Nurobod tumanidagi 1-son Politexnikumida yangi o‘quv mashg‘ulotlari boshlanmoqda

Nurobod tuman hokimligida tumanidagi 1-son Politexnikumida tashkil etilayotgan “Quyosh fotoelektr qurilmalarini ta’mirlash va texnik xizmat ko‘rsatish bo‘yicha elektromontyor” yo‘nalishi bo‘yicha qisqa muddatli o‘quv kursiga tayyorgarlik yuzasidan yakuniy muhokamalar o‘tkazildi.

Muhokama yig‘ilishida tuman hokimligi mutasaddilari, Hindistonning “Larsen & Toubro” kompaniyasi vakillari hamda 1-son Politexnikum rahbariyati va mas’ullari ishtirok etdi.

Mazkur o‘quv mashg‘ulotlarining asosiy maqsadi — malakali kadrlar tayyorlash tizimini yo‘lga qo‘yish hamda tuman aholisi bandligini ta’minlashdan iborat.

Loyiha doirasida Hindistonlik mutaxassislar bilan hamkorlikda ilg‘or tajribalar va amaliy ko‘nikmalarga asoslangan o‘quv dasturlari ishlab chiqildi.

Bu esa yoshlarning zamonaviy energiya texnologiyalari, xususan, quyosh fotoelektr tizimlarini o‘rnatish, boshqarish va ularga texnik xizmat ko‘rsatish bo‘yicha chuqur bilim hamda amaliy ko‘nikmalarga ega bo‘lishlari uchun muhim zamin yaratadi.

✅@nur_press

Nurobod tuman Qo‘riqlash bo‘limi — fuqarolar osoyishtaligi posboni

Nurobod tuman Qo‘riqlash bo‘limi tomonidan tuman hududida jamoat xavfsizligini ta’minlash, huquqbuzarliklarning oldini olish hamda fuqarolarning mol-mulkini himoya qilish yo‘nalishida samarali ishlar olib borilmoqda.

Hozirda bo‘lim shaxsiy tarkibi tomonidan 9 ta obekt va 184 ta xonadon doimiy qo‘riq ostiga olingan. Shuningdek, aholining xavfsizligini ta’minlash maqsadida 306 ta tashvish tugmasi o‘rnatilgan bo‘lib, ular orqali tezkor xabarlar qabul qilinmoqda.

Joriy yilning o‘tgan davri mobaynida qo‘riqlash xodimlarining ogohligi va fidokorligi tufayli 56 ta turli huquqbuzarliklar va jinoyatlarning oldi olingan.

Bo‘lim faoliyatida zamonaviy texnologiyalar keng qo‘llanilmoqda. Xususan, “aqlli” kuzatuv kameralar, signalizatsiya tizimlari va mobil kuzatuv qurilmalari qo‘riqlash samaradorligini yanada oshirmoqda. Shu bilan birga, xizmatdagi “Nexia-3” rusumli avtotransport vositasi yordamida savdo do‘konlari va xonadonlardan kelib tushgan signal chaqiriqlariga tezkor yetib borish imkoniyati yaratilgan.

Xodimlardan I.Tirkashov, D.Qodirov va Sh.Jo‘rayevlar har bir tashvish signaliga o‘z vaqtida yetib borib, fuqarolarning osoyishtaligini ta’minlashda namunali xizmat ko‘rsatib kelmoqda.

Bugun Nurobod tuman Qo‘riqlash bo‘limi xodimlari davlat va xususiy obektlarni ishonchli qo‘riqlashda, fuqarolarning tinch hayoti uchun kecha-yu kunduz xizmatda.
Ularning mehnati natijasida tumanda huquqbuzarliklarning oldini olish va jamoat xavfsizligini ta’minlash borasida ijobiy natijalar kuzatilmoqda.

S.Xolikov
Nurobod tuman Qo‘riqlash bo‘limi boshlig‘i, mayor

✅ @nur_press

Nurobod tuman hokimligida ijro intizomi masalalari muhokama qilindi

Bugun Nurobod tuman hokimligida ijro intizomi masalalariga bag‘ishlangan muhokama yig‘ilishi bo‘lib o‘tdi.

Yig‘ilishga tuman hokimining birinchi o‘rinbosari R.Ibragimov rahbarlik qildi.
Unda tuman hokimining o‘rinbosarlari, shuningdek, tuman hududidagi korxona va tashkilot rahbarlari ishtirok etishdi.

Majlis davomida tuman hokimining sayyor qabullarida fuqarolar tomonidan bildirilgan murojaatlarning ijrosi, tuman hokimligi va tashkilotlarda ijro intizomi, fuqarolardan kelib tushayotgan murojaatlar hamda hujjatlar bilan ishlash tartibi batafsil tanqidiy muhokama qilindi.

Shuningdek, elektron hujjat aylanish tizimlaridan foydalanish holati tahlil etilib, mavjud kamchiliklar yuzasidan mas’ullarga aniq topshiriqlar berildi.

Yig‘ilish yakunida R.Ibragimov barcha rahbarlardan ijro intizomini mustahkamlash, murojaatlar bilan ishlashda fuqarolarga e’tiborli bo‘lish, har bir masalaga mas’uliyat bilan yondashish zarurligini ta’kidladi.

✅ @nur_press