عشقت الليل من شانه ونسمة نجد ودلاله ومن ذاق الهنا في قربه جميع الكون يحلاله عشقت الليل أنا عشقته
عشقت الليل ونجومه بتشهد والقمر شاهد وأنا وانت في ستر الليل أعاهد وأنت بتعاهد وقول له يا ليلنا اشتقنا وعشقت الليل أنا عشقته
يا ليل الحب يا غالي يا جامعنا وحنا بعيد تلطف حمل النسمة بهمسه تمر فوق الجيد وقول له يا ليلنا اشتقنا وعشقت الليل أنا عشقته
يا نسمة داعبي شعره وردي لي شذى منه وقولي له عن أخباري وجيبي لي الخبر عنه وقول له يا ليلنا اشتقنا وعشقت الليل أنا عشقته

لا تزعلني وتحكم علي اني زعول
‏وانت تدري مستحيل ازعل الا من بلا

‏والعذر في بعض الاحيان مايلقى قبول
‏في وسع صدر تحمل زعل لين امتلا

‏مشكلة غلطتك ماتقبل انصاف الحلول
‏والمصيبه لك معزه وتقدير وغلا

‏قلت سامحني وانا الصدق مدري ويش اقول
‏خايف اسامحك مره وتاخذها حلا

جف الكلام ومدت يدينها فوق: ..
.. أخترت هذي .. وأنت شف لك سحابه

قلت .. ويديني تحتضنها مثل طوق ..
:أخترت هذي هذي أكثر رحابه

هذي دفا صوتٍ من البرد مخنوق
هذي سؤالٍ نصف عمري جوابه

هذي هي اللي عرّفتني على الشوق
هذي قدر .. ماكنت حاسب حسابه

قطعة حزن في جيب بالي ومشقوق
ومضة فرح في عيون ناسٍ غلابه

أن سولفت في ثغرها لمعة بروق
وإن سرّحت في عيونها صمت غابه

واليا اضحكت نورٍ من الفجر مسروق
واليا بكت تحزن عليها الكآبه

حبي لها لوأدري ان فيه مخلوق
قدّ حبّ مثله .. قلت: ياللغرابه

هالآدمي من وين له قلب وعروق؟!
والصبر هالمسكين من وين جابه؟

وأنا أتكلّم .. ردّت عيونها فوق
ثم تمتمت: من هي هالأكثر رحابه؟؟

قلت ويديني تحتضنها مثل طوق
في ذمتي ماشفت غيرك سحابه
—
#فهد_المساعد

ياجبـل عيبـك جبـل عرضـك وطـولـك فـاحـي
مــاتــهـــزك لا شــمــالــيــه ولا غــربـــيـــه

ارفقـي يـا اصابـعـي عـلـى خــرز مسبـاحـي
واركــدي ياهـجـوس شـعـر مـنـتـي بـعـاديـه

ياقـريـحـة نـــدر بـيــوت القـصـيـد ارتــاحــي
شـاعـرك مـاهـو وكـيـل ادم عـلــى الـذريــه

لــو يـبـي يسـهـر عيـونـه كــل بــرق لاحــي
خـلـص عـلاجـات قـسـم الصـحـه النفـسـيـه

شاعرك صاحب ذكاء فطري وراسه صاحي
لا يدلـوجـيـة شـبــاب الـمـوضـه الـشـعـريـه

كــل مــا احـلــق بتفـكـيـري وافـــل جـنـاحـي
افــتــردت الاولــــه بـالـطـيـب والا اوخــيــه

ماكـرهـت الا الـسـواد واي شــيء يـواحـي
لـلـسـواد ولا عـشـقــت الا بــيــاض الـنـيــه

لــد يـمـي جــاي يالـلـي مــع خيـالـك نـاحــي
واسـتـلـم فـنـجـال دلــــة شــعــري الـبـريــه

يـاسـلام الله عـلـى ركـــاب بـــاص مـنـاحـي
استحلـوا نـصـف سـطـح الـكـوره الارضـيـه


جعـلـهـم عـلــى مـاقــال الاكـلـبـي للـمـاحـي
مـاوراهــم غـيــر هــــدم الـبـنـيـه التـحـتـيـه

كــــل يــحــاول يــفــوز بـجـايــزة قــرداحــي
لـــو تحـرمـهـا عـلـيـه الـهـيـئـه الـشـرعـيـه

والمصيـبـه جابـهـم يـمـي وجــه مصـبـاحـي
بـلـطـجـيـة ثـــــورة الـقـصــيــده الـشـعـبـيــه

فكروا في سلب جسمي مشلحـي واوشاحـي
واستباحـوا حرمـة ادنــى حقـوقـي الفكـريـه

بـس انــا رجــل اتـلـذذ فــي نـزيـف جـراحـي
دام سـبـتـهـا بــلــوغ احــلامـــي الــورديـــه

كــل مـايـزيـدون حـســادي تـزيــد افـراحــي
واشـعـر بـنـشـوه وراحـــة بـــال لا اراديـــه

مـشـغـل نفسك ورى خـسـايـري واربـاحــي
يامـغـنـي فـــي لـحــون الـعـرضـه النـجـديـه

لاتـمـثـل مــعــي دور الــســارق الـمـزاحــي
وانـت تبلـش بـيـن فــرق الناضـجـه والنـيـه

ولاتفكـر فـي صعـود الافـق وانــت سيـاحـي
ماتشـوف ان الامـر صعـب ٍ عليـك شـويـه؟

حــط راســك لاتـقـوم الا ضـحـاك الضـاحـي
واتــرك السـيـف المعـلـق واتــرك الجنبـيـه

حـالـف بالله مــا اصـــوب عـلـيـك سـلاحــي
وانــت ماتـسـوى ضـيـاع الطـلـقـه الـنـاريـه
—
لافي الغيداني

ليت العمر يهدى .. أبهديك عمري
تستاهل الايام يا زهو الايام

لو الهوى المحبوس في جوف صدري
يظهر على العالم غشى العالم هيام

فيني غرام فوق محمول صبري
وفيني خيال فوق تصوير الاحلام

صباحي اسرحلك و في ليلي اسري
وإلى هجع فكري خفوق الهوى قام

والله مالي غير الأشواق عذر
واللي عرف شوق المواليف ما لام

يا من يبيع الصبر يا ناس و اشري
محتاج كل الصبر و اصخي بالاقيام

يا مالك امري وش نواياك بامري
ارحم خفوق عن هوى غيركم صام

حالي غدى مثل المساويك مبري
يا باري حالي ترى البعد ظلام

أدري بحالك و انت بالحال تدري
ياالله عسى ذا العام أحسن من العام
—
خالد الفيصل

هذا القلم آلة حزن تعزف حروف
وهذا الحبر خمر الورق والمعاني

حبيبتي وان شفتي أقلامي وقوف
لا تحسبين إن أعذب الشعر جاني

حتى الشعر تعترضه أحيانا ظروف
ويمر في قلبي وينسى لساني

جيت أوصفك ماتت تحت رجلك وصوف
جيت أنطقك راح الكلام وعصاني

حبيبتي والليل شماعة طيوف
عليه علّقت الأمل والأماني

أتذكرك والبرد ووشاحك الصوف
كم كنت محتاجك وكم كنت أعاني

وأتذكرك والحيرة تحايل الخوف
كم كنت خايف لا يقصّر حناني

كنتي وأنا والعشق والجو محفوف
ما زاد عنا غير صمت المباني

كان السهر طربان والليل مكسوف
وكان الحكي من شفتينك أغاني

في الليلة اللي بدرها صابه اخسوف
كنتي هديه للسما والمواني

طرتي مكانه وأقبل الغيم ملهوف
يبي يضمك بس نورك أناني

وأنا مثل هالغيم من حولك آطوف
بغيت أضمك بس عيا زماني

نضحك حزن ونشوف ونصد ونشوف
ونضيق والضيقة سجينـة محاني

ما فيه داعي نسمـع أعذار وحلوف
ما دام ما نقدر نعيد الثواني

أنتي رحلتي دون تلويحة كفوف
وأنا رحلت بدون قلب وأماني
——
صلاح العرجاني

ياللي على شان معكازي تبين لي
رجلي على حالها وانا على حالي

والكسر ما هوب في رجلي علي كلي
وانت السبب في الغرابيل اول وتالي

تكفي مراسيلنا العجلات يا خلي
عن مخذ الاخبار والا شوف الازوالي

قلبي وقلبك توصل لك وترسل لي
والله انها اشد من موجات الارسالي

ردن سلامي عليك وجن وقالن لي
انك ترحب وانا في خاطرك غالي

ليت الغرابيل جتني من عدو لي
إن ما تقاضيت والا بيتقاضى لي

لكن من واحد ذكره غناة لي
ما زلت احبه وابا احبه ولا ابالي

لامر طرق بخدراته سلام لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي
—
سعد بن جدلان الأكلبي

عليهم صابر والصبر طول
عسى أنال في صبري شفاعه
سبب خلٍ عليه القلب يهمل
هميل العين ما كف اندفاعه
عليه القلب من وكره تملل
يشوف الصيد في عالي رفاعه
حسين اللون باوصافه تكمل
تينع مثل ورد في زراعه
عليه من الدجى كالليل يجهل
اذا هدّت مياديله ارباعه
وعينه مثل عين الحر الأكحل
وخد ياضي البارج شعاعه
وميهوف الحشا والخصر لأعزل
على جسم تحليه لقطاعه
عليه انوح دام الدوب واسأل
وقلبي م العنا زاد التياعه
وحبه في الحشا باطن تخلل
تسلل في شراييني جماعه
غزاني حبكم والحب يقتل
وقلبي في هواه أو في ضياعه
احبك دون كل الناس..وأسال
واطيع الامر واصغي لاستماعه
الا يا صاح من مثلي تغربل
غزاه العشق قوه واندفاعه
طويل الهم في المهجة ترفل
صدير اورودها فرد أو فياعه
—
سيدي صاحب السمو/ الشيخ محمد بن راشد آل مكتوم (حفظه الله)

قبل ماحظي من الدنيا يجمّد
ما احس بيومي ولا احسّ بمروره

يوم كان اسمي محيميد اتحمّد
كان مسموح انظره وارقى لسوره

احذف الكوره على بيته تعمّد
لجل اجي واقول ماحد شاف كوره!!؟

واستلذ بشوفته توّي واكمّد
بالوصال جروح في الصدر محكوره

وقت واحرقه الزمان ايلين رمّد
مايعوّد لو يدور الفين دوره

راح من عمري وقدني ذا محمد
صعب حتى شوفته في وسط صوره
—
بن فطيس

سَأَلتُها قُبلَةً فَفِزتُ بِها
بَعدَ اِمتِناعٍ وَشِدَّةِ التَعَبِ

فَقُلتُ بِاللَهِ يا مُعَذِّبَتي
جودي بِأُخرى أَقضي بِها أَرَبي

فَاِبتَسَمَت ثُمَّ أَرسَلَت مَثَلاً
يَعرِفُهُ العُجمُ لَيسَ بِالكَذِبِ

لا تُعطِيَنَّ الصَبِيَّ واحِدَةً
يَطلُبُ أُخرى بِأَعنَفِ الطَلَبِ
—
أبو نواس

“I'm a sin eater. I absorb the misdeeds of others, darkening my soul to keep theirs pure.” -Reymond Reddington

I wandered lonely as a cloud
That floats on high o'er vales and hills,
When all at once I saw a crowd,
A host, of golden daffodils;
Beside the lake, beneath the trees,
Fluttering and dancing in the breeze.

Continuous as the stars that shine
And twinkle on the milky way,
They stretched in never-ending line
Along the margin of a bay:
Ten thousand saw I at a glance,
Tossing their heads in sprightly dance.

The waves beside them danced; but they
Out-did the sparkling waves in glee:
A poet could not but be gay,
In such a jocund company:
I gazed—and gazed—but little thought
What wealth the show to me had brought:

For oft, when on my couch I lie
In vacant or in pensive mood,
They flash upon that inward eye
Which is the bliss of solitude;
And then my heart with pleasure fills,
And dances with the daffodils.
—-
كنتُ أهيم ُ وحيدا ً كسحابة

‏تحلق ُ فوقَ التلالِ والأودية

‏عندما فجأة وجدت ُ حَشدًا

‏من زهور النرجسِ الذهبية

‏بجوار البحيرة تحت الشجر

‏تغنى مع النسيم ِ وتُراقص الوتر ..

‏.

‏مثل نجومِ السماءِ اللامعات

‏تمتدُ بلا نهاية تلك الزهور

‏على حافة البحيرة تبدو فاتنات

‏فى لمحةٍ رأيت ُ آلاف فى سِرور

‏على شاطىء النهر ِ كانت متناثرة

‏تهز ُ رؤوسها فى رقصة ٍ ساحرة

‏.

‏جوارهم يتراقص ُ الموج ُ فى مرح

‏لكن َ زهورَ النرجس ِ فاقت الموج ُ سعادة

‏والشاعر ُهنا لا يستطيع إلا أن يغرقَ فى الفرح

‏مع هذهِ الصحبة الميادة

‏نظرت ُ ونظرت ولكنى أدركت ُ الآن

‏سرورٌ ملأ قلبى ومن النشوة ِ فرح

‏.

‏مرارا ً عندما أرقدُ فى فراشى

‏تنازعنى أفكارٌ عنيدة

‏فى فراغ ٍ أو بأوقات ٍ عصيبة

‏تلوحُ فى خاطرى صحبة ُ النرجس ِ السعيدة

‏فتكونَ سميرى فى الأوقات ِ الحزينة

‏وتملأ قلبى بالسعادة ِ والسرور

‏ويرقص ُ قلبى طربا ً مع تلك الزهور.

يا خفيف الروح كيف انتوا
يا شفا قلبي من اعواقه

ارحموني لو تكرمتوا
بالوصل وانا من اشفاقه

مر وقت لي ولا بنتو
انتظر من طول افراقه

ارحموا ذا الروح لا هنتوا
لي لكم بالشوق تواقه

ما زهالي وقت لو منتوا
انت سعد القلب واشراقه

انتوا اللي بي تملكتوا
بالرضا والطيب واخلاقه

ارحموا من به تحكمتوا
من جفاه النوم ماذاقه

في سويدا القلب شيدتوا
منزل ماحد قد فاقه

بخفي امابي اذا عدتوا
لا يشيع السد واشواقه

السواب اللي بيه صبتوا
عالجوها النفس معتاقه

غاية امنايه اذا جدتوا
بعدكم لي نار حراقه
—
زايد بن سلطان آل نهيان (طيّب الله ثراه)

تستاهل الحب نجديَّـه رفيعة الشَّان عجَّابـه
العين ياعيـن بحريَّـه لقلوب الأحباب نهَّابه

العين ياعيـن بحريَّـه لقلوب الأحباب نهَّابه
الجيد ياجيد ريميَّـه تجفل من الزول لعَّابـه

الجيد ياجيد ريميَّـه تجفل من الزول لعَّابـه
والرَّيح ياروض وسميَّه نبت الخزامى تثنَّى بـه

والرَّيح ياروض وسميَّه نبت الخزامى تثنَّى بـه
صفيت مع صافي النيَّه يوم الذي صابني صابه

صفيت مع صافي النيَّه يوم الَّذي صابني صابه
ما عاد لي روحه وجيَّه وقف هوانا على بابـه
—
خالد الفيصل

لجلج الجمري على فنه
وارق اعيوني تلجليجه

بت اجيب الونه بونه
وارضف الحنه من الضيجه

بي هوى بي حب مخفنه
كاتمنه عن مطافيجه

والهوى ما ينصبر عنه
ليعته للصب تفرجيه

والذي متعوج منه
عسر ودروبه مغاليجبه

ناهب عقلي ومشجنه
شطني حلو التباريجه

بوجبين كالبدر كنه
والعسل ممزوج من ريجه

شادني ما دخل سنه
غض وعيونه مداعيجه

وان رمس في رمسته غنه
لهجته تتلف عشاشيجه

ماخذ منه ومعطنه
سد وعهود ومواثيجه

والهوى عند العرب سنه
ليش ما تتبع مناهيجه

ترحم افواد مشجنه
غرقه حبك تغريجه

قال تنقل مني المنه
قلت عبد ومن معاتجيه

في حياتي هوب ناسنه
سيدي سبحان خليجه

هو حياة الروح والجنه
هو دوا لفواد من ريجه
—
سالم الجمري

يا حياتي كم بشكيلك
عن تعب روحي من اسبابك
خلني يالغالي ادخيلك
سالم من ضرب نشابك

ريح قلبي من تعليلك
دارني شروات مدرالك
يا حبيبي مقدر اجفيلك
لان وسط القلب منزالك

مالكني بزينك وطيبك
والفرح وبشة اقبالك
ان سهت عيني اهاذي بك
دوم يالمظنون تهذا بك

لو تعذبني اراعيلك
بالوفا والود برعالك
فرحتي شمت مياديلك
والعطر شمه من ثيابك

يوم ما تعنيلي اعنيلك
ونظري دايم على بابك
ليتني مصدر مراسيلك
سيدي من زد قرابك

اه من وردات جنديلك
يا بخت منهو تليابك
كل حال ومال بفديلك
يا عديل الروح يفدالك
مرخص الغالي وبشريلك
والعمر ماريده ابدالك
—
سهيل بن مبارك الكتبي

حزين والله اني حزين وخاطري مكسور
لو اضحك واتظاهر بالسعاده يابحر جده

وانا يا بحر يوم اصد واخفى دمعتي معذور
لك الله يابحر صدت والصده هي الصده

اخاف تقول عني يابحر ضيدان بن منصور
في يوم من الايام ودموعه على خده

وانا مابن حي الله بشر يكشف لك المستور
انا رجل يموت ولادرت الامواج عن سده

و لاقاف ماقف ماهوب قدي لاطغى المغرور
انا قد الكلام وماقفي قدي وانا قده

و اباقف وابتسم لواني حزين وخاطري مكسور
الين الله يفرجها علينا يابحر جده
—
ضيدان بن قضعان

توّك تعرف الغلا يومي تناسيتك؟
قلبٍ صفالك عرفت اليوم مقداره؟

هذاك أوّل ليا من رحت ناديتك
وليا من تباطيت صوتك.. قلت شخباره

والله ماندم على يومٍ تحديتك
يوم انت درب الجفى والصد مختاره

يكفيني اني جرحتك يوم جازيتك
جرحٍ في قلبي أبيك تبيّح أسراره

جيتك بكيفي.. وبرحل مثل ما جيتك
بانسى عذابٍ بقى لي منه تذكاره

للجرح والليل والتفكير خليتك
تذكار جرحك خلاص أنهيت مشواره

تـقـزّمي في عـين حـسّـادي وانا عـمــلاق فــرض
لأن عـلــوّي عــن وطـاهـم شـيّ ربـّـي ملـزمه

ماتشوف حَجم الشمس متقزّم على أصحاب الارض
مـتـقـزّميــن ويحــسبون الشــمس جـات مْـقزّمه

يارب .. وآنا عـبـدك اللي ما بعـد هـتـكـت عـرض
واذا لقــيت الضايــق المحــتاج وقـّــفت اعـزمه

ما عـليّ آشـبّـهــك .. واذا غــضـبــت آقـول إرض
رزنـامـــة افـضــالك مــداها مـا تــشابه الارزمـه

زد مشبري في الطول طول ومن قويّ العرض عرض
ومـد لـي النصـر المـبين اللـي مـاغيرك يهزمـه

لو المـراجـل تـنـشرى سحـبت لي مـلـيون قـرض
حتـى أثـبـّــت محــزمي يـوم تـراخــى الاحـزمه

شـفت الحياه بدنيتـي سنـّه وشفت الموت فرض
يــوم آتـقـزّم في عـيـــون العـالـم المـتـقــزّمه
—
فزاع

انا ما سعـدت بطيب وقتي ولا حسيت
إلا بوجـودك شفـت وقتـي ولـذاته

لك موقـع في داخـل القلب به حطيت
حبـك ملـك قلبـي تحكـم بنبضاته

لا شفت انا شرواك ولا اتصور ولا ريت
مثل الحيا تضفي على الارض بهجاته

ربي عطـاك اخـلاق اتميزك واحظيت
حتى جميـل الخود تشهد لك اصواته

شروى القمـر فـوق الكواكب تعليت
كل شهـد في حكمة الخالق وقدراته

انت الجميـل المميـز لي بـه تعنيت
اللي أسرنـي بطيب اخـلاق عاداته
—
الشيخ زايد بن سلطان آل نهيان (الله يرحمه)

بمناسبة مزح النسيم بشعرها
والشمس معزومه على حفلة الغنج

والعطر سادر في بيادر زهرها
من غزة محرم الى نهاية الحج

والقلب مرهي مير كانه ارها
مادلها لفح الجديله ولا سج

عصرية ٍ خالط نداها خدرها
نسناسها غربي ومزناتها بلج

لديت ابروي ناظري من نظرها
والشوق يدوي بالمعاليق ويلج

واشيب عيني من تكسر اعبرها
يوم اتمقلها وانا موقفي حرج

كن الحمَار اللي يشع بنحرها
حبات رمان ٍ تساقط على ثلج

كم ونة ٍ بالصدر جابت خبرها
وكم سهرت نجمه وكم ذوبت مهج

ماني لحالي ذابل ٍ من سفرها
ويصيح من فرقا المظاليل محتج

حتى المرايا واحشتها صورها
ترزم عليها مثل ماترزم الخلج

حورية ٍ قل الكلام بثغرها
يكفيك عشر سنين ماتسمع الهرج

ينبت بصدري من تهذرف مطرها
روض ٍ ورى روض ٍ ومرج ٍ ورى مرج

جتني وانا قبل الوعد منتظرها
شوقي لها صهوة وشوفي لها سرج

استغفر الله من خطايا سهرها
والعذر لله ثم لعيونها الدعج
—
مساعد الرشيدي