KNU ထံပို့မည့် သေနတ်နှင့် ကျည်များ ချင်းမိုင်တွင်ဖမ်းမိ

ဧပြီ ၂၂၊ ၂၀၂၅

ချင်းမိုင်မြို့၊ တူးမြောင်းလမ်း (Canel Road) ပေါ်တွင် တိုယာတာပစ်ကပ် အနက်ရောင်ကားတစ်စီးကို ထိုင်းရဲတပ်ဖွဲ့က ရှာဖွေရာ မြန်မာတိုင်းရင်းသားတော်လှန်ရေးတပ်ဖွဲ့ တစ်ဖွဲ့ဖြစ်သည့် KNU ထံသို့ ပေးပို့မည့် သေနတ်နှင့် ကျည်များဖမ်းမိကြောင်း ထိုင်းသတင်းများတွင် ဖော်ပြသည်။

ဧပြီလ ၂၂ ရက် နေ့လည်ပိုင်းက ဖမ်းဆီးရမိခြင်းဖြစ်ပြီး ကားပေါ်တွင် ထိုင်းအမျိုးသား ၂ ဦးဖြစ်သည့် အသက် ၂၈ နှစ်အရွယ် ခရိုင်ဖတ်နှင့် အသက် ၂၇ နှစ်အရွယ် ခီတီပေါ့တို့ကို ၅.၅၆ မမ AR ရိုင်ဖယ် ၁၀ လက်၊ ကျည်ကတ် ၁၀ ခု၊ ၄၀ မမပစ် လောင်ချာ ၁၄ လက်တို့နှင့်အတူ ဖမ်းမိကြောင်း သိရသည်။

ဖမ်းမိသည့် ထိုင်းအမျိုးသား ၂ ဦးကို ရဲတပ်ဖွဲ့က ကနဦးစစ်ဆေးရာ ချင်းမိုင်ခရိုင်၊ ချန်ဖော့အရပ်ရှိ စတိုးဆိုင်တစ်ဆိုင်မှ မယ်ဟောင်ဆောင်ခရိုင်ရှိ KNU တပ်ဖွဲ့ထံ ပို့ဆောင်ခိုင်းခြင်း ဖြစ်ကြောင်း၊ ပို့ဆောင်ခအဖြစ် ဘတ် ၈ ထောင်မှ ၉ ထောင်အထိ ရရှိပြီး ယခုအကြိမ်မှာ ၃ ကြိမ်မြောက် ပို့ဆောင်ပေးခြင်းဖြစ်ကြောင်း သိရသည်။

ထိုင်းရဲတပ်ဖွဲ့က ဖမ်းဆီးရမိသူများကို စစ်ဆေးအရေးယူမှုများပြုလုပ်ပြီး ကွင်းဆက်များကို ဆက်လက်စုံစမ်းနေကြောင်း သိရသည်။

MKN 🕊

နောက်ပြန်မလှည့်ကြေး ဒီတော်လှန်ရေး လူထုသပိတ် စစ်ကြောင်းက စစ်အာဏာရှင် ချေမှုန်းရေး ချီတက် ဆန္ဒပြ

ဧပြီ ၂၂၊ ၂၀၂၅

ယင်းမာပင်မြို့နယ်တွင် နောက်ပြန်မလှည့်ကြေး ဒီတော်လှန်ရေး လူထုသပိတ် စစ်ကြောင်း ဦးဆောင်ကာ ဧပြီလ ၂၂ ရက်နေ့တွင် စစ်အာဏာရှင် ချေမှုန်းရေး ချီတက် ဆန္ဒပြခဲ့ကြောင်း သိရသည်။

KTM
𝐍𝐢𝐠𝐡𝐭𝐢𝐧𝐠𝐚𝐥𝐞 𝐂𝐡𝐚𝐧𝐧𝐞𝐥 🕊

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ

ဧပြီ ၂၂၊ ၂၀၂၅

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ် စစ်ကြောင်းသည် ဧပြီလ ၂၂ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြ ထုတ်ဖော်ခဲ့ကြကြောင်းသိရှိရသည်။

KTM
𝐍𝐢𝐠𝐡𝐭𝐢𝐧𝐠𝐚𝐥𝐞 𝐂𝐡𝐚𝐧𝐧𝐞𝐥 🕊

စလင်းနှင့် ခန္တီး တို့တွင် စစ်မှုထမ်း တပ်သားသစ် ၃ ဦးနှင့် စစ်ကောင်စီ တပ်သား ၁ ဦး တော်လှန်ရေး တပ်ဖွဲ့များထံ အလင်းဝင်

ဧပြီ ၂၂၊ ၂၀၂၅

မကွေးတိုင်း၊ စလင်းမြို့နယ်တွင် အကြမ်းဖက် စစ်တပ်၏ ၂၅၃ ၊ ၂၅၄ ၊ ၂၅၅ တပ်ရင်းမှ စစ်မှုထမ်း တပ်သားသစ် ၃ ဦး အလင်းဝင် ရောက်ခဲ့ကြောင်း ဒေါင်းစစ်အောင် (LPDF) တာဝန်ခံ ကိုထူးလေးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧပြီလ ၂၀ ရက်နေ့တွင် အကြမ်းဖက် စစ်တပ်၏ ၂၅၃ ၊ ၂၅၄ ၊ ၂၅၅ တပ်ရင်းမှ စစ်မှုထမ်း တပ်သားသစ် ၃ ဦးသည် လက်နက်ခဲယမ်းများ ယူဆောင်လာခြင်းမရှိဘဲ ဒေါင်းစစ်အောင် (LPDF) အဖွဲ့ထံ အလင်းဝင်ရောက် လာခဲ့ခြင်းဖြစ်ကြောင်း သိရှိရသည်။

ထိုသို့ အလင်းဝင်ရောက်လာသော စစ်မှုထမ်း တပ်သားသစ် ၃ ဦးသည် အကြမ်းဖက် စစ်တပ်၏ အတင်းအဓမ္မ လူသစ်စုဆောင်းခံရသူများဖြစ်ပြီး စစ်ကိုင်းနှင့် နေ‌ပြည်တော်တို့မှ ပေါ်တာဆွဲ ဖမ်းဆီးခံရသော လူငယ်များဖြစ်ကြောင်း သိရသည်။

ဆက်လက်ဖတ်ရှုရန် 👇👇