10 حجات تقدر تستغل الأجازة بيهم صح :
1 حفظ القرآن الكريم
2 كورس لغات
3 كورس تحسين خط
4 قلل من استخدام السوشيال ميديا
5 دورة فقه أو سيرة مع المهندس علاء حامد
6 اتعلم تفسير القرآن مع دكتور أحمد عبد المنعم
7 اقرأ كتب
8 ظبط نومك
9 انتظم على الصلوات الخمس في أوقاتها
10 تخلص من العلاقات السامة اللي في حياتك
لازم تستغل الأجازة صح ومتعديش الوقت دا الا وانت طالع بأكبر استفادة واهم حاجه انك متجهدش نفسك علشان الدراسة لما تبدأ..تبدأ وانت فايق

ترشيحات كتب تقرأها في الاجازة :

كتاب فاتتني صلاة

كتاب كوني صحابية

كتاب خروج عن النص

كتاب حبيب نفساني

كتاب الداء والدواء لإبن القيم

كتاب أنوار الكهف للمهندس علاء حامد

كتاب رياض الصالحين

...

واهم حاجه
لازم تسعد نفسك
وتستعد كويس للدراسة
وتشوف انت ضعيف في اي في الدراسة وتحاول تقوي نفسك فيه
وتصلح علاقتك بربنا دا أهم حاجه وبعدها الباقي

{طريقة أحفظ بيها القرءان }

في البوست دا هقول لكم الطرق اللي أنا بستخدمها وانا بحفظ وسهلت عليَّ جدا :
أولا هتحدد الجزء اللي انت عايز تحفظه خلينا نقول صفحة مثلا

بعدين هتقرأ الجزء دا كويس أو تسمع قراءة الجزء دا لشيخ بتحب صوته

بعد كدا هتجيب مصحف التفسير بتاعك وتفسر الجزء دا وتفهم الايات كويس دا بيسهل الحفظ جدا

وبعد كدا هتقرأ أول أية وتكررها عشرين مره وبعدين تسمعها لنفسك خمس مرات ولو أخطأت بترجع تشوف الأية من المصحف تاني وتكررها خمس مرات

وبعد كدا تنقل في الأية اللي بعدها وتعمل زي ما عملت في الأولى
وبعدين تجبهم التنين مع بعض وتسمعهم لنفسك وهكذا لحد ما تخلص الصفحة .

وانت بتحفظ أستخدم الطريقة دي وهي انك تقعد تحفظ 25 دقيقة وتريح خمس دقائق أو 45 دقيقة وتريح ربع ساعة وأجبر نفسك أن في خلال ال 25 دقيقة دول انا هفضل مركز على الحفظ فقط وخلال الخمس دقائق بتوع الراحة ممكن تشرب ماء او تاكل فاكهه بس اهم حاجة انك متمسكش الموبايل الا لما تخلص الحفظ ابعد عن أي مشتت عموما وانت بتحفظ .

« مصحف الحفظ الميسر »
حرفيا بدعي للي عمل طريقة الحفظ من عليه حقيقي ربنا يبارك له
طريقة الحفظ من عليه موجودة في أول المصحف بيسهل الحفظ جدا جدا جدا حقيقي .
وكمان موجود فيه الآيات المتشابهات ومعاني الكلمات اللي ممكن تفهمها خطأ ووقفات تدبريه.

نصائح لتحسين الخط العربي:
اي دفتر أو كراسة تخصصها للخط فقط
اسمع لـ
عبد الرحمن صلاح
محمود عبد العزيز
قناة بيت الخط العربي
وفي غيرهم على يوتيوب دول اللي انا أعرفهم
وابدأ معاهم الخط اللي انت عايزه سواء رقعة او نسخ أو خط حر ...إلى آخره
اللي في الصورة دا انا بتعلم خط الرقعة
وحاول كتير واكتب الحرف أكتر من مره علشان يظبط معاك
...

تعرف انك لو حفظت صفحة واحده بس من القرآن كل يوم خلال أقل من سنتين هتكون خلصت حفظ القرآن كله!

السنة فيها 365 يوم يبقى سنتين بـ 365+365=730
وعدد صفحات القرآن الكريم أقل من 700 صفحة

يعني في خلال السنتين هتكون خلصت حفظ وبتراجع كمان

مستني اي بجد؟!

عايز تشتغل؟

اشتغل على نفسك

مش بهزر لو اشتغلت على نفسك من دلوقتي وبدأت تزود مهاراتك
بعد سنتين هتشكر نفسك لأنك:

اشتغلت على نفسك