ဖမ်းဆီးခံထားသော နွားထိုးကြီးလူငယ်သုံးဦး စစ်သားများ အရက်မူးနေချိန်တွင် ထွက်ပြေး လွတ်မြောက်လာ

မေ ‌၂၈၊ ၂၀၂၅

မန္တလေးတိုင်း၊ နွားထိုးကြီးမြို့နယ်တွင် စစ်တပ် ဖမ်းဆီးခြင်းခံထားရသည့် လူငယ်သုံးဦး စစ်သားများ အရက်မူးနေချိန်၌ ထွက်ပြေးလွတ်မြောက်လာကြောင်းသိရသည်။

မေလ ၂၇ရက်က နွားထိုးကြီးမြို့နယ်၊ မျက်ရှုကျေးရွာသို့ စစ်ကောင်စီတပ် ဝင်ရောက်တပ်စွဲပြီး လူငယ်ခုနှစ်ဦးကို ဖမ်းဆီးထားခဲ့ရာ ယင်းအနက်သုံးဦးမှာ ညရှစ်နာရီဝန်းကျင်တွင် ထွက်ပြေးလွတ်မြောက်လာကြောင်း ဒေသခံစစ်ဘေးရှောင်အမျိုးသားတစ်ဦးထံကသိရသည်။

" ညရှစ်နာရီလောက်မှာ သူတို့(စစ်သားများ)ရွာထဲကဘောက်တွေဖွင့် သောက်စားနေချိန် ထွက် ပြေးလာတယ်လို့သိရပါတယ်။ မိသွားတဲ့ခုနှစ်ယောက်ကလည်း ကိုးရီးယားဖြေထားတဲ့လူငယ်တွေ ပါဗျ။ သုံးယောက်တော့ ပြန်လွတ်လာပြီလို့ အတည်ပြုနိုင်ပါတယ်။ ကျန်တဲ့လေးယောက်ကအဆက်‌ သွယ်မရသေးတော့ လွတ်လား၊မလွတ်လားမသိရသေးဘူး" ဟု ၎င်းက MPA သို့ပြောသည်။

စစ်ကောင်စီတပ် ရွာထဲသို့ဝင်ရောက်လာချိန်တွင် ရွာခံများ ထွက်ပြေးသွားသော်လည်း ယင်းလူငယ်ခုနှစ်ဦးမှာ ရွာထဲသို့ ပစ္စည်းပြန်ဝင်ယူချိန်၌ ဖမ်းဆီးခံလိုက်ရကြောင်း သိရသည်။

ဆက်လက်ဖတ်ရှုရန် 👇👇

အမတ ၃၄၄ နဲ့ တစ်မိုင်ကျော်သာဝေးတဲ့ မိဿလင်ရွာပြင် ကာကင်းစခန်းမှာ တိုက်ပွဲဖြစ်

မေ ‌၂၈၊ ၂၀၂၅

ဧရာဝတီတိုင်း၊ ငသိုင်းချောင်းမြို့အနီးကအမြှောက် တပ် ၃၄၄ အနီး မိဿလင်ကျေးရွာ အပြင်ဘက် တောင်းကုန်းပေါ်မှာ ရှိတဲ့ ကာကင်းစခန်းကို မနေ့ညပိုင်းက အာရက္ခတပ်တော်က ဝင်ရောက် တိုက် ခိုက်ခဲ့ပြီး လက်နက်ကြီး လက်နက်ငယ် ပစ်ခတ်သံ အမြောက်အများ ပေါ်ထွက်ခဲ့တယ်လို့ သိရပါတယ်။

“ညမိုးချုပ်ပြီး ၇ နာရီ နဲ့ ၈ နာရီကြား စပစ်တာ။မြေပြင်ထိတွေ့ရော လက်နက်ကြီးအသံရော။ညက တော်တော်ကြမ်းတယ်”လို့ မိဿလင်ကျေးရွာအုပ်စုအတွင်း နေထိုင်သူ တဦးက DNA ကိုပြောပါတယ်။မနေ့က ညဦးပိုင်းကနေ သန်းခေါင်ကျော်အထိ ထိတွေ့တိုက်ပွဲ ဖြစ်ခဲ့ပေမယ့် ဒီနေ့မနက်ပိုင်းကနေ ညနေအထိတော့ ပစ်ခတ်သံ မကြားရဘူးလို့ ပြောပါတယ်။

ငသိုင်းချောင်းမြို့မှာ နေထိုင်သူ တဦးကလည်း မနေ့ညက ၃၄၄ အနီး ထိတွေ့တိုက်ပွဲသံထွက်ပေါ်ခဲ့တာကို အတည်ပြုခဲ့ပြီး လေးမျက်နှာမြို့နယ်ဘက်ကို တိုက်လေယာဉ်တစီး ပျံသန်းခဲ့တယ်လို့လည်း ပြောပါတယ်။

ဆက်လက်ဖတ်ရှုရန် 👇👇

ရွှေဘိုမြို့နယ်ရှိ ကျေးရွာ ၃ ရွာကို စစ်ကြောင်းထိုးလာသော စစ်ကောင်စီ တပ်သားများကို ဒရုန်းဖြင့် တိုက်ခိုက်မှု စစ်သား ၃ ဦး သေဆုံး

မေ ‌၂၈၊ ၂၀၂၅

စစ်ကိုင်းတိုင်း၊ ရွှေဘိုမြို့နယ် ကျေးရွာ ၃ ရွာကို စစ်ကြောင်းထိုးလာသော အကြမ်းဖက် စစ်ကောင်စီ တပ်သားများကို ဒရုန်းဖြင့် တိုက်ခိုက်ရာ စစ်သား ၃ ဦး သေဆုံးခဲ့ကြောင်း ဇာမဏီဒရုန်းတပ်ဖွဲ့ မှ တာဝန်ခံ ဗိုလ်တိုက်ဂါး က ရန်ကုန်ခေတ်သစ်သတင်းဌာနထံသို့ပြောဆိုသည်။

မေလ ၁၅ ရက်နေ့တွင် ရွှေဘိုမှ တံခွန်တိုင်၊ ကြောင်မန်းကန်၊ သစ်ချိုပင် ကျေးရွာများသို့ စစ်ကြောင်းထိုးလာသော အကြမ်းဖက်စစ်ကောင်စီတပ်သားများကို ဒရုန်းဖြင့် တိုက်ခိုက်ခဲ့ကြောင်းသိရှိရသည်။

ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သား စစ်သား ၃ ဦးသေဆုံးကာ တော်လှန်ရေး ရဲဘော်များအနေဖြင့် အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်းသိရှိရသည်။

ဆက်လက်ဖတ်ရှုရန် 👇👇