Hududlarda o‘rganishlar: muammo joyida aniqlanib, yechimlar joyida belgilanmoqda

Nurobod tumanida jinoyatchilikning oldini olish, ayniqsa uning ildiziga qarshi kurashish maqsadida mas’ullar tomonidan bevosita hududlarga chiqib ishlash tizimi izchil davom etmoqda. Bu gal ham tuman prokurori J.Abdixakimov hamda tuman IIB boshlig‘i S.Sharipov boshchiligida jinoyatchilik ahvoli joyiga chiqqan holda, bevosita o‘rganildi.

Mazkur o‘rganishlar O‘zbekiston Respublikasi Prezidentining 2026-yil 5-yanvardagi PQ-1 va PQ-2-son qarorlarida belgilangan vazifalar ijrosini ta’minlash, mahallalarda xavfsiz muhitni yaratish va jinoyatchilikni barvaqt oldini olish tizimini kuchaytirishga qaratilgan.

O‘rganishlar davomida mas’ullar hududning real ahvoli bilan yaqindan tanishib, muammolarni kabinetdan turib emas, balki aholi orasiga kirib, holatni joyida ko‘rib chiqish asosida baholadilar. Ayniqsa, giyohvandlik va ichkilikbozlikka ruju qo‘ygan shaxslar bilan bog‘liq vaziyat alohida e’tibor markazida bo‘ldi.

Anyrim shaxslarning nosog‘lom turmush tarziga berilib ketishi jinoyatchilikka zamin yaratmoqda. Shu bois, bu toifadagi fuqarolarni aniqlash, ularni davolashga yo‘naltirish, ijtimoiy qo‘llab-quvvatlash hamda bandligini ta’minlash masalalari yuzasidan aniq choralar belgilandi.

🧡@nur_press

Qurilish ishlari joyiga chiqqan holda o‘rganilmoqda

Nurobod tumanida olib borilayotgan qurilish-montaj ishlarining sifati va belgilangan muddatlarga rioya etilishi ustidan nazoratni kuchaytirish maqsadida amaliy o‘rganishlar tashkil etildi. Xususan, tuman prokurori J.Abdixakimov tomonidan hududlarga chiqilgan holda, amalga oshirilayotgan bunyodkorlik ishlari bevosita joyida ko‘zdan kechirildi.

Mazkur o‘rganishlar O‘zbekiston Respublikasi Prezidentining 2025-yil 27-dekabrdagi “Samarqand viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-392-son hamda “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-son qarorlari ijrosini ta’minlash doirasida olib borildi. Ushbu qarorlar asosida hududlarda keng ko‘lamli qurilish va rekonstruksiya ishlari amalga oshirilayotgani, ularning har biri aholi farovonligini oshirishga xizmat qilayotgani alohida ta’kidlandi.

O‘rganishlar davomida qurilish obyektlarida bajarilayotgan ishlarning holati, sifati, texnik talablarga muvofiqligi, foydalanilayotgan qurilish materiallari hamda ish jarayonining tashkiliy jihatlari atroflicha tahlil qilindi. Eng muhimi, mas’ullar jarayonni masofadan turib emas, balki obyektlarning o‘ziga borib, real holatni baholash orqali nazorat olib bordilar.

Aniqlangan kamchilik va muammolar yuzasidan pudratchi tashkilotlar rahbarlariga qurilish ishlarini belgilangan standartlar asosida sifatli amalga oshirish, ishlarni jadallashtirish hamda belgilangan muddatlarda yakunlash yuzasidan aniq topshiriq va ko‘rsatmalar berildi.

Shuningdek, har bir obyekt bo‘yicha mas’uliyatni kuchaytirish, nazorat tizimini yanada takomillashtirish va ishlar samaradorligini oshirish masalalariga alohida e’tibor qaratildi.

Ta’kidlash joizki, hududlarga chiqib, qurilish jarayonlarini joyida o‘rganish orqali amalga oshirilayotgan bunday tizimli nazorat ishlari nafaqat kamchiliklarni o‘z vaqtida aniqlash, balki ularni tezkor bartaraf etish imkonini ham yaratmoqda.

🧡@nur_press

🌳 Nurobod markazi — yashillik va go‘zallik sari yangi qadam

Nurobod tumani markazini yanada obod, ko‘rkam va yashil maskanga aylantirish yo‘lida keng ko‘lamli bunyodkorlik va obodonlashtirish ishlari izchil davom etmoqda. Bugun ushbu ezgu tashabbus doirasida markaziy hududlarda manzarali daraxt ko‘chatlarini ekish ishlari keng quloch yozib, tumanning qiyofasini tubdan o‘zgartirish sari muhim qadamlar tashlanmoqda.

Xususan, bahorning nafosatini o‘zida mujassam etgan yapon sakurasi, tez o‘sishi va ekologik ahamiyati bilan ajralib turuvchi pavloniya hamda turli xil manzarali daraxt ko‘chatlari ekilib, hududga o‘zgacha joziba bag‘ishlanmoqda. Bu nafaqat estetik go‘zallikni oshiradi, balki atrof-muhitni sog‘lomlashtirish, toza havo muhitini yaratish, kelajak avlod uchun yashil makon barpo etishga xizmat qiladi.

E’tiborlisi, ushbu xayrli ishlar faqatgina mas’ul tashkilotlar bilan cheklanib qolmayapti. Tumanning tadbirkorlari, homiylari, nuroniylari va keng jamoatchilik vakillari bu tashabbusni qo‘llab-quvvatlab, o‘z hissalarini qo‘shmoqda. Har bir ekilgan nihol — bu nafaqat daraxt, balki xalqimizning birdamligi, kelajakka bo‘lgan ishonchi va tabiatga bo‘lgan mehrining yorqin ifodasidir.

Nuroniylar duosi, tadbirkorlar tashabbusi va yoshlarning shijoati birlashgan bu jarayonda har bir fuqaro o‘zini katta o‘zgarishlarning faol ishtirokchisi sifatida his qilmoqda. Ayniqsa, kelajakda ushbu nihollar gullab-yashnab, Nurobod markazini rang-barang, so‘lim va jozibador maskanga aylantirishi barchaga ilhom bag‘ishlamoqda.

Bugun ekilayotgan har bir daraxt — ertangi kunning soyasi, farovon hayotning ramzi va tabiatga bo‘lgan ehtirom timsolidir. Yashil makonlar kengayib borar ekan, Nurobod tobora obod, fayzli va yashash uchun qulay hududga aylanmoqda.

🌿 Zero, daraxt ekilgan joyda — hayot bor, baraka bor, kelajakka umid bor!

🧡@nur_press