جديدنا.... 🆕

#محاولات_قتل_امرأة 👩🏼

قصة ل مال الشام
١٢ جزء
اللهجة سورية
تحكي لنا منال قصتها...

#اقتباس
قمت قربت منو وكنت مرتبكة .. اول مره بشوفو بهي الحالة .. كان عم يتعرق كتير وباين انو موجوع .. ركضت على التليفون وحكيت حماتي
وقلتلها انو ما بعرف عمر شبو بس قلبو عم يوجعو كتير .. قالتلي اتصل بالأسعاف ... وهيك عملت .. ورجعت لعندو بسرعه

تابعوها....

اتمنى لكم قراءه ممتعة
وحياكم بقناتنا 💕

https://t.me/joinchat/AAAAAD-xrVl62QWJj-y3Ug
ــــــــــــــــــــــــ
للتواصل معنا عبر البوت التالي :-

@NovelsStoriesBot 🍃

#قصص_وروايات ✏

#محاولات_قتل_امرأة👩🏼

#الجزء_الأول

@novels_stories
وعدت...
بذبحك خمسين مره..
وحين رأيت الدماء تغطي ثيابي
تأكدت أني الذي قد ذبحت..
فلا تأخذيني على محمل الجد..
مهما غضبت.. ومهما انفعلت..
ومهما اشتعلت.. ومهما انطفأت..
لقد كنت أكذب من شدة الصدق
والحمد لله أني كذبت…#نزار_قباني

عمر: حبيبتي… منولة…. لك يا قمر قومي…

فتحت عيوني… و اتطلعت حوالي… و ابتسمت…

منال: صباح الخير

عمر: صباح الفل… مابدك تقومي تفطريني؟

منال: ايه يلا على عيني…

عمر: يلا لكن انا فايت اتدوش و البس تيابي ليكون جهز الفطور…..

تجلست من تختي و اتطلعت على الساعه… ( 7:10(
فات عمر على الحمام و سمعت صوت المي و كان عم يغني جوا مع انو نبهتو كتير من هالعادة…
@novels_stories
قمت غسلت و ربطت شعري و فتت عالمطبخ..
طلعت مربى و زبدة و حطيت زيت و زعتر و صحن لبنة و صحن مكدوس و شرحت بندورة و خيار بصحن،، زينت كل شي متل ما تعلمت لأن عمر الو برستيج خاص بالاكل و دايماً بقلي " العين بتاكول قبل التم " ،، طلعت تلات بيضات فقستهن و بلشت اخفقهن…
و صارو دموعي ينزلو… كنت كاتمة كتير بصدري و مخنوئة…
و فجأة شميت ريحة عطرو لعمر… مسحت دموعي بمريول المطبخ و ركضت حطيت المقلاية عالغاز…

عمر: جهز الفطور؟ ..
@novels_stories
حطيت البيض المخفوق بالمقلاية و ركضت حطيت الصحون بصينية الاكل…

منال: جاهز حبيبي…

كان بغرفتو عم يلبس تيابو… متل العادة بدلة راقية… ساعة
شنته رسمية… و برتب شعرو الاسود الناعم بأناقة مبالغ فيها..

رحت لعندو على الغرفة بعد خمس دقايق

منال: شو ياعمر لايمت يعني؟ البيض برد!!

عمر: جاي حبيبي جاي… بس ثواني… بعدين بتعرفيني ما باكول بيض

منال ببرود: بعرف بعرف…

رجعت على الطاولة و طلعت خبزة و بلشت اكول…

اجا و سحب الكرسي و قعد… اكل لقمتين باستعجال و قام

عمر: يسلم هالديات يارب… يلا بتوصي شي؟

منال: يعني اكلت هيك؟

عمر: ايه الحمدلله..
@novels_stories
قام و غسل ايديه ونشف… و لبس برجلو و انا ساكته و عم هز برجلي…

منال بصوت عالي: على فــــــــكــــــــرة انا ماعاد رح اصحى اعملك فطور لانك كل يوم على هالحالة بس بتخليني اصحى عالفاضي…

قمت و شلت صحنين و مشيت و انا معصبه

عمر: ليش عم تعلي صوتك!!

منال: سلامتك…
#قصص_وروايات
عمر بعصبية: هلأ طالع على شغلي بس ارجع منتفاهم…

و طلع و طرق الباب وراه…
وقفت بالمطبخ و انا عم ابكي بعد ما اتطمنت انو راح..
مديت راسي من شباك المطبخ وشفتو وهو طالع كان واضح انو متدايئ... انقهرت من حالي انو نزعتلو صباحو... انتفخت روحي من التوتر الي عم عيشو..

قعدت بأرض المطبخ و انا عم ابكي… مخنوقه من حالي ومن عمر و من الحياة كلها…
#قصص_وروايات
______________________________________
انا اسمي منال،، عمري 25 سنة… دارسة محاسبة ومتخرجة من سنة و لهلأ ما لقيت شغل..

تزوجت من اربع شهور بالضبط… تقدملي زوجي عمر…
مافي بيناتنا اي سابق معرفة بس بكون رفيق ابن عمي و مره كنا عندهن و امو لعمر كانت موجودة و عجبتها كتير…
@novels_stories
وقت اجو لعندنا كنت مو مرتاحة ابداً… بس اهلي كان طاير عقلهن فية..

مدرس رياضيات… عمرو 32 سنة… طويل… ملامحو مريحة .. ذكي… و سمعتو طيبة و عيلتو محترمة…

بعد اصرار اهلي قعدت انا وعمر تلات مرات بوجود امي و امو
و اخر شي انجذبتلو كتير وهو عبرلي عن اعجابو فيني بشكل صريح
حبيت جرئتو و طريقة حديثو و ابتسامتو…
وهيك صار النصيب… و بحكم انو بيتو جاهز و وضعو المادي مستقر نوعا ما… تزوجنا بسرعه…
#قصص_وروايات
______________________________________

قمت من ارض المطبخ و نشفت دموعي و طلعت قعدت بالصالة وانا عم فكر ليش عم يصير معي هيك، انا بشو غلطت،، حسيت راسي رح ينفجر وماعم اقدر فكر منيح، انا بحاجة حدا يوقف معي، بكفي اتحمل كل شي لحالي، …
@novels_stories
قمت اتصلت برفيقتي أريج…. و طلبت منها تجي لاحكي معا،، بعتبرها اختي و اعز لأن درسنا مدرسة و جامعة مع بعض و تخرجنا سوا بس شوي خف تواصلنا بحكم انو انا تزوجت وهي عندها وظيفتها… ما خطرلي غيرها احكيلو لان قلبي عم ينكوي ومافيني احكي لحدا من اهلي…

و بالفعل كعادتها ما تركتني وحيدة بس حست صوتي تعبان و اجت لعندي فوراً…
كنت منظفة بيتي و عم انطرها.. استقبلتها بابتسامة و ضيفتها عصير..

منال: عاش من شافك وين هالغيبة!!

اريج: بس سمعت صوتك عالموبايل انشغل بالي اخدت اجازة من شغلي و اجيتك فوراً بس شكلك منيحه الحمدلله

منال: ايه مابني شي…

#قصص_وروايات
حكيت هالكلمتين و نزلت عيوني بالأرض و سكتت..

اريج: منال؟

منال: - - -

اريج: شبك شو في؟؟؟ …

هرو دموعي على خدي و ما كان يطلع معي حكي….

اريج: لك شو في احكي والله قلبي رح يوقف ليش هيك عم تبكي!!!!

منال: رح اختنئ…

قامت وقعدت جنبي وهي متوترة كتير…

اريج: لك والله ركبي قصف

#قصص_وروايات ✏

#محاولات_قتل_امرأة👩🏼

الــجـــزء الـــثـــــــاني

@novels_stories
أريج : يلا قولي

منال : استني بدي ورجيكي بالأول شغله ..

قمت على غرفتي وفتحت خزانتي وجبت كيس اسود ورجعت لعند اريج ..

منال : خدي شوفيه

أريج : شو فيه هاد الكيس ؟

اخدتو من ايدي و فتحتو و طلعت الي فيه

أريج : شو هدول ؟ علب أدوية فاضية ؟

منال : ايه .. هدول الأدوية لعمر

قلبتهن أريج بين ايديها وما حكت شي

منال : هدول أدوية قلب .. عمر طلع مريض .. معو ثقب بالقلب

أريج : شووووووووووو ؟؟؟؟؟؟؟؟؟؟

منال : متل ما عم ئلك ، و خبى علينا هو واهلو وما حكولنا

أريج : العمى لك هاد غش وما بجوز كيف بخبو هيك موضوع مهم !!

كنت عم ارجف وانا عم احكي ، حاسة حالي عم قول شي ما لازم ينقال وبنفس الوقت بدي ريح البي لان حاسة انو استغلوني واستغبوني وبدي حدا ينصحني شو اعمل

منال : ما بعرف كيف اهلو قدرو يخدعونا بهي الطريقة الله لا يسامحهن .. على أساس عيلة محترمة و الهن سمعتهن .. طلعت المظاهر خداعة ، المشكلة عندهن بنات .. لك ما بخافو الله يبتلي بناتهن بنفس الي صار فيني

أريج : طيب اهدي واحكيلي ،ايمت عرفتي وكيف وليش ما خبرتي اهلك لك ليش ساكته لهلأ !!

منال : لك شو بدي قلهن !! شو بدو يطلع بأيدهن !! بعدين انا ما الي شهر عرفانة .. كنت لاحظ تصرفات عمر الغريبة
لك بنفس يوم عرسنا طلبت منو يحملني ويدور فيني وقلتلو كتير نفسي جرب هالشعور متل الأفلام
رفض بشكل قطعي !! قولي مو هالقصة الهمة .. بس .. بس في كتير شغلات خاصة ما بتنحكى ، وازا كنت اطلب منو يحرك شي تقيل بالبيت يتعب بسرعه ويحاول يخبي
حتى لما نتخانق بيصير يرجف ويتعرق كتير بحسو رح يغمى عليه !! كل مرة كنا نتخانق سكر انا الموضوع لان خاف عليه وكنت مفكرة انو هو عصبي زيادة

أريج : طيب وكيف عرفتيي ؟ هو قلك ؟

منال : لااااا هو ما بيعرف انو عندي خبر ، كان حاطط هدول الأدوية بالزبالة من تحت بس انا لمحت طرف الكرتونه وطلعتهن وعرفت لشو هن
بعدين صرت اعرف وين بيحط ادويتو .. بيحطهن بشناتيتو الي بياخدها عالمدرسة معو تخيلي !!
لك انا بس ما عم افهم كيف قدر يكزب بهيك موضوع مهم !!

أريج : طيب شو بدك تعملي .. عنجد ما عم يطلع معي شي احكيه

تنهدت وسكتت لان انا كمان ما كنت بعرف شو بدي اعمل ..

أريج : بدك تواجهيه ؟

منال : لأ

أريج : ليش ؟

منال : لأن هاد مرض من رب العالمين ، مو ذنبو ولا قرارو ..
@novels_stories
أريج : طيب بس هاد الموضوع مو سهل يا منال .. يعني ما بصير تحكمي قلبك لازم تحكمي عقلك

منال : اي و حكمت عقلي .. عقلي بقلي انضبي ببيت جوزك لأنك ازا تطلقتي ما حدا رح يتقدملك ولا يتطلع بوشك ، بالذات لما يعرفو سبب طلاقي
قال شو .. تطلقت لان جوزي مريض قلب .. والله العالم لتاكل وشي ويقولو ما تحملت جوزها ومو مرباية

أريج : لك بس يعني ... يعني .. انو قصدي هاد الشي بأثر على حياتكن .. قصدي .. مو عارفة كيف بدي قلك

منال : بعرف فاهمة عليكي .. وبعرف انو يمكن ما صير أم .. بس ما رح اتروك جوزي .. انا بس حكيتلك مشان فش البي مو اكتر

أريج : مجنونة .. كلي المقلب وخليكي ساكته .. على فكرة هاد حقك وربنا ما بيرضى بالي صار .. اي لو انو لما اجا خطبك
كنتي حاطة عدسات لونهن بني .. وبعد العرس عرف انو لون عيونك اسود مو بني لكان طلئك
وانتي بدك تسكتي على هيك كزبة وهيك خداع

منال : يا أريج نحنا عايشين بمجتمع شرقي .. بيعيب البنت وبيبرئ الشب .. وما حدا رح ينصفني ..
بعدين خلص عمر بعاملني منيح شو بدي اكتر من هيك

أريج : يعني شو بدك تسكتي ؟

منال : ايه .. رح حط عالجرح ملح واسكوت

أريج : غبية .. يلا ضيعي عمرك مشان يقولو عنك الناس يا الله شو انها بنت أصل ..

منال : هلأ انا جبتك لاحكيلك مشان تزيديها علي !! صحيح الموضوع مو سهل بس ما تكبريه وتحسسيني انو مصيبة وقعت فوق راسي

أريج : هو فعلاً للأسف هي مصيبة وقعت فوق راسك ، لو كان حاكيلك من الأول كنا قلنا الشب واضح وصريح وحط عندك علم
أما انو يحطك تحت الأمر الواقع فهي قلة شرف وقلة أخلاق منو و من أهلو

منال : أريج لو سمحتي والله اعصابي مو متحملة ، نصيبي وأكلتو ليل نهار عم ببكي على حظي .. مو بس لأنو مريض .. وكمان لان حاسستو استغلني وخبى علي ..

أريج : حسبي الله ونعم الوكيل ..

#قصص_وروايات
ضلينا نحكي بالموضوع وسرقنا الوقت ... وقامت أريج مستعجلة مشان ترجع على بيتها وانا مشان قوم جهز طبختي ..
وصلتها للباب و ودعتها

منال : ما تقطعيني ايه ؟

أريج : ايه يلا باي ..

مشت شوي وبعدين رجعت لعندي

أريج : منال منال ..

منال : ايه شو في ..نسيتي شي ؟

أريج : لأ بس من عجئتي نسيت ئلك شي مهم . .. كان في عنا بالشركة موظفة و استقالت لانها تجوزت .. وانا قدمت اوراقك لمدير القسم لعل وعسى يوظفوكي

منال : ههههههه ايه يسلمو ايديكي بس انا يئست من الوظيفه
@novels_stories
أريج : انتي قولي يا رب وما تنقي ، انا قدمت ملفك فوراً ما لحق

#قصص_وروايات ✏

#محاولات_قتل_امرأة👩🏼

الـــجــــــزء الــثالــث
@novels_stories
كنت رح موت من التوتر وأفكار تاخدني وافكار تجيبني .. آخر شي قررت أحكي مع اهلو واسالهن عنو .. اتصلت وردت علي حماتي

منال : مرحبا مرت عمي

ام عمر : اهلين منال .. كيفك ؟ كيفو عمر ؟

منال : انا.. منيحة ..بس

وقبل ما كفي حكيي سمعت صوت المفتاح بالباب .. نزلت الموبايل عن ادني واتطلعت عالباب .. وفات عمر رجعت حكيت مع حماتي

منال : ايه مرت عمي بحكي معك بعدين .. تصبحي على خير

وسكرت الخط وانفجرت بصوت عالي بعمر : وينك لهلأ وليش تأخررت وليش ما عم ترد علي جنيت انت يعني

ضلو ساكت وفات قعد بالصالة وحط رجليه على الطاولة الي قدامو ورجع راسو لورا

م
نال : لك شو صاير معك احكي

عمر : هسسسسسس .. خلص عاد صوتك عالي

سكتت ورحت قعدت عندو وضليت عم استناه يحكي

عمر : تقلعت من الشغل

منال : نعم ؟

عمر : تسربت اسألة الامتحان تبعي .. وانتشرت مع الطلاب والمدير دري .. وتقلعت لان الي سرقهن قال انو انا بعتو ياهن

منال : وهن هيك من الباب للطائة بيسدئوه ؟

عمر : هاد الي صار

حسيت عليه تعبان كتير وعم يحكي بصعوبة .. تركتو وقمت على غرفتي طفيت الضو ونمت وانا عم ابكي .. براتبين وكنا يا دوب مزبطين أمورنا
كيف هلأ براتب واحد وجاينا ولد !!

ضليت شهر ونص عم اشتغل و طلبت ساعات دوام إضافي مشان يزيد راتبي لأن كنت بدي وفر كل شي لأبني .. رجعت عالبيت
الساعه 7 و لقيت عمر قاعد عم يتفرج عالتلفيزون متل العاده والبيت متل المزبلة و جايب اكل جاهز الو طبعاً من اخر المصاري الي ضلت معو
ومو تاركلي شي اكلو ..
حسيت حالي قرفانه منو كأنو ما فيه جنس الرجولة .. عملت حالي مو شايفتو وبدي فوت على غرفتي لاتسطح

عمر : ما بدك تحطيلنا عشا ؟
#قصص_وروايات
كأنو هالكلمة خلتني انفجر !! حسيتو متل الحيوان الي عم ياكول ويشرب و ينام .. انفجرت فيه وقلتلو استجي على حالك واطلع دور على شغل
رجلي و ضهري وجعوني بطلع من وش الصبح وبرجعلك عالمغرب وانت ما عم تستحي على حالك .. عالأقل خلينا نوفر شي مشان عملية ابنك الي جاي

التفت علي عمر و هو مصدوم

منال : ايه ابنك .. انا حامل .. الكل بيعرف إلا انت لانك بلا احساس

عمر : ليش ما خبرتيني ؟

منال : لان ما حسيتو بهمك !!

عمر : لازم تنزلي الولد !!

فكرت حالي سمعتو غلط .. كنت ناطره يقعد عن رجلي ويعتزر مني ويقلي خلص اقعدي بالبيت وارتاحي وانا بشتغل كل شي عنك
بس ملامحو كانت باردة وبليدة ...

عمر : بكرا .. بكرا بتروحي تنزليه

منال : عم تحكي عنجد ؟ بدك تقتل ابنك ؟ليش !!

عمر : متل ما عم ئلك .. ما بدنا ولاد

منال : لك بدل ما تشكر ربك انو اعطاك ولد بالحالة الي انت فيها !! لك يمكن ما يصحلك مره تانيه تكون اب عم ترفض نعمة ربنا يا ظالم

عمر : انتي شو عم تخبصي ؟

منال : انا ما عم خبص انت الي عم تخبص وربنا رح يحاسبك على كل شي .. انا بعرف بمرضك ولهلأ ساكته ومتحملة قرفك
والولد ما رح نزلو لو بتموت

كان هداك اليوم يوم اسود .. بعد ما واجهتو اني بعرف بمرضو وشافني راضخه وقاعده عندو بدون ما اشتكي .. صار يتمقطع فيني
وحط ايديه ورجليه بمي باردة .. وما عاد نزل دور على شغل بنوب وصارت الأدوية مرمية بكل زاوية بالبيت .. لا وصارت تكاليف الدوا تتاخد من راتبي
كنت عم انطفي عالبطيئ .. كل ما استلم الراتب ياخدو من ايدي متل ما هو ويقلي ( عندنا ديون .. وامي بدها مصروف .. ولازم اجيب الدوا .. ورح اشيل شوي مشان بس تخلفي )
لما كنت ارجع عالبيت ولاقيه مكركب كل شي كأنو صاير معركة ما عاد تحملت و قلتلو يصير يروح يتغدا عند اهلي وفعلاً اتفقت مع امي انو كل يوم عمر ياكول عندهن لارتاح شوي ..

مع هاد كلو كنت اشتغل شغلي على احسن وجه وما قصر فيه لان عرفانه ازا انفصلت ما عاد نلاقي ناكول .. انخطبت أريج لشب بيشتغل حداد
مو متعلم واطباعو غريبه وقت رحت حضرت خطبتها زعلت عليها كتير اخدت واحد عكس كل شي كانت تتمناه وتوصفلي ياه
بلش شغلها يرجع لورا و كنت صححلها كتير شغلات.. مع انو وضعي كان اسوء منها بألأف مرة بس كنت متماسكة اكتر منها
@novels_stories
صرت كل يوم ارجع على البيت ما لاقي عمر .. يروح على بيت اهلي يتغدا عندهم ويسهر عندهم ويرجعلي الساعه 10
لكون نظفت البيت ورتبتو ...بلشت حس حالي رح انفجر من هاد الموضوع ..

مرقو خمس شهور ... وبين الحمل علي لان صرت بالشهر التامن .. وزاد تعبي ..و الوضع متل ماهو ما في شي تغير

رجعت على البيت وكنت هلكانة وحاسة بتعب كبير .. كالعاده ما لقيت عمر بالبيت قلت اكيد بكون ببيت اهلي

ضليت بتيابي الي لابستهن ونزلت واخدت تكسي لروح على بيت اهلي وشوف اخرتها معو ولأيمت هالحالة ... خلينا نحط حد للموضوع قدام اهلي

صارلو ست شهور وشكلو مو ناوي يدور على شغل ..

وصلت وحاسبت الشوفير و فتت وانا حاطة ايدي ورا ضهري وعم اتنفس بصعوبة ..

بيت اهلي كان الو ارض ديار بعدين باب رئيسي كبير بعدين مساحة صغيرة وبعدا باب ال

#قصص_وروايات ✏

#محاولات_قتل_امرأة👩🏼

الجزء الرابع
@novels_stories
عمر : طولي بالك شوي ..

قربت من الباب وصرت دئ بقوة كتير وعيط بصوت عالي ( امي افتحييييييييلي ... افتحولي الباااب ) ضل عم بحكي معي
وانا مو حاسة بشي حوالي ... بس شافني هيك مشى بسرعه واخفتى .. و فتحتلي امي الباب وهي خايفة

ام لبنى : منال ؟ شو في لك امي ؟

كنت عم ابكي واصرخ بصوت عالي : وينا عهد ؟؟ وينا عهد

فتت على البيت وصرت دور عليها وابي وراي ويقلي شو بدك باختك ... وفتت لعندا على غرفتها ومسكتها من شعرها وصرت اضربها
نسيت حالي وما قدر حدا يبعدني عنها ... كنت اضربها بدون وعي من قهري من هالحياة و من الظلم الي عم عيشو
احترق قلبي مو من عمر لأ .. لان ما كنت مستنيه منو شي .. بس دبحتني اختي .. اول حدا حاول يقتلني كان عمر واهلو لما خبو علي
طبيعة مرض ابنهن .. وتاني مره اندبحت على ايد اختي لما سمعت غزلها هي وجوزي بالوقت الي انا برجع فيه من دوامي مكسرة
تعبانه.. موجوعه وضعيفه .. كل هاد الوقت كانت عهد وعمر عم يحبو بعض بهدوء .. وانا عم موت وافني عمري بهدوء
@novels_stories
اخر شي تعبت .. وقعدت على الأرض وحسيت بوجع ..

ابو لبنى : لك شو صارلك الله يكسر ايديكي

ام لبنى : تعي امي .. تعي تعيييييييي

اخدت امي عهد عالحمام وغسلتلها وكانت عهد كمان عم تبكي وتتوجع وما فتحت تمها بحرف ..

لا هي حكت شبها ولا انا حكيت .. فتت على غرفة تانية وقفلت على حالي وضلو اهلي يحاولو يفهمو من عهد شو الي صاير

وانا ما رضيت افتحلهن الباب .. ما عاد قدرت احكي او اتخانئ مع حدا خفت يصير شي لأبني ..

منال : امي مشان الله اتركوني .. اتركوني بكرا منحكيييييييي ببوس ايدكن

ابو لبنى : خلص تعي وبكرا الصبح منفهم منهن شبهن .. لا حول ولا قوة إلا بالله ..

تمددت وحاولت اخود نفس وارتاح شوي وصرت ابكي لأن الوجع عم يزيد بالتدريج ... خفت كتير وفكرت حالي رح اجهض بعد كل هالمعاناه ضليت للساعه تلاته الفجر عم اتوجع
كتمت صراخي و وجعي وخبيت راسي تحت الوساده لاقدر اصرخ شوي .. لوصلت لدرجة من الألم ما عاد قدرت اتحمل ابداً ..

زحفت لعند باب الغرفة .. حاولت اوصل ايدي للمفتاح ودرتو بايدي وفتحت الباب وانا عم ابكي واتوجع

كان باب الغرفة مقابل غرفة عهد .. وباب غرفتها مفتوح

منال : عهد ... عهد مشان الله ..

زحفت لعند غرفتها وانا عم ابكي وكانت نايمة .. بلشت صرخ وصوتي يعلى كتير وبدي حدا يقوم يحس علي ..
كان نفسي عم يديئ و حاسة حرارة بكل جسمي ..
#قصص_وروايات
اخر شي حست علي عهد .. وبس شافتني مرمية بالأرض وعم اتوجع ركضت لعند اامي وابي وصحتهن .. اسعفوني على المستشفى ..
وضلينا كل الليل هنيك وانا كل شوي اسأل الممرضات بخوف ( ابني بخير ؟ ) وهن يهزو براسهن ويروحو ويجو

اخر شي وعيت عليه وهن عم يقلولي ( ولادة مبكرة ) ما كان بدي ابني يجي هيك .. لسه ماني جاهزة لاستقبلو

لسه ما قدرت جيبلو تياب .. ما جبتلو العاب .. ولا غرفة .. ولا تخت .. حتى اب ما عندو هلأ !! من وين بدي جيبلو مصروف حليب وحفوظات ؟ ازا مرض من وين بدي جبل حق دوا ..لهلأ ما معي ولا ليرة ..
كنت عم ابكي واترجاه لو يعطيني شوية وقت بعد .. يا امي الكل وقف بوشي ساعدني انته .. ساعدني ..

بس رغبة ابني ( ضياء ) كانت اقوى من ألمي ..

وبهديك الليلة .. اجا ابني وفرحة عمري ..

ما قدرت شوفو لتاني يوم العصر لانو كان بالحاضنة .. ابي الله يحن عليه اخدني على احسن مستشفى خاص

وهو دفع كل تكاليف الولادة ..

حتى لهلأ بتزكر لما طلعت من المستشفى اخدوني على البيت وما كان لسه عمر عندو خبر ..

جابلي شنتاية كبيرة كانت كلها تياب الي ولأبني ... ضميت التياب وبكيت وضحكت .. اديه كنت احلم جيبلو ياهن من تعبي

بس المهم اجو !!
@novels_stories
استغربو اهلي انو عمر لهلأ ما طل علينا .. وكل ما يسألوني قلهن ما بدي اسمع سيرتو .. حسيت امي ربطت موضوع عمر وعهد ببعض
يمكن كان عندها شك دفين من قبل بس كانت تكزب حالها ..

اتصلت بأريج وقلتلها تقدملي إجازة امومة من الشركة و وعدتني تجي تزورني وتباركلي ..

كنت كل ما نام شوي اصحى لاقي عهد عم تلاعب ابني وتكاغيلو .. ارجع اعمل حالي نايمة لتطلع من الغرفة

هيك لبعد اسبوع اجت امو لعمر وخواتو وكانو طاير عقلهن من الفرحة ..

جابو هداية للولد وحطتلو حماتي ليرة دهب .. مابعرف فرحت فيهن كتير .. كل الوقت كنت اطلع بعيون ابني وحسو عم يسألني ( ماما ما في حدا كان ناطر جيتي على هالدنيا ؟ )

وقبل ما تطلع مرت عمي سألتني سؤال موتني من الخوف ( منال .. انتي متأكده انو الولد سليم ؟ ) ضحكت وقلتلها ما تخافي
ليكو اسم الله عليه مابو شي .. رجعت قالتلي ( بس عمر كان معو ثقب بالقلب وراثة من جدو .. لهيك كنت خايفه على الولد يجي كمان مريض قلب ) صفنت شوي بحكيها
وتزكرت لما اول ما خبرت عمر با

لموضوع اول كلمة قلي ياها ( من بكرا بتنزلي الولد )رجعت ضحكت وشديت ابني لحضني وكان عم يبتسم متل الملاك

منال

#قصص_وروايات ✏

#محاولات_قتل_امرأة👩🏼

الجزء الخامس
@novels_stories
منال : شوفي يا عمري .. والله هالحياة ما بتمناها لعدوتي .. كل الوقت بسأل حالي .. انا شو عملت حتى ربنا يجازيني بهيك رجال
فكرك انا زعلانه انو جوزي عينو منك ؟ لا والله .. لا غيره ولا شي .. بس وجعني انو فوق كل شي بشع عم اتحملو منو
فوق قعدتو بالبيت متل النسوان .. فوق كزبو علي هو واهلو .. فوق قلة ششرفو واخلاقو السيئة .. كمان طعني بضهري !!
لك ومع مييين ؟ ههههه .. مع اختي الصغيرة !!

كنت عم احكي ودموعي تسبق كلماتي ..

عهد : وحيات الله .. والله والله ما بعرف كيف هيك صار .. ما بعرف .. مابعرف لهلأ ما بعرف كيف صار هيك
انا كنت كل يوم عم اتوسخ اكتر .. كل يوم بدون ما حس .. وبدون وعي انو عمر يكون جوزك .. جوز اختي الحنونة .. جوز رفيقة عمري
ما بعرف .. مابعرف .. انا مو مستوعبة .. مو مستوعبة

كانت عم ترجف وهي تحكي وصوتها يقطع .. بس ما حسيت بحنية تجاها .. كنت عم اتطلع بعيونها وهي تحكي ونفسي اسألها كيف هنت عليكي ؟
كنت بدي اسألها على شو دائت عينك علي ؟ على هالحياة الزبالة ؟ استكترتي علي شوية هالكرامة الي ضلولي ؟

حطيت ايدي على تمي مشان ما يطلع مني شي من هالحكي هاد ..

وهي ضلت تقلي كيف كانت كل يوم عن يوم عم تحب جوزي بدون وعي .. كيف كانت تشتقلو تاني يوم ليجي وتشوفو
كانت عم تحكي وهي مفكرة انو انا عاقلة وعم استوعبها بس كان كل جزء فيني عم يصرخ يوجع
عم قول يارب دخلك .. يارب دخلك تقويني .. يا الله تاخد بايدي يا الله ..

مسحت دموعي وابتسمتلها وانا عم كز على اسناني ..

منال : خلص انسي .. انا بعرف انو الي صار نزوة وراحت

عهد : يعني سامحتيني ؟

منال : اي .. بس بشرط تديري بالك على حالك .. امك رح تدبرلك عريس .. بتوافقي وبتديري بالك عليه وبتشوفي حياتك
ويارب يكون حظك احسن من حظي هه.. قومي كملي تغير لضياء بلا ما يبرد .. انا فايته اتحمم ..

فتت على الحمام وقعدت بالزاوية وانا عم اضرب حالي وابكي ( يااااااااا ربيييييييي شو اعمل شو اعممممممممل شووووووووو اعممممممممممل )كنت محتاجه اصرخ
محتاجه ارمي حالي بحضن حدا وابكي .. محتاجه كتير !!

وهالحدا كان أريج !! ..

اجت لعندي تاني نهار فوتتها على غرفتي وكتيت كل شي بقلبي وقلتلها انو كشفت خيانة جوزي مع وحده بس ما قلت انو اختي
حكيت عليه وسبيت عليه وسبيت على هي الوحده الي بتكون اختي من كل قلبي

بعد فترة طلبت من عهد ما عاد تجي لعندي .. كنت كل يوم اتأكد انها ندمانه على تصرفها لارتاح انو ما تكون بعدها على علاقة معو من ورا ضهري و
الحمدلله بعد فترة انخطبت لابن خالي بعد ما امي لمحتلو انو يجي يخطبها وبتعطيه ..
@novels_stories
رجعت لعمر وفضيتلو ...

منال : مرتاح حبيبي ؟ ما شاء الله عليك عم تاكول وتروح بالعرض الله يحميك من عيني ..

ترك اللقمة الي بأيدو : استغفر الله العظيم بلشنا نكد

منال : نحنا ما خلصنا حتى نرجع نبلش .. ايمت ناوي تلاقي شغل ؟

عمر : عم دور بس ما لقيت

منال : بالله ؟ .. طيب يكون بعلمك .. انا فصلوني من شغلي

قام وصار يصرخ وجن جنانو : كييييييييف ؟ ليييييييييييش ؟ شو على كيفهن؟

منال : ولله هاد الي صار .. لهيك هز كتافك ودور على شغل لتجيب اكل لابنك .. حليبي نشفان وما في شي يرضعو من صدري
بدو حليب الولد
@novels_stories
عمر : لك وبعدين مع هالحياة هي معك ؟

منال : انت ما عندك ولا ذرة شرف .. ليك لقلك .. والله العظيم ازا ما بتطلع بتشتغل وبتصير متل الخلئ لافضحك قدام اهلي واهلك
وقلهن عن وساختك .. وقول لاهلي انك كزبت علينا انت واهلك المحترمين وتجوزتني وضحكت علي .. اشكالك حرام الوحده تستر عليهم

عمر : لك ليش عم تحكي معي هيك ؟ استحي على حالك انا جوزك

منال : بعد الي شفتو بينك وبين اختي ما عاد اقدر احترمك يا عمر .. ولا تستنا مني بيوم احترمك او اعتبرك جوزي .. انا رجعت ورح اعتبرك متل قطعة اثاث بهل بيت
كرسي طاولة تخت .. وروح انت اعمل الي بدك ياه .. تجوز علي .. ولا ما بتقدر تتجوز لان انا مو قادر تعطيني حقوقي لتقدر تجيبلي ضرة مو ؟
#قصص_وروايات
بس سمع اخر كلمة سحب حالو وطلع فوراً من البيت ..

خلصت اجازتي وانا ناطرتو يلاقي شغل وما لقى .. وانا ما عاد اقدر مدد اجازتي .. ورجعت داوم وهو عرف اني ما تركت الشغل
ولسه راتبي موجود ..ورجع برد اعصابو ..

كنت اخد الولد لحماتي تدير بالها عليه لارجع من شغلي وضليت على هالحالة تلات شهور

بس هالمره ما عاد اعطيت عمر شي من راتبي .. اكتر من مره حاول ياخود مني شي .. كنت قلو انو الراتب صار عند اهلي
وبالفعل كنت روح حطو بايد امي لاطمن انو عمر بردت اعصابو روح وجيبهن واشتري فيهن لضياء حاجياتو وكل شي معتازو

وبيوم من الأيام .. ومتل العادة كنت حاطة ابني عند حماتي .. واتصلت علي عالشغل

ام عمر : منال كيفك

منال : منيحه .. عم يعزبك ضياء ؟

ام عمر : لا .. بس

منال : شبك ليه هيك صوتك

ام عمر : بدي ياكي بموضوع مهم

منال :

#قصص_وروايات ✏

#محاولات_قتل_امرأة

#بقلم_مال_الشام

الجزء السادس
@novels_stories
وهيك بلشت مرحلة جديدة من حياتي .. فتت على بيتي وضياء بحضني .. ورميت شنتايتي قدام عمر الي كان متمدد على الكنباية
وعم يلعب بالموبايل

منال : افتح الشنته .. وخود حق دواك ..

ضل ساكت وما جاوب .. مشيت شوي ورجعت حكيت معو

منال : وازا بدك تاخد كل شي فيها خدو ..

فتت على غرفتي لبست بيجامتي و حطيت ضياء جنبي على التخت .. نمت جنبو وطفيت الضو .. فات عمر وشغلو

عمر: شبك ؟

منال : ط

في الضو بلا ما يتدايئ ضياء

عمر : صاير معك شي ؟

منال : لا .. بس ضياء ...

عمر : شبو ؟

منال : ضياء معو ثقب بالقلب .. ولازمو عملية .. طفي الضو واطلع لبرا

اجا قعد جنبي وكان عم يتطلع بضياء بطريقة غريبه

عمر : انا مو قلتلك نزليه ؟ مو قلتلك ما لازم يجي على هي الحياة ؟

منال : لا تخبص .. ما بدي اسمع منك شي .. ومو ناطرة منك توقف جنبي لانك بعمرك ما كنت جنبي
انا رح وفر مصاري عملية ابني .. ورح خليه بحضني وما رح يصيرلو شي .. وانت ما دخلك فينا

صحي ضياء على صوتنا وصار يبكي

منال : اطلاع لبرا ... اطلاااااع ..

قام عمر وبعدين سمعت صوت باب البيت انفتح وعرفت انو طلع برا البيت ..

رجعت نيمت ابني ونمت جنبو .. وكنت عرفانه انو كل شي راح كوم .. والي جاي كوم تاني

صحيت تاني يوم وانا عم حاول ابتسم وعم حاول كون قوية لاقدر احمي ابني

رجعت لدوامي وحطيت خبر عند كل الي بعرفهن اني بحاجة شغل اضافي ..

مع انو كنت بنفس الوقت حاسة حالي بدي استغل كل لحظة لكون مع ابني .. بس ما في بأيدي شي تاني

بهي الفترة عهد تجوزت .. وانا حسيت حالي عم تقل على حماتي .. لهيك قسمت الأيام بيناتهن .. تلات ايام بالأسبوع عند عهد واربع ايام عند حماتي

لقيت شغل بعد المغرب .. محاسبة بمطعم ... واشتغلت وما سألت لا عمر ولا اهلي ولا سألت عن الناس شو بدهن يحكو علي وانا عم اشتغل هيك شغله
لان ما حدا بهمني غير ابني
@novels_stories
صرت عايشه بدوامة من الشغل .. صرت اقرف من ريحة المصاري .. واكره شوفهن

كل الناس حوالي بلشت تعرف قصتي ويزعلو علي وانا ما رضيت انكسر لحدا ..

بطلت شوف عمر نهائياً ... كنا نلتقي بالصدف وارفض احكي معو

وهو كان يضل ساكت وما يحاكيني ..

أريج بس هي سندي الوحيد .. تساعدني كتير بالشغل وتشيل عني الحمل ..

وانا قضي كل الليل مع ضياء لاعبو واضحك معو وطعميه ولما ينام ازعل كتير مع انو كون هلكانه بس كمان كنت اشتقلو كتير

اجت هديك الفترة اختي لبنى .. نزلت لعندنا زيارة وخجلت منها كتير انو لازم روح سلم عليها اخدت اجازي من الدوام المسائي

ورحت واول ما شفتها صرنا نبكي التنتين بعد ما امي حكتلها كل شي صاير فيني ، حتى حكتلها عن قصة عهد وعمر
@novels_stories
بوستني كتير وقالتلي انو بدها تشوف ضياء و رحنا لعند حماتي مشان تشوفو وبعدا طلعنا على مطعم

عزمتني هي وما رفضت لانو المصاري الي معي مو الي هدول لأبني وما رح فرط فيهن حتى لو كرمال اختي الي جايه زيارة !! متخيلين اديه كنت عم حط القرش على القرش بكل حرص !!

رجعت على بيتي بكير قلت بكسب كم ساعه مع ابني واستغربت لما فتت وما لقيت عمر بالبيت . .. وصل بعدي بعشر دقايق
وكان شايل كيسين بأيدو

منال : وين كنت ؟

عمر : بالشغل

منال : شغل !! .. انو شغل ومن ايمت عم تشتغل

عمر : مو مهم .. تعي كلي جبتلكن مشاوي

منال : مشاااوي !! وانت عم تصرف المصاري يمين وشمال بدل ما تلمهن كرمال عملية ابنك !! بالفعل انك بلا احساس
كل يوم عن يوم بقرف منك اكتر .. بشمئز منك .. بكره حالي لان عايشه معك تحت سقف واحد
قرفانه منك فهمان شو يعني ؟ الله يخلصني منك .. تسمم لحالك ما بدي اكول
#قصص_وروايات
وفتت على الغرفة وانا معصبه واعصابي تعبانه .. ولحقني عمر

عمر : انا جبت مشان تاكلي لانو شكلك متغيره وضعفانه كتير .. لازم تتغذي

منال : بتقوم بتجيب مشاوي ؟ بكم جبت الكيلو اه ؟ مو اولى نخبيهن مشان العملية ؟ الأيام عم تمر

عمر : طيب انا عم وفر مصاري بس هالمرة جبت نص كيلو وما عاد عيدها

منال : من وين عم توفر مصاري ؟

عمر : عم اشتغل الصبح عامل بناء وبعدها عم اشتغل بورشة دهان

وقفت شوي والتفتت عليه وانا مستغربة

منال : يعني شو عم تشتغل بالضبط ما فهمت ؟

عمر : عم اعتل الأسمنت و منحف الحيطان و منعمر ... شو بدي اشتغل يعني

منال : لك ما بيسوالك هاد الشغل !!

عمر : ايه مو قلتي الله يخلصك مني ؟ شكلو الله ما رح يطول ليستجيبلك ..

طلع عمر وحط الأكل على الطاولة

عمر : تعي كلي خلصيني ، وازا لهل درجة مو متحملة تشوفيني انا طالع من البيت

وبالفعل قام عمر وطلع وما لحقتو

وقفت قدام طاولة الأكل وانا معدومة المشاعر .. والبي عم يدئ بسرعه وانا عم اطلع على المشاوي .. كانو كم سيخ شقف وكباب
ومعهن علبتين عصير وشقفة خبز
@novels_stories
بكيت كتير ما بعرف ليش .. وتاني نهار اتصلت بمرت عمي وقلتلها تحاكي عمر لانو عم يضر حالو با

#قصص_وروايات ✏

#محاولات_قتل_امرأة👩🏼

الجزء السابع

@novels_stories
منال : يا جماعة شو في شو عم يصير ؟

المدير : يا لطيف شو بريئة .. ما عندك خبر بشي مو ؟ ناسيه حالك كم ألف صرتي سارقه من الخزنة الي أمنتك عليها

بمهنتي .. دايماً .. منضل حاطين ايدنا على البنا .. صفر واحد زيادة .. رقم بغير مكانو .. او رفة عين ممكن تخليك تغفل عن شي بسيط
بتعملك مصيبه !! .. صرت فكر واحسب وين خربطت .. وشو عملت .. فاتت افكاري ببعض .. وما عرفت حدد شو المشكلة

منال : استاز اكيد في غلط .. انا ما الي يوم او يومين هون .. صرلي اكتر من سنه .. لو سمحت اهدى شوي وما في داعي للشرطى

المدير : كنتي فكري قبل ما تسرقي مو هلأ

منال : انا مستحيل مد ايدي لو بموت من الجوع .. انا متاكده انو في سوء تفاهم وهلأ منقعد منحلو وازا في قرش رايح بغير محلو
انا رح رجعو للخزنه اقسم بالله

بلشو يتدخلو الموظفيين ويدافعو عني .. المسؤول عني و زميلاتي وحتى عامل النظافة كانو يهمسولو يعطيني فرصة

المدير : طيب ... تفضلي على المكتب

الشرطي : عفواً ونحنا شو ؟

المدير : حبيبي ابو وليد انتو بتتفضلو عند السكرتيرة تشربوا كاسة شاي لشوف الموضوع ازا بينحل من عندي

الشرطي : بس ما بصير

المدير : له ما حبيتها منك .. بس ردت شي بيصير ولو .. يلا تفضلو

اتطلع علي بنظرات عصبيه : وانتي تفضلي على مكتبي ..

بلعت ريقي ومشيت وراه على مكتبو وانا عم اتطلع على عناصر الشرطة والبي رح يوقع من محلو

فتنا عالمكتب وقعد المدير ورا مكتبو .. ورمالي ملفات بطلعو اربع ملفات .. ودار ضهرو عني

المدير : هدول الملفات عليهن توقيعك .. وانتي صارفة هي المبالغ من الخزنة .. علماً انو التلاعب فيها واضح جداً و مكشوف
انتي وابواحمد رئيس المستودع ما رح تنفدو منها وبدكن تطلعو كل قرش اكلتوه علي .. انا ما بينلعب معي

مسكت الملفات وبلشت قلبهن بين ايدي .. اول مره بتمر علي هيك أوراق .. ما تزكرت ولا ملف

حطيتهن عالمكتب وحكيت بقوة وبثقة : انا ما راجعت هيك ملفات ، انا مو غبية حتى اصرف للمستودع هيك مبالغ

ما شفتو الا التفت علي وضرب المكتب بأيدو بقوة : وهاد توقيع مين اه ؟ توقيع ميييييييين ؟

منال بصوت عالي : توقيعي توقيعي بس هدول انا ما مرقو علي قبل هلأ ما بعرف كيف هيك ما بعرف

المدير : حلو .. الشرطى رح تعرف .. انا من الأول قلت ما في داعي للحكي

منال : شرطى لا .. انا مو وش شرطة وبهدلة .. انا ابني مريض وعم اركض لاجمعلو حق عمليتو
ازا بتنكتني نكت ما بتطلع مني هي المبالغ ... انتو لو مو واثقين فيني ما بتسلموني الخزنة .. الله يخليلك ولادك تطول بالك علي

المدير : انا ما بفهم هالحكي .. وهاد مو شغلي

منال : شو يعني ؟

المدير : يعني بدي مصريااااتي .. بدك ترجعي كل قرش او بتروحي عالسجن ومنمشي بالمحاكم .. وتوقيعك وموجود على كل الأوراق
يعني القضية منتهية لصالحي ، بس انا قلت منحلها عالسكت مشان سمعة الشركة مو مشانك

منال : لك من وين بدي جيبلك هدول المصاري .. ما معي هن والله ما معي .. انا عم اشتغل ليل نهار قوم لأخدك على المطعم الي بشتغل فيه هلأ
بعد كل تعبي هيك بتجازوني !!! خاف الله
@novels_stories
المدير : شكلو ما في طريقة للتفاهم .. الموضوع منتهي

رفع السماعة وحكي مع السكرتيرة ( خلي الشرطى

تفوت )

وقفت وصرخت وقلتلو لا الله يوفقك خلص خلص بجبلك المصاري ..

المدير : لحظة خليكي معي ..

رجع تطلع فيني وقلي بدي ياهن الليلة ؟

منال : الليلة مستحيل .. بكرا .. بكرا وحيات ابني بكونو عندك

رجع يحكي عالتليفون ( خليهن يروحو وقولي لأبو وليد انو بتفاهم انا وياه بعدين )

المدير :شوفي يا مدام منال ، انا ما بعرف شو نوع الأزمة الي مرقتي فيها حتى سرقتي من الناس الي احتوكوي وفتحولك باب رزق
احتراماً لفترة خدمتك هون وحتى ما ينضر اسم الشركة انو يها حرامية ونصابين .. رح رجع المصاري للخزنة .. وبتتركي الشغل بهدوء وما بتعودي بتتواصلي مع اي شخص هون
وبدي قلك انو الأخلاق والسمعه الطيبه اهم بكتير من المصاري ... انتي خسرتي احترامك .. وكرامتك
وما اعتقد المصاري رح تعوضك عن هاد الشي ..
@novels_stories
كنت ماشيه بالشارع وحكيو لسه عم يدور براسي وعم يقطعني ويسلبني الحياة ألف مرة ومرة
ما رحت على البيت .. ضليت رايحه بوشي لعند ابي .. ما كان الي غيرو
مطلوب مني بليلة وحده بحدود 360 الف .. كيف ولييش ما بعرف !! وبأي حق كمان ما بعرف !!
بس بعرف انو لازم سلمهن مشان ما انزت بالحبس ..

وصلت وقعدت قدام ابي وانا منهارة ومكسورة وبلشت احكيلو كل شي صار بالتفصيل وانا عم ابكي
وقلتلو انو انا ما معي حالياً إلا 80 ألف كنت عم ضبهن كرمال عملية ضياء وما بقدر اعطيهن لحدا
اتطلع أبي وامي ببعض وضلو يسألوني كيف هيك صار وكيف بتوقعي على أوراق بدون ما تنتبهي عليهن
ما عرفت شو رد ولا قدرت افهم كيف الله عمى بصيرتي ووقعت بهي المصيبة

ام لبنى : انا معي 150 الف .. اختك لبنى تركتهن معي قالتلي اعطي

#قصص_وروايات ✏

#قصص_وروايات

#محاولات_قتل_امرأة👩🏼

الجزء الثامن
@novels_stories
لبست ورحت فوراً على بيت اهلي واخدت ضياء معي .. ولحقتهن وهن عم يحملو الأغراض وبدهن يمشو
وركضت على حضن ابي وصرت بوس ايديه

منال : ببوس ايدك تسامحني ، الله ياخدني ويرحكون من ه

مي .. مشان الله تسامحني يا ابي

ابو لبنى : بنتي قومي نحنا بالشارع

منال : ليش بعت البيت .. لو قلتلي كنت بدبر حالي من غير مطرح

ابو لبنى : يا بنتي هدول شوية حجار .. انتي اغلى بكتير .. كرامتك اهم عندي ..

ام لبنى : وكلي الله بنتي .. اول عن اخر هالبيت الك ولاخواتك .. وبس الله فتحها عليكي
بترجعيلهن حقهن فيه ازا الله اخد امانتو قبل ما نحنا نعطيهن حقهن

منال : ما تحكي هيك يا امي

ام لبنى : الله يسعدك انتي واخواتك ويحميكون .. ما تحطي ببالك لك امي.. اهم شي تديري بالك على ابنك
هالشب الحلو .. ونفرح بعافيتو وصحتو .. وانا وابوكي ما عاد بدنا شي من هالحياة .. الله يحميكون

وصلت تعاستي لأهلي .. صرت حس اي حدا بقرب مني بتصير حياتو جحيم .. حتى صرت فكر يمكن ضياء هيك عم يتعزب لأنو ابني
مرت علي اوقات ضعف ايماني وحسيت حالي بدون هوية

ضليت قاعده بالبيت وكل الوقت شاردة بهل حياة شو بعد مخبيتلي .. لوقت ما بيوم من الأيام ..
انكسر الصمت بيتي وبين عمر .. واجا قعد جنبي وحكي معي

عمر : شوفي يا منال .. انا كنت مو ناوي احكي معك تحت اي ظرف مشان ما ازعجك لانك قلتيلي بتعتبريني متل اي قطعة اثاث بهاد البيت
بس ما عاد قادر اسكوت .. بدي افهم شو عم يصير معك ..

منال : لو بهمك كنت سألت من اسبوع .. مو هلأ

عمر : كل ما كنت فكر قرب منك واسالك كنت خاف تنفجري فيني متل كل مره ..

منال : وليش هلأ تجرئت تحكي ؟

عمر : لان اول مره بشوفك بهي الحالة ..
@novels_stories
كومت حالي على بعضي وحطيت خدي على ركبتي ، وصرت احكيلو شو الي صار معي بالشغل بهدوء وانا عم عيش الأحداث كأنها
هلأ عم تصير معي .. وهو يسألني وانا جاوب .. هو يسأل وانا قلو ..

عمر : لعند ابوكي ؟ ما خطرلك تجي لعند جوزك بالأول !!

منال : لا ما خطرلي .. سبحان الله بحس انو مستحيل لاقيك جنبي بأي وقت وتحت أي ظرف
يعني الي بيتروك ابنو هيك مريض وما بعتل عم مصاريف عمليتو شو بدي اترجى منو

عمر : بس انا ما تركت ابني .. انا عم اشتغل ليل نهار وعم وفرلو الي بقدر عليه

منال : اديه صرت موفر ؟

عمر : 50 ألف

منال : هههههه ايه هدول يا دوب يكفوك حق ادويتك لشهر

شد على ايدو وحسيتو على شوي رح يبكي : ما رح جيب ادويتي ،، ما بدي ادوية ورح عالج ابني
ورح ورجيكي اني رجال ... صحيح انا مريض قلب .. صحيح انا مو طبيعي متل اي زلمة وماني معبي عينك
صحيح انتي عاملتيني مسخرتك .. بس لو بدي موت .. ما بخلي ابني يعيش متل حياتي
لو بدي موت ما رح خليه يتعزب عزابي ..

منال : _ _ _

عمر : انا رجاااااااااااال ... رجال غصب عنك ورح عالج ابني .. من مصاري ومن عرق جبيني
لو اشتغلت عتال و دهان و عامل .. لو متت وانا عم اشتغل .. ما رح وقف .. ورح عالج ابني

منال : انا
#قصص_وروايات
قام من مكانو وفات على غرفتنا

عمر : وقبل ما تحاسبيني بهل طريقة هي لمجرد اني خبيت عليكي مرضي بس لأني ما كان بدي تشفقي علي
ولأنو عجبتيني لما شفتك وخفت ترفضيني
روحي حاسبي رفيقتك الي طعنتك ما حدا بهدلك بالشغل غيرها انا متاكد .. روحي تشاطري عليها يا خانوم .. بكفي ترمي حكي علي كأنك الملاك الطاهر
وانا الشيطان الرجيم .. روووووووحيييييييي ... روحييي اتطلعي حواليكي لتشوفي انو انا اقل واحد اذاكي
شوفي اختك الي تجوزت ولهلأ عم تبعتلي رسائل حب وغرام

رمالي الموبايل وضرب بكتفي و وقع قدامي

عمر : روحي حاسبي حالك قبل ما تحاسبي اي حدا
لانك انتي ظلمتي حالك اكتر ما اي حدا يظلمك بهل حياة ..

وطرق باب غرفتو .. ونئز البي كأنو طلع من مطرحو
شهقت لأخود نفس ..
@novels_stories
زحفت لوصلت للموبايل .. مسكتو وفتحت الرسائل .. ولقيت رسائل كتيرة من رقم اختي عهد

( عمر انا ما عم اقدر انساك بكفي تعزبني مشتائتلك كتير )

( الحب الي بينا اكبر من كل شي .. لا تتخلى عني .. رد علي الله يوفئك )

( عمر انا بحبببببببببك ليش هيك عم تعمل فيييني ليششششششششش )

حطيت ايدي على تمي وانا ما عم سدئ عيوني !! ...

ما كان عمر راد على اي رسالة .. بس رسالة وحده باعتها ( الله يستر عليكي لا عاد تبعتي شي لهل رقم )
فتحت سجل المكالمات وكان كلو اتصالات من عهد وعمر مو رادد على اي مكالمة ..

تركت الموبايل من ايدي ..

وقمت للمطبخ وفتحت الشباك .. اخدت نفس وحسيت حالي سحبت الأوكسجين من كل الكون لاقدر اتنفس

اتطلعت على السما .. كات مرصوفة بالنجوم والقمر متربع بالنص

منظر بيسلب العقل قد مو حلو .. سرحت شوي وصرت فكر ..

معقول ربنا الي رفع هالسما الكبيرررررة بدون اي عواميد او اي شي يمسكها
و زينها بهالنجوم الكتير والملونه .. البعيدة والقريبة .. الي عم تلمه ومطفية
وبقم

#قصص_وروايات ✏

#محاولات_قتل_امرأة👩🏼

الجزء التاسع
@novels_stories
اخدت تكسي و وصلت على بيتها وكانت لسه بالشغل .. قعدت مع امها وصارت تحكيلي اديش اريج متعزبة مع خطيبها
وانو طلع ابن حرام وما بخاف الله بس أريج ما عم ترضى تتركو بنوب وما حدا قادر يقنعها تتركو
وطلبت مني اقعهد معها واقنعها تتركو وتشوف حياتها .. وانا عم هزلها براسي وراقب الساعه
واتزكر كيف كنت متل الحمارة وقعلها على العمياني .. كيف كان التعب والهم ماكلين روحي وهالكيني
وما عم شوف منيح قدام عيوني
كان قلبي يوجعني بس اتزكر كيف كانت صداقتنا بريئة وحلوة واديش قضينا ايام حنونة سوا ..

انفتح باب البيت واجا صوت اريج من بعيد ( امييييييييييييي انا جييييييييييت )

قمت من مطرحي و وقفت ..

أريج : شو طابخــــــــــ ... منال ؟ .. هاد انتي ؟

منال : ههه ايه .. قلت الي ما بسأل عنك اسأل عنو .. كيفك ؟

أريج : انا .. منيحه ..

منال : طيب اسأليني وانا كيفني ؟

ام أريج : طيب انا رايحه جهزلكن الغدا انتو خدو راحتكن ..

منال : يعطيكي العافية يا خالة ..

طلعت ام اريج من الغرفة وضلينا قاعدين لحالنا ..

منال : اقعدي ارتاحي ليش واقفه ؟ .. كيف شغلك طمنيني ؟ بعدهن بيحكو بسيرتي ؟
@novels_stories
قعدت بعيد عني وهي متلبكة : لا

منال : يعني ما بقلولك كيفها صاحبتك الحرامية ؟

أريج : لا

منال : وكيف شايفيتلي هالشغل؟

أريج : منيح

منال : دريت انو اهلي باعو بيتهن؟ مشان اعطي المصاري لصاحب الشركة ..

أريح : لا ما عندي خبر

منال : بالله ما دريتي ؟ .. طيب وما عرفتي انو المصاري الي كانت باعتيتلي ياهن اختي وشكلهن توفيرة عمرها
كمان راحو ؟

أريج : _ _

منال : طيب بتعرفي انو عمر عم يشتغل عتال ؟ وكل يوم بطلع على شغلو وما بعرف ازا رح يرجعلي عايش او لا ؟

أريج : ليكي انا

منال : طيب بتعرفي انو ابني وقت يبكي عم موت من الخوف لانو ازا بكي كتير رح يتعب قلبو ؟ وبتعرفي انو
بعد خمس شهور رح يطبق السنتين ؟ وما معي شي لعمليتو ؟

أريج : الي ص

ار انو
منال : وبتعرفي انو الي قلتلك عمر خاني معها هي اختي ولسه عم تلف عليه وبدها تاخدو مني ؟

أريج : انا كان لازم

قمت لعندها قبل ما تكمل حكي .. وقعدت على الطاولة مقابلها بالضبط وصار وشي بوشها

منال : بعرفي انك احقر منهن كلهن ؟ وخليتي سم


اخدت تكسي و وصلت على بيتها وكانت لسه بالشغل .. قعدت مع امها وصارت تحكيلي اديش اريج متعزبة مع خطيبها
وانو طلع ابن حرام وما بخاف الله بس أريج ما عم ترضى تتركو بنوب وما حدا قادر يقنعها تتركو
وطلبت مني اقعد معها واقنعها تتركو وتشوف حياتها .. وانا عم هزلها براسي وراقب الساعه
واتزكر كيف كنت متل الحمارة وقعلها على العمياني .. كيف كان التعب والهم ماكلين روحي وهالكيني
وما عم شوف منيح قدام عيوني
كان قلبي يوجعني بس اتزكر كيف كانت صداقتنا بريئة وحلوة واديش قضينا ايام حنونة سوا ..

انفتح باب البيت واجا صوت اريج من بعيد ( امييييييييييييي انا جييييييييييت )
@novels_stories
قمت من مطرحي و وقفت ..

أريج : شو طابخــــــــــ ... منال ؟ .. هاد انتي ؟

منال : ههه ايه .. قلت الي ما بسأل عنك اسأل عنو .. كيفك ؟

أريج : انا .. منيحه ..

منال : طيب اسأليني وانا كيفني ؟

ام أريج : طيب انا رايحه جهزلكن الغدا انتو خدو راحتكن ..

منال : يعطيكي العافية يا خالة ..

طلعت ام اريج من الغرفة وضلينا قاعدين لحالنا ..

منال : اقعدي ارتاحي ليش واقفه ؟ .. كيف شغلك طمنيني ؟ بعدهن بيحكو بسيرتي ؟

قعدت بعيد عني وهي متلبكة : لا

منال : يعني ما بقلولك كيفها صاحبتك الحرامية ؟

أريج : لا

منال : وكيف شايفيتلي هالشغل؟

أريج : منيح

منال : دريتي انو اهلي باعو بيتهن؟ مشان اعطي المصاري لصاحب الشركة ..

أريح : لا ما عندي خبر

منال : بالله ما دريتي ؟ .. طيب وما عرفتي انو المصاري الي كانت باعتيتلي ياهن اختي وشكلهن توفيرة عمرها
كمان راحو ؟

أريج : _ _

منال : طيب بتعرفي انو عمر عم يشتغل عتال ؟ وكل يوم بطلع على شغلو وما بعرف ازا رح يرجعلي عايش او لا ؟

أريج : ليكي انا

منال : طيب بتعرفي انو ابني وقت يبكي عم موت من الخوف لانو ازا بكي كتير رح يتعب قلبو ؟ وبتعرفي انو
بعد خمس شهور رح يطبق السنتين ؟ وما معي شي لعمليتو ؟

أريج : الي صار انو

منال : وبتعرفي انو الي قلتلك عمر خاني معها هي اختي ولسه عم تلف عليه وبدها تاخدو مني ؟

أريج : انا كان لازم

قمت لعندها قبل ما تكمل حكي .. وقعدت على الطاولة مقابلها بالضبط وصار وشي بوشها

منال : بتعرفي انك احقر منهن كلهن ؟ وخليتي سمعتي بالأرض وما عاد حدا يقبل يشغلني وما عاد فيني عالج ابني ؟

أريج : انا اضطريت لأنو خطيبي

رفعت ايدي وضربتها كف رن صوتو بأدني

منال : وبتعرفي اني كل يوم عم شوف ابني عم يموت ادام عيوني ؟

أريج وهي عم تبكي : المصاري مو الي .. مو الي

منال : ولك الله ينعن ابو المصاري .. الله ينعنها الي خلتك بلا ضمير

#قصص_وروايات ✏

#محاولات_قتل_امرأة👩🏼

الجزء العاشر


عمر : مافي شي .. منيح انا

منال : عمر ..

قمت قربت منو وكنت مرتبكة .. اول مره بشوفو بهي الحالة .. كان عم يتعرق كتير وباين انو موجوع .. ركضت على التليفون وحكيت حماتي
@novels_stories
وقلتلها انو ما بعرف عمر شبو بس قلبو عم يوجعو كتير .. قالتلي اتصل بالأسعاف ... وهيك عملت .. ورجعت لعندو بسرعه

منال : تحمل شوي .. هلأ رح ناخدك على المستشفى اتحمل

شال ايدو من على قلبو وحطها على راسي .. وشد على شعراتي وعيونو فيهن دموع ووجع

عمر : ما تخافي .. مو اول مره بتصير

غمرت وشي بحضنو وانا خايفه كتير .. فكرتو رح يموت .. ما كان بدي ياه يموت .. كل الوقت كان اكتر شي مخوفني انو يموت ويتركني
@novels_stories
ولو انو كنت كأني عايشه لحالي .. ولو هو الو الجزء الأكبر من سبب تعاستي وألمي .. بس وقت اخر الليل لاقيه نايم جنبي
كان يرتاح ألبي .. دقايق صعبة كتير مرقت .. لوقت ما وصلو الأسعاف وكنت فاتحيتلهن باب البيت بعد ما اعطيتهن الوصف بالضبط ..

بعدوني عنو .. وشالوه وحملوه على النقالة ..

كان ضعيف كتير ... موجوع كتير .. وانا مو قادرة اعملو شي .. حسيت حالي كأني عم ودعو .. كأنو هي اخر مرة رح يكون نفسو بهاد البيت
صرخت كتير وبكيت كتيرر وخفت كتير

ساعات صعبة كانت تمرق كأنها سنين .. خبرونا خلالها انو قدرو يسيطرو على الوضع وحالياً تاركين عمر يرتاح وما في شي بيخوف
كان ضياء بحضن حماتي وانا وياه قاعدين جنب بعض وما فينا قوة نتحركـ ..

منال : اول مره بصير معو هيك ؟

ام عمر : لأ .. الي عندها ابن بنفس حالة ابني بدها تكون مستعده بأي لحظة تخسرو .. هاد الأحساس عشتو بأكتر من موقف
بشع كتير...كأنو حدا بينزع روحك منك .. وبعد دقايق برجعلك ياها

منال : ليش ما عالجتيه وهو صغير .. مو حرام تتركيه يتعزب هيك ؟

ام عمر : عرفت متأخرة .. هو واختو نسرين نفس المرض .. ونسرين لسه عندي ما تجوزت وما حدا بيقبل فيها بسبب مرضها
وعمر كان دايماً يرفض يخطب مشان هاد الموضوع .. كتير اخدتو ليشوف بنات وكل مره يقلي هي ما عجبتني
وهي ما ارتحتلها .. وهي ما بتناسبني .. كان بدو يعجزني لسكر على موضوع الجيزة .. بس انا كنت شايفه ابني من حقو يعيش متل اي شب
يتجوز ويجيب ولاد ويعمل عيلة

منال : ولما وصلتو لعندي شو صار !!

ام عمر : ما بعرف .. انا متلك ما بعرف شو صار .. بس بعد ما طلعنا من عندكن مسك بتيابي وقلي ( ما في داعي تعرف البنت بمرضي ) استغربت كتير
وقلتلو ما بصير وازا عرفو بعدين بيفضحونا ... بس هو قلي انو ما رح يخليكي تحسي انو مريض
ورح يقدر يعيشك كأنك عايشه مع انسان طبيعي .. انا كنت بعرف انو ما رح يقدر يعمل هاد الشي .. بس انا ام ..
ما فيني قول لأبني وصارحو انو هو ما فيه يهزم مرضو

منال : بس ما كان لازم تقبلي تخبي علينا

ام عمر : له يا منال !ّ انتي الي بتحكي هاد الحكي وانتي عندك ولد مريض بنفس المرض ؟
كنتي رح تتحملي تكسري خاطر ابنك بموضوع هو ما الو اي ذنب فيه ؟
ما بعرف شو السر الي فيكي الي خلا عمر ينقلب قلب لدرجة يخاف انو ترفضيه مع انو خليتو يشوف بنات احلى منك ..
بس هاد الي بقولو عنو النصيب .. وصل لعندك ورفض يمشي ..

و نحنا عم نحكي اجا الدكتور من بعيد .. وطمنا انو الأمور تماما بس رح يخلوه تحت المراقبة للصبح وبعدا منقدر نخرجو

قلت لحماتي تاخود ضياء وترجع على البيت لان حرام يضل بالمستشفى وبخاف عليه من جو المرض وانا بضل عند عمر
@novels_stories
مضيت طول الليل قاعده على كرسي .. تمشيت بالممرات .. وكنت عم شوف ناس مو قادرة تنام من وجعها

وناس عم تبكي .. وناس عم يصرخو من الألم .. حمدت ربي ألف مرة ومرة
ندمت على كل لحظة حسيت فيها بالغضب والزعل انو الله عم يمتحني امتحانات صعبه
خجلت من حالي لكل مره سألت ( ليش انا !! )ما حدا بقدر يفهم شو يعني مرض إلا الي عم يعيش كل وقتو
بين المشافي و الأدوية والإبر ..

شي صعب كتير ينحمل ..

رجعت قعدت مكاني .. وغفيت على الكرسي من تعبي وبدون ما حس على شي ..
صحتني الممرضة تاني نهار وقالتلي قوم من مكاني .. ورحت و سألت عن عمر
خلوني فوت لعندو .. فتت و قعدت جنبو وانا ساكته لأنو كان بعدو نايم ..

صارت الساعه 10 الصبح .. ورن موبايلي .. نئزت من صوت الرنه لان كنت ناسيه انو موبايلي معي اصلاً
وما عاد عرفت طولو من جيبتي .. وعمر صحي على الصوت ..
شفت رقم غريب ورديت بسرعه

منال : الو

السكرتيرة : مرحبا مدام منال

منال : اهلين مين معي

السكرتيرة : انا غزل سكرتيرة المدير عم اتصل فيكي من الشركة

منال : ايه عرفتك ..

خفت يكون طالع علي مشكلة جديدة .. وكان عمر عم يفتح عيونو ويتطلع فيني

السكرتيرة : المدير حابب يشوفك

منال : انا دفعت كل شي .. وما بدي اجي على الشركة

السكرتيرة : بس الموضوع ضروري كتير ..
@novels_stories
منال : شو في ؟ اتركوني بحالي بئى نحنا اتفقنا ادفع كل شي علي وتنتهي القصة

السكرتيرة : ما تخافي في اخبار حل

#قصص_وروايات ✏

#محاولات_قتل_امرأة👩🏼

الجزء الحادي عشر

@novels_stories
اتطلعت عليه وضحكتلو وضليت ساكته ..

عمر: جوعاااان

منال : هلأ بخليهن يجيبولك اكل

عمر : لا دخيلك .. اكل المشافي بيمرض .. شوفيلي ايمت فينا نطلع

منال : حاضر .. رايحه شوف ..

ضلينا بالمستشفى للساعه 1 تقريباً .. بعدين اجت مرت عمي واخوه الصغير لعمر وطلعنا على البيت ..
وصوني الدكاترة ابعدو عن اي ضغط نفسي او تعب جسدي لأن حالتو كانت على المحك و وضعو ما بيطمن
وخبروني انو مو ملتزم بأدويتو ولازم راقب علاجو

قعدنا بالبيت كلنا وعم نحاول نعمل حالنا رايقين .. كانو المصاري لسه على الطاولة .. شلتهن وضبيتهن بالغرفة وبس طلعت

ام عمر : امنتو المبلغ ؟

منال : ايه الحمدلله

عمر : بس بدنا نكمل عليه لنعمل العملية لضياء باحسن مستشفى

منال : انت بالذات بتسكت .. وما عاد الك طلعه من البيت

عمر : لك ليش

منال : مرت عمي ليكي بعدو بيسأل !! احكي مع ابنك احسن ما يجنني ها

عمر : ههههههههه

منال : لك لاااااا ما تضحك

اتطلعو الكل فيني وهن مستغربين

منال : اصدي يعني كمان الضحك كتير ما بيسوالك .. رايحه اعمللكن قهوة

ام عمر : جنت البنت ..
@novels_stories
بس فضي البيت وضليت انا وعمر .. فتت ونيمت ضياء .. وجيت قعدت مع عمر
قعدت جنبو حطيت راسي على صدرو ..

منال : سلامتك

عمر : الله يسلمك حبيبتي

منال : شو قلت ؟

عمر : حبيبتي .. شو ما بيسوالي كمان قول حبيبتي ؟

منال : ههههه لا بس زمان ما سمعتا

عمر : ليش ايمت كنتي تسمعيني اصلاً !! كنت اشتهي تتركيلي مجال احكي معك ..

منال : كلو من عمايلك ..

فهم عمر انو قصدي على خيانتو الي مع اختي .. وسكت شوي بعدين رجع حكى

عمر : انت كنتي تعامليني كأنو رجولتي ناقصه .. او كأنو فيني شي عيب .. وقت تركت شغلي ما لقيت شغل تاني
انا مريض قلب !! مو سهل علي لاقي وظيفه بسرعه وانتي بتعرفي وضع البلد

منال : هاد كلو مو مبرر

عمر : ولا انك كنتي تبعتيني قضي كل نهار عند اهلك واختك الي تطبخلي وتعملي شاي وتقعد معي وتسايرني وتحترمني
واحياناً تغسلي تيابي وتكوين
هاد كمان مو مبرر ؟

منال : طيب خلص سكوت ..

عمر : اي
سكتت

منال : شطور ..

قضينا نهارنا هيك قاعدين عم نحكي شوي ونسكوت شوي .. وتاني نهار رحت على الشركة
لشوف شو بدهن مني .. واول ما وصلت فتت لعند المدير .. وكنت خجلانه من الكل .. وما الي عين شوف حدا

منال : مرحبا

المدير : اهلا اهلا

منال : خير شو في ؟ مو اتفقنا انو كل شي خلص وما ينرجع ينفتح الموضوع ؟

المدير : طولي بالك مدام .. انا جايبك مشان اعتزر منك

منال : تعتزر مني ؟

المدير: امبارح الصبح أريج كانت هون

منال : _ _ _

المدير : هي اعترفت انو هي المسؤولة عن الي صار ..

منال : بالله ؟ ايه منيح .. بدك شي تاني مني ؟

المدير : طولي بالك خلينا نحكي .. تفضلي اقعدي

منال : ما بدي اقعد .. مو مسدئة اطلع من هون

المدير : بس نحنا بدنا نصلح الأمور

منال : بدك ترجعني عالشغل ؟

المدير: لا صعب

منال : ليش ؟ مو قلت انو أريج اعترفت انو ما الي ذنب

المدير : مزبوط .. بس بالنهاية انتي كنتي عم توقعي على العمياني .. وهاد التصرف غلط بالنسبة للأمانة الي نحنا كنا محملينك ياها
انتي بالنهاية مذنبة .. وانا ما بقدر ارجع اعطيكي ذات الثقة

منال : لكن ليه بعتولي شو بدك ؟

اعطاني ملف وقلي خديه ..

منال : شو هاد ؟

المدير : هاد الملف فيه اوراق بتثبت حسن سلوك وحسن سيرة طول فترة عملك عندنا
واوراق شهادة خبرة وفي ورقة توصية عليها توقيعي شخصياً .. عالأقل هيك بكون ما قطعت رزقك من شركات تانيه ..

شديت على الملف بأيدي وانا مقهورة كتير .. ( ذل الحاجه ) ذل الحاجة الي خلاني اول مرة اخود المصاري من اريج مشان ابني
وذل الحاجة الي رح يخليني اخود هالملف هلأ كأنو حسنة منو علي .. مشان اقدر اشتغل بمكان تاني

منال : طيب .. انا بدي امشي

المدير : بتقدري وانتي طالعه تمشي وانتي رافعة راسك ، لان الموظفين كلهن صارو يعرفو انك بريئة .. وبالنسبة للمبلغ أريج تعهدت ترجعلك ياه
هي المشكلة بتصفي بيناتكن .. وسامحيني ما بقدر اعملك اكتر من هيك .. لان حتى انا مجرد موظف بهي الشركة
بالتوفيق
@novels_stories
طلعت من المكتب وطرقت الباب وراي وانا معصبة وحكيت بصوت عالي : غبيييييييييييييي

التفتت علي السكرتيرة وهي مستغربة

منال : شو ليش هيك عم تطلعي فيني ؟ ..

ومشيت وضليت طالعه من الشركة لعند عمر وحكيتلو كل شي صار ..

عمر : ما عاد بدنا شغل بتقعدي هون وبتديري الك على ابنك

منال : بالله ؟

عمر : ايه متل ما سمعتي

منال : ومن وين بدنا نعيش ؟ شغل الك بالعتالة ما عاد في

عمر : وكلي الله .. منلاقي حل ..

منال : لا إله إلا الله ..

ضلينا فترة خمس شهور عم نروح ناكول عند بيت عمي وناخود معنا اكل مشان العشا وغيرو .. وبلش عمر يعطي دروس خصوصي
للتقوية .. فضيتلو غرفة عندنا بالبيت .. وصرنا نحط إعلانات بالجرايد وال

#قصص_وروايات ✏

#محاولات_قتل_امرأة👩🏼

الجزء الثاني عشر

@novels_stories
نجحت عملية ضياء ... خلصت رحلة التعتير والشقى ، طلع الدكتور بعد ساعات طويلة ومبين عليه التعب والإرهاق .. وقلنا ( مبروك ) ابنكن بخير وسلامة .. الله عوضني عن صبري وتعبي خير وشفت أبني معافى وسليم
..
ضلينا بالمستشفى اسبوع كمان ...
بس كان اسبوع من نوع تاني .. متل هبوط الطيارة .. بلشنا نرتخي شوي شوي .. كأنو كل شي طاقة عندنا خلصت وهلأ ما عندنا
اي استعداد لتحدي جديد او لمصيبة جديدة ..

الكل ضلو واقفين معنا .. اهلي واهل عمر ما تركونا ...وحتى عهد كانت موجوده بس ما قربت مني

ما سدئت اخدت ابني من المستشفى وطلعت فيه .. لما طلعنا من المشفى نزلت أركض و عمر وراي ويقلي امشي شوي شوي
وانا مو رادة عليه
وقفنا تكسي وطلعنا فيها وقلتلو امشي بسرعه لو سمحت

خفت اتطلع وراي ... ما كان بدي شي الا انو نبعد عن هاد المكان من مهم لوين بس المهم ما نرجع ..

وصلت على البيت وتفاجئت انو كان عمر مزينو بالورد بكل مكان .. اتطلعت عليه وانا متفاجئة

منال : لشو هاد ؟

عمر : هلأ بالله عليكي بعد كل شي صار فينا بتسألني شو هاد ؟ لك فوتي فوتي بدي ناااااااااااااااااام

منال : هههههههه
@novels_stories
فتحلي باب البيت وفتنا على غرفتنا .. حطينا ضياء بالنص ونمنا جنبو ونحنا عم نتفرج عليه

منال : عمر يعني هيك خلص ابني ما رح يصيرلو شي ؟

عمر : ابنك طول ما انتي معو ما في شي رح يصيرلو .. نيالو بهيك ام

منال : حاسستو نحفان مو هيك ؟

عمر : ما بعرف .. كأنو شعرو خفيف عن قبل ؟

منال : ليك مو كأنو اظافيرو طولانين ؟

عمر : وانفو رايح عاليسار شوي مو ؟

منال: وعينو ..

صفنت شوي بعمر ولقيتو عم يضحك

منال : عم تتمئلس علي مو ؟

عمر : هههههههههههههههه

منال : تضرس عنجد ..

عمر : بحبك وليه هبلة .. الله يثبت علينا العقل والدين

اتطلع فينا ضياء كأنو معصب وعامل عقده بين حواجبو

منال : شبو هيك عم يتطلع فينا ؟

عمر : بدو ينام الصبي ونحنا حطيناه بالنص وعم نحكي

منال : خلص هس لا بئى تحكي

عمر : حاضر

سكتنا وضلينا عم نتفرج عليه كيف عم يتثاوب ويغمض عيونو شوي ويتشابكو رموشو ببعضهن و خدودو يرتخو

همست بصوت واطي : نام كأنو ؟

عمر بصوت واطي : هيك شكلو

تطلعت بعيون عمر وهو كان عم يتطلع بعيوني وضحكتلو ..

منال : تعبانه كتير كتير .. حاسة حالي الي سنتين ما نمت

عمر : وانا كمان ..

منال : عمر انا بحبك
#قصص_وروايات
قلتلو الكلمة وغمضت عيوني وانا مبتسمة و ماسكة ايد ضياء .. وحسيت عمر حط ايدو فوق ايدينا .. وضلينا نايمين للصبح

تاني نهار اتصلت فيني اختي لبنى من السعودية و كان طاير عقلها من الفرحة وباركتلي وهنتي مشان نجاح عملية ابني .. وقالتلي انها مجهزيتلي مفاجئة بتاخد العئل
بس بدها شهر لتتأكد وبتقلي .. وكعادتها اختي الكبيرة سرها عميق وما بتحكي قد ما ترجيتها ..

سمعنا بعدين انو أريج عملت عرسها على خطيبها .. وفهمت انو اخوتها ماسكين خطيبها ومهددينو مشان يتجوزها غصب عنو ويصلح غلطو
وبالفعل تجوزو بعرس ململم ..ما بعرف شو نوع الحياة الي رح تعيشها مع هيك انسان .. يا حرام شو عملت بحالها
مع انها عملتلي فضيحة بس جد زعلت عليها .. اريج كانت حنونة ومرحة .. كانت تحلم بمستقبل حلو وتبني أحلام كبيرة
ما بعرف كيف هيك صار فيها وكيف سلمت حالها لخطيبها قبل ما يكتبو الكتاب .. حفرت قبرها بأيدها .. ورح تعيش كل عمرها
تدفع ثمن غلطها ..

صارو اهلي و عهد وجوزها يجو لعندنا يسهرو كل يوم ويجيبولنا بأيدهن شي متل فواكي او خضار او غيرو
و احياناً امي تحط بأيدي مصاري ما بعرف من وين تجيبهن وتقلي بعرف طالعين من ظروف صعبة مشي حالك انتي وجوزك بنتي

وبيت عمي حاولو يساعدو جوزي بالي بيطلع بأيدهن بس كنت كتير انقهر انو الكل عم يتحسن علينا ..

لوقت ما رجعت حكيتني لبنى .. وقالتلي انو امنت شغل لعمر عندها بالسعودية وطلبت مني ابعتلها سيرتو الذاتية وكل أوراقو

صرت نط من عالأرض و صرخ

منال : قولي والله ؟ احلفي طيب ؟ يعني على الأكيد الشغل ؟ ييييييييي ما عم سدئ ما عم سدئ

سكرت الخط وفتت على عمر الي كان يعطي دروس لطلاب الصف الخامس

منال : عمر قوووووم قوووووووووم

تفاجئ عمر بفوتي عليه وخجل من طلابو : طيب حلولي هي المسألة وهلأ برجعلكن

قام لعندي وسكر الباب وراه وحكي بصوت واطي

عمر : لك شبك ؟

منال : بوسني

عمر : نعم ؟

منال : لك متل ما عم ئلك يلا

عمر : جنيتي يعني ؟

اعطيتو خدي واشرتلو عليه : يلا بوسنبي

قرب عمر وباسني : خلص ؟

منال : دبرتلك شغل

عمر : بالله ؟ وين ؟

منال : بالسعودييييييييية حبيبي ..

عمر : السعودية ما غيرها ؟

منال : ايه بالله يا ولد عمي السعوديه

عمر : احلفي يا وضحا ؟ يعني ممنرحل من الديرة ؟

منال : هييييييييي نبي نرحل .. منرحل يلا .. يلا ضب غراااضك يلا

عمر : احلفي طيب ؟

منال : والله يا تئبرني
@novels_stories
بعتت اوراق عمر لأختي .. طلعت