😂 Шÿтлеççĕ

- Эсĕ мĕншĕн салху?
- Укçа çук.
- Шалу илмессерен пĕрер пин тенкĕ пытарса хур.
- Ун пек те туса пăхрăм: шыраса тупатăп-çке.

❗️Николай Теветкеле Чӑваш халӑх поэчӗ ятне панӑ.

Хушӑва Чӑваш Ен Пуҫлӑхӗ Олег Николаев паян алӑ пуснӑ.
✅Николай Александрович Петровский – ҫыравҫӑ, драматург, поэт, куҫаруҫӑ. ЧР профессионал писательсен союзӗн членӗ. 1976 ҫултанпа СССР писательсен союзӗнче тӑрать. ЧР искусствӑсен тава тивӗҫлӗ деятелӗ.
✅Паллӑрах кӗнекисем: "Ҫамрӑклӑх сӑввисем", "Ҫын чӗртнӗ ҫутӑсем", "Шурӑ ката", "Хура сулӑ", "Сывлӑмпи", "Асамлӑ хӗл", "Хӗвел кӗлти" тата ытти те.

❗️К.В.Иванов ячӗллé Чӑваш патшалӑх академи драма театрӗ куракансемпе пӗрле 105 ҫула ҫитнине уявлать.

Коллектива республика Пуҫлӑхӗ Олег Николаев саламларӗ.

✅Уяв каҫӗнче спектакль сыпӑкӗсене кӑтартаҫҫӗ.

❗️Салам, юратнӑ Чӑваш Ен!

✅ Паян республикӑра улшăнса тăракан пӗлӗтлӗ ҫанталӑк пулать.

Сывлӑш температури -2 градусран пуҫласа -7 градуса ҫити сивӗ пулать.

Ҫил кӑнтӑр хӗвел анӑҫӗнчен ҫеккунтра 4-6 метр хӑвӑртлӑхпа вӗрет.

Атмосфера пусӑмӗ 752 мм,
сывлӑшри нӳрӗк 70 %.

❗Халăх календарĕпе паян Павӑл кунӗ.

▶️ Паянхи куна тухатмӑшсен кунӗ теҫҫӗ халăхра. Шӑпах ҫак вӑхӑтра вӗсем хӑйсен "пултарулăхне" урӑх ҫынна парса хăварас тесе тӑрӑшаҫҫӗ. Асӑрхануллӑ пулмалла.
▶️ Никампа та тавлашма юрамасть.
▶️ Палламан ҫынсемпе калаҫмалла мар. Вӗсенчен нимӗн те илмелле мар.
▶️ Килтен выҫӑ хырăмпа тухма юрамасть. Ҫавӑн пекех кивӗ тум-тир тӑхӑнма тӑрӑшмалла мар. Усал-тӗсел ҫулӑхма пултарать тенӗ.
▶️ Аслӑ ӑрӑва тимлӗх уйӑрмалла. Ваттисемпе вӑрҫӑнакан, вӗсене хисеплемен ҫынсене тухатмӑшсем шутсӑр юратмаҫҫӗ, ҫавӑнпа та ҫакнашкал хӑтланакансене пӑсаҫҫӗ.

✅ Халӑх сӑнанинчен:
- Чӑхсем кашта ҫинче пӗр-пӗрин ҫумне тӗршӗннӗ, анмаҫҫӗ - ҫанталӑк сивӗтессе.
- Ҫерҫисем пӳрт умӗнче сиккелесе ҫӳреҫҫӗ, хӳтлĕх шыраҫҫӗ - сивӗ пулать.

✅ Гавриил, Иван, Павел, Елена, Вениамин, Михаил, Прохор, Герасим ятлисем паян менелникне уявлаҫҫӗ.

✅ Ырӑ та кӑмӑллӑ кану кунĕсем сунатпӑр сире, хисеплӗ тӑванӑмӑрсем!

❗️ Ҫӗмӗрле хули пуҫлӑхсӑр тӑрса юлнӑ.

✅ Депутатсен Пухăвӗнче Валерий Шигашев ӑна ҫак должноҫрен хӑтарма ыйтса ҫырнине сӳтсе явнӑ. Депутатсем ыйтнине тивĕçтернӗ.
Хальлĕхе Ҫӗмӗрле хулин пуҫлӑхӗн тивĕçне Эдуард Васильев пурнăçлӗ.

❗️Салам, юратнӑ Чӑваш Ен!

✅ Паян республикӑра улшăнса тăракан пӗлӗтлӗ ҫанталӑк пулать.

Сывлӑш температури -4 градусран пуҫласа -9 градуса ҫити сивӗ пулать.

Ҫил кӑнтӑр хӗвел анӑҫӗнчен ҫеккунтра 3-8 метр хӑвӑртлӑхпа вӗрет.

Атмосфера пусӑмӗ 745 мм,
сывлӑшри нӳрӗк 70 %.

❗️ Элӗк муниципалитет округĕн пуçлăхĕнче тӑрӑшнӑ Сергей Морозов ӗҫрен хӑтарма ыйтнӑ.

✅ Депутатсем ун ирӗкне тивĕçтернӗ. Чи кӑсӑкли - Сергей Морозов ку должноҫре 2 уйăх кӑна ӗҫлеме ӗлкӗрнӗ.
Элӗк муниципалитет округĕн пуçлăхĕн тивĕçне пурнăçлама вӑхӑтлӑх Лидия Никитинӑна шанса панӑ.

❗️Салам, юратнӑ Чӑваш Ен!

✅ Паян республикӑра улшăнса тăракан пӗлӗтлӗ ҫанталӑк пулать, вырӑн-вырăнпа юр ҫӑвать.

Сывлӑш температури 0 градусран пуҫласа -5 градуса ҫити сивӗ пулать.

Ҫил кӑнтӑр хӗвел анӑҫӗнчен ҫеккунтра 5-10 метр хӑвӑртлӑхпа вӗрет.

Атмосфера пусӑмӗ 740 мм. Сывлӑшри нӳрӗк 80%.