معك واشتاق لك وشلون وآنا بعيد ؟ ‏المشاعر ظوامي غصب تنساق لك
‏
كل ما ابطت بك الأيام شوقي يزيد ‏شف جنون الغلا عقبك وأنا عاقلك

فيني شعور احسه نابع من الوريد
من يلوم الخفوق ان صار تواق لك ‏
ريف قلبي ومرباعه وشوفتك عيد
وانت مثل الهوى.. وارضي والآفاق لك

صوتك عيونك شفاتك يدك عن لا ازيد ‏لكلك اشتاق وانت وشفيك متثاقلك

أحترق لك وله ولا أنكتب لك قصيد ‏والشعر كم تباهى كل ما راق لك

من وداعك ونظراتك رمتني وحيد ‏غربة شعور ياخي هالبطا لاق لك

ايه احبك واحبك هم احبك واعيد ‏وحالتي شسمها والقلب تواق لك
‏
شوق ؟ لهفه ؟ وله ؟ دوّرت مابه جديد ‏ودّي ألقى كلام أكبر من أشتاق لك
—
#حمد_السعيد

ما تهنيت بلذيذ النوم
من فارقت حضن أمي

مب نكران للجميل لكن
الزمن نساني حليب أُمِّي
#كتاباتي

يـقــول الـنـاظــم الـعـمــري تــذكــر
زمـــانٍ كـــان راع الـطـيـب يذكـر

وذاك المجـتـمـع مـــا فـيــه مـنـكـر
وكــــل كــــان مـشـغــولٍ بـحــالــه

عسـى الله يسقـي أيـام البسـاطـة
زمــــانٍ مــــا تــلــوث بـالـوسـاطـة

وكـــان الــجــار بـالـجــار ارتباطه
وكـــان الـوصــل مـمــدوده حـبـالـه

وكـانــوا فــــي منـافـعـهـم ســويــا
إذا نــــادو بـعـضـهـم مـــــا تـعــيــا

ولا مـــن قـيــل هـيــا قــــال هــيــا
عـلــى درب الـمـكــارم والـجـمـالـه

وكـان الشخـص يسمـع قـول عمـه
إذا نـــــــاداه حـــــــالا راح يـــمــــه

يلـبـي لـــو طـلــب روحـــه ودمـــه
وهـــــذا ســلـــم رواد الـشـكــالــة

نــهــار الـعـيــد يـلــتــم الـجـمـاعــة
عـلـى ضـحـك وسوالـيـف وطـاعـة

وزاروا بعضهـم فــي نـصـف سـاعـة
ولــــو مــــا يـشــربــون إلا بـيــالــة

وكـــان الـغـيـث يـنــزل كـــل لـيـلـة
نرى المـطـلا عليـنـا ســال سيـلـه

وصــارت لارض بالـخـضـرة جمـيـلـة
وشكل العشب من شافه سعى له

وهــذي كـانــت أحـــوال الـقـدامـى
إذا استسقـوا هطـل وبـل الغمامـه

عليـهـم يــا عــرب مـنـي سـلامـه
عـــدد مــــن يــذكــر الله ببـتـهـالـه

وفــي هــذا الـزمـن قـــل الـتـراحـم
بــعــد ذاك الـتـواصــي والـتــلاحــم

عـلـى العصـيـان يــا كـثـر الـتـزاحـم
إذا أقـفــا شـــر جـــاء شـــر بـدالــه

كـثـيـر الـنــاس يــهــوون الـتـقـاطـع
بعـد مـا كـان نجـم الـوصـل سـاطـع

بـرز سيـف الحسـد مسلـول قـاطـع
كـثـيـر مـــن هـجــر عـمــه وخـالــه

ويـــا كـــم واحـــدٍ يـحـسـد قـريـبـه
عـلـى شـأنـه تغـانـى يــا مصـيـبـة

مــــا وده خــــوه يـتـهـنـى نـصـيـبـه
تـشـوفـه ينـتـظـر سـاعــة زوالــــه

وحـنـا فــي زمــان وضـعــه أقـشــر
تغلـب فــي طبـاعـه داعــي الـشـر

قلـيـل مــا تـجـد لــك كلـمـة أبـشـر
فقدهـا الـرجـل حـتـى فــي عيـالـه

نصلـي فـي السنـة عشـريـن مــرة
للاسسـتـقـاء ولا هـــل أي قــطــرة

بـلانــا مـــن مـعـاصـي مـسـتـمـرة
تـــرد الـخـيــر عــنــا بــــأي حــالــة

ختـامـا يـــا مخـالـيـق اسمـحـولـي
فأنـا وضـحـت مـمـا شـفـت حـولـي

وكـان أخطيـت قومـوا وضـحـوا لــي
فـأنـا شـاعــر قـصـيـده رأس مـالــه
—
#محمد_العمري

بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك رح عساها خيرة والدرب لك عرضه وطوله

روح لاجابك امجيب الغيم واترك لى صوابك جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك ياثقل خطواتك البارح وهالليله عجوله

باغى الفرقا !!جعل ربى يعجل فى ذهابك بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟ أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟ مشكله !! والمشكله هذى بسيطه ومحلوله

كان مالبستك الغيره مثل لبست ثيابك قل عوافى.. قل مثل غيره تركته وبسهوله

واجد اللى مشتهين الوصل والخط متشابك كان لك جوله ترى محاكيك له تسعين جوله

لابغيت تغيب فارق لاوربى مادرابك شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك قل حكى شعار ماتفعل ربع هاللى تقوله
—
#حمد_السعيد

قولوله ,اللي ذبحني ذبح , قولوله
يكفيني ,اللي حصلي منه , يكفيني

يبدوله ,اني نسيت العهد, يبدوله
ولا ناسيني, خساره كان, ناسيني

معقوله, الخل ينسى الخل, معقوله
ياديني, ودين دين اللي على, ديني

وشهوله, احلف واقول اغليه, وشهوله
وعيني, ماء عيني عليه تغار من, عيني

من طوله, اللي تبيه النفس, من طوله
من بيني, وبينه اللي بينه, وبيني

بسهوله, اللي يجي ويروح, بسهوله
يغنيني, اللي خلقني عنه, يغنيني

مقفوله, ابواب قلبي عنه, مقفوله
ويني, ووينه وهو وينه وانا, ويني

قولوله, اني عزيز النفس, قولوله
ديني, وديني يادين اللي على, ديني
—
#عبدالله_السميري

يا بدرُ دَعْ عنك لومي واترك الأمرا
ما أنت مني بما قد هاجني أدرا

إني إلى من بدت آياتهُ قدماً
فتحت للنور من أرجائها صدرا

أوّاه مما يهيجُ الصدر أوّاهُ
وأجهد القلب تَذْكاراً وأضناهُ

قد ينجب الضيق من أرحامهِ فرجاً
بأمر من لا لهُ في الخلق أشباهُ

سبحان من لا يداني اسمَه اسم
ولا يحيطُ به قولٌ ولا رسمُ

علّام ما فضَحَت نفسٌ وما ستَرَت
حِرْصَاً وما ضمّ في أحشائه جسمُ

الخالق ابن آدمٍ من نطفة قَذِرَهْ
في أصلها يستوي الإنسان والحشَرَة

فلا يجازي بسوء الكفرِ موجِدَهُ
كالقزّ من بطن دودٍ كان من شجَرَهْ

بأمرهِ انقلبت أفعىً عصا موسى
وأنشَرَت ميّتاً حياً يدا عيسى

لولاه ما اتّفقت قومٌ ولا اختلفت
ولا لذي الريح أفضى عرشُ بلقيسا

برحمةٍ منه أجلى ضرّ أيوبَا
وبا ابن يعقوب داوى عين يعقوبا

مبدىً معيدٌ وربٌ واحد أحدٌ
طوبى لمن شكروا نعماءهُ طوبى

على سليمانَ أمضى حُجّة النمْلَهْ
عدلاً وفرعون أدمت رأسهُ قمْلَهْ

مقتاً ونمروذ أوطت أنفه صِغَرا
بعوضةٌ أسقطت أصنامهُ جُمْلَهْ

سبحانه الله مجري النجم بالفلكِ
كالفلك في البحر أو كالعير في السكك

مزجي الهواء فما في البرّ ينعشهُ
وهو الهلاك لما في البحر من سمكِ

ذو الطول ليس لهُ مثلٌ ولا ندُّ
ولا لنعمائهِ حدٌّ ولا عدُّ

أسرى بأحمد في الأسحار ممتطياً
سرج الظلام وحبل الليل ممتدُّ

بأمرهِ سيقَ أهل الحِجْر بالحجْرِ
وعادُ أهلكها من حيث لا تدري

سبحان من لاسمهِ انشقّت كواكبها
وشقّت الليل عن كرهٍ يدُ الفجرِ

بأمرهِ انشق في عليائه القمرُ
طوعاً وعن عين ماءٍ يفلق الحجرُ

سبحان من تدرك الأبصار قدرتهُ
وليس يدركهُ في قُدْرةٍ بصَرُ

الجاعل السبع فوق السبعِ أبراجا
والشمس ضوء سراجٍ كان وهّاجا

والمنزل الغيث من أيدي حواملهُ
ماءً يشقّ بطون الرمل ثجّاجا

الباعث الرزق صوْباً راكباً صوْبا
والملبس الشمس من جنح الدجى ثوبا

والمرسل الريح في أعقابها مطرٌ
تجوب في كل قفرٍ دارسٍ جَوْبا

ربٌّ إلى النحل في أكنانها أوحى
وألهم الطير في أعشاشها البوحَا

باسمهِ سبّحت أسرابها سُبُحَاً
تهوي وناحت على أغصانها نَوْحَا

سبحان من باسمهِ ذو النون إذ نادى
من ظلمة النون أنجاهُ وقد كادا

من التراب ومن نورٍ ومن نارٍ
قد أنشأ الخلق أزواجاً وأفرادا

سبحانه ُالله ما هبت نسيم صبا
وما دبا فوقها من كائن وحبا

وما ربت من غيوم المعصرات رباً
وما نبا السيف يوماً والحصان كبا

وما علا شفقٌ بل واختفى شفقُ
وما نهارٌ تعلى كَوْرَهُ غسقُ

سبحان من خلق السبع الطباق ومن
لهُ على طبقٍ منها اعتلى طبقُ

بكل حرفٍ من القرآن أتلوهُ
وكل اسمٍ له يرضاه أدعوهُ

أن لا أكون بلا أثرٍ ولا أثرٍ
فرداً وحيداً رياح الدهر تذروهُ

بحق ما ألجأ القوم الملوك لَكَا
حتى من الخوف أضحوا يحتمون بِكَا

رب اشفنا واحمنا أنت العليم بنا
أنا وأهلي ومن فوق البساط بكى

بحق أن ليس لي يوماً غنى عنْكَا
وأنّ لا خير إلا قد أتى منكَا

ربِ اعف عني واجعلني على سعةٍ
منك فإني مللتُ المنزل الضنكا
—
#ناصر_الفراعنة

يا خشيف الريّم لمفلّي
إنت لي للصّبّ راحاته

شوفني م الحال منسلّي
كالقلم تبريه مبراته

شلت حملٍ متعب الشّلّي
وامرحت بالحيل قوّاته

إن يحدته ناظري هلّي
واسفحت بالدّمع عبراته

وان شجيته خفت لمجلّي
تنظوي بالخبث نيّاته

الخلي بالنّوم متخلّي
الاّ انا ما ذقت لذّاته

دوك ما في القلب يا خلّي
والذي عندك إليه هاته

إن فرضتوا جتلي يحلّي
يعل عمرك تطول اوقاته

لك محلّ فيه ما حلّي
غير حضرة شخصك بذاته

سيّدي يا كامل الدّلّي
يا شفا يرحي وعلاّته

لي بدهن العود والفلّي
خامره بالمسج هفّاته

يا شبيه الورد لمطلّي
لي منثّر فوق وجناته

اطلب الله يوم باصلّي
يستعيد الحظّ ما فاته

والشّموت يموت معتلي
إن صفوا للحبّ ساداته
—
#فتاة_العرب

وإليا هنا علقتها فوق معلاق
‏وسليت سكين الخيانه يا كافي

‏ودعتك النسناس يا ورد الأشواق
‏كرامتي تحكّم عليّ الإنصرافي

‏قطفت منك ما تهيا .. وما لاق
‏ورميت باقي ذكرياتك خلافي

‏لادمعةٍ راقت .. ولاخاطرٍ ضاق
‏ما أقول غير اللي على البال كافي

‏يكفي ثلاث سنين مرّت على ساق
‏عينٍ فراش لك .. وعينٍ لحافي
—
#سلطان_الهاجري

لا جا تالي الليل والناس هجّاع
ناديت بـ اسم اللي على الكون ظله
ٰ
عبدك رفع كفيه مع عشر الاصباع
بـ ليلة دجى تحت النجوم المطله
ٰ
قبل السحر ياقف على عود بركاع
مكه وبيت المصطفى قبلة له
ٰ
يامسكن الروعات في قلب مرتاع
عبدك على درب الهدايا تدله
ٰ
ماهمني من جمع المال طماع
طماعتي بين الرجاء والمذله
ٰ
سفره بلا رجعه وسفره بـ مرجاع
وسفره بلا رجوع تطوى سجله
ٰ
يالله حسن الخاتمة عند الاقلاع
في ساعةٍ فيها فزوعي مذله
ٰ
في ساعةٍ مالي على الكون مطلاع
مقفي من الدنيا ومن الكون كله
ٰ
لا ركدوني باللحد والجهد ضاع
واغلا عيالي فوق راسي يهله
ٰ
تحت البسيطه متر وركونه ذراع
مترين طوله وباقيّن مستحله
—
#عبيد_العجوني

الجامعه داومت به اربع اسنين
طبعا بعضهم بلغرور اتهموني

تدري ابدوي صعب التعايش ولا لين
ولا هو ضروري المجتمع يفهموني

اذكر عدد طلابنا كانو الفين
شافوني ماني يمهم واتركوني

وانوب لحيه زودت بلت الطين
المهم كامو كلهم يبكرهوني

ماغير طالب رافكن (مزهر حسين)
وعكبه بعض طلاب كامو يجوني

سمعوني اسولف عن الصلاة وعن الدين
وكل ساع ياتوني ربع يسألوني

والموقف المحرج حصل يوم الاثنين
بنتين عند المكتبه ينطروني

وحده بأدب قالت مطوع هلك وين
كلت انتي وشهو دخلك في شؤوني

كالتلي عفوا بس عندي كلاميين
عمرك شفت في عصرنا يشبهوني

الله يجيرك يوم بحرت به زين
وقفن عن الترميش ساعه عيوني

وحاولت ابين ماتهزن المزايين
لكن توضح من تعابير لوني

والراية البيضا تضل للشياطين
بغيت اصد من الحيا وشجعوني

العن ابو حيك ولك هذي منين
يلربع خدها مثل برك المزوني

من صرت ماشايف بنات السلاطيين
لكن اكول بحسنها يعذروني

والله يلو ماسولفت لا علي دين
لكول هذي مو بشر شي كوني

لي شبهرت كصتلي القلب نصين
اهل الكفر لو شافوها يسلموني

من زينها جيران اهلها مجانيين
سولفتها لشيابنا وجذبوني

وصلى بهم شايب قرى صورة الدين
من اعرضت خربط قرى زملوني

المايصدك منكم يصبر شوين
يشوف هذي صورتا بتلفوني

الله عليكم لاتصيبونها بعين
وجان ماسلمت معاها ادفنوني
—
#هلال_الشمري

خلوني اقضي لزومي واضرب الباب ‏يغنيني الله ولابعض الميانه ••••• ‏ياليتني ماوثقت ببعض الاصحاب ‏لاعاده الله ولايسقى زمانه ••••• العام عشان عينه نزعل احباب و انقوم و انطيح يوم الشان شانه ••••• و اليوم صرنا في عينه مثل الاجناب حتى سلامه علينا فيه اهانة ••••• يا جامع الشمل جنب خاطرن طاب لا عاد اشوفه تراها معك أمانه ••••• لا عاد تندب علي الا ليا غاب جات الجفية و مسينا بطانه ••••• لا تحسب المشكله طبنا و لا طاب المشكله ما سلمنا من لسانه ••••• و الهرج ما عيّب الطيب و لا عاب ولا ينزل رفيعن من مكانه ••••• الهرج ماله عن الاجواد مجناب لو جنّب اهل المجامل والجبانه ••••• اللوم كله على ابو زيد وذياب لا قام كلن على صهوة حصانه ••••• تم العرب عن بعضها صارت احزاب تبكي على الرافدين أرض الكنانه ••••• عزالله اني ضحية بعض الاسباب هقيت لي هقوة ماهي تكانه ••••• لو شيمة الشخص مع الاسما والالقاب قبل اسم جنسيته واسم الديانه ••••• ماشيف مثلي عرب تخدع وترتاب وتذوق طعم التنكر والخيانه ••••• من طوع شوري يجنب شجرة الداب أحياناً البُعد نوع من الفطانه ••••• بعض الرياجيل يبرالك وكذاب ما غش بعض الملوك الا البطانه ••••• اما توفقت في عكفان الاشناب اللي ذراها على الصاحب حصَانه ••••• ولا اقطع الصوت مره واغلق الباب واكتب على الباب مغلق للصيانه
•••••
#عبدالرحمن_بن_بديع

يومها بين ايديني والغلا عادي
ويوم قفت تفجر حبها فيني

كنها حطت التوقيت بفؤادي
لامشت حبها يفجر شرايني

قبل تقفي وانا متماسك وهادي
وعقبها ضاق كل الكون في عيني

غلطتي كنت متراهي ومتمادي
كنت احسب الزمن والوقت يمديني

واثر من لا تغانم فرصته غادي
اه يا فرصتن ضاعت من سنيني

توني في غلاها قلت يا هادي
روحت لعنبو من لامها فيني

ما نفع طويل الوقت وعنادي
يومها مقبله ما كان يعنيني

بس راحت وكني فاقد ابلادي
اثر ما ارخص من الي تطوله ايديني

يا وجودي هليها وجد بن هادي
وجد لا وجد فراق ولا ديني

غلطتي وارتكبها بثورت ازنادي
يوم جر العزاوي راحت ايميني

والله اني عليها حدني حادي
من يرد المواصل بينها وبيني

علموها تجي وترجع ارقادي
كل ماجيت ابنسى وش ينسيني

علموها الغلا ما عاد هو عادي
مشكله الولع عقب الثلاثيني
—
#حمد_السعيد

وَنْ ابن جدلان من لايعٍ لاعه
كن في كبدي دوافير صِنَّاعي

العب المنكوس واحب روباعه
ممِّلٍ في الوقت والوقت خَدَّاعي

ما دريت إن ضحكة الوقت خَدَّاعه
شفت مدخالي ولا شفت مطلاعي

لا بغيت آسج والا انبسط ساعه
دق قلبي من ورَا حدب الأضلاعي

كن من بين الضلوع آلة طباعة
تشتغل لا نمت واقوم مرتاعي

هم قلبي ما يِفَرِّقْ بِجِمَّاعه
كود جر الصوت والناس هِجَّاعي

فاقدٍ لي سلعةٍ وأكبر بضاعة
سِلعةٍ تِشْرَى ولا هيب تنباعي

رفقة الطيِّب ليا غيَّر اطباعه
أشهد إنها كَيِّةٍ توجع أوجاعي

راكب اللِّي صَمِّمه صاحب صناعه
جمس بيك اب من حديثات الانواعي

الغريب اللي جديدٍ من انواعه
حوض رفرف ما يبي شد واشراعي

لا آنس البنزين عجلٍ تفرقاعه
مخطر من سرعته يقلع اقلاعي

لا تحرَّك شفت في القاع مِشلاعه
والتواير تظهر الماء من القاعي

ينعش القلب الحزين بتهملاعه
لا مشى قام يتهملع تِهمْلاعي

لا وطا الأرض العتش كن تِهزّاعه
بنت شيخٍ طامحٍ من ولد راعي

في رجا الغايب تحرَّى لمرجاعه
تنقد العِشَّاق وتطق الأصباعي

نفسها من جملة الناس منصاعه
ما تبي الاَّ واحدٍ ذكره يشاعي

ينحر اللي ياخذ الطيب بذراعه
الصديق الصافي الصامل الواعي

الوفا والطيب ساسه ومنباعه
يوم بعض الطيب تقليد وصناعي

كان يبغى حق للحق قطَّاعه
نقنعه والحق ما عنه مِجزاعي

وكان مبغض في الرياجيل بتَّاعه
لا يجي ناقد ويلحقني أرياعي

للصديق نخلي النفس خَضَّّاعه
ما نورِّيه الجفا والتِّمِطَّاعي

الصداقة عندنا ذخر وطْمَاعَه
صُحْبةٍ ما هيب صحبة تِمِتَّاعي

حَدّ جِدِّتْها على البرق لماَّعه
وان خَذَتْ يومين مفعولها ضَاعي

ما اطرِد المقفي ليا ضَغَّط شْرَاعَه
مخْبَل اللِّي للمقْفِّين تَبَّاعي

إن تجمَّعنا على العز والطاعة
وان تفرّقنا فجوج الله وساعي

من يحط إذنه على كل سمَّاعه
جاه فرقى ما بعدها تجمّاعي

والزباد ختام هرجي ومطلاعه
يدفعه من ريحة المسك ذعذاعي
—
#سعد_بن_جدلان

وين يالغايب عن ولوفك
قاطعٍ ماتذكر أولافك

مرت سنين ع شوفك
ونظري بالعين ماشافك

بك تغلي ولو بك ظروفك
لو حسودٍ بالحشى لافك

صرت لاشوفك ولا لوفك
معتلي في راس مشرافك

قلبي بحسرات ملهوفك
يشتكي الهجران بعنافك

مانكر لك طيب معروفك
يوم تصخي له من اعطافك

وانت عني مبتعد طوفك
ما لفتني نجدت اسعافك

قاسيٍ ماداخلك خوفك
ف الهوى تلعب بي أسرافك

ف المحبه ذاب متلوفك
وان غدى يازين بتلافك

مدخل الله خذني بروفك
لا تعذب روح مولافك

بك جمالٍ خذت به نوفك
يوسفي ٍ ترفه أترافك

كلخزاعي يهلك طروفك
والسحر في ساجي أطرافك

معتزل عودك من نصوفك
مايسٍ ويميل غريافك

لو بوصف فاقت وصوفك
والوصايف كامل أوصافك

وين يالغايب عن ولوفك
قاطعٍ ماتذكر أولافك

مرت سنين ع شوفك
ونظري بالعين ماشافك
—
ما اعرف مين غناها

الا يا جفن وش بك ما تنامي
ولا تغضي مع اللي يرقدوني

سهرت الليل والعالم نيامي
وانا شروات ياللي به ديوني

العلع مثل ما طير الحمامي
واجر النوح في روس الغصوني

الا يا عاذلي كف الملامي
لي عاذلتني زادت اشجوني

انا المجروح واشقاني غرامي
غدى بي حب ناس ولعوني

غرا حالي هواهم والعظامي
وانا اشكي وهم ما يسمعوني

وقلبي في هوى الحيين ظامي
وجرحي في المحبه ما يهوني

نحيل الخصر منقوش الوشامي
على فرقاه كم هلت عيوني

انا لولاه ما عفت المنامي
غزال ذار من اللي يقنصوني

ملكني في الهوى حبه دوامي
عسا ان الله على حبه يعوني

صبرت ايام وشهور وعوامي
وهم لي من اللى لا يرحموني

بو عقصن وصل لين الحزامي
لي هده على ذيج المتوني

وعينه عين حر واحتشامي
صغير السن قدره ما يهوني

يا ليت الناس ما تاخذ كلامي
يحول الواش من دونه ودوني

انا بنوي على وصله صيامي
يا لي حقق بعد ياسي ظنوني

على الهادي صلاتي والسلامي
عدد ما ناض براق المزوني
—
ما اعرف منو كاتبها

روعت وبان الخوف في عيني
واهتد عزمي وبعده قلّت الحيلة

مختب.. شفني ولاحظ رجفة ايديني
فكل مدة احس الحلم به ميلة

ما كنت ضاري على رجفة موازيني
ولا كنت ضاري ارخّي العزم بي حيلة

أمسات ويني.. وفي ذا اليوم انا ويني
الي جرى لي ترى يصعب تأويله

ولو تنشد الناس وش هي هبة سنيني
شابت سنيني وقالوا راح عن جيله

والي جذبني ترا ما عاد يغريني
والي سكنته.. ترا ما صرت آوي له

يكتبني الصبح ولا الليل يمحيني
يطوي شروقي قبل لا اهنأ بتعديله

استغفر الله.. وانا مسلم ولي ديني
وش صاب حالي.. علامي قمت ارثي له

ما أقول إلا عسى الرحمن يهديني
عن بوح شعرٍ يضوي اليأس كل ليلة
—
ميثاء الغافري

كيف أطفي الريح بثيابك وكيف اشعلك
كيف اتنثر على جمرك وكيف احتويك
نقضت ليل الحرير وجيت ماانت ل هلك
سمّيت باللي فتني بك وقلت ابتديك
هذا اول الدرب او هذا الطريق اولك
جيت آتوقّا عذابات المدى ..واهتديك
شوقي مسافة وهمساتك مدار وفلك
ان ماظميتك غلى ..ياعلني ماارتويك
إية اعرفك واعرف اني من غلاك اجهلك
مرات اضمّك واخاف اني مشبة عليك
مرات اشوفك بنفس الوقت واتخيلك
وانشد كفوفي عن اخر سالفة من يديك
أعنّ لك لو تصّب الموت ...واتهيّلك
واجوع لك وآتمنى خنجرك واشتهيك
ماقلت لك عمر سيف العشق مايقتلك
ماتشوفني حي قدامك وانا اموت فيك
اشتقت لك قبل اجيك وجيت واشتقت لك
البارحة طول ليلي بين هذي ..وذيك
مليت جمر انتظارك واستحيت أسألك
واحسبتني ما بعد جيتك وفكرت اجيك
اثرك بقلبي من البارح وانا استعجلك
واثري نسيتك من الفرحة وقمت احتريك
—
#مساعد_الرشيدي

مسموح يا روحي لو اخطيت مسموح
‏منك انت بالذات.. الخطأ ما يهمني

‏انت الذي حبك يسيطر على الروح
‏يستوطن عروقي.. ويسقيه دمّي

‏ما غيرك انسانٍ له القلب مفتوح
‏حبك مثل حبّي لابويه ولأمّي

‏ما هو بحب اهداف وضحك ومزوح
‏حبي لك استحوذ على كل همّي

حبك حكمني.. لا أجي.. ولا أروح
‏حتى حرمني لا أخطب بنت عمّي

‏وإن كان حبي لك على غير مصلوح
‏قل لاني بيمك ولا انته بيمّي

‏ما ابيك تجرحني.. وانا منك مجروح
‏وأطلب دوايه ومطلبي ما يتمّي

‏يرضيك أجاوب نايح الورق وأنوح؟
‏وأسهر ودمعي فوق خدّي وكمّي؟

ولا يصير أمري مع الناس مفضوح؟
‏وأطيح.. وما واحدٍ عليّه يسمّي؟

‏عليك جاه الي بجاهه نجا نوح
‏تتعوذ الشيطان وتلد يمّي

‏وإن كان ناوي تطلع الروح وتروح..
‏أسلم وسلّم لي على أبوي وأمّي
—
#عبدالله_السميري

أنا مقدر أكون .. اني حبيبٍ في بعض أحوال
أنا كلي أجي .. والا أروح بعزتي .. كلي

تخيرت الفراق وما دريت إن الفراق وصال
أقول اني نسيتك بس مدري كيف تاصل لي

خذاني لك سؤال في عيونك و الجواب محال
خذاني منـــك دمعٍ في عيوني مارضى ذلي

رحلت انت وتركت بداخلي طيفك و صبرٍ طال
غدت ذكراك شمسٍ ما تغيب و صورتك ظلي

أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي

تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي
—
#طلال_الرشيد

الله يـجـازي مـن يـسـوّي سـواتك
وبذنوب من سوّا سواتك يجازيك

مشيت درب الثقل وتحب ذاتك
ماتـدري انـّه لـلمـهـالك يـودّيـك

وغرّك جمالك ياخسارة حـلاتـك
ماتدري ان ماغير طبعك يحلّيك؟

بـتـقول زيـنـك يـشـفـع لـسيـئـاتك
الحسن ماهو عن وفا الحب يعفيك

لو التواضع والـوفـا مـن سـماتك
بعت الحبايب كلهم دين واشريك

لكـن عـجـزت اغيرك ياجـراتـك
على الغياب اللي بلا عذر ينجيك

خطاي.. في توضيح وش هي غلاتك
وخطاك.. في توضيح وش هو تغليك

وشلون تـوصـيـني وتنسى وصاتك؟
وتصد عن صوت(ن) تقطع يناديك

مافاتـك الـتـجـريـح والـعـذر فـاتـك
وتبغي رضاي الحين؟ ماعاد يمديك

صحيح احبـك بـس هذي جزاتك
بعلمك درس(ن) يفيدك ويحييك

تدري وش ابيض من خفوقك؟ عباتك
وتدري وش اللي غرني؟ نظرتي فيك

ادري بتستغرب تـصـبـر وجـاتك
قصيدة(ن) من واحد(ن) كان يبغيك

وتبغي تناظر وانت عايـش مـماتـك
شف وحدتك والناس تجلس حواليك

وتبغي تشوف اشجع رجل في حياتك
شـفـني وانـا مـقـفـي على كثر مغليك
—
#محمد_بن_فطيس

في عيني تغيب الشمس وتشرق بعيني
في ناظري للشمس موتٍ وميلاد

لليل في دمعتي سنا نجمتيني
وللصبح في جفني شفق هم وسهاد

كن السهر دربِ عليه بتجيني
ولا ودي اقطع درب لاماك برقاد

ياللي جميع الناس بينك وبيني
كل لحظة أبنتظر منك ميعاد

عذري ليأسي منك أنك تبيني
خنت الرجاء وأن صنت لي عهد ووداد

لمصافحك ربي خلق لي يميني
أمدها لك وصل وأمدها ابعاد

ولبسمتك ترخص غوالي سنيني
همي يزول وصادق الشوق يزداد

أنسى عذاب العمر وما نسى حنيني
تبلى ليالي العمر وجروحك جداد
—
#بدر_بن_عبدالمحسن