غروٍ احبّه واحبّ اللي يحبّه
‏دايمٍ بابه على شاني مشرّع
‏
كان هو في حالتي ما خاف ربّه
‏بآتبرّى من ضميري وآتبرّع
‏
القمر بخدوده البيض يتشبّه
‏من كسوفه بأسود الليل يتذرّع
‏
لا حضر حفلٍ كلا جوّه وكبه
‏تحسبه قايد لواء حربٍ مدرّع

من تلابيبه ولبّه فوق لبّه
‏ودّي آحضْنه وخايف لا اتسرّع
‏
قلت اربّه لا شكيت الشوق اربّه
‏ايه اربّه لا قلط عندي وفرّع
‏
برقعه لعيوني بعيدٍ يذبّه
‏برقعٍٍ عن وجنةٍ حمرا تخرّع
‏
كوثريّ الريق بلسانه يصبّه
‏في فمي جُرعات جُرعات آتجرّع

النواهد في النحر قبّه وقبّه
‏ليت من فيهن ولو ساعه تضرّع
‏
كلّ ما رِدفه ضرب حبّه بحبّه
‏كنّهنّ     يحرضّني      وآتورّع
‏
راح وركينه تصارع دون سِبّه
‏وآناْ من وجدي عليهنّ آتصرّع

ميّاس وطروفه لبايب
وكم واحد خلاه مسطاب
غالي واعز امن الحبايب
وارمانيه من القرب بحراب
رامي ويطرا من العطايب
وكن باعيانه ضرب نشّاب
عن من مشى بالأرض تايب
الا عنك.. ماني بتــوّاب!

قلبك أبيض يالقصيد ووجهك أبيض
ما لفيت إِلَّا على قدر ومعزَّة

بين صدرٍ محتويك.. وقلب ينبض
بالحنين الي من الذلَّة منزّه

سج روحك في فياض الروح واعرض
عن دروبٍ ما لها بيرق ترزَّه

ومل يدَّك من هجوس البال وأنفض
يدَّك من بعض الهجوس المستفزَّة

ناس تلهث في مداك وناس تركض
وأنت كأنك في بساتينها تنزَّه

وناس تفرضها الظروف وناس تفرض
نفسها في كل وقت.. وكل حزَّة

وناس جتها بالذراع.. وناس بالحظ
وناس يزهاها الشموخ وناس رزَّة

ناس شوفتها علاج.. وناس تمرض
وناس عز وناس ضيم وقل عزَّة

وناس تظهر باللزوم وناس تربض
ما لها مع كاسبين الطيب فزَّة

وناس ترضى بالهوان.. وناس ترفض
الحياة الي بلا هومة ونزَّة

يا قصيدٍ تفتل طروقك وتنقض
كل معنى يرقب النجم ويخزّه

كل ما طاحت عزوم اللاش تنهض
لك عزومٍ تدحم الجال وتكزّه

كبَّر الله هيبتك بعيون مبغض
لأجل ما تصغر بعيون الي تعزَّه
—
مساعد الرشيدي (الله يرحمه)

اشتقت لك يا بعد حيي وحياني
لا يا بعد تلبيات البيض لالبن

اشتقت لك شوق ما عبره بلساني
شوقـ(ن) يخلي ضلوع القلب يشتبـ(ن)

عليك ياللي تواصلني وتجفاني
ويمك هباهيب شوقي كل ما هبـ(ن)

يا مهرتن تسنها من خيل ابن ثاني
صفرا تثمن بطون الخيل لا قبـ(ن)

بنت الكحيلا وابوها ساس حمداني
اتفهق الخيل بلميداني لا طبـ(ن)

قالت انا بطلبك تكفى علشاني
ودي ببيتـ(ن) منك تسانك تحبـ(ن)

قلت ابشري لو بغيتي كل ديواني
لا يبعد كل من هبـ(ن) و من دبـ(ن)

انتي هنا مزبنك في وسط شرياني
و الشمري تعرفين ان زبنك زبُـ(ن)

يامهجة الروح يا قلبي ي روحي وريحاني
ما اعرف ويش الليالي عننا خبـ(ن)

امشي ولا ادري غرامي وين وداني
ومن لامني في دموع الشوق لا صبـ(ن)

شوقي عفيف وعذاب الشوق خلاني
اقول للوصل دمت وللجفى تبـ(ن)

حـــــــاول تهنّـينــــــي قـــــبل ليـــــلة العـــــيد
خــــــل الخفــــــوق مــــــن الـــــوداد يتفاجـــــا
إيّـــــــاني و إيّـــــــاك يــــــا سيّــــــد الغـيـــــد
تنســــى تهنّينــــي ضحـــــى العيـــــد لا جـــــا
لا تقــــول هنّيتــــك ، هــــذي بــــس تمهيــــد
لجــــــل القــــــلوب مْـــــن الوصـــــال تنـــــاجا
والاّ بعــــــد مـــــــدحي لمنحـــــــرك والجيـــــد
بهجـيــــــــك .. وانـــــــت ماتحـــــــب تهـــــــاجا

يا حبيبي كف جبروتك
والهجوم وردع قواتك

طلع جنودك من خبوتك
وامتنع عن قصف غاراتك

سارع لخلك عن يفوتك
بالخطا وتصيب طلقاتك

ريح القلب بصدى صوتك
وابتساماتك ونظراتك

يا عسى موتي قبل موتك
يالغضي ولاذوق حسراتك

في الضمير مشيد بيوتك
راتع في روض مفلاتك

ترتعي من فوع منبوتك
بين غرس وظل جناتك

والمحبة قوتي وقوتك
اغتنم منها مسراتك

لا يروح العمر ويفوتك
عقبها ما تفيد حسراتك

سيف محمد الكعبي

مكسور لاكسرة ظهر او كسر ساق
‏مكسور خاطر والجفا زادني ويل

‏اسهر واسامر هاجسي لين الاشفاق
‏اصبح بلا قهوه ولا ريحة الهيل

‏مرماي في دارن كما تحت الانفاق
‏لانور لا ليلٍ ولا شمس وضليل

‏لاذنب ولا زله ولا ود الفراق
‏ياغير هالدنيا بها عدلٍ وميل

المحاوله الاولى :
فكرت اتبدوا مع أهل البل وأترك اهل الضين
يجوز البل تنسي من تبعها عن مشاهيّه
‏ㅤ
وشريت الوضح لعل وعسى أسلى مع السالين
وقعدت أشد وانزل فالتهاتيه الخلاويّه
‏ㅤ
المحاوله الثانية:
ولكن ماتغير حال هذا أنت تحداني لين
نويت أتم نصف الدين والنيات مقفيّه

خذيت من بنات الغيد عقبك وحده وثنتين
عساي أسج عن طيوف الهوا ودروب غاليّه
‏ㅤ
النتيجة:
الوضع هو هو ماتغير والزمان يشين
وحبك كل يوم يزيد فالعين الشقاويّه
‏ㅤ
الشاعر : #ضيدان_بن_قضعان

ضاق صدري من الدنيا واكتفيت
اسمحولي ما عاد اوثق في احد

ماني اكثر شخص بالدنيا وفيت
لكني اكثر من تجمل وانجحد

صغت المعاني من بحور الهواجيس
واخترت منها ما صفا نقو الألماس

بيوت شعري يسبقنّي مراميس
وبهن أحرّك نبض قلبي والاحساس

سايرتهن يوم الخلايق مناعيس
ونظمت نظم القاف ساسٍ على ساس

وأجدّ في سيري على ضمّر العيس
واسري بليلة سرمديّه بالاغلاس

ما همني طول المدى والمراويس
ضاري على فعلٍ يحيدونه الناس

آغوص قوع ما تجيبه مقاييس
آخذ من الدانات ما يصيبني ياس

وان هيَّضنِّي قايدات المكانيس
أحس في قلبي شرى دق الأجراس

أنا الهواوي ما على القلب تحميس
أطلق عنان الشوق وأقول لا باس

طب الأمور المقفيات المناحيس
وانظر بعيد وطاول النجم بقياس

فزاع

ناصر الفراعنة:

‏ويش بأختار والكلمات بالآلاف
‏واختيار الكلام اصعب من التأليف

‏يا بعد عزوتي يا كامل الاوصاف
‏جيت بأوصّفك واتعبني التوصيف

‏يا ضنا سيّدي والساده الأشراف
‏حبّكم صار لي تكليف لا تشريف

‏كنّ قلبي عليك مجمّع الأوقاف
‏لك وللطيّبين موقّفه توقيف

‏راح حالي عقب فرقاك ما ينشاف
‏فالهوى ما ذكر مثله ولا قد شيف

‏احضنيني من الاطراف للأطراف
‏لين من راس قمّة نجد اشوف طريف

‏لأجلك أدوس من فوق الخطر ما اخاف
‏واقطع القفر لو انّه وعَر ومخيف

‏ليت من في طرف وديانكم يصطاف
‏لا بدا النجم الأول من نجوم الصيف

‏الهوى حقّ وحقوق الرجال اعراف
‏وانا رَجّال ما يحتاج له تعريف

في نفس من يهواك مربع ومرتاع
يا مشغل التّفكير صورة خياله

جرحتني في القلب في ساعة اوداع
جرحي نزيف ولا لقينا دوا له

أحس كنّه ينزع الرّوح نزّاع
والموت في عيوني تهايا ظلاله

والا كما همٍّ تكسّر في لاضلاع
نفسي حداها من هواها زواله

آمنت في أمره وأعطيته الطّاع
وهوه يعذّبني على كل حاله

راعي جبينٍ في دجى اللّيل لمّاع
وخدٍّ كما البرّاق ياضي اشتعاله

العين عين اللّي حذورٍ ومرتاع
والعنق عنق اللّي يذيره خياله

تورد على يمٍّ غزيرٍ ونبّاع
غرٍّ من الآرام صعبٍ مناله

ما بين قلبي والفكر دايم اصراع
كنّه على روحي اتهّافت اهواله

ياما رفعت الصّوت لكن ما شاع
صوتٍ يردّد بالصّدى في جباله

شروات ذيبٍ جر بعواه لى جاع
فاته عشاه وحاين البين حاله

ويهيّج اشجاني إلى هب ذعذاع
ليت النّسيم ايّيب منهم رساله

عساه ظنّي في هل العرف ما ضاع
كنّي على زيزا ضحا ضيح لاله

أمشي وساميّ الطّويلات ميقاع
روس الشروف وعاليٍ من تلاله

لا في الهوى رحمه ولا منك مفزاع
يا مشغل التّفكير صورة خياله

محمد بن راشد

ناصر الفراعنة:

‏وجه قمرا مع غبَش نوٍّ تبيّن
‏والا وجه حبيّبي ساعة لفاني

‏من شهر وانا لملفاه آتحيّن
‏كاتمٍ حزني ورا عوج المحاني

‏من عذابي ويش محبوبي معيّن
‏وش لقا من تَرك محبوبه يعاني

‏كلّ شيْ عندي سهَل جداً وهيّن
‏إلّا فرقا سيّد البيض الغواني

‏والله ان يبكي دمٍ سِيْد المِزَيّن
‏لو وجع قلبي يجي قلبه ثواني

‏من يشوفه جاز من غيره وديّن
‏او على نفسه قرا السبع المثاني

‏ابو رمشٍ في مظاليله تفيّن
‏وجنتينٍ لونها احمر ارجواني

‏لا قوي جامد ولا بلحيل ليّن
‏عود جسمٍ لاعبه ريحٍ يمان

أنا في خاطري حاجه ولا ادري ويش ابي بالضبط
ولاني قادر اكتمها ولاني قادر ابديها

متاهة بداخل اعماقي بحر وحيره بليا شط
خذاني موجه العاتي عذابي من موانيها

ابهرب من غموضي مير ما باليد حل وربط
ضياعي كلٍّ يشوفه حقيقة مقدر انفيها

أنا مدري مكاني فوق ولاتحت ولا وسط
اسوق الرجل واتبعها واقول الله يسويها

أنا عايش بها الدنيا بلا قيد وبليّا شرط
مجرد ظل لايامي تباريني وباريها

أنا ايامي سوى ما فيه يوم اصعب ويوم ابسط
ولا ادري كيف اميز بين حاضرها وماضيها

أنا ما اشكي من احزاني ولا ذقت السعاده قط
ومع هذا أحسّ الناس وأضحكّها وأبكّيها

أنا واحد من العالم أنا جملة تحتها خط
احاسيسي غريبة من بدايتها لتاليها

أنا في صفحة الدنيا حروف ما عليها نقط
حياتي مالقيت اللي يترجم لي معانيها
-
مساعد الرشيدي الله يرحمه