❗Паянхи куна.

✅1 доллар = 1 евро.
Кун пекки юлашки хутчен 2002 ҫулхи раштав уйӑхӗнче пулнӑччӗ.

❗Анне пулма ҫӑмӑл мар.

❗️Утă уйăхĕн 28-мĕшĕнче Шупашкара Сергей Радонежский преподобнăйĕн çĕрмен ӳчĕн пайне илсе килеççĕ.

✅ Сăваплă япалана курма, кĕл туса унран пулăшу ыйтма пĕр кун май килĕ.
Сергий Радонежскийĕн çĕрмен ӳтне Введени чиркĕвне вырнаçтараççĕ. Вӑл ҫав кун каçхи 10 сехетченех ĕçлĕ.
✅18 сехетре пачăшкăсем, Чӑваш Ен тата Шупашкар митрополичӗ Савватий ертсе пынипе, Сергий Радонежскийĕн çĕрмен ӳтне йӑтса Калинин урамне, çак преподобнăй ячĕпе çӗкленекен чиркӳ патне çитиччен утса тухĕç, ӑна асӑнса кĕлĕ вулĕç.

❗️Патăрьел районӗнчи Сăкăтра çĕнĕ тухтăр амбулаторине тăваççĕ.

✅ Калăпăшлӑ ĕçе «Сывлӑх сыхлавĕ» наци проекчĕ пулӑшнипе пурнăçлаççĕ. Строительсем хастар, кĕçех ĕçе вĕçлеççĕ. Планпа килĕшӳллĕн, вĕсен тухтăр амбулаторине çурла уйăхĕнче хута ямалла.

❗️Куславккасем вăхăтсăр пурнăçран уйрăлнă Юрий Шатунов юрăçа асăнса пултарулăх каçĕ ирттересшĕн.

✅ Çитес эрнекун Атăл хĕрринче концерт пулать.
Унта кашниех хутшӑнма, Юрий Шатуновӑн паллă юррисене шӑрантарма пултарать.

❗Аслă шкула вĕренме кĕрекенсене ГТО паллисем пулăшу кӳрĕç.

Абитуриентсене хушма балсемпе хавхалантарĕҫ.
✅Ку çăмăллăхпа мĕнле усă курмалла? Енчен те удостоверенине çухатнă е ГТО паллине тивĕçнине çирĕплетекен хушу çук пулсан мĕн тумалла?
Çак ыйтусене уçăмлатма ГТО комплексӑн регионти операторĕн ертӳçи Светлана Григорьева ыран уçă калаçу ирттерет.
✅ Тӳрĕ эфир «Контактра» социаллă тытăмри «Чăваш Республики» ушкăнра 14 сехетре пуçланать.

❗Хăяр тухăçлăхĕпе чылай вăхăт савăнтартăр тесен мĕн тумалла?

10 л шыва ӗне тислӗкӗнчен хатӗрленӗ шӗвек (1 л), кали сульфачӗ (1 апат кашăкĕ) ярса пӑтратмалла. Ҫак хутӑшпа ÿсен-тăрана кашни кун пĕрер литр шăвармалла.

❗Александр Конорев кӗҫӗн сержанта Раҫҫей Геройӗн ятне панӑ.

Вӑл Етӗрне районӗнчи Тури Мучар ялӗнче 1985 ҫулта ҫуралнӑ.
✅Сахалинта ҫар тивӗҫне пурнӑҫланӑ хыҫҫӑн контракта алӑ пуснӑ. Кавказри тата Сирири ҫар операцийӗсене хутшӑннӑ. Разведчик тата сапер пулнӑ.
✅Ҫӗртмен 17-мӗшӗнче Донбасри Краснополье ялӗнче паттӑррӑн пуҫ хунӑ. Александр пулемет расчетне тата 15 националиста тӗп тунӑ.

❗️Шупашкарти Чапаев поселокĕнче хупса хунă Чернышевски урамне утă уйăхĕн 15-мĕшĕнче кăна уçĕç.

✅ Общество транспорчĕ улӑштарнă йĕркепех çӳрĕ.

❗Шупашкарта пурăнакансене пыл хурчĕсем тапăннă.

Университет тата Граждан урамĕсенче пурăнакансем пулăшу ыйтса шыравпа çăлав службине шăнкăравланă. Специалистсем ятарлă тум тăхăнса пыл хурчĕсен çемйине пуçтарнă, вăрмана илсе кайнă.
✅Асăрхаттаратпăр: пыл хурчĕсен йышне курсан çывăха пымалла мар, тÿрех специалистсене чĕнмелле.

❗Юхăннине юсас вырăнне çĕнни туса лартĕç.

✅ Республикӑра тата икĕ ялта çӗнĕ фельдшерпа акушер пункчĕсем çĕклĕç: Вăрнар районĕнчи Кивĕ Шуртанра тата Елчĕк районӗнчи Шуршу ялĕнче.

❗️Куславкка районĕнчи ас тăвăм комплексĕ Яндекс-карта çинче те пур.

✅ Сăр тата Хусан хӳтĕлев чиккисене чавса тунă паттăрсене халалланă мемориала ҫак кунсенче интернетри карта çине Шупашкарти 31-мӗш шкулта вĕренекен Саша Архипов кĕртнĕ.

❗️Социаллă контракт пулăшăвне 100 пин тенкĕлĕх ӳстернĕ.

✅ Ку саккуна паян Министрсен Кабинечĕн ларăвĕнче ырланă. Малашне харпăр хăй ĕçне пуçарса ярас текенсене 250 пин вырăнне 350 пин тенкĕ парса хавхалантарĕç. Ял тӑрăхĕнче хушма хуçалӑх аталантарас текенсене 100 пин тенкĕ мар, 200 пин тенкĕлĕх тĕрев укçи парĕç. Аса илтеретĕп, социаллă контракт пулăшăвне сахал тупăшлă çынсене параççĕ.

❗️Усал çил-тăвăл алхаснине пула шар курнă 488 çынна 10-шар пин тенкĕ тӳлĕç.

Кун пирки Чрезвычайлă лару-тăру патшалăх комитечĕ пĕлтерет.
Çĕртме уйăхĕн 27-мĕшĕнче алхаснă çил-тăвăл тата аслатиллӗ çумăр чылай çынна сӑтӑр кӳнĕ: çуртсен тăррийĕсене сӳтсе антарнă, йывăçсене хуçса антарса автомобильсене çĕмĕрнĕ, электричество пралукĕсене татнă, пушар сăлтавĕ пулса тăнă. Уйрăмах Йĕпреç, Канаш, Комсомольски районĕнчи хуҫалӑхсене чылай инкек илсе килнĕ.
✅ Пулӑшӑва тивĕçес текенсенчен 488 заявлени çитнĕ. Укҫана кӗҫех ҫитерсе парӗҫ.

❗Паян - Куҫмапа Демьян кунӗ.

▶️ Пахчари ӗҫсемпе аппаланма ӑнӑҫлӑ кун. Авалтанпах утӑ типӗтсе кӗртмелли тапхăр пулнӑ.
▶️ Ҫырла пухмалли вӑхӑт. Халӗ шӑпах чи тутлӑ та сиплӗ ҫырла вӑхӑчӗ.
▶️ Хӗрсемпе хӗрарӑмсем паянхи кун пӗр-пӗр килте пухӑнса пурте пӗрле пӑтӑ пӗҫернӗ, кӑмӑллӑ калаҫнӑ, пӗр-пӗрне канаш-сӗнӳ панӑ.

❗Шупашкарти аэропортран самолетсем Сургута тата Сочине вĕçме тытăнĕç.

✅ Çак кунсенче авиамаршрутсене кам пурнăçласси паллă пулчĕ. Сургут хулине ЮВТ-Аэро компанин Суперджет 200 самолечĕ вĕçĕ. Эрнере икĕ рейс пулĕ. Вĕсене компани çурла уйăхĕн 1-мĕшĕнчен пуçласа раштав уйăхĕн 31-мĕшĕччен пурнăçлĕ.
✅ Сочи хулине вара «Северный ветер» компанин самолечĕ Боинг -737 -800 вĕçĕ. Ку маршрутпа эрнере икĕ рейс пурнăçланĕ. Вĕсемпе самолет юпа уйăхĕн 1-мĕшĕнчен пуçласа раштав уйăхĕн 31-мĕшĕччен вĕçĕ.

❗Сĕнтĕрвăрринче тата Куславккара пăрахутсем чарăнмалли ятарлă вырӑн тăвĕç.

✅ Ку — Атăлпа пыракан круиз теплохочĕсене çак хуласенче чарăнма май парĕ. Кашни пристань валли 100 миллиона яхăн тенкĕ уйӑрма палăртаççĕ. Вĕсене 2025-2026-мĕш çулсенче тума палăртса хунă.

❗Канаш районĕнчи Юмансар ялĕнче çĕнĕ культура çурчĕ çĕклеççĕ.

✅ 100 çынна йышăнма пултаракан клуба хăпартма «Культура» наци проекчĕпе 33 миллион тенкĕ уйăрнă.
Строительсем культура çурчĕн никĕсне хывнă, тăрăшсах стенасем купалаççĕ.
✅ Палӑртмалла, 2021-2026 ҫулсенче республикăра 25 культура çурчĕ çĕклеме, 55 клуба тĕпрен юсама палăртса хунă.

❗Пирĕн ентешсем Хусанта çамрăк спортсменсем хушшинче иртекен Раççей ӑмӑртӑвӗнче çитĕнӳ хыççăн çитĕнӳ тăваҫҫӗ.

✅ Виктория Максимова тата тепĕр «ылтăнпа» савăнтарчĕ. Малтанах вӑл 100 м дистанцире çĕнтерӳçĕ пулса тăнă, унтан вара 200 м дистанцире пуринчен малтан финиша çитнĕ.
✅ Унăн тантăшĕ Анна Красильникова 800 м дистанцире виççĕмĕш чупса тухнă, бронза медале тивĕçнĕ.
✅ Хӗрсенчен Александр Алексеев та юлас темен. 3000 м дистанцире финиша виççĕмĕш ҫитнӗ, "бронзӑна" тивĕçнӗ.
✅ Маттур хĕрсемпе каччӑсене тата вĕсен тренерĕсене чĕререн саламлатпăр!