ရန်ကုန်-ပြည် လမ်းပိုင်းတွင် တိုက်ပွဲ ပြင်းထန်နေပြီး စစ်တပ်က လေယာဉ်ဖြင့် ရိုးမ အစပ်ရှိ ကျေးရွာများကို ဆက်တိုက် ဗုံးကျဲ ပစ်ခတ်နေ၊ မင်းလှမြို့ပေါ်တွင်လည်း စစ်တပ်က ခံစစ် ပြင်ဆင်ထားနေ

ဧပြီ ၂၂၊ ၂၀၂၅

ပဲခူးတိုင်း၊ ရန်ကုန်-ပြည် လမ်းပိုင်းတွင် တိုက်ပွဲ ပြင်းထန်နေပြီး အကြမ်းဖက် စစ်တပ်က လေယာဉ်ဖြင့် ရိုးမ အစပ်ရှိ ကျေးရွာများကို ဆက်တိုက် ဗုံးကျဲ ပစ်ခတ်နေပြီး မင်းလှမြို့ပေါ်တွင်လည်း စစ်တပ်က ခံစစ် ပြင်ဆင်ထားနေကြောင်း ဒေသတွင်း သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဧပြီလ ၂၂ ရက်နေ့ နံနက် ၁၀ နာရီ ကျော်ခန့်မှ စတင်၍ မင်းလှမြို့နယ် အပိုင် ရန်ကုန်-ပြည် လမ်းပိုင်းတွင် အကြမ်းဖက် စစ်တပ်နှင့် တော်လှန်ရေး တပ်ဖွဲ့များ တိုက်ပွဲစတင် ပြင်းထန်ခဲ့ခြင်းဖြစ်ကြောင်း သိရသည်။

ထိတွေ့ တိုက်ပွဲအတွင်း အကြမ်းဖက် စစ်တပ်ဘက်မှ ထိခိုက်သေဆုံးသူ များပြားခဲ့ပြီး စစ်သား အလောင်းများနှင့် ဒဏ်ရာရ စစ်သားများကို မင်းလှ ဆေးရုံသို့ ပို့ဆောင်နေကြောင်း၊ မင်းလှဆေးရုံတွင်လည်း ပြင်ပ လူနာများကို ဆက်လက် လက်ခံခြင်းမရှိတော့ဘဲ ဒဏ်ရာရ စစ်သားများကိုသာ ဆေးကုသရန် လုပ်ဆောင်နေကြောင်း သိရှိရသည်။

ဆက်လက်ဖတ်ရှုရန် 👇👇

စစ်ကောင်စီက ယာယီအပစ်အခတ်ရပ်စဲရေးကာလကို ဧပြီလ ၂၃ ရက်နေ့မှ ၃၀ ရက်နေ့အထိ ၇ ရက် ထပ်သက်တမ်းတိုး၊ ပထမ ရက် ၂၀ ကာလ အပစ်ရပ်ချိန် ပြည်သူ ၁၆၀ ဦးထက်မနည်းကို စစ်တပ်က ပစ်ခတ်သတ်ဖြတ်

ဧပြီ ၂၂၊ ၂၀၂၅

အကြမ်းဖက်စစ်ကောင်စီက ယာယီအပစ်အခတ်ရပ်စဲရေးကာလကို ဧပြီ ၂၃ ရက်မှ ၃၀ ရက်နေ့အထိ ၇ ရက်တာ သက်တမ်းတိုးလိုက်ကြောင်း ယနေ့ ညနေပိုင်း ကြေညာချက် ထုတ်ပြန်သည်။

စစ်ကောင်စီက ၇ ရက်တာ အပစ်ရပ်ကာလ သက်တမ်းတိုးမှုကို ငလျင်ဒဏ်သင့် ပြည်သူများကို ကူညီရေး အကြောင်းပြထားပြီး စစ်တပ်ကို တိုက်ခိုက်လာပါက ပြန်လည်တုံ့ပြန်တိုက်ခိုက်မည်ဟု ကြေညာထားသည်။

ပထအကြိမ် အပစ်ရပ်ကာလမှ ဧပြီလ ၂ ရက်နေ့မှ ဧပြီလ ၂၂ ရက်နေ့ အထိ ရက် ၂၀ ကြာ ကြာမြင့်ခဲ့ပြီး ယင်းကာလတွင် စစ်တပ်က ပြည်သူများကို လေယာဉ်ဖြင့် ဗုံးကျဲသတ်ဖြတ်ခြင်း၊ စစ်ကြောင်းထိုး သတ်ဖြတ်ခြင်း၊ လက် နက် ကြီးများ ပစ်ခတ်သတ်ဖြတ်ခြင်း အပါအဝင် စစ်တပ်၏ အကြမ်းဖက် တိုက်ခိုက်မှုကြောင့် ပထမအကြိမ် ယာယီ အပစ်ရပ်ကာလအတွင်း အနည်းဆုံး ပြည်သူ ၁၆၀ ဦးသေဆုံးကြောင်း ရန်ကုန်ခေတ်သစ်က ကောက်ယူထားသော စာရင်းဇယာများအရ သိရှိရသည်။

ဆက်လက်ဖတ်ရှုရန် 👇👇

ရှမ်းပြည်တောင်ပိုင်း ကျောက်ဂူနဲ့ တောင်ခန်းမှာ DPLA၊ TNLA တို့ စစ်ကောင်စီနဲ့တိုက်ပွဲဖြစ်ပွား

ဧပြီ ၂၂၊ ၂၀၂၅

ရှမ်းပြည်တောင်ပိုင်း ရပ်စောက်မြို့နယ်ရှိ ကျောက်ဂူကျေးရွာအနီးနဲ့ နောင်ချိုမြို့နယ် တောင်ခမ်း ကျေးရွာတွေမှာ ဓနုပြည်သူ့လွတ်မြောက်ရေးတပ်တော် (DPLA)၊ တအာင်းတပ် TNLA တို့နဲ့ စစ်ကောင်စီတို့ အပြင်းအထန်တိုက်ပွဲတွေဖြစ်ပွားနေပြီး မနေ့က ဧပြီလ ၂၁ ရက်နေ့မှာတော့ DPLAနဲ့ စစ်ကောင်စီတပ်တို့ ညနေ ၅ နာရီခွဲခန့်အထိ တိုက်ပွဲပြင်းထန်ခဲ့တယ်လို့ DPLA ရဲ့ထုတ်ပြန်ချက်အရ သိရပါတယ်။

ကျောက်ဂူတိုက်နယ် ကျေးရွာအနီးမှာ နေ့လယ် ၁၂ နာရီခွဲကတည်းက တိုက်ပွဲဖြစ်ပွားခဲ့တာဖြစ်ပြီး ၅ နာရီခန့်အထိ တိုက်ပွဲပြင်းထန်ကာ နှစ်ဖက်ထိခိုက်ကျဆုံးမှုတွေရှိတယ်လို့ သိရပါတယ်။

ဒါ့အပြင် တောင်ခမ်းကျေးရွာမှာလည်း TNLAနဲ့ DPLA တပ်တွေရှိရာကို စစ်ကောင်စီဘက်မှ အပြင်းအထန် ထိုးစစ်ဆင် တိုက်ခိုက်နေတာကြောင့် ယနေ့အချိန်ထိ တိုက်ပွဲတွေ ဖြစ်ပွားနေဆဲ ဖြစ်တယ်လို့ ဆိုပါတယ်။

ဆက်လက်ဖတ်ရှုရန် 👇👇

ဟားခါးတွင် တော်လှန်ရေးအဖွဲ့က စစ်ကောင်စီ၏ ရဲနှစ်ဦးကို ဖမ်းဆီး

ဧပြီ ၂၂၊ ၂၀၂၅

ချင်းပြည်နယ်၊ ဟားခါးမြို့တွင် စစ်ကောင်စီ၏ရဲနှစ်ဦးကို တော်လှန်ရေးအဖွဲ့ဖြစ်သည့် CDF-Hakha (Chinland Defense Force-Hakha)က ၂၀၂၅ ခုနှစ် ဧပြီလ(၂၁)ရက်နေ့တွင် ဖမ်းဆီးထားကြောင်း သတင်းထုတ်ပြန်သည်။

အဆိုပါရဲနှစ်ဦးမှာ ဒေသခံများထံမှ ငွေကြေးတောင်းခံမှုများရှိသည်ဟုလည်း သတင်းထုတ်ပြန်ချက်တွင် ဖေါ်ပြထားသည်၊

စစ်ကောင်စီ၏တပ်ဖွဲ့များမှ ထွက်ခွာလိုသူများအား လက်ခံပြီး လုံခြုံသည့်နေရာသို့ တာဝန်ယူပို့ဆောင်ပေးမည်ဖြစ်ပြီး အများပြည်သူအား ခြိမ်းခြောက်ငွေညှစ်ခြင်းစသည်တို့ ပြုလုပ်နေသည့် စစ်ကောင်စီတပ်ဖွဲ့ဝင်များကို ဖမ်းဆီးမည်ဟု CDF-Hakha က ကြေညာထားသည်။

ချင်းတော်လှန်ရေးအဖွဲ့ Chinland Defense Force (CDF) သည် နွေဦးတော်လှန်ရေးကာလအတွင်း ချင်းပြည်နယ်အတွင်း ဒေသအလိုက်အဖွဲ့များဖွဲ့စည်း၍ တော်လှန်ရေးမဟာမိတ်များဖြင့် ပူးပေါင်းကာ စစ်ကောင်စီကို တော်လှန်နေကြသည့်အဖွဲ့ဖြစ်သည်။

#TachileikNewsAgency
𝐍𝐢𝐠𝐡𝐭𝐢𝐧𝐠𝐚𝐥𝐞 𝐂𝐡𝐚𝐧𝐧𝐞𝐥 🕊

Photo: CDF-Hakha က ထုတ်ပြန်သည့် သတင်းဓါတ်ပုံဖြစ်ပါသည်။