❗️Салам, юратнӑ Чӑваш Ен!

✅ Паян республикӑра улшăнса тăракан пӗлӗтлӗ ҫанталӑк пулать, вырӑн-вырăнпа юр ҫӑвать.

Сывлӑш температури 0 градусран пуҫласа -5 градуса ҫити сивӗ пулать.

Ҫил кӑнтӑр хӗвел анӑҫӗнчен ҫеккунтра 5-10 метр хӑвӑртлӑхпа вӗрет.

Атмосфера пусӑмӗ 740 мм. Сывлӑшри нӳрӗк 80%.

❗️ Халăх календарĕпе паян Антон кунӗ.

▶️ Паянхи кун - усал-тӗселтен сыхланмалли.
Килти алӑксем тӑррине пурӑпа хӗрес хывмалла. Шуйттансене улталас тӗллевпе килтен хапха патне ҫитиччен кутӑн утмалла. Кун пек майпа усал-тӗсел килтен никам та тухман тесе шутлать.
▶️ Паянхи кун ҫанталӑк ӑшӑтсан та ҫӳхе ан тӑхӑнӑр. Ултавлӑ ҫанталӑк чирлеттерӗ.
▶️ Паян ал ӗҫӗпе тӑрӑшма хушман. Ачасем чирлесе каяҫҫӗ тенӗ.
▶️ Антон кунӗнче ача-пăча тӑвайккинчен ярӑнман, урамра хавасланса выляман - вӗсене усал-тӗсел ҫулӑхасран хӑраса урама кӑларман.

✅ Халăх сăнанинчен:
- Антон кунӗнче ӑшӑтсан тепӗр кунах шартлама сивӗ пулать тенӗ.
- Паян ӑшӑ тӑрсан ҫуркунне ир килет тенӗ.

✅ Антон, Иван, Павел, Виктор, Георгий, Антонина, Савелий ятлисем паян менелникне уявлаҫҫӗ.

✅ Ырӑ та кӑмӑллӑ кун сунатпӑр сире, хисеплӗ тӑванӑмӑрсем!

❗️Ҫӗпӗрти чӑвашсем "Агроном юрри" ҫӗнӗ альбом кӑларнӑ, пĕлтереççĕ Иркутск тăрăхĕнчи йăхташăмăрсем.

Унта Тагна ялĕчи "Куккук" ансамбль тата пĕртăван Белковăсен юррисене кĕртнĕ.

✅"Куккук" ансамбль йышĕнче - 22-56 çулсенчи хĕрарăмсем, ертÿçи - Марина Матвеева.
✅Масляногорскра чăваш чĕлхи вĕрентекен Надежда Фидиковăпа Иркутск тăрăхĕнчи чăвашсен "Юлташ" общество организацине ертсе пыракан Вероника Тимофеева "Пĕртăван Белковăсем" дуэт йĕркеленĕ. Çакă - вĕсен хĕр чухнехи тата амăшĕн хушамачĕ.

❗️ Кану кунĕсенче ҫул-йӗр инспекторĕсем 58 водителе тытса чарнӑ.

✅ 56-шӗ ӳсӗр пулнӑ, иккĕшӗ - наркотик хутӑшӗпе минренӗскерсем.
Виҫӗ водителӗн автомобилӗсене ҫывӑх вӑхӑтра туртса илме пултараҫҫӗ, мӗншӗн тесен вӗсене иккĕмĕш хут ӳсӗрле тытса чарнӑ.

❗Пирĕн ентеш Лана Прусакова фристайл енӗпе иртекен Раççей Кубокĕнче "ылтӑн" ҫӗнсе илнӗ!

✅ Ӑмӑрту Челябинск тӑрӑхӗнчи Миасс хулинче иртет. Лана Прусакова "биг-эйр" дисциплинӑра пуринчен ӑсти пулнӑ. Ыран вӑл хӑй пултарулăхне "слоуп-стайл" дисциплинӑра кӑтартса парӗ.

❗️Сăн ÿкерчĕкре чăваш эстрада юрăçи сăнланнă.

«7-мĕш класра вĕреннĕ вăхăтра шкулта пĕр кунра 3 концерт лартма лекрĕ. Ун чухне депутата суйламалли тапхăр пыратчĕ. Ашшĕ-амăшне виçĕ ăстрăмпа пухрĕç. Иккĕмĕш концерт хыççăн киле кайрăм. Анчах шкул директорĕ ыйтнипе каялла таврăнма тиврĕ», - аса илет вăл.

Эсир ăна палларăр-и? Кам-ши вăл?
✅Маларахри сăн ÿкерчĕкре - Лариса Степанова.

❗Ҫӗрпӳ каччи ҫар ятарлӑ операцийӗнче чуна тивекен юрӑсем ҫырса шӑрантарать.

❗️Салам, юратнӑ Чӑваш Ен!

✅ Паян республикӑра улшăнса тăракан пӗлӗтлӗ ҫанталӑк пулать, хушӑран уяртать.

Сывлӑш температури - 3 градусран пуҫласа +2 градуса ҫити пулать.

Ҫил кӑнтӑр хӗвел анӑҫӗнчен ҫеккунтра 5-7 метр хӑвӑртлӑхпа вӗрет.

Атмосфера пусӑмӗ 749 мм. Сывлӑшри нӳрӗк 85 %.

❗️ Халăх календарĕпе паян Афанасий кунӗ.

▶️ Паянхи каҫ мӗн пур усал-тӗсел алхасать тенӗ. Ҫавӑнпа та каҫ кӳлĕм килтен тухман.
▶️ Вӑрмана кайма сӗнмеҫҫӗ - усал-тӗсел сукмака юрпа витсе ҫул ҫинчен пӑрса ярать, аташтарать тенӗ.
▶️ Паянхи кун вӑрҫӑнма, тавлашма, хирӗҫме юрамасть. Чылай вăхăт ҫав ҫынпа калаҫмасӑр ҫӳретӗр.
▶️ Ҫын куркинчен шыв ӗҫме юраман - унӑн инкекӗсем ӗҫекен ҫынна куҫӗҫ тенӗ.
▶️ Каччӑсен паян савни патне кайма юраман - тухатмӑш вӗсен хӗрӗ пек пулса чылай инкек кӑтартма пултарать тенӗ.

✅ Халăх сăнанинчен:
- Афанасий кунӗ епле - пуш уйăхĕ ҫапла пулать тенӗ.
- Хӗвел тухнӑ чух тавралӑха хӗрлӗ тӗс ҫапать пулсан шартлама сивӗсене кӗт тенӗ.
- Паянхи кун ҫил-тӑман алхассан ҫуркунне кая юлса килет.

✅ Емельян, Афанасий, Мария, Владимир, Кирилл, Максим, Сергей, Александр, Иларион, Михаил, Николай, Евгений, Ефрем, Дмитрий, Ксения ятлисем паян менелникне уявлаҫҫӗ.

✅ Ырӑ та кӑмӑллӑ кун сунатпӑр сире, тӑванӑмӑрсем!

😂 Шÿтлеççĕ

- Галя, тĕлпулу епле иртрĕ?
- 5 хутчен çутăлтарса яма тиврĕ.
- Çыпăçрĕ-им?
- Çывăрса каясран.

❗️Иван Яковлев çинчен çырнă сăвăсен пуххине хатĕрлесшĕн.

✅ЧР профессионал писательсен союзĕ конкурс ирттерет. Унта хутшăнас текенсен чăваш халăхне çутта кăларнă, хальхи чăваш çырулăхне йĕркеленĕ Иван Яковлев педагога, çыравçа, куçаруçа халалласа сăвă çырмалла.
✅Чăвашла хайлавсене пуш уйăхĕн 1-мĕшĕччен lrigel@rambler.ru электрон почтăна ăсатмалла, вырăслисене вара – sd_gordeeva@mail.ru. Чи лайăх сăвăсене кĕнекере пичетлеме суйласа илĕç.

❗️ Республикăра кӑҫал ачасем валли 20 сквер хута ярӗҫ.

✅ Кун пирки Чăваш Ен Пуҫлӑхӗ Олег Николаев пӗлтернӗ.
Скверсене йӗркелеме, хӑтлӑх кӗртме тата ятарлӑ вӑйӑ лаптӑкӗсем тума бюджетран ҫур миллиард тенкӗ уйӑраҫҫӗ.