غيبتك يا زين ما خفّت طبوعي
لو فراقك شب في الخاق فتيله

اتبع طيوفك وانا ماني تبوعي
ما ضعف عزمي وقلبي طاح حيله

مخفيٍ حملٍ ورا حدب الضلوعي
يتبع طويق ومتونه ما تشيله

هد قلبٍ خارجٍ عن شور طوعي
صاملٍ وضلوع راعيّه نحيله

ما ذبحه البعد لكنّه يجوعي
كل ما جات الهبايب عزّتي له

ينتفض لا اجيب لك بين الضلوعي
طاريٍ ويصد والعبرة تجيله

كأنه ما يوحي وله قلبٍ سموعي
ما إله الا الصمت.. ما عنده وسيلة

لا تثّني الكيف وتقرّب قدوعي
لو قنادك مختلف بنّه وهيله

والله ان شوف الغضي شفّي وصوعي
خلو العاشق مع قافه وليله
—
مذكر بن طعساس الحارثي

ما فيه لحظة نلتقي؟
كل الفرص لك سانحة

ورد الوصل يبغي سقي
حر المفارق ذابحه

ما عاد بي صبر بقي
أُستُنْـفِذ من البارحة

البارحة ليلي شقي
فرّد عليَّ جوارحه

أقبل وأنا جوّي نقي
وأقفى وقلبي جارحه

الشمس كانت معتقي
من ليل ماني مسامحه

في فيَّة الذكرى أتَّـقي
عن الدموع الفاضحة

مع أن حزني منتقي
فيني ملامح واضحة

تبغى الملاقى؟ نلتقي
تبغى الجفيَّا؟ سانحة
—
منيف الخمشي

يا احمد على عيوني غَمامة حزن تمطر هموم
ولا انبتت في خفوقي غير عشب القهر

والحال هذا لو يْطوِّل معاي وْيدوم
أخاف يزرع بساتين وْيكوِّن نَهَر

يا سارقه من عيون الشيخ (حمدان) نوم
الليل رجّع علي النوم.. ليه السَهَر

ليه السَهَر دام قلبي من غلاك مْحروم
وانا في حبّك أذوب.. وْعاشق وْمنبهِر

العام كنت استلذ الشوق في كل يوم
واليوم ما غير مرّه واحده في الشهر

تروم تزعل عليّ.. لكن انا .. ما أروم
لا يمكن آزعّلك في سِر والاّ جَهَر

جمالك المحتشم خَلاّك شَخص مْحشوم
وْعفافك النادر يْزيدك في عيني طهر

مثل القمر نور وجهك في الظلام الكتوم
واذا تبسّمت مثل الشمس عند الظهر

ولو ان عمري مهر قربك أنا قبل اسوم
أنا اللي باسوق العمر لاجلك مَهَر

وْلا تصير خصمي أنا مانيب أهاب الخصوم
وشلون اهاب البشر وانا ما اهاب الدهَر

الله خلقني على الدنيا حصانِ عزوم
عسفني (محمد المكتوم) وانا مُهر

لو النجوميّه تورّث عيال النجوم
من باب حب الظهور الشخص منهم ظهَر

الشهره.. تغيّر العَالَم بوجه العموم
لكن ما غيّرت (حمدان) يوم اشتهر
—
فزاع

حامت علينا الخيل من كل مطلاع
‏وكلً سحب سيف البرا من جفيرة

‏والعاذل الي تحت شمس الضحى ماع
ماشفت وجهه يوم جات المغيرة

‏يوم الرجال تهوش جاله تخضّاع
‏خش السلاح وباع باقي الذخيرة

مدري من صدوف المقادير جزّاع
ولا ذخر نفسه للأمور الكبيرة

ان كان في بشوت الرجاجيل طمّاع
البشت جاه وجاه بشتٍ وغيره

قل له يبدّل بزّة البشت بقناع
ويخلي الحمل الثقيل لبعيره

الحر يضرب بالكواشح والأتباع
عزمه يشله والسعد في مطيّرة

والبوم له عدّة انواع واشكال
تلقى الكبيرة فيه مثل الصغيرة

صديت ما لديت في بعض الأسناع
وخلّيت باب السجن يلقى خفيرة
—
عايض غيدة

جبرني وداد الحبيب المليح
ب- -/ب- -/ ب- -/ب - ب
انا به متيّم وهو مستريح
ب - /ب - - /ب - - /ب - ب

بكيت وهل بكاء القلب يجدي
فراق أحبتي وحنين وجدي
فما معنى الحياة إذا افترقنا
وهل يجدي النحيب فلست أدري
فلا التذكار يتركني لأنسى
ولا الأيام تتركني لنومي
فراق أحبتي كم هز وجدي
وحتى لقائهم سأضل أبكي

غروٍ احبّه واحبّ اللي يحبّه
‏دايمٍ بابه على شاني مشرّع
‏
كان هو في حالتي ما خاف ربّه
‏بآتبرّى من ضميري وآتبرّع
‏
القمر بخدوده البيض يتشبّه
‏من كسوفه بأسود الليل يتذرّع
‏
لا حضر حفلٍ كلا جوّه وكبه
‏تحسبه قايد لواء حربٍ مدرّع

من تلابيبه ولبّه فوق لبّه
‏ودّي آحضْنه وخايف لا اتسرّع
‏
قلت اربّه لا شكيت الشوق اربّه
‏ايه اربّه لا قلط عندي وفرّع
‏
برقعه لعيوني بعيدٍ يذبّه
‏برقعٍٍ عن وجنةٍ حمرا تخرّع
‏
كوثريّ الريق بلسانه يصبّه
‏في فمي جُرعات جُرعات آتجرّع

النواهد في النحر قبّه وقبّه
‏ليت من فيهن ولو ساعه تضرّع
‏
كلّ ما رِدفه ضرب حبّه بحبّه
‏كنّهنّ     يحرضّني      وآتورّع
‏
راح وركينه تصارع دون سِبّه
‏وآناْ من وجدي عليهنّ آتصرّع

ميّاس وطروفه لبايب
وكم واحد خلاه مسطاب
غالي واعز امن الحبايب
وارمانيه من القرب بحراب
رامي ويطرا من العطايب
وكن باعيانه ضرب نشّاب
عن من مشى بالأرض تايب
الا عنك.. ماني بتــوّاب!

قلبك أبيض يالقصيد ووجهك أبيض
ما لفيت إِلَّا على قدر ومعزَّة

بين صدرٍ محتويك.. وقلب ينبض
بالحنين الي من الذلَّة منزّه

سج روحك في فياض الروح واعرض
عن دروبٍ ما لها بيرق ترزَّه

ومل يدَّك من هجوس البال وأنفض
يدَّك من بعض الهجوس المستفزَّة

ناس تلهث في مداك وناس تركض
وأنت كأنك في بساتينها تنزَّه

وناس تفرضها الظروف وناس تفرض
نفسها في كل وقت.. وكل حزَّة

وناس جتها بالذراع.. وناس بالحظ
وناس يزهاها الشموخ وناس رزَّة

ناس شوفتها علاج.. وناس تمرض
وناس عز وناس ضيم وقل عزَّة

وناس تظهر باللزوم وناس تربض
ما لها مع كاسبين الطيب فزَّة

وناس ترضى بالهوان.. وناس ترفض
الحياة الي بلا هومة ونزَّة

يا قصيدٍ تفتل طروقك وتنقض
كل معنى يرقب النجم ويخزّه

كل ما طاحت عزوم اللاش تنهض
لك عزومٍ تدحم الجال وتكزّه

كبَّر الله هيبتك بعيون مبغض
لأجل ما تصغر بعيون الي تعزَّه
—
مساعد الرشيدي (الله يرحمه)

اشتقت لك يا بعد حيي وحياني
لا يا بعد تلبيات البيض لالبن

اشتقت لك شوق ما عبره بلساني
شوقـ(ن) يخلي ضلوع القلب يشتبـ(ن)

عليك ياللي تواصلني وتجفاني
ويمك هباهيب شوقي كل ما هبـ(ن)

يا مهرتن تسنها من خيل ابن ثاني
صفرا تثمن بطون الخيل لا قبـ(ن)

بنت الكحيلا وابوها ساس حمداني
اتفهق الخيل بلميداني لا طبـ(ن)

قالت انا بطلبك تكفى علشاني
ودي ببيتـ(ن) منك تسانك تحبـ(ن)

قلت ابشري لو بغيتي كل ديواني
لا يبعد كل من هبـ(ن) و من دبـ(ن)

انتي هنا مزبنك في وسط شرياني
و الشمري تعرفين ان زبنك زبُـ(ن)

يامهجة الروح يا قلبي ي روحي وريحاني
ما اعرف ويش الليالي عننا خبـ(ن)

امشي ولا ادري غرامي وين وداني
ومن لامني في دموع الشوق لا صبـ(ن)

شوقي عفيف وعذاب الشوق خلاني
اقول للوصل دمت وللجفى تبـ(ن)

حـــــــاول تهنّـينــــــي قـــــبل ليـــــلة العـــــيد
خــــــل الخفــــــوق مــــــن الـــــوداد يتفاجـــــا
إيّـــــــاني و إيّـــــــاك يــــــا سيّــــــد الغـيـــــد
تنســــى تهنّينــــي ضحـــــى العيـــــد لا جـــــا
لا تقــــول هنّيتــــك ، هــــذي بــــس تمهيــــد
لجــــــل القــــــلوب مْـــــن الوصـــــال تنـــــاجا
والاّ بعــــــد مـــــــدحي لمنحـــــــرك والجيـــــد
بهجـيــــــــك .. وانـــــــت ماتحـــــــب تهـــــــاجا

يا حبيبي كف جبروتك
والهجوم وردع قواتك

طلع جنودك من خبوتك
وامتنع عن قصف غاراتك

سارع لخلك عن يفوتك
بالخطا وتصيب طلقاتك

ريح القلب بصدى صوتك
وابتساماتك ونظراتك

يا عسى موتي قبل موتك
يالغضي ولاذوق حسراتك

في الضمير مشيد بيوتك
راتع في روض مفلاتك

ترتعي من فوع منبوتك
بين غرس وظل جناتك

والمحبة قوتي وقوتك
اغتنم منها مسراتك

لا يروح العمر ويفوتك
عقبها ما تفيد حسراتك

سيف محمد الكعبي

مكسور لاكسرة ظهر او كسر ساق
‏مكسور خاطر والجفا زادني ويل

‏اسهر واسامر هاجسي لين الاشفاق
‏اصبح بلا قهوه ولا ريحة الهيل

‏مرماي في دارن كما تحت الانفاق
‏لانور لا ليلٍ ولا شمس وضليل

‏لاذنب ولا زله ولا ود الفراق
‏ياغير هالدنيا بها عدلٍ وميل

المحاوله الاولى :
فكرت اتبدوا مع أهل البل وأترك اهل الضين
يجوز البل تنسي من تبعها عن مشاهيّه
‏ㅤ
وشريت الوضح لعل وعسى أسلى مع السالين
وقعدت أشد وانزل فالتهاتيه الخلاويّه
‏ㅤ
المحاوله الثانية:
ولكن ماتغير حال هذا أنت تحداني لين
نويت أتم نصف الدين والنيات مقفيّه

خذيت من بنات الغيد عقبك وحده وثنتين
عساي أسج عن طيوف الهوا ودروب غاليّه
‏ㅤ
النتيجة:
الوضع هو هو ماتغير والزمان يشين
وحبك كل يوم يزيد فالعين الشقاويّه
‏ㅤ
الشاعر : #ضيدان_بن_قضعان