطــفيها
 
***
 
امن اسمع سـالفة عاشور .. اتألـــم يــــبـو الاكــبر
واحس اضلوع البصدري .. مــدري شبيـها تتكسر
الدمع مو چنه لون الماي .. ليش يصير لونه احمر
 
طاري كربـــله يحســين .. روحي يبـني يسـبيها
من تــروح / من تــروح / ناري بــيش اطفيــها
 
***
 
وحق شيلة خدر زينب .. وحق اعمامتك والجود
وي ماتــرتحـل انتــه .. هدومي تصير رأساً سود
من اتروح هـــالروحه .. ادريـــبك بــــعد مــتعود
 
وره ماترتحل يبــني .. اخــدودي عـليك ادميها
من تروح / من تروح / نـــاري بيــش اطفــيها
***
حيدر تركي الكربلائي

مادام ابو فاضل وَرَه اِحسينه

يازلمـه تطـلـع بالحرب عينه

=======================

وينه اليواجهْ سطرتـه وحـيله

وهوّه اللي كاسر ظهر الكحيله

واگف جبل مايعـــرف الميله

خلّه العدو ايحس بنقص خيله


وينه اليزامـط عالنهـــر وينه

يازلمـه تطلــع بالحرب عينه

=======================

بالحومه شامخ والعدو بحيره

يم سر عظَـمْـتَه كربله ازغيره

وِبراســه لمّن تصعــد الغِيره

قطب الحرب بالخنصر ايديره


يشـهد عدوَّه لْوگـفته الزينه

يازلمه تطلــع بالحرب عينه

======================

من بين ألف فارس يشِـع طوله

وبِحســابـه كلهــم مايكـفّـوله

گبل الحرب گعـدوا يحسـبوله

وسوَّه بتـدابـير الحـرب جـوله


دمّـر خططهم كلها بـيمينه

يازلمه تطلــع بالحرب عينه

======================

نَفْس الحُسين وظهره واِعضيده

مارجَـع فـارغ لَـختـه چف إيـده

تگـربـلَـه مهمـا چـانت اِبعــيده

ايدوس الخطر ويحصِّل الصيده


كاتب عهـد بين الأخو وبينه

يازلمه تطلــع بالحرب عينه

======================

شــايل گلب بي تنـبض الخوّه

عن الحُسين ايبـعــده ياهـوّه

بأفعـالـه يفـرض منطق القوّه

يم النهـر لجل الوفـه اشسوّه


نـازل يوفّي لخــوِّتـه بدَينه

يازلمه تطلع بالحرب عينه

=======================

بأكتاره طاحن والسمه اتشوفه

مادارت اعيـونـه على اجفوفه

عـاف النهـر تتلاطــم اجروفه

يابس عطش بس يجري معروفه


ولو باقيه اعله ازنوده چفينه

يازلمه تطلــع بالحرب عينه

=======================

خادم الحسين "ع
مرتجى الحسَّاني

20- رايته هزاها.           المشرعه اتعناها
هذا ابو الغيره ابو فاظل كلهم يعرفونه
من يصول عله الاعادي والزعل بعيونه
تشرد الفرسان منه فنهم يلا كونه
بيمنته البتار يلمع رايته عله متونه
ترتجف خلاها.          المشرعه تعناها

حشمت زينب اخوهه والاخو شد حيله
كله يازينب ابشري انه اروي العيله
عسكر ابن ازياد هذا افني جيشه وخيله
هذا سيفي واليضدني بالحرب ياويله
والعده ذلاها.        المشرعه تعناها


كبر العباس صوته وصاح ياعدواني
انه جيت وهذا سيفي منهو يتلكاني
مااخلي اليوم بيكم افني كل سفياني
هاي اطفالي عطاشه تنتظر وتاني
بالصبر اوحاها.       المشرعه اتعناها

الموت شده بطرف سيفه كام يحصد بيها
صاحت الغوث الاعادي اول وتاليها
جن حجر سجيل سيفه كام يرمي عليها
بس جثث يم الشريعه ظلت بواديها
عالنهر افناها.          المشرعه اتعناها

للنهر طب ابو فاظل للشريعه بزوده
تملك الماي بيمنته وكام يملي بجوده
وعتنه صوب الشريعه حته يوفي وعوده
هذا بوالغيره بوفاضل حارس عله حدوده
والحرم رواها.       المشرعه اتعناها

مله جوده من الشريعه وعتنه الصيوانه
تلكته زينب تنادي هله يارجوانه
وبوفاظل بيده روه عيلته العطشانه
ورتوه عبدالله جبده ونطفت نيرانه 
هيبته محلاها.        المشرعه اتعناها
للشاعر سيد زيد الفحام

انا العليله  *** ياهو شتكيله
______
مشتاكه الهلي هوايه
ونشد ياراعي الرايه
عباس الك شجايه
انا العليه
يايوم اشوف ظعوني
لعبد الله تربي عيوني
ياهل الرحم رحموني

الرحله طويله
ياهو شتكيله ***انا لعليله 
__
ظليت أتاني ابيتي
لمن ترد عافيتي
يادنيا ما كفيت
انا العليله
هذا الزمان شعده
خلصها شده بشده
باب الحزن ما سده

عذبني ليله
ياهو شتكيله *** انا لعليله
_____

راحو هلي وخواني
والهم ياناس اذاني
للموت اظل بحزاني
انا العليله
مل الصبر دلالي
كليوم احير بحالي
تمنيت ابوي كبالي

طول رحيله
ياهو شتكيله **** اناالعليله
__

فاركني وين الهيبه
شيرده الي وشيجيبه
وفراك اخوتي مصيبه
انا العليله
ياهل الوفاه وحنيه 
شو طوليتو الجيه
وانا انتظر يوميه
ماكو وسيله
ياهو شتكيله ****انا العليله
__
ياهو اليسكت نوحي
كثرن يابويه جروحي
راحت وراهم روحي
انا العليله
حنيت انا ومشتاكه
ماظن بعد نتلاكه
كل غالي شفت فراكه

ماكو مثيله
ياهو شتكليه ***انا العليله
******

ابو هاجر المجراوي
07807808421

انه حاسبكم اخوتي
انتم احزامي وتجوتي

ونعم الانصار. - ونعم الانصار
————————

الشاهد الله انتم اخوتي وانتم احزام الضهر
بيكم اتوچه واگومن لو احس ضهري انكسر
انتم لجبر الخواطر وانتم الموت الحمر
ياحبيب انت الحبيب وأنت الترد الخطر

انت لترد العساچر
انت التجبر الخواطر
ونعم الانصار. ونعم الانصار
———————
يا برير اتلو علينه لحد ما يطلع صبح
إقرأ بالقران هسه وابتديها بالفتح
ان وعد الله حقآ لو نصر لو للذبح
واحنه روس اجبال احنه ما يخوفنه السفح

احنه روج وهمه گطره
ولو حجه العايل نسطره
ونعم الانصار. ونعم الانصار
—————————
انتم اشيوخ الحرايب وانتم اهلا للقتال
انه ادري بچلمه مني لو صحت هايالرجال
كلكم اعله الحومه ركضه ما يخوفكم نزال
موت ما يرجف گلبكم ياهلا بنوم الرمال

يا هلا بضرب الصوارم
ما نخاف احنه الضياغم

نعم الانصار. نعم الانصار
————————
التمت ارجال الكلافه ما يخوفهم عدد
للصبح يقرون صفه عضد ينشد بعضد
صوتهم ما مثله صوت وما مثلهم ينوجد
كدوي النحل همه بقل هو الله احد

صوتهم بسم الله ناده
يا هلا بموت الشهاده
نعم الانصار. نعم الانصار
—————————
يا ضوء عيوني وحياتي ها يسبع الگنطره
شفت صحباني يخويهً شلون عدهم مقدره
عيب ترجف شعره منهم عجبه جابتهم مره
هذا اليرخصلي روحه وذاك ينطي منحره

تشوفهم لو انه شايف
جبل ما تهزهم عواصف
نعم الانصار. نعم الانصار
———————

ميثم سلمان المجراوي

☜ بـسمـه تعـالى ☞

الـقصـيدة : شور أويلاه يم الخدر
اداء : مرتضى حرب
كلـمات : مرتضى حرب

♧♧♧♧♧♧♧♧♧♧♧♧

{ أويلاه يم الخدر}

زينب وين حداي الضعينه
وين أحسين والخويه الحنينه

حكج كون حدبتي بمشيتج
حيلج طاح وي طيحة يمينه

♧♧♧♧♧♧♧♧♧♧♧♧

هايه أم عون مدري أم السبايه
بيج أشلون فوكج ماكو رايه

غربه وخوف وعيون الشماته
غيرة لون شكلج والعبايه

♧♧♧♧♧♧♧♧♧♧♧♧

ما تنشال بالراس المصيبه
العندها حسين تتسمه الغريبه

ومن عباس بعيونه وطنها
ولية وين المو طاهر حليبه

♧♧♧♧♧♧♧♧♧♧♧♧

جنها تصيح يسمعها خيالي
وين تروح الماعندها والي

زينب هاي وين أهل الحميه
أتحشم راح كل عزي ودلالي

♧♧♧♧♧♧♧♧♧♧♧♧

هاي الجان يحلف بيها أبوها
وهاي حسين بكبره أحسين أخوها

روحك هاي ياحامي الشريعه
ويا عباس اتلاحكها ولوها

♧♧♧♧♧♧♧♧♧♧♧♧

كوه تگوم يا وادم جبيره
وتبجي دموم و بكل خطوه حيره

و تبجي شلون جدام الشماته
وهيه أم عون يا بدر العشيره

♧♧♧♧♧♧♧♧♧♧♧♧

@MurtazaHarb313

لقد عثرت على قالب الصورة المدهش هذا في CapCut. فلتضغط على الرابط لتجربته! https://www.capcut.com/tv2/ZSAdpeavq/

عالمي الثاني محرم عالمي الثاني
_
شهر الاحزان لقد حان يعشاگ الدمع
صوت الاملاك ينوحون يوادم ينسمع
هالسنه كون تلطمون لحد كسر الضلع
بالعزائات تذُوبون مثل ماي الشمع

قمة احزاني عزائه قمة احزاني
عالمي الثاني محرم عالمي الثاني
____
شدو الاحزام يخدام هله ومية هله
رفعو الاعلام والاحزان على حسين وهله
كلشي بالكون بياضات سواد نبدله
كل الگلوب يعشاگ نشدها بكربله

الله سواني لجلهم الله سواني
عالمي الثاني محرم عالمي الثاني
____
نريد الاعلام هالايام ترفرف بالسمه
نلطم انوح على حسين نواسي فاطمه
بالدمه كون تنزفون على شهر الدمه
ابمجلسه الموت يهالناس يحسن الخاتمه

يبقه عنواني حسيني يبقه عنواني
عالمي الثاني محرم عالمي الثاني
____
بالعزائات يهالناس اشم ريحة هلي
امفتح العين على حسين ولي ونعم الولي
ابلفة الگماط يگولون هلي چانو الي
هذا الحسين ضوه العين. ابن حيدر علي

واني رباني طريقه واني رباني
عالمي الثاني محرم عالمي الثاني
_
يله ياناس على الراس نجي ونلطم سوه
الكل يعرفون الحسين اعز من الهوه
لكل الجروح والامراض فقط اسمه الدوه
الضلمه بحسين وابوحسين الي صارت ضوه

يعجز الساني شسولف يعجز الساني
عالمي الثاني محرم عالمي الثاني
____
جديد
✍️ احمد علي البغدادي

يهلي تانوني ليش عفتوني
ليش عفتوني يهلي تانوني
****
كمت كل ما دير عيني بنار الفراك احترك
ابد ما جان اعله بالي بهل سهوله نفترك
من كثر ضيمي وعذابي بالنفس كمت اختنك
ثاري الفراك اليطول يكتل ابن ادم كتل

انه يهلي امدلله خل اروح الكربله
تهمل عيوني تهمل عيوني
ليش عفتوني ليش عفتوني
**
طفله تدرون وعليله وكلبي ما يحمل صبر
الوحشه ذبحتني يبويه وشيبت من الزغر
غير حزني ونايباتي شحصلت من هالعمر
يهلي شو طول سفركم وانه بالباب انتظر

يمته اكولن يا هلي طارش اتودون الي
يالتركتوني يالتركتوني
ليش عفتوني ليش عفتوني
**







من يجيني الليل اكعد وصفن بوجه الكمر
بالجذب غمضت عيني وعرضت اكبالي الصور
كبرت الفركه يربي والجرح بيه كبر
بعمري ما مكسوره بويه ومن رحت كلبي انكسر

يوم فاركت الوطن وابتعد عني الضعن
حيريتوني حيريتوني
ليش عفتوني ليش عفتوني
***
انه كل عمري وحيده بدنيتي ما عندي حظ
جنت يابويه امن اشوفك يشفه بيه كل مرض
احله ابو بالدنيه عندي ورسمك بعيني انحفظ
انته شرياني وحياتي وكلبي بحروفك نبض

وانه بويه ابنيتك عذبتني فركتك
وخابت ضنوني خابت اضنوني
ليش عفتوني ليش عفتوني
****








ظلمه ليش اديار اهلنه وماكو صوت الينسمع
امسدده البيبان كلها والوجع حدر الضلع
هايه هيه اتفاركينه وبعد ما ضن ننجمع
من سفركم لو رجعتو اعلك العشره شمع

فرغت ابيوت البخت والعليله اتحيرت
لا تعذبوني لا تعذبوني
ليش عفتوني ليش عفتوني
***
تمت
تحسين الخفاجي

نصيحة أثناء تبديل الراية



بتبديل الراية بدل قلبك

لحسين حجاية اترك ذنبك

عهدا لحسين عهدا لحسين

ــــــــــــــــــ

اليوم راية كربلة بيدلونها

شامخة على القبة ويعلونها

حمرة جانت سودة اصبح لونها

بالدموع الوادم يشوفونها


توب من أخطاءك واعدل دربك

لحسين حجاية اترك ذنبك

عهدا لحسين عهدا لحسين

ــــــــــــــــــ

انطي كلمة حظ بخت لحسينك

بالبجي وتكع ذنب من عينك

والتزم وي الحسين بدينك

وانذر الباقي بحزن بسنينك


انذر دمعاتك وانذر تعبك

لحسين حجاية اترك ذنبك

عهدا لحسين عهدا لحسين

ــــــــــــــــــ

انزل اخدم للحسين الغالي

بالتواضع يرفعك للعالي

ربك يوفقك عمر للتالي

والبس الثوب اليليق الوالي


متهندم ثوبك موش يعجبك

لحسين حجاية اترك ذنبك

عهدا لحسين عهدا لحسين

ــــــــــــــــــ

هذا شهر البي جرح ومصيبة

بطل وعوف النقد والغيبة

عيش حزنك والشهر ترتيبة

عوف ذنبك لاترد وتجيبة


احضر للمأتم وادعي لربك

لحسين حجاية اترك ذنبك

عهدا لحسين عهدا لحسين

ــــــــــــــــــ

ابد لاتضحك ضحك ميفيدها

ضحكتك تدري سهم ترديدها

بالندم جفك تره تعض ايدها

ارجعوني اعمل وماعيدها


هاليوم بمجلس الله يحبك

لحسين حجاية اترك ذنبك

عهدا لحسين عهدا لحسين

ــــــــــــــــــ

هالنصيحة برحب من تلگاها

من يموت الصدگ تتمناها

روحك بيوم الحشر ملفاها

انظر الكاعك گبر جواها



خادم تتسمه المولى يحسبك

لحسين حجاية اترك ذنبك

عهدا لحسين عهدا لحسين

ــــــــــــــــــ

تمت ببركة مولاي صاحب الزمان


الاقل زين العابدين الشمري
قنواتنا  
@h_ameer1
@h_ameer2
@h_ameer3
@h_ameer4

وين مسافر ومخليني
وين مسافر ومخليني
...........
صعدوني وياكم وخذوني
مااكدر وحدي تعوفوني
بنيتكم لا لا تجفوني
بلاياكم ما يكضي ونيني
..............
كلبك ينطيك اتخليني
بعدك يابويه اياذيني
متعوده عليك اتسليني
شلون اكضي بلياك سنيني
...............
صح عليله انه ومتعوبه
كلبي ايريدك يامحبوبه
اتحمل سفرك ودروبه
بس بغيابك شينسيني
.............
يابويه سفرتنه طويله
متكدرين عليهه عليله
اتكله اتحمل ويا العيله
مااكدر بويه اتجافيني

................
ايامي وياك ارد اكضيه
الموت بنيتك لافيه
ليش تسافر وتخليه
بعدك موتي ميخليني
..........
حسن جواد المسعودي
قنواتنا  
@h_ameer1
@h_ameer2
@h_ameer3
@h_ameer4

ابوذيات نعي
وكأني بالخيل الذي رضرضت جسم الامام الحسين عليه السلام
بعثت رساله الى الامام السجاد يقرئها الى السيده زينب عليهم السلام
1🏴•••••🏴•••••🏴•••••🏴•••••🏴
وحـگ الشايل الــزيـنـب ٠٠٠ علم جان
هذا حــســيــن ماعدنــه ٠٠٠ علم جان
اخـتـنـگنـه وگمنـه اندور ٠٠٠ علم جان

وجـثــث مـتـروسـه گـاع الـغـاظـريــه
2🏴•••••🏴•••••🏴•••••🏴•••••🏴
ارد عالـخـيل خـلـيـنـي ٠٠٠ علي املي
وحـگ الشايل ابــجــفــه ٠٠٠ علم لي
عـشـر خـيــالـه فـوگـاهـن ٠٠٠ علم لي

وتـعـمـدن داسن ابـن امـي الـزجـيــه
3🏴•••••🏴•••••🏴•••••🏴•••••🏴
هــاي الــخــيــل يــاعــمــه ٠٠٠ علمها
الــمــاعــرفــتــه فـارسـهـا  ٠٠٠ علمها
هذا حــســيــن هل شايــل ٠٠٠ علمها

حــوافــر حـظـرن خــيـل ال امــيــه
4🏴•••••🏴•••••🏴•••••🏴•••••🏴
مـثل غـيـرة اخويه حـسـيـن ٠٠٠ ياخيل
خـليـلـي ايـصيـر بـعـد اليـوم ٠٠٠ ياخيل
صحت وانه الطم اعلى الراس ٠ ياخيل

جــابــحـسـيــن شــنـهـي الــظــل الــيــه
?🏴•••••🏴•••••🏴•••••🏴•••••🏴
#الشكرلله خادم الزهراء ع ملا علي
#نسالكم_الدعاء358✍
                                🕊🎶🖤🎶🕊
🏴•••••🏴•••••🏴•••••🏴•••••🏴
جناس البيت  2
1_ علي املي يعني اكتب رساله

گبل چانوا هلي الجرحي .. يهدون
جفوني وگاموا ابحيلي .. يهدون
الحرمه التنولي اخوتها .. يهدون
امن اصيحن ياهو اليهد ليه ..!

خويه اجيتك يبعد الما مغمضات
امحمله ابروس الما مدنگـات
خويه من جينه اوياكم عزيزات
وردينه يبن امي غريبات

وآ زينباه ....

يمشن
انوب الحرم ياعباس .. يمشن
سبايه وللدموع ابهضم .. يمشن
انه دمعي نزل مو يم زين .. يم شين (يمشن)
وانه اخدودي مشافن دمع ليه

منواي المن بعد يحسين منواي
انه ظني انگطع وانگطع رجواي

ظلمه الدرب يابوعلي وبلا ضوه اندليتك
عطر اللبن مال ام حسن دلاني بيك وجيتك
بين الجثث مادورت ضاگ الهوه وشميتك
اليتدور الماهو عرف ابريتي أنته وآنه ابريتك

بتنه
عگب اهلي الليالي ابضيم .. بتنه
ونيران الاعادي احرگت .. بتنه
يبو الحسنين چا ماگلت .. بتنه
غريبه ولو طحت مالي تجيه


يمحمد بطيت اشلون وعلى حدنه سدت عيله
چبير الطايفه مذبوح وماعدنه زلم تتعنه وتشيله
گوم الخاطري لو حته مالك حيل وأعوج ظهر الكحيله

يمحمد بني هاشم مامش حس لأصايلهم
مايدرون خاف ابخبر عمتهم
تره ماممشي الدرب واعيوني معصوبات
ذب اعمامتك وانوب گللهم