”تتحدثين عن الشمس وشروقها،
ولا تدركين شروقك في الأفق وفي قلوب من حولك،
لا تدركين كم تتفوقين على شمس الربيع في أمور عدة.
لا تدركين كم يتسرب النور منك،
حتى من جروحك الفذة.“

عم احضره مرة تانية وكل شوي ابكي فعلًا عظمة

عارفين جلسة الثيرابي وانت تتكلم مع شخص بحبك و يحتويك و فاهمك..

ايوا انا بحاجة هالجلسة
مع (زوجي) :)🌷

يا ربّ تولَّني ولايةً اغتني بها و أكتفي.

من فترة عم يدور ببالي موضوع ف رح احكيه بشكل عام؛
وقت نزعل أو ممكن ننأذى من حدا قريب مننا بدون مواجهة أو كلام
بتبقى طريقة التعبير هي الستوريز او تسميع الكلام ممكن او حتى الصمت؟
ليش؟
مع الأسف هاد افشل طريق للتعبير
ف انت إن كنت بهاد الوضع و حاسس انو بدك تظهر و تبيّن و تلمّح انو انا عايش او انا زعلان الخ....
هاد مش التعبير المناسب
في عندك عدة خيارات حسب معزّة الشخص..
ان كان حدا قريب جدًا ممكن نبدأ بحوار ونفهم بعض و حتى لو تهاوشنا المهم نحافظ على قيّم بعضنا البعض
عندك الخيار التاني
هو السكوت التام طبعًا هاد ممكن يستخدم اذا تم محاولة للنقاش و رُفضت و بدك تفرجي قيمة أعلى لنفسك و زعلك، ف الفكرة بأنو تختفي(لا تنشر وتلمح و تفضح الدنيا)
الخيار التالت هو اذا كان خلص انت اخدت قرار انو ما بقى بدك تتواصل مع هاد الشخص اول خطوة ممكن فقط نحط رؤوس أقلام للموضوع و و تذهب بهدوء تام.
طبعا الفكرة دائمًا من الحوار هي مشان نفسك اولًا عشان ما يبقى تساؤلات براسك
وقت يكون في تساؤلات التخطي و التفكير بصير أصعب
لكن انت كشخص "واعي"
وان ما كنت واعي- ويلكم تو ذا كلاب -هاد درسك عشان تبدأ بخطوات الوعي.
و بالنهاية بأي خطوة كانت ارجوك لا تتحدث مع اشخاص ما عندهم خلفية عملية او وعي ونضج كافي لمساعدتك بحل هي المشاكل الي ممكن تنحل ب كلمة او ممكن لازم تنهي العلاقة .
ووقت تحس انو بدك تسمّع حكي ع الستوريز احسب مليون حساب و تراجع لان نفسك المستقبلية رح تندم🌷