#ماساكات_العناية_بالوجه 💖

🍯 الماسك الاول :
ماسك المناسبات ماسك عشان الميكب يطلع بيرفكت يوم المناسبه و وشك يكون بضوي و نضيف😍
( 3 ملاعق زبادي + ملعقة عسل + ملعقة لبان ضكر مسحون + ملعقة نشا )
اعملي و ختي باقي الكمية في التلاجه اعملي يوميا لمدة 5 ايام قبل المناسبه 💞
تعملي نص ساعه و تغسلي و تعملي مرطب 💖

🍯 الماسك التاني :
ماسك تنقية و تصفية الوش😍
(ملعقة كاكاو + ملعقة قهوة + و ملعقتين حليب سائل )
نص ساعه و تغسلي و تعملي مرطب 💖

🍯 الماسك التالت :
ماسك مغذي و مرطب و مقشر للوش 😍
(ملعقة شوفان +ملعقة عسل +ملعقة زبادي )
تختي 15 دقيقيه و تفركي بحركات دائريه و تغسلي وشك و تعمل مرطب 💖

🍯 الماسك الرابع :
للنضارة و التنيعيم ينفع للوش و اليدين😍
(ملعقة قهوة +زيت فايتمين e او كبسولة من فايتمين e + ملعقة دقيق + ملعقة زبادي او حليب الموجود فيهم )
نص ساعه و تغسلي و تعملي مرطبك 💖

🍯 الماسك الخامس :
لقفل و تقليل الماسامات و ننعش البشرة 😍
( اغلي شاي اخضر و نعناع في فنجان موية و غسلي بيهو وشك او رشي و خلي بشرتك تتشربو مامحتاج شطف 💖

🍯 الماسك السادس :
لترطيب الوجه ونقاوة البشرة 😍
( ملعقتين نشا + ربع خيارة او ممكن تعصري الخيارة وتاخدي عصارتها + ماء ورد تضربيهم ف خلاط )
نفردها ع الوجه نص ساعه ونشطف الوجه وترطبي 💖

🍯 الماسك السابع :
لتصفية الوجه وازالة الاثار ونضارة البشرة 😍
( ملعقة زبادي + 3 قطرات عصير ليمون + نص ملعقة ترمس )
تفردي ع البشرة نصف ساعه وتشطفي وترطبي 💖

🍯 الماسك التامن :
ماسك لعلاج احمرار بشرة الوجه ومناسب لبعد شيل شعر الوجه رهيييب رهييييب 😍 وينفع للجسم بعد شيل الحلاوة 😍
( كاسترد + جمادة حليب او حليب او قشطه + شوفان )
تمسحي ع بشرتك نص ساعه للوجه وساعه للجسم وتشطفي بمويه فقط وترطبي 💖

🍯 الماسك التاسع :
تنقية وتصفية ونضارة البشرة 😍
( نص ملعقة خميرة + ملعقة حليب بودرة + نص ملعقة كركم + ملعقة بابونج + نشا )
تفردي ع الوجه 15 دقيقه وتفركي بشكل دائري وتشطفي بالمويه وترطبي بشرتك 💖

🍯 الماسك العاشر :
لعلاج حب الشباب والرؤوس السوداء والبيضاء 😍
( ملعقة قرفه مسحونه + عسل )
نفرده ع البشرة نص ساعه ونغسله بمويه فقط وترطبي 💖

🍯 الماسك ال11 :
لازالة الرؤوس السوداء من ع الانف وتصغير الانف 😍
( ملعقة معجون اسنان + قرفة مسحونه + نقطة زيت نعناع )
يترك لمدة 15 دقيقه ع الأنف والذقن ويشطف بمويه 💖

🍯الماسك ال12 :
كمادات الشاي لعلاج الهالات السوداء 😍
( نقع 2 اكياس الشاي Teabag ف مويه وحفظها ف الثلاجه )
كل يوم تختي اكياس الشاي ع عيونك لمدة 15 دقيقه مع الاستمرار الهالات ح تختفي .. وترطبي بزيت فيتامين E 💖

لو واظبتوا ع الماسكات دي ما ح تتعرفي ع وشك و ح تبقى بشرتك صحيه Healthy اخر حاجه 😍💖

يلا احفظي البوست دا خلي مرجع ليك كل يوم افتحي و شوفي الماسك المناسب معاك حسب وجود المواد و حسب مشكلتك و طبقي 💖

يا طبيعيات تعالو اديكم الزيت لي الوش الناااعم و صافي و صحي لمن مورد 😍😍

اول حاجة :
ماء الورد اعملي بخاخ 💧 تجيبي بخاخ فاضي نظيف كبي نص ماء صحه و نص ماء ورد ولو عندك فايتمين e نقطتين بس 😉 و ختي في التلاجه شفتي لمن وشك يكون مع السخانه هاااايج لمن محمر داك و لو طالعه برضو في الشغل الجامعه اي مكان كل م تسخني بخي في وشك من بعيد بختين تلاته اول حاجه بيهدي الوش و بيخليو نظر حتى بيدي للميكب تجديد بس حاولي تحافظي عليو بارد

تاني حاجة :
نشاء و ماء ورد معلقة نشاء (كورن فلور ) و تلاته معالق ماء ورد 😍 اعملي في وشك و رقبتك قبل المكياج حلو شديد بيخلي البشره تسوي كدي 👋 لمن تحتاري بقفل المسام اهم شي

تالت حاجه :
معلقة زبادي و معلقة نشاء(كورن فلور) امسحيها في وشك ورقبتك ياخ دي بتدي نظاره عجيبة 😍 تحيرك في وشك

رابع حاجة :
بتعرفو السدر ورق شرة النبق المسحون جيبي معلقه صغيرة منو و معلقتين ماء ورد وحبة حليب بدره الخلطه دي بتشيل النمش الاثار حقت الحبوب بشيل القشرة بشيل اي بلوة في الوش بيخلي وشك كانو عامله فيو فاونديشن روووعة

اذا شفت تفاعل 👍 ح ازيدكم من الوصفات و كل مره حاجة

😍
عايني يا الكسلانة😂😂المرض حالة نفسية..الزهج. كلووووووو عندو حل👈عايزة تتجيهي بلاش كلام انا عيانة وانا مكرمشة😏نظمي وقتك... غسلي ملابسك الخميس بالليل👈الصباح قومي طبقيها ورتبي دولابك وامشي صلي واشربي الشاي .. يلا خلال الاسبوع ما حتغسلي وبكدا انتهينا من كسل الغسيل
..
نجي للشعر👈ما تمشششطي😼نهاااائي بس سرحي مهما كان بسيط🌚بالليل قسميهو اربعة بالباندات.. وادهنيهو خفيف ونومي. الصباح سرحي وحتتعودي علي كدا💓
..
نجي لي لونك..رطبي خلي معاك كريم في شنطتك لاي مكان.. تتوضي تتشطفي تغسلي يدك👈👈طوالي تتمسحي وانا بشجع علي كريم استرال ونيڤيا💕😍حاجة رووووعة😊عشان لونك يكون نضاار
..
نجي للتفتيح.. ما تفسخي🙏بس نضضفي ووحدي لونك💓وخليك مزززة بمنكيرك واكسسوار بشبهك
..
نجي للرجلين😂حككككيهم ولمععي الساق🌚والبسي اسبورتات ولو معاهم حجل بسيط😘احححححا😂😂واهم شئ بالليل تتجلبطي تمام مسووح😘
..
نجي للوش👈استعملي خلطات طبيعية زي الكاسترد والخيار وزبدة الحليب كل جمعة.. باقي الاسبوع اعتمدي خلطة واااااحدة وما تتعرضي لشمس كتير
..
نجي لدولابك تاااااني😂😂😂نظمي الرف الاخير لاسبورتاتك واحذيتك الانيقة😍وكرتونة اسبورت ختي فيها اكسسواراتك او علبة حلاوة فاضية واحدة للهتش والتانية للمكياج او رتبي كل شئ بالجنبة
..
نجي لنعومة اليدين..استعملي تفل البن😍والخل الابيض وشووووفي نعومة يديك😍
..
كدا ما ننسي الشعر👈حمام زيت منزلي😍قطعة بيض ومعلقتين مايونيز بتاع الاكل دا زاااتو🌚وامسحيهم في شعر والبسي كيس او طاقية الشعر عشان يستفيد اغسليهو بعد 4 ساعات بشامبوو...والشامبووو بانتين حلوووو😍وزيوت الشعر بنصح بالزيوت السبعة من العطارة ومعاهم دابر وداكس وودك وادعي لي😘😍
..
اها ما انسسي...كتتتري سلطات وفواكة عصاير عشان النضار وابلعي فيتامين بنفع معاك مثلا👈👈👈 ڤيتافيرول👈فوليك اسيد👈سيبرروڤين👈اوميقا 3 ... واستشيري دكتور في الاول عشان تواصلي😍حتنوووري
..
الغيرة سمحة.. عجبك استايل بت ركزي معاها وتعالي طوري نفسك دي غيرة بناءة😍شوفي تنسيق الالوان👈لاحظظظي دايما حتلقي زاتك برضو اتغيرت
..
اخييييرررا..... لو عايزة تغيري حياتك يلاااا ابدي وما تكسلي😍😍لانه العمر مررررة والعرس قسمة بس الجيهة والفهم هم الصنارة😂😂😂😂🌚وروقي وامشي بفهم واقعدي ضهرك معتدل 🙈 وبطلي امور عم عبدو دي😌😌😌وخليك بت 😍😍😍

#

#دلكة_البن
والله رهييييييييبه انا بستخدمها يوميا ونعمومه مبالغه...تجيبي كباية شاي دقيق اي نوع وتقلبيهو في النار لحدي يبقي لونو بني محروق ]بطلع دخان كتير لحدي يستوي م تخافي واصلي ساي ههه[ يلا تقلي بن وتدقيهو وسط اووووعه يبقي ناعم شديد وتضيفي للدقيق وتضيفي موية وتحركيهم شويه في النار وشوفيها خطيره كيف😉❤️

ماسك رهييب👌
😍مكوناته :بن ..لبن بدره ..ماء ورد ..زبادي
..فوائده :تقشير البشره ..ونضارتها😍وترطبيبها ..البن كمان بساعد علي ازاله التجاعيد ..ممكن تعمليهو مره او مرتين بس في الإسبوع

عشان تعيشي حياة هاااادئة وجميلة وبعيدة من المشاكل عليك بالاتي اول شي😍😍1/ انتي طلعتي من بيت ابوك معززة مكرمة وساقوك اميرة عشان تكوني ملكة في بيتك مملكتك حسي بي قيمتك وماتبقي تابع للرجل وماتنومي وتصحي بي هم الراجل وتقعدي تراقبي فيهو زي الطفل المتبنياهو يعني تخلقي شعور الاهتمام بالقوة😪😪2/ حبي نفسك واعرفي حقووووقك كويسس وماتتنازلي عن حقك عشان ترضي مزاج زول تاني😇😇3/ اولادك ديل ثمرة زواجك اهممم من اي مجاملات اجتماعية ماتجدعيهم ولا تهملي فيهم عشان تجاملي من الله خلقنا الاعراس ماكملت ولا الوفيات وقفت ومتابعتهم ودراستهم اهمممشئ ده حصادك بعدين وربيهم بي حب واتفرغي ليهم تمااااما واحرصي انك تطلعي احلي جيل وربيهم عشان المستقبل وعشان ديل سندك في كبرك👵👵4/ يفضل انك تكوني عايشة في بيتك براك دة بيقلل كتير من المشاكل عشانك وعشان اولادك وزوجك ما اتوفرت الحاجة دي المهم حاولي اخلقي جو خصوصية لي نفسك وكوني انسانةكوووول وطنشي لمن ربنا يفرجها😓😓5/ بالنسبة للنسابة👵👴👬👭الاحترااااام وبالله خليك في حدودك ماتتدخلي في خصوصيات الاسرة وتفرضي محبتك ولا تعملي فيها سوبرمانترضي الجميع وافرضي احترامك وختي حدود اوع من السبهللية وناس الحالة واحدة دي بتخر علي دماغك احترميهم وهم يحترموك في النهاية دي اسرته هو ما اسرتك انتي فما تفرضي علي الام انك تكوني بتها ولا علي الاخت تكوني اختها😊😊6/ نحمدالله نحنا شعب فداااائي عادي البيت بكون بيت زوجية ودار مسنين وداخلية طلبةوبيت عزابة ودة غير الوارد اليومي من الضيوف يلاااا الكلام دة كللو بسوط ليك تربيتك فوق تحت وغير المصايب البنسمع بيها احفظي اولاااادك الزمن صعب وماتدخلي عليهم مراهق ولا راجل غريب اليوم كلو تكوني تسكي فيهم زي الحرامية احمي اطفالك الله بسألك منهم مابسالك من الضيف وبعدين كلمة مرة ضيفان ديماحتطبطب عليك لو لاقدر الله طفلك اتعرض لي مصيبة مااااتجاملي علي حساب اولادك احسانك مايكون تمنو اطفالك😶😶7/ بند الجاااارااااات نبينا الكريم وصانا بالجار لكن ماقال ليك اسكني عند جارتك ومن تصبح تلفحي توبك وتعسكري عندها لاااا الدخول الكتير زاتو سبب مشاكل الحمدلله بقي وسائل تواصل ممكن بي واتس تسالي من اخبارها ماتتلصقي كتير في الاخر بتتخزلي ماعارفة معادن الناس😮😮8/ حددي هدف لي حياتك استغلي اليوم ماتخلي اليوم يستغلك يعني اعرفي روحك دايرة تعملي شنووو مش حسب الظروف وداااائما اقيفي وقيمي حياتك هل انتي راضية عنها ؟ انجزتي شنو؟ فشلتي في شنو ؟ اهدافك شنو ؟😎😎9/ ماتقارني حياتك بالناس ولا تختي صحباتك ولا جاراتك معيارتقارني بيهم كوني واثقة من نفسك😍😍10/ اهم بند اخلقي جو حلو تدلعي نفسك وترفهي عشان تواصلي المسيرة😧😧الفوق دي😩😩نحنا مامكنات في النهاية بنزهج ونمل لازم نجدد نفسياتنا ونرجع نواصل بي روح معنوية عالية
منقول

وان نلمس ستار الكعبه ونحن ف شبابنا