❗Каҫал тӑрӑхӗнчи Урмаелте паян ҫӗнӗ мечӗт уҫӑлчӗ.

✅ Ӑна Рахимулла Миназетдинов ятне панӑ.
Мечӗте ял-йыш тата хастар усламçăсем пулӑшнипе ҫӗкленӗ.

❗Тепӗр эрнере шӑрӑх пулӗ.

Канмалли кунсенче Чӑваш Енре 21-26 градус ӑшӑ пулӗ. Вырсарникун вырӑнӑн-вырӑнӑн ҫумӑр ҫӑвӗ.
✅Тепӗр эрне варринче 30 градус таран шӑрӑх ҫанталӑк пуҫланӗ, каҫсерен 15-20 градус ӑшӑ пулӗ. Кӑнтӑрла хыҫҫӑн е каҫ еннелле аслатиллӗ ҫумӑр ҫума пултарать.
✅Ҫакнашкал шӑрӑх ҫанталӑк утӑ уйӑхӗн 12-мӗшӗччен тӑрӗ.

❗Ӗҫ мухтавĕн хулисем - пӗр карттӑ ҫинче.

✅ Паян тата ыран Шупашкарта Ӗҫ мухтавӗн хулисен форумӗ иртет.

❗Шупашкарта автомобиле лартмалли ятарлӑ вырăнсенче хак ӳстернӗ.

Паянтан автомобиле 1 сехетлӗх хӑварасси - 30 тенкӗ. Халиччен 10 тенкӗ пулнӑ.
✅ Чӑн малтанхи ҫур сехечӗ - тӳлевсӗр.

❗Паян - Зосим хурт-хӑмӑрҫӑ кунӗ.

Паянтан пыл хурчĕсем карассене пылпа тултарма тытăнаҫҫӗ, тенӗ. Ҫак тапхӑрта вӗсене чӑрмантармалла мар.

▶️ Хурт-хӑмӑрҫӑсен хӑйсен хурчĕсем пирки каласа пама, мухтанма юраман. Инкек пуласран хӑранӑ.
▶️ Пыл хурчĕсене шутлани те начар япала пулнӑ.
▶️ Паянхи кун пыл сутман. Ӗҫ ӑнма пӑрахасран, кил-ҫуртран тату пурнӑҫ тарасран хӑранӑ.

✅ Зосим хурт-хӑмӑрҫӑ - ҫемьесене сыхлаканскер. Паян пуҫарнӑ пысăк ӗҫсем яланах ӑнӑҫлӑ пулаҫҫӗ, тенӗ. Ҫурт никӗслесен - пӳрт ҫирӗп пуласса, ҫемье ҫавӑрсан - туслăхра, килӗшӳре пурăнасса ӗненнӗ.

❗️ Халăх сăнанинчен:

▶️ Пыл хурчĕсем ир-ирех ӗҫе пуҫӑннӑ, улӑха васкаҫҫӗ – хӗвеллӗ уяр ҫанталӑк пулать.
▶️ Ирпе сывлӑм ӳкмен каҫ кӳлӗм ҫумӑр пулать.
▶️ Эрешмен ҫӗнӗ карта хатӗрлени – уяр ҫанталӑка.

❗Муркаш районӗнчи Амаксар утравӗнче археологсем 10-мӗш ӗмӗрти вил тӑприне тупнӑ.

Ҫӗр айӗнче капӑрлӑхсем (пилӗк ҫыххисем, хӑлха ҫакки) упранса юлнӑ. Вӑхӑт чылай иртнипе бронза капӑрлӑхсем симӗсленнӗ. Ҫавӑн пекех тупнӑ япаласен йышӗнче – ҫӗҫӗ, пуртӑ, сӑнӑ. Вил тӑприсем пурте 10-11-мӗш ӗмӗрсемпе ҫыхӑннӑ, урлӑ-пирлӗ вырнаҫнӑ. Кунта хӑш халӑх ҫыннисене пытарни хальлӗхе паллӑ мар. Чӑваш тата мари археологӗсем малалла ӗҫлеҫҫӗ.

❗Чӑвашстат республикӑри чи пысӑк тупӑш кӳрекен профессисене палӑртнӑ.

Тӗрлӗ организацире тӑрӑшакансем уйӑхне вӑтамран 37 504 тенкӗ ӗҫлесе илеҫҫӗ.
✅Финанс тата страхлав ӗҫӗнче тӑрӑшакансен 1 уйӑхри ӗҫ укҫи 58 700 тенкӗпе танлашать.
✅Ӑслӑлӑх ӗҫӗнче тӑрӑшакансем 56 пин тенкӗ илеҫҫӗ.
✅Компьютер хатӗрлесе кӑларакансене 55 пин тенкӗ тӳлеҫҫӗ.
✅Информаципе ҫыхӑну сферинче тӑрӑшакансен ӗҫ укҫи вара – 53 пин тенкӗ.
✅Металлурги производствинче тӑрӑшакансене уйӑхне 50 пин тенкӗ тӳлеҫҫӗ.

❗"Победа" авиакомпани расписанийӗ улшӑннӑ.

Ку расписанипе самолетсем паянтан пуҫласа ҫурла уйӑхӗн 2-мӗшӗччен вӗҫӗҫ.
✅"ДП-460" Мускав (Внуково).
▫️Тунтикун-шӑматкун:
Шупашкара 9 сехет те 5 минутра ҫитӗ, Шупашкартан 9 сехет те 35 минутра тухӗ.
▫️Вырсарникунсерен:
Шупашкара 8 сехет те 50 минутра ҫитӗ, Шупашкартан 17 сехет те 10 минутра тухӗ.
✅Сочие каякан "ДП-358" рейс Шупашкартан вырсарникунсерен 9 сехет те 20 минутра вӗҫӗ. Тунтикун, юнкун тата эрнекун унчченхи вӑхӑтпах тухӗ.

❗Салтак юррине пӗлмен "салтаксем".

✅ Пур тӑрӑхра та ентешсем салтака кайма ят тухнӑ каччӑсене ҫара ӑсатаҫҫӗ.
Чӑвашсен ырӑ йӑлипе хӗсмете тӑма хатӗрленекен качча хул пуççи урлӑ ал шӑлли ҫакаҫҫӗ, ырӑ кун-ҫул, ӑнӑҫу сунса "сӗт ҫулӗпе кайса ҫу ҫулӗпе таврӑнма" сунаҫҫӗ.
✅ Салтак ачи ял тӑрӑх юлташӗсемпе юрлама тухать.
Ку видеора – Вӑрнар районĕнчи Малтикасси ачисем. Андриян Андриянова салтака ӑсатаҫҫӗ.

❗Пирӗн ачалӑх асамҫин, мультипликатор-ӳнерҫин, Раççей Федерацийĕн Президенчĕн Премийӗн лауреачӗн Леонид Шварцманӑн чӗри тапма чарӑннӑ...

Ӑна "Чебурашка", " Аленький цветочек", "38 попугаев", "Котенок по имени Гав", Снежная королева" тата нумай-нумай мультфильмӑн ашшӗ теме пулать.
Талантлă ӳнерҫӗ, пурӑннӑ пулсан, ҫурла уйăхĕнче 102 ҫула ҫитӗччӗ...

❗Паян - Мефоди кунӗ.

Паянхи кун сунарҫӑсем путене тытма тухнӑ. Ку - ҫӑмӑл ӗҫ мар. Шурӑ путене тытни - пысăк ӑнӑҫу шутланнӑ. Ҫак ҫын телейлӗ пулать, тесе ӗненнӗ.

✅ Паянхи кун ҫанталӑк мӗнле пуласси - питӗ пӗлтерӗшлӗ. Паян ҫумӑр ҫусан - йӗпе-сапа 40 куна тӑсӑлать, тенӗ. Вырма вӑхӑтӗнче те пӗрмаях ҫуса тӑрӗ.