🔸 Мария Горланова 102-мӗш ҫуралнӑ кунне кӗтсе илнӗ

Мария Николаевна Ҫӗмӗрле районӗнчи Кӗҫӗн Тӑван ялӗнче ҫуралнӑ. Вӑрҫӑ вӑхӑтӗнче вӑрман хатӗрленӗ, Сӑр патӗнче окоп чавнӑ. Вӑрҫӑ хыҫҫӑн ҫемье ҫавӑрнӑ, мӑшӑрӗпе 3 ача ҫуратса ӳстернӗ. Халӗ унӑн – 4 мӑнук, 6 кӗҫӗн мӑнук.

Саламлатпӑр!

✍️ Паянхи цитата

«Тĕллевсем улшăнсан пурнăç та улшăнать».

Тони Роббинс, çыравçă.

Паян мĕн палăртнине пурнăçа кĕртмелле пултăр!☀️

🔸 Шупашкарти тухтӑрсем ӑнсӑртран уксус ӗҫнӗ 70-ти хӗрарӑма ҫӑлнӑ

Вӑл пӗр апат кашӑкӗ 70% уксус ӗҫсе чутах вилмен: ҫӑварӗ, апат ҫулӗ пиҫсе кайнӑ. Васкавлӑ медпулӑшу тухтӑрӗсем хырӑмлӑхне тасатса, интенсивлӑ инфузиллӗ терапи туса унӑн пурнӑҫне ҫӑлнӑ.

🔸 Сакӑр ывӑлне пӗчченех ура ҫине тӑратнӑ Антонина Капсулова — 101 ҫулта

Антонина Михайловна Елчӗк районӗнчи Патреккел ялӗнче ҫуралса ӳснӗ. 5 ҫулта чухне тӑлӑха юлнӑ, ӑна ҫывӑх тӑванӗсем усрава илнӗ. Вӑрҫӑ вӑхӑтӗнче Антонина колхозра ӗҫленӗ. 1943 ҫулта Аслӑ Елчӗк каччипе Василипе ҫемье ҫавӑрнӑ. Анчах телейӗ нумая пыман: Антонина 42 ҫулта чухне упӑшки вилнӗ, вӑл пӗчӗк ачасемпе юлнӑ.

Саламлатпӑр!

✍️ Паянхи цитата

«Кашни ир - пурнăçа çĕнĕрен пуçламалли вăхăт».

Пауло Коэльо, прозаик.

Паянхи кун савăнăç парнелетĕр!☀️

🔸 Ҫуркунне мӗнле ҫанталӑк пулӗ?

Пуш уйӑхӗн пӗрремӗш вунӑ кунлӑхӗн вӗҫӗнче сивӗтӗ. Ҫапах вӑтам температура ытти ҫулхинчен сивӗрех пулӗ. Уйӑхӑн иккӗмӗш ҫурринче типӗ те хӗвеллӗ ҫанталӑк хуҫаланӗ.

Ака уйӑхӗ ытти чухнехинчен сивӗрех килӗ, нӳрӗк нумайрах пулӗ. Малтанлӑха палӑртнӑ тӑрӑх, ейӳ уйӑхӑн иккӗмӗш ҫурринче сарӑлӗ, мӗншӗн тесен пӗрремӗш ҫурринче сивӗ пулӗ.

Ҫу уйӑхӗ климат нормипе килӗшӳллӗн пулӗ: сывлӑш температурипе те, нӳрӗк тӗлӗшпе те.

✍️ Паянхи цитата

«Пĕрисем илемлĕ вырăн шыраççĕ. Теприсем хăйсем çав вырăна илем кÿреççĕ».

Хазрат Инайят Хан, мусăкçă.

Паянхи кун ырă самантсемпе пуян пултăр!☀️

🔸Чăваш Енре кăçалхи хĕлле çуралнă ачасене ытларах Матвей тата София ят панă

Çавăн пекех Михаил, Роман, Иван, Марк, Лев, Александр, Илья, Артем, Дмитрий ятлă арçын ача чылай çуралнă.

Хĕрачасене ытларах Ева, Мария, Анна, Полина, Мирослава, Екатерина, Александра, Варвара, Ксения тесе çыртарнă.

Сайра тĕл пулакан ятсем - Пётр, Серафим, Арслан, Иоанн, Ермак, Эвелина, Афина, Камила, Лия, Виталина.

🔸"Çĕр улми" куравра 33 тонна вăрлăх сутнă

Ку - пĕрремĕш кун кăна.

Асăннă курав ĕнер, пуш уйăхĕн 4-мĕшĕнче, Шупашкарти "МТВ-центрта" уçăлнă. Курава пынисем çĕр улмирен хатĕрленĕ 100 апат çисе курнă. Çавăн пекех вăрлăх туяннă. Сусăрсене, нумай ачаллисене, СВОна хутшăнакансене волонтерсем пулăшаççĕ, ăна килех леçсе параççĕ.

"Çĕр улми" курав паян юлашки кун ĕçлет.