مكسور لاكسرة ظهر او كسر ساق
‏مكسور خاطر والجفا زادني ويل

‏اسهر واسامر هاجسي لين الاشفاق
‏اصبح بلا قهوه ولا ريحة الهيل

‏مرماي في دارن كما تحت الانفاق
‏لانور لا ليلٍ ولا شمس وضليل

‏لاذنب ولا زله ولا ود الفراق
‏ياغير هالدنيا بها عدلٍ وميل

المحاوله الاولى :
فكرت اتبدوا مع أهل البل وأترك اهل الضين
يجوز البل تنسي من تبعها عن مشاهيّه
‏ㅤ
وشريت الوضح لعل وعسى أسلى مع السالين
وقعدت أشد وانزل فالتهاتيه الخلاويّه
‏ㅤ
المحاوله الثانية:
ولكن ماتغير حال هذا أنت تحداني لين
نويت أتم نصف الدين والنيات مقفيّه

خذيت من بنات الغيد عقبك وحده وثنتين
عساي أسج عن طيوف الهوا ودروب غاليّه
‏ㅤ
النتيجة:
الوضع هو هو ماتغير والزمان يشين
وحبك كل يوم يزيد فالعين الشقاويّه
‏ㅤ
الشاعر : #ضيدان_بن_قضعان

ضاق صدري من الدنيا واكتفيت
اسمحولي ما عاد اوثق في احد

ماني اكثر شخص بالدنيا وفيت
لكني اكثر من تجمل وانجحد

صغت المعاني من بحور الهواجيس
واخترت منها ما صفا نقو الألماس

بيوت شعري يسبقنّي مراميس
وبهن أحرّك نبض قلبي والاحساس

سايرتهن يوم الخلايق مناعيس
ونظمت نظم القاف ساسٍ على ساس

وأجدّ في سيري على ضمّر العيس
واسري بليلة سرمديّه بالاغلاس

ما همني طول المدى والمراويس
ضاري على فعلٍ يحيدونه الناس

آغوص قوع ما تجيبه مقاييس
آخذ من الدانات ما يصيبني ياس

وان هيَّضنِّي قايدات المكانيس
أحس في قلبي شرى دق الأجراس

أنا الهواوي ما على القلب تحميس
أطلق عنان الشوق وأقول لا باس

طب الأمور المقفيات المناحيس
وانظر بعيد وطاول النجم بقياس

فزاع

ناصر الفراعنة:

‏ويش بأختار والكلمات بالآلاف
‏واختيار الكلام اصعب من التأليف

‏يا بعد عزوتي يا كامل الاوصاف
‏جيت بأوصّفك واتعبني التوصيف

‏يا ضنا سيّدي والساده الأشراف
‏حبّكم صار لي تكليف لا تشريف

‏كنّ قلبي عليك مجمّع الأوقاف
‏لك وللطيّبين موقّفه توقيف

‏راح حالي عقب فرقاك ما ينشاف
‏فالهوى ما ذكر مثله ولا قد شيف

‏احضنيني من الاطراف للأطراف
‏لين من راس قمّة نجد اشوف طريف

‏لأجلك أدوس من فوق الخطر ما اخاف
‏واقطع القفر لو انّه وعَر ومخيف

‏ليت من في طرف وديانكم يصطاف
‏لا بدا النجم الأول من نجوم الصيف

‏الهوى حقّ وحقوق الرجال اعراف
‏وانا رَجّال ما يحتاج له تعريف

في نفس من يهواك مربع ومرتاع
يا مشغل التّفكير صورة خياله

جرحتني في القلب في ساعة اوداع
جرحي نزيف ولا لقينا دوا له

أحس كنّه ينزع الرّوح نزّاع
والموت في عيوني تهايا ظلاله

والا كما همٍّ تكسّر في لاضلاع
نفسي حداها من هواها زواله

آمنت في أمره وأعطيته الطّاع
وهوه يعذّبني على كل حاله

راعي جبينٍ في دجى اللّيل لمّاع
وخدٍّ كما البرّاق ياضي اشتعاله

العين عين اللّي حذورٍ ومرتاع
والعنق عنق اللّي يذيره خياله

تورد على يمٍّ غزيرٍ ونبّاع
غرٍّ من الآرام صعبٍ مناله

ما بين قلبي والفكر دايم اصراع
كنّه على روحي اتهّافت اهواله

ياما رفعت الصّوت لكن ما شاع
صوتٍ يردّد بالصّدى في جباله

شروات ذيبٍ جر بعواه لى جاع
فاته عشاه وحاين البين حاله

ويهيّج اشجاني إلى هب ذعذاع
ليت النّسيم ايّيب منهم رساله

عساه ظنّي في هل العرف ما ضاع
كنّي على زيزا ضحا ضيح لاله

أمشي وساميّ الطّويلات ميقاع
روس الشروف وعاليٍ من تلاله

لا في الهوى رحمه ولا منك مفزاع
يا مشغل التّفكير صورة خياله

محمد بن راشد

ناصر الفراعنة:

‏وجه قمرا مع غبَش نوٍّ تبيّن
‏والا وجه حبيّبي ساعة لفاني

‏من شهر وانا لملفاه آتحيّن
‏كاتمٍ حزني ورا عوج المحاني

‏من عذابي ويش محبوبي معيّن
‏وش لقا من تَرك محبوبه يعاني

‏كلّ شيْ عندي سهَل جداً وهيّن
‏إلّا فرقا سيّد البيض الغواني

‏والله ان يبكي دمٍ سِيْد المِزَيّن
‏لو وجع قلبي يجي قلبه ثواني

‏من يشوفه جاز من غيره وديّن
‏او على نفسه قرا السبع المثاني

‏ابو رمشٍ في مظاليله تفيّن
‏وجنتينٍ لونها احمر ارجواني

‏لا قوي جامد ولا بلحيل ليّن
‏عود جسمٍ لاعبه ريحٍ يمان

أنا في خاطري حاجه ولا ادري ويش ابي بالضبط
ولاني قادر اكتمها ولاني قادر ابديها

متاهة بداخل اعماقي بحر وحيره بليا شط
خذاني موجه العاتي عذابي من موانيها

ابهرب من غموضي مير ما باليد حل وربط
ضياعي كلٍّ يشوفه حقيقة مقدر انفيها

أنا مدري مكاني فوق ولاتحت ولا وسط
اسوق الرجل واتبعها واقول الله يسويها

أنا عايش بها الدنيا بلا قيد وبليّا شرط
مجرد ظل لايامي تباريني وباريها

أنا ايامي سوى ما فيه يوم اصعب ويوم ابسط
ولا ادري كيف اميز بين حاضرها وماضيها

أنا ما اشكي من احزاني ولا ذقت السعاده قط
ومع هذا أحسّ الناس وأضحكّها وأبكّيها

أنا واحد من العالم أنا جملة تحتها خط
احاسيسي غريبة من بدايتها لتاليها

أنا في صفحة الدنيا حروف ما عليها نقط
حياتي مالقيت اللي يترجم لي معانيها
-
مساعد الرشيدي الله يرحمه

في وصف الاكتئاب او فقدان الشغف:
كنت متحير وذا سر الحياة
وللأسف هالحين ما عدت متحيير

كنت أطيّر من ورق سِرب وقطاه
وللأسف ما صرت مثل أول أطيّر

كنت طفل صغير أحلامه فضاه
كبرَت أحلامه عليه وهو صغيير

كان عندي لكل عصفورٍ حصاه
كنت أسمع، كنت أفكر، كنت أغيير

الوجود يضيق من كل اتجاه
الأمل شكاك والصبر متطيير

تلفت جروحي علي الانتباه
جرحٍ يودع وجرحين يسيير

ليت لي من ضيقتي قفر ومتاه
وقلب مستهتر وعزم وعقل نيير

وليت لي من ضيقتي ضحكة شفاه
ضحكةٍ تبطي بـ هالعمر القصيير

ياسر التويجري

نطوي مع الأيام عامٍ ورا.. عام
وتمر ساعات الفرح في دقايق

أيام راحت بالعمر مثل الأحلام
يوم بها زعلان وأيام رايق

درست من دنياي وأتعبت الأقدام
وبدّلت عن بعض الطرايق طرايق

وكفخت بأفكاري كما الطير لاحام
وماعاقني عن ماكر العز عايق

ياصاحبي خذني معك سيف وحزام
ويّاك في وقت الرخا والظوايق

أخوك بالفزعات ضاري وعزام
يشوقني للطيب والخير شايق

وترى البشر ياخوك منقسمه أقسام
بين الردى والطيب شفت الحقايق

لقيت من صلّى وزكّى.. ومن صام
ولقيت منهو لأقرب الناس بايق

ولقيت من قلبه حقود ونمام
ولقيت من قلبه يعز الرفايق

ولقيت من يبني الأمل فوق الأوهام
واللي يموت ولايعرف العوايق

ولقيت من يملك بساتين وأنعام
واللي من الحاجه ينام امتضايق

الله خلق هالخلق ساده وخدام
ذي دبرة الرحمن رب الخلايق

وآخرك يابن آدم ترى قطعة الخام
أمر أكيد.. ومايبيله وثايق

يالله عسى ماكون قطّاع الأرحام
وعساي من عقب القبر.. في حدايق

جاك الكلام وخذ معه بصمة ابهام
إن العمر كلّه مجرد دقايق

حمد السعيد

لا تتصـــــل لــــي ولا ترســـــل لــــي حـروفــــك
مــا ابــا ســوى تمـــسح ارقــامي مــن اللســـته
عجــــزت اداريــــك وامشـــــي رغبــــة كفوفــــك
مـــا فيـــه درب ٍ لكســـب رضـــاك مـــا دســـته
عـــــقب الخـــــيانه تجـــــيني تـــــشرح ظروفــــك
إنــــت الــــذي حـبّــــنا تحــــت الـقـــدم دسـتـــه
جَـمّـــــــلت كـرّاســــــة التعـبــــــير بـوصـوفــــــك
لا واحـسـافـــــه قـصـيـــــد ٍ فـــــيك كـرّسـتـــــه
أبعــــد بـطــــيفك .. عــــيوني مـــاتبي شوفــــك
تــــــراك جــــــرح الخـفـــــوق بْـجـِــــد لامـســـــته
لـــو كـــان بعــــض الخــــيانه ســــاكن بجوفـــك
عــــــذرت قــــــلبي وعاطـفــــــته و وسـوســـــته
صحيـــح انـــا كنـــت احبّـــك واعشـــق طيوفـــك
وان جيــــت قلـــبي بغــــربة هـَـــم .. ونـّســــته
وان رحــــت يــــا صــــاحبي كمّلــــت معروفـــك
شجّعـــــت قـــــلبي علـــى بُعــــدك و حمّــــسته
لا يــــازمن مــــاني بناقـــــص مــــن صـدوفـــــك
وش عــاد بــاقي معــي يــا وقــت مــا حســته
يـــا قــــلب لاتــــنحني لاحــــد ٍ وانــا اشـوفـــك
وش لـــك فـــي بنـــتٍ فنــــون الغـــدر دارســته
عــــدلك وميلــــك تســــاوت.. والســـبب خوفـــك
مـــن واقـــع ٍ يكـشـــف اللــي فـــيه مـارســـته
واللـــه لخلّــــيك عـقــــبي تصـفــــق كـفـوفــــك
واشـــــرّب اللــــي تغطــــرس كــــاس غطرســــته
بـــا وقـّفــــك فـــي طـريــــق الغـــدر وآطوفــك
دام الـغـــــدر هــــو هــــواك اللـــي تـنـفـّـــسته
بـــــس انتـــــظر لاتـناظـــــر لحـــــظة وقـوفـــــك
أخــــاف أضــــعف وارد اســـمك علـــى اللســـته

الله يجازي من يسوي سواتك
وبذنوب من سوى سواتك يجازيك

مشيت درب الثقل وتحب ذاتك
ماتدري انه للمهالك يوديك

غرك جمالك ياخساره حلاتك
ماتدري ان ماغير طبعك يحليك

بتقول زينك يشفع لسيآتك
الحسن ماهو عن وفا الحب يعفيك

لو التواضع والوفا من سماتك
بعت الحبايب كلهم دين واشريك

لكن عجزت اغيرك ياجراتك
على الغياب اللي بلا عذر ينجيك

خطاي في توضيح وشي غلاتك
وخطاك في توضيح وشو تغليك

وشلون توصيني وتنسا وصاتك
وتصد عن صوتن تقطع يناديك

مافاتك التجريح والعذر فاتك
وتبغي رضاي الحين ماعاد يمديك

صحيح احبك بس هذا جزاتك
بعلمك درس يفيدك ويحييك

تدري وش ابيض من خفوقك عباتك
وتدري وش اللي غرني نظرتي فيك

ادري بتستغرب تصبر وجاتك
قصيدة من واحد كان يبغيك

وتبغي تناظر وانت عايش مماتك
شف وحدتك والناس تجلس حواليك

وتبغي تشوف اشجع رجل في حياتك
شفني وانا راحل على كثر ماغليك

بن فطيس

اقتحمت بيتٍ ف ارض العدا
افتّش يمكن ألاقي لي غنيمة

والحمد لله ما راح مجهودي سدا
لقيت لي وطن ثاني وسكينة

اللَّي بَعَدْ مَا غَابْ عَنْكُمْ بِكَيْتُوْه
كَمْ صَارْ لِهْ مَعْكُمْ وْلاَ احْدٍ دَرَى بِهْ

يَا لَيْتكم مِلْتُوْا عَلَيْه وْسَألْتُوْه
سُؤالكم يَمْكِنْ يغَيِّرْ جِوَابِهْ
 
لكن خِذَيْتُوْا كِلّ شَيّ وْتَرَكْتُوْه
لضِيْقته وِلْعِزْلِتِهْ وِاغْتِرَابِهْ
 
الْيَوْم بَسّ الْيَوْم يَعْنِيْ فِقَدْتوه
وْهُوْ لِهْ سِنِهْ مِنْ يَوْم مَا اقْفَتْ رِكَابِهْ
 
لو كان فِيْكُمْ خَيْر.. كِنْتُوْ ذِكَرْتُوْه
قَبْل الزِّمَنْ يَسْرِقْ مَلامِحْ شِبَابِهْ
 
يَعْنِيْ عَشَانِهْ مَا اشْتِكَى.. مَا سِمَعْتُوْه
هذا الخطا اللَّي مَا حِسَبْتُوْا حِسَابِهْ
 
مَا قِدْ عَرَضْ شَكْوَاهْ حَتَّى عَلَى اخُوْه
وِشْلون أجَلْ يَشْكِيْ عَلَيْكُمْ صِوَابِهْ؟!
 
طَبْعه يموت وْلاَ الْحَقْ الْغَيْم مَشْرُوْه
عِزَّةْ ظِمَا.. وْ لاَ مِذَلَّةْ سِحَابِهْ؟
 
أقْفَى.. عَسَاهْ مْجَارْ مِنْ كِلّ مَكْرُوْه
رَاسِهْ عِزِيْز.. وْرَاسْ مَالِهْ ثِيَابِهْ
 
وْعِفَّةْ يِدَيْه اللَّي خَذَاهَا مِنْ ابُوْه
وْصَبْره عَلَى وَقْتِهْ وْقِلَّةْ زِهَابِهْ
 
خَلِّهْ يِتُوْه بْكَيْفِهْ.. أحْسَنْ.. وْ لاَ يْتُوْه
بِيْدَيْن نَاسٍ شَرْعَهَا شَرْع غَابِهْ
 
الذِّيْب فِيْهَا مَنْ سَلَكْ دَرْب مَشْبُوْه
وِاللَّى مَهِبْ ذِيْبٍ كِلَتْه الذِّيَابِهْ
 
يَامَا انْبِنَى مِنْ حِلْم فِيْنَا وْهَدَّوْه
وَقْتٍ غريب وْنَاسٍ أكْثَرْ غَرَابه
 
صِدْق القناعه كَنْز.. لكن هُمْ أفْنَوْه
وْحَتَّى الأصَابِعْ عَلّموها تِشَابَهْ..!!
 
مَادَامْ صَوْتِكْ مِنْ وَرَا الباب مَسْفُوْه
يَا رِيْح هِدِّيْ بَابْ مَنْ سَدّ بابه
 
وِالصَّاحِبْ اللَّي غَابْ لَوْ هُمْ تِنَاسَوْه
قُوْلِيْ لِهُمْ لا يَفْرحُوْن بْغِيَابِهْ
 
هُمْ حَصِّلَوْا فِيْ غْيَابِهْ اللَّي تِمَنَّوْه
بَسّ الْوَعَدْ لا مِنْ بَرَى مِنْ صِوَابِهْ

ملّ الخجل فيك ما ملّيت من شوفك
واغمُضْ عيوني عنك وانسى عيوني

ملّ الغلا فـْ ما بين بعضي وخوفك
يا مصعبي في سما عينك ويا هوني

اسرفت بك شوف وانت اسرفتْ بكسوفك
ما تدري انّ بْخَجَلْكْ تزايد غبوني

ليتك تمعّنت في نظرات ملهوفك
تشرب ملامح غلاي وتستلف لوني

يا لذتي لو قدرت استوعب وصوفك
ازريتْ لاَ اْسْتوعب اللهفه بمكنوني

يا لذتي يوم اشوف مخضب كفوفك
تضما كفوفي سلام وتشرق طعوني

لا تعتذر لي... أكيد مقدّر ظروفك
مَتَاعب الدرب ما تخلف بك ظنوني

لو ما تجمّلتْ فيني شفت معروفك
مهما تكون الظروف تكون مظنوني

ما جيت اعاتب حبيبي... جيت أبا اشوفك
وش عاد لو كنت بين الرمش وجفوني

جيت اعشقك لين يندَهْ لي شتا جوفك
وادفي شجونك من ابرد نار بشجوني

جيت اكتبك في قصيدي واغرس حروفك
باعماق نبضي وباعماقي وبعيوني

مساعد

غيمٍ غطى سمايه
وأتلى الغيم المطر
وأروى روضه حشايه
وأنبت فيها الزهر
قمت أردد غنايه
تحت ظليل الشيَر
وإذا دنا ممسايه
أسهر ويا القمر
ما أشكي من هوايه
لا صدّ ولا هجر
دام الغالي معايه
في الحُب ومستمر
ولا من زماني حايه
لي كنزٍ من درر
هو ستري وهو حمايه
‏كل ما جار الدهّر
يا غير بي من شايه
فيها حار الفكر
غالي وفسر غايه
تشرح ضيج الصدر
بابياتٍ منقايه
من لجات الغزر
دامه نحى جدوايه
اعتز و أفتخر
يبشر وانا في رايه
ما خالف له أمر
وجان الحياة كفايه
برخص له بالعمر
ولا راعي الغشايه
لي له وصلك عسر
عوده روى من مايه
توه يانع خضر
عليه لي شروايه
يا سيدي ما قدر
يا كم سوى جنايه
لي مثله فالبشر
وانا رفعت الرايه
مستسلم له جبر
ولي مثلك يا غرايه
ما يستاهل قهر
وادعوا لك فالنهايه
صبح وظهر وعصر
عسى حسين الهايه
فيك يعيد النظر
وتنال من هالغايه
في خلوه ومختصر
ومن ناسي المسمايه
لي عالين القدر
اذا بين خطايه
استسمح واعتذر
—
راشد شرار