Challenge ni bu safar oxirigacha yetkazmadim. Suzishda masofadan tashqari suv harorati ham muhimligini hisobga olmabman.

Motivatsion gaplar qòshmayman. Harakatda davom etamiz.

Qarz - 1/2

Ehtiyoji bor odamga qarz berish juda xayrli ish, va insonlar o'rtasida bir-biriga ko'mak berishning muhim bir yo'li.

Shubhasiz, qarz yordam beradigan ko'plab holatlar bor. Lekin, chindan ham qarz olish mumkin deb hisoblaydigan holatlarim 2 ta:

1. Shoshilinch muammo chiqqanda. Bu yerda hammasi tushunarli.

2. Qarz ko'proq foyda olib kelish mumkin bo'lgan holatda. Bu, aynan, iqtisodiy jihatdan o'zi bilan ko'proq foyda olish imkoniyatini ochadigan qarz haqida. Ya'ni, agar qarz olib, uni biror ishga tiksangiz, foyda olish imkoniyatini yaratasiz yoki qo'ldan boy bermaysiz.

Ko'plab bizneslar, rivojlanayotgan davlatlar bunday yo'ldan o'tadi. Yoki, qarzga noutbuk sotib oldingiz va shu noutbuk ish qurolingizga aylanib, daromad topishingizda muhim instrumentga aylanadi. (o'sadigan qarz - ribo/bank kreditlari hech qanday holatda yaxshilikka olib kelmasligini ham eslatib o'taman)

Qarz - 2/2

Bu holatlardan tashqarida qarz olish to'g'ri bo'ladi deb o'ylamayman. Ayniqsa, jismoniy yuzi yo'q tashkilotlardan (bank, lombard va nasiya tashkilotlaridan).

Sababi - qarz bu faqatgina imkoniyat emas, balki qo'shimcha majburiyat ham. Bu imkoniyat yo'qdan paydo bo'lmaydi, hozir uni yopishga imkoning yo'q ekan, demak u kelajagingdan olinadi. Bir muddatga shu qarz asosiy maqsadingga aylanadi, undan tashqarini o'ylashga imkoning yopiladi.

Insonda tabiiy chegaralar mavjud bo'ladi, hammada har xil bo'lishi mumkin. Menda, masalan, hozir mashina olishga ortiqcha mablag'im yo'q - bu mening tabiiy chegaram - demak, hozircha mashina olmasligim kerak. Qachonki, o'zimda shunga yetarli mablag' paydo bo'lsa, men mashinani bemalol olishim mumkin bo'ladi.

Qarz - mana shu chegaralarni sezdirmay buzishga yordam beradigan vosita, lekin bu romantik "chegaralarni buz" degan qolip emas, uning oqibatlari hech qayerga ketmaydi. (Agar u senga foyda keltirmagan bo'lsa) Faqatgina ortiqcha iste'mol qilganing qoladi xolos.

Sam Altman (ChatGPT direktori) ning sun'iy intellekt bilan so'nggi 5 yilda bosib o'tilgan yo'l va keyingi 5 yillik haqidagi fikrlari.

AI rivojlanishi va kengayishiga kattaroq masshtabda qarash va chuqurroq tushunish mumkin.

Sam keyingi 5 yilda, o'zi va jamoasi uchun eng muhim muammo AI (superintellekt) ni arzon va hech kimga bog'liq qilib qo'ymaslik deb aytib o'tgan.

Pul bilan bog'liq ish beradigan har narsa sabr va o'zini nazorat qilishga borib taqaladi.

Ish bermaydigan va zararlilari esa tezkor rag'bat va o'tkazib yuborishdan qo'rqish (FOMO) hissiga.

M. Housel
-------------------
Boylik orttirishda "zo'r shans"dan ko'ra intizom ko'proq foyda beradi. Ayniqsa, bugun - marketing va singdirilayotgan ortiqcha iste'mol nihoyatda rivojlangan vaqtda.

Atrofga qarang, hamma joyda aksiya, yana uning tugash vaqti ham bor. Ko'rib, yaxshi taklifni o'tkazib yubormaslik uchun aslida kerak bo'lmagan narsalarni xarid qilib qo'yamiz.

Tezkor rag'bat ortidan quvgan ko'plab achinarli holatlarni o'zingiz ham eshitgan bo'lsangiz kerak - tez daromad topish, yutib olish - odamlar eng ko'p laqqa tushadigan holatlar shular. Yana ko'plab boshqa holatlar, tezkor rag'bat taklif qilinyaptimi, undan qoching - sog'lig'ingiz va pulingizni himoya qilgan bo'lasiz.

...Har kimsa uchun o'z erki, mehnatining mevasi-mulki, milllatining haqiqiy onasi - Vatani va muqaddas dini bo'lishi qadrli va sharaflidir.
Bularga ega bo'lmoq uchun esa uning huquqlari o'z qo'lida bo'lishi shartdir...

© Alixonto'ra Sog'uniy
----------------------
Mustaqillik bayrami barchamizga muborak bo'lsin, mustaqilligimiz abadiy, erkimiz va huquqlarimiz o'z qo'limizda bo'lsin.

Ishda ma'lumot tahlili (analiz) bilan tez-tez shug'ullanamiz. Mana shu tahlil agar biror real amalga olib bormasa, qilinmagani yoki bo'sh vaqtlar uchun qoldirilgani afzalroq. Ayniqsa, u ko'p vaqt olsa.

Busiz tahlil va unga ketadigan vaqt (ya'ni, pul ham) bekor ketadi. Balki qiziq bo'lar, lekin hech qanday real foyda olib kelmaydi.

Optimizm – sotuv gapidek eshitiladi,
Pessimizm – yordam bermoqchi bo‘layotganning so‘zidek.

© Psychology of Money
--------------------
Pessimizm aqlliroq va ishonarliroq tuyuladi, lekin ehtiyot bo‘l - unga ergashib, oxir-oqibat faqat harakatsizlikka tushib qolishing mumkin.

Brend kuchining tanlovga ta'siri.

WhatsApp dagi chatlar Telegramdan ko'ra himoyalanganroq ekan. Lekin, ko'pchilik menga o'xshab teskari o'ylaydi.

#gopractice #activation

Obyektiv qiymat bilan foydalanuvchi tushunadigan qiymat o'rtasida farq bo'lishi mumkin, va tanlov har doim ham ratsional bo'lmaydi. Obyektiv qaralsa, samolyotda uchish eng xavfsiz bo'lishi mumkin, lekin eng xavflisi deb barbir nimagadir shu transportdan qo'rqamiz.

Buni to'g'ri anglab, amalda qo'llash mahsulotning deyarli barcha ko'rsatkichlariga katta foyda beradi.

Ya'ni, "nimaga shunday zo'r qulaylikdan foydalanishmaydi?" deb emas, "o'zi bu funksionalni qanday tushunishadi?" deb savol beramiz.

#gopractice #activation

Noaniqliklar ichida (Anthropic jamoasidagi Nodir akaning postidan erkin tarjima)

Har birimiz ba’zan yanglishamiz. Bir kutuving noto‘g‘ri chiqqanda, bu xatoni o'z dunyo modelinga qayta kiritib, “nimani e’tibordan chetda qoldirdim?” deb o‘ylab ko'rish, keyin esa bu xatodan olingan dars bilan oldinga yangidan nazar solib “yana qaysi narsalar haqida men noto'g'ri o'ylagan bo'lishim mumkin?” deb tahlil qilish foydali mashq. Odatda bu katta muammo bo'lmaydi. Ko‘pincha noto‘g‘ri faraz yoki yondashuv bo‘lib, bir nechtagina narsaga ta’sir qiladi xolos. O'z dunyo modelingni yangilaysan va yo‘lda davom etaverasan.

Bugungi sun'iy intellekt (AI) bir necha yil avval hayoliy narsa edi. Men “nimani ko‘rmay qoldik?” deb izlandim, lekin LLM’larni tushuntiruvchi barcha nazariyalar shuni ko‘rsatadiki, biz juda fundamental bir narsani o‘tkazib yuborganmiz. Bu esa juda chuqur oqibatlarga ega. O'z dunyo modelimni yangilash variantlarida aynan bu o‘zgarish juda katta o'rin egallaydi (the rabbit hole is deep), lekin nazariyalarning qaysi biri to‘g‘riroq ekaniga o‘zimning ham ishonchim komil emas. Masalan, LLM’lar kod yozishda kuchli bo‘lib borayotganini tushuntiradigan, ammo ularning oxir-oqibat hamma narsada yaxshiroq bo‘lishini inkor qiloladigan nazariya borligini bilmayman.

Qo'shimchasiga, bu jarayon tez o‘zgaruvchan. O‘tgan yili sun'iy intellektga so'rovlar yozish haqida gaplashar edik. Bu yil - sun'iy idrok asosidagi agentlar haqida. Kelasi yil boshqa mavzu bo‘ladi deb o'ylayman. Umuman olganda, rivojlanish davom etadi: yangi imkoniyatlar tug'iladi, ko‘proq ish avtomatlashtiriladi, ko‘proq odam uyg‘onadi.

Bunday yashash qiyin bo'lishi mumkin: axir biz aniqlik, "stabillik"ni (tarjimondan qo'shimcha) yoqtiramiz. Katta ehtimol bilan, siz hayotiy reja tuzishga o‘rgangansiz (aytaylik, talaba sifatida yo‘nalish tanlayapsiz). Har qanday reja rejalash paytidagi haqiqatlar keyinchalik ham saqlanib qoladi deb hisoblaydi. Ha, balki sizda o'zgarmay turadigan reja emas o'zgaruvchan strategiyangiz bordir - holatga qarab moslasha olarsiz. Lekin bu yondashuv ham aslida “nimalar ishlaydi, nimalar ishlamaydi” degan avvaldan yig'ilgan bilim ustiga qurilgan, xolos. Bu bilim ham dunyo o‘zgargan sari eskirishi mumkin.

Aniqlik, "stabillik" - bu hashamat. U kamayishda davom etadi, deb o‘ylayman. Hatto hayotimiz davomida avvalgi darajasiga qaytadimi-yo‘qmi, bunga ham ishonchim yo‘q. Shuning uchun tobora ko‘proq narsaga amin bo'lib bo'lmaydigan dunyoga ko‘nikishni boshlash kerak. Bu ayniqsa ko‘p hollarda haq bo'lib o'rganib qolgan aqlli odamlar uchun og‘ir bo'ladi.

Faqat bir maslahat bera olaman: kamtar bo‘ling (hamma, ayniqsa, siz ham ko'p adashishingiz mumkinligini qabul qiling - tarjimondan qo'shimcha), o'zgarishlarga ochiq bo‘ling va ko'z o'ngimizda o‘zgarib turgan dunyoga uzluksiz moslashishga tayyor bo‘ling.
---------------
Noaniqlikni keltiradigan o'zgarishlar bo'lishi aniqdir (tarjimondan).