ប.ស.ស. ខេត្តព្រះសីហនុ ផ្សព្វផ្សាយអំពីបទប្បញ្ញត្តិច្បាប់ និងការធ្វើទំនើបកម្មប្រព័ន្ធឌីជីថល ដល់ម្ចាស់សហគ្រាស ក្រុមហ៊ុន រោងចក្រជិត ១០០នាក់
-------------------
(ខេត្តព្រះសីហនុ)៖ ដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ នារសៀលថ្ងៃទី៣០ ខែមេសា ឆ្នាំ២០២៦នេះ លោក តុង សំ នៀង ប្រធានសាខា ប.ស.ស. ខេត្តព្រះសីហនុ បានអញ្ចើញបើកពិធីផ្សព្វផ្សាយស្តីពី «គោលការណ៍ បទប្បញ្ញត្តិ ច្បាប់ និងអត្ថប្រយោជន៍របបសន្តិសុខសង្គម» ដល់ម្ចាស់សហគ្រាស ក្រុមហ៊ុន រោងចក្រ ក្នុងខេត្ត ដើម្បីពង្រឹងការអនុវត្តច្បាប់ និងបង្កើនប្រសិទ្ធភាពសេវាសាធារណៈ ដោយមានការចូលរួមពីតំណាងសហគ្រាសប្រមាណ ៩០នាក់ ដែលរៀចំឡើងនៅសាលប្រជុំសាខា ប.ស.ស. ខេត្តព្រះសីហនុ។

ក្នុងឱកាសនោះ លោកប្រធានសាខា បានលើកឡើងថា ពិធីផ្សព្វផ្សាយនេះ ធ្វើឡើងក្នុងគោលបំណងដើម្បីបង្កើនភាពជិតស្និទ្ធរវាង ប.ស.ស. និងវិស័យឯកជន ព្រមទាំងធ្វើបច្ចុប្បន្នភាពអំពីការវិវត្តថ្មីៗនៃរបបសន្តិសុខសង្គម ជាពិសេសការប្រើប្រាស់ប្រព័ន្ធឌីជីថលទំនើប។...អានបន្ត

តំណាង ​ប.ស.ស. ចូលរួមជាវាគ្មិនក្នុងវេទិកាសាធារណៈស្តីពី «គោលនយោបាយឆ្លើយតប គាំពារសង្គម សិទ្ធិការងារ និងវិបត្តិសកល» ក្នុងឱកាសទិវាពលកម្មអន្តរជាតិ ខួបលើកទី១៤០
-----------
(ភ្នំពេញ)៖ ក្រោមការចាត់តាំងពីសំណាក់ ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក នៃប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី១ ខែឧសភា ឆ្នាំ២០២៦នេះ  លោក សុក បូរ៉ា ប្រធាននាយកដ្ឋានតាវកាលិកសន្តិសុខសង្គម នៃប.ស.ស. បានអញ្ជើញជាគណៈអធិបតី  និងចូលរួមជាវាគ្មិន ក្នុងវេទិកាសាធារណៈនៃកិច្ចសន្ទនាសង្គម ក្រោមប្រធានបទ «គោលនយោបាយឆ្លើយតប គាំពារសង្គម សិទ្ធិការងារ និងវិបត្តិសកល» ដើម្បីអបអរសាទរ ទិវាពលកម្មអន្តរជាតិ លើកទី១៤០ ដែលប្រព្រឹត្តទៅក្រោមអធិបតីភាព ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅមជ្ឈមណ្ឌលសន្និបាត និងពិព័រណ៍កោះពេជ្រ ដែលមានអ្នកចូលរួមសរុបប្រមាណជា ១២០០នាក់។

​នៅក្នុងកិច្ចពិភាក្សាវេទិកាសាធារណៈនៃកិច្ចសន្ទនាសង្គមដ៏មានសារៈសំខាន់នេះ លោក សុក បូរ៉ា បានបកស្រាយពីយុទ្ធសាស្ត្រពង្រឹងនិរន្តរភាព ប.ស.ស. ដោយបានអំពាវនាវដល់បុគ្គលស្វ័យនិយោជន៍ ព្រមទាំងអ្នកក្នុងបន្ទុករបស់ពួកគេ  ឱ្យមកចូលរួមក្នុងរបបសន្ដិសុខសង្គម អានបន្ដ