နွားထိုးကြီးပကဖမှ တပ်သားသစ်တွေ ခေါ်ယူနေ

ဧပြီ ၂၇၊ ၂၀၂၅

စစ်အာဏာရှင်စနစ် အမြစ်ဖြတ် ချေမှုန်းပြီး ဖက်ဒရယ်ပြည်ထောင်စု တည်ဆောက်ရေးအတွက် တော်လှန်ရေးပြီးဆုံးတဲ့အထိ တာဝန်ထမ်းဆောင်ဖို့အတွက် တပ်သားသစ်တွေ ခေါ်ယူနေတယ်လို့ နွားထိုးကြီး ပကဖ မှ ဒီနေ့ညမှာ ထုတ်ပြန်လိုက်ပါတယ်။

တပ်ရင်းကို ဝင်ရောက်လိုတဲ့ တပ်သားသစ်တွေ အနေနဲ့ နွားထိုးကြီးမြို့နယ်အတွင်း နေထိုင်ပြီး ကျန်းမာရေးကောင်းမွန်ကာ စိတ်ဓာတ်ကြံ့ခိုင်မှု ရှိတဲ့ အသက် (၁၈)နှစ် မှ (၃၅)နှစ် အတွင်း ရှိတဲ့ မူးယစ်ဆေးဝါးမသုံးစွဲပဲ လူမှုရေးပြစ်မှု ကင်းရှင်းသူ ဖြစ်ရမယ်လို့ ဆိုပါတယ်။

ဒါ့အပြင် မြို့နယ်ပြည်သူ့ကာကွယ်ရေးအဖွဲ့မှ ပေးအပ်တဲ့ တာဝန်တွေကို မည်သည့်အချိန်၊ မည်သည့်နေရာမှာမဆို ကျေပွန်စွာ ထမ်းဆောင်နိုင်ရမှာ ဖြစ်ပြီး ချမှတ်ထားတဲ့ စည်းမျဥ်းစည်းကမ်းတွေကို တိကျစွာ လေးစားလိုက်နာကာ ဖောက်ဖျက်ကျူးလွန်ပါက ပြစ်မှုအပေါ် မူတည်ပြီး ပြစ်ဒဏ်ပေးခြင်းကို ကျေနပ်စွာ ခံယူနိုင်ရမယ်လို့ ဆိုပါတယ်။

ဆက်သွယ်ဝင်ရောက်လိုတဲ့ တပ်သားသစ်တွေ အနေနဲ့ နွားထိုးကြီးပြည်သူ့ကာကွယ်ရေးအဖွဲ့(ပကဖ)ရဲ့ တရားဝင်အသုံးပြုနေတဲ့ Facebook page ဖြစ်တဲ့ https://www.facebook.com/natogyipakapha မှာ ဆက်သွယ်စုံစမ်းဝင်ရောက်နိုင်ပါတယ်။

PVTV 🕊

လေနွေးနှင့် လေအေးတွေ့ဆုံမှုကြောင့် ငလျင်ဒဏ်ခံရသည့်ဒေသများအပါအဝင် ဒေသအချို့မိုးကြီးနိုင်

ဧပြီ ၂၇၊ ၂၀၂၅

လေနွေးနှင့် လေအေးတွေ့ဆုံမှုကြောင့် လာမည့် ဧပြီ ၂၈ ရက်မှခြောက်ရက်အတွင်း ငလျင်ဒဏ်ခံရသည့်ဒေသများအပါအဝင် ဒေသအချို့မိုးကြီးနိုင်ကြောင်း စစ်ကောင်စီ၏ မိုးလေဝသနှင့် ဇလဗေဒညွှန်ကြားမှုဦးစီးဌာန(မိုး/ဇလ)က ယနေ့ ဧပြီ ၂၇ ရက် ညပိုင်းတွင် ထုတ်ပြန်သည်။

အနောက်ဘက်မှ ရွေ့လျားလာသော လေပွေလှိုင်းများ၏ အရှိန်၊ အရှေ့ဘက်မှ ရွေ့လျား လာသော လေပွေလှိုင်းများ၏ အရှိန်အပါအဝင် ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့မှ လေနွေးများနှင့် တရုတ်ပြည်မကြီးပေါ်ရှိ လေဖိအားကြီးရပ်ဝန်းဒေသမှ ရွေ့လျားလာသော လေအေးများတွေ့ဆုံမှုကြောင့် လာမည့်ဧပြီ ၂၈ ရက်မှ မေ ၃ ရက်အတွင်း အချိန်အခါမဟုတ်မိုးရွာမည်ဖြစ်ကြောင်း မိုး/ဇလ ထံမှ သိရသည်။

ဆက်လက်ဖတ်ရှုရန် 👇👇